ចម្លែក! នៅសុខៗគ្រឿងអលង្ការអណ្តែតមកទើរលើឆ្នេរ ផ្អើលមួយភូមិទៅរើស

វាពិតជាអាថ៌កំបាំងណាស់នៅពេលគ្រឿងអលង្ការមានតម្លៃជាច្រើនត្រូវបានគេឃើញរាយប៉ាយលើឆ្នេរសមុទ្រក្នុងភូមិនេសាទក្រីក្រមួយនៅប្រទេស វេណេហ្ស៊ូអេឡា។

អ្នកភូមិ Guaca ប្រមាណ២,០០០នាក់បានសម្រុកទៅស្វែងរកកំណប់ទ្រព្យនិងបានជីកកកាយដីខ្សាច់។

ចាប់តាំងពីចុងខែកញ្ញាមក ពួកគេបានរកឃើញគ្រឿងអលង្ការ ខ្សែដៃមាស ប្រាក់និងពេជ្ររាប់រយនិងមាសទាំងដុំៗដែលផុសមកលើឆ្នេរខ្សាច់។

មានរបាយការណ៍ថា អ្នកខ្លះបានលក់គ្រឿងអលង្ការដែលពួកគេរកឃើញបានក្នុងតម្លៃរហូតដល់ទៅ១,៥០០ដុល្លារឯណោះ។ នេះបើយោងតាមការចុះផ្សាយរបស់គេហទំព័រ ​​DNYUZ។

គ្មាននរណាម្នាក់ដឹងថា មាសទាំងនេះមកពីណាហើយវាអណ្តែតមកទើររប៉ាត់រប៉ាយលើឆ្នេរខ្សាច់ប្រវែងរាប់រយហ្វីតនេះដោយរបៀបណានោះទេ។

ភូមិ Guaca ធ្លាប់ជាមជ្ឈមណ្ឌលឧស្សាហកម្មកែច្នៃត្រីរបស់ប្រទេសវេណេហ្ស៊ូអេឡាតែឥឡូវនេះស្ថិតនៅក្នុងភាពក្រីក្របន្ទាប់ពីការបិទរោងចក្រវេចខ្ចប់ត្រីតូចៗភាគច្រើនរបស់ខ្លួន។

ឧបទ្វីប Paria ដែលជាទីតាំងរបស់ឆ្នេរខ្សាច់នេះគឺជាកន្លែងដែល Christopher Columbus មកដល់ដំបូងនៅឆ្នាំ១៤៩៨៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ សហរដ្ឋអាមេរិកគំរាមកម្ទេចមីស៊ីលដែលដឹកពីអ៊ីរ៉ង់ទៅវេណេហ្ស៊ូអេឡា

ចុចអាន៖ ថ្មធម្មជាតិ​ ៦០០០ ឆ្នាំ Lapis Lazuli នាំសំណាង យសស័ក្តិ និងការគោរពស្រលាញ់