ចុះតើអ្នកដឹងទេ នៅថ្ងៃទី២៣ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០១៥

គណិតវិទូជនជាតិអាមេរិក John Nash ដែលបានឈ្នះពានរង្វាន់ណូបែលសេដ្ឋកិច្ចឆ្នាំ១៩៩៤ សម្រាប់ការងារដ៏សំខាន់របស់គាត់លើទ្រឹស្តីហ្គេម និងជាអ្នកតស៊ូជាមួយនឹងជំងឺវិកលចរិក បានទទួលមរណភាពនៅអាយុ ៨៦ឆ្នាំ។

ឆ្នាំ២០០០

តារាចម្រៀងរ៉េបជនជាតិអាមេរិក Eminem បានចេញអាល់ប៊ុម The Marshall Mathers LP ដែលបានក្លាយជាអាល់ប៊ុមលក់ដាច់លឿនបំផុត ក្នុងប្រវត្តិសាស្ត្ររ៉េប។

ឆ្នាំ១៩៥១

ប្រទេសចិនបានកាត់យក ទីបេ ជាផ្លូវការ ជាតំបន់ស្វយ័ត ដែលបណ្តាលឲ្យមានចលនាឯករាជ្យទីបេ ដឹកនាំដោយសម្តេចសង្ឃ ដាឡៃឡាម៉ា។

ឆ្នាំ១៩១៥

ប្រទេសអ៊ីតាលី ​បាន​ប្រកាស​សង្រ្គាម​លើ​អូទ្រីស-ហុងគ្រី ដោយ​ចូល​ក្នុង​សង្រ្គាម​លោក​លើក​ទី១ នៅ​ខាង​សម្ព័ន្ធមិត្ត។

ឆ្នាំ១៦១៨

ព្រឹត្តិការណ៍ការពារទីក្រុង Prague ​បាន​កើត​ឡើង ដើម្បីជា​ការ​ឆ្លើយ​តប​ទៅ​នឹង​ការ​បៀតបៀន​សាសនា ដោយរួមចំណែកបង្កឲ្យមាន​សង្គ្រាមរយៈពេល​ ៣០​ឆ្នាំ។

ឆ្នាំ១៤៣០

វិរនារី Joan of Arc ត្រូវបានចាប់ខ្លួនដោយកុលសម្ព័ន្ធ Burgundians នៅជិតឃុំ Compiègne ក្នុងប្រទេសបារាំង៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ២១ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ២៣ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី២១ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ១៩៩១

អ្នកនយោបាយឥណ្ឌាលោក Rajiv Gandhi ដែលធ្លាប់ធ្វើជានាយករដ្ឋមន្ត្រីរបស់ប្រទេសនេះ ចាប់ពីឆ្នាំ១៩៨៤ ដល់១៩៨៩ ត្រូវបានគេធ្វើឃាតក្នុងការវាយប្រហារបំផ្ទុះគ្រាប់បែកអត្តឃាត។

ឆ្នាំ១៩៣២

អាកាសយានិកអាមេរិក Amelia Earhart បានក្លាយជាស្ត្រីដំបូងគេ ដែលបើកយន្តហោះទោលឆ្លងកាត់មហាសមុទ្រអាត្លង់ទិក។

ឆ្នាំ១៩៣០

នាយករដ្ឋមន្ត្រីអូស្រ្តាលី លោក Malcolm Fraser ចាប់កំណើត។

ឆ្នាំ១៩២៧

អាកាសយានិកជនជាតិអាមេរិកលោក Charles Lindbergh បានបញ្ចប់ការហោះហើរទោលមិនឈប់លើកដំបូង ឆ្លងកាត់មហាសមុទ្រអាត្លង់ទិក ដោយធ្វើដំណើរចេញពីទីក្រុងញូវយ៉កទៅកាន់ទីក្រុងប៉ារីស ក្នុងយន្តហោះទោល Spirit of Saint Louis រយៈពេលប្រហែល ៣៣.៥ម៉ោង។

ឆ្នាំ១៩២១

អ្នករូបវិទ្យាទ្រឹស្តីនុយក្លេអ៊ែរសូវៀត និងជាអ្នកតស៊ូមតិសិទ្ធិមនុស្ស Andrey Sakharov ដែល ឈ្នះរង្វាន់ណូបែលសន្តិភាពឆ្នាំ ១៩៧៥ បានកើតនៅទីក្រុងមូស្គូ។

ឆ្នាំ១៨៨១

លោកស្រី Clara Barton បានបង្កើតសមាគមកាកបាទក្រហមអាមេរិក ក្រោយមកគេហៅថា កាកបាទក្រហមអាមេរិក។

ឆ្នាំ១៨៧១

រដ្ឋាភិបាល Commune of Paris ​បាន​បះបោរ​ប្រឆាំង​នឹង​រដ្ឋាភិបាល​ជាតិ​បារាំង ​ក្រោម​ការ​ដឹកនាំ​របស់​លោក Adolphe Thiers ដោយ​ចាប់ផ្តើម​​អំពើ​ហិង្សា​ដែល​គេ​ស្គាល់​ថា “សប្តាហ៍​បង្ហូរឈាម”។

ឆ្នាំ១៥៤២

អ្នករុករកជនជាតិអេស្ប៉ាញ និងជាអ្នកសញ្ជ័យលោក Hernando de Soto បានទទួលមរណភាព ហើយត្រូវបានគេបញ្ចុះនៅក្នុងទន្លេ Mississippi រដ្ឋ Louisiana។ គាត់ជាជនជាតិអឺរ៉ុបដំបូងគេដែលរកឃើញទន្លេនេះ៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ២០ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ២១ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី២០ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០០២

ប្រទេសទីម័រខាងកើត ទទួលបានឯករាជ្យជាផ្លូវការ។

ឆ្នាំ១៩៤៧

តារា​ចម្រៀង​និង​ជា​តារា​សម្ដែង​អាមេរិក Cher បានចាប់កំណើត។

ឆ្នាំ១៩០២

ប្រទេសគុយបា ​ទទួល​បានឯករាជ្យ​ពី​សហរដ្ឋ​អាមេរិក ​ដែល​​កាន់កាប់​កោះ​នេះ​ក្នុង​ឆ្នាំ ១៨៩៩ បន្ទាប់​ពី​​យក​ឈ្នះ​អេស្ប៉ាញ​ ក្នុង​សង្រ្គាម​អេស្ប៉ាញ-អាមេរិក។

ឆ្នាំ១៨៨២

អាល្លឺម៉ង់, អូទ្រីស-ហុងគ្រី និងអ៊ីតាលី បានបង្កើតដោយសម្ងាត់ នូវសម្ព័ន្ធភាព Triple Alliance ដែលជាអង្គការសន្ធិសញ្ញាផ្តល់ការការពារទៅវិញទៅមក ប្រឆាំងនឹងការវាយប្រហារដោយមហាអំណាចអឺរ៉ុបផ្សេងទៀត រហូតដល់ប្រទេសអ៊ីតាលីចូលក្នុងសង្គ្រាមលោកលើកទីមួយ។

ឆ្នាំ១៨០៦

សេដ្ឋវិទូ និងជាទស្សនវិទូលោក John Stuart Mill កើតនៅទីក្រុងឡុងដ៍។

ឆ្នាំ១៧៨៤

ប្រទេសហូឡង់ បានអនុញ្ញាតឲ្យចក្រភពអង់គ្លេស កាន់កាប់ផ្នែកខ្លះនៃប្រទេសឥណ្ឌានិងឥណ្ឌូណេស៊ី នៅក្នុងកិច្ចព្រមព្រៀងដែលបានចុះហត្ថលេខាជាផ្នែកមួយនៃសន្ធិសញ្ញាសន្តិភាពទីក្រុងប៉ារីស៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៩ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ២០ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី១៩ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០១៨

ព្រះអង្គម្ចាស់ Harry បានរៀបអភិសេកជាមួយតារាសម្តែងជនជាតិអាមេរិក Meghan Markle នៅវិហារ St. George’s Chapel នៃប្រាសាទ Windsor Castle។

ឆ្នាំ១៩៩៤

Jacqueline Kennedy Onassis ដែលរៀបការជាមួយលោកប្រធានាធិបតី John F. Kennedy ក្លាយជាជំទាវទី១សហរដ្ឋអាមេរិក បានទទួលមរណភាពនៅអាយុ ៦៤ឆ្នាំ។

ឆ្នាំ១៩២៥

មេដឹកនាំមូស្លីមអាមេរិក Malcolm X បានចាបកំណើត។

ឆ្នាំ១៨៩០

លោក ហូ​ ជីមិញ បានចាប់កំណើត។ គាត់ជាស្ថាបនិកបក្សកុម្មុយនិស្តឥណ្ឌូចិន (ឆ្នាំ១៩៣០) និងជាប្រធានាធិបតី (ឆ្នាំ១៩៤៥ ដល់៦៩) នៃសាធារណរដ្ឋប្រជាធិបតេយ្យវៀតណាម (វៀតណាមខាងជើង)។

ឆ្នាំ១៨០២

ស្តេចណាប៉ូឡេអុង បានបង្កើត Legion of Honour ដែលជាច្បាប់កំពូលនៃសាធារណរដ្ឋបារាំង។

ឆ្នាំ១៦៤៣

ក្នុងកំឡុងសង្គ្រាមរយៈពេល៣០ឆ្នាំ កងទ័ពបារាំងដែលដឹកនាំដោយ Louis II de Bourbon បានយកឈ្នះអេស្ប៉ាញក្នុងសមរភូមិ Rocroi ដោយបញ្ចប់ការឡើងកាន់អំណាចយោធារបស់អេស្ប៉ាញនៅអឺរ៉ុប។

ឆ្នាំ១៥៧១

អ្នករុករកជនជាតិអេស្ប៉ាញ Miguel López de Legazpi បានបង្កើតទីក្រុងម៉ានីលក្នុងប្រទេស ហ្វីលីពីន។

ឆ្នាំ១៥៣៦

ដោយត្រូវបានគេរកឃើញថាមានកំហុសលើការចោទប្រកាន់ពីបទផិតក្បត់, ព្រះនាង Anne Boleyn ដែលជាមហេសីទីពីររបស់ស្តេច Henry ទី៨ នៃប្រទេសអង់គ្លេស និងជាព្រះមាតារបស់ម្ចាស់ក្សត្រី Elizabeth ទី១ ត្រូវបានគេកាត់សិរសា៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៨ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៩ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី១៨ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០១២

Facebook បានរៀបចំការស្នើសុំជាសាធារណៈលើកដំបូងរបស់ខ្លួន ដែលរៃអង្គាសប្រាក់បាន ១៦ពាន់លានដុល្លារ។

ឆ្នាំ២០០១

រឿងកំប្លែង Shrek បានចេញផ្សាយទូទាំងសហរដ្ឋអាមេរិក។ វាបានបន្តក្លាយជាភាពយន្តដំបូងគេដែលឈ្នះពានរង្វាន់ អូស្ការ សម្រាប់ភាពយន្តគំនូរជីវចលល្អបំផុត។

ឆ្នាំ១៩៨០

បន្ទាប់ពីការរញ្ជួយដីកម្រិត ៥.១រ៉ិចទ័រ, ភ្នំ St. Helens ក្នុងរដ្ឋ Washington បានផ្ទុះឡើង ដែលជាការផ្ទុះភ្នំភ្លើងដ៏ធំបំផុតដែលមិនធ្លាប់មានសោះ នៅអាមេរិកខាងជើង។

ឆ្នាំ១៩៧៤

ប្រទេសឥណ្ឌា បានបំផ្ទុះអាវុធនុយក្លេអ៊ែរនៅវាលខ្សាច់ Rajasthan។

ឆ្នាំ១៩៥៦

អ្នកឡើងភ្នំជនជាតិស្វីស Fritz Luchsinger និង Ernest Reiss បានឡើងភ្នំ Lhotse I ជាលើកដំបូងនៅតំបន់ ហិមាល័យ។

ឆ្នាំ១៩៥៣

អាកាសយានិកជនជាតិអាមេរិក Jacqueline Cochran បានក្លាយជាស្ត្រីដំបូងគេដែលបំបែករបាំងសំឡេង។

ឆ្នាំ១៩៤០

ទីក្រុង ព្រុចសែល បានធ្លាក់ទៅដៃកងទ័ពអាល្លឺម៉ង់នៅក្នុងសង្គ្រាមលោកលើកទី២ ហើយបានដាក់លក្ខខណ្ឌ កាន់កាប់យ៉ាងតឹងរ៉ឹង។

ឆ្នាំ១៩២០

សម្តេចប៉ាប John Paul ទី២ ប្រសូត។

ឆ្នាំ១៨៩៩

សន្និសីទអន្តរជាតិដំបូង ដែលបង្កើតអនុសញ្ញាទីក្រុងឡាអេ បានចាប់ផ្តើមនៅក្រុងឡាអេ នៃប្រទេសហូឡង់។

ឆ្នាំ១៨៦០

Abraham Lincoln បានក្លាយជាបេក្ខជនគណបក្សសាធារណរដ្ឋសម្រាប់ការបោះឆ្នោត ប្រធានាធិបតីសហរដ្ឋអាមេរិក។

ឆ្នាំ១៦៤២

ទីក្រុង Montreal ត្រូវបានបង្កើតឡើងដោយ Paul de Chomedey, sieur (lord) de Maisonneuve៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៧ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៨ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី១៧ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០០៤

Massachusetts បានក្លាយជារដ្ឋដំបូងគេរបស់សហរដ្ឋអាមេរិក ដែលអនុញ្ញាតឲ្យអាពាហ៍ពិពាហ៍ភេទដូចគ្នាក្លាយជារឿងស្របច្បាប់។

ឆ្នាំ១៩៩៦

ប្រធានាធិបតីសហរដ្ឋអាមេរិក លោក Bill Clinton បានចុះហត្ថលេខាលើច្បាប់ Megan ដែលតម្រូវឲ្យមន្ត្រីអនុវត្តច្បាប់ ជូនដំណឹងដល់សាលារៀនក្នុងតំបន់ មជ្ឈមណ្ឌលថែទាំពេលថ្ងៃ និងប្រជាពលរដ្ឋ អំពីវត្តមានរបស់ជនល្មើសផ្លូវភេទដែលបានកត់ឈ្មោះនៅក្នុងសហគមន៍របស់ពួកគេ។

ឆ្នាំ១៩៣៩

ព្រឹត្តិការណ៍កីឡាផ្សាយតាមទូរទស្សន៍ជាលើកដំបូងនៅក្នុងសហរដ្ឋអាមេរិក ត្រូវបានផ្សាយ លើទូរទស្សន៍ NBC ដែលជាការប្រកួតកីឡាបេស្បល រវាងក្រុម Princeton និង Columbia។

ឆ្នាំ១៧៩២

អំឡុងកិច្ចប្រជុំនៅអ្វីដែលបច្ចុប្បន្នជា Wall Street ក្នុងទីក្រុងញូវយ៉ក, អ្នកជំនួញចំនួន២៤នាក់ បានបោះជំហានដំបូងដើម្បីបង្កើតផ្សារហ៊ុនញូវយ៉ក។

ឆ្នាំ១៥១០

វិចិត្រករជនជាតិអ៊ីតាលី Sandro Botticelli ដែលជាវិចិត្រករដ៏អស្ចារ្យបំផុតម្នាក់ក្នុងរជ្ជកាល Florentine បានទទួលមរណភាព៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៦ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៧ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី១៦ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០០៧ – លោក Nicolas Sarkozy

អ្នកនយោបាយបារាំង លោក Nicolas Sarkozy បានស្បថចូលកាន់តំណែងជាប្រធានាធិបតីបារាំង។ ជាមួយការចាញ់ឆ្នោតអាណត្តិទី២ក្នុងឆ្នាំ២០១២ លោកបានក្លាយជាប្រធានាធិបតីបារាំងទីពីរ ដែលមិនអាចជាប់ឆ្នោតជាថ្មី ចាប់តាំងពីការបង្កើតសាធារណរដ្ឋទីប្រាំក្នុងឆ្នាំ ១៩៥៨មក។

ឆ្នាំ១៩៨៦ – Tom Cruise

ខ្សែភាពយន្ត Top Gun ត្រូវបានចាក់បញ្ចាំងក្នុងរោងកុនអាមេរិក ហើយវាបានធ្វើឲ្យ Tom Cruise ក្លាយជាតារាអន្តរជាតិ។

ឆ្នាំ១៩៧៥ – ស្ត្រីដំបូងគេឡើងដល់កំពូលភ្នំ Everest

អ្នកស្រី Tabei Junko ជនជាតិជប៉ុន អមដោយ Ang Tsering ជនជាតិនេប៉ាល់ បានក្លាយជាស្ត្រីដំបូងគេដែលបានឡើងដល់កំពូលភ្នំ Everest។

ឆ្នាំ១៩៦១ – យោធាដណ្ដើមអំណាចនៅកូរ៉េខាងត្បូង

យោធាបានដណ្ដើមអំណាចនៅកូរ៉េខាងត្បូង ដោយផ្ដួលរំលំសាធារណរដ្ឋទី២ ខណៈដែលលោកឧត្តមសេនីយ៍ Park Chung-Hee កាន់កាប់រដ្ឋាភិបាល រំលាយរដ្ឋសភា និងដាក់បម្រាមយ៉ាងតឹងរ៉ឹងលើសកម្មភាពនយោបាយ។

ឆ្នាំ១៩៤៣ – កងទ័ពណាស៊ី បង្ក្រាបការបះបោរ Warsaw Ghetto

កងទ័ពណាស៊ី បានបង្ក្រាបការបះបោរ Warsaw Ghetto រយៈពេលមួយខែ ដែលក្នុងនោះជនជាតិជ្វីហ្វប៉ូឡូញដឹកនាំដោយ Mordecai Anielewicz និងអង្គការប្រយុទ្ធជនជាតិជ្វីហ្វ បានទប់ទល់នឹងការនិរទេសទៅកាន់ជំរំសម្លាប់រង្គាល Treblinka។

ឆ្នាំ១៩២៩ – ពិធីប្រគល់ពានរង្វាន់អូស្ការ

ពិធីប្រគល់ពានរង្វាន់អូស្ការលើកដំបូងត្រូវបានធ្វើឡើង។ Janet Gaynor និង Emil Jannings បានឈ្នះពានតារាសម្តែងឆ្នើម។

ឆ្នាំ១៨៦៦ – នីកែល

សភាសហរដ្ឋអាមេរិក បានអនុម័តច្បាប់ដែលអំពាវនាវឲ្យបង្កើតកាក់ ៥សេនដែលផ្សំឡើងពីនីកែល និងទង់ដែង។ រូបិយប័ណ្ណនេះត្រូវបានគេស្គាល់ថា នីកែល។

ឆ្នាំ១៨០១ – Marie-Antoinette

Marie-Antoinette បានរៀបអភិសេកជាមួយអនាគតស្តេច Louis ទី១៦ នៃប្រទេសបារាំង៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៤ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៦ ឧសភា appeared first on Kampuchea Thmey Daily.

ចុះតើអ្នកដឹងទេ នៅថ្ងៃទី១៤ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ ១៩៨៤ – លោក Mark Zuckerberg

អ្នកសរសេរកម្មវិធីកុំព្យូទ័រជនជាតិអាមេរិក លោក Mark Zuckerberg ដែលជាសហស្ថាបនិកគេហទំព័របណ្តាញសង្គម Facebook បានចាប់កំណើត។

ឆ្នាំ ១៩៧៣ – ស្ថានីយ៍អវកាសដំបូងគេរបស់សហរដ្ឋអាមេរិក 

Skylab ដែលជាស្ថានីយ៍អវកាសដំបូងគេរបស់សហរដ្ឋអាមេរិក ត្រូវបានដាក់ឲ្យដំណើរការ។

ឆ្នាំ១៩៤៨ – ការប្រកាស​រដ្ឋ​អ៊ីស្រាអែល

មុន​ពេល​ការ​ផុត​អាណត្តិ​របស់​អង់គ្លេស​នៅ​ប៉ាឡេស្ទីន លោក David Ben-Gurion និង​ក្រុមប្រឹក្សា​ប្រជាជន​ជ្វីហ្វ ​បាន​ប្រកាស​បង្កើត​រដ្ឋ​អ៊ីស្រាអែល ដោយ​​បញ្ឆេះឲ្យមាន ​សង្រ្គាម​អារ៉ាប់-អ៊ីស្រាអែល​លើក​ដំបូង។

ឆ្នាំ១៨០៤ – បេសកកម្មដ៏ល្បីល្បាញ ទៅកាន់ឆ្នេរសមុទ្រប៉ាស៊ីហ្វិក

Meriwether Lewis និង William Clark បានចេញដំណើរពីតំបន់ Midwest អាមេរិក ក្នុងបេសកកម្មដ៏ល្បីល្បាញរបស់ពួកគេ ទៅកាន់ឆ្នេរសមុទ្រប៉ាស៊ីហ្វិកនៃអាមេរិកខាងជើង។

ឆ្នាំ ១៧៩៦ – អ្នកចាក់វ៉ាក់សាំងប្រឆាំងជំងឺអុតស្វាយ ដំបូងគេ

លោក Edward Jenner ចាក់វ៉ាក់សាំងប្រឆាំងជំងឺអុតស្វាយ ដំបូងគេ។

ឆ្នាំ ១៦៤៣ – ព្រះនាង Louis ទី១៤ ព្រះជន្ម៤ វស្សា 

ព្រះនាង Louis ទី១៤ ព្រះជន្ម៤ វស្សា បានឡើងសោយរាជ្យក្នុងប្រទេសបារាំង។

ឆ្នាំ ១៦០៧ – ការតាំងទីលំនៅអចិន្ត្រៃយ៍របស់អង់គ្លេស

ការតាំងទីលំនៅអចិន្ត្រៃយ៍របស់អង់គ្លេសដំបូងគេនៅអាមេរិកខាងជើង ត្រូវបានបង្កើតឡើងនៅតំបន់ Jamestown រដ្ឋ Virginia៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៣ ឧសភា

The post ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១៤ ឧសភា appeared first on Kampuchea Thmey Daily.