ផ្ដល់ជំនួយ Archives - Kampuchea Thmey Daily

ពលរដ្ឋរស់នៅក្រុងបាវិត រួមគ្នាជួយដល់វីរៈកងទ័ពជួរមុខ និងជនភៀសសឹកនៅព្រំដែន

អុន ស្រីមាន — Mon, 15 Dec 2025 10:28:04 +0000

នៅថ្ងៃចន្ទ ទី១៥ ខែធ្នូ ឆ្នាំ២០១៥ ពលរដ្ឋរស់នៅក្រុងបាវិត ខេត្តស្វាយរៀង បានរួមចំណែកជាថវិកា សម្ភារៈ គ្រឿងបរិភោគ ជាមួយរាជរដ្ឋាភិបាល ដើម្បីជួយដល់វីរៈកងទ័ពជួរមុខ និងប្រជាជនភៀសសឹកនៅតាមព្រំដែន ក្នុងអំឡុងពេលកម្ពុជារងការរំលោភបំពានពីថៃ។

ទឹកចិត្តរបស់ពលរដ្ឋខ្មែរពេលនេះ បានបង្ហាញឱ្យឃើញនូវកម្លាំងដ៏រឹងមាំនៃមហាសាមគ្គីជាតិខ្មែរក្នុងកាលៈទេសៈដែលប្រទេសជាតិកំពុងជួបប្រទះនឹងការលំបាកដោយសារការឈ្លានពានពីប្រទេសជិតខាង។

សកម្មភាពទាំងនេះ បានបង្ហាញនូវស្មារតីសាមគ្គីជាតិជាធ្លុងមួយ នៅពីក្រោយវីរៈកងទ័ព វីរៈនគរបាលជាតិគ្រប់រូបដែលកំពុងឈរជើងបំពេញបេសកកម្មយ៉ាងអង់អាចក្លាហានការពារដែនអធិបតេយ្យភាពនិងបូរណភាពទឹកដីរបស់កម្ពុជា។

ដោយ៖ភក្ដី

The post ពលរដ្ឋរស់នៅក្រុងបាវិត រួមគ្នាជួយដល់វីរៈកងទ័ពជួរមុខ និងជនភៀសសឹកនៅព្រំដែន appeared first on Kampuchea Thmey Daily.

រាជរដ្ឋាភិបាលជប៉ុន ផ្ដល់ជំនួយជាង ៦០ ម៉ឺនដុល្លារ លុបបំបាត់ហិង្សាលើកុមារតាមសាលារៀន

អ៊ិន ពិសី — Tue, 30 May 2023 06:54:49 +0000

រាជរដ្ឋាភិបាលជប៉ុន បានសម្រេចផ្ដល់ថវិកាសរុបចំនួន ៦៣៧.៨៣៨ ដុល្លារអាមេរិក ដល់ កម្ពុជា ដើម្បីលុបបំបាត់អំពើហិង្សាទៅលើកុមារនៅតាមសាលារៀន។

កិច្ចសន្យាផ្ដល់ជំនួយនេះ ត្រូវបានចុះហត្ថលេខា កាលពីរសៀលថ្ងៃទី ២៩ ខែឧសភា ដោយ លោក អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា និងអ្នកតំណាងស្ថាប័នទទួលជំនួយសម្រាប់អនុវត្តគម្រោង។

នៅក្នុងពិធីចុះហត្ថលេខាផ្ដល់ជំនួយ លោកឯកអគ្គរាជទូតជប៉ុន បានមានប្រសាសន៍ថា គម្រោងលុបបំបាត់អំពើហិង្សាលើកុមារតាមសាលារៀនក្នុងខេត្តកំពង់ចាម ឆ្នាំទី ២ នេះ អនុវត្តដោយអង្គការ Save the Children Japan លើសកម្មភាពលើកកម្ពស់ការយល់ដឹងដល់កុមារ ឪពុកម្ដាយ និងបុគ្គលិកអប់រំ បង្កើតប្រព័ន្ធការពារកុមារនៅតាមសាលារៀន និងតស៊ូមតិ ដើម្បីកិច្ចការពារកុមារតាមសាលារៀន ក្នុងគោលបំណងលុបបំបាត់អំពើហិង្សាលើកុមារតាមសាលារៀន។

លោកទូតបានបន្តថា តាមរយៈគម្រោងនេះ សិស្សប្រមាណ ១ ម៉ឺន ២ ពាន់នាក់ និងគ្រូបង្រៀនចំនួន ៤៤០ នាក់ នៃសាលារៀនគោលដៅ នឹងអាចទទួលបានអត្ថប្រយោជន៍ពីបរិស្ថានគ្មានអំពើហិង្សាដែលមានសុវត្ថិភាព និងមានលក្ខណៈបរិយាបន្នជាងមុន នឹងនាំឲ្យមានភាពប្រសើរឡើងនូវការលូតលាស់ប្រកបដោយសុខភាពល្អ និងសុខុមាលភាពរបស់កុមារ។

គួរបញ្ជាក់ថា រដ្ឋាភិបាលជប៉ុន បាននិងកំពុងផ្ដល់ជំនួយឥតសំណងដល់អង្គការក្រៅរដ្ឋាភិបាលជប៉ុន ចាប់តាំងពីឆ្នាំ ២០០២ ដើម្បីគាំទ្រគម្រោងអភិវឌ្ឍន៍សេដ្ឋកិច្ច និងសង្គមរបស់ពួកគេ ដែលត្រូវបានអនុវត្តនៅក្នុងប្រទេស ឬតំបន់កំពុងអភិវឌ្ឍន៍។

រយៈពេល ២០ ឆ្នាំ ចុងក្រោយនេះ ស្ថានទូតជប៉ុន បានផ្ដល់ជំនួយជាង ១៤០ គម្រោង ក្នុងប្រទេសកម្ពុជា តាមរយៈកម្មវិធីនេះ និងបានចូលរួមចំណែកដោយផ្ទាល់ក្នុងការកែលម្អគុណភាពជីវិតរបស់ប្រជាជនកម្ពុជា៕

អត្ថបទ ៖ សំអឿន

The post រាជរដ្ឋាភិបាលជប៉ុន ផ្ដល់ជំនួយជាង ៦០ ម៉ឺនដុល្លារ លុបបំបាត់ហិង្សាលើកុមារតាមសាលារៀន appeared first on Kampuchea Thmey Daily.

កម្ពុជាផ្តល់ជំនួយជាថវិកាចំនួន ១០ម៉ឺនដុល្លារអាមេរិកដល់តួកគី

Thoeun Vansong — Wed, 08 Feb 2023 06:10:33 +0000

នៅថ្ងៃទី៨ ខែកុម្ភៈនេះ រាជរដ្ឋាភិបាលកម្ពុជា បានប្រកាសផ្ដល់ជំនួយមនុស្សធម៌ ជាថវិការចំនួន ១០ម៉ឺនដុល្លារអាមេរិកដល់រដ្ឋាភិបាលតួកគីដែលកំពុងជួបគ្រោះរញ្ជួយដី ហើយបានធ្វើឲ្យមនុស្សបាត់បង់ជីវិត និងរងរបួសជាច្រើនម៉ឺននាក់។

ក្រសួងការបរទេសកម្ពុជា បានបញ្ជាក់យ៉ាងដូច្នេះថា «ក្នុងស្មារតីមិត្តភាព ភាពជិតស្និទ្ធ និងសាមគ្គីភាព រាជរដ្ឋាភិបាលកម្ពុជា បានសម្រេចបរិច្ចាគវិភាគទានជាថវិការចំនួន ១០០ ០០០ដុល្លារអាមេរិក ជាជំនួយមនុស្សធម៌ ដើម្បីជួយដល់កិច្ចខិតខំប្រឹងប្រែងជួយសង្រ្គោះ និងចូលរួមជួយសម្រាលទុក្ខលំបាករបស់រដ្ឋាភិបាលតួកគី»។

ក្រសួងការបរទេស បានសម្ដែងក្តីរន្ធត់បន្ទាប់ពីបានទទួលព័ត៌មានអំពីសោកនាដកម្មនៃការបាត់បង់ជីវិតប្រជាជនរាប់ពាន់នាក់ និងអ្នករងរបួសរាប់ម៉ឺននាក់ ព្រមទាំងការខូចខាតយ៉ាងដំណំ ដែលបង្កឡើងដោយគ្រោះរញ្ជួយដីកម្រិត ៧.៨ រ៉ិចទ័រ នៅខេត្តភាគអាគ្នេយ៍នៃសាធារណរដ្ឋតួកគី កាលពីថ្ងៃទី៦ ខែកុម្ភៈ ឆ្នាំ ២០២៣ កន្លងទៅ។

បន្ថែមពីនេះ រាជរដ្ឋាភិបាលកម្ពុជា ក៏បានសម្តែងនូវសមានចិត្តយ៉ាងជ្រាលជ្រៅបំផុត និងបានចូលរួមរំលែកទុក្ខយ៉ាងស្មោះស្ម័គ្រជូនចំពោះរដ្ឋាភិបាល និងប្រជាជនតួកគី ជាពិសេសក្រុមគ្រួសារនៃសព ព្រមទាំងបានប្រសិទ្ធពរសព្វសាធុការជូនចំពោះអ្នករងរបួសទាំងអស់ និងតំបន់នានាដែលរងផលប៉ះពាល់ សូមឆាប់ជាសះស្បើយ និងត្រូវបានស្តារឡើងវិញឆាប់រហ័ស៕

ដោយ៖ ធឿន វ៉ាន់សុង

The post កម្ពុជាផ្តល់ជំនួយជាថវិកាចំនួន ១០ម៉ឺនដុល្លារអាមេរិកដល់តួកគី appeared first on Kampuchea Thmey Daily.

ក្រុមហ៊ុន JTI បរិច្ចាគម៉ាស៊ីនវាស់កម្តៅ និងអាហារ ជូនកម្លាំងជួរមុខប្រយុទ្ធជំងឺកូវីដ-១៩

Sokhom Khon — Wed, 03 Mar 2021 02:37:09 +0000

ក្រុមហ៊ុនថ្នាំជក់ជប៉ុនអន្តរជាតិ JTI កម្ពុជា នៅព្រឹកថ្ងៃទី០៣ មីនា បានបរិច្ចាគម៉ាស៊ីនវាស់កម្ដៅ១៥០គ្រឿង ស្បៀង១ ០០០កញ្ចប់ ភេសជ្ជៈ ១០០កេស បដាអប់រំ ១០០ផ្ទាំង ជូនដល់អ្នកជួរមុខក្រុមគ្រូពេទ្យ កងកម្លាំងការពារ ព្រមទាំងអ្នកសម្អាតទីក្រុង ក្នុងការចូលរួមចំណែកទប់ស្កាត់ជំងឺរាតត្បាតកូវីដ-១៩ តាមរយៈរដ្ឋបាលរាជធានីភ្នំពេញ។

លោក ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងឱកាសនៃការទទួលសម្ភារៈខាងលើនេះបានថ្លែងអំណរគុណ និងកោតសរសើរដល់ក្រុមហ៊ុន JTI កម្ពុជា ដែលបានចូលរួមចំណែកឆ្លើយតបឲ្យទាន់ពេលវេលានៃសភាពការណ៍បច្ចុប្បន្ន ជាមួយរដ្ឋបាលរាជធានី និងរាជរដ្ឋាភិបាល ទប់ស្កាត់ជំងឺរាតត្បាតកូវីដ១៩នេះ។

លោក Roy Manalili អគ្គនាយកក្រុមហ៊ុន JTI កម្ពុជា បានមានប្រសាសន៍ថា JTI ពេញចិត្តចូលរួម ជាមួយអាជ្ញាធរ ក្នុងការចែករំលែក និងបង្ហាញនូវសន្តានចិត្តចំពោះអ្នកជួរមុខដែលលះបង់ និងខិតខំប្រយុទ្ធនឹងជំងឺរាតត្បាតដ៏កាចសាហាវមួយនេះ។

លោកបានបញ្ជាក់ថា «ការជួយសហគមន៍មានសារៈសំខាន់ណាស់សម្រាប់ JTI។ ដូច្នេះហើយ យើងតែងជំរុញឲ្យបុគ្គលិកចូលរួមស្ម័គ្រចូលរួមជួយកិច្ចការងារសង្គម»។

លោក បានឲ្យដឹងថា បុគ្គលិក JTI កម្ពុជា បានចូលរួមស្ម័គ្រចិត្តវេចខ្ចប់អាហារនិង ភេសជ្ជៈនេះ សម្រាប់អ្នកជួរមុខប្រយុទ្ធនឹងការរាតត្បាតជំងឺកូវីដ១៩៕

អត្ថបទ ៖ ស្រីរ័ត្ន

The post ក្រុមហ៊ុន JTI បរិច្ចាគម៉ាស៊ីនវាស់កម្តៅ និងអាហារ ជូនកម្លាំងជួរមុខប្រយុទ្ធជំងឺកូវីដ-១៩ appeared first on Kampuchea Thmey Daily.

កម្ពុជាកំពុងត្រៀមផ្តល់ជំនួយជាសម្ភារៈ និងបរិក្ខារប្រឆាំងកូវីដ-១៩ ទៅឲ្យប្រទេសនេប៉ាល់

Sorn Phanith — Tue, 29 Dec 2020 10:05:43 +0000

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានមានប្រសាសន៏ថា កម្ពុជាកំពុងត្រៀមផ្តល់ជំនួយជាសម្ភារៈ និងបរិក្ខារប្រឆាំងជំងឺកូវីដ-១៩ ទៅឲ្យប្រទេសនេប៉ាល់ ដោយសារតែប្រទេសនេះ ឆ្លងច្រើន។

សម្តេចអគ្គមហាសេនាបតីតេជោ ហ៊ុន សែន បានមានប្រសាសន៏តាមសារពិសេស ដែលត្រូវបានផ្សព្វផ្សាយតាមបណ្ដាញទូរទស្សន៍នាព្រឹកថ្ងៃទី២៩ ខែធ្នូ នេះថា “ពេលនេះយើងកំពុងត្រៀមផ្តល់ទៅឲ្យនេប៉ាល់ទៀត គឺកំពុងធ្វើលិខិតទៅនាយករដ្ឋមន្ត្រីនេប៉ាល់ ដោយសារតែឃើញប្រទេសនេប៉ាល់ឆ្លងច្រើនពេក ហើយពេលនេះកំពុងត្រៀមបញ្ជូនជំនួយទៅកាន់ប្រទេសនេប៉ាល់ ហើយរបៀបផ្តល់ជំនួយរបស់កម្ពុជា មិនចាំបាច់ឲ្យគេរវល់ទេ គឺដឹកយកទៅដល់តែម្តង។ យើងជាអ្នកក្រីក្រមិនអាចជួយអ្នកមានទេ យើងជួយអ្នកក្រដូចគ្នាសិន”។

បើតាមសម្តេចអគ្គមហាសេនាបតីតេជោ ហ៊ុន សែន កន្លងមកកម្ពុជាបានផ្តល់ជំនួយជាសម្ភារៈ និងបរិក្ខាប្រឆាំងជំងឺកូវីដ-១៩ ទៅឲ្យប្រទេសឡាវ មីយ៉ាន់ម៉ា និងទីម័រឡេស ហើយក៏មានអ្នកខ្លះឌឺដងថា គិតប្រជាជនខ្លួនឯងមិនបានផង ទៅគិតអ្នកដទៃ។ ចំណុចនេះសម្តេចបញ្ជាក់ថា កន្លងមកយើងបានផ្តល់ជំនួយទៅឲ្យបរទេសធំជាងនេះច្រើនដង ដោយផ្តល់ទាំងសាច់ឈាម និងអាយុជីវិតទៀតផង គឺការផ្តល់កងទ័ពទៅជួយប្រទេសជាមិត្ត ហើយពេលនេះនៅហ្វ្រិកកណ្តាលកំពុងរៀបចំបោះឆ្នោត ក៏មានកងទ័ពកម្ពុជានៅទីនោះដែរ កំពុងប្រយុទ្ធតទល់ជាមួយពួកឧទ្ទាម។ សម្តេចអះអាងថា នៅហ្វ្រិកកណ្តាល នៅប្រទេសម៉ាលី នៅប្រទេសស៊ូងដង់ខាងត្បូង និងនៅប្រទេសលីបង់ នាយទាហាន ពលទាហានរបស់យើងក៏ធ្លាប់ពលិកម្មផងដែរ។

សូមបញ្ជាក់ថា កន្លងមកកម្ពុជា ធ្លាប់បានផ្តល់ម៉ាស់ និងសម្ភារៈ បរិក្ខារប្រឆាំងកូវីដ-១៩ ទៅឲ្យប្រទេសឡាវ មីយ៉ាន់ម៉ា និងទីម័រឡេសផងដែរ ដែលក្នុងនោះ ជូនរដ្ឋាភិបាលឡាវរួមមាន៖ ម៉ាសចំនួន២លាន, ម៉ាសក្រណាត់ចំនួន ១០ម៉ឺន, ម៉ាស N95 ចំនួន២ម៉ឺន, វ៉ែនតាសុវត្ថិភាព ចំនួន២ម៉ឺន, សំលៀកបំពាក់សុវត្ថិភាព សម្រាប់មន្ត្រីសុខាភិបាល (ជាឈុត) ចំនួន២ម៉ឺនឈុត, ម៉ាស៊ីនវាស់កម្ដៅ ចំនួន៥០០, របាំងមុខចំនួន២ម៉ឺន, ឧបករណ៍ជំនួយការដកដង្ហើម សម្រាប់ប្រយោធនកម្ម ចំនួន២០, ទូរទស្សន៍តាមដានសុខភាពអ្នកជំងឺ និងសម្ភារបន្ទាប់បន្សំម៉ូដែល Vista 120 ចំនួន២០, ម្សៅថ្នាំក្លរ៉ាមីនប្រភេទB ៥០០កេស, ស្បែកជើងក៏វែងសុវត្ថិភាព ១ពាន់គូ, សាប៊ូលាងដៃ ២ពាន់គូ និងម៉ាសក្រណាត់១០ម៉ឺនផងដែរ ហើយត្រូវបានសម្តេចពិជ័យសេនា ទៀ បាញ់ ដឹកយកទៅជូនកាលពីថ្ងៃទី១៤ ខែវិច្ឆិកា ឆ្នាំ២០២០។

ចំណែករដ្ឋាភិបាលមីយ៉ាន់ម៉ា កម្ពុជាបានផ្តល់ម៉ាស់ក្រណាត់ ចំនួន២លាន និងសម្ភារៈវេជ្ជសាស្ត្រមួយចំនួនទៀត ហើយត្រូវបានលោក ម៉ម ប៊ុនហេង រដ្ឋមន្ត្រីក្រសួងសុខាភិបាល ដឹកយកទៅជូន នៅថ្ងៃទី២៦ ខែវិច្ឆិកា ឆ្នាំ២០២០ ដោយប្រើជើងយន្តហោះពិសេសចំនួន៣គ្រឿង។

ដោយឡែកប្រទេសទីម័រខាងកើត កម្ពុជាបានផ្តល់ម៉ាស់ចំនួន១លាន៥ម៉ឺន និងសម្ភារបរិក្ខារមួយចំនួនទៀតដូចជា វ៉ែនតាសុវត្ថិភាព, សម្លៀកបំពាក់សុវត្ថិភាពសម្រាប់មន្ត្រីសុខាភិបាល, ឧបករណ៍វាស់កម្ដៅ, របាំងមុខ, ម៉ាស៊ីនជំនួយដល់ការដកដង្ហើមសម្រាប់ប្រយោធនកម្ម, ទូរទស្សន៍តាមដានសុខភាពអ្នកជំងឺ និងសម្ភារបន្ទាប់បន្សំ, ម្សៅថ្នាំបាញ់សម្លាប់មេរោគ, ស្បែកជើងកវែងសុវត្ថិភាព និងសាប៊ូលាងដៃជាដើម ហើយបានដឹកតាមយន្តហោះពិសេសចាកចេញពីរាជធានីភ្នំពេញ នៅវេលាម៉ោង៥ព្រឹក នៅថ្ងៃទី០២ ខែធ្នូ ឆ្នាំ២០២០ ដើម្បីយកទៅប្រគល់ជូនរដ្ឋាភិបាលប្រទេសទីម័រខាងកើត (ទីម័រឡេស្ត) ដឹកនាំដោយលោក អ៊ុច បូររិទ្ធ រដ្ឋលេខាធិការប្រចាំការក្រសួងការបរទេសកម្ពុជា៕

អត្ថបទ៖ កោះកែវ

សូមចុចអាន៖ ច្រកទ្វារចំនួនបីសម្រាប់កម្ពុជា ទិញវ៉ាក់សាំងកូវីដ-១៩

The post កម្ពុជាកំពុងត្រៀមផ្តល់ជំនួយជាសម្ភារៈ និងបរិក្ខារប្រឆាំងកូវីដ-១៩ ទៅឲ្យប្រទេសនេប៉ាល់ appeared first on Kampuchea Thmey Daily.

ម្ចាស់កសិដ្ឋានមួយរៀបចំម្ហូបអាហារនិងភេសជ្ជ:ជូនដល់ក្រុមគ្រូពេទ្យជួរមុខនៅមណ្ឌលសុខភាពចាក់អង្រែ

Sokhom Khon — Fri, 25 Dec 2020 09:52:39 +0000

ម្ចាស់កសិដ្ឋានផ្សិតខេមា(ផ្សិតទឹកដោះគោ)នៅថ្ងៃទី២៥ ខែធ្នូ ឆ្នាំ២០២០នេះបានរៀបចំម្ហូបអាហារនិងភេសជ្ជៈជូនដល់គ្រូពេទ្យជួរមុខ និងបុគ្គលិកទាំងអស់ នៅមណ្ឌលសុខភាពចាក់អង្រែដែលកំពុងបំរើការងារ ក្នុងការផ្តល់សេវាថែទាំ និងព្យាលបាលជំងឺកូវីដ-១៩។

មណ្ឌលសុខភាពចាក់អង្រែ គឺជាមណ្ឌលសំខាន់ទី២ នៅក្នុងនៅប្រទេសកម្ពុជា បន្ទាប់ពីមន្ទីរពេទ្យខ្មែរសូវៀត ក្នុងការផ្តល់សេវាព្យាលបាលនិងថែទាំអ្នកជំងឺដែលបានឆ្លងមេរោគកូវីដ-១៩។

លោក ទាសុខឈួន ជាម្ចាស់កសិដ្ឋានផ្សិតខេមា បានឲ្យដឹងថា ការដែលលោកនិងភរិយារៀបចំម្ហូបអាហារនិងភេសជ្ជៈជូនដល់គ្រូពេទ្យជួរមុខនិងបុគ្គលិកទាំងអស់នៅមណ្ឌលសុខភាពចាក់អង្រែនេះ គឺដើម្បីចូលរួមលើកទឹកចិត្តក៏ដូចជាកម្លាំងចិត្តដល់ក្រុមគ្រូពេទ្យជួរមុខដែលបានលះបង់ជីវិតក្នុងការជួយថែទាំនិងព្យាបាលអ្នកជំងឺកូវីដ១៩ឲ្យបានជាសះស្បើយ ដែលរហូតមកដល់ពេលនេះ កម្ពុជានៅមិនទាន់មានអ្នកជំងឺណាម្នាក់ស្លាប់ ដោយសារជំងឺកូវីដ១៩នៅឡើយទេ។

ប្រធានក្រុមគ្រូពេទ្យជួរមុខវគ្គទី១៤ នៅប្រចាំការក្នុងមណ្ឌលសុខភាពចាក់អង្រែបានថ្លែងនៅអំណរគុណយ៉ាងជ្រាលជ្រៅចំពោះ លោក ទា សុខឈួន និងភរិយា ដែលជាម្ចាស់កសិដ្ឋានផ្សិតខេមា

(ផ្សិតទឹកដោះគោ) ដែលបានរៀបចំម្ហូបអាហារ និងភេសជ្ជៈ ជូនដល់គ្រូពេទ្យនិងបុគ្គលិកទាំងអស់នាពេលនេះ។

ប្រធានក្រុមគ្រូពេទ្យជួរមុខវគ្គទី១៤ បានកោតសរសើរ ចំពោះទឹកចិត្តធំធេងក្នុងការឧបត្ថម តាមរយៈកិច្ចការងារមនុស្សធម៌ ក៏ដូចជាការងារសង្គមផ្សេងៗ ដែលទង្វើនេះស្របតាមការប្រកាសរបស់ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងការចូលរួមចំណែករួមគ្នា តិចឬច្រើន ពីគ្រប់ភាគីក្នុងការប្រយុទ្ធប្រឆាំងទៅនឹងជំងឺកូវីដ១៩ ព្រមទាំងជាសក្ខីភាពនៃទឹកចិត្តជ្រះថ្លារបស់សប្បុរសជន ដោយបានបង្ហាញពីស្មារតីនៃការចែករំលែក និងកម្លាំងសាមគ្គីគ្នារបស់ប្រជាជនខ្មែរ។

គួរបញ្ជាក់ថា គិតត្រឹមម៉ោង៧នាទីព្រឹកថ្ងៃទី២៥ ខែធ្នូ ឆ្នាំ២០២០នេះនៅកម្ពុជាបានរកឃើញអ្នកឆ្លងកូវីដ១៩ សរុបចំនួន៣៦៣នាក់ ក្នុងនោះព្យាបាលជាសះស្បើយចំនួន៣៥៤នាក់ និងអ្នកជំងឺ៩នាក់កំពុងសម្រាកនៅមន្ទីរពេទ្យវិញ៕

អត្ថបទ ៖ សំអឿន

The post ម្ចាស់កសិដ្ឋានមួយរៀបចំម្ហូបអាហារនិងភេសជ្ជ:ជូនដល់ក្រុមគ្រូពេទ្យជួរមុខនៅមណ្ឌលសុខភាពចាក់អង្រែ appeared first on Kampuchea Thmey Daily.

ចិនផ្តល់សម្ភារៈ និងបរិក្ខារ កាត់បន្ថយការបញ្ចេញកាបូន ដែលមានតម្លៃប្រមាណ៣លានដុល្លារ

Sokhom Khon — Tue, 22 Dec 2020 03:31:12 +0000

លោក សាយ សំអាល់ រដ្ឋមន្ត្រីក្រសួងបរិស្ថាន និងលោក Wang Wentian ឯកអគ្គរដ្ឋទូតចិនប្រចាំកម្ពុជា បានចូលរួមជាអធិបតីភាពពិធីប្រគល់សម្ភារៈជានិមិត្តរូបដែលជាជំនួយរបស់ក្រសួងអេកូឡូស៊ី និងបរិស្ថាន នៃប្រទេសចិនតាមរយៈក្រុមហ៊ុន Spark Co., Ltd ហើយពិធីនេះ ធ្វើឡើងកាលពីថ្ងៃទី២១ ខែធ្នូ ឆ្នាំ២០២០ នៅទីស្តីការក្រសួងបរិស្ថាន។

តាមរយៈអនុស្សរណៈកាត់បន្ថយកាបូន ក្រសួងអេកូឡូស៊ីនិងបរិស្ថាន តាមរយៈក្រុមហ៊ុន Spark Co., Ltd, បានផ្តល់ឱ្យក្រសួងបរិស្ថានកម្ពុជានូវសម្ភារមួយចំនួន រួមមាន អំពូលបំភ្លឺផ្លូវចំនួន២៨០០ដើម សូឡា PV ចំនួន២០០គ្រឿង ម៉ូតូអាគុយចំនួន២០០គ្រឿង និងឧបករណ៍សម្រាប់មន្ទីរពិសោធន៍ត្រួតពិនិត្យគុណភាពខ្យល់ចំនួន២០សម្រាប់ សរុបជាទឹកប្រាក់ប្រមាណ៣លានដុល្លាសហរដ្ឋអាមេរិក។

ជំនួយជាសម្ភារៈ និងបរិក្ខាកាត់បន្ថយការបញ្ចេញកាបូនខាងលើនេះ បានផ្តល់ជូនមកប្រទេសកម្ពុជា តាមរយៈអនុស្សរណៈយោគយល់គ្នា ស្តីពីកិច្ចសហប្រតិបត្តិការគម្រោងសាកល្បងបញ្ចេញកាបូនតិចនៅខេត្តព្រះសីហនុ ដែលបានចុះហត្ថលេខាកាលពីឆ្នាំកន្លងទៅ រវាងក្រសួងបរិស្ថាននៃព្រះរាជា ណាចក្រកម្ពុជា និងក្រសួងអេកូឡូស៊ី និងបរិស្ថាន នៃសាធារណរដ្ឋប្រជាមានិតចិន។ តាមរយៈកិច្ចសហប្រតិបត្តិការនេះ ក្រសួងបរិស្ថានសូមលើកទឹកចិត្តដល់តួអង្គពាក់ព័ន្ធទាំងអស់ សូមចូលរួមសកម្មភាពលើកកម្ពស់ការយល់ដឹងអំពីបរិស្ថាន ពង្រឹងសមត្ថភាពបង្ការ ទប់ស្កាត់ និងចាត់វិធានការកាត់បន្ថយការប្រែប្រួលអាកាសធាតុនៅប្រទេសកម្ពុជា ដើម្បីនិរន្តរភាពទីក្រុងស្អាត មានមេត្រីភាពបរិស្ថាន ទីក្រុងបៃតង ដើម្បីភាពសុខដុមរមនាបរិស្ថាន និងការស់នៅដោយចីរភាព។

លោក Wang Wentian ឯកអគ្គរដ្ឋទូតចិនប្រចាំកម្ពុជាបានថ្លែងថា ជំនួយជាសម្ភារៈទាំងនេះ គឺជាការរឹតចំណងមិត្តភាពរវាងប្រទេសទាំងពីរ ហើយនឹងជួយប្រទេសកម្ពុជាលើផ្នែកវិស័យបរិស្ថាន។

ជាការឆ្លើយតប លោក សាយ សំអាល់ រដ្ឋមន្ត្រីក្រសួង បរិស្ថានបានថ្លែងអំណរគុណចំពោះក្រសួងអេកូឡូស៊ីនិងបរិស្ថាននៃប្រទេសចិនដែលបានផ្តល់ជំនួយសម្ភារៈនេះ។ លោករដ្ឋមន្ត្រីបានថ្លែងថា សម្ភារៈបំភ្លឺខាងលើនឹងត្រូវដាក់ឱ្យប្រើនៅតាមទីសាធារណៈក្នុងខេត្តព្រះសីហនុ ជាពិសេសនៅបំភ្លឺនៅតាមសាលារៀននានា ក្នុងខេត្តព្រះសីហនុ ហើយក៏ដើម្បីអនុញ្ញាតឱ្យសិស្សានុសិស្សបាន សិក្សាពីសម្ភារៈប្រើប្រាស់ថាមពលព្រះអាទិត្យ ក៏ដូចជាជួយបំភ្លឺកន្លែងហាត់កីឡានានា។

បើតាមលោក សាយ សំអាល់ គោលដៅសំខាន់ គឺធ្វើឱ្យឪពុកម្តាយសិស្សវិលត្រឡប់មកសាលារៀនដើម្បីហាត់កីឡា និងមានឱកាសអាចជជែកពិភាក្សាជាមួយលោកគ្រូអ្នកគ្រូ។ លោកបន្តថាម៉ូតូអាគុយ និងឧបករណ៍សម្រាប់ត្រួតពិនិត្យគុណភាពខ្យល់ តម្រូវបានយកមកប្រើប្រាស់នៅទីស្តីការក្រសួងបរិស្ថាន នៅមន្ទីពិសោធន៍ និងតាមទីតាំងត្រួតពិនិត្យតាមដានរបស់ក្រសួងបរិស្ថាន។

សូមបញ្ជាក់ថា ចាប់តាំងពីឆ្នាំ២០១៥ ដល់ ២០២០ ក្រសួងបរិស្ថាននៃព្រះរាជាណាចក្រកម្ពុជា សម្រេចបានអនុស្សរណៈយោគយល់ និងកិច្ចព្រមព្រៀងជាមួយស្ថាប័នសំខាន់ៗនៃសារធារណៈរដ្ឋប្រជាមានិតចិនចំនួន៨ គ្រប់ដណ្តប់លើ១. កិច្ចសហប្រតិបត្តិការគាំពារបរិស្ថានកម្ពុជ-ចិន ២. ការបង្កើតការិយាល័យរៀបចំមជ្ឈមណ្ឌលកិច្ចសហប្រតិបត្តិការបរិស្ថានកម្ពុជា-ចិន ៣. ការផ្ដល់ជំនួយឧបករណ៍ប្រព្រឹត្តកម្មទឹកកខ្វក់ ៤. កិច្ចសហប្រតិបត្តិការសាកល្បងក្នុងការអភិរក្សជីវចម្រុះ និងប្រព័ន្ធអេកូឡូស៊ី ៥. ការរៀបចំមន្ទីរពិសោធន៍សហប្រតិបត្ដិការ កម្ពុជា-ចិន ៦. ការរៀបចំតំបន់បញ្ចេញកាបូនតិច និង៧. ការផ្ដល់ជំនួយស្ថានីយតាមដានគុណទឹកស្វ័យប្រវត្តិជាដើម៕

អត្ថបទ ៖ កោះកែវ

The post ចិនផ្តល់សម្ភារៈ និងបរិក្ខារ កាត់បន្ថយការបញ្ចេញកាបូន ដែលមានតម្លៃប្រមាណ៣លានដុល្លារ appeared first on Kampuchea Thmey Daily.

ក្រុមហ៊ុនឯកជន ផ្តល់ផលិត ផលប្រយុទ្ធប្រឆាំងជំងឺកូវីដ-១៩ មករដ្ឋបាលរាជធានីចំនួន៨២០កេសស្មើនឹងទឹកប្រាក់ប្រមាណ១៦០០០ដុល្លារ

Sokhom Khon — Mon, 21 Dec 2020 05:10:26 +0000

ផលិតផលសម្លាប់មេរោគ ដែលមានទាំង ជែលលាងដៃនឹងសាប៊ូបោកខោអាវ សរុបចំនួន៨២០កេសស្មើនឹងទឹកប្រាក់ប្រមាណ១៦០០០ដុល្លារ(មួយម៉ឺនប្រាំមួយពាន់ដុល្លារ) ត្រូវបានក្រុមហ៊ុនយូនីលីវើ(ខេមបូឌា)លីមីតធីត ប្រគល់ជូនមករដ្ឋបាលរាជធានីភ្នំពេញ ដើម្បីឲ្យរដ្ឋបាលរាជធានីភ្នំពេញបែង ចែកជូនដល់មន្ត្រីជួរមុខ ក្នុងការប្រយុទ្ធប្រឆាំងនឹងជំងឺកូវីដ-១៩ នៅក្នុងរាជធានីភ្នំពេញ ខណៈដែលជំងឺនេះនៅតែបន្តការរីករាលដាលនៅក្នុងរាជធានីភ្នំពេញនៅឡើយ។

ពិធីប្រគល់និងទទួលខាងលើនេះបានធ្វើឡើងនាព្រឹកថ្ងៃទី២១ ខែធ្នូ ឆ្នាំ២០២០ ក្រោមវត្តមាន លោកឃួង ស្រេង អភិបាលនៃគណៈអភិបាលរាជធានីភ្នំពេញ និងតំណាងក្រុមហ៊ុនយូនីលីវើ(ខេមបូឌា)លីមីតធីត នៅសាលារាជធានីភ្នំពេញ ។

តំណាងក្រុមហ៊ុន យូនីលីវើ(ខេមបូឌា)លីមីតធីត បានបញ្ជាក់ថា អំណោយដែលយកមកប្រគល់ជូនរដ្ឋបាលរាជធានីភ្នំពេញនាពេលនេះជាប្រភេទផលិតផលសម្រាប់សម្លាប់មេរោគមាន ជែលលាងដៃនឹងសាប៊ូបោកខោអាវ ដែលមានចំនួន៨២០កេស ស្មើនឹងចំនួនទឹកប្រាក់១៦០០ដុល្លារ ។ ចំពោះគោលបំណងដែលក្រុមហ៊ុនផ្ដល់មករដ្ឋបាលរាជធានីភ្នំពេញនេះ គឺដើម្បីឱ្យរដ្ឋបាលរាជធានីភ្នំពេញ បានចែកជូនដល់មន្ត្រីជួរមុខក្នុងការប្រយុទ្ធប្រឆាំងនឹងជំងឺ-១៩ ពិសេសចែកចាយនៅក្នុងទីតាំងចត្តាឡឺស័ក មន្ទីរពេទ្យព្យាបាលជំងឺកូវី-១៩ និងសហគមន៍ប្រជាពលរដ្ឋក្រីក្រផងដែរ ។

អភិបាលនៃគណៈអភិបាលរាជធានីភ្នំពេញលោក ឃួង ស្រេង នៅក្នុងឱកាសនោះ បានសម្ដែងនូវការអរគុណយ៉ាងជ្រាលជ្រៅចំពោះក្រុមហ៊ុន unilever cambodia limited ដែលបានផ្ដល់នូវទឹកសម្លាប់មេរោគ ជែលលាងដៃនឹងសាប៊ូបោកខោអាវមួយចំនួននេះ។ លោកសន្យាថា នឹងយកផលិតផលទាំងអស់នេះទៅបែងចែកទៅតាមអ្វីដែលក្រុមហ៊ុនចង់បាន។

មន្ថែមពីលើនេះទៀត លោក ឃួង ស្រេងក៏បានថ្លែងនូវការអរគុណយ៉ាងជ្រាលជ្រៅផងដែរ ចំពោះប្រទេសអង់គ្លេស ដែលបានអនុគ្រោះពន្ធEBAដល់កម្ពុជានាពេលថ្មីៗនេះ។

លោកបន្តទៀតថា ជំងឺកូវី-១៩ បានឆ្លងរាលដាលចូលសហគមន៍ ប៉ុន្តែទោះបីជាយ៉ាងណាក្តី ដោយការខិតខំប្រឹងប្រែងពីអាជ្ញាធរមានសមត្ថកិច្ច ក៏ដូចជាការចូលរួមសហការល្អ ពីសំណាក់បងប្អូនប្រជាពលរដ្ឋឃើញថា ព្រឹត្តិការណ៍សហគមន៍២៨វិច្ឆិកា រាជធានីភ្នំពេញយើងអាចគ្រប់គ្រងបាន ហើយសម្ដេចក៏បានបញ្ជាក់ហើយថា សម្រាប់ព្រឹត្តិការណ៍សហគមន៍២៨វិច្ឆិកា កម្ពុជានឹងអាចគ្រប់គ្រងបាន ត្រឹមថ្ងៃទី២៨ខែមករា ឆ្នាំ២០២១ខាងមុខនេះ៕

អត្ថបទ ៖ ស្រីរ័ត្ន

The post ក្រុមហ៊ុនឯកជន ផ្តល់ផលិត ផលប្រយុទ្ធប្រឆាំងជំងឺកូវីដ-១៩ មករដ្ឋបាលរាជធានីចំនួន៨២០កេសស្មើនឹងទឹកប្រាក់ប្រមាណ១៦០០០ដុល្លារ appeared first on Kampuchea Thmey Daily.

ផ្ដល់ជំនួយ Archives - Kampuchea Thmey Daily

ពលរដ្ឋរស់នៅក្រុងបាវិត រួមគ្នាជួយដល់វីរៈកងទ័ពជួរមុខ និងជនភៀសសឹកនៅព្រំដែន

រាជរដ្ឋាភិបាលជប៉ុន ផ្ដល់ជំនួយជាង ៦០ ម៉ឺនដុល្លារ លុបបំបាត់ហិង្សាលើកុមារតាមសាលារៀន

កម្ពុជាផ្តល់​ជំនួយ​ជាថវិកាចំនួន​ ១០ម៉ឺនដុល្លារអាមេរិកដល់​តួកគី

ក្រុមហ៊ុន JTI បរិច្ចាគ​ម៉ាស៊ីន​វាស់​កម្តៅ និង​អាហារ ជូន​កម្លាំង​ជួរមុខ​ប្រយុទ្ធ​ជំងឺ​កូ​វីដ​-១៩

កម្ពុជា​កំពុង​ត្រៀម​ផ្តល់​ជំនួយ​ជា​សម្ភារៈ និង​បរិក្ខារ​ប្រឆាំង​កូ​វីដ​-១៩ ទៅ​ឲ្យ​ប្រទេស​នេប៉ាល់​

ចិន​ផ្ត​ល់​សម្ភារៈ និង​បរិក្ខារ កាត់បន្ថយ​ការ​បញ្ចេញ​កាបូន ដែ​ល​មាន​តម្លៃ​ប្រមាណ​៣​លាន​ដុល្លារ​

កម្ពុជាផ្តល់ជំនួយជាថវិកាចំនួន ១០ម៉ឺនដុល្លារអាមេរិកដល់តួកគី

ក្រុមហ៊ុន JTI បរិច្ចាគម៉ាស៊ីនវាស់កម្តៅ និងអាហារ ជូនកម្លាំងជួរមុខប្រយុទ្ធជំងឺកូវីដ-១៩

កម្ពុជាកំពុងត្រៀមផ្តល់ជំនួយជាសម្ភារៈ និងបរិក្ខារប្រឆាំងកូវីដ-១៩ ទៅឲ្យប្រទេសនេប៉ាល់

ចិនផ្តល់សម្ភារៈ និងបរិក្ខារ កាត់បន្ថយការបញ្ចេញកាបូន ដែលមានតម្លៃប្រមាណ៣លានដុល្លារ