ពាក់ព័ន្ធ​ករណី​នេះ លោក ផន រឹម អ្នកនាំពាក្យ​ក្រសួង​សាធារណការ និង​ដឹកជញ្ជូន បាន​ឲ្យ​ដឹង​កាលពី​ព្រឹក​ថ្ងៃ​ទី ១២ ធ្នូ នេះ​ថា កាលពី​ល្ងាច​ថ្ងៃ​ទី ១១ ខែ​ធ្នូ ឆ្នាំ ២០២៤ នៅ​ច្រក​ចូល កំពង់ស្ពឺ​កើត គ​•​ម ២៦ មាន​ករណី​ក្មេង​ទំនើង​បាន​បើក​ម៉ូតូ​សម្រុក​ចូល​ផ្លូវ​ល្បឿន​លឿន​យ៉ាង​កម្រោល ដែល​ជា​ប្រភេទ​ម៉ូតូ​មិន​អនុញ្ញាត​ឲ្យ​ប្រើប្រាស់​ផ្លូវ​ល្បឿន​លឿន។ ភ្លាមៗ នគរបាល​ចរាចរណ៍​ផ្លូវ​ល្បឿន​លឿន បាន​ចេញ​ប្រតិបត្តិការ​បន្ទាន់ ដោយ​ចាប់​ឃាត់ និង​ហៅ​អាណាព្យាបាល​មក​ណែនាំ និង​អនុវត្ត​តាម​នីតិវិធី។

លោក ផន រឹម ក៏បាន​បញ្ជាក់​បន្ថែម​ថា ចំពោះ​យានជំនិះ​ម៉ូតូ​ដែល​អាច​ធ្វើ​ដំណើរ​លើ​ផ្លូវ​ល្បឿន​លឿន​បាន​លុះ​ត្រា​ទោចក្រយានយន្ត​នោះ​ទំហំ​ស៊ីឡាំង ចាប់ពី ៥០០cc ឬ កម្លាំង​ម៉ូទ័រ ២៧kW ឡើង​ទៅ និង​ត្រូវ​ភ្ជាប់​មក​ជាមួយ​ឯកសារ​សំខាន់ៗ មួយ​ចំនួន។ ក្នុង​នោះ ដើម្បី​ស្នើសុំ​លតាបត្រ​អនុញ្ញាត​ទោចក្រយានយន្ត​ទំហំ​ស៊ីឡាំង​ចាប់ពី ៥០០cc ឬ កម្លាំង​ម៉ូទ័រ ២៧kW ឡើង​ទៅ ធ្វើដំណើរ​លើ​ផ្លូវ​ល្បឿន​លឿន ពលរដ្ឋ​ខ្មែរ ត្រូវ​ភ្ជាប់​មក​ជាមួយ​ឯកសារ​ដូចជា បណ្ណ​សម្គាល់​យានជំនិះ និង អត្តសញ្ញាណប័ណ្ណ​ម្ចាស់​កម្មសិទ្ធិ។ ចំណែក​ឯ​ជនបរទេស ត្រូវ​ភ្ជាប់​មក​ជាមួយ​បណ្ណ​សម្គាល់​ទោចក្រ​យានយន្ត លិខិតឆ្លងដែន និង​ទិដ្ឋាការ​មាន​សុពលភាព និង លិខិតបញ្ជាក់​ទីលំនៅ​ចេញ​ដោយ​មេឃុំ​/​ចៅសង្កាត់៕

អត្ថបទ ៖ សំណាង

The post ឃាត់ខ្លួនអ្នកបើកម៉ូតូម្នាក់ ក្រោយជិះចូលផ្លូវល្បឿនលឿនខុសគោលការណ៍ appeared first on Kampuchea Thmey Daily.

សារព័ត៌មាន VN Express ចុះផ្សាយថា តាមគម្រោង ផ្លូវល្បឿនលឿនមួយខ្សែថ្មីនេះ នឹងចាប់ផ្តើមនៅច្រកទ្វារព្រំដែនអន្តរជាតិ Ha Tien ក្នុងទីក្រុង Ha Tien នៃខេត្ត Kien Giang ហើយបញ្ចប់នៅទីក្រុង Bac Lieu ខេត្ត Bac Lieu។

ផ្លូវនេះមានប្រវែងសរុបប្រហែល១៧៥គីឡូម៉ែត្រ មានបួនគន្លង និងផ្លូវសង្គ្រោះបន្ទាន់ចំនួនពីរ ឆ្លងកាត់ខេត្តចំនួន៤នៅតំបន់ដីសណ្ដទន្លេមេគង្គដូចជា Kien Giang (៨២គីឡូម៉ែត្រ), Hau Giang (១៨គីឡូម៉ែត្រ), Soc Trang (១៣គីឡូម៉ែត្រ) និង Bac Lieu (២៥.៣គីឡូម៉ែត្រ)។

សូមបញ្ជាក់ជាថ្មី រដ្ឋបាលផ្លូវថ្នល់​​វៀតណាម​ បាន​ដាក់​ក្នុង​សំណើ​មួយ​ថា ប្រទេសនេះ​រំពឹងមានផ្លូវល្បឿនលឿនចំនួន ៤៣ ខ្សែដែលគ្របដណ្តប់លើ​ប្រវែង​ប្រមាណ​ ៩ ២៣៤ គីឡូម៉ែត្រ​ ត្រឹម​ឆ្នាំ​ ២០៥០។

ក្នុងផែនការកសាង​ផ្លូវថ្មី ចាប់ពីឆ្នាំ២០២១-២០៣០ ជាមួយនឹងចក្ខុវិស័យឆ្ពោះទៅឆ្នាំ២០៥០ ដែលដាក់ជូនដោយរដ្ឋបាលទៅកាន់​ក្រសួងដឹកជញ្ជូន, ផ្លូវល្បឿនលឿនប្រមាណ ៦​ ៧៥៤ គីឡូម៉ែត្រ គ្រោងនឹងបញ្ចប់នៅឆ្នាំ២០៣០ ហើយនៅសល់ប្រមាណ​​​ ២ ៤៨០ គីឡូម៉ែត្រ គ្រោង​បញ្ចប់ក្រោយឆ្នាំ ២០៣០​៕

អត្ថបទ៖ សុខ សុវណ្ណ

ចុចអាន៖ ផ្លូវល្បឿនលឿនវៀតណាម តភ្ជាប់មកព្រំដែនកម្ពុជា នឹងបញ្ចប់ការសាងសង់នៅឆ្នាំ២០២៧

The post វៀតណាម បញ្ចេញទឹកប្រាក់ជាង ៣ពាន់លានដុល្លារ សាងសង់ផ្លូវល្បឿនលឿនមួយខ្សែទៀត ភ្ជាប់មកកម្ពុជា appeared first on Kampuchea Thmey Daily.

តាមការចុះផ្សាយរបស់ VN Express កាលពីថ្ងៃចន្ទទី២ខែកញ្ញាឆ្នាំ២០២៤, ផ្លូវល្បឿនលឿននេះមានចម្ងាយ៥១គីឡូម៉ែត្រ តភ្ជាប់ទីសង្កាត់ Cu Chi នៃទីក្រុងហូជីមិញ ទៅស្រុក Ben Cau នៃខេត្ត Tay Ninh ជាប់ព្រំដែនកម្ពុជា។

ក្នុង​ដំណាក់​កាល​ទី​១នៃការសាងសង់ ផ្លូវ​ល្បឿន​លឿននេះ​នឹង​មាន​គន្លង​ធម្មតា​ចំនួន​៤ និង​ផ្លូវ​សង្គ្រោះ​បន្ទាន់​ចំនួន​ពីរគន្លង ហើយបន្ទាប់​ពី​ការឈូសឆាយសម្អាត​ដី​រួច គន្លងធម្មតានឹងពង្រីកដល់ទៅ៦។

ចំពោះថ្លៃចំណាយវិញ រដ្ឋវៀតណាមនឹងចំណាយដើមទុនប្រមាណ៤៩% ខណៈនៅសេសសល់គឺជាចំណាយរបស់អ្នកវិនិយោគ។ ផ្លូវនេះនឹងត្រូវគ្រប់គ្រងដោយឯកជនរយៈពេល១៤ឆ្នាំ១០ខែ ទើបប្រគល់ឲ្យរដ្ឋវិញ។ 

យ៉ាងណាគម្រោងនេះក៏ប៉ះពាល់ដល់ប្រជាជន១ ៨០០គ្រួសារផងដែរ ខណៈរដ្ឋនឹងត្រូវចំណាយលុយសម្រាប់សំណងអស់ប្រមាណ៧.១ទ្រីលានដុង។

ពាក់ព័ន្ធគម្រោងផ្លូវល្បឿនលឿនដូចគ្នានេះ រដ្ឋបាលផ្លូវថ្នល់​របស់​វៀតណាម​ បាន​ដាក់​ក្នុង​សំណើ​មួយ​ថា វៀតណាម​រំពឹងថានឹងមានផ្លូវល្បឿនលឿនចំនួន ៤៣ ខ្សែដែលគ្របដណ្តប់លើ​ប្រវែង​ប្រមាណ​ ៩ ២៣៤ គីឡូម៉ែត្រ​ ត្រឹម​ឆ្នាំ​ ២០៥០។

ក្នុងផែនការកសាង​ផ្លូវថ្មី ចាប់ពីឆ្នាំ២០២១-២០៣០ ជាមួយនឹងចក្ខុវិស័យឆ្ពោះទៅឆ្នាំ២០៥០ ដែលទើបដាក់ជូនដោយរដ្ឋបាលទៅកាន់​ក្រសួងដឹកជញ្ជូន, ផ្លូវល្បឿនលឿនប្រមាណ ៦​ ៧៥៤ គីឡូម៉ែត្រ គ្រោងនឹងបញ្ចប់នៅឆ្នាំ២០៣០ ហើយនៅសល់ប្រមាណ​​​ ២ ៤៨០ គីឡូម៉ែត្រ គ្រោង​បញ្ចប់ក្រោយឆ្នាំ ២០៣០​។

រដ្ឋបាល​​គូស​បង្ហាញ​ថា​ ផ្លូវល្បឿនលឿន​​​ដែល​តភ្ជាប់ទីក្រុងហាណូយ ទីក្រុងហូជីមិញ ក្រុង​ Cần Thơ ជាមួយតំបន់ផ្សេងៗទៀតទាំង​នោះ​ ត្រូវការសមត្ថភាពបន្ថែម ដើម្បីផ្គូផ្គងបរិមាណចរាចរណ៍ដ៏ធំ និងតម្រូវការដឹកជញ្ជូន ខណៈបច្ចុប្បន្ន​វៀតណាម​មាន​ផ្លូវល្បឿនលឿន​ ៤១ ខ្សែ​រួច​ទៅ​ហើយ​។

រដ្ឋបាលបាន​បន្ថែម​ថា វា​គឺជា​សរសៃឈាម​នៃ​តំបន់​សេដ្ឋកិច្ច​សំខាន់​ៗ​ពី​ភាគខាងជើង ទៅ​ភាគខាងត្បូង និងតំបន់ដីសណ្តទន្លេមេគង្គ ពោល​គឺ​តភ្ជាប់មជ្ឈមណ្ឌលសេដ្ឋកិច្ចសំខាន់ៗ កំពង់ផែសមុទ្រ អាកាសយានដ្ឋាន និងច្រកទ្វារព្រំដែនអន្តរជាតិ ដើម្បីបំពេញតម្រូវការដ៏ធំសម្រាប់ការដឹកជញ្ជូន​៕

អត្ថបទ៖ សុខ សុវណ្ណ

ចុចអាន៖ វៀតណាម​នឹង​មាន​ផ្លូវល្បឿនលឿនជាង​ ៩ ០០០ គីឡូម៉ែត្រត្រឹម​ពាក់​កណ្ដាល​សតវត្សរ៍

The post ផ្លូវល្បឿនលឿនវៀតណាម តភ្ជាប់មកព្រំដែនកម្ពុជា នឹងបញ្ចប់ការសាងសង់នៅឆ្នាំ២០២៧ appeared first on Kampuchea Thmey Daily.

នៅក្នុងផែនការកសាង​ផ្លូវថ្មី ចាប់ពីឆ្នាំ២០២១-៣០ ជាមួយនឹងចក្ខុវិស័យឆ្ពោះទៅឆ្នាំ២០៥០ ដែលទើបដាក់ជូនដោយរដ្ឋបាលទៅកាន់​ក្រសួងដឹកជញ្ជូន ផ្លូវល្បឿនលឿនប្រមាណ ៦​ ៧៥៤ គីឡូម៉ែត្រ គ្រោងនឹងបញ្ចប់នៅឆ្នាំ២០៣០ ហើយនៅសល់ប្រមាណ​​​ ២ ៤៨០ គីឡូម៉ែត្រ គ្រោង​បញ្ចប់ក្រោយឆ្នាំ ២០៣០​។

រដ្ឋបាល​បាន​គូស​បង្ហាញ​ថា​ ផ្លូវល្បឿនលឿន​​​ដែល​តភ្ជាប់ទីក្រុងហាណូយ ទីក្រុងហូជីមិញ ក្រុង​ Cần Thơ ជាមួយតំបន់ផ្សេងៗទៀតទាំង​នោះ​ ត្រូវការសមត្ថភាពបន្ថែម ដើម្បីផ្គូផ្គងបរិមាណចរាចរណ៍ដ៏ធំ និងតម្រូវការដឹកជញ្ជូន ខណៈបច្ចុប្បន្ន​វៀតណាម​មាន​ផ្លូវល្បឿនលឿន​ ៤១ ខ្សែ​រួច​ទៅ​ហើយ​។

រដ្ឋបាលបាន​បន្ថែម​ថា វា​គឺជា​សរសៃឈាម​នៃ​តំបន់​សេដ្ឋកិច្ច​សំខាន់​ៗ​ពី​ភាគខាងជើង ទៅ​ភាគខាងត្បូង និងតំបន់ដីសណ្តទន្លេមេគង្គ ពោល​គឺ​តភ្ជាប់មជ្ឈមណ្ឌលសេដ្ឋកិច្ចសំខាន់ៗ កំពង់ផែសមុទ្រ អាកាសយានដ្ឋាន និងច្រកទ្វារព្រំដែនអន្តរជាតិ ដើម្បីបំពេញតម្រូវការដ៏ធំសម្រាប់ការដឹកជញ្ជូន​។

ដោយ​ឡែក​ ​ក្នុងផែនការកសាង​ផ្លូវថ្មីក្នុង​ចង្ខុវិស័យ​​ឆ្ពោះទៅឆ្នាំ២០៥០ដដែល​ ​ក្រសួងដឹកជញ្ជូនវៀតណាម​បាននិយាយថា អាទិភាពក៏​នឹង​ផ្តល់ផង​ដែរ​លើការអភិវឌ្ឍន៍ផ្លូវដែកជាតិ ដែល​មានគោលបំណងទាញយកអត្ថប្រយោជន៍ពីសមត្ថភាពផ្លូវដែកក្នុងការដឹកជញ្ជូនបរិមាណធំក្នុងល្បឿនលឿន​ មាន​សុវត្ថិភាព និងមាន​ភាពងាយស្រួល ខណៈ​ផ្តល់នូវភាពវិជ្ជមានដល់បរិស្ថាន​។

បើ​តាម​ Viet Nam News ​វៀតណាម​នឹង​ត្រូវ​ការ​ប្រាក់​ប្រមាណ ១៥១,២ ​ប៊ីលាន​ដុល្លារ​អាមេរិក ដើម្បី​វិនិយោគ​លើ​ប្រព័ន្ធ​ហេដ្ឋារចនាសម្ព័ន្ធ​ផ្លូវដែក​នៅ​ឆ្នាំ ២០៣០ និង ៣១២ ​ប៊ីលាន​ដុល្លារ​នៅ​ឆ្នាំ ២០៥០៕

​

The post វៀតណាម​នឹង​មាន​ផ្លូវល្បឿនលឿនជាង​ ៩ ០០០ គីឡូម៉ែត្រត្រឹម​ពាក់​កណ្ដាល​សតវត្ស appeared first on Kampuchea Thmey Daily.

កាលពីថ្ងៃទី២៤ ខែកក្កដា ឆ្នាំ២០២៤ កាសែត The Laotian Times បានរាយការណ៍ថា រដ្ឋាភិបាលឡាវបានអនុម័តសាងសង់ផ្លូវល្បឿនលឿន (ឡាវ-ចិន) ដំណាក់កាលទី៤ ពីខេត្តឧដុមសៃទៅដល់ច្រកព្រំដែនបរតែន ខេត្តហ្លួងណាំថា មានចម្ងាយ ៦៣គីឡូម៉ែត្រ បន្ទាប់ពីឯកអគ្គរដ្ឋទូតចិនប្រចាំប្រទេសឡាវបានជួបពិភាក្សាជាមួយរដ្ឋមន្ត្រីក្រសួងសាធារណការនិងដឹកជញ្ជូនឡាវនាពេលថ្មីៗកន្លងទៅនេះ។

 ជំនួបនេះ ឯកអគ្គរដ្ឋទូតចិនប្រចាំប្រទេសឡាវបានពិភាក្សាលើបញ្ហាជាច្រើនទាក់ទងនឹងការសាងសង់ហេដ្ឋារចនាសម្ព័ន្ធរបស់ប្រទេសឡាវ បន្ទាប់មកក៏បានឯកភាពគ្នាថា ត្រូវ​តែ​ពន្លឿន​ការ​សាង​សង់​ផ្លូវ​ល្បឿន​លឿនរវាងឡាវ-ចិនបញ្ចប់ឱ្យបានឆាប់ ដើម្បីផលប្រយោជន៍រួមរបស់ប្រទេសទាំងពីរ។

ទោះជាយ៉ាងណាក៏ដោយ ប្រភពមិនបានផ្តល់ព័ត៌មានលម្អិត ថាតើការសាងសង់នេះនឹងចាប់ផ្តើមនៅពេលណា និងត្រូវ​ចំណាយពេល​ប៉ុន្មាន​ទើបបញ្ចប់ការ​សាង​សង់នោះទេ?។

ផ្លូវល្បឿនលឿនឡាវ-ចិន មាន​ចម្ងាយ​ផ្លូវ​សរុប​ប្រមាណ៤២៣គីឡូម៉ែត្រ ការសាងសង់​ចែកចេញ​ជា៤ដំណាក់កាល ដោយដំណាក់កាល​ទី១ មាន​ចម្ងាយ១០៩គីឡូម៉ែត្រ​ពី​ទីក្រុង​វៀងច័ន្ទទៅកាន់​ក្រុងវ៉ាងវៀង (ខេត្ត​វៀងច័ន្ទ)បានបញ្ចប់ និងដំណើរការសាងសង់ចាប់តាំងពីខែធ្នូ ឆ្នាំ២០២០។

ដំណាក់កាលទី២ ពីវ៉ាងវៀងទៅកាន់ហ្លួងប្រាបាង មានចម្ងាយ១៣៧គីឡូម៉ែត្រ និងដំណាក់កាលទី៣ ពីហ្លួងប្រាបាងទៅកាន់ខេត្តឧដុមសៃ មានចម្ងាយ១១៤គីឡូម៉ែត្រ ដែលកំពុងស្ថិតក្នុងដំណាក់កាលត្រួតពិនិត្យកិច្ចសន្យាសាងសង់នៅឡើយ៕

ប្រែសម្រួលដោយ៖ គង់ សំអាន

The post ឡាវបើកភ្លើងខៀវឱ្យសង់ផ្លូវល្បឿនលឿនប្រវែង៦៣គីឡូម៉ែត្រពី “ហ្លួងប្រាបាង-បរតែន” បន្ទាប់ពីចិនពន្លឿន appeared first on Kampuchea Thmey Daily.

ទន្ទឹមនឹងនេះ ក្រសួងសាធារណៈការ និងដឹកជញ្ជូន ក៏បានក្រើនរម្លឹកអំពីលក្ខខណ្ឌនៃការប្រើប្រាស់ផ្លូវល្បឿនលឿន និងការចេញចូលគន្លងទាំង៣ប្រភេទ នៅលើផ្លូវល្បឿនលឿនឱ្យបានត្រឹមត្រូវ ដើម្បីគោលការណ៍សុវត្ថិភាព ការជួយកាត់បន្ថយការកកស្ទះ និងមិនចំណាយពេលរង់ចាំយូរ។

ក្រសួងសាធារណៈការ សង្ឃឹមយ៉ាងមុតមាំថា អ្នកបើកបរគ្រប់រូបនៅលើគ្រប់ប្រភេទផ្លូវថ្នល់ នឹងចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា ដើម្បីកម្ពុជាមានអត្រាគ្រោះថ្នាក់ និងអត្រាបាត់បង់ជីវិតដោយគ្រោះថ្នាក់ចរាចរណ៍ កាន់តែតិចទៅៗ ស្របតាមផែនការជាតិទសវត្សរ៍សកម្មភាពសុវត្ថិភាពចរាចរណ៍ផ្លូវគោក ២០២១-២០៣០ ដែលបានដាក់ចេញ និងផ្សព្វផ្សាយជាផ្លូវការ កាលពីថ្ងៃទី៣០ ខែវិច្ឆិកា ឆ្នាំ២០២៣ កន្លងទៅ៕

The post ពិន័យបុរសជនជាតិបរទេសម្នាក់ ក្រោយបើកម៉ូតូលើកជើងដាក់លើដៃចង្កូតនៅផ្លូវល្បឿនលឿន appeared first on Kampuchea Thmey Daily.

ក្រុមផ្លូវល្បឿនលឿនភ្នំពេញ-ក្រុងព្រះសីហនុ បានបញ្ជាក់បែបនេះ«យើងបានសង្កេតឃើញថា មានប្រជាពលរដ្ឋជាច្រើន​បានជ្រើសរើសប្រើប្រាស់ផ្លូវល្បឿនលឿនសម្រាប់ការធ្វើដំណើរទៅចូលរួមការបោះឆ្នោតជ្រើសរើសតំណាងរាស្រ្ត នីតិ​កាល​ទី៧ ព្រមទាំងការធ្វើដំណើរកំសាន្តនានា ដោយចំនួនចរាចរណ៍នេះ បានកើនឡើងយ៉ាងខ្លាំង​បើធៀបនឹងថ្ងៃ​ធម្មតា»។

ជាមួយនឹងកំណើននៃការធ្វើដំណើរនេះ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានត្រួតពិនិត្យដោយ​ផ្ទាល់​តាមកាមេរ៉ាសុវត្ថិភាព ដើម្បីធានាដល់សុវត្ថិភាពអ្នកដំណើរ ជាពិសេសចាត់ក្រុមការងារចុះ​ជួយសម្រួល​ចរាចរណ៍​នៅ​តាមច្រកចេញចូលឱ្យបានឆាប់រហ័សបំផុត។

បើតាមក្រុមផ្លូវល្បឿនលឿនភ្នំពេញ-ក្រុងព្រះសីហនុ «ការកើនឡើងនៃលំហូរចរាចរណ៍នេះបានសបញ្ជាក់​ឱ្យឃើញ​ពីសុខសន្តិភាព ស្ថេរភាពរបស់ព្រះរាជាណាចក្រកម្ពុជានាពេលបច្ចុប្បន្ន»។

ទន្ទឹមនឹងនេះ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានធ្វើការក្រើនរំលឹកដល់អ្នកបើកបរ និងអ្នករួមដំណើរ​ទាំងអស់ជាថ្មីទៀតថា ដើម្បីធានាបាននូវសុវត្ថិភាព ក្នុងការប្រើប្រាស់ផ្លូវល្បឿនលឿន ត្រូវបើកបរដោយគោរពច្បាប់ និងផ្លាកសញ្ញាកំណត់ល្បឿន ដែលបានបំពាក់នៅតាមបណ្តោយផ្លូវ ជាពិសេសត្រួតពិនិត្យយានយន្តឱ្យបានល្អិតល្អន់ តាមការ​ណែនាំរបស់ក្រុមហ៊ុន មុនពេលចូលមកប្រើប្រាស់ផ្លូវល្បឿនលឿន។

សូមបញ្ជាក់ថា ផ្លូវល្បឿនលឿន (Expressway) ពីភ្នំពេញទៅខេត្តព្រះសីហនុ ត្រូវបានដាក់ឱ្យប្រើប្រាស់សាកល្បង​នៅក្នុងខែកក្កដា និងដាក់ប្រើប្រាស់ជាផ្លូវការ នាខែកញ្ញា ឆ្នាំ២០២២។ ផ្លូវនេះមានតម្លៃវិនិយោគប្រមាណ ២ពាន់​លាន​ដុល្លារ មានប្រវែងជិត២០០គីឡូម៉ែត្រ ភ្ជាប់ពីសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ទៅភូមិ១ សង្កាត់​លេខ៣ នៃក្រុងព្រះសីហនុ៕

The post កំណើនរថយន្តជាង ២ម៉ឺនគ្រឿង ធ្វើដំណើរតាមផ្លូវល្បឿនលឿន​ក្នុងថ្ងៃបោះឆ្នោត appeared first on Kampuchea Thmey Daily.

ការឃាត់ខ្លួននេះបានធ្វើឡើងកាលពីម៉ោង២៣និង៣០នាទីយប់ ថៃ្ងទី៩​ ខែកក្កដា​ ឆ្នាំ២​០២៣​នេះ​ ស្របពេល​មុខសញ្ញាគ្រោងរៀបចំផែនការ​លើផ្លូវបន្ដ។ របាយការណ៍សមត្ថកិច្ចបានឲ្យដឹងថា ជនសង្ស័យមានឈ្មោះ ព្រំ គឿន ហៅពន្លក ភេ​ទប្រុស អាយុ២៩ឆ្នាំ រស់នៅភូមិស្លា ឃុំវល្លិ៍ស ស្រុកសំរោងទង ខេត្តកំពង់ស្ពឺ ។

តាមការបញ្ជាក់ពីលោកវរសេនីយ៍ឯក​ ឃុត​ សុផល​ អធិការ នៃអធិការដ្ឋាននគរបាលស្រុកសំរោងទង​ បញ្ជាក់ថា មុខសញ្ញា​ឈ្មោះ ​ព្រំ​ គឿន ហៅពន្លក គឺជាបក្ខពួករបស់ឈ្មោះ ​ឈឿម​ ដែន ដែលសមត្ថកិច្ចឃាត់ខ្លួនកាលពីថ្ងៃទី២ ខែកក្ដដា ឆ្នាំ២០២៣កន្លងទៅក្នុងករណីបាញ់ និងគប់រថយន្ដនៅចំណុចខាងលិចស្ពានផ្លូវល្បឿនលឿន។

សូមបញ្ជាក់ថា តាមចម្លើយសារភាពរបស់ជនសង្ស័យឈ្មោះ ឈឿម​ ដែន បានឆ្លើយថា ខ្លួន និងបក្ខពួក​បានធ្វើសកម្មភាពយកចំពាមកៅស៊ូដាក់គ្រាប់ថ្មបាញ់​ក​ញ្ចក់រថយន្តដែលធ្វើដំណើរឆ្លងកាត់លើផ្លូវល្បឿន​លឿនម្ដុំអូរក្រាំងអំបិល និងផ្លូវជាតិលេខ៤ភូមិស្លា ហើយការធ្វើសកម្មភាពមិនរើសប្រភេ​ទ​រថយន្ដ និងពេលវេលានោះទេ​ អោយតែខ្លួន និងបក្ខពួកចេ​ញមកពីកន្លែងដែលស្នាក់នៅបណ្ដោះអាស​ន្ន​ (​ប្រើ​ប្រាស់គ្រឿងញៀន)​។ ជនសង្ស័យបន្ថែមថា កន្លងមកខ្លួនបានយកជំពាមដាក់គ្រាប់ថ្មបាញ់ទៅលើរថយន្ដជាច្រើនតែមិនដឹងថាចំ ឬបែកកញ្ចក់ ឬកំពិតនោះទេ​ តែការបាញ់គប់កញ្ចក់​រ​ថយន្ដមិនមែនមានតែខ្លួនទេ គឺមានបក្ខពួកផ្សេង​ទៀ​ត ហើយការបាញ់នោះ គឺពេលខ្លះមានប្រសិទ្ធភាព ពេលខ្លះមិនបានផលនោះទេ។

បើតាមរបាយការណ៍ ជនសង្ស័យឈ្មោះ ឈឿម ដែន ត្រូវបានចៅក្រម​សម្រេច​ឃុំខ្លួន​បណ្ដោះអាសន្ន​នៅពន្ធនា​គា​រ​ខេត្ត​កំពង់ស្ពឺ​ រួចហើយ​៕

អត្ថបទ៖ សុខុម

The post ចាប់បានបក្ខពួកម្នាក់ទៀតករណីគប់ និងបាញ់រថយន្ដលើផ្លូវល្បឿនលឿន appeared first on Kampuchea Thmey Daily.