ពិន័យបុរសជនជាតិបរទេសម្នាក់ ក្រោយបើកម៉ូតូលើកជើងដាក់លើដៃចង្កូតនៅផ្លូវល្បឿនលឿន

កម្លាំងនគរបាលចរាចរណ៍ប្រចាំការណ៍នៅលើផ្លូវល្បឿនលឿន កាលពីថ្ងៃទី២ ខែមករា ឆ្នាំ២០២៤ បាននាំខ្លួនបុរសជនជាតិស្វីសម្នាក់មកធ្វើការអប់រំណែនាំ ផាកពិន័យ និងចុះកិច្ចសន្យា បន្ទាប់ពីបុរសរូបនេះបើកម៉ូតូលើកជើងដាក់លើដៃចង្កូត។ បើតាមក្រសួងសាធារណៈការ និងដឹកជញ្ជូន សកម្មភាពបែបនេះអាចបណ្តាលឱ្យមានគ្រោះថ្នាក់ដល់ខ្លួនឯងផ្ទាល់ និងបង្កគ្រោះថ្នាក់ដល់អ្នកដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ ក្រសួងសាធារណៈការ និងដឹកជញ្ជូន ក៏បានក្រើនរម្លឹកអំពីលក្ខខណ្ឌនៃការប្រើប្រាស់ផ្លូវល្បឿនលឿន និងការចេញចូលគន្លងទាំង៣ប្រភេទ នៅលើផ្លូវល្បឿនលឿនឱ្យបានត្រឹមត្រូវ ដើម្បីគោលការណ៍សុវត្ថិភាព ការជួយកាត់បន្ថយការកកស្ទះ និងមិនចំណាយពេលរង់ចាំយូរ។

ក្រសួងសាធារណៈការ សង្ឃឹមយ៉ាងមុតមាំថា អ្នកបើកបរគ្រប់រូបនៅលើគ្រប់ប្រភេទផ្លូវថ្នល់ នឹងចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា ដើម្បីកម្ពុជាមានអត្រាគ្រោះថ្នាក់ និងអត្រាបាត់បង់ជីវិតដោយគ្រោះថ្នាក់ចរាចរណ៍ កាន់តែតិចទៅៗ ស្របតាមផែនការជាតិទសវត្សរ៍សកម្មភាពសុវត្ថិភាពចរាចរណ៍ផ្លូវគោក ២០២១-២០៣០ ដែលបានដាក់ចេញ និងផ្សព្វផ្សាយជាផ្លូវការ កាលពីថ្ងៃទី៣០ ខែវិច្ឆិកា ឆ្នាំ២០២៣ កន្លងទៅ៕