លោក កែវ ប៉ង់តា អនុ​ប្រធាន​នាយកដ្ឋាន​រដ្ឋបាល​និង​កិច្ចការ​ទូទៅ​អគ្គនាយកដ្ឋាន​ពន្ធដារ (GDT) បាន​​ឲ្យ​ដឹង​ថា បច្ចុប្បន្ននេះ ការប្រកាសបង់ពន្ធត្រូវធ្វើឡើងតាមរយៈប្រព័ន្ធអេឡិចត្រូនិក (e-Tax)។

ក្នុង​ឱកាសចូលរួមជាវាគ្មិន​ក្នុង​វេទិកាគយ និង​សម្ព័ន្ធសមាគម​សហគ្រាស​ធុនតូចនិងមធ្យម ដែលមាន​កា​រចូលរួមពីសហគ្រាស​​ក្នុង​ស្រុក​ជាច្រើនផង​នោះ ​មន្រ្តី​ជាន់ខ្ពស់​ខាង​ពន្ធដារ​​បានពន្យល់ពី​ការបែង​ចែក​ពន្ធមានប្រភេទ​​ពន្ធប្រចាំខែ និង ពន្ធប្រចាំឆ្នាំ។

បើតាមមន្រ្តីអគ្គនាយកដ្ឋានពន្ធដា ការប្រកាស​បង់​ពន្ធនេះមិនមែនមានន័យថា សហគ្រាសទាំងអស់ត្រូវតែបង់គ្រប់ប្រភេទពន្ធនោះទេ ប៉ុន្តែត្រូវបង់ផ្អែកទៅលើប្រភេទមុខរបរ ឬសកម្មភាពអាជីវកម្មជាក់ស្តែងរបស់ខ្លួន។

លោក​ កែវ ប៉ង់តា បានបកស្រាយពី​ប្រភេទពន្ធប្រចាំខែ ដែល​ជា​ពន្ធប្រយោលយកពីអ្នកប្រើប្រាស់​រួមមានដូចជា អាករបំភ្លឺសាធារណៈ អាករលើតម្លៃបន្ថែម (VAT) និងអាករពិសេស ដែលសុទ្ធសឹងជាពន្ធប្រមូលពីអ្នកប្រើប្រាស់​។

លោកលើកឧទាហរណ៍ អាករបំភ្លឺសាធារណៈ គឺតម្រូវឲ្យបង់ចំពោះតែអាជីវកម្មមួយចំនួនដូចជា ការលក់សុរា ប៉ុន្តែវាមិនអនុវត្តចំពោះអ្នកផ្តល់សេវាកម្មដូចជាសណ្ឋាគារឡើយ។

ពន្ធកាត់ទុក គឺជាប្រភេទពន្ធដែលកាត់យកពីបុគ្គល ឬភាគីដែលទទួលបានចំណូល (ការទូទាត់) ពីសហគ្រាស។

ដោយឡែក​ប្រាក់រំដោះពន្ធលើប្រាក់ចំណូល ជាពន្ធផ្ទាល់របស់សហគ្រាសដែលត្រូវបង់ជារៀងរាល់ខែ។ ប្រាក់​ដែលបង់នេះត្រូវបានចាត់ទុកជា “ឥណទានពន្ធ” សម្រាប់យកទៅកាត់កង (ទូទាត់) ជាមួយពន្ធលើប្រាក់ចំណូលនៅពេលប្រកាសពន្ធប្រចាំឆ្នាំ។

ពាក់ព័ន្ធ​ប្រភេទពន្ធប្រចាំឆ្នាំវិញ​ លោក​បាន​លើកឡើង​ពី​ពន្ធលើប្រាក់ចំណូល គឺ​​នៅពេលដល់កំណត់ប្រកាសពន្ធប្រចាំឆ្នាំ (ក្រោយទូទាត់រយៈពេល ១២ ខែ) សហគ្រាសត្រូវគណនាប្រាក់ចំណេញ និងទូទាត់ពន្ធដោយកាត់កងជាមួយប្រាក់រំដោះពន្ធប្រចាំខែដែលបានបង់រួច។ ប្រសិនបើទូទាត់ទៅឃើញថាខ្វះ សហគ្រាសត្រូវបង់ប្រាក់បន្ថែម ប៉ុន្តែបើការបង់កន្លងមកលើសចំនួន វានឹងត្រូវរក្សាទុកជាឥណទានពន្ធដោយមិនចាំបាច់បង់បន្ថែមទេ។

បន្ថែមពីនេះ លោក​ក៏​បាន​លើកឡើង​ពី​ប្រភេទពន្ធប្រចាំឆ្នាំផ្សេងៗទៀតមានដូចជា៖

-ពន្ធលើអចលនទ្រព្យ៖ អនុវត្តចំពោះតែសហគ្រាសណាដែលធ្វើអាជីវកម្មទាក់ទងនឹងអចលនទ្រព្យ ឬមានកម្មសិទ្ធិលើដីធ្លីផ្ទាល់តែប៉ុណ្ណោះ។
-ពន្ធលើដីធ្លីមិនបានប្រើប្រាស់៖ តម្រូវឲ្យបង់ ប្រសិនបើសហគ្រាសមានកាន់កាប់កម្មសិទ្ធិលើដីធ្លីដែលទុកចោលមិនបានប្រើប្រាស់។
-ពន្ធលើមធ្យោបាយដឹកជញ្ជូន៖ ត្រូវបង់ដោយសហគ្រាស ឬក្រុមហ៊ុនដែលមានរថយន្តសម្រាប់បម្រើការដឹកជញ្ជូន។
-ពន្ធលើផ្ទាំងផ្សព្វផ្សាយ (ផ្លាកយីហោ)៖ ជាពន្ធប្រចាំឆ្នាំដែលត្រូវបង់សម្រាប់ផ្ទាំងផ្សព្វផ្សាយ ឬផ្លាកយីហោរបស់សហគ្រាសដែលដាក់តាំងបង្ហាញ៕

The post មន្រ្តី​ពន្ធដារ​ពន្យល់​លម្អិត​ពី​ប្រភេទ​ពន្ធ​​សំខាន់ៗ​មួយ​ចំនួន សម្រាប់​សហគ្រាស​យល់ដឹងបន្ថែម appeared first on Kampuchea Thmey Daily.

​អគ្គនាយកដ្ឋានពន្ធដារ​​ដើរតួនាទី​សំ​ខាន់​ក្នុង​ការ​ប្រមូល​ចំណូល​ជូន​រដ្ឋ ​និង​រួមចំណែក​ជំរុញ​ការ​អភិវឌ្ឍគ្រប់វិស័យ ​ក្នុង​ការ​គាំទ្រ​ដល់វិស័យឯកជន ​ដែល​ជា​ក្បាល​ម៉ាស៊ីន​​នៃកំណើន​សេដ្ឋកិច្ច ​និង​ជា​ឆ្អឹងខ្នង​នៃការ​អភិវឌ្ឍ​សង្គមជាតិ។​

​សម្ដេចតេជោ ​ហ៊ុន ​សែន ប្រមុខរដ្ឋស្តីទីកម្ពុជា មានប្រសាសន៍ក្នុងពេល អញ្ជើញធ្វើទស្សនកិច្ច និងពិនិត្យមើលអគារទីស្នាក់ការកណ្តាល នៃអគ្គនាយកដ្ឋានពន្ធដារនៅព្រឹកថ្ងៃទី ០២ ខែមិថុនា ២០២៦ថា៖ «​អ្វីដែលយើងត្រូវការ​​គឺចំណាយចរន្ត​ ហើយចំណាយចរន្តរបស់យើ​គឺមិនឱ្យខ្វះទេ ពីដើមបើក​ប្រាក់​ខែវេទនា​ណាស់លោកព្រះ ​វេទនានៅត្រង់​ថា ​អត់មានលុយហើយ ​អាប្រាក់ខែតិចហើយ ​វាអត់មាន​លុយបើកឱ្យគេទៀត​ បានជាមន្ត្រីយើងនិយាយថា ​ស្រុកខ្មែរ ​មានមួយខែ ​៦០​ ថ្ងៃ ៧០ ថ្ងៃ ៨០​ ថ្ងៃ ៩០ ថ្ងៃ ប៉ុន្តែ​ស្រុក​ខ្មែរ​ឥឡូវ ១ ខែ មានតែ ១៥ ថ្ងៃ ព្រោះអី ១៥ ​ថ្ងៃ​បើក​ប្រាក់​ខែ​ម្ដង»។

សម្ដេច​តេជោ ​ហ៊ុន ​សែន បានរំលឹកថា ​ប្រសិន​បើគ្មានជំងឺកូវីដ១៩ ​កម្ពុជា​មានលទ្ធភាព​សាងសង់ហេដ្ឋា​រចនាសម្ព័ន្ធនានា ​ដោយមិនពឹងពាក់បរទេស​ ប៉ុន្តែកូវីដ​ធ្វើបាបយើង ​ពេលនោះ​យើងសន្សំប្រាក់បាន ៤ ពាន់លានដុល្លារ​។​

​សម្ដេចតេជោ ហ៊ុន សែន បន្ថែមថា៖ ​«បន្ទាប់ពីកូវីដធ្វើឱ្យយើងងើបឡើងវិញ មកដល់ពេលនេះ បើតាមខ្ញុំគិត យើង​ចំណេញ​ប្រាក់​មិន​តិចជាង​ ១ ពាន់លានដុល្លារ ​តាម​រយៈការ​យក​សេះដូសេះ​ យើង​អត់​មាន​លុយទេ​ ដើម្បី​កសាងអគារចាស់ៗរបស់យើង ​កន្លែង​ខ្លះយកផ្ទះប្រជាជនធ្វើក្រសួង ​ប៉ុន្តែ​ដោយសារដីកន្លែង​ហ្នឹង​ត្រូវប៉ាន់ ​ក៏ដោះដូរ​កន្លែងហ្នឹងជាមួយដី ៣ ឬ៤ហិកតា»។​

អ្នក​ជំនាញ​ផ្នែក​សេដ្ឋកិច្ច​​នៅ​រាជ្យ​បណ្ឌិត្យសភា​កម្ពុជាយល់ឃើញថា ការ​ប្រមូលពន្ធដើរតួនាទីសំខាន់ក្នុងការរីកចម្រើនសេដ្ឋកិច្ចជាតិ ​និងធានាភាពធន់នៃសេដ្ឋកិច្ច ​ខណៈ​កម្ពុជា​ពឹង​ផ្អែក​សំខាន់​លើការ​ប្រមូលពន្ធ​។ ​

​លោកបណ្ឌិត ហុង វណ្ណៈ អ្នក​ជំនាញ​ផ្នែក​សេដ្ឋកិច្ច​​នៅ​រាជ្យ​បណ្ឌិត្យសភា ​បន្ថែមថា សារពើពន្ធ​​គឺជាគ្រឹះសេដ្ឋកិច្ចដ៏សំខាន់ ដើម្បីយកទៅ​ប្រើប្រាស់​ធានា​ក្នុង​ការចំណាយសាធារណៈ ជាពិសេសទៅលើការវិនិយោគ​សារធា​រណៈ​ ប្រាក់បៀវត្សរ៍ និង​សេវាសង្គមផ្សេងៗ រួមទាំងការបង់ការប្រាក់ និងថ្លៃដើម​កម្ចីប​រទេស។​

​យោង​តាម​ច្បាប់​ថវិកា ឆ្នាំ​២០២៦ ​រាជរដ្ឋាភិបាលកម្ពុជា ​គ្រោង​ប្រមូល​ចំណូល​សារពើពន្ធ​ឱ្យ​បាន ​៦,៨ ពាន់លានដុល្លារ ​ក្នុង​នោះចំណូល​ពន្ធដារ ៣,៨ ពាន់លានដុល្លារ និងចំណូលពន្ធគយ ៣ ពាន់លានដុល្លារ៕

អត្ថបទ៖​ ឡេង ដេត

The post ពន្ធដារប្រមូលចំណូលបានជាង២ពាន់លានដុល្លារក្នុង៥ខែ សម្រេចបានជាង៥៣% នៃផែនការ appeared first on Kampuchea Thmey Daily.

ការជំរុញនេះក្នុងពិធីបើកសិក្ខាសាលាផ្សព្វផ្សាយលើលិខិតបទដ្ឋានគតិយុត្តថ្មីៗ ពាក់ព័ន្ធទៅនឹងប្រភេទពន្ធមួយចំនួន នៅខេត្តសៀមរាប កាលពីថ្ងៃទី ២៦ ខែឧសភា ឆ្នាំ ២០២៦ ម្សិលមិញ។

នាឱកាសនោះ លោក សំកុល សុចិត្រា ក៏បានថ្លែងការកោតសរសើរចំពោះថ្នាក់ដឹកនាំ ព្រមទាំងមន្ត្រីគ្រប់ជាន់ថ្នាក់ នៃសាខាពន្ធដារខត្តសៀមរាប ដែលកន្លងមកបានខិតខំប្រឹងប្រែងយកអស់កម្លាំងកាយចិត្ត ប្រាជ្ញាស្មារតី និង ការប្ដេជ្ញាចិត្តខ្ពស់ក្នុងការខិតខំបំពេញភារកិច្ចបម្រើជាតិមាតុភូមិរហូតសម្រេចបាននូវសមិទ្ធផលជោគជ័យគួរជាទីមោទនៈ។ ជាពិសេសសាខាពន្ធដារខេត្ត តែងតែបំពេញការងារយ៉ាងលឿនឆាប់រហ័ស ប្រកបដោយឆន្ទៈមោះមុត និង មានភាពបុរេសកម្ម ក្នុងការអនុវត្តការងារប្រកបដោយប្រសិទ្ធភាព។

លោកអភិបាលរងខេត្ត ក៏បានបង្ហាញជំនឿយ៉ាងមុតមាំថា សិក្ខាសាលានេះ នឹងផ្ដល់នូវការយល់ដឹងថ្មីៗ បន្ថែមទៀត ជាពិសេសនោះ គឺលិខិតបទដ្ឋានគតិយុត្តថ្មីៗ ពាក់ព័ន្ធនឹងវិស័យអចលនទ្រព្យ ដើម្បីបន្តពង្រឹងកិច្ចសហការ នៃការប្រមូលពន្ធរបស់អគ្គនាយកដ្ឋានពន្ធដារឲ្យបានគ្រប់ចំនួន ឬ លើសពីផែនការដែលបានកំណត់និយាយជារួម និង និយាយដោយឡែក នៅសាខាពន្ធដារខេត្តសៀមរាប ឲ្យអស់សក្ដានុពល និង ចូលរួមផ្ដល់សេវាសាធារណៈពាក់ព័ន្ធជូនដល់ប្រជាពលរដ្ឋបានកាន់តែប្រសើរឡើងថែមទៀត។

ដោយឡែក លោក ចៅ ម៉ៅមុន្នី ប្រធានសាខាពន្ធដារខេត្តសៀមរាប ក៏បានបង្ហាញថា សិក្ខាសាលាផ្សព្វផ្សាយលើលិខិតបទដ្ឋានគតិយុត្តថ្មីៗ ពាក់ព័ន្ធទៅនឹងប្រភេទពន្ធមួយចំនួនរួមមាន ពន្ធប្រថាប់ត្រាផ្ទេរកម្មសិទ្ធិ ឬ សិទ្ធិកាន់កាប់អចលនទ្រព្យ ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ ពន្ធលើចំណេញមូលធន ពន្ធលើថ្លៃឈ្នួលអចលនទ្រព្យ និង ពន្ធលើមធ្យោបាយដឹកជញ្ជូន ជូនដល់អាជ្ញាធរស្រុក-ក្រុង ឃុំ-សង្កាត់-ភូមិ និង​ តាមបណ្ដាស្ថាប័នពាក់ព័ន្ធ រៀបចំឡើងដោយសាខាពន្ធដារខេត្តសៀមរាប ក្នុងគោលបំណងជំរុញដល់ការផ្សព្វផ្សាយបន្តជូនដល់អ្នកជាប់ពន្ធ និង សាធារណជន ឲ្យកាន់តែយល់ច្បាស់ពីប្រភេទពន្ធទាំងនេះ សម្រាប់ជាគុណប្រយោជន៍ដល់ថវិកាថ្នាក់ក្រោមជាតិ៕
អត្ថបទ ៖ គឿនវេត

The post ថ្នាក់ដឹកនាំខេត្តសៀមរាប ជំរុញអាជ្ញាធរគ្រប់លំដាប់ថ្នាក់ ពង្រឹងកិច្ចសហការជាមួយ សាខាពន្ធដារខេត្ត ដើម្បីពន្លឿនការប្រមូលពន្ធលើវិស័យអចលនទ្រព្យ appeared first on Kampuchea Thmey Daily.

​យោង​តាម​ច្បាប់​ថវិកា ឆ្នាំ​២០២៦ ​រាជរដ្ឋាភិបាល ​គ្រោង​ប្រមូល​ចំណូល​សារពើពន្ធ​ឱ្យ​បាន ​២៧​ ៣២៩ ​ពាន់​លាន​រៀល​(ប្រមាណ ៦,៨ ​ពាន់លានដុល្លារ) ​ក្នុង​នោះចំណូល​ពន្ធគយ​ ១២ ០៤៩ ពាន់​លាន​រៀល (៣ ពាន់លាន​ដុល្លារ) និង​ចំណូល​ពន្ធដារ ១៥ ២៨០ ពាន់​លាន​រៀល (៣,៨ ពាន់លាន​ដុល្លារ)។ ​

​សម្ដេច ហ៊ុន ម៉ាណែត ​នាយករដ្ឋមន្ត្រីកម្ពុជា ​មានប្រសាសន៍នៅថ្ងៃទី ២១ ឧសភា ២០២៦ថា​ ការកៀរគរប្រមូល​ចំណូលពន្ធ​ គឺជា​រឿងចាំបាច់ក្នុងការរួមចំណែកគាំទ្រ​ដល់កិច្ចដំណើរការ​នៃការអភិវឌ្ឍសង្គម-សេដ្ឋកិច្ច​ជាតិ។​

​សម្ដេច ហ៊ុន ម៉ាណែតថ្លែងថា៖ «ការកៀរគរប្រមូលចំណូលពន្ធទាំងផ្នែកផ្ទៃក្នុង ពន្ធគយ គឺជាការ​ចាំបាច់​ក្នុងការចូលរួមចំណែកគាំទ្រ​ដល់កិច្ចដំណើរការនៃការអភិវឌ្ឍសង្គមសេដ្ឋកិច្ចជាតិ។ នៅក្នុង​ទសវត្សរ៍ចុងក្រោយ​ជាមួយនឹងកំណើនសេដ្ឋកិច្ចខ្ពស់​ចំណូលពន្ធដារនៅកម្ពុជា​មានការកើន​ឡើងគួរ​ឱ្យកត់សម្គាល់ ដែលការណ៍នេះបានអនុញ្ញាតឱ្យរាជរដ្ឋា​ភិ បាលមានលទ្ធភាពក្នុង​ការកសាងហេដ្ឋា​រចនាសម្ព័ន្ធសំខាន់ៗ ដូចជាផ្លូវ ថ្នល់ ស្ពាន អគារ សាលារៀន ​មន្ទីរពេទ្យ នៅទូទាំងប្រទេស»។​

​សម្ដេចនាយករដ្ឋមន្ត្រីបន្ថែមថា ​ចំណូលពន្ធក៏បានអនុញ្ញាតឱ្យរាជរដ្ឋាភិបាល ​អាចកៀគរទុនបម្រុង​ជាប្រាក់សន្សំ សម្រាប់ប្រើប្រាស់ក្នុងការអនុវត្តវិធានការនានា ​ដើម្បីជម្នះនូវរាល់បញ្ហាប្រឈម និង​អាចសម្របខ្លួនទៅតាមការប្រែប្រួលនៃសភាពការ ក្នុងតំបន់ និងសកលលោក។

​លោកបណ្ឌិត ហុង វណ្ណៈ អ្នក​ជំនាញ​ផ្នែក​សេដ្ឋកិច្ច​​នៅ​រាជ្យ​បណ្ឌិត្យសភា​កម្ពុជាប្រាប់កម្ពុជាថ្មីថា ការ​ប្រមូលពន្ធដើរតួនាទីសំខាន់ក្នុងការរីកចម្រើនសេដ្ឋកិច្ចជាតិ ​និងធានាភាពធន់នៃសេដ្ឋកិច្ច ​ខណៈ​កម្ពុជា​ពឹង​ផ្អែក​សំខាន់​លើការប្រមូលពន្ធ​។

​លោកបណ្ឌិត ហុង វណ្ណៈ បន្ថែមថា សារពើពន្ធ​​គឺជាគ្រឹះសេដ្ឋកិច្ចដ៏សំខាន់ ដើម្បីយកទៅប្រើប្រាស់ធានា​ក្នុង​ការចំណាយសាធារណៈ ជាពិសេសទៅលើការវិនិយោគ​សារធា​រណៈ​ ប្រាក់បៀវត្សរ៍ និងសេវាសង្គមផ្សេងៗ រួមទាំងការបង់ការប្រាក់ និងថ្លៃដើម​កម្ចីប​រទេស។​

​លោកបណ្ឌិត ហុង វណ្ណៈ យល់ឃើញថា៖ «ប្រសិនបើ​យើងអត់មាន​ប្រភពចំណូលច្បាស់លាស់ទេ ប្រាកដ​ណាស់រដ្ឋា​ភិបាល​អាចនឹងជួបវិបត្តិ»៕​​

អត្ថបទ៖ ឡេង ដេត

The post រដ្ឋាភិបាល​ ​រំពឹង​កំណើន​ចំណូល​ពន្ធជាង ​១០% ​នៅឆ្នាំ ២០២៧​ appeared first on Kampuchea Thmey Daily.

យោងតាមសារាចរ​ស្តីពីការរៀបចំផែនការយុទ្ធសាស្ត្រថវិកាឆ្នាំ២០២៧-២០២៩ និង​ការ​រៀបចំ​សេចក្តីព្រាងច្បាប់ថវិកា ឆ្នាំ២០២៧ ដែល​ចេញ​កាល​ពី​ថ្ងៃ​ទី​១៥ ខែ​ឧសភា ចុះ​ហត្ថលេខា​ដោយ​នាយករដ្ឋមន្ត្រី សម្ដេច​ធិបតី ហ៊ុន ម៉ាណែត វិធាន​ការ​នេះ​ក៏​ស្រប​គ្នា​នឹង​ការ​ពង្រឹង​ការ​វិធាន​ការ​ហាម​ឃាត់​ការ​ផ្ដល់​រង្វាន់​តាម​ក្រវិល​កំប៉ុង ឬ​គម្រប​នៃ​ផលិត​ផល​គ្រឿង​ស្រវឹង និង​ភេសជ្ជៈ​ដើម្បី​ធានា​ឱ្យ​មាន​នូវ​តម្លាភាព​ និង​លើក​កម្ពស់​បរិយាកាស​ប្រកួត​ប្រជែង​ស្មើ​ភាព​។

ក្នុង​សារាចរ​នោះ​បាន​សរសេរ​ថា៖ «ពង្រឹង​យន្ត​ការ​គ្រប់គ្រង​ចំណូល​ពន្ធ​លើ​វិស័យ​ផលិត​ស្រាបៀរ និង​ភេសជ្ជៈ ស្របតាម​សេចក្ដីណែនាំ​លេខ ១៥០២៤ ស្ដីពី​កាតព្វកិច្ច​ដំឡើង​ឧបករណ៍​វាស់​ចំណុះ​ស្រាបៀត​ ដែល​តម្រូវ​ឱ្យ​សហគ្រាស​ផលិត​ក្នុង​ស្រុក​ដំឡើង​កុង​ទ័រ​ ក្នុង​ខែ​ចង្វាក់​ផលិតកម្ម​ ដើម្បីវាស់​បរិមាណ​ផលិត​នៅ​តាម​បង្ហូរ​ស្រាបៀរ និង​អាច​ទទួល​បាន​ទិន្នន័យ​ភ្លាមៗ​ពី​ទីតាំង​ផលិត»។​

បន្ថែម​លើ​នេះ​នាយករដ្ឋមន្ត្រី​ក៏​ឱ្យ​ទារ​​បំណុល​ពន្ធ​ឱ្យ​បាន​ជា​អតិបរិមា​ដើម្បី​កាត់​បន្ថយ​នូវ​បំណុល​ពន្ធ​បច្ចុប្បន្ន​ និង​ចៀង​វាង​កើន​ឡើង​បំណុល​ពន្ធ​អនាគត​ផងដែរ​។

វិធាន​ការ​នេះ​គឺ​ដើម្បី​ធានា​ដល់​តុល្យភាព​រយៈពេល​មធ្យម​នៃ​ថវិកា​រដ្ឋ និង​ដើម្បី​ឱ្យ​សម្រេច​បាន​តាម​ការ​កំណត់​ចំណូល​សរុប​ថវិកា​រដ្ឋ​ក្នុង​ឆ្នាំ​២០២៧​៕

អត្ថបទដោយ ហ៊ុន សិរីវឌ្ឍន៍ ​

The post រដ្ឋាភិបាល​នឹង​ពង្រឹង​ការ​ប្រមូល​ពន្ធ​លើ​ស្រាបៀរ​ ខណៈ​ហាម​ឃាត់​ការ​ផ្ដល់​រង្វាន់​តាម​ក្រវិល​កំប៉ុង​ appeared first on Kampuchea Thmey Daily.

​សម្ដេច ​ហ៊ុន ​ម៉ាណែត ​លើកឡើងបែបនេះ​ ​បន្ទាប់ពី​អ្នកឧកញ៉ា ​គិត ម៉េង ប្រធាន​សភា​ពាណិជ្ជ​កម្ម​កម្ពុជា​ បានលើក​ឡើង​នៅឯវេទិកាពន្ធដារកម្ពុជា កាលពីដើមខែកុម្ភៈ ២០២៦​ ដោយបានប្រើ​ពាក្យ​លាង​បាប ​ក្នុងន័យ​ស្នើសុំឱ្យរដ្ឋពិចារ​ណាអនុ​គ្រោះលើបំណុល​ពន្ធជំពាក់​រដ្ឋ​កន្លង​មក ដែល​ត្រូវបាន​ពន្ធដារ​រកឃើញជាបំណុល ពន្ធរ៉ាំរ៉ៃ និងបំណុលពន្ធបច្ចុប្បន្ន ​និង​ពិចារណា​លុបបំណុល​ពន្ធ​ទាំង​នោះ​ចោល​។​​

​សម្ដេចធិបតី ​ហ៊ុន ​ម៉ាណែត បញ្ជាក់ថា៖ «ថ្ងៃមុនខ្ញុំឃើញអ្នកឧកញ៉ា គិត ម៉េង ​សុំលាងបាបអី មិន​លាងអី​ យ៉ាងម៉េច ​ឯកឧត្តម ​គង់ វិបុលថា ​ខ្ញុំលាងបាបឱ្យហើយតើ ​ប៉ុន្តែ ​អ្នកខ្លះ ​ដូចលាង​អត់អស់ អញ្ចឹង​នៅ​ពេល​ដែលយើង​ឈប់និយាយពីរឿងបាប ​យើង​និយាយពីកាតព្វកិច្ចយល់គ្នាទៅវិញទៅមក ពេលហ្នឹងវាស្រួល»។

​សម្ដេចធិបតី​បន្ត​ថា ​ការយោគ​យល់​ជាដំណាក់កាលអន្តរកាល ​ដល់ពេលមួយគឺគ្រប់គ្នា ទាំង​អ្នក​បង់​ពន្ធ​ ​ទាំងមន្ត្រីពន្ធដារ​យល់ដូចគ្នា​ កាតព្វកិច្ច​ និង​ការទទួលខុសត្រូវ​ ការយោគយល់តិច ​ទៅ​តាម​គោល​ការណ៍ស្មើភាពគ្នាច្រើន​។​

​សម្ដេច ​ហ៊ុន ​ម៉ាណែត ​បន្ថែមថា៖ ​«ដើម្បីប្រសិទ្ធិភាព ពន្ធដារយើងខំប្រឹងហើយ ប៉ុន្តែមិនគ្រប់ទេ ត្រូវ​មាន​ការចូលរួម​ ចូល​រួមទី១ គឺក្រុមហ៊ុន សហគ្រាស ​ថ្ងៃក្រោយមិនបាច់ទៅអង្គុយសុំលាងបាប មិន​លាង​បាបអីទេ ​បំពេញកាតព្វកិច្ចទៅលែងបាបហើយ»៕​

អត្ថបទ៖ ឡេង ដេត

The post ​សម្ដេច​ ហ៊ុន ម៉ាណែត៖ ​«​​ក្រុមហ៊ុន សហគ្រាស ​​បំពេញ​កាតព្វកិច្ច​បង់ពន្ធ​ទៅ ​លែង​បាប​ហើយ»​ appeared first on Kampuchea Thmey Daily.

​សម្ដេច ​ហ៊ុន ម៉ាណែត លើកឡើងថា៖ «​សំខាន់បំផុតគឺការប្រែក្លាយផ្នត់គំនិត ​កុំឱ្យគិតថា ​អ្នកបង់ពន្ធ ​ជាអ្នកជាប់ទោស ​ជាអ្នកមានកំហុស ​ហើយពន្ធដារ ​គឺជាអ្នកចាប់កំហុស ​អត់ទេ​ ត្រូវធ្វើយ៉ាងណា​ឱ្យ​មានទំនុកទុកចិត្តរវាងគ្នា ​ទៅវិញទៅមក ​កាតព្វកិច្ចរៀងៗខ្លួន ​អ្នកដែលបង់ពន្ធ ​គឺយើងបង់មក ​ដើម្បី​រដ្ឋ​យកទៅកសាង​ធនធាន ​កសាងហេដ្ឋារចនាសម្ព័ន្ធ ​សង្គម​របស់​យើង​បន្ថែមទៀត​ ចូលរួមកសាង​ជាតិ ​បង្កើត​នូវ​ការ​ប្រកួតប្រជែង​ដោយ​ស្មើភាពគ្នា»។​

​សម្ដេច ​ហ៊ុន ម៉ាណែត ​បន្ថែមថា ​ពន្ធគឺជាការផ្ទេរ ​នៃធនធាន ​អ្នកដែលមានធនធានច្រើនលុយហ្នឹងបង់ទៅដើម្បីជួយអ្នកដែលអត់។ ​ឧទាហរណ៍ថា ​កម្មវិធីសមធម៌ អ្នកក្រីក្រទៅព្យាបាលអត់បង់លុយ តែរដ្ឋចេញឱ្យលុយហ្នឹងបានតាមរយៈការប្រមូលពន្ធរបស់រដ្ឋ។​ សម្ដេចបន្តថា ​ការវិលធនធាននេះ ​គឺរដ្ឋយកទៅវិនិយោគលើផ្លូវ ​ហេដ្ឋារចនាសម្ព័ន្ធ ​និងសេវា​រដ្ឋ​បាលផ្សេងៗ។​

​អគ្គនាយកដ្ឋានពន្ធដារ​ ប្រមូលចំណូលបានជាង​ ១,៧៨ ​ពាន់លានដុល្លារ ​នៅក្នុងរយៈពេល ៤ ខែ (មករា-មេសា) ២០២៦ កើនឡើង ៤៦,៧៥% ធៀប​នឹងរយៈពេលដូចគ្នា​កាលពីឆ្នាំមុន​៕

អត្ថបទ៖ ឡេង ដេត

The post ​នាយករដ្ឋមន្ត្រី​ អំពាវនាវ​កុំឱ្យ​ប្រកាន់​ផ្នត់​គំនិត​ថា​ ខ្លួន​មាន​កំហុស ​ក្នុង​កាតព្វកិច្ចបង់ពន្ធ appeared first on Kampuchea Thmey Daily.

ពិធី​នេះ​ត្រូវបានតែងតាំង​លោក សិញ សេង​ហោ ជា​ប្រធាន​ទីចាត់ការ​ពន្ធដារ​រាជធានី​ភ្នំពេញ និង ប្រកាស​តែងតាំង​លោក ស៊ុន វុទ្ធី ជា​ប្រធាន​សាខា​ពន្ធដារ​ខណ្ឌ​ ៧​ មករា។

លោក ឃួង ស្រេង បាន​មានប្រសាសន៍ថា ការប្រកាស​តែងតាំង​ប្រធាន​ទីចាត់ការ​ពន្ធដារ​រាជធានី​ភ្នំពេញ និង​ប្រធាន​សាខា​ពន្ធដារ​ខណ្ឌ​ ៧​ មករា​ នាពេលនេះ​ ធ្វើឡើង​ជាធម្មតា សម្រាប់​អាជីព​មន្ត្រី​រាជការ ទៅតាម​នីតិវិធី​កំណត់​ដោយ​ច្បាប់។ ជាក់ស្តែង​ចំពោះ​ការប្រកាស​តែងតាំង​អ្នក​ទាំង​ ២ នាពេលនេះ គឺ​ដើម្បី​បន្ត​អនុវត្ត​ការងារ​កាន់តែ​ល្អ​ថែមទៀត​ក្នុង​ការ​រក​ចំណូល​ថវិកា​ពី​អ្នក​ជាប់​ពន្ធ​ចូល​ជា​ថវិកា​រដ្ឋ។

លោក ឃួ​ង ស្រេង សូមឱ្យ​ប្រធាន​ទីចាត់ការ​ពន្ធដារ​រាជធានី​ភ្នំពេញ និង​ប្រធាន​សាខា​ពន្ធដារ​ខណ្ឌ ​៧​ មករា បញ្ចេញ​ឱ្យអស់​ចំណេះដឹង ក្នុងការ​ប្រមូល​ពន្ធ កែទម្រង់​ខាងក្នុង ធានា​អភិបាលកិច្ច​ល្អ​ និង​គ្មាន​កំហុស​ឆ្គង។

លោក ឃួង ស្រេង ក៏បាន​ផ្ដាំផ្ញើ​ផងដែរ​ថា ក្នុងនាម​ជា​មន្ត្រីរាជការ បម្រើ​សេវា អ្នក​ជាប់ពន្ធ ត្រូវ​បំពេញ​ការងារ​នេះ​ឱ្យបាន​ល្អ ឱ្យបាន​លឿន ​និង​មាន​តម្លាភាព។ ត្រូវ​ដឹងខ្លួន​ថា យើង​ជា​មន្ត្រី​បម្រើ​ពលរដ្ឋ មិនមែនជា​ចៅហ្វាយ​របស់​ប្រជាពលរដ្ឋ​នោះទេ​។ បន្ថែម​ពីនេះ​ លោក ឃួ​ង ស្រេង ក៏បាន​ស្នើ​ឱ្យ​ខណ្ឌ​ទាំង​ ១៤ ​ខណ្ឌ គាំទ្រ​ជាមួយនឹង​ការសហការ​ជាមួយ​សាខា​ពន្ធដារ​រាជធានី​ភ្នំពេញ ដើម្បី​ជំរុញ​ឱ្យ​ការប្រមូល​ពន្ធពី​អ្នក​ជាប់ពន្ធបាន​រលូន​ស្របទៅតាម​ផែនការ​ដែល​បានកំណត់។

លោក គង់ វិបុល ក្នុងឱកាស​នោះ​ ក៏បាន​ថ្លែង​នូវ​ការ​អរគុណ​ចំពោះ​ប្រធាន​ទីចាត់ការ​ពន្ធ​ដារ​រាជធានី​ភ្នំពេញ និង​ប្រធាន​សាខា​ពន្ធដារ​ខណ្ឌ​ ៧ ​មករា ចាស់ ​ដែល​បាន​ខិតខំ​ប្រឹងប្រែង​យក​អស់​កម្លាំង​កាយ​ចិត្ត​ក្នុង​ការ​បំពេញ​ការងារ​បាន​យ៉ាង​ល្អជូន​អគ្គនាយកដ្ឋាន​ពន្ធដារ ,​ ក្រសួង​សេដ្ឋកិច្ច​ និង​ហិរញ្ញវត្ថុ និង​រាជរដ្ឋាភិបាល។

បន្ថែម​ពីនេះ​ លោក គង់ វិបុល បាន​ណែនាំ​ឱ្យ​ប្រធាន​ទីចាត់ការ​ពន្ធដារ​រាជធានី​ភ្នំពេញ និង​ប្រធាន​សាខា​ពន្ធដារ​ខណ្ឌ​ ៧ ​មករា​ ដែល​តែងតាំង​ថ្មី​នេះ បន្ត​កិច្ចការងារ​នេះឱ្យបាន​កាន់តែ​ល្អ ស្របតាម​វិជ្ជាជីវៈ ធ្វើជា​មន្ត្រី​ស្អាតស្អំ​របស់​រាជរដ្ឋាភិបាល មាន​សាមគ្គីភាព​ផ្ទៃ​ក្នុង​ល្អ ដោយ​មិន​ត្រូវ​មើល​រំលង​ពី​កំហុស​ឆ្គង​របស់​ខ្លួន​ឯង។ ក្នុងនាម​ជា​មន្ត្រី​បម្រើ​រាស្ត្រ ត្រូវ​បម្រើ​សេវា​ជូន​អ្នក​ជាប់​ពន្ធ​ឱ្យ​បាន​ល្អ ទាំង​ពាក្យសំដី ទាំង​ការ​ផ្តល់​សេវា​ជាដើម ឱ្យ​សម​ជា​មន្ត្រី​របស់​រាជរដ្ឋាភិបាល​ដែលមាន​ក្រម​សីលធម៌​ខ្ពស់ ក្មេង ឆ្លាត​វៃ និង​ប៉ិនប្រសព្វ៕

អត្ថបទ ៖ ស្រីរ័ត្ន

The post ប្រកាសតែងតាំងប្រធានទីចាត់ការពន្ធដាររាជធានីភ្នំពេញ និងប្រធានសាខាពន្ធដារខណ្ឌ ៧ មករា appeared first on Kampuchea Thmey Daily.