ការបង្ហោះសារដែលមានន័យដូចជាការលាអ្នកគាំទ្រនាពេលកន្លងទៅ បានធ្វើឱ្យមហាជនជាច្រើន សម្តែងការព្រួយបារម្ភ និងមានការងឿងឆ្ងល់ថា ហេតុអ្វីបានជាតារាចម្រៀងស្រីដែលនៅតែមានប្រជាប្រិយភាពខ្លាំង និងរក្សាបាននូវកេរ្តិ៍ឈ្មោះល្បីល្បាញអស់រយៈពេលជាង ២ទសវត្សរ៍រូបនេះ បង្ហោះខ្លឹមសារបែបនោះ។

យ៉ាងណាមិញ តាមរយៈវីដេអូខ្លីមួយដែលមានអ្នកគាំទ្រសួរនាំដោយផ្ទាល់នៅលើឆាកតន្ត្រី អ្នកនាង ពេជ្រ សោភា បានបញ្ជាក់ថា មូលហេតុដែលធ្វើឱ្យនាងបង្ហោះសារបែបនោះ គឺដោយសារតែនាងមានជំងឺប្រចាំខ្លួនមួយ ដែលការព្យាបាលមិនអាចកំណត់ពេលវេលាច្បាស់លាស់បាន។

តារាចម្រៀងស្រីរូបនេះបានលើកឡើងថា តាមពិតទៅ មិនសូវមានមនុស្សដឹងអំពីបញ្ហាសុខភាពរបស់នាងនោះទេ ហើយដោយសារតែមិនអាចដឹងច្បាស់ពីរយៈពេលនៃការព្យាបាល ទើបនាងចង់រក្សាទុកការចងចាំ និងក្តីស្រលាញ់ដែលអ្នកគាំទ្របានផ្តល់ឱ្យនាងអស់រយៈពេលជាង ២០ឆ្នាំកន្លងមក។

អ្នកនាង ពេជ្រ សោភា បានបញ្ជាក់ទៀតថា ការចាកចេញពីវិស័យសិល្បៈនឹងកើតមានឡើង លុះត្រាតែស្ថានភាពជំងឺរបស់នាងឈានដល់ដំណាក់កាលធ្ងន់ធ្ងរប៉ុណ្ណោះ ខណៈបច្ចុប្បន្ននាងនៅតែមានសុខភាពល្អ និងសូមឱ្យមហាជនកុំមានការព្រួយបារម្ភខ្លាំងពេក។

ទោះបីជាមានការលើកឡើងអំពីបញ្ហាសុខភាពក៏ដោយ អ្នកនាង ពេជ្រ សោភា មិនបានបង្ហាញលម្អិតពីប្រភេទជំងឺ ឬស្ថានភាពជាក់លាក់របស់ខ្លួននោះឡើយ។

គួរបញ្ជាក់ថា តារាចម្រៀងស្រីដ៏មានប្រជាប្រិយភាពរូបនេះ នៅតែបន្តទទួលបានការគាំទ្រយ៉ាងខ្លាំងពីសំណាក់មហាជន និងនៅតែមានវត្តមានជាបន្តបន្ទាប់នៅក្នុងកម្មវិធីទូរទស្សន៍ ក៏ដូចជាកម្មវិធីប្រគំតន្ត្រីតូចធំជាច្រើននៅតាមបណ្តាខេត្តនានា ដោយបន្តរក្សាបាននូវប្រជាប្រិយភាពដូចដើម៕ ដោយ៖ ចាន់រ៉ា

The post ពេជ្រ សោភា បញ្ជាក់មូលហេតុក្រោយបង្ហោះសារលាអ្នកគាំទ្ររៀងរហូត appeared first on Kampuchea Thmey Daily.

តាមរយៈបទចម្រៀងមនោសញ្ចេតនា ព្រមនិងបទញាក់កន្ត្រាក់អារម្មណ៍ជាច្រើនបទ ជាមួយនឹងការសម្តែង MV ដ៏បុិនប្រសពន្វ ពេជ្រ សោភា បានបង្ហាញឱ្យមហាជនពិសេសអ្នកគាំទ្រខ្លួនទទួលស្គាល់ និងទទួលបានប្រជាប្រិយភាពមកទល់នឹងបច្ចុប្បន្ននេះ។ 

តួយ៉ាង ក្នុងវិថីសិល្បៈប្រមាណជា ២០ឆ្នាំ ពេជ្រ សោភា មានឱកាសបង្ហាញសមត្ថភាពជាមួយនឹងចម្រៀងខ្ទង់រយសិបបទទៅហើយ ខណៈបទភាគច្រើន សុទ្ធសឹងតែផ្ទុះការចាប់អារម្មណ៍។

ដោយឡែក ក្រៅពីច្រៀងបទចម្រៀងដែលជាស្នាដៃទំនុកច្រៀងកវីនិពន្ធឆ្នើមៗរបស់ផលិតកម្ម រាជិនីចម្រៀងរូបនេះ ក៏មានស្នាដៃទំនុកច្រៀងខ្លួនឯងផងដែរ ខណៈអ្នកស្តាប់ភាគច្រើនប្រហែលជាមិនសូវចាប់អារម្មណ៍ទេថា បទមនោសញ្ចេតនាចាក់ដោតអារម្មណ៍ល្បីៗជាច្រើនបទ ដូចជា អូនយំបងលួងគេ, សម្ពាធផ្លូវចិត្ត, អូនទៅហើយ, ប្រពន្ធបងមិនល្អមែនទេ, I Am A Queen, Lonely, នៅក្បែរបងអូនកក់ក្តៅ, អូនទៅបានបើបងដេញ និង ផឹកលួងខ្លួនឯង ជាដើម។ល។ សុទ្ធសឹងស្នាដៃនិពន្ធរបស់តារាចម្រៀងល្បីឈ្មោះរូបនេះ។

អ្នកនាង ពេជ្រ សោភា តារាចម្រៀងស្រីល្បីឈ្មោះ នៅតែមានស្នាដៃស្ថិតស្ថេរក្នុងដួងចិត្តមហាជន តាមរយៈបទចម្រៀងពីរោះៗជាច្រើនបទ។ បើរំលឹកដល់ចំណុចចាប់ផ្តើមនៃការបោះជំហានរបស់រាជិនីលើវិថីតន្ត្រី ពេជ្រ សោភា ជាតារាចម្រៀងស្រីដ៏លេចធ្លោបំផុតលំដាប់ប្រទេស និងជាតារាចម្រៀងដែលមានសមត្ថភាព និងស្រស់សោភា  របស់ផលិតកម្ម រស្មីហង្សមាស ហើយធ្លាប់ចូលរួមអង្គ្រួនឆាកព្រឹត្តិការណ៍ដ៏ធំ Best Of The Best មិនតិចដងនោះទេ៕

The post ដឹងអត់? បទល្បីចាក់ដោតអារម្មណ៍ប៉ុន្មានបទរបស់ ពេជ្រ សោភា ជាស្នាដៃនិពន្ធទំនុកច្រៀងដោយខ្លួនឯង appeared first on Kampuchea Thmey Daily.

គួរកត់សម្គាល់ដែរថា តារាចម្រៀងស្រីអ្នកនាង ពេជ្រ សោភា ខណ:ពេលដែលអាជីពសិល្ប:ទទួលបានភាពជោគជ័យ និងមានទីផ្សារគាំទ្រច្រើននាងតែចេញមកបំផុសស្មារតីដល់អ្នកគាំទ្រនិងមហាជន ថាមនុស្សគ្រប់រូបគឺមានតម្លៃស្មើគ្នា។

ដោយឡែកអ្វីដែលធ្វើឲ្យអ្នកគាំទ្ររបស់កាន់តែ ចាប់អារម្មណ៍ថែមទៀត ពេជ្រ សោភា បានបញ្ជាក់ប្រាប់ច្បាស់ៗគឺជីវិតនាងមិនខ្វល់រឿងគេនិយាយដើម ឬដៀលអាក្រក់ពីខ្លួនឡើយ។ ផ្ទុយមកវិញ រឿងត្រូវធ្វើគឺនាងត្រូវខំដើម្បីខ្លួនឯង។ អ្នកនាង ពេជ្រ សោភា បាននិយាយថា “និយាយដើមខ្ញុំ ដៀលថាខ្ញុំអាក្រក់ មិនល្អត្រង់នេះ មិនល្អត្រង់នោះ នែអត់បានខ្វល់ទេរវល់ថែសម្រស់ហើយ ឈ្លោះតែម្នាក់ឯងទៅ“។

ជាមួយគ្នានេះមានការបញ្ចេញមតិថា ពិតណាស់ឣត់ខ្វល់នាំខាតពេលយើង មែនហើយនិយាយដើមមិនពិតពីឣ្នកណាមិនដឹងទេតែបើនិយាយចោទ មិនពិតពីនាងខ្ញុំធ្លាប់ឃើញឣ្នកទាំងនោះ ភាគច្រើនគ្មានមុខរបរឣ្វីល្អផង បើមិនដើរយកប្តីគេទេក៏ដើរលក់ខ្លួនឬធ្វើចោរដែរ ។

សូមជម្រាបដែរថា តារាចម្រៀងអ្នកនាង ពេជ្រ សោភា គិតមកដល់ពេលនេះ នាងបានចូលប្រឡូកក្នុងវិស័យសិល្ប:មានរយ:ពេលយូរឆ្នាំហើយ ស្របពេលដែលប្រជាប្រិយភាព និងកេរ្តិ៍ឈ្មោះនៅតែរក្សាបានការគាំទ្រច្រើនពីមហាជននិងមិត្តៗយុវ័យផងនោះ៕ អត្ថបទ៖ ចាន់រ៉ា

The post ពេជ្រ សោភា ជូនប្រយោគមួយទៅកាន់អ្នកដែលតិះដៀល និងរិះគន់ខ្លួន appeared first on Kampuchea Thmey Daily.

ដោយឡែក ងាកមកមើលតារាចម្រៀងល្បីឈ្មោះអ្នងនាង ពេជ្រ សោភា បានសរសើរពេញៗមាត់ថា អ្នកនាង រឹម លក្ម្សី ដែលត្រូវជាភរិយាលោក ជា សុជាតិ ពិតជាស្រ្តីដែលមានសំណាងខ្លាំង ដែលបានបុរសម្នាក់ល្អចេះស្រលាញ់ថ្នាក់ថ្នមយល់ចិត្ត។

កំពូលតារាចម្រៀងអ្នកនាង ពេជ្រ សោភា បានចែករំលែកខ្លឹមរបស់ភរិយាលោក ជា សុជាតិ ដោយអ្នកនាងបញ្ជាក់ចេញពីចិត្តថា “ប្អូនជាមនុស្សស្រីដែលមានសំណាង ដែលបានជួបមនុស្សប្រុសល្អ”។

ពាក្យពេចន៍សរសើរនេះ គឺបន្ទាប់ពីអ្នកនាង រឹម លក្ម្សី បានបង្ហោះសារដ៏វែងមួយដោយឆ្លើយតបទៅនឹងអ្នកដែលរិះគន់រូបសម្រស់ខ្លួនវិញថា ខ្លួនមិនប្រកាន់នឹងសម្តីនោះឡើយ ព្រោះគ្មានតម្លៃក្នុងចិត្តអ្នកនាងទេ។ មិនតែប៉ុណ្ណោះ អ្នកនាងថែមទាំងបញ្ជាក់ថា ខ្លួនបែជាមានអារម្មណ៍ថាខ្លួនឯងមានសំណាងខ្លាំងដែលបានបុរសដែលមិនមានចរឹតដូចជាអ្នករិះគន់នោះ មកធ្វើជាស្វាមីទៅវិញ។

ជុំវិញរឿងរ៉ាវនេះ ត្រូវបានអ្នកសិល្បៈ ក៏ដូចជាមហាជនជាច្រើន បានចេញមកសម្តែងការហួសចិត្តនឹងបុគ្គលដែលរិះគន់ភរិយាលោក ជា សុជាតិ និងបានស្ញប់ស្ញែងចំពោះនាងផងដែរ ដែលមានស្វាមីដែលចេះស្រឡាញ់ និងមើលថែបែបនេះ៕ អត្ថបទ៖ ចាន់រ៉ា

The post ពេជ្រ សោភា សរសើរភរិយា ជា សុជាតិ ថាជាមនុស្សស្រីមានសំណាង ព្រោះជួបបុរសល្អជាស្វាមី appeared first on Kampuchea Thmey Daily.

យ៉ាងណាមិញ ថ្មីៗ នេះ តារា​ចម្រៀង​ស្រី​ដ៏​មាន​ប្រជាប្រិយភាព អ្នកនាង ពេជ្រ សោភា បាន​លើក​ឡើង​ដោយ​បង្ហាញ​អារម្មណ៍​ដូច្នេះ​ថា «គ្មាន​ការ​ផ្លាស់ប្ដូរ​ថ្មី​មួយ​ណា ដែល​គ្មាន​ការ​ចាប់ផ្ដើម​នោះ​ទេ អរគុណ ២០២៣ អរគុណ ២០២៤ តែ ២០២៥ ខ្ញុំ​មិន​ឲ្យ​អ្នកណា​ធ្វើ​បាប​ខ្ញុំ​បាន​ទៀត​ទេ»។

ចំពោះ​ការ​បង្ហាញ​អារម្មណ៍​របស់​តារា​ចម្រៀង​ស្រី អ្នកនាង ពេជ្រ សោភា ពេលនេះ ប្រហែល​គ្រាន់តែ​គឺជា​ការ​លើក​ទឹកចិត្ត និង​ដាស់​ស្មារតី​ខ្លួន ឲ្យ​ខំប្រឹង​បន្ត​ដំណើរ​ទៅ​មុខ ឬ ចាប់ផ្ដើម​គោលដៅ​ជីវិត​ជា​ថ្មី​ជាមួយ​ការ​តស៊ូ ជម្នះ​ឧបសគ្គ នានា ប៉ុណ្ណោះ។

ជារឿយៗ បើ​តាម​ការ​កត់សម្គាល់ តារា​ស្រី​សាច់​ចាំ អ្នកនាង ពេជ្រ សោភា តែងតែ​ចេញ​សារ​លើក​ទឹកចិត្ត​ដាស់តឿន​ដល់​អ្នក​គាំទ្រ ឲ្យ​ចេះ​ស្រលាញ់​ខ្លួនឯង ឲ្យ​តម្លៃ​ចំពោះ​មនុស្ស​ជុំវិញ​ខ្លួន និង កុំ​មើលងាយ​ខ្លួនឯង​តាម​មាត់​គេ ឬ កុំ​បោះបង់​ខ្លួនឯង​ឲ្យ​សោះ។ មិន​តែ​ប៉ុណ្ណោះ តារា​ស្រី រូប​នេះ ក៏​ធ្លាប់​ចេញ​សារ​អំពាវនាវ​ដោយ​ទទូច​សូម​ឲ្យ​កូន​ខ្មែរ​ទាំងអស់ ស្រាក់​ដៃ​គ្នា​ក្នុង​ការ​ចូលរួម​លើក​ស្ទួយ​វប្បធម៌​សិល្បៈ​បុរាណ​ខ្មែរ​ផង​ដែរ។

អ្នកនាង ពេជ្រ សោភា គឺជា​តារា​ចម្រៀង​ស្រី​ដ៏​មាន​ប្រជាប្រិយភាព​លំដាប់​ជួរ​មុខ​មួយ​រូប ដែល​បាន​បង្ហាញ​ខ្លួន​នៅ​ឆ្នាំ ២០០៤ ក្នុង​ផលិតកម្ម​រស្មី​ហង្សមាស។ គិត​មក​ដល់​ពេលនេះ អ្នកនាង បាន​ចូល​ប្រឡូក​ក្នុង​វិស័យ​សិល្បៈ​មាន​រយៈពេល​យូរ​ឆ្នាំ​ហើយ តែ​ចំពោះ​ប្រជាប្រិយ​ភាព និង​កេរ្តិ៍ឈ្មោះ វិញ នៅតែ​រក្សា​បាន​ការ​គាំទ្រ​ច្រើន​ពី​មហាជន អ្នកគាំទ្រ និង យុវវ័យ​ដដែល។

បើ​ក្រឡេក​មក​មើល​សម្រស់​របស់​តារា​ស្រី​រូប​នេះ​វិញ ត្បិត អ្នកនាង ពេជ្រ សោភា មាន​វ័យ​កាន់តែ​ជ្រេ​បន្តិច​ក្ដី ប៉ុន្តែ​នៅតែ​រក្សា​បាន​ភាព​ស្រស់​ស្អាត និង​ក្មេង​ជាង​វ័យ​ដដែល៕

អត្ថបទ ៖ ពិសី

The post តារាស្រីជួរមុខ ពេជ្រ សោភា ថា ឆ្នាំ ២០២៥ មិនឲ្យអ្នកណាធ្វើបាបបានទៀតទេ appeared first on Kampuchea Thmey Daily.

ជាការពិតគេសង្កេតឃើញថាមកដល់រសៀលថ្ងៃទី៧ ខែតុលាឆ្នាំ២០២៤នេះ គឺមានមហាជនអ្នកគាំទ្រនិងអ្នកសិល្ប:​របស់ខ្មែរជាច្រើនបានផ្ទុះនូវប្រតិកម្មដោយសម្តែងការខកចិត្តយ៉ាងខ្លាំងបន្ទាប់ពីផេកផ្លូវការរបស់ MGI បានប្រកាសកាលពីយប់ថ្ងៃទី០៦ខែតុលាថាកម្ពុ ជាមិនអាចបន្តធ្វើជាម្ចាស់ផ្ទះនៃកម្មវិធីMiss Grand International 2024 ទៀតទេ។

ចាប់អារម្មណ៍មកកំពូលតារាចម្រៀងអ្នកនាង ពេជ្រ សោភា គឺមិនខុសគ្នាពីទស្សនិកជនទេដោយបានបញ្ចេញប្រតិកម្ម​ឈឺចិត្តជាខ្លាំងនូវទង្វើមើលងាយរបស់ប័នអន្តរជាតិ MISS GRAND INTERNAIONAL ដែលកំពុងបង្ហាញពីចេតនាមើលងាយមកលើអ្នករៀបចំនៅប្រទេសកម្ពុជា។ អ្នកនាងយល់ឃើញថា អ្វីដែលស្ថាប័នអន្តរជាតិនេះកំពុងធ្វើ គឺដោយសារតែមានចេតនាមិនចង់ឱ្យគេបានឃើញពីអច្ឆរិយវត្ថុរបស់ខ្មែរ គឺប្រាសាទអង្គរវត្ត។

ប្រាកដណាស់ ក្រោយផ្ទុះរឿងរ៉ាវលោក ណាវ៉ាត់ នាយកប្រតិបត្តិស្ថាប័នអន្តរជាតិ MISS GRAND INTERNAIONAL ដកសិទ្ធិកម្ពុជាធ្វើជាម្ចាស់ផ្ទះ MGI 2024 គេកត់សម្គាល់ឃើញមានអ្នកស្នេហាវិស័យបវរកញ្ញានិងអ្នករៀបចំកម្មវិធីនៅកម្ពុជាយ៉ាងច្រើន បានផ្ទុះប្រតិកម្មយ៉ាងខ្លាំង ទៅលើការសម្រេចចិត្តដោយគ្មានហេតុផលបែបនេះ ពីសំណាក់លោក ណាវ៉ាត់ ដែលបង្ហាញពីចេតនាមើលងាយមកលើប្រទេសកម្ពុជា៕ អត្ថបទ៖ ចាន់រ៉ា

The post ពេជ្រ សោភា ឈឺចិត្តចំពោះទង្វើមើលងាយរបស់នាយកប្រតិបត្តិស្ថាប័នអន្តរជាតិ MGI មកលើកម្ពុជា appeared first on Kampuchea Thmey Daily.

ចំពោះ​ការ​អំពាវនាវ​ពី​សំណាក់​តារា​ចម្រៀង​ស្រី​អ្នកនាង ពេជ្រ សោភា​ ពេលនេះ ​គឺជា​ការ​លើក​ទឹកចិត្ត​ និង​ដាស់​ស្មារតី​ដល់​មហាជន​ខ្មែរ​ ឲ្យ​ងាក​មក​គាំទ្រ​នូវ​សិល្បៈ​បុរាណ​ខ្មែរ​ ដើម្បី​ពញ្ញាក់​ពី​ស្មារតី​សាមគ្គី​បង្ហាញ​ទៅកាន់​ប្រទេស​ជិតខាង ​និង​ពិភពលោក ​បាន​ឃើញ​តម្លៃ​ នៃ​ការ​ចូលរួម​លើក​ស្ទួយ​សិល្បៈ​បុរាណ​ខ្មែរ។

អ្នកនាង ពេជ្រ សោភា ក្នុងនាម​តារា​ល្បីឈ្មោះ​លំដាប់​ប្រទេស​មួយ​រូប​ បាន​លើក​ឡើង​ថា​ “​កុំ​ភ្លេច​ចូលរួម​គាំទ្រ​កម្មវិធី​មហោស្រព​របាំ​ក្បាច់​បុរាណ​ខ្មែរ​រឿង​”​ព្រះ​បាទ​ជ័យ​វរ្ម័ន​ទី ​៧​ នៅ​មហោស្រព​កោះ​ពេជ្រ​ នា​ថ្ងៃទី ​២៨ -២៩​ ខែ​កញ្ញា​ នេះ​ ទាំងអស់​គ្នា​”។

កត់សម្គាល់​ឃើញ​ថា​ មក​ទល់​ពេលនេះ ​មាន​តារា​ប្រុស-ស្រី​ច្រើន​ដួង​ បាននាំគ្នា​ចេញ​សារ​អំពាវនាវ​ដោយ​ទទូច​សូម​ឲ្យ​កូន​ខ្មែរ​ទាំងអស់​ ស្រាក់​ដៃ​គ្នា​ក្នុងការ​ចូលរួម​លើកស្ទួយ​វប្បធម៌​សិល្បៈ​បុរាណ​ខ្មែរ​តាមរយៈ​ការ​ទិញ​សំបុត្រ​ចូលរួម​ទស្សនា គាំទ្រ​មហោស្រព​សិល្បៈ​បុរាណ​ខ្មែរ​រឿង «​ព្រះបាទ​ជ័យវរ្ម័ន​ទី ៧»​ ដែល​នឹង​រៀបចំ​សម្តែង​ចាប់ពី​ថ្ងៃទី​ ២៨​ ខែកញ្ញា ​ដល់​ថ្ងៃទី​ ២៩ ខែ​កញ្ញា ឆ្នាំ ២០២៤ នេះ៕

អត្ថបទ ៖ ចាន់រ៉ា

The post ពេជ្រ សោភា បំផុសចូលរួមគាំទ្រមហោស្រពសិល្បៈបុរាណខ្មែររឿង«ព្រះបាទជ័យវរ្ម័នទី ៧» appeared first on Kampuchea Thmey Daily.

តាមរយៈ​ខ្លឹមសារ​របស់​តារា​ចម្រៀង​លំដាប់​ប្រទេស​អ្នកនាង ពេជ្រ សោភា នា​ពេលនេះ បាន​ធ្វើ​ឡើង​ដោយ​មាន​ចេតនា​ដាស់តឿន​មហាជន​ឲ្យ​មាន​ស្មារតី​ត្រូវ​ចេះ​ស្រលាញ់​ខ្លួនឯង ឲ្យ​តម្លៃ​ចំពោះ​មនុស្ស​ជុំវិញ​ខ្លួន​បើ​មើល​ឃើញ​ពី​អំពើ​ល្អ​របស់​ពួកគេ។

តារា​ស្រី​អ្នកនាង ពេជ្រ សោភា បាន​ទម្លាយ​ដូច្នេះ​ថា «មនុស្ស​គ្រប់រូប​មាន​តម្លៃ​ស្មើគ្នា បើ​កន្លែង​ណា​មើល​មិន​ឃើញ​តម្លៃ​យើង យើង​ត្រូវតែ​ដើរចេញ​កុំ​ស្តាយ ព្រោះ​យើង​មាន​តម្លៃ​ជា​យើង»។ គេ​នៅ​ចាំ​បាន​ថា កន្លងទៅ ពេជ្រ សោភា ធ្លាប់​ចេញ​សារ​ដែរ​ថា កុំ​មើលងាយ​ខ្លួនឯង​តាម​មាត់​គេ ហើយក៏​កុំ​បោះបង់​ខ្លួនឯង​ឲ្យ​សោះ។

ប្រាកដ​ណាស់ តារា​ចម្រៀង​អ្នកនាង ពេជ្រ សោភា រហូត​មកដល់ពេលនេះ​ត្រូវ​បាន​គេ​ដឹង​ថា នាង​មាន​វ័យ​កាន់តែ​ជ្រេ​ហើយ តែ​អ្វី​ដែល​កត់សម្គាល់​គឺ​នាង​ត្រូវ​បាន​មហាជន​កោតសរសើរ​នូវ​សមត្ថភាព​ច្រៀង និងរូប​សម្រស់​របស់​នាង​នៅ​រក្សា​បាន​ភាព​ស្រស់​ស្អាត ក្មេង​ជាង​វ័យ​ដដែល។

សូម​ជម្រាប​ថា តារា​ចម្រៀង​អ្នកនាង ពេជ្រ សោភា គិត​មកដល់ពេលនេះ​បាន​ចូល​ប្រឡូក​ក្នុង​វិស័យ​សិល្បៈ​មាន​រយៈពេល​យូរ​ឆ្នាំ​ហើយ​ស្រប​ពេល​ប្រជាប្រិយភាព និង​កេរ្តិ៍ឈ្មោះ នៅតែ​រក្សា​បាន​ការ​គាំទ្រ​ច្រើន​ពី​មហាជន និង​មិត្តៗ យុវវ័យ​ផង​នោះ៕

អត្ថបទ ៖ ចាន់រ៉ា

The post ពេជ្រ សោភា ចេញសារដាស់តឿនថា មនុស្សគ្រប់រូបមានតម្លៃស្មើគ្នា appeared first on Kampuchea Thmey Daily.