តាមការផ្សាយរបស់ Amarin, ព្យុះនេះវាយប្រហារឃុំ Ban Khao នៃស្រុក Ranot ខេត្ត Songkhla កាលពីថ្ងៃចន្ទទី២៤ខែវិច្ឆិកាឆ្នាំ២០២៥ ដោយឥទ្ធិពលដ៏ខ្លាំងក្លារបស់ព្យុះបានបំផ្លាញអ្វីៗគ្រប់បែបយ៉ាងដែលស្ថិតនៅចំផ្លូវរបស់វា ធ្វើឲ្យពលរដ្ឋភ័យតក់ស្លុតគ្រប់គ្នា។

ព្យុះដ៏សាហាវនេះកើតឡើងស្របពេលភាគខាងត្បូងថៃ កំពុងវេទនាខ្លាំងដោយសារទឹកជំនន់ជាប្រវត្តិសាស្រ្ត ដែលជន់លិច១០ខេត្តឈានដល់ការប្រកាសអាសន្នដូចជានៅChumphon, Surat Thani, Nakhon Si Thammarat, Satun, Songkhla, Phatthalung, Trang, Narathiwat, Pattani និង Yala។

ក្នុងនោះខេត្ត Songkhla ជាកន្លែងរងគ្រោះខ្លាំងជាងគេ ជាពិសេសទីក្រុង Hat Yai ដែលប្រជាពលរដ្ឋកំពុងរងទុក្ខ អ្នកខ្លះជាប់ក្នុងផ្ទះស្រែកសុំឲ្យគេជួយ ប៉ុន្តែគ្មាននរណាអើពើ សូម្បីក្រុមសង្គ្រោះក៏មិនអាចជួយបានព្រោះតែស្ថានភាពធ្ងន់ធ្ងរពេក។

ក៏មានសេចក្តីរាយការណ៍អំពីមនុស្សស្លាប់ផងដែរ អ្នកខ្លះស្លាប់ដោយសារឆក់ខ្សែភ្លើងព្រោះពួកគេតោងបង្គោលភ្លើង ហើយនៅកន្លែងខ្លះបង្គលភ្លើងបានបាក់ចូលទឹកបណ្តាលឲ្យទុស្សេ។

លើសពីនេះ មនុស្សជិត ២លាននាក់បានរងផលប៉ះពាល់ ខណៈប្រព័ន្ធទូរគមនាគមន៍និងសេវានានា ដូចជារថភ្លើង ត្រូវកាត់ផ្តាច់៕

អត្ថបទ៖ សុខ សុវណ្ណ

The post ថៃកំពុងទឹកជំនន់ធ្ងន់ធ្ងរហើយ ឥឡូវថែមព្យុះកំបុតត្បូងដ៏សាហាវទៀត appeared first on Kampuchea Thmey Daily.

ព្យុះ​នេះ​ត្រូវ​បាន​គេ​ពណ៌នា​ថា​ជាព្យុះកំបុតត្បូងដ៏កម្រ​ដែលមានកម្លាំង​ខ្លាំងបែបនេះ​បង្ក​ការ​ខូចខាត​យ៉ាងធ្ងន់ធ្ងរក្នុងពេលមួយប៉ព្រិចភ្នែក​នៅ​ទីក្រុង Ermont ចម្ងាយ​ប្រហែល ២០ គីឡូម៉ែត្រ​ពី​ទីក្រុងប៉ារីស។

កម្លាំងខ្យល់ព្យុះបានធ្វើឲ្យរថយន្ត​ស្ទូច​សំណង់​៣​គ្រឿងដួល​រលំរលំលើ​​គ្លីនិកនិង​អគារ​ស្នាក់​ ក្នុងរយៈពេលតែប៉ុន្មាននាទី។ ដំបូលផ្ទះនិងអគារ​ត្រូវ​ប៉ើងឡើង ខណៈ​កម្ទេចកម្ទី​រាយប៉ាយ​ពេញ​ផ្លូវ។ នៅពេលនេះ​មន្ត្រី​ជំនាញ​បារាំងកំពុងវាយតម្លៃ​ពី​ទំហំ​នៃ​ការ​ខូចខាត​ទាំងស្រុង។

គួរបញ្ជាក់ថាខ្យល់ព្យុះកំបុតត្បូងជាព្រឹត្តិការណ៍អាកាសធាតុមិនធម្មតា និងធ្ងន់ធ្ងរសម្រាប់តំបន់មានមនុស្សរស់នៅកុះករបែបនេះ ដែលបង្កើនការព្រួយបារម្ភជាថ្មីអំពីការកើនឡើងនូវភាពញឹកញាប់នៃការប្រែប្រួលអាកាសធាតុនៅក្នុងផ្នែកខ្លះនៃទ្វីបអឺរ៉ុប៕

អត្ថបទ៖ ប៊ុន សុភាព

The post ព្យុះកំបុតត្បូងដ៏ខ្លាំង សម្លាប់មនុស្សម្នាក់ និងរបួសជាច្រើននាក់ នៅជិតទីក្រុងប៉ារីស appeared first on Kampuchea Thmey Daily.

តាមការផ្សាយរបស់ Khaosod កាលពីរាត្រីថ្ងៃអាទិត្យទី១២ខែតុលាឆ្នាំ២០២៥ ព្យុះបានវាយប្រហារភ្លាមៗនៅភូមិលេខ៣ ឃុំ Theparat នៃស្រុក Ban Pho។

អ្នកភូមិបានឲ្យដឹងថា ព្យុះនេះមានឥទ្ធិពលខ្លាំងណាស់ ដោយខ្យល់កន្ត្រាក់បានបោកបំប៉ើងដំបូលផ្ទះ ព្រមទាំងបង្កការខូចខាតដល់ផ្ទះជាច្រើនខ្នងថែមទៀត។

មិនមែនតែនៅខេត្ត Chachoengsao ទេ នៅឯ Chonburi ឯណោះជួបព្យុះកំបុតត្បូងនិងខ្យល់កួចដែរ ​ដោយវាបានបោកបក់មកបំផ្លាញហាងនានានិងវាយប្រហារអ្នកដើរលេងកម្សាន្ត ធ្វើឲ្យអ្នកខ្លះត្រូវប៉ើងតាមខ្យល់។

ព្យុះនេះកើតឡើងចំពេលនាយកដ្ឋានឧតុនិយមថៃ ព្រមានថា ខេត្តចំនួន៣៩ ភាគច្រើននៅប៉ែកខាងត្បូង ត្រូវប្រឈមជាមួយព្យុះភ្លៀងដ៏ខ្លាំង បង្កគ្រោះថ្នាក់គ្រប់ពេល។

ស្របពេលជាមួយគ្នានោះ សូម្បីទីក្រុងបាងកកនិងតំបន់ជុំវិញក៏មានហានិភ័យគ្រោះថ្នាក់ផងដែរ ខណៈបើតាមការព្យាករ រាជធានីរបស់ប្រទេសថៃ នឹងជួបព្យុះភ្លៀង៧០%៕

អត្ថបទ​៖ សុខ សុវណ្ណ

ចុចអាន៖ ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ

The post ថៃ ជួបព្យុះកំបុតត្បូងយ៉ាងសាហាវ ខណៈ៣៩ខេត្ត ​ប្រឈមព្យុះភ្លៀងដ៏គ្រោះថ្នាក់ appeared first on Kampuchea Thmey Daily.

ភ្នាក់ងារអាកាសធាតុជាតិរបស់អាមេរិក បានព្រមានអំពី «បញ្ហាអាកាសធាតុដ៏គ្រោះថ្នាក់ជាច្រើន» រួមមាន ព្យុះ ផ្គររន្ទះខ្លាំង ព្រឹលធ្លាក់ធំៗ ព្រឹលធ្លាក់ខ្លាំងនៅភាគខាងលិច និងកម្ដៅដ៏គ្រោះថ្នាក់នៅភាគខាងត្បូងប្រទេស។

ក្រុមអ្នកឧតុនិយម បានព្រមានអំពីអាកាសធាតុធ្ងន់ធ្ងរ ជាបន្តបន្ទាប់នៅតំបន់វាលទំនាបដោយនឹងមានការគំរាមកំហែងពីព្យុះ​កំបុតត្បូង ព្រឹល​ធ្លាក់​ដែលមានទំហំប៉ុនកូនហ្គោល និងខ្យល់បក់បោកខ្លាំង។ ក្នុងពេលជាមួយគ្នានេះ ហានិភ័យនៃកំដៅ​ខ្លាំង និងភ្លើងឆេះព្រៃក៏ត្រូវបានព្យាករណ៍សម្រាប់ផ្នែកខ្លះនៃរដ្ឋ Texas និង New Mexico ដែលធ្វើឱ្យមានគ្រោះថ្នាក់ជាពិសេសចំពោះមនុស្សរាប់លាននាក់នៅទូទាំងតំបន់ទាំងនោះ។

​នៅ​ប៉ុន្មានថ្ងៃថ្មីៗនេះ ព្យុះកំបុតត្បូងដ៏សាហាវបានបោកបក់កាត់ផ្នែកខ្លះនៃភាគខាងលិច និងភាគខាងត្បូងសហរដ្ឋ​អាមេរិក បណ្តាលឱ្យមានការបំផ្លិចបំផ្លាញយ៉ាង​សម្បើម និងសម្លាប់មនុស្សយ៉ាងហោចណាស់ ២៨នាក់នៅរដ្ឋចំនួនបីគឺរដ្ឋ Kentucky, Missouri និង រដ្ឋVirginia ។

តាមការ​កត់សម្គាល់ សហរដ្ឋ​អាមេរិក​ជួប​ប្រទះ​នឹង​ខ្យល់​ព្យុះ​កំបុតត្បូង​ច្រើន​ជាង​ប្រទេស​ដទៃ​ទៀត​ដែល​មាន​ប្រហែល​១,២០០​ដង​ក្នុង​មួយ​ឆ្នាំ ខណៈពេលដែលព្យុះប្រមូលផ្តុំកើតឡើងញឹកញាប់ជាប្រវត្តិសាស្ត្រនៅក្នុង «Tornado Alley» (Oklahoma, Kansas, និង Texas)។

ប៉ុន្តែការសិក្សាថ្មីៗ បានបង្ហាញពីការផ្លាស់ប្តូរទិសដៅរបស់ព្យុះកំបុតត្បូងដ៏សាហាវនេះឆ្ពោះទៅរកតំបន់ដែលមានប្រជាជនច្រើន និងព្រៃឈើនៅភាគខាងត្បូងវិញ​ដែលកាន់តែបង្កើនហានិភ័យធ្ងន់ធ្ងរ៕

អត្ថបទ៖ ប៊ុន សុភាព

The post ​ក្នុងសប្តាហ៍នេះ ភាគកណ្ដាលអាមេរិកប្រឈម​ហានិភ័យ​​​ដោយសារ​​​​ខ្យល់ព្យុះដ៏ខ្លាំង appeared first on Kampuchea Thmey Daily.

រដ្ឋដែលរងលផលប៉ះពាន់និងមានអ្នកស្លាប់ រួ​មមាន រដ្ឋKentucky រដ្ឋ Missouri និងរដ្ឋ Virginia ខណៈ​ដែល​រដ្ឋ Kentucky ប៉ះពាល់ខ្លាំងជាងគេ និងមានអ្នកស្លាប់រហូតដល់១៩នាក់។ តំបន់ដែលរងគ្រោះខ្លាំងបំផុតនៅក្នុងរដ្ឋនេះគឺតំបន់ Laurel County ​ដោយផ្ទះរាប់រយខ្នងត្រូវបានបំផ្លាញ ឬខូចខាតយ៉ាងធ្ងន់ធ្ងរ និងផ្លូវជាច្រើនត្រូវបានបិទ។

ចំណែកនៅក្នុងរដ្ឋ Missouri ឯណោះ​វិញ មានអ្នកស្លាប់៧នាក់ ក្នុងនោះនៅក្នុងទីក្រុង St. Louis មានអ្នកស្លាប់ ៥នាក់៣៨នាក់រងរបួស ហើយផ្ទះជាង៥,០០០ខ្នង រងផលប៉ះពាល់។ លើសពីនេះខ្យល់ព្យុះកំបុតត្បូងដាច់ដោយឡែកមួយនៅ Scott County ប្រហែល ២០៩ គីឡូម៉ែត្រភាគខាងត្បូងទីក្រុង St. Louis បានសម្លាប់មនុស្ស ២ នាក់ និងបំផ្លាញផ្ទះជាច្រើនខ្នងទៀត។ រីឯនៅរដ្ឋ Virginiaមានអ្នកស្លាប់ចំនួន ២ នាក់នៅភាគខាងជើងនៃរដ្ឋនេះ។

សូមបញ្ជាក់ថាខ្យល់ព្យុះកំបុតត្បូងចំនួន ១,២០០ បានបោកបក់លើសហរដ្ឋអាមេរិកជារៀងរាល់ឆ្នាំ ប៉ុន្តែអ្នកស្រាវជ្រាវកត់សម្គាល់ថា ខ្យល់ព្យុះកំបុតត្បូងនៅពេលថ្មីៗនេះបានផ្លាស់ប្ដូរទំនោរបក់ទៅកាន់តំបន់ភាគខាងត្បូងដែលមានប្រជាជនច្រើន និងបង្កើនហានិភ័យដល់ប្រជាជននៅតំបន់នោះ។

គួរបញ្ជាក់ថាព្យុះជាពេលថ្មីៗនេះបានកើតឡើង ចំពេលមានការខ្វះខាតបុគ្គលិកនៅភ្នាក់ងារអាកាសធាតុជាតិ (NWS) ដោយសារតែការកាត់បន្ថយបុគ្គលិករបស់រដ្ឋបាលលោក ដូណាល់​ ត្រាំ។ អ្នកជំនាញព្រមានថាការខ្វះខាតទាំងនេះអាចរារាំងសមត្ថភាពរបស់ NWS ក្នុងការចេញការព្រមានទាន់ពេលវេលាក្នុងស្ថានភាពអាកាសធាតុធ្ងន់ធ្ងរ។

ជុំវិញបញ្ហាអាកាសធាតុនេះក្រុមអ្នកឧតុនិយមបានព្រមានពីព្យុះដែលអាចកើតឡើងជាច្រើនថ្ងៃទៀត ដោយរដ្ឋ Missouri និង Kansas ប្រឈមនឹងហានិភ័យព្យុះ ផ្គររន្ទះ ព្រិលធ្លាក់ខ្លាំងទំហំប៉ុនបាល់វាយកូនហ្គោល និងខ្យល់បក់រហូតដល់ ៩៦ គីឡូម៉ែត្រក្នុងមួយម៉ោង។ រដ្ឋ Kentucky ក៏ស្ថិតនៅក្រោមការគំរាមកំហែងផងដែរ ដោយមានព្យុះជាច្រើនទៀតទំនងជាកើតឡើងរហូតដល់ថ្ងៃអង្គារ៕

អត្ថបទ៖ ប៊ុន សុភាព

The post រដ្ឋបីនៅសហរដ្ឋអាមេរិក​ជួប​ព្យុះកំបុតត្បូងសម្លាប់មនុស្ស២៨នាក់ ប៉ះពាល់​ផ្ទះរាប់​ពាន់​ខ្នង​ appeared first on Kampuchea Thmey Daily.

ផ្លូវនៃព្យុះដ៏កាចសាហាវនេះ លាតសន្ធឹងពីរដ្ឋ Arkansas ទៅកាន់រដ្ឋ​ Ohio ដែលបានធ្វើឱ្យខូចខាតអគារ ជន់លិចផ្លូវថ្នល់ និងបានបង្កជាព្យុះកំបុតត្បូងរាប់សិបនៅក្នុងប៉ុន្មានថ្ងៃថ្មីៗនេះ។ នៅក្នុងរដ្ឋ Tennessee រងការវាយប្រហារខ្លាំងបំផុត បណ្ដាលឲ្យមនុស្ស១០​នាក់បានស្លាប់នៅទូទាំងភាគខាងលិចនៃរដ្ឋ។

យោង​តាម អភិបាលរដ្ឋ Kentucky លោក Andy Beshear មនុស្សពីរនាក់ រួមទាំងកុមារម្នាក់បានស្លាប់ដោយសារ​​ទឹកជំនន់នៅក្នុងរដ្ឋនេះ។ ចំណែករបាយការណ៍របស់ប្រព័ន្ធផ្សព្វផ្សាយក្នុងស្រុក និងអាជ្ញាធរបានឱ្យដឹងថា មានអ្នកស្លាប់ដោយសារខ្យល់ព្យុះចំនួនពីរនាក់ដោយម្នាក់នៅក្នុងរដ្ឋ Missouri និងម្នាក់​ទៀត​នៅក្នុងរដ្ឋ Indiana។ រី​ឯក្មេងអាយុប្រាំ​ឆ្នាំ​ម្នាក់ត្រូវបានគេប្រទះឃើញស្លាប់នៅក្នុងផ្ទះមួយក្នុងទីក្រុង Little Rock រដ្ឋ Arkansas ដោយសារបញ្ហាអាកាស​ធាតុនេះផងដែរ។

គេហទំព័រតាមដាន PowerOutage.us បានឱ្យដឹងថា ប្រជាជនជាង១០០០០០នាក់គ្មានថាមពលអគ្គិសនីនៅក្នុងរដ្ឋ Arkansas និង Tennessee គិតត្រឹមព្រឹកថ្ងៃអាទិត្យ។

បើតាមរូបថតដែលត្រូវបានចែករំលែកនៅលើបណ្តាញសង្គម និងប្រព័ន្ធផ្សព្វផ្សាយក្នុងស្រុក បង្ហាញពីការខូចខាតយ៉ាងធ្ងន់ធ្ងរពីព្យុះនៅទូទាំងរដ្ឋជាច្រើន ដោយផ្ទះបានបែកបាក់ រលំដើមឈើ រលំបង្គោលភ្លើង និងរថយន្តក្រឡាប់។

ភ្នាក់ងារអាកាសធាតុជាតិ (NWS) ក៏បានឲ្យបានឲ្យដឹងដែរថា ខ្យល់ព្យុះកំបុតត្បូងពីមធ្យមទៅខ្លាំងអាចកើតមានទៀតនៅផ្នែកខ្លះរដ្ឋTennessee និងរដ្ឋភ្នំ Mississippi រួមជាមួយនឹងព្យុះផ្គររន្ទះខ្លាំង និងទឹកជំនន់ភ្លាមៗដោយសារភៀងធ្លាក់ខ្លាំងនៅក្នុងរដ្ឋជាច្រើនទៀត។

គួរបញ្ជាក់ថាអ្នកវិទ្យាសាស្ត្រនិយាយថា ការឡើងកំដៅផែនដីកំពុងរំខានដល់លំនាំអាកាសធាតុ និងវដ្តទឹក ធ្វើឱ្យអាកាសធាតុកាន់តែផ្លាស់ប្ដូរញឹកញាប់ និងកាន់តែសាហាវ។ កាលពីឆ្នាំមុន សហរដ្ឋអាមេរិកក៏មានសីតុណ្ហភាពខ្ពស់និងត្រូវបានវាយលុកដោយព្យុះកំបុតត្បូង និងខ្យល់ព្យុះសាហាវៗផ្សេងទៀតផងដែរ៕

អត្ថបទ៖ ប៊ុន សុភាព

The post ព្យុះនិង​ទឹក​ជំនន់​នៅ​​​​​រដ្ឋ​ជាច្រើនរបស់​​អាមេរិក​កំពុង​​បង្ក​មហន្តរាយ​ធ្ងន់ធ្ងរ ខណៈ​​មនុស្ស​១៦​នាក់បានស្លាប់​ appeared first on Kampuchea Thmey Daily.

នៅកណ្តាលរដ្ឋ Californiaខ្យល់ព្យុះកំបុតត្បូងនៅជិតផ្សារទំនើបមួយបានបោកបក់រថយន្ត រំលំដើមឈើ និងបណ្ដាលឲ្យមនុស្សជាច្រើននាក់រងរបួសនិងបញ្ជុនទៅកាន់មន្ទីរពេទ្យ។ ចំណែកនៅ San Francisco អាជ្ញាធរបានចេញការព្រមានអំពីព្យុះកំបុតត្បូងជាលើកដំបូងដែលមិនធ្លាប់មានផងដែរ។

នៅកន្លែងផ្សេងទៀត អាកាសធាតុអាក្រក់បានញាំញីតំបន់នៃសហរដ្ឋអាមេរិក ជាមួយនឹងលក្ខខណ្ឌដ៏គ្រោះថ្នាក់ រួមទាំងព្រិលធ្លាក់ខ្លាំងនៅរដ្ឋNewYork ព្យុះទឹកកកដ៏ធំមួយនៅក្នុងរដ្ឋ Midwest និងការព្រមានអំពីអាកាសធាតុធ្ងន់ធ្ងរនៅជុំវិញបឹង Tahoe ។

ព្យុះទឹកកកដែលចាប់ផ្តើមនៅល្ងាចថ្ងៃសុក្របានបង្កើតលក្ខខណ្ឌបើកបរដោយប្រុងប្រយ័ត្ននៅទូទាំងរដ្ឋ Iowa និងភាគខាងកើតរដ្ឋ Nebraska កាលពីថ្ងៃសុក្រ និងដល់ថ្ងៃសៅរ៍ ហើយបានជំរុញឱ្យមានការបិទបណ្តោះអាសន្ននៃរដ្ឋ Interstate 80 បន្ទាប់ពីរថយន្ត និងរថយន្តដឹកទំនិញជាច្រើនបានរអិលចេញពីផ្លូវ។

ខ្យល់ព្យុះដែលបក់បោកយ៉ាងលឿនបានជំរុញឱ្យមានការព្រមានសម្រាប់អ្នកស្រុកឱ្យជ្រកជ្រក ប៉ុន្តែមានមនុស្សតិចតួចប៉ុណ្ណោះដែលមានបន្ទប់ក្រោមដីនៅក្នុងតំបន់នេះ។

អាកាសធាតុ​ធ្ងន់ធ្ងរ​នេះក៏បាន​បណ្តាល​ឲ្យ​មនុស្ស​យ៉ាងតិច​ម្នាក់​ស្លាប់។ បើតាមការិយាល័យតម្រួត Washington County ក្នុងរដ្ឋ Nebraska បាននិយាយថា ស្ត្រីអាយុ ៥៧ ឆ្នាំម្នាក់បានស្លាប់ បន្ទាប់ពីគាត់បាត់បង់ការគ្រប់គ្រងលើរថយន្តភីកអាប់របស់គាត់នៅលើផ្លូវហាយវេលេខ ៣០ ក្បែរទីក្រុង Arlington ហើយបានបុករថយន្តដែលកំពុងមកដល់។ ចំណែកអ្នកបើកបរម្នាក់ទៀតរងរបួសស្រាល៕

អត្ថបទ៖ ប៊ុន សុភាព

The post ព្រិលធ្លាក់ខ្លាំងនិងព្យុះកំបុតត្បូងកំពុងវាយប្រហារសហរដ្ឋអាមេរិក appeared first on Kampuchea Thmey Daily.

ការខូចខាតភាគច្រើនត្រូវបានរាយការណ៍នៅក្នុង និងជុំវិញរដ្ឋធានីរដ្ឋ Oklahoma នៅជិតមជ្ឈមណ្ឌលរបស់រដ្ឋ ប៉ុន្តែក៏បានរាយប៉ាយនៅកន្លែងផ្សេងទៀតជុំវិញរដ្ឋនេះផងដែរ។ ខ្យល់ព្យុះបានបង្កើតឲ្យមានការព្រមានអំពីព្យុះកំបុតត្បូងដែលលាតសន្ធឹងភាគខាងត្បូងទៅកាន់រដ្ឋ Arkansas។ លើសពីនេះ ភ្លៀង​ធ្លាក់​ខ្លាំង​ក៏បាន​បង្ក​ឱ្យ​មាន​ទឹកជំនន់​ភ្លាមៗ​នៅ​តំបន់​មួយ​ចំនួន និង​ភ្លើង​ឆេះ​ផ្ទះ​មួយ​ខ្នង​ដោយសារត្រូវ​រន្ទះបាញ់ផងដែរ ។ អាជីវកម្ម​​និង​ផ្ទះ​ជាង ៩៩ ០០០ខ្នង ក្នុង​រដ្ឋ Oklahoma បាន​​បាត់បង់​អគ្គិសនី​ប្រើប្រាស់​​ក្នុង​អំឡុង​ពេល​មាន​ខ្យល់​ព្យុះ​ពេញ​មួយ​យប់។

លោក Richard Thompson ប្រធានផ្នែកព្យាករណ៍មជ្ឈមណ្ឌលព្យាករណ៍ព្យុះក្នុងរដ្ឋOklahoma បានឲ្យដឹងថាព្យុះកំបុតត្បូងចំនួនប្រាំមួយឬច្រើនជាងនេះបានវាយប្រហាររដ្ឋនេះពេញមួយយប់។ ទន្ទឹមនឹងនោះ ក្រុមអ្នកព្យាករណ៍បានព្រមានប្រជាជនក្នុងរដ្ឋឱ្យប្រុងប្រយ័ត្ននឹងភ្លៀងធ្លាក់ខ្លាំងបន្ថែមទៀត និងអាកាសធាតុធ្ងន់ធ្ងរដែលអាចកើតមានរហូតដល់ថ្ងៃច័ន្ទនេះ។

លោក Scott Douglas អ្នក​នាំ​ពាក្យ​នាយកដ្ឋាន​អគ្គិភ័យ​ទីក្រុង Oklahoma បាននិយាយថា មនុស្ស ១១ នាក់ត្រូវបានបញ្ជូនទៅមន្ទីរពេទ្យដោយសាររងរបួស ប៉ុន្តែមិនមានអ្នកបាត់បង់អាយុជីវិតនោះទេ។

ទំហំ​នៃ​ការ​ខូច​ខាតគឺធ្ងន់ធ្ងរដោយមាន​​រថយន្ត​ក្រឡាប់​ជាច្រើន របើកដំបូលផ្ទះរាប់សិបខ្នង និង​ផ្លូវ​ថ្នល់​ពោរពេញទៅដោយសំរាម។ ជាមួយគ្នានេះការិយាល័យ​ទីភ្នាក់ងារ​អាកាសធាតុជាតិនៅ​ទីក្រុង Norman ក៏បានចេញការព្រមានជាបន្ទាន់ផងដែរ ដោយបង្ហោះនៅលើបណ្តាញសង្គមថា «ប្រសិនបើអ្នកកំពុងស្ថិតក្នុងផ្លូវនៃព្យុះនេះ សូមការពារជាបន្ទាន់!» ទោះបីជាយ៉ាង​ណាផ្នែកខ្លះនៃរដ្ឋ Oklahoma នៅតែស្ថិតក្នុងហានិភ័យចំពោះភ្លៀងធ្លាក់ខ្លាំងបន្ថែមទៀត ៕

អត្ថបទ៖ ប៊ុន សុភាព

The post ព្យុះកំបុតត្បូងដ៏សាហាវវាយលុករដ្ឋ Oklahoma នៅ​អាមេរិក បង្ក​របួសមនុស្ស១១នាក់ និង​ផ្ទះរាប់ម៉ឺនខ្នងគ្មានអគ្គិសនី​ប្រើ appeared first on Kampuchea Thmey Daily.