ចរន្តទឹកទន្លេមានកម្លាំងខ្លាំង និងលឿន ដែលជំរុញឱ្យមជ្ឈមណ្ឌលគ្រប់គ្រងទឹកខេត្ត Nan ព្រមានពីហានិភ័យទឹកជំនន់ភ្លាមៗ។ អ្នកស្រុកនៅតំបន់ដែលមានហានិភ័យត្រូវបានបញ្ជាឱ្យជម្លៀស ផ្លាស់ទីវត្ថុមានតម្លៃ និងផ្លាស់ប្តូរយានជំនិះទៅកាន់ទីទួលខ្ពស់។ លើសពីនេះ អគ្គិសនី​អាច​នឹង​ត្រូវ​កាត់​ផ្តាច់​ដោយ​សារ​ទឹក​ជំនន់។

ភ្លៀងធ្លាក់ជាបន្តបន្ទាប់ពេញមួយយប់នៅទូទាំងស្រុកជាច្រើនបានបង្កើនហានិភ័យនៃទឹកជំនន់ភ្លាមៗ បំណាក់ដី និងទឹកហូរធ្លាក់ពីជ្រលងភ្នំ។ បុគ្គលដែលងាយរងគ្រោះ រួមទាំងមនុស្សចាស់ និងអ្នកជំងឺ កំពុងត្រូវបានជំរុញឱ្យផ្លាស់ប្តូរទីលំនៅទៅកាន់តំបន់ដែលមានសុវត្ថិភាពជាងនេះ។ អ្នក​ស្រុក​ក៏​ត្រូវ​បាន​ណែនាំ​ឱ្យ​លើក​របស់​របរ​ឲ្យផុតបី​ដី​និង​រៀបចំ​ផ្គត់ផ្គង់​សង្គ្រោះ​បន្ទាន់។

ចំពោះអ្នកដែលជ្រើសរើសរស់នៅក្នុងផ្ទះមិនជម្លៀសចេញត្រូវតែស្តុកទុកនូវអាហារសំខាន់ៗ ទឹកផឹក ថ្នាំពេទ្យ ពិល ឧបករណ៍ផ្ទុកថាមពល និងឧបករណ៍ចម្អិនអាហារយ៉ាងហោចណាស់ឲ្យបានសម្រាប់រយៈពេល ៣-៤ ថ្ងៃ។

មកដល់ពេលនេះស្ថានភាពនៅតែស្ថិតក្នុងស្ថានភាពធ្ងន់ធ្ងរ ខណៈអាជ្ញាធរថៃនៅតែបន្តតាមដានកម្រិតទឹក និងការព្យាករណ៍អាកាសធាតុ ដោយមានការព្យាករណ៍ថានឹងមានភ្លៀងធ្លាក់បន្ថែមទៀតនៅក្នុងប៉ុន្មានថ្ងៃខាងមុខនេះ។

គួរបញ្ជាក់ថាមិនមែនមានតែខេត្ត Nan ទេ ខេត្តផ្សេងៗនៅភាគខាងជើងប្រទេសថៃ កំពុងតែប្រឈមនឹងភ្លៀងធ្លាក់ខ្លាំង និងខ្យល់បក់ខ្លាំងដោយតែឥទ្ធិពលព្យុះវីពផា​ដែលកំពុងបោកបក់នៅអាស៊ី។ ក្រៅពីថៃវៀតណាម ឡាវ និង មីយ៉ាន់ម៉ាក៏កំពុងតែរងគ្រោះធ្ងន់ធ្ងរដោយតែទឹកជំនន់វាយប្រហារផងដែរ៕

អត្ថបទ៖ ប៊ុន សុភាព

The post ខេត្ត Nan ប្រទេសថៃ បញ្ជាជម្លៀសប្រជាជនបន្ទាន់ក្រោយទឹកជំនន់ធ្ងន់ធ្ងរវាយប្រហារ appeared first on Kampuchea Thmey Daily.

ខេត្តដែលរងគ្រោះខ្លាំងជាងគេរួមមានខេត្ត Thanh Hoa, Nghe An និង Ninh Binh។ ព្យុះក៏បានបណ្តាលឱ្យមានការស្លាប់ ឬបាត់បង់សត្វពាហនៈជិត ៣,៣០០ ក្បាល និងបានបង្កឱ្យមានការខូចខាតទំនប់ចំនួន ៦ រួមទាំងមានការប្រេះស្រាំធ្ងន់ធ្ងរនៅតាមច្រាំងទន្លេក្នុងទីក្រុងហាណូយ និង Thanh Hoa។

ជាមួយគ្នានេះទំនប់វារីអគ្គិសនី Ban Ve បានកត់ត្រាកម្រិតលំហូរចូលខ្ពស់ដ៏គ្រោះថ្នាក់ ដែលជំរុញឱ្យមានការបញ្ចេញទឹកជាបន្ទាន់។ ទំនប់ទឹកជាង ៤,០០០ នៅទូទាំងប្រទេសកំពុងផ្ទុកទឹកជិតលើសសមត្ថភាព ហើយទំនប់ទឹក ៩១ កំពុងត្រូវបានជួសជុលនៅ ក្នុងងខេត្ត Nghe An ។

ភ្លៀងធ្លាក់ខ្លាំងត្រូវបានគេព្យាករណ៍ថានឹងបន្តរហូតដល់ថ្ងៃទី ២៥ ខែកក្កដា ដោយតំបន់ខ្លះរំពឹងថានឹងមានកម្រិតទឹកភ្លៀងលើសពី ២០០ មីលីម៉ែត្រ ដែលបង្កើនការភ័យខ្លាចនៃទឹកជំនន់ និងបំណាក់ដីបន្ថែមទៀត។ អាជ្ញាធរ​វៀតណាមក៏បន្តជូនដំណឹងដល់ប្រជាជនឲ្យមាន​ការ​ប្រុង​ប្រយ័ត្ន​ខ្ពស់ ខណៈ​ការ​វាយ​តម្លៃ​ការ​ខូច​ខាត និង​កិច្ច​ប្រឹង​ប្រែង​ជួយ​សង្គ្រោះ​កំពុងបន្ត៕

អត្ថបទ៖ ប៊ុន សុភាព

The post វៀតណាមកំពុងរងគ្រោះធ្ងន់ធ្ងរដោយសារព្យុះវីពផា appeared first on Kampuchea Thmey Daily.

យោងតាមនាយកដ្ឋានឧតុនិយមថៃ សំណល់របស់ព្យុះវីពផា រួមជាមួយនឹងខ្យល់មូសុងនិរតីតាមរដូវ បានបង្កឲ្យមានភ្លៀងធ្លាក់ជាបន្តបន្ទាប់ពាសពេញភាគខាងជើង និងភាគឦសានប្រទេសថៃ។ នៅខេត្ត Nan បរិមាណទឹកភ្លៀងបានឡើងដល់ពី ១៥០-២០០ មីលីម៉ែត្រ ដែលនាំឱ្យមានការជន់លិចយ៉ាងខ្លាំងនៅតំបន់ទំនាប។ នៅក្នុងស្រុក Thoeng នៃខេត្ត Chiang Rai ទឹកជំនន់បានជន់លិចហេដ្ឋារចនាសម្ព័ន្ធសំខាន់ៗ រួមទាំងប៉ុស្តិ៍ប៉ូលិស មន្ទីរពេទ្យ និងសាលរៀន ព្រមទាំងផ្ទះអ្នកស្រុកនៅក្នុងស្រុក Muang និង Phaya Mengrai។

ជាមួយគ្នានេះ អាជ្ញាធរខេត្ត Chaing Mai បានចាប់ផ្តើមការឆ្លើយតបជាបន្ទាន់ ដោយបង្កើតមជ្ឈមណ្ឌលបញ្ជា ២៤ម៉ោង និងបើកជម្រកបណ្តោះអាសន្នចំនួន ៤០ សម្រាប់អ្នកស្រុកដែលរងផលប៉ះពាល់ជាង ២ ម៉ឺននាក់។

ព្យុះ​នេះ​ក៏​បាន​ប៉ះពាល់​ដល់​លក្ខខណ្ឌ​សមុទ្រ​ផង​ដែរ​។ នាយកដ្ឋានឧតុនិយមថៃ បានព្រមានអំពីស្ថានភាពសមុទ្រដ៏គ្រោះថ្នាក់ទាំងនៅសមុទ្រ Andaman និងឈូងសមុទ្រថៃ ដែលរលកមានកម្ពស់ពី ២ ទៅ ៤ ម៉ែត្រ។ ទូកតូចៗត្រូវបានណែនាំឲ្យនៅជាប់ច្រាំង ខណៈនាវាធំៗត្រូវបានជំរុញឱ្យដំណើរការដោយប្រុងប្រយ័ត្ន។

គួរបញ្ជាក់ថាទោះបីព្យុះវីពផា មិនបានវាយលុកប្រទេសថៃដោយផ្ទាល់ក៏ដោយ ក៏ឥទ្ធិពលរបស់វា រួមជាមួយនឹងខ្យល់មូសុងនិរតីដ៏ខ្លាំងក្លា បានបណ្តាលឱ្យមានភ្លៀងធ្លាក់ខ្លាំងដល់ខ្លាំងនៅទូទាំងភាគខាងជើង ដែលបង្កើនការព្រួយបារម្ភអំពីទឹកជំនន់ភ្លាមៗ និងការខូចខាតហេដ្ឋារចនាសម្ព័ន្ធ ខណៈមានអ្នកទេសចរចិនពីរនាក់ហើយបានស្លាប់ដោយសារតែឥទ្ធិពលរបស់ព្យុះនេះ៕

អត្ថបទ៖ ប៊ុន សុភាព

The post ខ្យល់ព្យុះត្រូពិកវីពផាបង្កឲ្យមានទឹកជំនន់ពាសពេញភាគខាងជើងប្រទេសថៃ appeared first on Kampuchea Thmey Daily.

យោងតាមកាចេញផ្សាយរបស់សារព័ត៌មាន​ The Laotian Times នៅថ្ងៃទី ២៣ ខែកក្កដា ព្យុះត្រូពិកវីពផា បានបណ្តាលឱ្យមានទឹកជំនន់រីករាលដាលពាសពេញប្រទេសឡាវ ចន្លោះពីថ្ងៃទី ២១ដល់ថ្ងៃទី ២៣ ខែកក្កដា ដោយប៉ះពាល់ដល់ខេត្តជាច្រើន។ ភ្លៀងធ្លាក់ខ្លាំង និងខ្យល់បក់បោកខ្លាំង បណ្តាលឲ្យបាក់ស្ពាន ទឹកជំនន់ភ្លាមៗ ដាច់ចរន្តអគ្គិសនី និងខូចខាតអស់ទឹកប្រាក់ជាង ៨៣៥,០០០ ដុល្លារអាមេរិក។

នៅព្រឹកថ្ងៃនេះ ទន្លេ Khan ក្នុងខេត្ត Luang Prabang បានហក់ឡើងយ៉ាងលឿន ដោយសារតែភ្លៀងធ្លាក់ខ្លាំងរងឥទ្ធិពលពីព្យុះ និងទឹកដែលបញ្ចេញចេញពីទំនប់វារីអគ្គីសនីនៅក្បែរនោះ។ អាជ្ញាធរ​បាន​ព្រមាន​ប្រជាពលរដ្ឋ​ឲ្យ​ការពារ​ទ្រព្យសម្បត្តិ ពិនិត្យ​ផ្លូវ និង​តាមដាន​កម្រិត​ទឹក​ឲ្យ​បាន​ដិតដល់។

​ជាមួយគ្នានេះនៅក្នុង ​ខេត្ត​ Phongsaly មន្ត្រី​បាន​និយាយថា ទំនប់​វា​រី​អគ្គិសនី​ Nam Ou ទី​៤ ទី​៥ និង​៦ នឹង​បើក​ទ្វារ​ទឹកជំនន់​ចាប់ពី​ថ្ងៃទី​២២ ដល់​ថ្ងៃទី​២៧ ខែកក្កដា ដោយ​បញ្ចេញ​បរិមាណ​ទឹក​យ៉ាងច្រើន​។ មុននេះ ការព្រមានស្រដៀងគ្នានេះត្រូវបានធ្វើឡើងចំពោះទំនប់ ១, ២, និង ៣ នៅហ្លួងព្រះបាងផងដែរ។ ប្រជាពលរដ្ឋដែលរស់នៅក្បែរទន្លេ ត្រូវបានប្រាប់ឱ្យមានការប្រុងប្រយ័ត្ន និងចាត់វិធានការសុវត្ថិភាព។

ដោយសារខ្យល់ព្យុះនេះ ផ្លូវដែកឡាវ-ចិនក៏បានបញ្ឈប់រាល់សេវារថភ្លើងទាំងអស់នៅថ្ងៃទី ២៣ ខែកក្កដា ដោយសារហេតុផលសុវត្ថិភាព។ អ្នកដំណើរអាចលុបចោល ឬផ្លាស់ប្តូរសំបុត្ររថភ្លើងរបស់ពួកគេដោយឥតគិតថ្លៃ និងទទួលបានប្រាក់ទាំងអស់របស់ពួកគេត្រឡប់មកវិញ ប្រសិនបើពួកគេបិតក្នុងរយៈពេល ៣០ ថ្ងៃ។

គួរបញ្ជាក់ថា ព្យុះវីពផា បានប៉ះពាល់ដល់ប្រទេសផ្សេងទៀតនៅក្នុងតំបន់អាស៊ីផងដែរ។ នៅ​ប្រទេស​វៀតណាម មនុស្ស​រាប់​ពាន់​នាក់​ត្រូវ​ជម្លៀសចេញ ផ្លូវ​ថ្នល់​ខូច និង​កសិដ្ឋាន​ត្រូវ​ជន់​លិច។ ទោះបីព្យុះវីពផាចុះខ្សោយពេលបក់មកដល់ភាគខាងជើងវៀតណាមកដោយ ក៏ឥ​ទ្ធិពលរបស់វានៅតែបង្កឲ្យមានភ្លៀងធ្លាក់ខ្លាំងដែលអាចបង្កជាទឹកជំនន់ភ្លាមៗ៕

អត្ថបទ៖ ប៊ុន សុភាព

The post ព្យុះត្រូពិកវីពផា បង្កឲ្យមានទឹកជំនន់ក្នុងខេត្តជាច្រើនរបស់ឡាវ appeared first on Kampuchea Thmey Daily.

ទោះបីជាវាចុះខ្សោយក៏ដោយ ព្យុះនេះបាននាំមកនូវភ្លៀងធ្លាក់ខ្លាំង និងខ្យល់បក់ខ្លាំងពាសពេញតំបន់ ជាពិសេសនៅ ខេត្ត Ninh Binh, Thanh Hoa និង Quang Ninh។

ព្យុះវីពផា រក្សាអាំងតង់ស៊ីតេខ្ពស់ក្នុងរយៈពេលជិតប្រាំបួនម៉ោង ជាមួយនឹងកម្លាំងខ្យល់បក់តាមឆ្នេរសមុទ្រដែលមានល្បឿនរហូតដល់ ១០២ គីឡូម៉ែត្រក្នុងមួយម៉ោង។ បរិមាណទឹកភ្លៀងសរុបលើសពី ៤០០ មីលីម៉ែត្រ នៅតំបន់មួយចំនួន ដែលបង្កឱ្យមានការព្រមានអំពីទឹកជំនន់ និងបំណាក់ដី ជាពិសេសនៅតំបន់ភ្នំ។

ចំណែករលកសមុទ្រវិញបានហក់ឡើងដល់ទៅ ៣.៥ ម៉ែត្រនៅក្នុងទីតាំងឈូងសមុទ្រ ហើយការកើនឡើងនៃព្យុះត្រូវក៏បានកត់ត្រានៅក្នុងខេត្តជាប់មាត់សមុទ្រ។ អាជ្ញាធរគ្រប់គ្រងគ្រោះមហន្តរាយ និងទំនប់ទឹកវៀតណាមបានរាយការណ៍អំពីការជម្លៀសមនុស្សជិត ១១,៨០០ ដោយសារព្យុះ។ ដីស្រែជាង ១០៧,០០០ ហិកតាត្រូវបានជន់លិច ហើយទំនប់ជាច្រើនបានទទួលរងការខូចខាត។

ទោះបីជាព្យុះវីពផាបានចុះខ្សោយក៏ដោយ ប៉ុន្តែប្រព័ន្ធអាកាសធាតុនៅតែបង្កឲ្យមានភ្លៀងធ្លាក់ខ្លាំងនៅក្នុងតំបន់ជាច្រើន។ ប្រការនេះបង្កើនហានិភ័យនៃទឹកជំនន់កាន់តែខ្លាំង ជាពិសេសនៅកន្លែងដែលរងផលប៉ះពាល់រួចហើយ។ ព្យុះវីពផា គឺជាព្យុះដ៏ធំទីពីរដែលបានវាយប្រហារប្រទេសវៀតណាមក្នុងឆ្នាំនេះ ហើយអ្នកជំនាញបាននិយាយថា ព្យុះជាច្រើនទៀតអាចនឹងមកដល់វៀតណាមក្នុងរយៈពេលប៉ុន្មានខែខាងមុខនេះ៕

អត្ថបទ៖ ប៊ុន សុភាព

The post ព្យុះវីពផាចុះខ្សោយបន្ទាប់ពីវាយប្រហារភាគខាងជើងប្រទេសវៀតណាម appeared first on Kampuchea Thmey Daily.

ទឹកទន្លេ Marikina បានហក់ឡើងបន្ទាប់ពីមានភ្លៀងធ្លាក់ខ្លាំងមួយយប់ ដោយបានជន់លិចតំបន់ទំនាបក្បែរនោះ និងជំរុញឱ្យមានការបិទសាលារៀន និងការិយាល័យរដ្ឋាភិបាលមួយចំនួន។

មនុស្សត្រូវបានជម្លៀសចេញពីទីក្រុង Marikina, Quezon, និង Caloocan ។ នៅទីក្រុង Caloocan ស្ត្រីចំណាស់ម្នាក់ និងអ្នកបើកបររបស់គាត់បានបាត់ខ្លួន បន្ទាប់ពីរថយន្តរបស់ពួកគេត្រូវបានទឹកជំនន់ហូរនាំចូលព្រែក។ រថយន្ត​នោះ​ត្រូវ​បាន​រក​ឃើញ ប៉ុន្តែ​ក្រុម​អ្នក​ជួយ​សង្គ្រោះ​កំពុង​តែ​ស្វែង​រក​ពួក​គេ​នៅ​ឡើយ​។

បើទោះជាទឹកជំនន់ចាប់ផ្តើមស្រកវិញនៅព្រឹកថ្ងៃអង្គារក៏ដោយ ក៏មនុស្សជាច្រើននៅតែត្រូវជម្លៀសចេញ។ចាប់តាំងពីព្យុះទីហ្វុងវីពផា បានបោកបកឆ្លងកាត់កាលពីថ្ងៃសុក្រ នៅទូទាំងប្រទេសហ្វីលីពីន ភ្លៀងធ្លាក់មូសុងដែលកំពុងបន្តបានសម្លាប់មនុស្សយ៉ាងហោចណាស់ ៣ នាក់ និងបាត់ខ្លួន ៧ នាក់។

គួរបញ្ជាក់ថាប្រទេសហ្វីលីពីន ដែលជារឿយៗរងការវាយប្រហារដោយព្យុះប្រហែល ២០ ក្នុងមួយឆ្នាំ ប្រឈមនឹងការកើនឡើងនៃឥទ្ធិពលព្យុះដោយសារតែការប្រែប្រួលអាកាសធាតុ ដោយសហគមន៍ក្រីក្របំផុតប្រឈមនឹងហានិភ័យជាងគេ៕

អត្ថបទ៖ ប៊ុន សុភាព

The post ទឹកជំនន់​​ធ្ងន់ធ្ងរ​នៅទី​ក្រុង​ម៉ានីល ប្រទេស ហ្វីលីពីនបង្ខំឲ្យជម្លៀសមនុស្ស​រាប់​ពាន់​នាក់​ appeared first on Kampuchea Thmey Daily.

ការសម្រេចចិត្តនេះធ្វើឡើងដោយអាជ្ញាធរអាកាសចរណ៍ស៊ីវិលវៀតណាម (CAAV) មានគោលបំណងធានាសុវត្ថិភាព ខណៈដែលព្យុះនេះជាលើកទី៣ ដែលបានបោកបក់មកសមុទ្រខាងកើតក្នុងឆ្នាំនេះ ដែលនាំមកនូវខ្យល់បក់ខ្លាំង និងភ្លៀងធ្លាក់ខ្លាំង។

អាកាសយានដ្ឋានផ្សេងទៀត រួមទាំងអាកាសយានដ្ឋាន Noi Bai នៅទីក្រុងហាណូយ និងអាកាសយានដ្ឋាន Tho Xuan នៅខេត្ត Thanh Hoa ក៏មានការប្រុងប្រយ័ត្នផងដែរ ហើយអាចកែសម្រួលកាលវិភាគហោះហើររបស់ពួកគេ អាស្រ័យលើការវិវត្តអាកាសធាតុ ខណៈដែលអាជ្ញាធរបានព្រមានថាទឹកជំនន់អាចរំខានដល់ប្រតិបត្តិការព្រលានយន្តហោះ។

ព្យុះវីពផា ត្រូវបានព្យាករណ៍ថានឹងបក់ទៅលើភាគខាងត្បូងខេត្ត Hai Phong និងភាគខាងជើងខេត្ត Thanh Hoa ចន្លោះម៉ោង ១០ ព្រឹកដល់ម៉ោង ៣ រសៀលថ្ងៃទី ២២ ខែកក្កដានេះ ខណៈទីក្រុងហាណូយនិងខេត្តជាប់សមុទ្រកំពុងទប់ទល់នឹងខ្យល់ខ្លាំងដល់កម្រិតទី ៨ និងអាចកើតមានទឹកជំនន់ភ្លាមៗ។

ដើម្បីជាការបង្ការរដ្ឋាភិបាលវៀតណាមបានប្រកាសឲ្យ ក្រសួងឬស្ថាប័នពាក់ព័ន្ធ ត្រៀមលក្ខណៈជូនដំណឹងដល់ប្រជាជនទូទាំងប្រទេសមុនពេលព្យុះវីពផាបក់មកដល់។

គួរបញ្ជាក់ថាមិនត្រឹមតែប្រទេសវៀតណាមប៉ុណ្ណោះទេ ប្រទេសផ្សេងទៀតនៅតំបន់អាស៊ីដូចជា ប្រទេសចិន ថៃ និង ប្រទេសមួយចំនួនកំពុងប្រឈមនឹងការវាយប្រហារពីព្យុះវីពផា និងថែមទាំងមានមនុស្ស២នាក់បានស្លាប់នៅក្នុងប្រទេសថៃដោយសារតែឥទ្ធិពលព្យុះនេះ៕

អត្ថបទ៖ ប៊ុន សុភាព

The post វៀតណាមបិទអាកាសយានដ្ឋានចំនួនពីរ ខណៈព្យុះទីហ្វុងវីពផា ខិតចូលមកដល់ appeared first on Kampuchea Thmey Daily.

យោងតាមការចេញផ្សាយរបស់កាសែត Vietnam Plus នាយករដ្ឋមន្ត្រីវៀតណាមលោក Pham Minh Chinh បានចេញបញ្ជាជាបន្ទាន់ឲ្យមានការត្រៀមលក្ខណៈទូទាំងប្រទេស ខណៈដែលព្យុះទីហ្វុង ព្យុះវីពផាដ៏ខ្លាំងក្លានឹងបោកបក់មកដល់ភាគខាងជើង និងខាងជើងភាគកណ្តាលប្រទេសវៀតណាម នៅល្ងាចថ្ងៃទី ២១ ខែកក្កដានេះ ។

នៅក្នុងប្រទេសវៀតណាមខ្យល់បក់ឡើងដល់កម្រិតទី១២ និងខ្យល់កួចឡើងដល់កម្រិត១៥ គំរាមកំហែងដល់ភ្លៀងធ្លាក់ខ្លាំង ទឹកជំនន់ភ្លាមៗ បំណាក់ដី និងការជន់លិចទីក្រុង។ នាយករដ្ឋមន្ត្រីបានអំពាវនាវឱ្យមានការសម្របសម្រួលយ៉ាងជិតស្និទ្ធរវាងក្រសួងសំខាន់ៗ ដូចជា ការពារជាតិ សន្តិសុខសាធារណៈ កសិកម្ម និងបរិស្ថាន និងអាជ្ញាធរមូលដ្ឋានដើម្បីការពារអាយុជីវិត ទ្រព្យសម្បត្តិ និងហេដ្ឋារចនាសម្ព័ន្ធសាធារណៈ។

ថ្នាក់​ដឹក​នាំ​ខេត្ត​ត្រូវ​បាន​បញ្ជា​ឱ្យ​ផ្លាស់ទី​កប៉ាល់ ទូក​នេសាទ និង​កប៉ាល់​ទេសចរណ៍​ទាំងអស់​ទៅ​កន្លែង​សុវត្ថិភាព និង​ហាម​មិន​ឱ្យ​មាន​សកម្មភាព​តាមសមុទ្រ​។ ចំពោះនៅលើដីវិញ ទីក្រុង និងខេត្តត្រូវបានណែនាំឲ្យគ្រប់គ្រងចរាចរណ៍តាមដងផ្លូវ។ រីឯក្រសួងកសិកម្ម និងបរិស្ថានត្រូវតាមដានព្យុះ និងផ្តល់ព័ត៌មានទាន់ពេលដល់កសិករ ដើម្បីការពារប្រព័ន្ធធារាសាស្ត្រ និងកសិកម្ម។

នៅក្នុងប្រទេសថៃឯណោះវិញ ព្យុះទីហ្វុងវីពផា បានបន្ទាបកម្រិតទៅជាព្យុះត្រូពិកបណ្តាលឱ្យមានអាកាសធាតុអាក្រក់នៅក្នុងប្រទេសថៃ សម្លាប់អ្នកទេសចរចិនពីរនាក់។ អ្នកទេសចរដែលបានស្លាប់ទាំងពីររួមមានអ្នកស្រី Wang Yang អាយុ ៥៣ ឆ្នាំបានស្លាប់បន្ទាប់ពីខ្យល់បោកបក់រលំដើមឈើសង្កត់លើលោកស្រី និងស្វាមី ខណៈដែលពួកគេកំពុងសម្រាកលំហែកាយនៅលើកោះ Koh He ខេត្តភូកេត។ ចំណែកនៅក្នុងខេត្ត Krabi ក្បែរនោះ លោក Shin Yushi អាយុ ៣៤ឆ្នាំ បានលង់ទឹកស្លាប់ បន្ទាប់ពីត្រូវបានទឹកសមុទ្រ បោកបក់ទៅបាត់ ខណៈកំពុងហែលទឹកនៅកោះ Lanta ។

ព្យុះនេះក៏បានបណ្ដាលឲ្យលិចទូកដឹកទំនិញដែលកំពុងធ្វើដំណើរទៅកាន់កោះ Phi Phi ផងដែរ ប៉ុន្តែអ្នកបើកបរទូកត្រូវបានជួយសង្គ្រោះ បន្ទាប់ពីតោងជាប់នឹងធុងប្លាស្ទិកអស់រយៈពេល ៤ម៉ោង។

ដើម្បីជាការប្រុងប្រយ័ត្នអាជ្ញាធរ និងក្រុមហ៊ុនអាកាសចរណ៍នៅវៀតណាម និងភាគខាងត្បូងនៃប្រទេសចិន រួមទាំងក្រុងហុងកុង ម៉ាកាវ និង ក្រុមហ៊ុនអាកាសចរណ៍ Thai Airways International បានលុបចោល​ជើងហោះហើររាប់រយចាប់តាំងពីម្សិលមិញ មកទល់ព្រឹកថ្ងៃចន្ទនេះ។

គួរបញ្ជាក់ថា ព្យុះវីពផា បាន​វិវត្តក្លាយជាព្យុះទីហ្វុងកាលពីព្រឹកថ្ងៃអាទិត្យ ជាមួយ​នឹង​កម្លាំងខ្យល់កន្រ្តាក់ ១២០ គីឡូម៉ែត្រក្នុងម៉ោង ដោយ​វាយប្រហារនៅភាគខាងត្បូងនៃប្រទេសចិន រួមទាំងក្រុង​ហុងកុង ក្រុងម៉ាកាវ ខេត្តក្វាងទុង រួចបន្តបក់បោកមកភាគខាងត្បូងខេត្តក្វាងស៊ី ហើយរំកិលខ្លួន​ចូលក្នុងឈូងសមុទ្រតុងកឹងព្រឹកថ្ងៃចន្ទនេះ ដោយ​រំពឹង​ថានឹង​ឆ្ពោះទៅភាគខាងជើងនៃវៀតណាម​បន្ទាប់ ក្នុងកម្រិតជាព្យុះត្រូពិក​៕

អត្ថបទ៖ ប៊ុន សុភាព

The post ប្រទេសជិតខាងកម្ពុជា សុទ្ធតែត្រូវវាយប្រហារធ្ងន់ដោយព្យុះ វីពផា ខណៈថៃ មានទាំងមនុស្សស្លាប់ appeared first on Kampuchea Thmey Daily.