លោក Jorge Rodriguez នាយកគ្រប់គ្រង Influential Brands® មានប្រសាសន៍ថា “យើងមានសេចក្តីសោមនស្សរីករាយក្នុងការទទួលស្គាល់ភាពល្អឥតខ្ចោះនៃអាជីវកម្ម និងភាពធន់ដែលបានបង្ហាញដោយក្រុមហ៊ុននៅកម្ពុជាក្នុងអំឡុងពេលបរិយាកាសធុរកិច្ចមិនច្បាស់លាស់កន្លងមក។ ប៉ុន្មានឆ្នាំកន្លងមកនេះ វាមិនមែនជារឿងងាយស្រួលនោះទេ ប៉ុន្តែខ្ញុំជឿថា វាក៏បង្ហាញឱ្យក្រុមហ៊ុននូវឱកាសមួយចំនួនដើម្បីពង្រឹង និងជំរុញអាជីវកម្មរបស់ពួកគេ។ តាមរយៈបណ្តាញ​ដ៏ធំទូលាយរបស់យើងជាសកល និងជាតំបន់ យើងជឿជាក់ថាក្រុមហ៊ុនកម្ពុជានឹងទទួលបានអត្ថប្រយោជន៍តាមរយៈការផ្លាស់ប្តូរ និងការបង្កើតបណ្តាញជាមួយនឹងក្រុមហ៊ុនល្អបំផុតនានានៅក្នុងតំបន់។”

នៅក្នុងឆ្នាំដែលអាជីវកម្មកំពុងផ្លាស់ប្តូរ និងសម្របខ្លួនដើម្បីប្រឈមមុខនឹងពិភពឌីជីថលថ្មី Influential Brands® ស្វែងរកការទទួលស្គាល់ម៉ាកយីហោដែលអាចបង្កើតថ្មី និងរក្សាភាពស៊ីចង្វាក់ជាមួយអ្នកប្រើប្រាស់ បុគ្គលិក និងអ្នកពាក់ព័ន្ធជាទូទៅ។

កាលពីថ្ងៃទី 9 ខែតុលា ឆ្នាំ 2024 នៅសណ្ឋាគារ Novotel Phnom Penh BKK 1 Influential Brands (ASIA) បានជួបជាមួយនាយកប្រតិបត្តិជាន់ខ្ពស់ជាង 40 នាក់ ដែលបង្ហាញពីគោលបំណង គោលដៅ និងការប្តេជ្ញាចិត្តរបស់ខ្លួន ដើម្បីអបអរភាពល្អឥតខ្ចោះនៃអាជីវកម្មនៅតំបន់អាស៊ី។ ព្រឹត្តិការណ៍នេះត្រូវបានគាំទ្រផ្នែកទំនាក់ទំនងសាធារណៈ​​​​និងដៃគូទំនាក់ទំនងដោយក្រុមហ៊ុន TWPR។

លោក ប៊ុន បូរ៉ាថៃ​ ដែលជាតំណាងនៃ Influential Brands®​ ប្រចាំប្រទេសកម្ពុជាបានមានប្រសាសន៍ថា “គោលដៅរបស់យើង គឺនាំយកម៉ាកយីហោកម្ពុជាទៅកាន់ជួរមុខនៃតំបន់អាស៊ី។ យើងជឿជាក់ថាសក្តានុពលដែលមិនទាន់អាចប្រើប្រាស់បានរបស់កម្ពុជាអាចឆ្លើយតបនឹងអតិថិជននៅទូទាំងតំបន់ បង្កើតឱកាសសម្រាប់ការរីកចម្រើន កិច្ចសហប្រតិបត្តិការ និងការផ្លាស់ប្តូរវប្បធម៌។”

ដោយផ្អែកលើប្រធានបទនៃភាពជាអ្នកដឹកនាំ ម៉ាកយីហោ និងការចូលរួមរបស់និយោជិត ដែលជាមូលដ្ឋានគ្រឹះសម្រាប់អាជីវកម្មណាមួយ ពានរង្វាន់ទាំងប្រាំមានដូចខាងក្រោម៖

ពានរង្វាន់តាមប្រភេទនីមួយៗអនុវត្តទៅតាមលក្ខណៈវិនិច្ឆ័យជាក់លាក់មួយដោយផ្អែកលើការវិភាគទិន្នន័យបែបបរិមាណ និងបែបគុណភាព។

ពានរង្វាន់ម៉ាកយីហោកំពូល និងឆ្នើម ម៉ាកយីហោត្រូវតែមានការយល់ឃើញជាវិជ្ជមាននៅក្នុងក្រសែភ្នែករបស់អ្នកប្រើប្រាស់/អ្នកទិញទំនិញ។ ខ្សែស្រឡាយទូទៅក្នុងចំណោមម៉ាកយីហោឆ្នើម គឺជាការសង្កត់ធ្ងន់របស់ពួកគេទៅលើការច្នៃប្រឌិត ភាពស៊ីសង្វាក់ក្នុងការផ្តល់សេវាកម្មតាមការសន្យា និងភាពស្មោះត្រង់ជាច្រើនឆ្នាំនៃការបម្រើតម្រូវការទីផ្សារ។ កិច្ចខិតខំប្រឹងប្រែងបែបនេះត្រូវបានវាយតម្លៃដោយអ្នកប្រើប្រាស់ ហើយត្រូវបានឆ្លុះបញ្ចាំងនៅក្នុងចំណែក​​ទីផ្សារ។  

ពានរង្វាន់និយោជកឆ្នើម និយោជកត្រូវតែមានការយល់ឃើញជាវិជ្ជមាននៅក្នុងក្រសែភ្នែករបស់បុគ្គលិកផ្ទាល់របស់ពួកគេ។ ការវាស់វែងមួយចំនួនរួមមានការចូលរួមរបស់បុគ្គលិកប្រកបដោយអត្ថន័យ វប្បធម៌ក្រុមហ៊ុនរឹងមាំ និងការអនុវត្តធនធានមនុស្សពាក់ព័ន្ធក្នុងយុគសម័យឌីជីថល។

ជារៀងរាល់ឆ្នាំ អ្នកប្រើប្រាស់ជាង 25,000 នាក់/អ្នកទិញទំនិញ និងបុគ្គលិកជាង 50,000 នាក់ត្រូវបានស្ទង់មតិនៅទូទាំងតំបន់អាស៊ី។

លោក Jorge Rodriguez នាយកគ្រប់គ្រងនៃ Influential Brands® បានមានប្រសាសន៍បន្ថែមថា “យើងស្វាគមន៍ក្រុមហ៊ុនទាំងនៅក្នុងវិស័យ B2B និង B2C ដើម្បីចូលរួមជាមួយ Influential Brands Asia ។ សមាជិករបស់យើង គឺជាក្រុមហ៊ុនល្បីឈ្មោះមួយចំនួនមកពីតំបន់អាស៊ី រួមទាំងក្រុមហ៊ុនអាស៊ីដូចជា AirAsia, ThaiBev, Central Group, Chow Tai Fook, UOB, CapitaLand, Frasers Hospitality, Changi Airport, Gardens by the Bay, Bangkok Bank, Grab, Shopee និងក្រុមហ៊ុនជាសកលដូចជា Coca Cola, Estee Lauder, Shiseido, Pernod Ricard, Simmons, Sephora ជាដើម។ តាមរយៈការសហការគ្នាជាមួយក្រុមចម្រុះនៃ ‘Best in Business’ យើងមានមោទនភាពក្នុងការគាំទ្រពួកគេបង្កើតអាជីវកម្មដ៏ជោគជ័យដែលបង្កើតតម្លៃ និងត្រូវបានទទួលស្គាល់សម្រាប់សារៈសំខាន់ និងឧត្តមភាពរបស់ពួកគេ។”

ការយល់ដឹងបឋមពីការស្ទង់មតិក៏បង្ហាញថា ជំងឺរាតត្បាត កូវីដ–១៩ បានដើរតួនាទីក្នុងការការសម្រេចចិត្តរបស់អ្នកប្រើប្រាស់។ នៅពេលសួរអំពីអ្វីដែលសំខាន់បំផុតនៅពេលទិញទំនិញ តម្លៃសាច់ប្រាក់ គឺជាកត្តាចម្បងដែលមានរហូតទៅដល់ 56% បន្ទាប់មក កត្តាគុណភាពយូរអង្វែង មាន 13% និងបន្ទាប់មកទៀតគឺ តម្លៃទាប ដែលមាន 10% ក្នុងចំណោមកត្តាផ្សេងទៀត។ បើប្រៀបធៀបទៅនឹងលទ្ធផលកាលពីឆ្នាំមុន មានការកើនឡើងគួរឱ្យកត់សម្គាល់នៃភាគរយនៃអ្នកប្រើប្រាស់ដែលបានជ្រើសរើសជម្រើសទាំងនេះ។ ម៉ាកយីហោ និង ភាពងាយស្រួល ក៏ជាការកត្តាពិចារណាដ៏សំខាន់ផងដែរ ដែលទាក់ទងទៅនឹង ការធានា សេវាកម្ម និង សុវត្ថិភាព។

អ្នកឈ្នះពានរង្វាន់នីមួយៗនឹងត្រូវប្រកាសនៅខែធ្នូ ឆ្នាំ 2024 ហើយការទទួលស្គាល់ពានរង្វាន់ជាផ្លូវការនឹងប្រារព្ធឡើងនៅខែមីនា ឆ្នាំ 2025 ទាំងនៅក្នុងប្រទេសសិង្ហបុរី និងប្រទេសថៃ។

អំពី INFLUENTIAL BRANDS® 

Influential Brands® គឺ​ជា​វេទិកា​រិះរក​គំនិត ស្រាវជ្រាវ និង​ការ​ទទួល​ស្គាល់​អាជីវកម្ម​ដើម្បី​អបអរ “ជើងឯក​នៃ​ឧត្តមភាព” នៅក្នុងតំបន់​អាស៊ី។

ការចាក់ឬសយ៉ាងស៊ីជម្រៅនៅក្នុងជំនឿរបស់យើង គឺជាតម្រូវការក្នុងការលើកកម្ពស់វប្បធម៌ដែលផ្តល់កិត្តិយសដល់ការអនុវត្តជាគំរូនៃម៉ាកយីហោឈានមុខគេនៅអាស៊ី ក៏ដូចជាការប្តេជ្ញាចិត្តរបស់ពួកគេចំពោះភាពខុសប្លែក។ យើងសាទរជាមួយភាពរីករាយរបស់ក្រុមហ៊ុននានាជុំវិញកិច្ចខិតខំប្រឹងប្រែងអាជីវកម្មដែលទទួលបានជោគជ័យរបស់​ពួកគេ ដែលបានបន្ថែមតម្លៃ និងបន្សល់ទុកនូវទស្សនទានសំខាន់ៗនៅក្នុងឧស្សាហកម្មរៀងៗខ្លួន។ តាមរយៈសកម្មភាពនេះ យើងសង្ឃឹមថាវានឹងរួមចំណែកដល់ផ្នែកចំណេះដឹងនៃការអនុវត្តល្អបំផុត ដើម្បីឱ្យក្រុមហ៊ុនអាចបង្កើតក្រុមហ៊ុនប្រកបដោយគុណភាព និងមានអត្ថន័យ ដែលជះឥទ្ធិពលទៅដល់បរិស្ថាន ស្តង់ដាររស់នៅ បែបផែនជីវិត និងអនាគតរបស់យើង។

ក្រុមគ្រួសារនៃម៉ាកយីហោរបស់ Influential Brands រួមមានម៉ាកយីហោសកល និងតំបន់មកពីជាង 15 ប្រទេសនៅទូទាំងពិភពលោក។

គេហទំព័រ៖ www.influentialbrands.com  ទំព័រ Facebook៖ Influential Brands Facebook។

សម្រាប់ព័ត៌មានបន្ថែម សូមទំនាក់ទំនង៖

អុីម៉ែល៖ management@influentialbrands.com

The post ការប្រារព្ធពិធីអបអរសារទរនូវឧត្តមភាពធុរកិច្ចក្នុងប្រទេសកម្ពុជាឆ្នាំ ២០២៤ ការទទួលស្គាល់ម៉ាកយីហោ និយោជក និងថ្នាក់ដឹកនាំធុរកិច្ច appeared first on Kampuchea Thmey Daily.

តោះ! ​ឥឡូវ​មក​ស្គាល់​យីហោ​គ្រឿងក្រអូប​កំពូល​ទាំង ៣ ដែល​នាំ​មុខ​គេ​នៅ​លើ​ពិភពលោក!

យីហោ L’Oréa

ជា​ក្រុមហ៊ុន​គ្រឿងសម្អាង​ដ៏​ធំ​បំផុត​មួយ​ និង​ជា​យីហោ​ផលិតផល​ថែរក្សា​សម្ផស្ស​ល្បីល្បាញ​នៅ​ទូទាំង​លើ​ពិភពលោក។ L’Oréa ចាប់ផ្ដើម​ផលិតផល​របស់​ខ្លួន​នៅ​ក្នុង​ឧស្សាហកម្ម​គ្រឿងសម្អាង​តាំង​ពី​ជាង​មួយ​សត​វត្សរ៍​មុន នា​ឆ្នាំ ១៩០៩ ។

ផលិតផល​របស់​ក្រុមហ៊ុន​គ្រឿងសម្អាង​យក្ខ​នេះ​រួមមាន ផលិតផល​ថែរក្សា​ស្បែក ថែរក្សា​សក់ ផលិតការពារ​កម្ដៅ​ថ្ងៃ និង​គ្រឿងក្រអូប​ច្រើន​ទៀត។ ម៉ាក​ល្បីៗ​ដែល​ចេញ​លក់​ដោយ L’Oréa មាន​ដូចជា L’Oréal Paris, Garnier, Maybelline New York និង SoftSheen ។

យីហោ Unilever

ក្រុមហ៊ុន Unilever ស្ថិត​ក្នុង​ចំណោម​យីហោ​ទំនិញ​ប្រើប្រាស់​ផ្ទាល់ខ្លួន​ធំ​ជាង​គេ​បំផុត​នៅ​លើ​ពិភពលោក។ ក្រុមហ៊ុន​នេះ​ដើរ​តួ​ក្នុង​ឧស្សាហកម្ម​គ្រឿងសម្អាង​ជាមួយ​នឹង​ម៉ាក និយម​ដូចជា Axe/Lynx, Dove, Lifebuoy, Pond’s, Close-Up, TRESemmé, Suave, Sunsilk, និង Vaseline។ល។ នៅឆ្នាំ ២០១៧ ក្រុមហ៊ុន Unilever បាន​ប្រកាស​បង្កើត​ក្រុមហ៊ុន​ថ្មី​របស់​ខ្លួន “យូនីលវើរ​គ្រឿងសម្អាង​អន្តរជាតិ” ដើម្បី​ពង្រីក​ផលិតផល​ម៉ាក​ល្បីៗ និង​យីហោ​គ្រឿងក្រអូប​ទូទាំង​ពិភពលោក។

យីហោ Estée Lauder

Estée Lauder ជា​ក្រុមហ៊ុន​ផលិត ​និង​ថែរក្សា​ស្បែក​ជាមួយ​គ្រឿង​តែង​មុខ គ្រឿងក្រអូប​ និង​ផលិតផល​ថែរក្សា​សក់​ឈាន​មុខ​គេ​មួយ​របស់​ពិភពលោក។ ក្រុមហ៊ុន​នេះ​មាន​ផលិតផល​ចម្រុះ​ជាង ២៥ម៉ាក​ ដែល​បាន​លក់​នៅ​ក្នុង ១៥០ ប្រទេស។ ចាប់តាំង​ពី​បង្កើត​ឡើង​នៅ​ទសវត្ស​ឆ្នាំ ១៩៤០ ក្រុមហ៊ុន​បាន​បន្សល់​ទុក​កេរ្តិ៍ឈ្មោះ​លើ​គ្រប់​វិស័យ​នៃ​ឧស្សាហកម្ម​សម្រស់។

សព្វថ្ងៃ Estée Lauder នៅ​តែ​ឈរ​ក្នុង​ទីផ្សារ​គ្រឿងសម្អាង​ខ្នាត​អន្តរជាតិ​រហូត​ក្លាយ​ជា​ក្រុមហ៊ុន​មាន​ប្រជាប្រិយ​បំផុត​មួយ​នៅ​លើ​ពិភពលោក៕

ប្រែសម្រួល៖ សន្យា

ប្រភព៖ technavio Blog

ចុចអាន៖ សារធាតុគីមីក្នុងគ្រឿងសម្អាង និងទឹកអប់ ជាមូលហេតុនាំឱ្យក្មេងស្រីឆាប់ពេញវ័យមុនអាយុ

ចុចអាន៖ ចំណុចសំខាន់ៗ៤​មុនពេលចង់រកស៊ីផ្នែកគ្រឿងសម្អាងបានកាក់កប

The post ក្រុមហ៊ុន​គ្រឿង​ក្រអូប​ណា ជា​កំពូល​យីហោ​នៅ​លើ​ពិភពលោក ​ប្រចាំ​ឆ្នាំ ២០២២? appeared first on Kampuchea Thmey Daily.

យ៉ាងណាមិញ ហាងកាហ្វេមួយជោគជ័យមិនអាស្រ័យតែលើរសជាតិនោះទេ វាផ្អែកលើយុទ្ធសាស្ត្រគ្រប់គ្រងរបស់ម្ចាស់ហាង។

Starbucks ជាហាងដែលទទួលបានការដឹកនាំពីលោក Howard Schultz អស់ពេលជាយូរ។ ច្រើនឆ្នាំមកនេះ Schultz បានធ្វើឲ្យ Starbucks ក្លាយជាហាងកាហ្វេកាន់តែមានប្រជាប្រិយភាព និងពុំទាន់មានហាងណាអាចផ្ដួលបាននៅឡើយ។

តើលោក Howard Schultz ​មានផ្នត់គំនិតបែបណាខ្លះ ទើបធ្វើឲ្យអាជីវកម្មនេះរីកចម្រើនខ្លាំងម្លេះ?

១. ត្រូវមានក្ដីសុបិន្ត ហើយសុបិន្តឲ្យធំ! ជឿជាក់ជានិច្ចថា អ្នកអាចជោគជ័យ ហើយជឿទៀតថា អ្នកអាចសម្រេចនូវអ្វីដែលមិនអាចស្មានបាន។

២. ផ្លាស់ប្តូរផ្នត់គំនិតរបស់អ្នក! កុំគិតពីអ្វីដែលអ្នកដទៃប្រាប់ថាមិនអាច តែត្រូវគិតអំពីអ្វីដែលខ្លួនអាចសម្រេចបាន។

៣. អ្នកគ្រប់គ្នាមានបេះដូង ដូច្នេះត្រូវយកបេះដូងនៃក្ដីស្រឡាញ់បញ្ចូលទៅក្នុងក្រុមហ៊ុនដែលអ្នកធ្វើការ។

៤. សាទរចំពោះកំហុសរបស់ខ្លួន! រៀនពីការខុសឆ្គងដែលធ្លាប់ភ្លាត់ដួល ហើយកុំខ្លាចក្នុងការប្រថុយឲ្យសោះ។

៥. មិនចាំបាច់ផ្សាយពាណិជ្ជកម្មអ្វីក៏បាន! ចំពោះ Starbucks ចំណាយតិចតួចបំផុតលើការផ្សព្វផ្សាយ ប៉ុន្តែយើងបង្កើតទំនាក់ទំនងជាមួយអតិថិជន នោះទើបជាការផ្សាយពានិជ្ជកម្មមានឥទ្ធិពលខ្លាំងក្លាជាង។

៦. ថែរក្សាបុគ្គលិកគ្រប់គ្នា! បង្កើតតម្លៃសម្រាប់និយោជិកដោយចែករំលែកភាពជោគជ័យជាមួយពួកគេ។

៧. ត្រូវធ្វើអ្វីដែលខ្លួនចូលចិត្ត! ធ្វើអ្វីដែលខ្លួនឯងស្រឡាញ់បំផុត! ហើយខំប្រឹងដើម្បីគុណតម្លៃទាំងនោះ ទោះបើត្រូវស្លាប់ក៏ដោយ។

៨. ត្រូវមានការឲ្យតម្លៃខ្ពស់ពីសហគមន៍! អតិថិជននឹងគាំទ្រម៉ាករបស់អ្នក បើអ្នកជាយីហោរដែលគាំទ្រសហគមន៍។

៩. ផ្ដល់ឲ្យភ្ញៀវលើសពីការរំពឹងទុក! ផ្ដល់ឲ្យពួកគេនូវការគោរព ការកោតសរសើរ និងសេចក្តីថ្លៃថ្នូរ មិនថាតែអតិថិជនដែលបានបង់ប្រាក់ប៉ុណ្ណោះ តែសូម្បីបុគ្គលិករបស់ខ្លួន។

១០. ចូរវិនិយោគលើមនុស្សឲ្យខ្លាំងជាងគេ ដោយចាប់យកភាពចម្រុះគ្នា និងរឹតចំណងជាមួយបុគ្គលគ្រប់ប្រភេទ៕

ប្រែសម្រួល៖ សន្យា

ប្រភព៖ MONEY INC

ចុចអាន៖ វីរបុរស​របស់ STARBUCKS ៖ «មានជំនឿ១០០ភាគរយសិន សឹម​ចាប់ផ្ដើម​អាជីវកម្ម»

ចុចអាន៖ ប្រវត្តិ​ត្រួសៗ​លោក HOWARD SCHULTZ ថៅកែ​ដំបូង​របស់ STARBUCKS

The post ផ្នត់គំនិតកំពូលទាំង ១០ របស់មហាសេដ្ឋី Schultz ដែល​នាំឲ្យ Starbucks ជោគជ័យមកទល់ពេលនេះ​ appeared first on Kampuchea Thmey Daily.

១. Chanel

ម៉ាក Chanel ជាម៉ូឌែលកាបូបយួរដៃដែលរចនាថ្លៃបំផុត ល្អបំផុត និងលក់ដាច់បំផុតផងដែរ! យីហោនេះត្រូវបានតារាល្បីៗច្រើនរូប ប្រើនៅក្នុងព្រឹត្តិការណ៍ភាពយន្តអូស្ការជារៀងរាល់ឆ្នាំ។

យីហោ  Chanel បានបើកដំណើរការនៅឆ្នាំ ១៩០៩ ហើយបន្តរីកធំឡើងរហូតដល់បច្ចុប្បន្ន និងត្រូវបានរាប់បញ្ចូលក្នុងចំណោមម៉ាកល្បីៗទាំង ១០ នៅលើពិភពលោក។

២. Fendi

ម៉ាក Fendi ជាម៉ូឌែលដ៏ប្រណីតរបស់អ៊ីតាលីដែលបានបង្កើតឡើងក្នុងឆ្នាំ ១៩២៥ ហើយត្រូវបានគេស្គាល់ថា ជាម៉ាកកាបូបស្ពាយល្អបំផុត។ កាបូបដៃទាន់សម័យរបស់ Fendi ត្រូវបានផលិតពីស្បែកចៀមពណ៌ស និងស្បែកក្រពើខ្មៅ ដែលកាបូបមួយមានតម្លៃប្រហែល ២៨.០០០ ដុល្លារ។ កាបូបដ៏ទាន់សម័យឆើតឆាយ និងល្អឥតខ្ចោះនេះ សក្ដិសមប្រើទាំងពេលថ្ងៃនិងកម្មនវិធិពេលយប់។

៣. Hermes

កាបូប Matte Crocodile Biking ជាឈ្មោះដែលដាក់តាមតារាសម្តែងនិងចម្រៀង Jane Birking ។ វាជាម៉ូឌែលថ្លៃបំផុតនៃម៉ាក Hermes ដែលមានតម្លៃ ១២ ម៉ឺនដុល្លារ។

កាបូបនេះបានក្លាយជានិមិត្តរូបនៃទ្រព្យសម្បត្តិនិងឋានៈ ខណៈដែលតម្លៃរបស់វាត្រូវបានកំណត់ជាជួរប្រាំតួលេខឡើង។ ក្រៅពីត្រូវបានធ្វើពីស្បែកក្រពើ កាបូបនេះត្រូវបានតុបតែងជាមួយក្រវិលពេជ្រដែលមានត្បូងពេជ្រ ១០ ការ៉ាត់ដាក់លើគែមធ្វើពីមាសពណ៌ស។

៤. Hilde Palladino

កាបូប Gadino នៃម៉ាក Hilde Palladino ត្រូវបានធ្វើពីស្បែកក្រពើពណ៌ស មានពេជ្រចំនួន ៣៩ គ្រាប់ដែលដាក់នៅលើកំណាត់ធ្វើពីមាសសុទ្ធ។ ម៉ូដនេះត្រូវបានបង្ហាញខ្លួនដំបូងក្នុងឆ្នាំ ២០០១ ជាមួយអ្នករចនាម៉ូដនាង Hilde Palladino។ ម្ចាស់យីហោនេះ បានធ្វើការប្រកួតប្រជែងជាមួយម៉ាកប្រណីតៗដទៃទៀត រហូតក្លាយជាម៉ូឌែលកំពូលៗមួយក្នុងចំណោមកាបូបយួរដៃថ្លៃលើលោក។

៥. Lana Marks

Lana Marks ត្រូវបានរចនាពីស្បែកក្រពើខ្មៅ និងស្បែកបង្គួយ។ នាយកប្រតិបត្តិក្រុមហ៊ុន Lana Marks បានរចនាម៉ូដនេះប្រហែលជា ១៥០ ប្រភេទក្នុងចំនួន ១០០ ពណ៌ផ្សេងគ្នា។ ម៉ាកនេះផលិតជាពិសេសផងដែរសម្រាប់តារាល្បីៗ ដែលចូលចិត្តដេញម៉ូដថ្មីៗទាន់សម័យមុនគេ។

តារាល្បីៗជាច្រើនរូបដូចជា Angelina Jolie, Jennifer Anniston, និង Paris Hilton, ក៏ជាអតិថិជនរបស់ Lana Marks ដែលប្រើកាបូបមានតម្លៃថ្លៃៗមួយចំនួននៃម៉ាកនេះ។

៦​. Louis Vuitton-LV

LV ជាម៉ាកកាបូបមួយដែលមានតម្លៃថ្លៃជាងគេបំផុតនៅលើពិភពលោក។ យីហោ LV ជានិមិត្តរូបនៃក្រុមអភិជន និងភាពឆើតឆាយអស់រយៈពេលរាប់សតវត្សរ៍មកហើយ។

យីហោកាបូបយួរដៃលំដាប់ខ្ពស់នេះ តែងតែត្រូវបានគេមើលឃើញឈាមមុខគេជានិច្ចទាំងគុណភាព និងតម្លៃ។ កាបូបទឹកភ្លៀងដែលមានឈ្មោះថា Raindrop Besace របស់យីហោនេះមានតំលៃជិត ២០០០ ដុល្លារ។  ចំណែកកាបូបស្ពាយដែលមានខ្សែទូរស័ព្ទជាច្រើនមានតម្លៃរហូតដល់ ២៦ ០០០ ដុល្លារឯណោះ។

៧. Marc Jacobs

យីហោ Marc Jacobs ត្រូវបានបង្កើតឡើងដោយភាពល្បីល្បាញ និងផ្តាច់មុខនូវកាបូបយួរដៃស្បែកក្រពើ Carolyn តម្លៃ ៥ ម៉ឺនដុល្លារ។ កាបូប Carolyn ត្រូវផលិតឡើងជាមួយនឹងស្បែកក្រពើពណ៌ស្វាយ ដ៏ពេញនិយមបំផុត ដែលធ្វើឲ្យអតិថិជនមិនហ៊ានខកខានក្នុងបញ្ជាទិញឡើយ។

ក្រោយចាកចេញពីក្រុមហ៊ុន Louis Vuitton លោក Marc Jacobs ចាប់ផ្តើមគ្រឿងបន្លាស់ម៉ូដដោយខ្លួនឯង ហើយបានក្លាយទៅជាអ្នករចនាម៉ូដទាន់សម័យបំផុតមួយនៅលើពិភពលោក។ អាជីវកម្មរបស់បុរសរូបនេះមានហាងចំនួន ២០០ ហាងលក់រាយ និងមាននៅ ៨០ ប្រទេសទូទាំងពិភពលោក។

៨. Mouawad

កាបូបស្រ្តី Mouawad  ធ្វើពីមាស ១៨ ការ៉ាត់ស្រោប និងព័ទ្ធជុំវិញដោយពេជ្រជាង ៤ ៥០០គ្រាប់ ស្ថិតនៅលំដាប់ទី ២ នៃកាបូបថ្លៃបំផុតលើលោក។ កាបូបយួរដៃដែលថ្លៃបំផុតនៃយីហោនេះ ចំណាយប្រាក់អស់ ៣.៨ លានដុល្លារក្នុងការផលិត។ ម៉ូឌែល 1001 Nights Diamond Purse របស់ Mouawad ត្រូវបានរចនាសម្រាប់ពិធីជប់លៀង ដែលមានរូបរាងខាងក្រៅប្រកបដោយផាសុកភាព ហើយវាត្រូវបានក្លាយជាតំណាងនូវភាពពេញនិយមបំផុតនៃយីហោនេះ។

៩. Prada

Prada មិនមែនជាឈ្មោះថ្មីទេ នៅពេលយើងនិយាយអំពីស្លាកយីហោថ្លៃៗ និងប្រណីតៗ។ យីហោអ៊ីតាលីនេះត្រូវបានបង្កើតឡើងក្នុងឆ្នាំ ១៩១៣។ កាបូបដៃរបស់ម៉ាកនេះត្រូវបានគេចាត់ទុកថាជាម៉ូតដ៏ទំនើបបំផុត វាក៏បានផលិតនូវផលិតផលជាច្រើនប្រភេទរួមមានសម្លៀកបំពាក់ គ្រឿងអលង្ការ ទឹកអប់ ស្បែកជើង និងនាឡិកាផងដែរ។

១០.​ Judith Leiber

Judith Leiber ជាយីហោថ្លៃមួយផ្សេងទៀតនៅក្នុងពិភពកាបូបយួរដៃ។ អ្នករចនាម៉ាកនេះមកពីប្រទេសហុងគ្រី ដោយបានចាប់ផ្តើមក្រុមហ៊ុននៅឆ្នាំ ១៩៦៣ ។ ម៉ាកនេះមានភាពល្បីល្បាញក្នុងការបង្កើតកាបូបដែលតុបតែងដោយគ្រាប់គ្រីស្តាល់និងត្បូង។

កាបូប Precious Rose គឺជាការច្នៃប្រឌិតដ៏ប្រណីតបំផុត ដែលត្រូវបានផលិតឡើងជាមួយនឹងគ្រឿងអលង្ការចំនួន ៤២ ការ៉ាត់ រួមបញ្ចូលទាំងពេជ្រ ត្បូងមរកត និងត្បូងកណ្តៀង។ ម៉ូឌែលនេះដ៏ប្រណីតមួយឈុតនេះមានតម្លៃជាង ៩ ម៉ឺនដុល្លារ ឯណោះ៕

ប្រែសម្រួល៖ សន្យា

ចុចអាន៖ នាឡិកាដៃម៉ាក Rolex ប្រណីតៗទាំង ១១ សម្រាប់ស្ត្រីសម័យថ្មី

ចុចអាន៖ មកស្គាល់យីហោស្បែកជើងល្បីៗទាំង ១០ នៅលើពិភពលោក

The post ប្រមូលម៉ាក​កាបូបយួរដៃប្រណីតៗលើលោកទាំង១០ មានខ្លះថ្លៃរាប់លានដុល្លារ appeared first on Kampuchea Thmey Daily.

១. Rolex Submariner

ស៊េរី Rolex Submariner មានភាពទន់ធន់នឹងទឹកខ្លាំង។  នាឡិកាដៃមុជទឹក១គ្រឿងនេះ សក្កិសមបំផុតសម្រាប់ស្ត្រីដែលចូលចិត្តចំណាយពេលនៅក្រោមទឹកច្រើន។

២. Rolex Oyster Perpetual

ភាពប្រណីតនៃ Rolex Oyster Perpetual គឺរឹងមាំល្អ សាមញ្ញ និងជានាឡិកាដែលមិនជ្រាបទឹកដំបូងគេលើពិភពលោក។ វាត្រូវបានរចនាយ៉ាងផ្ចិតផ្ចង់បំផុតសម្រាប់ស្ត្រីស៊ីវិល័យតាមបែបថ្លៃថ្នូរ។

៣.  Rolex Sky-Dweller

Sky-Dweller ត្រូវបានមនុស្សជាច្រើនចាត់ទុកថាជា “អ្នកឃ្លាំមើលសម្រាប់អ្នកធ្វើដំណើរទូទាំងពិភពលោក” ។ ម៉ូឌែលនេះត្រូវបានកំណត់ម៉ោងដោយការបង្ហាញលើឌីសនៅចំកណ្តាលមុខនាឡិកា។ Sky-Dweller ចូលទៅកាន់តំបន់ផ្សេងៗក្នុងពិភពលោក ហើយប្ដូរម៉ោងតាមតំបន់ទាំងនោះដោយខ្លួនវា។

៤. Rolex Daytona

Daytona បានបង្ហាញខ្លួនតាំងពីឆ្នាំ ១៩៦៣ ហើយត្រូវបានរចនាឡើង ដើម្បីបំពេញតាមតម្រូវការរបស់អ្នកប្រណាំងអាជីព។

Rolex Daytona យកចិត្តទុកដាក់ចំពោះភាពផ្ចិតផ្ចង់លើការរចនាបំផុត ដើម្បីឲ្យគ្រប់ផ្នែកមានតុល្យភាព។ គ្រប់គ្រឿងផ្សំរបស់ម៉ូឌែលនេះមានលក្ខណៈប្លែកខុសពីគេ ដែលម៉ាកដទៃពុំមាននោះឡើយ។

៥. Rolex Datejust

Datejust ត្រូវបានរចនាឡើងយ៉ាងពិសេសដើម្បីឱ្យសមនឹងកដៃស្ត្រីដែលមានរាងតូចស្អាត និងទន់ភ្លន់។ វាជាការលាយបញ្ចូលគ្នាដ៏ល្អឥតខ្ចោះនៃអាលុមីញូមនិងត្បូងពេជ្រដ៏ឆើតឆាយ។ ស៊េរីនៃ Rolex Datejust ចាប់ផ្ដើមតាំងពីឆ្នាំ ១៩៤៥ មកម្លេះ និងបានវិវត្តន៍ខ្លួនជាបន្តបន្ទាប់រហូតដល់សព្វថ្ងៃ។

៦. Rolex Pearlmaster 29

Pearlmaster 29 ពណ៌នាពីភាពឆើតឆាយ ដែលមានត្បូងមរកត ត្បូងកណ្តៀង និងលោហធាតុដ៏មានតម្លៃនៅលើគែមនៃមុខរបស់វា។

៧.  Rolex Pepsi

Rolex Pepsi ត្រូវបានបង្កើតថ្មីដោយមាន២ពណ៌ ដែលតំណាងឱ្យពេលថ្ងៃ និងពេលយប់។ នាឡិកានេះមានប្រជាប្រិយភាពខ្លាំង ដោយសារតែកញ្ចក់ពណ៌របស់វា ជាវត្ថុដ៏ជាកម្រមានណាស់។ លក្ខណៈពិសេសល្អបំផុតរបស់ Rolex Pepsi គឺថាវាមានថ្មបម្រុងថាមពលកើនឡើងមិនដូចនាឡិកាផ្សេងទៀតទេ។

៨. Rolex Daytona Rainbow

Daytona Rainbow ច្នៃដោយត្បូងកណ្តៀងរួមជាមួយចំណែកផ្សេងទៀតដែលមានពណ៌នៃឥន្ទធនូដ៏កម្រ។ វាត្រូវបង្កើតដោយជំនាញខ្ពស់បំផុតនៃសិល្បៈហត្ថកម្មដ៏អស្ចារ្យ។ ដោយសារវត្ថុធាតុដើមដ៏កម្រទាំងនេះ ធ្វើឲ្យនាឡិកា Daytona Rainbow មានតម្លៃបំផុត។

៩. Rolex Batman

នាឡិកានេះវិញត្រូវបានរចនាយ៉ាងល្អ ហើយផ្ដល់ផាសុកភាពលើ ក ដៃ។ ខ្សែរបស់វាត្រូវបានផ្លាស់ប្តូរបន្តិចបន្តួចជាមួយនឹងផ្នែកបន្ថែម Easylink ប្រវែង ៥ មីលីម៉ែត្រ។ ខ្សែពិសេសនេះផ្តល់ឱ្យស៊េរី Batman កាន់តែឆើតឆាយ។

១០. ​Rolex Gold

គ្រឿងផ្សំនៃ Rolex Gold ប្រើលោហៈកម្រ ត្បូងកណ្តៀង និងប្រភេទមាសផ្សេងៗគ្នា ដែលមានពណ៌លឿងសនិងផ្កាកុលាប ។ ស៊េរីនៃម៉ូឌែលនេះ មានភាពធន់ល្អ ស្រស់ស្អាត និងល្បីល្បាញជាច្រើនជំនាន់មកហើយ។

១១. Rolex GMT Master II

Rolex GMT II ជាប្រភេទនាឡិកា រួមបញ្ចូលគ្នានូវសោភ័ណភាពដ៏ស្រស់ស្អាតដែលទទួលបានការចាប់អារម្មណ៍ទូទាំងពិភពលោក ជាពិសេសក្នុងចំណោមអ្នកដំណើរ។

The GMT Master II ត្រូវបានរចនាឡើង ដើម្បីបង្ហាញពេលវេលានៅក្នុងតំបន់ខុសគ្នា ពេលវេលាខុសគ្នាក្នុងអំឡុងពេលហោះហើរអន្តរទ្វីប។ នាឡិកានេះត្រូវបានផលិតចេញពីសម្ភារៈសេរ៉ាមិចរឹងបំផុត ដែលធ្វើឱ្យវាប្រើបានយូរ ៕

ប្រែសម្រួល៖ សន្យា

ចុចអាន៖ មក​ដឹង​ពី​អាយុកាល​ម៉ាក​នាឡិកា​ដែល​ចាស់​ជាង​គេ​​នៅ​លើ​ពិភពលោក​នេះ

ចុចអាន៖ មកស្គាល់យីហោគ្រឿងអលង្ការប្រណីតៗ​បំផុតលើលោក!

The post នាឡិកាដៃម៉ាក Rolex ប្រណីតៗទាំង ១១ សម្រាប់ស្ត្រីសម័យថ្មី appeared first on Kampuchea Thmey Daily.

នៅឆ្នាំ ១៩៨១ DHL បានចារប្រវត្តិនៃ​ការជញ្ជូនតាម​ផ្លូវអាកាស ជាង​១០ លានកញ្ចប់ រវាងទីក្រុងចំនួន ២៦៨ និងរកចំណូលបានប្រមាណជា ១០០ លានដុល្លារអាមេរិក​។

នៅឆ្នាំ ១៩៨៣ DHL បានប៉ាន់ប្រមាណថា ខ្លួនបានដឹកសម្ភារៈធនាគារចំនួន ៨០ ភាគរយ​ដែលធ្វើដំណើរដោយអ្នកនាំសំបុត្រពីអឺរ៉ុបទៅសហរដ្ឋអាមេរិក។ ហើយ​សេវាកម្មនេះ​បានញាំងឱ្យប្រាក់ចំណូលរបសគេ​កើនឡើងដល់ប្រមាណជា ៦០០ លានដុល្លារក្នុងឆ្នាំដដែល​។ នៅឆ្នាំ​១៩៩៨ ក្រុមហ៊ុនអាល្លឺម៉ង់មួយ​ឈ្មោះ Deutsche Post បានទិញភាគហ៊ុនធំរបស់​ DHL ហើយ​ឈានដល់ទិញ​យកទំាងស្រុង​នៅខែធ្នូឆ្នាំ ២០០២។

ចង់បង្កើតម៉ាកសញ្ញាខ្លួនឯង កុំរំលងវីដេអូនេះ៖

DHL ​ជា​ក្រុមហ៊ុនដឹកជញ្ចូនអាល្លឺម៉ង់ ក៏​ជាក្រុមហ៊ុនឈានមុខគេបង្អស់មួយ​ លើសេវាកម្ម​ដឹកជញ្ចូនជាអន្តរជាតិនៅទូទំាងពិភពលោកដោយមាន​មូលដ្ឋាននៅ​ជាង ២២០ ប្រទេស​និងបញ្ជូន​ប្រមាណជាង​ ១ពាន់លានកញ្ចប់បញ្ញើ​​ជារៀងរាល់ឆ្នាំ មិនថា​តាមសមុទ្រនិងផ្លវ​អាកាស។ សព្វថ្ងៃនេះ DHL អ៊ិចប្រេស បានពង្រីក​ម៉ាកយីហោខ្លួនក្នុងកិច្ចសហប្រតិបត្តិការកាន់តែធំឡើង​ដោយ​ប្រើឈ្មោះ​អង្គភាពអាជីវកម្មចំណុះនានា មាន​ដូចជា DHL Global Forwarding និង DHL Chain Supply Chain ។ល។

លទ្ធផលហិរញ្ញវត្ថុរបស់​ DHL អ៊ិចប្រេសត្រូវបានគេដឹងថា ហោចណាស់ក៏ទទួលបាន​ ប្រាក់ចំណូលជិតម្ភៃពាន់លានអ៊ឺរ៉ូជារៀងរាល់ឆ្នាំ៕

អត្ថបទ៖ ចម្រើន តារា

ចុចអាន៖ ទម្រាំមកដល់ចំណុចកំពូល តើ Starbucks ឆ្លងកាត់ឧបសគ្គអ្វីខ្លះ?

The post បច្ចេកវិទ្យា និង​ការផ្លាស់ប្តូរ​សេដ្ឋកិច្ច កំពុង​គម្រាមយកទីផ្សារ​របស់ DHL appeared first on Kampuchea Thmey Daily.

មិនថា ពេលមាន​បម្លាស់​ប្តូរសេដ្ឋកិច្ច នយោបាយ អាកាសធាតុ វិបត្តិឌីជីថល ​ក្រុមហ៊ុននេះ​បាន​ប្រើប្រាស់នូវ ​ប្រព័ន្ធព័ត៌មានរួម ធនធានទិន្នន័យ ការជជែកស្រាវជ្រាវលើស្ថិតិជំរឿន ​មកជា​អាថ៌កំបាំង នៃការចងក្រងយុទ្ធសាស្ត្រ​ល្អបំផុត ដើម្បី​អភិវឌ្ឍសេវាកម្មថ្មី ផលិតផលថ្មី​ប្រព័ន្ធចែកចាយ​ថ្មីៗ មិនឈប់ឈរ ដែលធ្វើឱ្យ​ឈានជើង​ចូល​ 7-Elevent​ កាលណា​គ្រប់គ្នា​ត្រូវ​តែជក់ចិត្ត​នឹងការទិញ។

តោះទស្សនា បន្តអំពី  7-Eleven និងអាថ៌កំបាំង​នៃ​អជ្ញាប័ណ្ណដ៏ជោគជ័យនេះ។

ដោយ ចម្រើន​​ តារា

ចុចអាន៖ ទម្រាំ​មកដល់ចំណុចកំពូល តើ Starbucks ឆ្លងកាត់ឧបសគ្គអ្វីខ្លះ? (មានវីដេអូ)

ចុចអាន៖ អាថ៌កំបាំងដែលនាំឱ្យ LV ក្លាយជាស្តេច នៃបណ្តាម៉ាកយីហោដ៏ប្រណីតលើលោក

The post យុទ្ធសាស្ត្រហាង​ 7-Eleven ដែលឈាន​ចូលទៅ មិនអាចឃាត់ចិត្ត​មិនទិញបាន appeared first on Kampuchea Thmey Daily.

ក្នុងមហាវិបត្តិសេដ្ឋកិច្ច​ឆ្នាំ ២០០៨ និង ២០០៩​ អតិថិជនជា អ្នកមាន​និងវណ្ណៈកណ្តាល​រាប់លាននាក់​របស់​ កាហ្វេ Starbucks បានបាត់បង់ចំណូលប្រចាំ​ថ្ងៃ ​បង្ខំឱ្យកាហ្វេយក្សនេះ រួញតូចមកវិញ​សឹងមិនគួរឱ្យជឿ​។

ទស្សនាវីដេអូនេះ អ្នកនឹងទទួលបានចំណេះ​ដឹងច្រើនអំពីការបើកសេវាកម្មកាហ្វេ​។

ចុចអាន៖ Rolls Royce មិនដែល​ត្រូវការ​ធ្វើ​ទីផ្សារលើ​ប្រព័ន្ធផ្សព្វផ្សាយសង្គមទេ! ហេតុអ្វី?

ចុចអាន៖ អាថ៌កំបាំងដែលនាំឱ្យ LV ក្លាយជាស្តេច នៃបណ្តាម៉ាកយីហោដ៏ប្រណីតលើលោក

The post ទម្រាំ​មកដល់ចំណុចកំពូល តើ Starbucks ឆ្លងកាត់ឧបសគ្គអ្វីខ្លះ? (មានវីដេអូ) appeared first on Kampuchea Thmey Daily.