Rolls Royce មិនដែល​ត្រូវការ​ធ្វើ​ទីផ្សារលើ​ប្រព័ន្ធផ្សព្វផ្សាយសង្គមទេ! ហេតុអ្វី?

នៅក្នុងទ្រឹស្តី​ម៉ាក​យីហោ យើងពិបាកនិយាយបន្តិចថា ហេតុអីម៉ាកខ្លះ គឺជាផលិតផលកំពូលនៅលើទីផ្សារ​ ? ដូចជា Rolls Royce តើរថយន្តនេះ​អស្ចារ្យនៅត្រង់ណា?

អ្នកអាន ជឿ​លើ​ទិដ្ឋភាពអរូបី​ដែល​បន្ថែម​តម្លៃដល់យីហោម៉ាកយីហោ​ដែរ​ទេ?

ប្រសិន​បើអ្វីមួយ​ល្បីល្បាញ​ដោយសារ​មិនមាន​លក្ខណៈអំណះអំណាង​ជាក់ស្តែង​អញ្ចឹង​អាចថា ការចូលចិត្ត​នោះ​គឺ​ផ្អែកលើគំនិតរបស់អ្នកទិញ។ មាន​ការ​វិភាគ​ថា ម៉ាក Range Rover ជាសំណព្វ​ចិត្ត​​តារាហូលីវូដ ឯ Rolls-Royce ជាចំណូលចិត្តក្រុមសេដ្ឋី​អ្នកល្បីៗ​អាចថា​ តំាងពី​បុរាណមក Rolls-Royce បានក្លាយជាផ្នែក​មួយ​ដ៏​ធំមួយ​ឬ​ជាស្លាកសញ្ញានៃជីវិតជាអភិជន ដូចជាសម្លៀកបំពាក់ម៉ាក Gucci និង Armani ដែរ ដែលពួកសេដ្ឋីទិញ​ត​គ្នា ដើម្បីសម្គាល់ក្រុមឬសហគមន៍របស់ពួកគេ។

យុទ្ធសាស្ត្រ​ធំរបស់ Rolls Royce គឺផ្តោតលើស្ថិរភាពម៉ាកយីហោខ្លួនដែលមានអាយុកាលជាង​មួយសតវត្សរ៍​មកហើយ​ ក៏​ជាគ្រឿងតំណាងនៃទំនើបកម្មរបៀបរស់នៅលំដាប់ខ្ពស់របស់អភិជន​ពិភពលោក។ គេដឹងថា អតិថិជនរបស់គឺជាក្រុមមនុស្ស​ភាគតិច ដូច្នេះ Rolls-Royce មិនប្រកាន់យកវិធីសាស្រ្ត​ធ្វើ​ទីផ្សារដូច​ដែលក្រុមហ៊ុនផលិតរថយន្តដទៃកំពុង​ប្រើ នោះឡើយ ឧទាហរណ៍ Rolls Royceមិនដែល​ត្រូវការ​ធ្វើ​ទីផ្សារលើ​ប្រព័ន្ធផ្សព្វផ្សាយសង្គមដូចជាហ្វេសប៊ុក ឬបណ្តាញ​ដទៃដូចគ្នា​ ។

ទស្សនាវីដេអូនេះ នឹង​ដឹងច្បាស់ ពីវិធី​រកស៊ីរបស់ Rolls-Royce

អត្ថបទ៖ ​ចម្រើន តារា