លន បញ្ញា Archives - Kampuchea Thmey Daily

លន បញ្ញា នឹងហោះទៅ បារាំង ជួបម្ចាស់ខ្សែក្រវាត់ WBC កីឡាករ DANY NJIBA

Kosal Sem — Sat, 16 May 2026 01:46:55 +0000

កីឡាកររហស្សនាមនាគចម្បាំងលន បញ្ញា នឹងត្រូវឆ្លងដែនចេញទៅប្រកួតនៅប្រទេស បារាំង នាខែក្រោយ ថ្ងៃ សៅរិ៍ ទី ២០ ខែ មិថុនា ឆ្នាំ ២០២៦ ដោយត្រូវជួបជាមួយកីឡាករម្ចាស់ផ្ទះ DANY NJIBA។

ការប្រកួតនោះនឹងធ្វើឡើងនៅសង្វៀន GALA INTERNATIONAL DE BOXE KHMER ដែលមានកីឡាករ កីឡាការិនី ខ្មែរ ៦ នាក់ទៀតចូលរួមផងដែរ រួមមាន ធីម សៀងហៃ, ពេជ្រ សម្បត្តិ, ឈុត សេរីវ៉ាន់ថង, ខាំ ខ្លានាង, រឿង សោភ័ណ្ឌ និងកីឡាការិនី នឿន ស្រីណា។

គិតត្រឹមពេលនេះ មានគូប្រកួតចំនួន ៦ គូហើយ ដែលត្រូវបានប្រកាសរួចរាល់ នៅឡើយ ប៉ុន្តែដៃគូរបស់ ពេជ្រ សម្បត្តិ មិនទាន់បានប្រកាស។ យ៉ាងណា គូដែលគួឲ្យចាប់អារម្មណ៍ជាងគេ គឺជាជំនួបរវាងកីឡាករ លន បញ្ញា ទល់នឹងកីឡាករម្ចាស់ផ្ទះ បាំរាំង DANY NJIBA។

DANY ត្រូវបានគេទទួលស្គាល់ជាកីឡាករ ដែលមានបទពិសោធដ៏ក្រាស់ក្រែលម្នាក់ ជាមួយការប្រកួតប្រដាល់សេរីរយៈពេល ១២ ឆ្នាំ។ កីឡាករវ័យ ៣៧ ឆ្នាំរូបនេះ មានស្ថិតិប្រកួតចំនួន ៤១ ដង ក្នុងនោះឈ្នះ ៣២ ដង ស្មើ ២ ដង និងចាញ់ ៧ ដង។ ការប្រកួតចុងក្រោយកាលពីថ្ងៃទី ៤ ខែ មេសា ឆ្នាំ ២០២៦ គឺកីឡាករបានឈ្នះកីឡាករ ព័រទុយហ្គាល់ Lerrani Furtado ដោយពិន្ទុ។

កីឡាករជំនាញលេងជង្គង់ និងកណ្តាប់ដៃរូបនេះ ធ្លាប់ឈ្នះខ្សែក្រវាត់ចំនួន ៥ ខ្សែ រួមមានខ្សែក្រវាត់ IFMA, ជើងឯកថ្នាក់ជាតិ បារាំង, WBC National 2026 Pro, ជើងឯក អឺរ៉ុប EMC ឆ្នាំ ២០១៧ និងជើងឯក អឺរ៉ុប EMC ឆ្នាំ ២០២៨។

ជំនួបរវាង បញ្ញា និង Dany ត្រូវបានគេរំពឹង ថា នឹងក្លាយជំនួបដែលសក្តិសមបំផុត ដោយសារពួកគេមានកម្ពស់ និងមាឌប្រហាក់ប្រហែលគ្នា ហើយចំណុចមួយទៀត គឺចូលចិត្តប្រកួតតាមចង្វាក់មួយៗដូចគ្នាថែមទៀត៕

អត្ថបទ៖ សេម កុសល

The post លន បញ្ញា នឹងហោះទៅ បារាំង ជួបម្ចាស់ខ្សែក្រវាត់ WBC កីឡាករ DANY NJIBA appeared first on Kampuchea Thmey Daily.

លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ

Kosal Sem — Fri, 13 Feb 2026 00:33:00 +0000

កីឡាករកម្រិត A របស់ កម្ពុជា រហស្សនាមនាគចម្បាំង លន បញ្ញា នឹងត្រូវចេញទៅប្រកួតនៅប្រទេសបារាំង ក្នុងកម្មវិធី Rahu Fight IV នាចុងខែ កុម្ភៈ ឆ្នាំ ២០២៦ ដោយត្រូវជួបកីឡាករម្ចាស់ផ្ទះបារាំង Mohamed Cheikh ដែលជាលំដាប់ A ក្នុងទម្ងន់ ៦៧ គីឡូក្រាម។

ខិត្តបណ្ណប្រកួត

លន បញ្ញា នឹងត្រូវធ្វើការងារធ្ងន់ សម្រាប់ភារកិច្ចទៅប្រកួតនៅកម្មវិធីនេះ ដោយសារដៃគូរបស់គេកីឡាករ Mohamed Cheikh ជាកីឡាករមួយរូបចូលចិត្តលេងក្បាច់ និងធន់មិនចាញ់កូនសិស្សលោកគ្រូ ធន់ សុភា រូបនេះប៉ុន្មានឡើយ។

កីឡាករ Mohamed Cheikh ជាកីឡាករមួយរូប ដែលហាត់ប្រដាល់សេរីតាំងពីយូរមកហើយ ហើយកីឡាករអាចវាយបានចន្លោះពីទម្ងន់ ៦៧ ទៅ ៧០ គីឡូក្រាម។ សមិទ្ធផលដ៏ធំបំផុតរបស់គេ គឺបានឈ្នះជើងឯក ក្នុងកម្មវិធីប្រកួតប្រដាល់សេរីជើងឯកថ្នាក់ជាតិ បារាំង កាលពីឆ្នាំ ២០២៥ ដែលបានធ្វើឱ្យគេចាត់ថ្នាក់កីឡាកររូបនេះ ជាកីឡាករលំដាប់ A ក្នុងគីឡូ ៦៧ ប្រចាំប្រទេស បារាំង។

ចំណាត់ថ្នាក់របស់ Mohamed Cheikh

កីឡាករ Mohamed Cheikh ចូលចិត្តប្រកួតក្បាច់ មានចង្វាក់មួយៗ និងពូកែលេងជង្គង់។ បើនិយាយអំពីប្រវត្តិប្រកួតវិញ គឺមិនមានទិន្ន័យណាមួយបញ្ជាក់ច្បាស់លាស់នោះទេ ប៉ុន្តែបើតាមកំណត់ត្រា ដែល WKN ធ្លាប់បង្ហោះកាលពីខែ វិច្ឆិកា ឆ្នាំ ២០២៥ គឺរូបគេប្រកួតអាជីព ៥ លើកចុងក្រោយ ឈ្នះ ៤ និងចាញ់ ១។

Mohamed Cheikh

ការប្រកួតរវាង លន បញ្ញា និង Mohamed Cheikh នាចុងខែ កុម្ភៈ នេះ នឹងក្លាយជាកីឡាករប្រកួត ដែលអ្នកគាំទ្រទន្ទឹងរង់ចាំ ព្រោះកីឡាករម្ចាស់ផ្ទះ បារាំង ជាលំដាប់ A ក្នុងគីឡូ ៦៧។ ចំណែក បញ្ញា វិញ ជាកីឡាករកំពូលម្នាក់របស់ កម្ពុជា ក្នុងគីឡូ ៦៧ នេះផងដែរ ខណៈមួយរយៈចុងក្រោយនេះ រូបគេមិនទាន់បរាជ័យនោះទេ ហើយថែមទាំងដណ្តើមបានខ្សែក្រវាត់ជាច្រើនដូចជា WKN គុនខ្មែរពិភពលោក និង ISKA គុនខ្មែរពិភពលោក។

លន បញ្ញា

គួរឱ្យដឹង ថា ក្រៅពីលន បញ្ញា នៅមានកីឡាករគុនខ្មែរឆ្នើមៗ ៤ រូបទៀតចេញទៅប្រកួតនៅកម្មវិធីនោះដែរដូចជា ពេជ្រ សម្បត្តិ បឺត សង្ឃឹម ពេជ្រ អទិទេព និង គ្រូក្មេង ស៊ាងហៃ ។ ក្នុងនោះ បឺត សង្ឃឹម ត្រូវជួបជាមួយកីឡាករ Martin Steven។ ពេជ្រ អទិទេព ត្រូវជួបជាមួយក្រុម Mbye Samb។ គ្រូក្មេង ស៊ាង ហៃ ត្រូវជួបជាមួយកីឡាករ Niad Nassidou និងមួយគូទៀត ពេជ្រ សម្បត្តិ ត្រូវជួបជាមួយកីឡាករម្ចាស់ផ្ទះ Maxime Combes៕

ខិត្តបណ្ណប្រកួត

អត្ថបទ៖ សេម កុសល

The post លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ appeared first on Kampuchea Thmey Daily.

ម្យ៉ាងដែរ លន បញ ឆ្លើយបែបនេះ៖ យើងល្អប៉ុណ្ណឹងល្អក្នុងស្រុកទេ យើងមិនទាន់ប៉ះជើងខ្លាំងពិតប្រាកដនៅក្រៅប្រទេសឡើយ

Sina Noun — Thu, 05 Feb 2026 07:55:35 +0000

កីឡាករ លន បញ្ញា ដែលជើងខ្លាំងលើប្រភេទទម្ងន់ ៦៧គីឡូក្រាមនៅកម្ពុជា មិនទទួលថាខ្លួនល្អដាច់គេ ឬល្អដល់កំពូលប្រចាំស្រុកខ្មែរនោះទេ ពោលសព្វថ្ងៃប៉ះបរទេសល្មមៗដូច្នេះមិនចាត់ទុកថាខ្លួនខ្លាំងបំផុតនោះឡើយនាពេលបច្ចុប្បន្ននេះ។

កីឡាករ លន បញ្ញា

អ្នកប្រដាល់ លន បញ្ញា បានឲ្យដឹងថា លទ្ធផលឈ្នះជាបន្តបន្ទាប់នេះរូបគេចាត់ទុកថាសមត្ថភាពល្អហើយ ប៉ុន្តែល្អបែបនៅក្នុងស្រុកនោះទេ។ បើនិយាយថាឲ្យល្អដាច់គេ ឬកម្រិតសមត្ថភាពដល់កំពូលនោះគឺមិនទាន់ទេ ព្រោះសព្វថ្ងៃនេះខ្លួនប៉ះកីឡាករបរទេសល្មមៗ។

កីឡាករ លន បញ្ញា

កូនសិស្សលោក ធន់ សុភា រូបនេះបន្ថែមទៀតថា សព្វថ្ងៃអាចនិយាយបានថាជោគជ័យហើយក្នុងស្រុក ប៉ុន្តែនៅលើឆាកអន្តរជាតិមិនទាន់ធ្វើបាននៅឡើយទេ។ ការប្រកួតក្រៅស្រុកធំៗ ឬប៉ះកីឡាករបរទេសល្អៗខ្លាំងនោះគឺរូបគេមិនទាន់បានឆ្លងកាត់ឡើយ។ យ៉ាងណា បញ្ញា មើលឃើញសមត្ថភាពរបស់ខ្លួនប៉ុណ្ណឹងមិនជាល្អណាស់ណាទេគឺត្រូវពង្រឹងចំណុចខ្វះខាតបន្ថែម។

កីឡាករ លន បញ្ញា

បញ្ជាក់ដែរថា លន បញ្ញា បច្ចុប្បន្ននេះកំពុងគ្រងខ្សែក្រវាត់ ១១គ្រឿងក្នុងដៃបន្ទាប់ពីរូបគេប្រឡូកគុនខ្មែរអស់ជាច្រើនឆ្នាំមកនេះ។ ៣ប្រកួតចុងក្រោយរូបគេឈ្នះខ្សែក្រវាត់ ៣គ្រឿងចូលក្លឹបលោក ធន់ សុភា។ រូបគេត្រូវបានអ្នកគាំទ្រគុនខ្មែរចាត់ទុកថាជាកីឡាករល្អប្រចាំទម្ងន់ ៦៧គីឡូក្រាមនេះហើយនៅកម្ពុជា៕

លន បញ្ញា និងលោក ធន់ សុភា

អត្ថបទដោយ៖ នួន ស៊ីណា

The post ម្យ៉ាងដែរ លន បញ ឆ្លើយបែបនេះ៖ យើងល្អប៉ុណ្ណឹងល្អក្នុងស្រុកទេ យើងមិនទាន់ប៉ះជើងខ្លាំងពិតប្រាកដនៅក្រៅប្រទេសឡើយ appeared first on Kampuchea Thmey Daily.

លន បញ្ញា ឈានដល់កម្រិតកំពូលបែបនេះបើបានប្រកួតសង្វៀនធំៗជុំវិញពិភពលោកកាន់តែល្អ

Sina Noun — Tue, 03 Feb 2026 08:47:12 +0000

កីឡាករដើមកំណើតមកពីខេត្តព្រៃវែង លន បញ្ញា សមត្ថភាពកំពុងឈានដល់កម្រិតកំពូលដូចនេះបើបានចេញប្រឡូកលើសង្វៀនធំៗជុំវិញពិភពលោកគឺកាន់តែល្អក្នុងការផ្សព្វផ្សាយគុនខ្មែរលើឆាកអន្តរជាតិ ព្រោះមិនសូវអ្នកប្រដាល់ណាដែលមានឆន្ទៈខ្ពស់ ការប្ដេជ្ញាចិត្តច្បាស់លាស់ និងថែរក្សាខ្លួនបានល្អដូចនេះឡើយ។

រូបភាពលើហ្វេសបុក បញ្ញា

កូនសិស្សលោក ធន់ សុភា គឺកីឡាករ លន បញ្ញា កំពុងសាងប្រជាប្រិយភាពជាខ្លាំង និងក្រសោបខ្សែក្រវាត់ជាច្រើនគ្រឿងតាមរយៈការប្រកួតកម្រចាញ់ជាច្រើនឆ្នាំមកនេះនៅកម្ពុជា។ លើប្រភេទទម្ងន់ ៦៧គីឡូក្រាមនេះអ្នកលេងគុនខ្មែរម្នាក់នេះឈរក្នុងលំដាក់លេខ១ ទៅហើយ ព្រោះសមត្ថភាពប្រកួតឡើងខ្លាំងមិនថាប៉ះជាមួយជើងខ្លាំងមកពីប្រទេសណានោះទេគឺរូបគេតែងតែធ្វើបានល្អ និងដណ្ដើមជ័យជម្នះជូនអ្នកគាំទ្រកម្ពុជា។

បញ្ញា និងខ្សែក្រវាត់ ISKA

កីឡាករកម្ពុជាដែលធ្លាប់ជាដៃគូរបស់ លន បញ្ញា ដូចជា ឡៅ ចិត្រា យ៉េន ឌីណា មឿន សុខហ៊ុន ឡុង សំណាង ផល សុភ័ណ្ឌ គឺដូចបានឃើញជាក់ស្ដែងហើយអ្នកមួយចំនួនវ័យកាន់តែជ្រេសមត្ថភាពធ្លាក់ចុះ ស្របពេលអ្នកមួយចំនួនទៀតមានបញ្ហាសុខភាព និងការរស់នៅប្រចាំថ្ងៃក៏ធ្វើឲ្យសមត្ថភាពក៏ធ្លាក់ដូចគ្នា។ ពួកគេទាំងនោះមិនសូវឡើងប្រកួត និងធ្វើមិនសូវបានល្អក្នុងការប្រកួតលើកលែងតែកូនសិស្សលោក ធន់ សុភា ប៉ុណ្ណោះបែរជាសមត្ថភាពកាន់តែឡើងពីមួយកម្រិតទៅមួយកម្រិត។

លន បញ្ញា ក្នុងការប្រកួតកន្លងទៅ

ឱកាសសមត្ថភាព លន បញ្ញា កំពុងឡើងដល់កំពូលដូចនេះប្រសិនបានចេញទៅលេងនៅសង្វៀនធំៗជុំវិញពិភពលោកគឺកាន់តែល្អ ព្រោះជារឿងកម្រមួយដែលកីឡាករគុនលើប្រភេទទម្ងន់ធ្ងន់ម្នាក់បានដុះខាតសមត្ថភាព និងថែរក្សាខ្លួនបានល្អតាមរយៈការមិនបណ្ដោយខ្លួនដើរលេង ឬហូបចុកគ្រឿងស្រវឹងនាំឲ្យប៉ះពាល់ដល់ការហ្វឹកហាត់ក៏ជាការប្រកួតបែបនេះ។

បញ្ញា និងភរិយា

បញ្ជាក់ដែរថា លន បញ្ញា ជាកីឡាករម្នាក់កំពុងលេចធ្លោខ្លាំងនៅកម្ពុជាក្នុងវិស័យកីឡាប្រដាល់គុនខ្មែរនេះ។ រូបគេឥលូវនេះឈរលំដាប់លេខ១ ហើយនៅលើប្រភេទទម្ងន់ ៦៧គីឡូក្រាមដែលកម្រចាញ់ការប្រកួតណាស់។ ៣ប្រកួតចុងក្រោយរបស់គេឈ្នះបានខ្សែក្រវាត់ ៣គ្រឿងគឺខ្សែក្រវាត់ Xtreme ខ្សែក្រវាត់ WKN និងខ្សែក្រវាត់ចុងក្រោយ ISKA ។ សរុបខ្សែក្រវាត់ទាំងអស់ដែល លន បញ្ញា ឈ្នះមានរហូតដល់ ១១គ្រឿងហើយក្នុងអាជីពប្រដាល់នេះ៕

លន បញ្ញា និងលោក ធន់ សុភា

អត្ថបទដោយ៖ នួន ស៊ីណា

The post លន បញ្ញា ឈានដល់កម្រិតកំពូលបែបនេះបើបានប្រកួតសង្វៀនធំៗជុំវិញពិភពលោកកាន់តែល្អ appeared first on Kampuchea Thmey Daily.

លន បញ្ញា យកខ្សែក្រវាត់ WKN ទៅជួបវីរកងទ័ពនៅព្រំដែនបន្ទាប់ពីបានឈ្នះកាលពីថ្ងៃអាទិត្យ

Sina Noun — Tue, 13 Jan 2026 01:51:32 +0000

កីឡាករ លន បញ្ញា ប្រកាសភ្លាមៗតែម្ដងយកខ្សែក្រវាត់អន្តរជាតិ WKN ដែលទើបឈ្នះនេះទៅជួបវីរកងទ័ពនៅឯព្រំដែនដើម្បីបានថតលេងទុកជាអនុស្សាវរីយ៍ផង និងយកសម្ភារប្រើប្រាស់ផ្សេងៗ ស្បៀង ទៅឧបត្ថម្ភជាមួយផងដែរ។

លន បញ្ញា ពេលប្រកួតខ្សែក្រវាត់ WKN

កីឡាករ លន បញ្ញា បានលើកឡើងថា រូបគេកំពុងធ្វើដំណើរព្រំដែនទិសខាងព្រះវិហារហើយដើម្បីយកខ្សែក្រវាត់ WKN ដែលទើបឈ្នះលើកីឡាករ ZAKARIA RUIGATE កាលពីយប់ថ្ងៃទី១១ ខែមករា ឆ្នាំ២០២៦ នេះទៅជួបជាមួយវីរកងទ័ពដែលកំពុងឈរតាមបណ្ដោយព្រំដែនដើម្បីបានថតទុកជាអនុស្សាវរីយ៍ ឬកាន់លេងជាដើម។

ខ្សែក្រវាត់ WKN

ជាមួយគ្នានោះដែរ បញ្ញា នាំយកនូវថវិកាដែលមហាជន និងសប្បុរសជនបរិច្ឆាគប្រហែលជិត ៣លានរៀល និងសម្ភារប្រើប្រាស់ផ្សេងៗដែលប្រមូលបានទៅឧបត្ថម្ភដល់កងទ័ពដែលបានស្នើសុំតាមរយៈខ្លួនកន្លងមក។ កីឡាករគុនខ្មែរដែលមានទឹកចិត្តរូបនេះក៏បានថ្លែងអំណរគុណដល់សប្បុរសជនទាំងអស់ដែលបានបរិច្ឆាគថវិកា ឬរបស់របរផ្សេងៗតាមរយៈខ្លួនដើម្បីជួយដល់កងទ័ព។

បញ្ញា និងខ្សែក្រវាត់ WKN

បញ្ជាក់ដែរថា កាលពីយប់ថ្ងៃទី១១ ខែមករា ឆ្នាំ២០២៦ នេះកីឡាករ លន បញ្ញា ចំណាយពេលត្រឹមមួយទឹកប៉ុណ្ណោះក្នុងការយកឈ្នះកីឡាករ ZAKARIA RUIGATE ទទួលបានខ្សែក្រវាត់ WKN ១គ្រឿង។ ការប្រកួតមួយនេះគឺរូបគេក៏បានសន្យាដកថវិកាតម្លៃខ្លួនប្រកួតចំនួន ២០០ដុល្លារ រួមទាំងប្រកាសបង្កើតមូលនិធិកជួយដល់វីរកងទ័ពនៅព្រំដែនជាលើកទី២ ផងដែរ។ ឥលូវនេះកីឡាករ លន បញ្ញា និងលោក ធន់ សុភា កំពុងធ្វើដំណើរទៅកាន់ព្រំដែនដើម្បីឧបត្ថម្ភវីរកងទ័ពនៅទិសព្រះវិហារ៕

លន បញ្ញា និងកងទ័ព

អត្ថបទដោយ៖ នួន ស៊ីណា

The post លន បញ្ញា យកខ្សែក្រវាត់ WKN ទៅជួបវីរកងទ័ពនៅព្រំដែនបន្ទាប់ពីបានឈ្នះកាលពីថ្ងៃអាទិត្យ appeared first on Kampuchea Thmey Daily.

លន បញ្ញា ត្រូវចារឈ្មោះនៅ BoxRec ក្រោយផ្តួល Zakaria ក្លាយជាម្ចាស់ខ្សែក្រវាត់ WKN

chean virakbot — Mon, 12 Jan 2026 02:51:45 +0000

ជើងខ្លាំងគុនខ្មែរ លន បញ្ញា បានក្លាយជាកីឡាករកម្ពុជាទី១សម្រាប់ការទទួលបានខ្សែក្រវាត់គុនខ្មែរពិភពលោក WKN បន្ទាប់ពីបានផ្តួលកីឡាករម៉ារ៉ុក Zakaria Rouigate ឲ្យបោះបង់ចោលការប្រកួតក្នុងទឹកទី១ នៅថ្ងៃអាទិត្យ ទី១១ ខែមករា ឆ្នាំ ២០២៦។

ការប្រកួតដណ្តើមខ្សែក្រវាត់ដែលអ្នកគាំទ្រគិតថា នឹងជក់ចិត្តដិតអារម្មណ៍ខ្លាំង ប៉ុន្តែចំណាយពេលមិនដល់ ១ ទឹកផងក៏បញ្ចប់ទៅដោយកីឡាករកម្ពុជា លន បញ្ញា យកជើងឆ្វេងធាក់លើមុខរបស់កីឡាករ Zakaria Rouigate ដែលធ្វើឲ្យមានបញ្ហាឈឺចាប់ប្រអប់មាត់ខ្លាំង។ ក្រោយអាជ្ញាកណ្តាលរាប់១១០ កីឡាករម៉ារ៉ុករូបនេះមិនអាចបន្តការប្រកួតបានទេ ដូច្នេះខ្សែក្រវាត់បានធ្លាក់ទៅ លន បញ្ញា។

នេះជាព្រឹត្តិការណ៍ប្រកួតគុនខ្មែរ-WKN ទី១ បន្ទាប់ពីមានកិច្ចសហការរវាង សហព័ន្ធកីឡាប្រដាល់គុនខ្មែរ និងបណ្តាញឃីកបុកស៊ីងពិភពលោក។ WKN បានចាត់ទុកជាព្រឹត្តិការណ៍ប្រវត្តិសាស្ត្រដ៏ជោគជ័យនៃគុនខ្មែរលើឆាកអន្តរជាតិ។ ផេកផ្លូវការបានសរសេរថា ៖«យើងខ្ញុំពិតជារីករាយយ៉ាងខ្លាំង ហើយមានមោទនភាពបំផុតដែលរកឃើញម្ចាស់ជើងឯក WKN គុនខ្មែរទី១ដែលឥឡូវនេះចូលក្នុងប្រវត្តិសាស្ត្រផ្លូវការរបស់ពួកយើង»។

លោក Stephane Cabrera ប្រធានបណ្តាញឃីកបុកស៊ីងពិភលោកធ្លាប់បានលើកឡើងថា លោកពិតជាមានមោទនភាពខ្លាំងណាស់ដែលបានកំពុងធ្វើការយ៉ាងល្អជាមួយសហព័ន្ធកីឡាប្រដាល់គុនខ្មែរដើម្បីអភិវឌ្ឍកីឡាអត្តសញ្ញាណខ្មែររីកចម្រើនលើឆាកអន្តរជាតិ។

អ្វីដែលកាន់តែពិសេសសម្រាប់ការប្រកួតគុនខ្មែរ WKN គឺ រាល់ការប្រកួតនឹងកត់ត្រាជាផ្លូវការ នៅ BoxRec ទាំងអស់ដើម្បីឲ្យពិភពលោកកាន់តែទទួលបានព័ត៌មានទូលំទូលាយពីគុនខ្មែរ។ BoxRec ជាវេបសាយផ្លូវការសម្រាប់ការកត់ត្រាទុកនូវរាល់ការប្រកួតកីឡាប្រយុទ្ធទូទាំងពិភពលោកដែលមានទាំង ការផ្សព្វផ្សាយ អត្រានៃការប្រកួត កាលវិភាគប្រកួត លទ្ធផល ការស្រាវជ្រាវ និងប្រវត្តិនៃកីឡាករ កីឡាការិនីជាដើម។ ជាក់ស្តែងកីឡាករ លន បញ្ញា មានឈ្មោះនៅវេបសាយ BoxRec ទាំងស្ថិតិប្រកួត ប្រវត្តិរូប និងជាម្ចាស់ខ្សែក្រវាត់។

តាមរយៈសមិទ្ធផលថ្មីបំផុតនេះ លន បញ្ញា ទំនងជាត្រូវឡើងសង្វៀនច្រើនតាមរយៈស្ថាប័ន WKN ដែលមានកីឡាករខ្លាំងៗទូទាំងពិភពលោក។ រូបគេអាចនឹងត្រូវប្រកួតការពារខ្សែក្រវាត់ ឬដណ្តើមខ្សែក្រវាត់ថ្មីៗទាំងក្នុង និងក្រៅប្រទេស៕

អត្ថបទ៖ វិរបុត្រ

The post លន បញ្ញា ត្រូវចារឈ្មោះនៅ BoxRec ក្រោយផ្តួល Zakaria ក្លាយជាម្ចាស់ខ្សែក្រវាត់ WKN appeared first on Kampuchea Thmey Daily.

លន បញ្ញា ជាកីឡាករកម្ពុជាទី១ ប្រកួតដណ្តើមខ្សែក្រវាត់គុនខ្មែរ-WKN ពិភពលោក ថ្ងៃអាទិត្យនេះ

chean virakbot — Thu, 08 Jan 2026 03:03:16 +0000

ជើងខ្លាំងគុនខ្មែរ លន បញ្ញា បានក្លាយជាកីឡាករកម្ពុជាទី១ ក្នុងការប្រកួតដណ្តើមខ្សែក្រវាត់គុនខ្មែរពិភពលោក WKN ដោយត្រូវតទល់នឹងកីឡាកររម៉ារ៉ុក Zakaria Rouigate នៅថ្ងៃអាទិត្យ ទី១១ ខែមករា ឆ្នាំ ២០២៦។

តាមរយៈកិច្ចសហការរវាង សហព័ន្ធកីឡាប្រដាល់គុនខ្មែរ និង«បណ្តាញឃីកបុកស៊ីងពិភពលោក (WKN) បានរៀបចំព្រឹត្តិការណ៍ប្រកួតគុនខ្មែរជាលើកដំបូងនៅក្នុងប្រទេសកម្ពុជា។ សម្រាប់ព្រឹត្តិការណ៍ប្រកួតលើកដំបូងនេះ កីឡាករ លន បញ្ញា ត្រូវបានដាក់ឲ្យដណ្តើមខ្សែក្រវាត់គុនខ្មែរពិភពលោក WKN ទម្ងន់ Welterweight។

លន បញ្ញា ជាកីឡាករប្រដាល់គុនខ្មែរដែលកំពុងឈរលំដាប់លេខ១ប្រចាំទម្ងន់ចន្លោះ ៦៥-៦៧ ដែលមិនទាន់ស្គាល់បរាជ័យឡើយនាមួយរយៈពេលចុងក្រោយ ទាំងការប្រកួតក្នុងស្រុក និងក្រៅស្រុក។ កីឡាកររូបនេះត្រូវបានអ្នកគាំទ្រកោតសរសើរពីសមត្ថភាពប្រកួតល្អទាំងព្រម ពោលគឺកណ្តាប់ដៃ ទាត់ ជង្គង់ កែង និងកម្លាំងស៊ុហ្វពេញល្អ កម្របាក់ស្រុត ទោះជាប្រកួត៥ទឹកពេញក៏ដោយ។

ដៃគូរបស់ លន បញ្ញា គឺកីឡាករ Zakaria Rouigate ធ្លាប់មកប្រកួតនៅក្នុងប្រទេសកម្ពុជាម្តងហើយកាលពីពាក់កណ្តាលឆ្នាំ ២០២៥ ដោយបានយកឈ្នះកីឡាករកម្ពុជា ធន់ ក្របី នៅក្នុងទឹកទី២។ រូបគេក៏មានបទពិសោធច្រើនក្នុងការប្រកួតរបស់ស្ថាប័ន WKN ដូច្នេះអាចជាដៃគូដ៏ល្អមួយសម្រាប់កីឡាករ លន បញ្ញា។

លោក Stephane Cabrera ប្រធានបណ្តាញឃីកបុកស៊ីងពិភលោកបានលើកឡើងថា លោកពិតជាមានមោទនភាពខ្លាំងណាស់ដែលបានកំពុងធ្វើការយ៉ាងល្អជាមួយសហព័ន្ធកីឡាប្រដាល់គុនខ្មែរដើម្បីអភិវឌ្ឍកីឡាអត្តសញ្ញាណខ្មែររីកចម្រើនលើឆាកអន្តរជាតិ។

អ្វីដែលកាន់តែពិសេសសម្រាប់ការប្រកួតគុនខ្មែរ WKN គឺ រាល់ការប្រកួតនឹងកត់ត្រាជាផ្លូវការនៅ BoxRec ដែលជាដៃគូផ្តាច់មុខរបស់ស្ថាប័នប្រដាល់ WKN។ តាមរយៈកិច្ចព្រមព្រៀងរវាងស្ថាប័ន WKN និង BoxRec ការប្រកួតគុនខ្មែរ WKN ទាំងអស់នឹងត្រូវកត់ត្រាទុក និងទទួលស្គាល់ជាសកល ដើម្បីបង្ហាញគុនខ្មែរលើឆាកអន្តរជាតិ។

BoxRec ជាវេបសាយផ្លូវការសម្រាប់ការកត់ត្រាទុកនូវរាល់ការប្រកួតកីឡាប្រយុទ្ធទូទាំងពិភពលោកដែលមានទាំង ការផ្សព្វផ្សាយ អត្រានៃការប្រកួត កាលវិភាគប្រកួត លទ្ធផល ការស្រាវជ្រាវ និងប្រវត្តិនៃកីឡាករ កីឡាការិនីជាដើម។

ការចាប់ដៃគូជាមួយ ស្ថាប័ន WKN អាចជាកិច្ចសហប្រតិបត្តិការដ៏ល្អសម្រាប់កីឡាប្រដាល់គុនខ្មែរដើម្បីពង្រីកខ្លួនលើឆាកអន្តរជាតិ ពីព្រោះស្ថាប័នមួយនេះមានកម្មវិធីប្រកួតច្រើនតាមបណ្តាប្រទេសផ្សេងៗ ហើយប្រមូលផ្តុំកីឡាករ កីឡាការិនីទូទាំងពិភពលោក។

សូមបញ្ជាក់ថា លន បញ្ញា ត្រូវប្រកួតដណ្តើមខ្សែក្រវាត់ជាមួយកីឡាករ Zakaria Rouigate នាថ្ងៃទី១១ ខែមករា ឆ្នាំ ២០២៦ នៅក្នុងបរិវេណកីឡដ្ឋានស្រុកកោះធំ ភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាលវេលាម៉ោង ៦:៣០ ល្ងាច៕

អត្ថបទ៖ វិរបុត្រ

The post លន បញ្ញា ជាកីឡាករកម្ពុជាទី១ ប្រកួតដណ្តើមខ្សែក្រវាត់គុនខ្មែរ-WKN ពិភពលោក ថ្ងៃអាទិត្យនេះ appeared first on Kampuchea Thmey Daily.

លន បញ្ញា នឹងដកថវិកា ២០០ដុល្លារពីតម្លៃខ្លួនប្រកួត និងបង្កើតមូលនិធិដើម្បីសងគុណវីរកងទ័ពកម្ពុជា

Sina Noun — Mon, 05 Jan 2026 08:32:02 +0000

កីឡាករគុនខ្មែរ លន បញ្ញា ប្រកាសដកថវិកាចំនួន ២០០ដុល្លារពីការប្រកួតដណ្ដើមខ្សែក្រវាត់ WKN នៅថ្ងៃទី១១ ខែមករា ឆ្នាំ២០២៦ និងបង្កើតមូលនិធិមួយប្រមូលថវិកាយកទៅទិញសម្ភារប្រើប្រាស់ផ្សេងៗជាការតបស្នងសងគុណដល់វីរកងទ័ពកម្ពុជា។

កម្មវិធីប្រកួតរបស់ បញ្ញា

អ្នកប្រដាល់មកពីខេត្តព្រៃវែង លន បញ្ញា បានលើកឡើងថា ដោយមានការស្នើសុំពីវីរកងទ័ពនៅជួរមុខជាច្រើនសុំជំនួយជាសម្ភារប្រើប្រាស់ដូចជា Power Bank វិទ្យុទាក់ទង អង្រឹង បារី ទឹក និងសម្ភារសំខាន់ៗមួយចំនួន ដូច្នេះខ្លួននឹងដកថវិកាចំនួន ២០០ដុល្លារពីការប្រកួតដណ្ដើមខ្សែក្រវាត់ WKN នៅថ្ងៃទី១១ ខែមករា ឆ្នាំ២០២៦ ដើម្បីទិញសម្ភារជាការតបស្នងសងគុណ។

កីឡាករ លន បញ្ញា

ម្ចាស់មេដាយមាស ស៊ីហ្គេម ឆ្នាំ២០២៣ រូបនេះបន្តទៀតថា ក្រៅតែពីថវិកាផ្ទាល់ខ្លួនហើយនោះនឹងបង្កើតជាមូលនិធិមួយដើម្បីរៃអង្គាស់ថវិកាពីសប្បុរសជនគ្រប់ទិសដែលមានបំណងចង់ចូលរួមក្នុងសកម្មភាពឧបត្ថម្ភជាមួយខ្លួនលើកនេះ។ បញ្ញា បន្តថានេះជាការតបស្នងសងគុណដល់វីរកងទ័ពដែលបានលៈបង់សាច់ស្រស់ ឈាមស្រស់ ក្នុងការការពារបូរណភាពទឹកដីអំឡុងការឈ្លានពានពីសត្រូវសៀមកន្លងទៅនេះ។

លន បញ្ញា ពេលទៅឧបត្ថម្ភវីរកទ័ពនៅលើកទី១

បញ្ជាក់ដែរថា កីឡាករ លន បញ្ញា និងលោក ធន់ សុភា រួមទាំងសិស្សគុនក្នុងក្លឹបរបស់ខ្លួនបានដឹកនាំសម្ភារប្រើប្រាស់ និងគ្រឿងឧបភោគបរិភោគមួយដងរួចហើយទៅជួយដល់វីរកងទ័ពនាពេលកន្លងទៅថ្មីៗនេះ។ រូបគេមានគម្រោងនឹងទៅជួយឧបត្ថម្ភដល់វីរកទ័ពជាលើកទីពីរបន្ទាប់ពីប្រកួតដណ្ដើមខ្សែក្រវាត់ WKN ថ្ងៃទី១១ ខែមករា ឆ្នាំ២០២៦ នៅឯស្រុកកោះធំ ខេត្តកណ្ដាល រួចហើយ។ ប្រសិនបើសាធារណៈជនចង់ចូលរួមបរិច្ចាគថវិកា ឬសម្ភារផ្សេងអាចទំនាក់ទំនងទៅកាន់ហ្វេសបុកផក លន បញ្ញា-Lorn Panha Kun Khmer នេះបាន៕

លន បញ្ញា ពេលទៅឧបត្ថម្ភវីរកទ័ពនៅលើកទី១

អត្ថបទដោយ៖ នូន ស៊ីណា

The post លន បញ្ញា នឹងដកថវិកា ២០០ដុល្លារពីតម្លៃខ្លួនប្រកួត និងបង្កើតមូលនិធិដើម្បីសងគុណវីរកងទ័ពកម្ពុជា appeared first on Kampuchea Thmey Daily.

លន បញ្ញា Archives - Kampuchea Thmey Daily

លន បញ្ញា នឹងហោះទៅ បារាំង ជួបម្ចាស់ខ្សែក្រវាត់ WBC កីឡាករ DANY NJIBA

លន បញ្ញា ត្រូវជួបលំដាប់ A ជា​ជើងឯកបារាំង នៅទឹកដី បារាំង ចុងខែនេះ

លន បញ្ញា ឈានដល់កម្រិតកំពូលបែប​នេះបើបានប្រកួតសង្វៀនធំៗជុំ​វិញ​ពិភពលោកកាន់តែល្អ

លន បញ្ញា​ ​យក​ខ្សែក្រវាត់​ WKN​ ទៅ​ជួប​វីរកងទ័ព​នៅ​​ព្រំដែន​បន្ទាប់​ពី​បាន​ឈ្នះ​កាល​ពី​ថ្ងៃ​អាទិត្យ​

លន បញ្ញា ត្រូវ​ចារ​ឈ្មោះ​​នៅ BoxRec ក្រោយផ្តួល Zakaria ក្លាយ​ជា​ម្ចាស់​ខ្សែ​ក្រវាត់ WKN

លន បញ្ញា ជា​កីឡាករ​កម្ពុជា​ទី១ ប្រកួត​ដណ្តើម​ខ្សែ​ក្រវាត់គុន​ខ្មែរ​-WKN ពិភពលោក ថ្ងៃអាទិត្យ​នេះ​

លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ

លន បញ្ញា ឈានដល់កម្រិតកំពូលបែបនេះបើបានប្រកួតសង្វៀនធំៗជុំវិញពិភពលោកកាន់តែល្អ

លន បញ្ញា យកខ្សែក្រវាត់ WKN ទៅជួបវីរកងទ័ពនៅព្រំដែនបន្ទាប់ពីបានឈ្នះកាលពីថ្ងៃអាទិត្យ

លន បញ្ញា ត្រូវចារឈ្មោះនៅ BoxRec ក្រោយផ្តួល Zakaria ក្លាយជាម្ចាស់ខ្សែក្រវាត់ WKN

លន បញ្ញា ជាកីឡាករកម្ពុជាទី១ ប្រកួតដណ្តើមខ្សែក្រវាត់គុនខ្មែរ-WKN ពិភពលោក ថ្ងៃអាទិត្យនេះ