លីគកំពូលកម្ពុជា Archives - Kampuchea Thmey Daily

ភរិយារបស់កីឡាករ Patrick អរគុណប្រជាជនកម្ពុជាដែលតែងតែស្រឡាញ់ និងគាំទ្រប្ដីរបស់ខ្លួន

Sina Noun — Tue, 26 May 2026 02:04:10 +0000

ភរិយាកីឡាករ Patrick របស់ក្លឹបព្រះខ័នរាជស្វាយរៀង អរគុណចំពោះប្រជាជនកម្ពុជា និងអ្នកគាំទ្រដែលតែងតែស្រឡាញ់ចូលចិត្តប្ដីរបស់ខ្លួនអំឡុងការប្រកួតកន្លងទៅនេះ និងនាឱកាសក្រោយប្រសិនបើមានពេលខ្លួន និងក្រុមគ្រួសារនឹងមកលេងកម្ពុជាជាថ្មីទៀត។

ភរិយារបស់ Patrick

លោកស្រី Carolina Ribeiro ភរិយារបស់ Patrick បានឲ្យដឹងថា រូបគេបានមករស់នៅកម្ពុជានេះរយៈពេលប្រហែលមួយឆ្នាំមកហើយ។ ចំពោះការចងចាំដ៏ល្អ ឬអ្វីដែលមិនអាចបំភ្លេចបាននៅកម្ពុជានេះគឺប្រជាជនខ្មែរតែម្ដងមានភាពរួសរាយរាក់ទាក់។

ភរិយារបស់ Patrick បន្ថែមទៀតថា ខ្លួន និងស្វាមីគឺស្រឡាញ់ក្លឹបព្រះខ័នរាជស្វាយរៀង និងស្រឡាញ់ប្រជាជនកម្ពុជា។ នាឱកាសក្រោយៗប្រសិនបើមានពេលនោះរូបគេ និងគ្រួសារនឹងមកលេងប្រទេសកម្ពុជាជាថ្មីទៀតមិនខាន។ លោកស្រីថ្លែងអំណរគុណដល់អ្នកគាំទ្រប្ដីរបស់ខ្លួនទាំងអស់ដែលបានស្រឡាញ់ចូលចិត្តអំឡុងពេលលេងឲ្យក្លឹបព្រះខ័នរាជស្វាយរៀងនេះ។

គ្រួសាររបស់ Patrick

បញ្ជាក់ដែរថា ខ្សែប្រយុទ្ធក្លឹបព្រះខ័នរាជស្វាយរៀង កីឡាករ Patrick Robson នឹងចាកចេញពីកម្ពុជានៅពេលឆាប់ៗខាងមុខនេះដើម្បីទៅលេងនៅឯលីគប្រទេសឥណ្ឌូណេស៊ី។ កីឡាករសញ្ជាតិប្រេស៊ីលរូបគេមានអ្នកគាំទ្រច្រើននៅកម្ពុជាដោយសារតែរូបគេមានសមត្ថភាពលេងបានល្អនៅក្លឹបព្រះខ័នរាជស្វាយរៀង។ រូបគេបានជួយក្លឹបឲ្យឈ្នះពានរង្វាន់លីគកម្ពុជារដូវកាល ២០២៥-២០២៦ និងជួយក្លឹបឲ្យឈ្នះពានរង្វាន់សម្ដេចតេជោ ហ៊ុន សែន ឆ្នាំនេះទៀតផង៕

គ្រួសាររបស់ Patrick

The post ភរិយារបស់កីឡាករ Patrick អរគុណប្រជាជនកម្ពុជាដែលតែងតែស្រឡាញ់ និងគាំទ្រប្ដីរបស់ខ្លួន appeared first on Kampuchea Thmey Daily.

លោក McConkey ការឈ្នះពានលីគយប់មិញនេះពិតណាស់ជួយជំរុញលើកទឹកចិត្តក្រុមថែមទៀតត្រៀមប៉ះ Manila Digger

Sina Noun — Mon, 13 Apr 2026 02:48:44 +0000

គ្រូបង្វឹករបស់ក្រុមបាល់ទះព្រះខ័នរាជស្វាយរៀង ថាជ័យជម្នះ ឬការឈ្នះពានយប់មិញនេះគឺពិតជាបានជួយជំរុញលើកទឹកចិត្តកូនក្រុមបន្ថែមទៀតដើម្បីត្រៀមខ្លួនប្រកួតជើងទី២ ប៉ះម្ចាស់ផ្ទះ Manila Digger នៅ AFC Challenge League។

លោក McConkey

លោក McConkey បានឲ្យដឹងក្រោយបញ្ចប់ការប្រកួតយប់មិញនេះថា ការប្រកួតនៅវគ្គទី២ នេះក្រុមមានចន្លោះខ្វះខាតមួយចំនួនទើបរបូតគ្រាប់បាល់ ២គ្រាប់វិញ។ ប៉ុន្តែមិនថ្វីសម្រាប់ក្រុមនោះទេ ព្រោះព្រះខ័នរាជស្វាយរៀងឈានទៅដល់ការលើកពានទៅហើយ។

គ្រូបង្វឹករូបនេះបន្ថែមទៀតថា ច្បាស់ណាស់ជ័យជម្នះលើកពានយប់មិញនេះគឺជាកក្តាមួយផងដែរដែលជំរុញលើកទឹកចិត្តកូនក្រុមឲ្យខំប្រឹងបន្តទៀតនៅការប្រកួតជើងទី២ ប៉ះម្ចាស់ផ្ទះ Manila Digger នៃពានរង្វាន់ AFC Challenge League។ ក្រុមទាំងមូលរីករាយជាមួយជ័យជម្នះនេះ និងចាប់ផ្ដើមបន្តហ្វឹកហាត់តទៅទៀតដើម្បីជាការត្រៀមខ្លួនឲ្យបានល្អ។

ទិដ្ឋភាពប្រកួត

បញ្ជាក់ដែរថា ព្រះខ័នរាជស្វាយរៀង បានយកឈ្នះលើក្រុម MOI ដោយលទ្ធផល ៣-២ នៃពានរង្វាន់លីគកំពូលកម្ពុជា។ ជ័យជម្នះកាលពីយប់មិញនេះសមល្មមឲ្យក្រុមខ័នរាជស្វាយរៀងលើកពានរង្វាន់លីគកំពូលកម្ពុជារដូវកាល ២០២៥-២០២៦ ហើយទោះនៅសល់ប្រកួតក្រោយៗទៀតក៏ដោយ។ ថ្ងៃទី១៦ ខែមេសា ឆ្នាំ២០២៦ នេះក្រុមរបស់កម្ពុជា ព្រះខ័នរាជស្វាយរៀង នឹងត្រូវប៉ះ Manila Digger ជើងទី២ នៃវគ្គពាក់កណ្ដាលផ្ដាច់ព្រ័ត្រពានរង្វាន់ AFC Challenge League នៅឯប្រទេសហ្វីលីពីន៕

ទិដ្ឋភាពក្រោយបញ្ចប់ការប្រកួត

អត្ថបទដោយ៖ នួន ស៊ីណា

The post លោក McConkey ការឈ្នះពានលីគយប់មិញនេះពិតណាស់ជួយជំរុញលើកទឹកចិត្តក្រុមថែមទៀតត្រៀមប៉ះ Manila Digger appeared first on Kampuchea Thmey Daily.

លោក ភា សុភ័ត្រា លើកឡើងពីអារម្មណ៍ផ្ទាល់អំឡុងស្ថានភាពដ៏លំបាករបស់ក្រុមនៅពេលនេះ

Sina Noun — Tue, 24 Feb 2026 04:29:00 +0000

លោក ភា សុភ័ត្រា ក្នុងស្ថានភាពក្លឹបបែបនេះលោកបញ្ជាក់ថាលោកមិនទៅណាដើម្បីរួចខ្លួន ឬសុខស្រួលតែម្នាក់ឯងនោះឡើយ ប៉ុន្តែអាស្រ័យលើថ្នាក់ដឹកនាំជាអ្នកគិតគូរនោះទេ ខណៈការរបូតគ្រាប់បាល់ច្រើនៗកន្លងទៅនេះគឺមានហេតុផល។

លោក ភា សុភ័ត្រា

លោក ភា សុភ័ត្រា គ្រូបង្វឹកក្រុមបាល់ទាត់កងយោធពលខេមរភូមិន្ទ បានឲ្យដឹងថា មួយរយៈពេលនេះគឺសុខកាយ ប៉ុន្តែមិនសូវសប្បាយចិត្តនោះទេ ព្រោះក្រុមចាញ់ច្រើនពិសេសរបូតគ្រាប់បាល់ច្រើនៗនៅក្នុងការប្រកួតក្រោយៗនេះ។ ដូចអ្នកគាំទ្របាល់ទាត់បានដឹងហើយពីការបង្ហោះផ្សព្វផ្សាយៗនៅលើបណ្ដាញសង្គមកន្លង ស្របពេលបញ្ហាទាំងនោះគឺប៉ះពាល់ដល់អារម្មណ៍កីឡាករខ្លាំង និងបញ្ហារបួសរបស់កីឡាករក្នុងក្រុមផងទើបធ្វើឲ្យមានលទ្ធផលមិនល្អសោះនៅប៉ុន្មានប្រកួតចុងក្រោយ។

លោក ភា សុភ័ត្រា

គ្រូបង្វឹករូបនេះបន្តទៀតថា ក្នុងស្ថានភាពក្រុមបែបនេះបើឲ្យលោកសម្រេចចិត្តចេញទៅដឹកនាំក្រុមផ្សេងគឺលោកមិនធ្វើជាដាច់ខាត និងមិនចេញទៅរកភាពសុខស្រួលសម្រាប់តែខ្លួនឯងនោះឡើយ។ យ៉ាងណាអនាគតគ្រូបង្គោលនៅទីនេះគឺអាស្រ័យលើថ្នាក់ដឹកនាំជាអ្នកសម្រេច។

ក្រុមកងយោធពលខេមរភូមិន្ទ

ចំពោះការរបូតគ្រាប់បាល់ច្រើនកន្លងមកលោកបញ្ជាក់ថា ដោយសារកីឡាករសំខាន់ៗមួយចំនួនមានរបួសស្ទើរតែគ្មានកីឡាករសម្រាប់លេងតែម្ដង។ ដូច្នេះក្នុងស្ថានភាពនេះលោកផ្ដល់ឱកាសដល់យុវជនចូលលេងឲ្យបានច្រើនវិញដើម្បីទទួលបទពិសោធពីការប្រកួតធំៗ។ ធម្មតាយុវជនគឺស្ទើរបទពិសោធលើទីលានហេតុនេះទើបមិនសូវទទួលបានលទ្ធផលល្អ។ មួយវិញទៀតនេះជាចរិកនៃការដឹកនាំក្រុមរបស់លោកគឺមិនខ្លាច និងប្ដូរក្នុងការស្វែងរកគ្រាប់បាល់មកវិញនោះឡើយ។ ជាក់ស្ដែងដូចប៉ះ ភ្នំពេញក្រោន ប៉ះ ព្រះខ័នរាជ្យស្វាយរៀង គឺលោកមិននៅចាំតែបិទកុំឲ្យចាញ់គ្រាប់បាល់ច្រើននោះទេ។ ពោលហ៊ានប្ដូរដើម្បីរកគ្រាប់បាល់ពីការប្រកួតនោះមកវិញ ដូច្នេះហើយទើបរបូតគ្រាប់ក៏ច្រើនវិញដែរ។

លោក ភា សុភ័ត្រា

បញ្ជាក់ដែរថា ការបញ្ចប់ដំណាក់កាលទី១ នៃលីគកំពូលកម្ពុជាគឺក្រុមកងយោធពលខេមរភូមិន្ទ ជាប់ចំណាត់ថ្នាក់លេខ៨ ក្នុងចំណោម ១១ក្រុមចូលរួម។ ក្រុមរបស់លោក ភា សុភ័ត្រា នឹងត្រូវប្រកួតនៅដំណាក់កាលទី២ បន្តទៀតដើម្បីដណ្ដើមយកចំណាត់ថ្នាក់ល្អនៅបញ្ចប់លីគតែម្ដង៕

ចំណាត់ថ្នាក់

អត្ថបទដោយ៖ នួន ស៊ីណា

The post លោក ភា សុភ័ត្រា លើកឡើងពីអារម្មណ៍ផ្ទាល់អំឡុងស្ថានភាពដ៏លំបាករបស់ក្រុមនៅពេលនេះ appeared first on Kampuchea Thmey Daily.

តម្លៃសំបុត្រចូលទស្សនាពីអ្នកគាំទ្រ ក្លឹបព្រះខ័នរាជ្យស្វាយរៀងនឹងបរិច្ចាគទៅសមរភូមិជួរមុខ

Sina Noun — Fri, 12 Dec 2025 02:55:47 +0000

ក្លឹបបាល់ទាត់ព្រះខ័នរាជ្យស្វាយរៀង បានប្រកាសថាថវិកាដែលបានមកពីការលក់សំបុត្រចូលទស្សនាការប្រកួតរបស់ខ្លួនជាមួយក្រុម អឹមអូអាយ កំពង់ដេវ៉ា ថ្ងៃទី១៤ ខែធ្នូ ឆ្នាំ២០២៥ ខាងមុខនេះនឹងត្រូវបរិច្ចាគទៅវីរកងទ័ពសមរភូមិមុខ។

នៅព្រឹកថ្ងៃទី១២ ខែធ្នូ ឆ្នាំ២០២៥ នេះក្លឹបព្រះខ័នរាជ្យស្វាយរៀង បានប្រកាសថាការប្រកួតរបស់ខ្លួននៅលីគកំពូលសប្ដាហ៍នេះដោយត្រូវប៉ះជាមួយ អឹមអូអាយ កំពង់ដេវ៉ា ថវិកាដែលទទួលបានពីការលក់សំបុត្រនឹងត្រូវយកទៅបរិច្ចាគជួយទៅកងទ័ពសមរភូមិមុខដើម្បីជាការរួមចំណែកក្នុងកាលៈទេសៈនេះ។

ក្រុមព្រះខ័នរាជ្យស្វាយរៀង

ក្លឹបសង្ឃឹមថា ក្នុងកាលៈទេសៈនេះអ្នកគាំទ្រ និងសាធារណៈជន នឹងចូលរួមទស្សនាការប្រកួតឲ្យបានច្រើនកុះករដើម្បីសាមគ្គីភាព និងការរួបរួមជាមួយវីរកងទ័ពជាពិសេសអ្នកដែលរងផលប៉ះពាល់ដោយផ្ទាល់ និងប្រយោលពីសង្គ្រាមឈ្លានពាននេះ។

ការចូលរួមទស្សនាការប្រកួតរបស់ព្រះខ័នរាជ្យស្វាយរៀងសប្ដាហ៍នេះដូចជាការរួមចំណែកលើកទឹកចិត្ត និងផ្ដល់ជាជំនួយថវិកាដល់កងទ័ពសមរភូមិជួរមុខផងដែរ។ ការប្រកួតនេះរវាងក្រុមទាំងពីរខាងនឹងធ្វើឡើងនៅថ្ងៃអាទិត្យ ទី១៤ ខែធ្នូ ឆ្នាំ២០២៥ វេលាម៉ោង ៦ល្ងាចនៅពហុកីឡដ្ឋាមមរតកតេជោ៕

ទិដ្ឋភាពអ្នកគាំទ្រកន្លងមក

The post តម្លៃសំបុត្រចូលទស្សនាពីអ្នកគាំទ្រ ក្លឹបព្រះខ័នរាជ្យស្វាយរៀងនឹងបរិច្ចាគទៅសមរភូមិជួរមុខ appeared first on Kampuchea Thmey Daily.

CPL សប្ដាហ៍ទី៣ មកដល់ហើយនៅថ្ងៃសៅរ៍-អាទិត្យនេះគិតថាគូណាជក់ចិត្តជាងគេ…

Sina Noun — Fri, 22 Aug 2025 08:21:45 +0000

ការប្រកួតបាល់ទាត់លីគកំពូលកម្ពុជា (CPL) រដូវកាលឆ្នាំ ២០២៥-២០២៦ សប្ដាហ៍ទី៣ ដែលនឹងមកដល់នៅថ្ងៃសៅរ៍-អាទិត្យ ស្អែកនេះហើយ ខណៈការប្រកួតមាន ៥គូសម្រាប់អ្នកគាំទ្រតាមដាន និងទៅទស្សនាផងដែរ។

កម្មវិធីប្រកួតសប្ដាហ៍នេះ

ការប្រកួតនៅថ្ងៃសៅរ៍ ទី២៣ ខែសីហា ឆ្នាំ២០២៥ នេះមានចំនួន ២គ្រូគឺ កងយោធពលខេមរភូមិន្ទ ស្វាគមន៍ភ្ញៀវ ភ្នំពេញក្រោន វេលាម៉ោង ៦ល្ងាច។ ចំណែកមួយគូទៀតគឺ អាយអេសអាយ ដង្កោសែនជ័យ ស្វាមគមន៍ភ្ញៀវ ណាហ្គាវើលដ៍ វេលាម៉ោង៦ដូចគ្នា។

រូបភាពលើផេក CPL

ចំពោះការប្រកួតនៅថ្ងៃអាទិត្យ ទី២៤ ខែសីហា ឆ្នាំ២០២៥ គឺមាន៣គូរួមមាន ក្រុមគិរីវង់សុខសែនជ័យ ស្វាគមន៍ភ្ញៀវ អង្គរថាយហ្គឺរ វេលាម៉ោង ៣.៤៥នាទីរសៀល។ គូបន្ទាប់ អឹម អូ អាយ កំពង់ដេវ៉ា ប្រកួតជាមួយ វិសាខា និងគូធំប្រចាំសប្ដាហ៍នេះគឺ ព្រះខ័នរាជស្វាយរៀង ស្វាគមន៍ភ្ញៀវ បឹងកេត វេលាម៉ោង ៦ល្ងាចនៅពហុកីឡដ្ឋានមរតកតេជោ។

រូបភាពលើផេក CPL

ប្រិយមិត្តអ្នកគាំទ្រពេញចិត្ត និងចង់ទស្សនាការប្រកួតមួយណាអាចអញ្ចើញទៅចូលរួមទស្សនាដើម្បីជាការលើកទឹកចិត្តដល់កីឡាករ និងជាការរួមចំណែកអភិវឌ្ឍន៍វិស័យកីឡាបាល់ទាត់នៅកម្ពុជាឲ្យកាន់តែរីកចម្រើន៕

តារាងពិន្ទុសប្ដាហ៍ទី២

អត្ថបទដោយ៖ នូន ស៊ីណា

The post CPL សប្ដាហ៍ទី៣ មកដល់ហើយនៅថ្ងៃសៅរ៍-អាទិត្យនេះគិតថាគូណាជក់ចិត្តជាងគេ… appeared first on Kampuchea Thmey Daily.

គ្រូភ្នំពេញក្រោនមើលឃើញតំបន់បម្រើកណ្តាលរបស់ក្រុមលោកខ្វះខាតច្រើន

Sina Noun — Mon, 18 Aug 2025 03:35:41 +0000

បន្ទាប់ពីបញ្ចប់ការប្រកួតបានត្រឹមស្មើ 0-0 ជាមួយក្រុមបាល់ទាត់បឹងកេត យប់មិញនេះគ្រូបង្វឹករបស់ក្លឹបបាល់ទាត់ភ្នំពេញក្រោន មើលឃើញពីចំណុចខ្វះខាតនៅតំបន់កណ្ដាលដែលលេងមិនសូវល្អត្រូវតែកែតម្រូវឡើងវិញ។

លោក Oleg Starynskyi

លោក Oleg Starynskyi បានឲ្យដឹងក្រោយការប្រកួតយប់មិញនេះថា ជាការសោកស្ដាយដែរចំពោះក្រុមដែលមានឱកាសច្រើនហើយ ប៉ុន្តែមិនអាចរកគ្រាប់បាល់បាន។ មិនថាក្រុមលោក ឬខាងបឹងកេតទេគឺលេងបានល្អដូចគ្នានៅតំបន់ការពារកាលពីយប់មិញ។

ទិដ្ឋភាពប្រកួតម្សិលមិញ

គ្រូបង្វឹកខាងលើបន្ថែមទៀតថា អ្វីដែលលោកមើលឃើញពីចំណុចខ្វះខាតរបស់ភ្នំពេញក្រោន គឺនៅតំបន់កណ្ដាលលេងមិនសូវបានល្អនោះឡើយ ដូច្នេះនេះជាអ្វីដែលក្រុមត្រូវកែតម្រូវឡើងវិញ ប៉ុន្តែនៅតំបន់ផ្សេងៗទៀតលេងបានល្អច្រើន។យ៉ាណានៅតែស្ដាយដែលមិនអាចរកគ្រាប់បាល់បាន។

ទិដ្ឋភាពប្រកួតម្សិលមិញ

បញ្ជាក់ដែរថា ការប្រកួតពានរង្វាន់លីគកំពូលកម្ពុជា (CPL) សប្ដាហ៍ទី២ កាលពីល្ងាចថ្ងៃអាទិត្យ ទី១៧ ខែសីហា ឆ្នាំ២០២៥ រវាងក្លឹបបាល់ទាត់បឹងកេត និងភ្នំពេញក្រោន បានត្រឹមស្មើគ្នា 0-0 ប៉ុណ្ណោះក្រោយបញ្ចប់ការប្រកួត ៩០នាទីរួចមក។ ម្សិលមិញនេះក្រៅតែគូភ្នំពេញក្រោនខាងលើនេះក៏មានការប្រកួត២គូផ្សេងទៀតដែរគឺ ណាហ្គាមើលដ៏ ១-១ កងយោធពលខេមរភូមិន្ទ និង វិសាខា ៣-២ ឡាយហ្វ ខេត្តព្រះសីហនុ៕

អត្ថបទដោយ៖ នួន ស៊ីណា

The post គ្រូភ្នំពេញក្រោនមើលឃើញតំបន់បម្រើកណ្តាលរបស់ក្រុមលោកខ្វះខាតច្រើន appeared first on Kampuchea Thmey Daily.

គ្រូ TIFFY ARMY៖ រដូវកាលនេះនឹងបង្កើត Playing Styles តាមបែបលោកពង្រឹងក្រុមឡើងវិញ

Sina Noun — Wed, 21 May 2025 09:07:01 +0000

គ្រូបង្វឹកក្លឹបបាល់ទាត់កងយោធពលខេមរភូមិន្ទ (TIFFY ARMY) នៅរដូវកាលថ្មី ឆ្នាំ២០២៥-២០២៦ នេះលោកនឹងព្យាយាមបង្កើត Playing Styles តាមបែបផ្ទាល់ខ្លួនរបស់លោកដើម្បីពង្រឹងសមត្ថភាពក្រុមឲ្យប្រសើរឡើងក្នុងពានរង្វាន់លីគកំពូលកម្ពុជា។

លោក ភា សុភ័ត្រា

លោក ភា សុភ័ត្រា បានឲ្យដឹងថា នៅរដូវកាលចាស់នេះក្រុមមានផលលំបាកត្រដាបត្រដួសជាខ្លាំង ពោលចាប់ផ្ដើមមុនបើកលីគកន្លងទៅក្រុមមិនមានការប្រកួត Fress Season រយៈពេលយូរ និងច្បាស់លាស់នោះឡើយ។ មួយវិញទៀតលោកខ្លួនឯងជាប់ភារកិច្ចជាមួយជម្រើសជាតិ U-19 ផង ខណៈការប្រមូលកីឡាករបរទេសមានពេលវេលាយឺត ដូច្នេះការរៀបចំទម្រង់លេងបែបណាឲ្យសមស្រប ឬភាពយល់ចិត្តគ្នារបស់កីឡាករគឺមានតិចមែនទែននាំឲ្យក្រុមទទួលបានលទ្ធផលមិនប្រសើរឡើយក្នុងការប្រកួតលីគ។

ក្រុមបាល់ទាត់ TIFFY ARMY

យ៉ាងណានៅរដូវកាលថ្មីនេះលោកសង្ឃឹមថាក្រុមទាំងមូល ថ្នាក់ដឹកនាំក្លឹប ផ្ដោតកាត់តែខ្លាំងលើផែនការរៀបចំក្រុម និងតម្រូវការកីឡាករបរទេសច្បាស់លាស់តាម Playing Styles របស់លោកផ្ទាល់។ មានន័យថាប្រសិនបើលោកចង់បានកីឡាករបរទេសទម្រង់លេង (Styles) បែបនេះក្លឹប ថ្នាក់ដឹកនាំ ក្រុមប្រឹក្សា ត្រូវទាក់ទងទៅរកកីឡាករដែលលោកចង់បានមក។

លោក ភា សុភ័ត្រា និងក្រុម

គ្រូរបស់ TIFFY ARMY បញ្ជាក់ទៀតថា ជំហានបន្ទាប់មកមានកីឡាករគ្រប់គ្រាន់អស់ហើយទើបឈានទៅលេង Free Season រួមគ្នាដើម្បីអាចវាយតម្លៃថាក្រុមលេងឡើងដល់កម្រិតណាបានហើយ។ មួយវិញទៀតលោកនឹងរៀបចំកីឡាករខ្មែរឲ្យបានត្រឹមត្រូវ។ លោកសង្ឃឹមថារដូវកាលនេះក្រុមនឹងធ្វើបានល្អជាងឆ្នាំ ២០២៤-២០២៥ កន្លងទៅនេះ។

លោក ភា សុភ័ត្រា និងលោក Pep Munoz

បញ្ជាក់ដែរថា ពានរង្វាន់បាល់ទាត់លីគកំពូលកម្ពុជា (Cambodian Premier League) រដូវកាល ២០២៤-២០២៥ នេះបានបញ្ចប់ទៅហើយដោយក្រុមព្រះខ័នរាជស្វាយរៀង ជាអ្នកលើកពាន។ សម្រាប់ក្លឹបបាល់ទាត់កងយោធពលខេមរភូមិន្ទ (TIFFY ARMY) ជាប់ចំណាត់ថ្នាក់លេខ ៨៕

អត្ថបទដោយ៖ នួន ស៊ីណា

The post គ្រូ TIFFY ARMY៖ រដូវកាលនេះនឹងបង្កើត Playing Styles តាមបែបលោកពង្រឹងក្រុមឡើងវិញ appeared first on Kampuchea Thmey Daily.

ភ្នំពេញក្រោនជាក្រុមមិនស្គាល់បរាជ័យ ក្នុងជុំទី១លីគកំពូលកម្ពុជា

Pha Rothana — Mon, 04 Nov 2024 03:32:20 +0000

គិតត្រឹមថ្ងៃទី៤ ខែវិច្ឆិកា ឆ្នាំ២០២៤ ក្រុមនៅលីគកំពូលកម្ពុជាមួយចំនួនបានបញ្ចប់ការប្រកួតជុំទី១ហើយ ក្នុងនោះមានតែភ្នំពេញក្រោនតែមួយគត់ដែល មិនទាន់ស្គាល់បរាជ័យ។

ការប្រកួតក្នុងជុំទី១ ខេមបូឌានព្រីមៀរលីគឆ្នាំ២០២៤-២៥ ក្លិបភ្នំពេញក្រោន កំពុងកាន់កាប់កំណត់ត្រាឈ្នះ១០០% បន្ទាប់ពីប្រកួត១០លើក ឈ្នះទាំង១០លើក មាន៣០ពិន្ទុ ឈរលើកំពូលតារាងពិន្ទុ។ ក្នុងនាមជាក្រុមជើងឯករងរដូវកាលមុន ភ្នំពេញក្រោនបានចាប់ផ្ដើមរដូវកាលថ្មីបានយ៉ាងល្អ ដោយមិនទាន់អាចមានក្រុមណាយកឈ្នះខ្លួនបានឡើយ។ អ្វីដែលកាន់តែពិសេសគឺស្ថិតិក្នុងការរកគ្រាប់ស៊ុតបញ្ចូលទីលើគូប្រកួត ក្រោយឆ្លងកាត់ការប្រកួតចំនួន១០លើក ពួកគេស៊ុតបញ្ចូលទីសរុបបាន៤៣គ្រាប់ និងរបូតគ្រាប់បាល់វិញតែ១១ប៉ុណ្ណោះ។

ចំពោះម៉ាសុីនរកគ្រាប់បាល់មាន៤រូបគឺកីឡាករ Gayoso សញ្ជាតិហ្វីលីពីន រកបាន៩គ្រាប់ ឈរនៅលេខ៣ ក្នុងតារាងចំណាត់ថ្នាក់អ្នករកគ្រាប់បាល់ស៊ុតបញ្ចូលទីច្រើនបំផុត។ កីឡាករ Nnamdi Ofufu Ibeh សញ្ជាតិនីហ្សេរីយ៉ា រកបាន៨គ្រាប់ លេខនៅ៤ ខណៈកីឡាករសញ្ជាតិកូឡុំប៊ី Andres Nieto រកបាន៨គ្រាប់ឈរនៅលេខ៥ និងចុងក្រោខ្សែប្រយុទ្ធសញ្ជាតិហុល្លង់ Jellie Goselink រកបាន៧គ្រាប់ ឈរនៅលេខ៦។

ជាមួយគ្នានេះ ក្លិបគីរីវង់សុនសែនជ័យ ជាក្រុមមួយបានបញ្ចប់ជុំទី១ដោយមិនទាន់ស្គាល់ជ័យជម្នះសោះគឺស្មើ១ និងចាញ់៩ រកបានតែ១ពិន្ទុ ឈរនៅបាតតារាង។

ចំណែក ព្រះខ័នរាជស្វាយរៀង ទើបប្រកួតបាន៧លើកប៉ុណ្ណោះ ដោយសារជាប់កាតព្វកិច្ចក្នុងពានរង្វាន់អន្តរជាតិ២ផ្សេងគ្នា។

អត្ថបទ៖ ផា រតនា

The post ភ្នំពេញក្រោនជាក្រុមមិនស្គាល់បរាជ័យ ក្នុងជុំទី១លីគកំពូលកម្ពុជា appeared first on Kampuchea Thmey Daily.

លីគកំពូលកម្ពុជា Archives - Kampuchea Thmey Daily

ភរិយា​របស់​កីឡាករ​ Patrick អរគុណ​ប្រជាជន​កម្ពុជា​ដែល​តែងតែ​ស្រឡាញ់​ និង​គាំទ្រ​ប្ដី​របស់​ខ្លួន​

លោក​ ភា សុភ័ត្រា​ លើក​ឡើង​ពី​អារម្មណ៍​ផ្ទាល់​អំឡុង​ស្ថានភាព​ដ៏​លំបាក​របស់​ក្រុម​នៅ​ពេល​នេះ​

CPL​ សប្ដាហ៍​ទី៣​ មក​ដល់​ហើយ​នៅថ្ងៃ​សៅរ៍-អាទិត្យ​នេះ​គិត​ថា​គូ​ណា​ជក់ចិត្ត​ជាង​គេ​…

គ្រូ​ភ្នំពេញ​ក្រោន​មើល​ឃើញ​តំបន់​បម្រើ​កណ្តាល​របស់​ក្រុម​លោក​ខ្វះ​ខាត​ច្រើន

គ្រូ​​ TIFFY ARMY​៖ រដូវកាល​នេះ​នឹង​បង្កើត​ Playing Styles​ តាម​បែប​លោក​ពង្រឹង​ក្រុម​ឡើងវិញ​

ភ្នំពេញក្រោនជាក្រុមមិន​ស្គាល់​បរាជ័យ​ ក្នុង​ជុំទី១លីគកំពូលកម្ពុជា

ភរិយារបស់កីឡាករ Patrick អរគុណប្រជាជនកម្ពុជាដែលតែងតែស្រឡាញ់ និងគាំទ្រប្ដីរបស់ខ្លួន

លោក ភា សុភ័ត្រា លើកឡើងពីអារម្មណ៍ផ្ទាល់អំឡុងស្ថានភាពដ៏លំបាករបស់ក្រុមនៅពេលនេះ

CPL សប្ដាហ៍ទី៣ មកដល់ហើយនៅថ្ងៃសៅរ៍-អាទិត្យនេះគិតថាគូណាជក់ចិត្តជាងគេ…

គ្រូភ្នំពេញក្រោនមើលឃើញតំបន់បម្រើកណ្តាលរបស់ក្រុមលោកខ្វះខាតច្រើន

គ្រូ TIFFY ARMY៖ រដូវកាលនេះនឹងបង្កើត Playing Styles តាមបែបលោកពង្រឹងក្រុមឡើងវិញ

ភ្នំពេញក្រោនជាក្រុមមិនស្គាល់បរាជ័យ ក្នុងជុំទី១លីគកំពូលកម្ពុជា