កីឡា

ភរិយារបស់កីឡាករ Patrick អរគុណប្រជាជនកម្ពុជាដែលតែងតែស្រឡាញ់ និងគាំទ្រប្ដីរបស់ខ្លួន

បានផុស

១ ខែ មុន

នៅ

ថ្ងៃអង្គារ ២៦ ឧសភា ២០២៦

ដោយ

ភរិយាកីឡាករ Patrick របស់ក្លឹបព្រះខ័នរាជស្វាយរៀង អរគុណចំពោះប្រជាជនកម្ពុជា និងអ្នកគាំទ្រដែលតែងតែស្រឡាញ់ចូលចិត្តប្ដីរបស់ខ្លួនអំឡុងការប្រកួតកន្លងទៅនេះ និងនាឱកាសក្រោយប្រសិនបើមានពេលខ្លួន និងក្រុមគ្រួសារនឹងមកលេងកម្ពុជាជាថ្មីទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភរិយារបស់ Patrick

លោកស្រី Carolina Ribeiro ភរិយារបស់ Patrick បានឲ្យដឹងថា រូបគេបានមករស់នៅកម្ពុជានេះរយៈពេលប្រហែលមួយឆ្នាំមកហើយ។ ចំពោះការចងចាំដ៏ល្អ ឬអ្វីដែលមិនអាចបំភ្លេចបាននៅកម្ពុជានេះគឺប្រជាជនខ្មែរតែម្ដងមានភាពរួសរាយរាក់ទាក់។

ភរិយារបស់ Patrick បន្ថែមទៀតថា ខ្លួន និងស្វាមីគឺស្រឡាញ់ក្លឹបព្រះខ័នរាជស្វាយរៀង និងស្រឡាញ់ប្រជាជនកម្ពុជា។ នាឱកាសក្រោយៗប្រសិនបើមានពេលនោះរូបគេ និងគ្រួសារនឹងមកលេងប្រទេសកម្ពុជាជាថ្មីទៀតមិនខាន។ លោកស្រីថ្លែងអំណរគុណដល់អ្នកគាំទ្រប្ដីរបស់ខ្លួនទាំងអស់ដែលបានស្រឡាញ់ចូលចិត្តអំឡុងពេលលេងឲ្យក្លឹបព្រះខ័នរាជស្វាយរៀងនេះ។

គ្រួសាររបស់ Patrick

បញ្ជាក់ដែរថា ខ្សែប្រយុទ្ធក្លឹបព្រះខ័នរាជស្វាយរៀង កីឡាករ Patrick Robson នឹងចាកចេញពីកម្ពុជានៅពេលឆាប់ៗខាងមុខនេះដើម្បីទៅលេងនៅឯលីគប្រទេសឥណ្ឌូណេស៊ី។ កីឡាករសញ្ជាតិប្រេស៊ីលរូបគេមានអ្នកគាំទ្រច្រើននៅកម្ពុជាដោយសារតែរូបគេមានសមត្ថភាពលេងបានល្អនៅក្លឹបព្រះខ័នរាជស្វាយរៀង។ រូបគេបានជួយក្លឹបឲ្យឈ្នះពានរង្វាន់លីគកម្ពុជារដូវកាល ២០២៥-២០២៦ និងជួយក្លឹបឲ្យឈ្នះពានរង្វាន់សម្ដេចតេជោ ហ៊ុន សែន ឆ្នាំនេះទៀតផង៕