កីឡា

គ្រូ TIFFY ARMY៖ រដូវកាលនេះនឹងបង្កើត Playing Styles តាមបែបលោកពង្រឹងក្រុមឡើងវិញ

បានផុស

២ ខែ មុន

នៅ

ថ្ងៃពុធ ២១ ឧសភា ២០២៥

ដោយ

គ្រូបង្វឹកក្លឹបបាល់ទាត់កងយោធពលខេមរភូមិន្ទ (TIFFY ARMY) នៅរដូវកាលថ្មី ឆ្នាំ២០២៥-២០២៦ នេះលោកនឹងព្យាយាមបង្កើត Playing Styles តាមបែបផ្ទាល់ខ្លួនរបស់លោកដើម្បីពង្រឹងសមត្ថភាពក្រុមឲ្យប្រសើរឡើងក្នុងពានរង្វាន់លីគកំពូលកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភា សុភ័ត្រា

លោក ភា សុភ័ត្រា បានឲ្យដឹងថា នៅរដូវកាលចាស់នេះក្រុមមានផលលំបាកត្រដាបត្រដួសជាខ្លាំង ពោលចាប់ផ្ដើមមុនបើកលីគកន្លងទៅក្រុមមិនមានការប្រកួត Fress Season រយៈពេលយូរ និងច្បាស់លាស់នោះឡើយ។ មួយវិញទៀតលោកខ្លួនឯងជាប់ភារកិច្ចជាមួយជម្រើសជាតិ U-19 ផង ខណៈការប្រមូលកីឡាករបរទេសមានពេលវេលាយឺត ដូច្នេះការរៀបចំទម្រង់លេងបែបណាឲ្យសមស្រប ឬភាពយល់ចិត្តគ្នារបស់កីឡាករគឺមានតិចមែនទែននាំឲ្យក្រុមទទួលបានលទ្ធផលមិនប្រសើរឡើយក្នុងការប្រកួតលីគ។

ក្រុមបាល់ទាត់ TIFFY ARMY

យ៉ាងណានៅរដូវកាលថ្មីនេះលោកសង្ឃឹមថាក្រុមទាំងមូល ថ្នាក់ដឹកនាំក្លឹប ផ្ដោតកាត់តែខ្លាំងលើផែនការរៀបចំក្រុម និងតម្រូវការកីឡាករបរទេសច្បាស់លាស់តាម Playing Styles របស់លោកផ្ទាល់។ មានន័យថាប្រសិនបើលោកចង់បានកីឡាករបរទេសទម្រង់លេង (Styles) បែបនេះក្លឹប ថ្នាក់ដឹកនាំ ក្រុមប្រឹក្សា ត្រូវទាក់ទងទៅរកកីឡាករដែលលោកចង់បានមក។

លោក ភា សុភ័ត្រា និងក្រុម

គ្រូរបស់ TIFFY ARMY បញ្ជាក់ទៀតថា ជំហានបន្ទាប់មកមានកីឡាករគ្រប់គ្រាន់អស់ហើយទើបឈានទៅលេង Free Season រួមគ្នាដើម្បីអាចវាយតម្លៃថាក្រុមលេងឡើងដល់កម្រិតណាបានហើយ។ មួយវិញទៀតលោកនឹងរៀបចំកីឡាករខ្មែរឲ្យបានត្រឹមត្រូវ។ លោកសង្ឃឹមថារដូវកាលនេះក្រុមនឹងធ្វើបានល្អជាងឆ្នាំ ២០២៤-២០២៥ កន្លងទៅនេះ។

លោក ភា សុភ័ត្រា និងលោក Pep Munoz

បញ្ជាក់ដែរថា ពានរង្វាន់បាល់ទាត់លីគកំពូលកម្ពុជា (Cambodian Premier League) រដូវកាល ២០២៤-២០២៥ នេះបានបញ្ចប់ទៅហើយដោយក្រុមព្រះខ័នរាជស្វាយរៀង ជាអ្នកលើកពាន។ សម្រាប់ក្លឹបបាល់ទាត់កងយោធពលខេមរភូមិន្ទ (TIFFY ARMY) ជាប់ចំណាត់ថ្នាក់លេខ ៨៕

អត្ថបទដោយ៖ នួន ស៊ីណា