តាមរយ:សកម្មភាពរបស់អ្នកគ្រូខាងលើនេះ កំពុងមានការវែកញែក និងមានការបញ្ចេញមតិមួយចំនួនដោយបង្ហាញការអាណិតដល់ទឹកចិត្តរបស់គ្រូដែលខំបង្ហាត់បង្រៀនចង់ឱ្យសិស្សចេះ ប៉ុន្តែសិស្សៗបែរជាមិនស្តាប់តាមគ្រូទៅវិញ ខណ:តារាចម្រៀងលោក លីម តិចម៉េង ក៏បានបញ្ចេញមតិជុំវិញរឿងនេះផងដែរ។

ផ្អែកតាមការបង្ហោះនៅលើទំព័រហ្វេសប៊ុកឈ្មោះ Bong Pich Kh បានរៀបរាប់ថា “សិស្ស​ស្ទើរមួយថ្នាក់​ គ្រូ​ឱ្យកត់មេរៀនអត់បានកត់ ទើប​​គ្រូខឹង​បានយកសៀវភៅ​បោះចេញក្រៅថ្នាក់មិនកាន់ជើង​គ្រូទេ តែមើលសិស្ស​ទាំងនោះទូរសព្ទដៃទំនើបគ្រប់គ្នា ដែលមានន័យថា​ពួកគេសប្បាយនឹង​កម្មវិធីក្នុងទូរសព្ទដោយមិនខ្វល់​នឹង​កិច្ចការ​សាលាចូលគិតម្ដងទៀត​ដើម្បីអនាគទំពាំងស្នងឬស្សី”។

ដោយឡែក ងាកមកចាប់អារម្មណ៍តារាចម្រៀងលោក លីម តិចម៉េង លើកឡើងដែរថា ជំនាន់ខ្ញុំគ្រូឱ្យកត់មេរៀន ឬទន្ទេញមេរៀន បើមិនគោរពតាមទេវិន័យគឺតឹងរឹងជាងនេះឆ្ងាយណាស់អាចសុីរំពាត់ ឬឈរនៅដងទង់ជាតិ១ថ្ងៃពេញ លើសពី៣ដង ត្រូវហៅពុកម៉ែ មកនិយាយគ្នាមិនបានសប្បាយបែបនេះទេ”។

តារាចម្រៀង លីម តិចម៉េង បានបន្ថែមថា “បើទូរស័ព្ទអាចប្រើបានតែពេលក្រៅម៉ោងសិក្សាតែប៉ុណ្ណោះ ម៉ោងសិក្សាអាចយកចូលថ្នាក់រៀនបានតែ 1280 ឬ Nចុចពិល តែប៉ុណ្ណោះ ការពារមានការអ្វីពីគ្រួសារ។ វិន័យសំខាន់ណាស់មិនអាចលេងសើចបានទេ ថ្ងៃណាមួយប្អូននឹងស្តាយក្រោយដោយសារតែសម្តីនេះ ប្អូនៗ ក្មួយៗវ័យសិក្សាត្រូវតែគោរពវិន័យសាលាអោយបានល្អគុណធម៌ត្រូវមានជាប់ខ្លួនជានិច្ច”

តួយ៉ាង សាធារណជន ក៏សម្តែងក្តីបារម្ភផងដែរចំពោះការសិក្សារបស់អ្នកជំនាន់ក្រោយ ដែលហាក់មិនខ្វាយខ្វល់នឹងមុខការសិក្សារៀនសូត្រទាល់សោះ ខណៈមុខវិជ្ជាប្រវត្តិសាស្ត្រ ជាអ្វីដែលអ្នកជំនាន់ក្រោយខ្មែរគ្រប់រូប ត្រូវតែសិក្សាស្វែងយល់ជាដាច់ខាត៕ ដោយ ៖ ចាន់រ៉ា

The post ចំណេះជាស្ពាន! លីម តិចម៉េង ដាស់សតិអ្នកជំនាន់ក្រោយ គប្បីត្រងត្រាប់រៀនសូត្រ ជៀសវាងសោកស្តាយថ្ងៃក្រោយ appeared first on Kampuchea Thmey Daily.

ការលើកឡើងនេះ គឺបន្ទាប់ពីបុរសរូបនោះតែងតែបង្ហាញឥរិយាបទរំខានតារាចម្រៀងប្រចាំផលិតកម្ម ហង្សមាស រូបនេះជារឿយៗ បើទោះបីជាបានដាក់បណ្តឹងហើយក៏ដោយ ខណៈកាលពីម្សិលមិញនេះ បុរសរូបនោះទើបតែទៅបង្ហាញខ្លួនជាថ្មីនៅមុខផ្ទះរបស់លោក ធ្វើឱ្យសាមុីខ្លួនទ្រាំនឹងសកម្មភាពរំខានឯកភាពនេះមិនបានដល់ថ្នាក់ live ជាសាធារណៈតែម្តង។

ដោយមើលឃើញភាពមិនប្រក្រតីនេះ កាកា អូស្ត្រាលី បានលើកឡើង ៣ចំណុចសំខាន់ៗ ក្នុងន័យដើម្បីសុវត្ថិភាពរបស់តារារូបនេះផង និងបញ្ឈប់ការបង្កបរិយាកាសសម្ភាសចំអកឡកលើយក្នុងសង្គមខ្មែរ រួមមាន៖

១. ស្វែងយល់ឬសគល់ ដែលអាចឈានដល់បញ្ហាធំ
តាមការសាកសួរពីពេទ្យជំនាញផ្នែកផ្លូវចិត្ត និងជាពេទ្យប្រចាំរបស់ខ្លួន គ្រូពេទ្យអ្នកនាង កាកា បញ្ជាក់ថា បើមើលលើស្ថានភាពរបស់បុរសដែលតែងបង្ហាញឥរិយាបថរំខានតារាចម្រៀង លីម តិចម៉េង កំណត់ថា នោះផ្តើមចេញពីបញ្ហាផ្លូវចិត្ត ដែលគេហៅថា Erotomania ឬ Clerambault’s Syndrome ជាជំងឺផ្លូវចិត្តម៉្យាងដែលធ្វើឱ្យអ្នកជំងឺមានអារម្មណ៍ឯកា និងស្រមើស្រមៃតែឯង។

ជាក់ស្តែងដូចបុរសរូបនេះ ដែលកាលពីប៉ុន្មានឆ្នាំមុនធ្លាប់អះអាងថា តារាចម្រៀងល្បីឈ្មោះនេះ ឬល្បីឈ្មោះរូបនោះជាគូស្នេហ៍របស់ខ្លួន រហូតធ្លាក់លើ លីម តិចម៉េង ហើយដោយសារតែស្ថានភាពផ្លូវចិត្តមិនប្រក្រតីនេះ ធ្វើឱ្យបុគ្គលផ្ទាល់ ចាប់ផ្តើមសម្តែងឥរិយាបថរំខានដល់ឯកជនភាពលោកជារឿយៗ ពិសេសរាល់ពេលដែលលោកស្និតស្នាលនឹងអ្នកគាំទ្រ ខណៈអ្នកនាងបារម្ភថា អាចមានសកម្មភាពធ្ងន់ធ្ងរលើសពីនេះ បើមិនដោះស្រាយ។ ហេតុនេះ អ្នកនាងណែនាំដោយយោងតាមសម្តីគ្រូពេទ្យថា គួរកុំរវីរវល់នឹងបុរសនោះ ក្រែងធ្វើឱ្យបុរសរូបនោះកាន់តែមិនសុខចិត្តហើយកាន់តែរំខានលោកលើកនេះ។

២. ការពារទុកជាមុនសម្រាប់សុវត្ថិភាពរបស់ លីម តិចម៉េង
ដ្បិតតែពាក្យបណ្តឹងបានដាក់ហើយ ប៉ុន្តែដំណោះស្រាយចំពោះអ្នកមានបញ្ហាផ្លូវចិត្តប្រភេទនេះ កាកា ជឿថា អាជ្ញាធរពិតជាពិបាកដោះស្រាយលើបញ្ហានេះ។ អ្នកនាងយល់ថា រឿងដែលគួរធ្វើដំបូង គឺផ្តល់ដំណឹងទៅកាន់គ្រួសារគាត់ឱ្យរូតរះយកទៅព្យាបាលជាមួយអ្នកឯកទេស ហើយក៏ផ្តល់ជាយោបល់ទៅកាន់ លីម តិចម៉េង ផងដែរ គប្បីប្រើវិធីកុំយកចិត្តទុកដាក់ចំពោះបុគ្គលរូបនោះ, អាច block ឬគេចចេញតែម្តង ជៀសវាងស្ថានភាពរំខានអាចធ្ងន់ធ្ងរជាងនេះ។

៣. បញ្ឈប់ការសម្ភាសបុគ្គលមានបញ្ហាផ្លូវចិត្តដើម្បីឡកលើយ
ទោះមិនច្បាស់ថា បុគ្គលនោះពិតជាមានបញ្ហាផ្លូវចិត្តយ៉ាងណា តែអ្នកនាងយល់ថា សកម្មភាពសម្ភាសបុគ្គលណាម្នាក់ឱ្យក្លាយជាប្រធានបទសំណើចរបស់សាធារណជន ជារឿងពុំគួរគប្បីត្រូវធ្វើឡើយ ព្រោះបើបុគ្កលនោះជាមនុស្សមានបញ្ហាផ្លូវចិត្តមែន នឹងធ្វើឱ្យស្ថានភាពជំងឺគាត់កាន់តែធ្ងន់ដោយសារពាក្យ bully។

មិនថាយ៉ាងណា អ្នកនាងក៏យល់ថា ឥរិយាបថរបស់បុរសរូបនោះ គឺពិតជាគ្រោះថ្នាក់សម្រាប់លោក លីម តិចម៉េង ដែលទាមទារឱ្យប្រុងប្រយ័ត្ន។ សូមស្តាប់វីដេអូលម្អិត៖

នៅរសៀលថ្ងៃទី២៤ តុលានេះ លោក លីម តិចម៉េង បានលើកឡើងករណីនេះផងដែរ ដោយបញ្ជាក់ថា បុរសរូបនោះបានផ្តិចមេដៃនៅចំពោះមុខអាជ្ញាធរមានសមត្ថកិច្ចរួចរាល់ហើយ ដោយសន្យាបញ្ឈប់រាល់សកម្មភាពដូចដែលធ្វើកន្លងមកជាមួយនឹងលោកហើយ និងថែមទាំងមានវីដេអូបញ្ជាក់ថែមទៀតផង៕

The post កាកា អូស្តា្រលី ជូនយោបល់ខ្លះៗ ករណីបុរសម្នាក់តាមរំខានលីម តិចម៉េង មិនឈប់ និងដាស់តឿនឱ្យប្រុងប្រយ័ត្ន appeared first on Kampuchea Thmey Daily.

ជាការពិត ទង្វើនេះបានធ្វើឱ្យមហាជនអ្នកគាំទ្រមានការខកចិត្តជាខ្លាំង ចំពោះបុរសដែលមានគណនីហ្វេសប៊ុកនិង Tik Tok ឈ្មោះ​ «គុណ ពៅណា ប្រពន្ធលីម តិចម៉េង» ដោយសារការទទួលយកមិនបានទើបធ្វើឲ្យ លីម តិចម៉េង សម្រេចរត់រកពឹងពាក់មេធាវីឱ្យជួយដោះស្រាយបញ្ហាខាងលើនេះតែម្ដង។

លោក លីម តិចម៉េង បានបង្ហោះខ្លឹមសារភ្ជាប់លិខិតជូនដំណឹងរបស់មេធាវីការពារដោយលោកនឹងទុកពេ ល៤៨ម៉ោងឱ្យបុគ្គលរូបនោះបើសិនជានៅតែបន្តធ្វើ សកម្មភាពដដែលៗទៀតលោកនិងមេធាវីនឹងអនុវត្តតាមនិតិវិធីច្បាប់។

លីម តិចម៉េង បានឲ្យដឹងថា ” ដំបូងនេះខ្ញុំសូមអធ្យាស្រ័យ ដែលរំខានដល់ពុកម៉ែបងប្អូននៅទូទាំងប្រទេ សរំខានដល់រឿងប្រទេសជាតិរបស់ខ្ញុំបាទម្នាក់ដូចគ្នា ដែលកំពុងមានបញ្ហាតែនេះជាវិធីតែមួយគត់ដែលអា ចធ្វើបាន ហើយក៏ជាមេរៀនមួយដែលខ្ញុំមិនដែលជួប និងមិនចង់ជួប”។

លោកបន្តថា “លិខិតជម្រាបជូនសាធារណៈជនដើម្បីការពាររក្សានូវតម្លៃកិត្តិយស ភាពស្អាតស្អំ និង សុខសុវត្តិភាពក្នុងការរស់នៅជាឯកជនភាពក្នុងនាមជាប្រ ជាជនម្នាក់ដោយសារបុគ្គលម្នាក់នេះ ដែលខ្ញុំមិនដែ លស្គាល់ទាល់តែសោះកាលកន្លងមក។ នេះជាលិខិត បញ្ជាក់និងដាស់តឿនចុងក្រោយពីខ្ញុំបាទបន្ទាប់ពីបានដាស់តឿនកាលកន្លងមកគ្មានប្រសិទ្ធភាព”។

បន្ថែមពីនេះ តិចម៉េង បន្ថែមថាក្នុងករណីបុគ្គលនៅក្នុងលិខិតនៅតែបន្តបំពានហើយមិនអនុវត្តតាមការស្នើសុំក្នុងលិខិតនេះទេក្នុងរយះពេល ៤៨ម៉ោង សូមលោកគ្រូអ្នកគ្រូ មេធាវី អនុវត្តតាមនីតិវិធីច្បាប់សូមអរគុណ៕ ចាន់រ៉ា

The post ទីបំផុត លីម តិចម៉េង សម្រេចពឹងអ្នកច្បាប់ឱ្យជួយ ក្រោយបុរសម្នាក់នៅតែបន្តបៀតបៀនតាមពាក្យសម្តី appeared first on Kampuchea Thmey Daily.

កន្លងមក បុរសរូបនេះតែងតែបង្ហោះវីដេអូរៀបរាប់ពីក្តីស្រលាញ់របស់ខ្លួន ចំពោះតារាចម្រៀងប្រុសវ័យក្មេងរូបនេះជាហូរហែរ ខណៈខ្លឹមសារដែលត្រូវបានចែករំលែកពេញបណ្តាញទំនាក់ទំនងសង្គមនោះ គឺសុទ្ធសឹងតែមានខ្លឹមសារទាក់ទងនឹងការហួងហែង ប្រចណ្ឌ ឬចូលតួជាជនរងគ្រោះក្នុងមនោសញ្ចេតនាជាដើមផង។ ជាងនេះទៅទៀត បុរសរូបនេះថែមទាំងធ្លាប់ទៅថត selfie នៅមុខផ្ទះរបស់តារាចម្រៀងប្រុសរូបនេះថែមទៀតផង។

យ៉ាងណា ទោះមិនដឹងថាទង្វើបុរសរូបនេះធ្វើឡើងក្នុងគោលបំណងអ្វី តែដោយមើលឃើញសកម្មភាពមិនប្រក្រតីនេះ លីម តិចម៉េង បានបង្ហាញការមិនពេញចិត្តជាខ្លាំង និងព្រមានថា កុំបន្តធ្វើអីឱ្យលើសព្រំដែន បើមិនដូច្នោះទេ លោកនឹងឱ្យច្បាប់ជួយដោះស្រាយមិនខានឡើយ៕

The post លីម តិចម៉េង ព្រមានប្តឹងបុរសម្នាក់ ក្រោយបញ្ចេញសកម្មភាពមិនប្រក្រតី និងងប់ងុលជ្រុលហួសហេតុ appeared first on Kampuchea Thmey Daily.

ដោយមើលឃើញសមត្ថភាពច្រៀងរ៉េប និង Hip Hop តាមរយៈចម្រៀងបទ “សុបិន្តឆៅ” (Raw Dream) ដែលទើបបង្ហាញថ្មីៗនេះ សាធារណជនពិសេសអ្នកគាំទ្រ បានបង្ហាញការពេញចិត្ត និងស្ញប់ស្ញែងនូវទឹកដមសំនៀងរបស់តារាចម្រៀងរូបនេះខ្លាំង។ ខណៈក្នុងនោះ ក៏មានការលើកទឹកចិត្តឱ្យតារាចម្រៀងប្រចាំផលិតកម្មល្បីឈ្មោះរូបនេះ បន្ថែមរសជាតិសិល្បៈជាមួយនឹងចម្រៀងរ៉េប Hip Hop មួយទៀតផងដែរ។

គួរជម្រាបថា ចំពោះការ Cover ចម្រៀងរ៉េប Hip Hop នេះ ពុំមែនជាលើកទី១ របស់តារាចម្រៀងប្រចាំផលិតកម្មរស្មីហង្សមាសនោះឡើយ ខណៈកន្លងមក លោកធ្លាប់បង្ហាញសមត្ថភាបច្រៀងរ៉េប តាមរយៈការ Cover ចម្រៀងបទ “រស់មិនកើតស្លាប់ក៏មិនកើត” ធ្វើឱ្យមហាជនភ្ញាក់ផ្អើល និងកោតសរសើរផងដែរ។

The post ព្រោះទេពកោសល្យច្រៀង! លីម តិចម៉េង ត្រូវអ្នកគាំទ្រជំរុញបន្ថែមរសជាតិសិល្បៈមួយទៀត ជាមួយចម្រៀងរ៉េប Hip Hop appeared first on Kampuchea Thmey Daily.

តារា​ចម្រៀង​លោក លីម តិចម៉េង បន្ទាប់​ពីក្លាយ​ជាម្ចាស់ពាន​​បច្ចុប្បន្ន​ត្រូវបាន​គេ​កត់សម្គាល់​ឃើញថា ទាំងប្រជាប្រិយ​ភាព និងសន្ទុះ​នៃការ​គាំទ្រ​ទស្សនិកជន មាន​​ការ​កើន​ឡើង​ជា​បន្តបន្ទាប់​ពិសេសតាមរយៈ​ការឡើង​ច្រៀង​លើឆាក​ម្តងៗ​គឺ​មាន​អ្នក​ទៅ​ច្រើន​គួរសម​ផងដែរ។

យ៉ាងណាមិញឆ្លើយតប​នឹង​ការស្នើ​របស់​​អ្នកគាំទ្​រដែលចង់ធានា​ទៅ​​រស់​​នៅ​​ក្រៅ​ប្រទេស​លោក លីម តិចម៉េង បានលើក​ឡើងថា​ «អរគុណ​បងប្អូន​នៅ​ឯនាយ​សមុទ្រ​មួយ​ចំនួន​ដែល​បានផ្តល់​ឱកាស​ហើយ​ធានា​ឲ្យខ្ញុំ​ទៅនៅ​ទីនោះ តែ​ខ្ញុំបាទ​សូម​បញ្ចាក់​ថា ខ្ញុំគ្មាន​បំណង​​ទៅ​ណា​ចោល​ជាតិ​មាតុភូមិ​មួយ​នេះទេ​។

លីម តិចម៉េង បន្តទៀតថា “ខ្ញុំមិនចង់វិចដីខ្មែរមួយក្តាប់យកទៅដេក​អោប​នៅស្រុកគេ​ទាំងទឹកភ្នែក​ឡើយ ខ្ញុំសុខចិត្ត​តស៊ូរ លូនក្រាប ប្រឹងប្រែង ដោយ​ខ្លួនឯង​នៅ​ទីនេះអស់មួយជីវិតសូមអរគុណ ,បញ្ចាក់​បើទៅដើរលេងទៅណា ក៏បាន​ដែរ​ឲ្យតែមាន​លុយ​មានពេល “។

គួររម្លឹកដែរថា តារា​ចម្រៀង​វ័យក្មេង​លោក លីម តិចម៉េង កាលពីកន្លង​ទៅធ្លាប់​បានមុខបញ្ជាក់ពីគោលជំហរ​របស់ខ្លួនថា លោកកើតនៅលើផែនដីនេះ មិនក្បត់ផែនដីមួយនេះ​ជាដាច់ខាត ខណៈ​មានអ្នកគាំទ្រមួយចំនួន​សម្តែងការ​ព្រួយ​បារម្ភខ្លាច​លោ​​កធ្លាក់​ប្រជាប្រិយភាពជុំវិញការស៊ែរ​ព័ត៌មាននៃការសាងសង់​ប្រាសាទថ្ម​របស់​ថៃ​ដែល​មានភាព​ស្រដៀងនឹងប្រាសាទអង្គរវត្តរបស់ខ្មែរ៕

អត្ថបទ៖ ចាន់រ៉ា

The post លីម តិចម៉េង បដិសេធសំណើធានាចេញទៅរស់នៅក្រៅប្រទេសឆ្ងាយពីមាតុភូមិកំណើត appeared first on Kampuchea Thmey Daily.

តារា​ចម្រៀង​វ័យ​ក្មេង លីម តិចម៉េង បន្ទាប់ពីក្លាយជាម្ចាស់ពាន បច្ចុប្បន្នត្រូវបានគេកត់សម្គាល់ឃើញថា ទាំងប្រជាប្រិយភាព និង​សន្ទុះនៃការគាំទ្រ​របស់​ទស្សនិកជន​មាន​ការកើនឡើង​ជាបន្តបន្ទាប់ ពិសេសតាមរយៈ​ការឡើងច្រៀង​លើឆាកម្តងៗគេឃើញថា​មានអ្នកទៅគាំទ្រភ្លូកទឹកភ្លូកដី។

យ៉ាងណាថ្មី​ៗ​នេះ តារាប្រុសរូបនេះ​ក៏បានសម្តែងការមិនសប្បាយចិត្តក្រោយ​រងការ​មើលងាយ​សើចចំអក​មកលើរូបលោក។ លោក លីម តិចម៉េង បាននិយាយថា «មានបងប្អូនយើង​ច្រើនឃើញ​ខ្ញុំ​ជិះកង់បីទៅផ្ទះ ស្រាប់តែពួកគាត់​សើច​បែរ​មុខចេញ​ហើយ​ទើបសួរខ្ញុំថា ហេតុអ្វីមិន​ជិះឡាន ខ្ញុំឆ្លើយថា ឡានខ្ញុំ​នៅដាក់​ធ្វើ​មិនទាន់ហើយពួកគាត់ក៏សួរបន្តទៀតថា ហេតុអ្វីមិនខ្ចីឡានភិទិ ឬ​បងប្អូន Top4 យក​មកជិះ​សិន​ព្រោះយើង​តារាល្បី ខ្ញុំឆ្លើយថា នោះមិនមែនជារឿងចាំបាច់សម្រាប់ខ្ញុំទេ»។

លីម តិចម៉េង បញ្ជាក់ថា“សំណួរទាំងនេះសួរនៅលើផ្លូវ ៣៧១ ពូម្ចាស់កង់បីបើកភ្នែកធំៗមើលមុខខ្ញុំ អាណិតខ្ញុំ ហើយខ្ញុំប្រាប់គាត់វិញថា អ្នកដែលគួរអោយអាណិតគឺពួកគាត់ទៅវិញទេមិនមែនខ្ញុំទេ ព្រោះតម្លៃពិតប្រាកដដែលខ្ញុំមានគឺមិនមែនស្ថិតលើរបស់ថ្លៃៗណាមួយដែលខ្ញុំមាននោះទេ ខ្ញុំបានស្កប់ស្កល់ចំពោះខ្លួនឯងរួចទៅហើយអ្វីដែលមានតម្លៃសម្រាប់ខ្ញុំគឺគុណធម៌“។

តារាចម្រៀង លីម តិចម៉េង បាននិយាយបន្ថែមទៀតថា រឿងរ៉ាវ​ជាច្រើន​ដែលខ្ញុំ​បានជួបផ្ទាល់​បានបញ្ជាក់ប្រាប់ខ្ញុំថា សីលធម៌ គុណធម៌ ការយល់ដឹង​របស់បង​ប្អូនខ្មែរយើងមួយ​ចំនួននៅមាន​ភាពទន់ខ្សោយ​គួរ​ឲ្យ​សង្វេក​ត្រូវចេះស្កប់ស្កល់ យល់ពីតម្លៃពិត​នៃពាក្យ​ថាមនុស្ស ទើប​អាចធ្វើជាមនុស្សបាន៕

អត្ថបទ៖ ចាន់រ៉ា

The post រងការចំអក! លីម តិចម៉េង មើលឃើញថា សីលធម៌ គុណធម៌ការយល់ដឹងខ្មែរមួយចំនួននៅទន់ខ្សោយ appeared first on Kampuchea Thmey Daily.

ប្រាកដ​ណាស់​តារា​ចម្រៀង​វ័យក្មេង លីម តិច​ម៉េង បន្ទាប់​ពី​ក្លាយ​ជា​ម្ចាស់​ពាន បច្ចុប្បន្ន​ត្រូវ​បាន​គេ​កត់​សម្គាល់​ឃើញ​ថា ទាំង​ប្រជាប្រិយភាព និង​សន្ទុះ នៃ​ការ​គាំទ្រ​ពី​ទស្សនិកជន គឺ​មាន​ការ​កើនឡើង​ជា​បន្តបន្ទាប់ ពិសេស​តាមរយៈ​ការ​ឡើង​ច្រៀង​លើ​ឆាក​ម្តងៗ មាន​អ្នក​គាំទ្រ​ជាច្រើន​នាំ​គ្នា​ទៅ​រង់ចាំ​អបអរ និង​ទស្សនា​វត្តមាន​របស់​កំលោះ​តូច​រូប​នេះ។

ស្រប​ពេល​ទីផ្សារ​ចម្រៀង​កំពុង​មាន​សន្ទុះ​ហក់​ឡើង ដែល​ជា​ឱកាស​ចេញ​កើប​លុយ​ពី​បណ្ដា​កម្មវិធី​ប្រគំ​តន្ត្រី​នេះ​ដែរ ស្រាប់តែ លីម តិច​ម៉េង បាន​ចេញ​មក​បំផុស​នូវ​គំនិត​អ្នកគាំទ្រ​ជុំវិញ​ការ​រស់នៅ ដោយ​ប្រកាន់​ភ្ជាប់​នូវ​សីលធម៌ និង​គុណធម៌​ឲ្យ​បាន​ខ្ពស់​ផង​ដែរ។ លីម តិច​ម៉េង បាន​លើក​ឡើង​ថា កុំ​លក់​ឧត្ដមគតិ បោះចោល​គុណធម៌​ជីវិត ដោយសារ​តែ​អាហារ ៣ ពេល។

តារា​ចម្រៀង​លោក លីម តិច​ម៉េង បាន​និយាយ​បន្ថែម​ថា ស្អប់​ភាព​ក្រ តែ​កុំ​ស្អប់​អ្នកក្រ ពេល​ក្រ ត្រូវ​ប្រឹង​ឲ្យ​មាន ពេល​មាន កុំ​ភ្លេច​កំណើត កុំ​មើល​រំលង​អ្នកក្រ។ ការ​លើក​ឡើង​របស់ លីម តិច​ម៉េង ខាង​លើ​នេះ គឺ​មាន​ការ​បញ្ចេញមតិ​គាំទ្រ​ជាច្រើន ខណៈ​មាន​ខ្លះ​បាន​និយាយ​ថា មាន ឬ​ក្រ សុទ្ធតែ​មាន​តម្លៃ​ដូចគ្នា អ្វី​ដែល​សំខាន់ គឺ​លើ​ឧត្ដមគតិ​របស់​អ្នក​គិត អ្នកខ្លះ​មាន តែ​ឧត្ដមគតិ​របស់​ពួក​គេ​អន់​ជាង​អ្នកក្រ​ទៅទៀត អ្នកខ្លះ​មាន តែ​ចិត្ត​មិនល្អ​ស្មើ​អ្នកក្រ​ទេ អ្នកខ្លះ​មាន​ហើយ​មើលងាយ​អ្នកក្រ​ទាំង​ដែល​ការពិត​បើ​គ្មាន​អ្នកក្រ​អ្នកមាន​ក៏​មិន​អាច​រស់​បាន​ល្អ​ដូចគ្នា ហើយ​មួយទៀត​អ្នកមាន​ក៏​មិន​ប្រាកដ​ថា​មាន​រហូត ហើយ​អ្នកក្រ​ក៏​មិន​ប្រាកដ​ថា​នឹង​ក្រ​រហូត​ដូចគ្នា៕

អត្ថបទ ៖ ចាន់រ៉ា

The post លីម តិចម៉េង បំផុសគំនិតថា កុំលក់ឧត្ដមគតិបោះចោលគុណធម៌ជីវិត ដោយសារអាហារ ៣ ពេល appeared first on Kampuchea Thmey Daily.