ព្រោះទេពកោសល្យច្រៀង! លីម តិចម៉េង ត្រូវអ្នកគាំទ្រជំរុញបន្ថែមរសជាតិសិល្បៈមួយទៀត ជាមួយចម្រៀងរ៉េប Hip Hop

លោក លីម តិចម៉េង តារាចម្រៀងវ័យក្មេងប្រចាំផលិតកម្មរស្មី ហង្ស មាស បានធ្វើឱ្យអ្នកគាំទ្រខ្លួនមានការភ្ញាក់ផ្អើលជាថ្មី និងសរសើរសមត្ថភាពលោកជាខ្លាំង បន្ទាប់ពីតារាចម្រៀងរូបនេះ Cover ចម្រៀង Hip Hop ល្បីមួយបទកាលពីជាង ១០ឆ្នាំមុន ជាមួយនឹងទឹកដមសំនៀងពីរោះមួយបែប មិនថាបទមនោសញ្ចេតនា ឬចម្រៀងរ៉េប Hip Hip នោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមើលឃើញសមត្ថភាពច្រៀងរ៉េប និង Hip Hop តាមរយៈចម្រៀងបទ “សុបិន្តឆៅ” (Raw Dream) ដែលទើបបង្ហាញថ្មីៗនេះ សាធារណជនពិសេសអ្នកគាំទ្រ បានបង្ហាញការពេញចិត្ត និងស្ញប់ស្ញែងនូវទឹកដមសំនៀងរបស់តារាចម្រៀងរូបនេះខ្លាំង។ ខណៈក្នុងនោះ ក៏មានការលើកទឹកចិត្តឱ្យតារាចម្រៀងប្រចាំផលិតកម្មល្បីឈ្មោះរូបនេះ បន្ថែមរសជាតិសិល្បៈជាមួយនឹងចម្រៀងរ៉េប Hip Hop មួយទៀតផងដែរ។

គួរជម្រាបថា ចំពោះការ Cover ចម្រៀងរ៉េប Hip Hop នេះ ពុំមែនជាលើកទី១ របស់តារាចម្រៀងប្រចាំផលិតកម្មរស្មីហង្សមាសនោះឡើយ ខណៈកន្លងមក លោកធ្លាប់បង្ហាញសមត្ថភាបច្រៀងរ៉េប តាមរយៈការ Cover ចម្រៀងបទ “រស់មិនកើតស្លាប់ក៏មិនកើត” ធ្វើឱ្យមហាជនភ្ញាក់ផ្អើល និងកោតសរសើរផងដែរ។