KCNA បានរាយការណ៍ថា ការណែនាំនេះ បានធ្វើឡើងនៅក្នុងកិច្ចប្រជុំមួយកាលពីថ្ងៃអាទិត្យ ដែលត្រូវបានកោះប្រជុំដោយលោក គីម ជុងអ៊ុន ជាមួយបណ្ដាមេបញ្ជាការកងពលធំ និងកងពលតូចនៅទូទាំងកងទ័ពទាំងមូល។

សេចក្តីរាយការណ៍នោះ បានបន្តថា លោក គីម ជុងអ៊ុន បានដាក់ចេញនូវផែនការសម្រាប់ ការពង្រឹងកងឯកភាពជួរមុខ និងកងឯកភាពសំខាន់ៗដទៃទៀត លើទិដ្ឋភាពយោធា និងបច្ចេកទេស ដែលជាការសម្រេចចិត្តដ៏សំខាន់មួយ ដើម្បីទប់ស្កាត់សង្គ្រាមឲ្យកាន់តែហ្មត់ចត់។ ជាពិសេស សកម្មភាពយុទ្ធសាស្ត្ររបស់កងទ័ពនឹងត្រូវធ្វើបច្ចុប្បន្នភាពឡើងវិញ ហើយ ការផ្លាស់ប្តូរដ៏ធំមួយ នឹងត្រូវធ្វើឡើងក្នុងកិច្ចខិតខំប្រឹងប្រែងដើម្បីទប់ស្កាត់សង្គ្រាម។

មេដឹកនាំកូរ៉េខាងជើង ក៏បានសង្កត់ធ្ងន់លើទំនួលខុសត្រូវ និងតួនាទីរបស់មេបញ្ជាការក្នុងការអនុវត្តផែនការនេះថា «យើងនឹងបង្កើតវិធានការចាត់តាំងនានា ដើម្បីធ្វើបច្ចុប្បន្នភាពកងទ័ពឡើងវិញ ទាំងលើផ្នែករចនាសម្ព័ន្ធយោធា និងបច្ចេកវិទ្យាយោធា»។ លោកបានបន្តណែនាំទៀតថា «ការហ្វឹកហ្វឺនដើម្បីបំពេញលក្ខណៈត្រៀមប្រយុទ្ធ គឺជាកាតព្វកិច្ចចម្បងរបស់កងទ័ព ហើយកងទ័ពត្រូវតែ «រៀបចំប្រព័ន្ធហ្វឹកហ្វឺនឡើងវិញ ឲ្យស្របទៅនឹងទម្រង់នៃការផ្លាស់ប្តូរនៃសង្គ្រាមទំនើប និងគន្លងនៃការអភិវឌ្ឍន៍របស់កងទ័ពយើង ព្រមទាំងពង្រឹងការហ្វឹកហ្វឺនអនុវត្តជាក់ស្តែង»។

យ៉ាងណាមិញ ការកត់សម្គាល់ទាំងនេះបានធ្វើឡើងចំពេលដែលក្រុមបាល់ទាត់នារីរបស់កូរ៉េខាងជើង បានធ្វើដំណើរមកដល់ប្រទេសកូរ៉េខាងត្បូងកាលពីថ្ងៃអាទិត្យ ដែលនេះជាការមកបំពេញទស្សនកិច្ចលើកដំបូងបង្អស់ដោយក្រុមស៊ុលកីឡារបស់កូរ៉េខាងជើង ក្នុងរយៈពេលជិត ៨ ឆ្នាំ ដើម្បីចូលរួមប្រកួតក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ AFC Champions League៕

អត្ថបទ៖ សាង ស្រីល័ក្ខ

The post លោក គីម ជុងអ៊ុន បញ្ជាឲ្យ​​ប្រែក្លាយ​ព្រំដែនជាប់កូរ៉េខាងត្បូង ទៅជា «បន្ទាយការពារដ៏រឹងមាំ​» appeared first on Kampuchea Thmey Daily.

មេដឹកនាំកូរ៉េខាងជើងនិងកូនស្រីគឺយុវវតី Kim Ju Ae បានសង្កេតមើលការ​បាញ់​សាកល្បង​នូវ​ប្រភេទ​មីស៊ីល​តាមរយៈវីដេអូមួយចេញផ្សាយកាលពីថ្ងៃអង្គារ ដោយ មេដឹកនាំ​​កូរ៉េខាងជើងសង្កត់ធ្ងន់ថា វាមានសារៈសំខាន់ណាស់ក្នុងការរក្សា និងពង្រីក «ការទប់ស្កាត់សង្គ្រាមនុយក្លេអ៊ែរដ៏មានឥទ្ធិពល និងអាចទុកចិត្តបាន»។

លោកគីមត្រូវបានដកស្រង់សម្តីដោយ KCNA ដូច​និយាយថា៖​«សមាសធាតុនៃប្រព័ន្ធទប់ស្កាត់សង្គ្រាមរបស់យើងឥឡូវនេះ កំពុងត្រូវបានរួមបញ្ចូលនៅក្នុងប្រព័ន្ធប្រតិបត្តិការដ៏ទំនើបក្នុងលក្ខណៈប្រកបដោយប្រសិទ្ធភាព និងបង្កើនល្បឿនជាបន្តបន្ទាប់ ហើយកងកម្លាំងនុយក្លេអ៊ែរក្នុងប្រទេសបានផ្លាស់ប្តូរ ទៅដំណាក់កាលនៃប្រតិបត្តិការចម្រុះ»។

មេដឹកនាំកូរ៉េខាងជើង បានសម្តែងការពេញចិត្តរបស់លោក​ថា ការសាកល្បងនេះបានផ្ទៀងផ្ទាត់ ភាពជឿជាក់នៃប្រព័ន្ធគ្រប់គ្រងរួមបញ្ចូលគ្នានៃអាវុធយុទ្ធសាស្ត្រ និងឧត្តមភាពនៃប្រព័ន្ធប្រយុទ្ធរួមបញ្ចូលគ្នារបស់នាវាពិឃាត។ លោកក៏បានលើកឡើងពីតម្រូវការដើម្បីពិនិត្យមើលប្រសិទ្ធភាពយោធានៃកាំភ្លើងស្វ័យប្រវត្តិកងទ័ពជើងទឹក ដែលបានដំឡើងនៅលើនាវាចម្បាំង និងបានបង្ហាញភារកិច្ចពង្រឹងអំណាចកងទ័ពជើងទឹក។

ទោះជាយ៉ាងណាក៏ដោយ ការបាញ់សាកល្បងចុងក្រោយនេះបានកើតឡើង នៅពេលដែលទីក្រុងសេអ៊ូល និងវ៉ាស៊ីនតោន បានចាប់ផ្តើមសមយុទ្ធ «Freedom Shield» កាលពីថ្ងៃចន្ទសម្រាប់រយៈពេល ១១ ថ្ងៃ។ កូរ៉េខាងជើងបានថ្កោលទោសសមយុទ្ធយោធារួមគ្នារបស់សម្ព័ន្ធមិត្តកូរ៉េខាងត្បូងថាជា «ការហាត់សម​ញុះ​ញង់​សម្រាប់​សង្គ្រាម និងឈ្លានពាន» ទោះបីជាពួកគេអះអាងថា សមយុទ្ធនេះមានលក្ខណៈការពារក៏ដោយ៕

អត្ថបទ៖ សាង ស្រីល័ក្ខ

The post លោក គីម បាញ់សាកល្បងមីស៊ីលយុទ្ធសាស្ត្រ​ថ្មី​ពី​នាវាពិឃាត​​ appeared first on Kampuchea Thmey Daily.

​​កា​​​រសម្រេច​ចិត្ត​​​បោះឆ្នោត​គាំទ្រ​លោក គីម ជុងអ៊ុន​ បាន​ធ្វើ​ឡើង​នៅ​ក្នុងមហាសន្និបាត​បក្ស កាល​ថ្ងៃទី​២២​ខែ​កុម្ភៈ​ ដែល​ជា​ថ្ងៃទី​បួននៃ​​ការ​ធ្វើសមាជបក្ស​ ហើយ ប្រព័ន្ធ​ផ្សព្វផ្សាយ​រដ្ឋ​កូរ៉េ​ខាងជើង បាន​​​​ចេញផ្សាយ​នៅថ្ងៃទី​​២៣ខែ​​កុម្ភៈ​នេះ​។

​នៅ​ក្នុង​សមាជ​បក្ស​នោះ មេដឹកនាំ​​​នៃ​បក្ស​និ​ងរដ្ឋ​កូរ៉េខាងជើង​ លោក​ គីម ជុងអ៊ុន បានដឹកនាំ​មហា​សន្និបាត​​បក្ស​ពលករ ដោយ​​​លើក​ឡើង​នូវ​របាយការណ៍ពិនិត្យឡើងវិញអំពីការងាររបស់គណបក្សក្នុងរយៈពេលប្រាំឆ្នាំចុងក្រោយ។ នេះបើ​យោង​តាម​ប្រព័ន្ធផ្សព្វផ្សាយរដ្ឋ បាននិយាយនៅថ្ងៃអាទិត្យទី២២ ខែកុម្ភៈ ឆ្នាំ២០២៦។

យោងតាមទីភ្នាក់ងារសារព័ត៌មានមជ្ឈឹម​​កូរ៉េ​ខាងជើង​ (KCNA) របាយការណ៍របស់លោក គីម បានវាយតម្លៃសកម្មភាពរបស់គណបក្សក្នុងរយៈពេលកន្លងមក និងបានគូសបញ្ជាក់ពីយុទ្ធសាស្ត្រ និងគោលដៅថ្មីសម្រាប់រយៈពេលប្រាំឆ្នាំខាងមុខ រួមទាំងភារកិច្ចនៅ​គ្រប់វិស័យ ដែលមានគោលបំណងជំរុញការកសាងសង្គមនិយម។

KCNA បានរាយការណ៍ដោយដកស្រង់សម្ដីអ្នកតំណាងម្នាក់ដែល​លើកឡើងថា របាយការណ៍នេះបានកំណត់​​ទស្សនៈវិស័យ​ និងយុទ្ធសាស្ត្រសម្រាប់អ្វីដែលខ្លួនបានពិពណ៌នាថាជាដំណាក់កាលថ្មីនៃការអភិវឌ្ឍជាតិ និងបានបញ្ជាក់ជាថ្មីនូវទំនុកចិត្តលើអនាគតរបស់ប្រទេស។ អ្វី​ដែល​កាន់តែ​គួរ​ឲ្យ​ចាប់​អារម្មណ៍​គឺកំណត់គោលដៅគោលនយោបាយសំខាន់ៗលើវិស័យសេដ្ឋកិច្ច ការពារជាតិ និងវិស័យសំខាន់ៗផ្សេងទៀត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ចិន-រុស្ស៊ី អបអរសាទរក្នុងឱកាស​បើក​មហា​សន្និបាត​​ដ៏​ធំ​បំផុតរបស់​កូរ៉េខាងជើង

The post ​លោក គីម ជុងអ៊ុន​ បន្ត​កាន់តំណែង​អគ្គលេខាធិការ​​បក្ស​ពលករកូរ៉េ និង​ការដាក់​ចេញ​ទិសដៅ​អភិវឌ្ឍន៍​​​ appeared first on Kampuchea Thmey Daily.

យោងតាម​រ៉យទ័រ អ្នក​វិភាគរបស់​កូរ៉េ​ខាង​ជើង​​បាន​ប្រកាសថា រឿង​​​នេះ​បាន​កើត​ឡើង​​មុន​ពេល​កូរ៉េ​ខាង​ជើង​ធ្វើ​សមាជ​បក្ស​​ពលករ​ដ៏​សំខាន់​មួយ ដែល​នឹង​ដាក់​ចេញ​នូវ​គោល​នយោបាយ​សម្រាប់​រយៈ​ពេល​ប្រាំ​ឆ្នាំ​ខាង​មុខ កំណត់​ដំណាក់​កាល​ដើម្បី​ពង្រឹង​នូវ​វោ​ហា​សាស្ត្រ​របស់​មេដឹក​នាំ​ គីម ជុងអ៊ុន ដែល​ថា​កូរ៉េ​ខាង​ត្បូង​ជា​​បរទេស​ និង​ជា​សត្រូវ​ផ្តាច់​មុខ​។​

KCNA បាន​បន្ត​ទៀត​ថា យន្ត​ហោះ​គ្មាន​មនុស្ស​បើក​ដែល​មាន​ប្រភព​មក​​ពី​កោះ​មួយ​ក្នុង​ទីក្រុង Incheon របស់​កូរ៉េ​ខាងត្បូង បាន​ហោះ​បាន​ចម្ងាយ​៨គីឡូម៉ែត្រ មុន​ពេល​​ត្រូវ​បាន​បាញ់​ទម្លាក់​នៅ​ខាង​ក្នុង​ដែន​អាកាស​កូរ៉េខាង​ជើង។​ តាមការ​ផ្សាយ​នោះ ដ្រូន​នោះ​​​ត្រូវ​បាន​​​ឃ្លាំ​មើលដោយ​កាំ​មេរ៉ារបស់​​​​កូរ៉េ​ខាង​ជើង​រួច​ហើយ​ ដើម្បី​កត់​ត្រា​នូវ​កន្លែង​សំខាន់ៗ​ដែល​ហោះ​មក​។

KCNA បាន​បន្ត​​ថា​ ឧបទ្ទវ​ហេតុ​នេះ​ បន្ទាប់​ពី​ការ​លុក​លុយ​ដោយ​យន្ត​ហោះ​គ្មាន​មនុស្ស​បើក​របស់​កូរ៉េ​ខាងត្បូង​មួយ​ផ្សេង​​ទៀត​កើតឡើង​កាល​ពី​ខែ​កញ្ញា​ តែ​ត្រូវ​បាន​​បាញ់​ទម្លាក់​នៅ​ក្រុង​​ Kaesong ។

ការផ្សាយ​របស់​សារព័ត៌មាន​រដ្ឋ​របស់​កូរ៉េ​ខាង​ជើង​បាន​បន្ត​ថា​៖ «សូម្បី​តែ​បន្ទាប់​​ពី​​ការ​​ផ្លាស់​​ប្តូរ​​របបនេះ​​ហើយ​ក៏​ដោយ​… (កូរ៉េខាងត្បូង) ពួក​គេ​នៅ​តែ​​បន្ត​​​បង្ក​ហេតុ​​ ដោយដ្រូន​នៅ​ជិត​ព្រំដែនដដែល​។ រឿង​នេះ បង្ហាញ​ថា កូរ៉េខាង​ត្បូង​ពិត​ជា​សត្រូវ​ដ៏​ធំ​របស់​យើង​មែន​»។

គួរ​ឱ្យ​ដឹង​ផង​ដែរ​ថា ចាប់​តាំង​ពី​ប្រធានា​ធិប​តី​កូរ៉េ​ខាង​ត្បូង ​លោក លី ជេម្យ៉ង ចូល​កាន់​តំណែង​កាល​ពី​ខែ​មិថុនា​មក ប្រទេស​កូរ៉េ​ខាង​ជើង​ បាន​បដិសេធ​ចំពោះការ​​ប៉ុនប៉ង​​ការ​​ផ្សះ​ផ្សា​ពី​រដ្ឋ​បាល​របស់​លោកលី​។

តែ​យ៉ាង​ណា រ៉យទ័រ​​មិនអាច​​ទទួលបាន​ការ​ឆ្លើយ​តប​​​ពីអ្នក​នាំ​ពាក្យ​រដ្ឋា​ភិបាល​កូរ៉េ​ខាង​ត្បូង​​ ចំពោះ​សំណើអត្ថា​ធិប្បាយ​លើ​រឿង​បង្ហោះ​ដ្រូន​នៅ​ឡើយ​ទេ​។

ប្រែសម្រួល៖ ណឺ មិនា

The post កូរ៉េខាងជើង​ចាត់​ទុក​​​​កូរ៉េ​​ខាង​​ត្បូង​​​​​​ជា​«សត្រូវ​ផ្តាច់​មុខ» ​ក្រោយ​បង្ហោះ​ដ្រូនស៊ើបការណ៍ appeared first on Kampuchea Thmey Daily.

អគ្គសេនាធិការចម្រុះរបស់កូរ៉េខាងត្បូង បានបញ្ជាក់ពីការបាញ់​មីស៊ីល​នេះ ប៉ុន្តែមិនបានបញ្ចេញព័ត៌មានលម្អិតបន្ថែមនោះទេ រួមទាំងចម្ងាយហោះហើរ ឬរយៈកម្ពស់របស់មីស៊ីល។ ជាធម្មតាទីក្រុងព្យុងយ៉ាងបានបាញ់មីស៊ីលចូលទៅក្នុងដែនទឹករវាង​ឧបទ្វីបកូរ៉េ និងជប៉ុន ហើយមិនមានរបាយការណ៍ភ្លាមៗអំពីការខូចខាតនោះឡើយ។

ពេលវេលានៃការបាញ់បង្ហោះនេះបានទាក់ទាញការចាប់អារម្មណ៍នៅពេលដែល​ប្រធានាធិបតីអាមេរិក ដូណាល់ ត្រាំ ប្រធានាធិបតីចិន ស៊ី ជីនពីង ក៏​ដូចជា​មេដឹកនាំពិភពលោកផ្សេងទៀតត្រៀមខ្លួនចូលរួមកិច្ចប្រជុំកំពូល APEC។ ក្រុមអ្នកវិភាគបាន​លើក​ឡើង​ថា កូរ៉េខាងជើងប្រហែលជាកំពុងស្វែងរកការរំលឹកពិភពលោកអំពី​ស្ថានភាពនុយក្លេអ៊ែរ​របស់ខ្លួន និងដើម្បីទទួលបានឥទ្ធិពលសម្រាប់ការចរចានាពេលអនាគត។

មេដឹកនាំកូរ៉េខាងជើង លោក គីម ជុងអ៊ុន បានពន្លឿនការសាកល្បងអាវុធ ចាប់តាំងពីការទូតនុយក្លេអ៊ែររបស់លោកជាមួយលោកត្រាំ បានដួលរលំនៅឆ្នាំ​២០១៩ ជុំវិញការដាក់ទណ្ឌកម្មដឹកនាំដោយសហរដ្ឋអាមេរិក។ យ៉ាង​ណា​មិញ លោកគីម ថ្មីៗ​នេះ​បាន​ប្រាប់​ពី​លទ្ធភាព​វិល​ត្រឡប់​ទៅ​កិច្ច​ចរចា​វិញ ​​បើ​ក្រុង​វ៉ាស៊ីនតោន​​បោះបង់​ការ​ទាមទារ​របស់​ខ្លួន​សម្រាប់​ការ​រំសាយ​អាវុធ​នុយក្លេអ៊ែរ។

កាលពីដើមខែនេះ លោកគីម បានបង្ហាញមីស៊ីលផ្លោងអន្តរទ្វីប Hwasong-20 (ICBM) នៅក្នុងក្បួនព្យុហយាត្រាយោធាប្រារព្ធ​ខួបលើកទី​៨០​​នៃគណបក្សកម្មករដែលកំពុងកាន់អំណាច។ ប្រព័ន្ធផ្សព្វផ្សាយរដ្ឋបានពណ៌នាថា វាជា «ប្រព័ន្ធអាវុធយុទ្ធសាស្ត្រនុយក្លេអ៊ែរដ៏មានឥទ្ធិពលបំផុត»របស់​ក្រុង​ព្យុងយ៉ាង ដែលមានសមត្ថភាពផ្ទុកក្បាលគ្រាប់ជាច្រើន ដើម្បីយកឈ្នះលើ​ប្រព័ន្ធ​ការពារ​មីស៊ីល​របស់សហរដ្ឋអាមេរិក។

ការផ្លោង​មីស៊ីល​ចុងក្រោយនេះ ធ្វើឡើងបន្ទាប់ពីការបង្ហាញខ្លួននាពេលថ្មីៗនេះរបស់លោក​គីម ជាមួយលោក ស៊ី​ ជីនពីង និង​លោក វ៉្លាឌីមៀរ ពូទីន នៅក្នុងក្បួនដង្ហែយោធានៅទីក្រុងប៉េកាំង ដែលជាសញ្ញាមួយសម្រាប់អ្នកវិភាគថា ការកើនឡើងនូវទំនុកចិត្ត និងទម្រង់អន្តរជាតិរបស់ទីក្រុងព្យុងយ៉ាង។ ទាំងលោកត្រាំ និងប្រធានាធិបតីកូរ៉េខាងត្បូង លោក Lee Jae Myung បានបង្ហាញជាសាធារណៈនូវឆន្ទៈក្នុងការជួបលោកគីម ទោះបីជាប្រទេសកូរ៉េខាងជើងនៅតែបន្តពង្រីកឃ្លាំងអាវុធនុយក្លេអ៊ែររបស់ខ្លួនក៏ដោយ៕

ដោយ៖ ឈាង

The post កូរ៉េខាងជើង​ផ្លោង​​មី​ស៊ី​ល​បាលិស្ទិក ​មុន​កិច្ចប្រជុំ APEC នៅ​កូរ៉េខាងត្បូង​ appeared first on Kampuchea Thmey Daily.

នៅក្នុងសុន្ទរកថានៅឯសារមន្ទីរស្ថាបនិកបក្សក្នុងទីក្រុងព្យុងយ៉ាង លោក គីម ជុងអ៊ុន បានសរសើរជីតារបស់លោកគឺលោក គីម អ៊ីលស៊ុង ដែលបានបង្កើតកូរ៉េខាងជើង និងជាអ្នកបដិវត្តន៍ដំបូងរបស់ប្រទេសrរួមជាមួយវីរៈជនផ្សេ។ លោក​បាន​និយាយ​ថា ពួកគេ​បាន​ជួយ​បង្កើត​គ្រឹះ​ដ៏​រឹងមាំ​ដែល​រក្សា​គណបក្ស​កាន់​អំណាច​អស់​រយៈពេល ៨០ ឆ្នាំ​។

លោក គីម បានប្រាប់មនុស្សជំនាន់នេះថា ពួកគេត្រូវតែស្មោះត្រង់នឹងគោលដៅដើមរបស់គណបក្ស ហើយបន្តធ្វើការដើម្បីសង្គមនិយម ដូចបុព្វបុរសរបស់ពួកគេបានធ្វើ។ លោក​ក៏​បាន​ជំរុញ​ពួកគេ​ឲ្យ​ការពារ​ជំនឿ និង​ទំនៀមទម្លាប់​របស់​គណបក្ស ដោយ​រក្សា​ភាពស្មោះត្រង់ និង​មិន​ផ្លាស់ប្តូរ​តាម​ពេលវេលា​។

ការប្រារព្ធពិធីមានការចូលរួមពីមន្រ្តីបរទេសជាន់ខ្ពស់ រួមមាននាយករដ្ឋមន្ត្រីចិន លោក Li Qiang ប្រធានគណបក្សកាន់អំណាចរបស់រុស្ស៊ី លោក Dmitry Medvedev និងប្រធានបក្សកុម្មុយនិស្តវៀតណាមលោក To Lam ដែលជាការកត់សម្គាល់ដំណើរទស្សនកិច្ចលើកដំបូងរបស់មេដឹកនាំគណបក្សវៀតណាមទៅកាន់កូរ៉េខាងជើងក្នុងរយៈពេលជិត ២០ ឆ្នាំមិនធ្លាប់មាន។ ទីក្រុងហាណូយបានអះអាងថា កិច្ចព្រមព្រៀងសហប្រតិបត្តិការត្រូវបានរំពឹងទុកក្នុងអំឡុងដំណើរទស្សនកិច្ចនេះ។

គួររម្លឹកថាកាលពីខែមុន លោក គីម បានបង្ហាញខ្លួនជាមួយប្រធានាធិបតីចិនលោក ស៊ី ជីនពីង និងលោកវ៉្លាឌីមៀរ ពូទីនប្រធានាធិបតីរុស្ស៊ីនៅឯព្យុហយាត្រាយោធាក្នុងទីក្រុងប៉េកាំង ដោយបង្ហាញពីទំនាក់ទំនងដែលកំពុងរីកចម្រើនក្នុងចំណោមប្រទេសទាំងបី។ ខណៈពេលដែលទីក្រុងព្យុងយ៉ាងមិនបានបញ្ជាក់ថាតើខ្លួននឹងរៀបចំក្បួនដង្ហែរផ្ទាល់ខ្លួនក្នុងខួបនេះឬអត់ទេ ប៉ុន្តែមន្ត្រីកូរ៉េខាងត្បូងជឿថាការត្រៀមរៀបចំកំពុងដំណើរការ។

ព្រឹត្តិការណ៍នេះគូសបញ្ជាក់ពីកិច្ចខិតខំប្រឹងប្រែងរបស់លោក គីម ក្នុងការគូសបញ្ជាក់ពីប្រវត្តិសាស្រ្តរបស់គណបក្ស ពង្រឹងសម្ព័ន្ធភាពក្នុងតំបន់ និងគម្រោងការរួបរួមជាតិ ចំពេលខ្លួមមានភាពឯកោដោយសារទណ្ឌកម្មអន្តរជាតិ៕

អត្ថបទ៖ ប៊ុន សុភាព

The post គីម ជុងអ៊ុន ថ្លែងសុន្ទរកថាសរសើរជីតារបស់ខ្លួន មុនប្រារព្ធខួបលើកទី៨០របស់បក្សកាន់អំណាច appeared first on Kampuchea Thmey Daily.

យោងតាមទីភ្នាក់ងារសារព័ត៌មានកណ្តាលកូរ៉េ (KCNA) លោក គីម បានធ្វើការកត់សម្គាល់​នេះ​កាលពីថ្ងៃអាទិត្យ​ទី​៥​ខែ​តុលា​ឆ្នាំ​២០២៥ អំឡុងពេលចុះ​​ទៅធ្វើ​​ទស្សនកិច្ច​នាវាពិឃាត Choe Hyon ដែលជានាវាពិឃាតពហុបំណងទម្ងន់ ៥ ០០០​តោនដំបូងរបស់កូរ៉េខាងជើង។

លោក គីម បាននិយាយ​ថា «សមត្ថភាពដ៏អស្ចារ្យនៃកងទ័ពជើងទឹករបស់យើង គួរតែត្រូវបានអនុវត្តនៅក្នុងមហាសមុទ្រដ៏ធំសម្បើម ដើម្បីទប់ស្កាត់ ឬប្រឆាំង និងដាក់ទណ្ឌកម្មលើការបង្កហេតុរបស់សត្រូវ» ដោយសង្កត់ធ្ងន់ថា គណបក្សកម្មករដែលកំពុងកាន់អំណាចនឹងជំរុញទៅមុខ«ដោយគ្មានការជាប់គាំងសូម្បីតែបន្តិច» ក្នុងការពង្រីកអំណាចប្រយុទ្ធរបស់កងទ័ពជើងទឹក។

កូរ៉េខាងជើង​បាន​បង្ហាញ​នាវា​ Choe Hyon ក្នុង​ខែមេសា ដោយ​ពណ៌នា​ថា ​វា​បាន​បំពាក់​ដោយ​មីស៊ីល​​បាលិស្ទិក​ល្បឿន​លឿន មីស៊ីល​គ្រូស​ និង​សមត្ថភាព​វាយប្រហារ​ផ្សេងទៀត។ កាលពីខែមិថុនា ប្រទេសនេះបានបើកដំណើរការ​នាវា​មួយ​គ្រឿង​ទៀតនៃថ្នាក់ដូចគ្នា​នេះ​គឺ Kang Kon បន្ទាប់ពីជួសជុល​រួច​រាល់​ក្រោយ​វាបានលិច​ទឹក​​នៅ​ចំ​ថ្ងៃសម្ពោធកាល​ពី​ខែឧសភា។

រដ្ឋាភិបាល​លោក គីម បានប្រកាសផែនការដាក់ឲ្យ​ប្រើប្រាស់នាវាពិឃាត​ទម្ងន់ ៥ ០០០​តោនបន្ថែមទៀតនៅខែតុលាឆ្នាំ​២០២៦​ខាង​មុខ ដោយបានគូសបញ្ជាក់ពីកិច្ចខិតខំប្រឹងប្រែងរបស់ខ្លួន ដើម្បីបង្កើនកម្លាំងទ័ពជើងទឹក រួមជាមួយនឹងកម្មវិធីមីស៊ីល និងនុយក្លេអ៊ែរ៕

ដោយ៖ ឈាង

The post មេដឹកនាំ​កូរ៉េខាងជើង អំពាវនាវ​ឲ្យ​មានកម្លាំង​ទ័ព​ជើងទឹកខ្លាំងជាងមុន ដើម្បី«ដាក់ទណ្ឌកម្មសត្រូវ» appeared first on Kampuchea Thmey Daily.

ការលើក​ឡើង​​នា​ថ្ងៃ​ទី​១​ខែ​តុលា​នេះ បានធ្វើឡើងបន្ទាប់ពីលោក គីម បានផ្តល់សញ្ញាកាលពីខែ​កញ្ញា​ថា លោកបានបើកចំហ​សម្រាប់កិច្ចពិភាក្សាជាថ្មី ប្រសិនបើក្រុងវ៉ាស៊ីនតោនបានទម្លាក់ការទទូចរបស់ខ្លួនលើការលុបបំបាត់អាវុធនុយក្លេអ៊ែររបស់កូរ៉េខាងជើង។ ខណៈពេលដែលសេតវិមានបានរំលឹកឡើងវិញថា គោលនយោបាយរបស់សហរដ្ឋអាមេរិកចំពោះទីក្រុងព្យុងយ៉ាងមិនមានការផ្លាស់ប្តូរនោះទេ មន្ត្រីសេតវិមាន​មិនបានលើកឡើង​អំពីការរំសាយអាវុធនុយក្លេអ៊ែរនៅក្នុងការកត់សម្គាល់​នា​ថ្ងៃពុធ​នេះ​ទេ។

យោង​តាម​ការ​ចុះផ្សាយ​របស់​ Yonhap មន្ត្រីសេតវិមាន​បាន​លើក​ឡើង​ថា «ប្រធានាធិបតី ត្រាំ ក្នុងអាណត្តិដំបូងរបស់គាត់ បានរៀបចំកិច្ចប្រជុំកំពូលជាប្រវត្តិសាស្ត្រចំនួនបីលើក​ជាមួយមេដឹកនាំកូរ៉េខាងជើង គីម ជុងអ៊ុន ដែលបានធ្វើ​ឲ្យ​ឧបទ្វីបកូរ៉េមានស្ថិរភាព។ គោលនយោបាយរបស់សហរដ្ឋអាមេរិកលើកូរ៉េខាងជើងមិនបានផ្លាស់ប្តូរទេ។ ប្រធានាធិបតី ត្រាំ នៅតែបើកចំហក្នុងការពិភាក្សាជាមួយលោក គីម ជុងអ៊ុន ដោយគ្មានលក្ខខណ្ឌជាមុនណាមួយឡើយ»។

នេះ​ជា​លើក​ទី​មួយ​ហើយ​ដែល​រដ្ឋបាល​លោក ត្រាំ ថ្លែង​ជា​សាធារណៈ​ថា​គ្មាន​លក្ខខណ្ឌ​តម្រូវ​​​ជា​មុន​ មុន​​ការ​សន្ទនា​។ ការ​លើក​ឡើង​នេះ ​កើត​ឡើង​មុន​ដំណើរ​ទស្សនកិច្ច​របស់​លោក ត្រាំ ទៅ​កាន់​ទីក្រុង Gyeongju ប្រទេស​កូរ៉េ​ខាង​ត្បូង​​នា​ថ្ងៃ​ទី​៣១​ខែ​តុលា​ដល់​ថ្ងៃ​ទី​១​ខែ​វិច្ឆិកា សម្រាប់​កិច្ចប្រជុំកំពូល APEC ដែលជាកន្លែងដែលមានការរំពឹងទុកថាគាត់អាចស្វែងរកកិច្ចប្រជុំលើកទីបួនជាមួយលោក គីម។

លោក ត្រាំ បានបង្ហាញចំណាប់អារម្មណ៍ម្តងហើយម្តងទៀតក្នុងការចាប់ផ្តើមកិច្ចចរចាឡើងវិញ ហើយ​លោក​បានស្នើ​ឲ្យ​​មាន​ការ​ចុះ​កិច្ចព្រមព្រៀងសន្តិភាពថែម​ទៀតផង​ ខណៈពេលដែលអ្នករិះគន់និយាយថា គាត់ធ្វើ​បែប​នេះ​ដើម្បីចង់​សាង​កេរ្តិ៍តំណែលជាមួយនឹង​ពាន​រង្វាន់ណូបែលសន្តិភាព។

លោក គីម បានពណ៌នាទំនាក់ទំនងផ្ទាល់ខ្លួនរបស់គាត់ជាមួយលោក ត្រាំ ថា«ល្អ» ហើយបានបើកទ្វារចំហសម្រាប់ការចូលរួមបន្ថែមទៀត។

អ្នកទាំងពីរធ្លាប់ជួបគ្នានៅសិង្ហបុរី​ឆ្នាំ​២០១៨ ហាណូយ​ឆ្នាំ​២០១៩ និងភូមិ Panmunjom ព្រំដែនអន្តរកូរ៉េ​ឆ្នាំ​២០១៩ ប៉ុន្តែការចរចាបានដួលរលំដោយសារការខ្វែងគំនិតគ្នាលើការបន្ធូរបន្ថយទណ្ឌកម្ម និងការរំសាយអាវុធនុយក្លេអ៊ែរ។

ទន្ទឹមនឹងនោះ កូរ៉េខាង​ជើង​បាន​បង្កើន​​ទ្វេ​ដង​លើ​ជំហរ​នុយក្លេអ៊ែរ​របស់​ខ្លួន។ កាលពីសប្តាហ៍មុន លោក គីម ជុងអ៊ុន បានបញ្ជាក់សាជាថ្មីថា កងកម្លាំងនុយក្លេអ៊ែររបស់ប្រទេសលោកនៅតែជា«កិច្ចការអាទិភាពកំពូលដ៏សំខាន់» ខណៈដែលអនុរដ្ឋមន្ត្រីការបរទេសលោក Kim Son-gyong បានប្រាប់មហាសន្និបាតអង្គការសហប្រជាជាតិកាលពីថ្ងៃចន្ទថា ឃ្លាំងអាវុធនុយក្លេអ៊ែររបស់ទីក្រុងព្យុងយ៉ាងត្រូវបានតម្កល់ក្នុងច្បាប់ជាទ្រព្យសម្បត្តិ«ពិសិដ្ឋ» និង«ខ្វះ​​ពុំ​បាន»។

កូរ៉េ​ខាង​ជើង​បាន​បដិសេធ​ជា​យូរ​មក​ហើយ​នូវ​កិច្ច​ព្រម​ព្រៀង​ដែល​តម្រូវ​​ឲ្យ​ខ្លួន​បោះបង់​ចោល​កម្មវិធី​នុយក្លេអ៊ែរ ដោយ​ហៅ​ការ​ទាមទារ​បែប​នេះ​ថា​ជា​ការ​វាយ​ប្រហារ​លើ​អធិបតេយ្យភាព​របស់​ខ្លួន៕

ដោយ៖ ឈាង

The post សេតវិមាន៖ លោក ត្រាំ បើកចំហ​ជួបលោក គីម ជុងអ៊ុន ដោយមិន​ចាំបាច់​កំណត់​លក្ខខណ្ឌជា​មុន appeared first on Kampuchea Thmey Daily.