ក្នុងឱកាសនោះ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានធ្វើការណែនាំដល់អ្នកមានឥទ្ធិពលលើបណ្តាញសង្គម អ្នកផលិតមាតិកា ពិធីករ ពិធីការិនី និងអ្នកសារព័ត៌មាន ឱ្យអនុវត្តគោលការណ៍ «៣កុំ ៣ត្រូវ» ដើម្បីធានាថា ការផ្សព្វផ្សាយព័ត៌មាន និងមាតិកាឌីជីថល មានសុចរិតភាព និងរួមចំណែកវិជ្ជមានដល់សង្គម។

គោលការណ៍ «៣កុំ» រួមមាន ៖
១. កុំផលិត និងកុំផ្សព្វផ្សាយ ឬចែករំលែកមាតិកាដែលបំពានសីលធម៌ វប្បធម៌ និងប្រពៃណីជាតិ។
២. កុំប្រើប្រាស់រូបភាព សម្តី កាយវិការ ឬសម្លៀកបំពាក់ដែលបន្ទាបតម្លៃស្ត្រី ឬប៉ះពាល់ដល់សេចក្តីថ្លៃថ្នូររបស់មនុស្ស ដើម្បីទាក់ទាញការចាប់អារម្មណ៍ ឬបង្កើនការលក់របស់ខ្លួន។
៣. កុំផ្សព្វផ្សាយព័ត៌មាន ឬពាណិជ្ជកម្ម ដែលមិនពិត មិនបានផ្ទៀងផ្ទាត់ បំភាន់សាធារណជន ឬអាចបង្កការយល់ច្រឡំដល់អ្នកប្រើប្រាស់។

គោលការណ៍ «៣ត្រូវ» រួមមាន ៖
១. ត្រូវគោរពការពិត ភាពត្រឹមត្រូវ សុច្ចរិតភាព និងក្រមសីលធម៌វិជ្ជាជីវៈ។
២. ត្រូវគោរពកិត្តិយស សេចក្តីថ្លៃថ្នូរ និងគុណតម្លៃរបស់មនុស្ស ជាពិសេសស្ត្រី និងយុវជន។
៣. ត្រូវទទួលខុសត្រូវ ចំពោះឥទ្ធិពលនៃមាតិកា ពាក្យសម្តី ការបង្ហាញខ្លួន និងការផ្សព្វផ្សាយពាណិជ្ជកម្មរបស់ខ្លួនចំពោះសង្គម។

ជាមួយគ្នានេះ រដ្ឋមន្ត្រីក្រសួងព័ត៌មាន ក៏បានផ្ញើសារដាស់តឿនដល់យុវជន និងអ្នកប្រើប្រាស់បណ្តាញសង្គម ឱ្យចេះគិតពិចារណាមុននឹងធ្វើការ Like, Share ឬ Comment ដោយត្រូវសួរខ្លួនឯងថា សកម្មភាពទាំងនោះជួយលើកកម្ពស់សង្គម ឬអាចបង្កផលប៉ះពាល់ដល់អ្នកដទៃកម្រិតណា។

សិក្ខាសាលានេះក៏បានគូសបញ្ជាក់ផងដែរថា យុវជនគឺជាកម្លាំងដ៏សំខាន់ក្នុងការកសាងវប្បធម៌ឌីជីថលប្រកបដោយសីលធម៌ និងការច្នៃប្រឌិត ខណៈបច្ចេកវិទ្យា និងបណ្តាញសង្គម អាចក្លាយជាឧបករណ៍ដ៏មានតម្លៃសម្រាប់ការអប់រំ និងលើកកម្ពស់វប្បធម៌ជាតិ ប្រសិនបើប្រើប្រាស់ដោយការទទួលខុសត្រូវ។

តាមរយៈការអំពាវនាវនេះ ក្រសួងព័ត៌មានបានស្នើឱ្យអ្នកសារព័ត៌មាន អ្នកផលិតមាតិកា អ្នកផ្សព្វផ្សាយពាណិជ្ជកម្ម និងអ្នកពាក់ព័ន្ធទាំងអស់ រួមគ្នាបង្កើតបរិយាកាសផ្សព្វផ្សាយដែលផ្តល់តម្លៃដល់ការអប់រំ ចំណេះដឹង និងវប្បធម៌ជាតិ ជៀសវាងមាតិកាដែលអាចបំពុលសង្គម ឬបន្ទាបតម្លៃសីលធម៌៕

The post រដ្ឋមន្ត្រីក្រសួងព័ត៌មាន ណែនាំឱ្យរួមគ្នាអនុវត្ត «៣កុំ ៣ត្រូវ» ដើម្បីលើកកម្ពស់សីលធម៌ និងគុណតម្លៃសង្គម appeared first on Kampuchea Thmey Daily.

រដ្ឋមន្ត្រីបានលើកឡើងថា ប្រព័ន្ធផ្សព្វផ្សាយបានដើរតួនាទីសំខាន់ ហើយក្នុងនោះបណ្តាញសង្គមបានក្លាយជាប្រភពព័ត៌មានដ៏សំខាន់របស់ប្រជាពលរដ្ឋ ជាពិសេស Facebook និង Tiktok គឺជាមូលដ្ឋានសំខាន់នៃការផ្តល់ព័ត៌មាន។ ត្បិត Facebook និង Tiktok សុទ្ធតែជាប្រភពព័ត៌មានដ៏សំខាន់ ប៉ុន្តែវាបានផ្តល់ទាំងផលប្រយោជន៍ និងគុណវិបត្តិ។ ចំពោះផលប្រយោជន៍ វាមានភាពសំម្បូរបែបនៅក្នុងការទទួលព័ត៌មាន, ប្រជាពលរដ្ឋ មានឱកាសទទួលបានព័ត៌មានលឿន​រហ័ស ហើយសម្បូរបែប។

ចំណែកគុណវិបត្តិ គឺមានព័ត៌មានដែលមិនសមប្រកប ព័ត៌មានដែលមានចរិកបំពុល បំភ្លៃ បំភ្លើស បំភាន់ ធ្វើឱ្យប្រជាពលរដ្ឋដែលមានចំណេះដឹងនៅមានកម្រិត ឬមិនមានប្រភពព័ត៌មានច្បាស់លាស់ មិនដឹងថាតើប្រភពព័ត៌មាននេះ ពិត ឬមិនពិត។ ជាចំណុចនៃបញ្ហាដែលសង្គមបច្ចុបន្ន កំពុងតែជួបប្រទះ។

លោកបានសង្កត់ធ្ងន់ថា «ប្រជាជនបច្ចុប្បន្ននេះ និន្នាការរបស់គាត់គឺទៅ Facebook និង Tiktok ដើម្បីទទួលបានព័ត៌មាន។ Facebook និង Tiktok លឿន ប៉ុន្តែជាមួយគ្នានេះ ក៏បង្កហានិភ័យទៅឱ្យប្រជាជន​ដែលជាអ្នកប្រើប្រាស់ ប្រសិនបើអ្នកផលិតមាតិកាទាំងអស់នោះអត់មានសីលធម៌ (បង្កើតនូវព័ត៌មានក្លែងក្លាយ បំភ្លៃ បំភ្លើស ដែលធ្វើឱ្យមានការយល់ច្រឡំ និងមានការគិតខុស ឬសម្រេចចិត្តខុស ឬប្រតិកម្មខុស)»។

បើតាមលោករដ្ឋមន្ត្រី មួយឆ្នាំចុងក្រោយនេះ ក្រសួងព័ត៌បានពង្រឹងលើការផ្សព្វផ្សាយព័ត៌មាន ដោយបានដាក់ចេញនូវយុទ្ធសាស្ត្រ ដើម្បីពង្រឹងសន្តិសុខព័ត៌មាន ដែលផ្តោតសំខាន់ទៅលើ ៣ចំណុច ទី១. ការទទួលបានសិទ្ធិទទួលបានព័ត៌មាន ២.គុណភាពព័ត៌មាន ៣.សុវត្ថិភាព័ត៌មាន។ លោកបន្តថា គុណភាពព័ត៌មាន និងសុវត្ថិភាព័ត៌មាន គឺជាមូលបទធំ ដែលត្រូវពង្រឹង ព្រោះប្រជាជនត្រូវការចំណេះដឹង ហើយអ្នកផលិតមាតិកាត្រូវគិតតម្រង់ទិសបន្ថែមទៀតពាក់ព័ន្ធកិច្ចការទាំងអស់ ជាពិសេសត្រូវគិតថា ការដែលយើងផ្សាយចេញ ឬការដែលយើងផលិតមាតិកា តើយើងត្រូវធ្វើយ៉ាងមិច ដើម្បីទាក់ទាញការមើលផង និងគោរពក្រមសីលធម៌ផង?

តាមរយៈកិច្ចប្រជុំនេះ រដ្ឋមន្ត្រីមក្រសួងព័ត៌មាន ក៏បានលើកទឹកចិត្តឱ្យអ្នកផលិតមាតិកា តាមបណ្តាញសង្គម ដែលផ្សព្វផ្សាយជុំវិញបញ្ហាព្រំដែន ឈរលើគោលការណ៍ត្រឹមត្រូវ មានប្រភពផ្លូវការច្បាស់លាស់ ដែលជាមូលដ្ឋានគ្រឹះដ៏រឹងមាំ។ ជាពិសេស ពេលផលិតមាតិការ ត្រូវគិតឱ្យបានល្អិតល្អន់ជៀសវាងបង្កឱ្យមានភាពចលាចលដល់សង្គម ហើយគួរជ្រើរើសប្រធានបទណា ដែលអាចជួយដល់ប្រជាជនឱ្យពួកគាត់បានយល់កាន់តែច្បាស់។ ជាមួយគ្នានេះ លោកក៏បាន គាំទ្រដល់អ្នកផលិតមាតិកាណា ដែលចង់ចុះទៅតាមបន្ទាត់ព្រំដែនផ្ទាល់ផងដែរ៕

ដោយ៖ គេន ម៉ាលិះ

The post រដ្ឋមន្ត្រីក្រសួងព័ត៌មាន ជំរុញឱ្យអ្នកផលិតមាតិកាតាមបណ្តាញសង្គម ផ្សាយអ្វីដែលពិត មិនបង្កចលាចលប៉ះពាល់ដល់សង្គម appeared first on Kampuchea Thmey Daily.

ថ្លែង​នៅ​ក្នុង​ឱកាសអញ្ជើញសម្ពោធសមិទ្ធិផលនានា នៅលើទឹកដីកោះទ្រុង នារសៀលថ្ងៃទី១៥ ខែមីនា ឆ្នាំ២០២៦ លោក នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​ក្រចេះ បាន​អំពាវនាវ​ដល់​ប្រជាពលរដ្ឋ​នៅសង្កាត់កោះទ្រង់ ឱ្យបន្តយកចិត្តទុកដាក់ថែរក្សាពូជក្រូចថ្លុង ដែលជា​ដំណាំ​សម្គាល់​ភូមិសាស្ត្រ GI ដ៏មានតម្លៃរបស់តំបន់នេះ ឱ្យបាន​ល្អហើយ​ពង្រីក​ការ​ដាំដុះ​បន្ថែម​ដើម្បី​បង្កើន​ចំណូល និង​ដើម្បីលើកកម្ពស់សេដ្ឋកិច្ចជីវភាពគ្រួសារ។

លោក​រដ្ឋមន្ត្រី បាន​បន្ត​ថា បច្ចុប្បន្ននេះ ​កម្ពុជា​មានផលិតផល​ដែល​ទទួល​បាន​ការចុះបញ្ជីជា ផលិតផល​សម្គាល់​ភូមិ​សាស្ត្រ (Geographical Indication – GI) ចំនួន ៦ មុខ ហើយក្រូចថ្លុង គឺ​ជា​ផលិតផល​មួយ​ក្នុង​ចំណោម​ផលិត​ផល​​ទាំងនេះ ដែលបានទទួលស្គាល់កាលពីថ្ងៃទី២៥ ខែមិថុនា ឆ្នាំ២០១៨ ដើម្បីរួមចំណែក​ការពារ​អត្តសញ្ញាណ​ផលិត​ផល​​ប្រពៃណី សំដៅ​ធ្វើ​ឱ្យមានកំណើនសេដ្ឋកិច្ចជាតិ។ ខណៈបច្ចុប្បន្ន ផ្លែក្រូចថ្លុងកោះទ្រង់ ត្រូវបានចាត់​ទុកថា ជាផ្លែ​ឈើ​ធម្មជាតិដ៏ពេញនិយម មានឱជារសឆ្ងាញ់ និងកេរ្តិ៍ឈ្មោះ​ល្បីល្បាញ​តាំង​ពី​យូរ​ណាស់​មកហើយប្រចាំខេត្តក្រចេះ។

សូម​ជម្រាប​ថា ក្រូចថ្លុងកោះទ្រង់ ជាផលិតផលមួយដែលត្រូវបានទទួលស្គាល់ជាផលិតផលសម្គាល់ភូមិសាស្ត្រ GI ក្នុង​ចំណោម​ផលិតផល​ដែល​បាន​ទទួល​ស្គាល់​ទាំង​អស់​។ ក្នុងនោះរួមមាន ម្រេចកំពត ស្ករត្នោតកំពង់ស្ពឺ ទឹកឃ្មុំព្រៃមណ្ឌលគិរី អង្ករក្រអូបព្រះវិហារ ក្រូចថ្លុងកោះទ្រង់ ប្រហុកសៀមរាប ជាដើម។

ក្រូចថ្លុងកោះទ្រង់ ជាប្រភេទពូជក្រូចមួយប្រភេទ​ដែល​មានលក្ខណៈ​ពិសេសខុសពីពូជក្រូចនៅតាម​តំបន់​នានា នៅ​ក្នុង​ប្រទេស ដែល​មានរសជាតិផ្អែមឆ្ងាញ់ជាប់ចិត្ត និង​ជា​ផលិតផល​ល្បីល្បាញប្រចាំ​នៅ​ក្នុង​សង្កាត់កោះទ្រង់ ក្រុង​ក្រចេះ ខេត្តក្រចេះ។

យោង​តាម​សាលា​សង្កាត់​កោះទ្រង់ មាន​ពលរដ្ឋដាំក្រូចថ្លុងប្រហែល ៩០% លើផ្ទៃដីប្រមាណជាង ៣០ ហិកតា ដោយ​មាន​ដើមក្រូចថ្លុង​ប្រមាណជាង ១ ម៉ឺន​ដើម ហើយក្នុងមួយដើមអាចមានផ្លែយ៉ាងតិច ១០០ផ្លែ ក្នុង​មួយឆ្នាំ។ បច្ចុប្បន្ន ក្រូចថ្លុងកោះទ្រង់ អាចលក់បានក្នុងតម្លៃ ១គីឡូក្រាម ពី ៧,០០០ ទៅ ៨,០០០រៀល (តម្លៃបេះចេញពីដើម)៕

អត្ថបទ៖ ប្រុញ វិធិន

The post រដ្ឋមន្ត្រីព័ត៌មាន ជំរុញឱ្យពលរដ្ឋប្រើប្រាស់បច្ចេកទេសកសិកម្មសមស្រប និងសហការគ្នាអភិវឌ្ឍដំណាំក្រូចថ្លុងឱ្យកាន់តែមានគុណភាពខ្ពស់ appeared first on Kampuchea Thmey Daily.

ជុំវិញប្រតិកម្មនេះ សាធារណជនបានបង្ហាញការគាំទ្រយ៉ាងពេញទំហឹង និងស្នើឱ្យមានចំណាត់ការបន្ទាន់ផងដែរលើរឿងនេះ ព្រោះបារម្ភពីការធ្លាក់ចុះសីលធម៌ក្នុងសង្គមខ្មែរ។

យោងតាមរដ្ឋមន្ត្រីក្រសួងព័ត៌មាន បញ្ជាក់ថា តាមការស្រាវជ្រាវបឋម បទចម្រៀងនេះមានសង្ស័យថាបង្កើតឡើងដោយបញ្ញាសិប្បនិម្មិត (AI) ដែលអាចបង្កើតបទចម្រៀងថ្មីៗក្នុងរយៈពេលខ្លី ប៉ុន្តែខ្លឹមសារមានលក្ខណៈអាសអាភាស និងមិនសមរម្យ។

ហេតុនេះ លោកអំពាវនាវឱ្យសាធារណជនកុំចែករំលែកបទចម្រៀងនេះ និងចូលរួមទប់ស្កាត់ការចែករំលែកខ្លឹមសារដេលប្រាសចាកក្របសីលធម៌ និងមានលក្ខណៈចំអេះចំអាស អាសអាភាស និងថ្លែងអំណរគុណចំពោះកិច្ចសហការរបស់សាធារណជន ក៏ដូចជាអំពាវនាវឱ្យប្រើប្រាស់បណ្តាញសង្គមដោយមានការពិចារណា និងច្បាប់ប្រកបដោយទំនួលខុសត្រូវ។

គួរឱ្យដឹងដែរថា blueprint_officail ជាគណនីបណ្តាញសង្គម Tik Tok របស់យុវជនម្នាក់ ដែលនិយមតុបតែងខ្លួនស្រស់ស្អាតសុិចសុី ច្រៀងរាំត្រាប់ style ចម្រៀងលើបណ្តាញសង្គម ខណៈបទចម្រៀងដែលមានខ្លឹមសារមិនសមរម្យនោះ ក៏មានប្រភពចេញពីគណនីយុវជនរូបនោះផងដែរ។ តែយ៉ាងណា គិតព្រឹកថ្ងៃទី១៥ ខែមីនានេះ បទចម្រៀងចំណងជើង “Smell Bad” ដែលមានខ្លឹមសារអាសអាភាសនោះ បានបាត់ពីវេទិកាផ្សព្វផ្សាយលើបណ្តាញសង្គមទៅហើយ៕

The post ក្រសួងកំពុងស្រាវជ្រាវករណីចម្រៀង AI ខ្លឹមសារអាសអាភាស ខណៈសាធារណជនស្នើឱ្យមានចំណាត់ការបន្ទាន់ appeared first on Kampuchea Thmey Daily.

ការវាយតម្លៃបែបនេះ របស់ប្រធានក្រុមការងារគណបក្សចុះមូលដ្ឋានខេត្តក្រចេះ បានធ្វើឡើងនៅព្រឹកថ្ងៃទី១ ខែកុម្ភៈ ឆ្នាំ២០២៦នេះ ក្នុង​ឱកាសដែល​លោក​បាន​អញ្ជើញជាអធិបតីភាពដឹកនាំកិច្ចប្រជុំបូកសរុបលទ្ធផលការងារគណបក្សប្រចាំឆ្នាំ២០២៥ និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានខេត្តក្រចេះ។

ពិធី​នេះ​មាន​ការ​អញ្ជើញ​ចូល​រួម​ពី​អនុប្រធាន សមាជិក​សមាជិកា​នៃក្រុមការងារគណបក្សចុះមូលដ្ឋានខេត្តក្រចេះ ព្រមទាំងថ្នាក់ដឹកនាំនៃគណៈកម្មាធិការបក្សប្រជាជនកម្ពុជាខេត្តក្រចេះ ព្រមទាំងសមាជិក សមាជិកាក្រុមការងារចុះមូលដ្ឋាន តំណាងមន្ត្រីបក្សថ្នាក់ក្រុងស្រុក ឃុំ សង្កាត់ ជាច្រើនរយនាក់។

នាឱកាសនោះដែរ លោក នេត្រ ភក្ត្រា ក៏បានណែនាំដល់ក្រុមការងារគណបក្ស​ចុះ​មូលដ្ឋាន​ខេត្តក្រចេះ ត្រូវត្រៀមខ្លួនរៀបចំកម្លាំង ពង្រឹង​កម្លាំងដើម្បីឈានឆ្ពោះទៅ​រកការ​បោះឆ្នោតជ្រើសតាំងសមាជិកក្រុមប្រឹក្សាឃុំ សង្កាត់ ដែលគ្រោងនឹងធ្វើឡើងនៅថ្ងៃទី០៦ ខែមិថុនា ឆ្នាំ២០២៧ ខាងមុខនេះ ដើម្បីវាយតម្លៃលើការងារស្វែងរកបញ្ហាប្រឈម ចំណុចខ្លាំង និងចំណុចខ្សោយ ដើម្បីស្វែងរកដំណោះស្រាយនៅចំពោះមុខ។

លោក នេត្រ ភក្ត្រា ក៏បានលើកឡើងថា នៅក្នុងមូលដ្ឋានមានតួអង្គសំខាន់៦ នៅក្នុងមូលដ្ឋានដែលជាបង្គោលដ៏រឹងមាំនៅក្នុងមូលដ្ឋានរួមមានទី១ មេឃុំ ចៅសង្កាត់, ទី២៖ ស្មៀនឃុំ សង្កាត់, ទី៣៖ ជំទប់ឃុំ សង្កាត់, ទី៤៖ ប៉ុស្តិ៍នគរបាលរដ្ឋបាលឃុំ សង្កាត់, ទី៥៖ ប្រធានមណ្ឌលសុខភាព, និងទី៦៖ មេភូមិ ដូចនេះតួអង្គសំខាន់ចំនួន០៦ គឺជាតួអង្គធធំដែលធ្វើឱ្យគណបក្សនៅក្នុងមូលដ្ឋានខ្លាំង ឬខ្សោយ ដូច្នេះ ត្រូវខិតខំយកចិត្តទុកដាក់អនុវត្តន៍តួនាទី ភារកិច្ច​របស់ខ្លួនក្នុងផ្តល់សេវាសាធារណៈនានា​ជូនប្រជាពលរដ្ឋរបស់ខ្លួនដោយយកចិត្ដទុកដាក់បំផុត។

ទន្ទឹមនឹងនេះដែរ លោក​នេត្រ ភក្ត្រា បានគូសបង្ហាញពីភាពសកម្មរបស់សមាជិក សមាជិកាបក្សប្រជាជនកម្ពុជាខេត្តក្រចេះ ដែលបានសហការគ្នាក្នុងរូបភាពជាធ្លុងមួយ នៃការចុះជួយមូលដ្ឋានចំណុចនេះជារឿងដ៏សំខាន់ដែលបានអនុវត្តន៍តាមទិសស្លោករបស់គណបក្ស គឺភាពរឹងមាំ និងភាពឈ្នះរបស់គណបក្សប្រជាជនកម្ពុជា គឺពឹងលើអំពើល្អរបស់សមាជិកគណបក្ស។

ជាក់ស្តែងសមាជិករបស់គណបក្សបានចុះអន្តរាគមន៍ភ្លាមៗទៅដល់មូលដ្ឋានដែលបង្ហាញពីការយកចិត្តខ្ពស់ ចំពោះប្រជាពលរដ្ឋដែលជាសំលេងឆ្នោតរបស់គណបក្សប្រជាជនកម្ពុជា ជាពិសេសគឺការផ្តល់នូវទំនុកចិត្ត និងភាពកក់ក្តៅរបស់ពួកគាត់មកលើគណបក្សប្រជាជនកម្ពុជា។

លោក នេត្រ ភក្ត្រា ក៏បានលើកទឹកចិត្ត និង​ជំរុញក្រុមការងារ​បន្ត​ការ​បម្រើ​ប្រជាពលរដ្ឋកាន់តែខ្លាំងក្លាបន្ថែមទៀត ការកសាងអំពើល្អ ធ្វើអំពើល្អ និងរួមសុខទុក្ខជាមួយប្រជាពលរដ្ឋ គឺជាគោលការណ៍មួយរបស់គណបក្សប្រជាជនកម្ពុជា ដើម្បីធ្វើយ៉ាងឱ្យខេត្តក្រចេះជាមូលដ្ឋានដ៏រឹងមាំមួយសម្រាប់គណបក្សប្រជាជនកម្ពុជា និង​ទទួល​បាន​ការ​ជឿទុកចិត្តខ្ពស់ពីប្រជាពលរដ្ឋលើរាជរដ្ឋាភិបាលកម្ពុជា។

ប្រធានក្រុមការងារបានផ្តាំផ្ញើដល់ប្រធាន អនុប្រធាន និងក្រុមការងាររាជរដ្ឋាភិបាលចុះមូលដ្ឋាន ស្រុក ក្រុង ទាំង៧ ក្នុងខេត្តក្រចេះ ត្រូវបន្តការផ្សារភ្ជាប់នូវទំនាក់ទំនងល្អជាប្រជាពលរដ្ឋ ហើយបន្តរៀបចំវេទិកាសាធារណៈនៅតាមឃុំ ស្រុកនានា ដើម្បីក្តាប់ឱ្យបាននូវក្តីកង្វល់ សំណើ និងសំណូមពរពីប្រជាពលរដ្ឋនៅមូលដ្ឋាន ដើម្បីរួមគ្នាដោះស្រាយនូវរាល់បញ្ហាដែលកើតមានឡើង ជាពិសេសបន្តរួមគ្នាក្នុងការថែរក្សាសន្តិភាព និងបន្តជំរុញការ អភិវឌ្ឍសេដ្ឋកិច្ច សង្គម ដើម្បីលើកស្ទួយជីវភាពរបស់ប្រជាជន។

បន្ថែមពីនេះ លោក នេត្រ ភក្ត្រា ក៏បានលើកទឹកចិត្តដល់មន្ត្រីទាំងអស់ ត្រូវហ៊ានតែនិយាយពីចំណុចខ្វះខាត ដើម្បីឈានទៅរកដំណោះស្រាយភ្លាមៗ ទាន់ពេលវេលា និងត្រូវមានសាមគ្គីភាពផ្ទៃក្នុងឱ្យរឹងមាំ ដើម្បីផ្តល់នូវជំនឿចិត្តដល់ប្រជាពលរដ្ឋឱ្យកាន់តែខ្លាំងក្លាបន្ថែមទៀតចំពោះមន្ត្រីគណបក្សប្រជាជនកម្ពុជា។ សម្រាប់គោលដៅរួមរបស់គណបក្សប្រជាជនកម្ពុជា គឺបម្រើប្រជាជនដោយភាពស្មោះត្រង់។

លោក នេត្រ ភក្ត្រា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តក្រចេះ នៅព្រឹកថ្ងៃទី១ ខែកុម្ភៈ ឆ្នាំ២០២៦នេះ អញ្ជើញជាអធិបតីភាពដឹកនាំកិច្ចប្រជុំបូកសរុបលទ្ធផលការងារគណបក្សប្រចាំឆ្នាំ២០២៥ និងលើកទិសដៅការងារបន្ត របស់ក្រុមការងារគណបក្សចុះមូលដ្ឋានខេត្តក្រចេះ។

ពីធីនេះដោយមានការអញ្ជើញចូលរួមពីអនុប្រធាន សមាជិកសមាជិកានៃក្រុមការងារគណបក្សចុះមូលដ្ឋានខេត្តក្រចេះ ព្រមទាំងថ្នាក់ដឹកនាំនៃគណៈកម្មាធិការបក្សប្រជាជនកម្ពុជាខេត្តក្រចេះ ព្រមទាំងសមាជិក សមាជិកាក្រុមការងារចុះមូលដ្ឋាន តំណាងមន្ត្រីបក្សថ្នាក់ក្រុងស្រុក ឃុំ សង្កាត់ ជាច្រើនរយនាក់៕

រូបថត ៖ ខឹម សុវណ្ណារ៉ា

The post លោក នេត្រ ភក្ត្រា វាយ​តម្លៃខ្ពស់ចំពោះក្រុមការងារគណបក្សចុះមូលដ្ឋានខេត្តក្រចេះនិងស្នើបន្តខិតខំបន្ថែមទៀត appeared first on Kampuchea Thmey Daily.

ការណែនាំ ធ្វើនៅរសៀលថ្ងៃទី១៦ ខែមករា ឆ្នាំ២០២៦ ក្នុងឱកាសលោកជួបសំណេះសំណាលជាមួយក្រុមនិស្សិតជ័យលាភីអាហាររូបករណ៍រដ្ឋាភិបាលនូវេសេឡង់ សម្រាប់ឆ្នាំសិក្សា២០២៦-២០២៧ មុនចេញដំណើរទៅសិក្សា។ ជំនួបនេះបានធ្វើឡើងនៅសាលព្រះវិហារ នៃទីស្តីការក្រសួងព័ត៌មាន។

នាឱកាសនោះដែរ លោករដ្ឋមន្ត្រី នេត្រ ភក្ត្រា ក៏បានចែករំលែកអំពីបទពិសោធន៍ អនុសាសន៍ និងការណែនាំល្អៗ ដែលជាទស្សនទានដ៏មានតម្លៃបំផុតសម្រាប់និស្សិតយកទៅសិក្សាស្វែងយល់ និងជួយផ្សព្វផ្សាយពីវប្បធម៌ អរិយធម៌ និងការអភិវឌ្ឍរបស់ជាតិ ក្នុងគោលបំណងឱ្យពិភពលោកបានយល់ដឹងកាន់តែច្បាស់អំពីប្រទេសកម្ពុជាថែមទៀត។

លោក នេត្រ ភក្ត្រា ក៏បានលើកឡើងអំពីសមិទ្ធផលសំខាន់ៗ និងការងារជាច្រើនដែលក្រសួងបាននឹងកំពុងអនុវត្តក្នុងនាមជាសេនាធិការរបស់រាជរដ្ឋាភិបាល ដោយបានកំពុងអនុវត្តលើវិស័យព័ត៌មាន និងសោតទស្សន៍នៅកម្ពុជាឱ្យកាន់តែមានការអភិវឌ្ឍកាន់តែប្រសើរឡើង។ ព្រមទាំងដំណើរនៃការអភិវឌ្ឍរបស់ប្រទេសកម្ពុជា បន្ទាប់ពីបិទបញ្ចប់សង្គ្រាមស៉ីវិល រហូតមានការឯកភាពជាតិ និងមានការអភិវឌ្ឍលើគ្រប់វិស័យ ក្រោមចក្ខុវិស័យដឹកនាំដ៏ច្បាស់លាស់ ត្រឹមត្រូវរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តវេនដោយសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃកម្ពុជា។

នៅចំពោះមុខនិស្សិតជ័យលាភី លោករដ្ឋមន្ត្រី ក៏បានចូលរួមអបអរសាទរ និងកោតសរសើរចំពោះនិស្សិតជ័យលាភីទាំងអស់ ក៏ដូចជាជំរុញលើកទឹកចិត្តឱ្យនិស្សិតទាំងអស់យកចិត្តទុកដាក់ និងខិតខំប្រឹងប្រែងសិក្សារៀនសូត្រទាំងនៅក្នុងសាលា និងស្វែងយល់ចំណេះដឹងថ្មីៗបន្ថែមពីមជ្ឈដ្ឋានខាងក្រៅ និងពង្រឹងសមត្ថភាពរបស់ខ្លួន ដើម្បីទទួលបាននូវលទ្ធផលដ៏ល្អប្រសើរ និងចូលរួមក្នុងការអភិវឌ្ឍកសាងសង្គម-សេដ្ឋកិច្ចកម្ពុជា ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលអាណ្តិតទី៧ និងសក្តានុពលជំនាញរៀងៗខ្លួនជាមួយរាជរដ្ឋាភិបាលនៅពេលវិលត្រឡប់មកមាតុប្រទេសវិញ។

បន្ថែមពីនេះ លោក នេត្រ ភក្ត្រា បានជំរុញឱ្យនិស្សិតអាហារូបករណ៍ទាំងអស់ យកចិត្តទុកដាក់ខិតខំរៀនសូត្រឱ្យអស់ពីសមត្ថភាព ប្រឹងប្រែងដកបទពិសោធ និងពង្រឹងចំណេះដឹង ចាប់យកជំនាញឱ្យបានច្បាស់ ដើម្បីក្លាយជាមូលធនមនុស្សវិលត្រឡប់មកអភិវឌ្ឍប្រទេសជាតិឱ្យរីកចម្រើន ដោយគូសបញ្ជាក់ថាធនធានមនុស្សខ្លាំង ទើបប្រទេសជាតិមានការអភិវឌ្ឍប្រកបដោយចីរភាព និងជាខឿនការពារប្រទេសជាតិដ៏រឹងមាំពីការរំលោភបំពានពីប្រទេសដទៃ។

សូមជម្រាបដែរថា សម្រាប់ឆ្នាំសិក្សា២០២៦-២០២៧ និស្សិតកម្ពុជាចំនួន៣២រូប ដែលក្នុងនោះមានស្ត្រី១៦រូប មកពីក្រសួង-ស្ថាប័នសាធារណៈ ក្រុមហ៊ុនឯកជន និងអង្គការក្រៅរដ្ឋាភិបាល បានទទួលអាហាររូបករណ៍រដ្ឋាភិបាលនូវែលសេឡង់។ ក្នុងនោះមាននិស្សិតថ្នាក់អនុបណ្ឌិត ចំនួន២៨រូប និងបណ្ឌិតចំនួន៤រូប ដែលនឹងសិក្សាលើមុខជំនាញផ្សេងៗគ្នារួមមាន៖ ការប្រែប្រួលអាកាសធាតុ កសិកម្ម និងសន្តិសុខស្បៀង ការគ្រប់គ្រងគ្រោះមហន្តរាយ ថាមពលកកើតឡើងវិញ អភិបាលកិច្ច និងការអប់រំជាដើម។ តួលេខ និងភាពចម្រុះនៃមុខវិជ្ជាសិក្សានេះ ឆ្លុះបញ្ចាំងពីសក្តានុពល និងការវិវត្តសមត្ថភាព ពីកម្រិតធនធានមនុស្សទៅមូលធនមនុស្សពេញលេញ និងសមប្រកប៕

The post រដ្ឋមន្ត្រីក្រសួងព័ត៌មាន ណែនាំនិស្សិតអាហាររូបករណ៍ដែលត្រៀមទៅរៀននៅនូវេសេឡង់ ជួយផ្សព្វផ្សាយពីកម្ពុជាឱ្យបានច្រើន appeared first on Kampuchea Thmey Daily.

លោក នេត្រ ភក្រ្តា រដ្ឋមន្ត្រីក្រសួងព័ត៌មាន បានសរសេរនៅថ្ងៃចន្ទ ទី១៥ ខែធ្នូនេះ ថា «ព័ត៌មានក្លែងក្លាយច្រើន និងមានគណនីក្លែងក្លាយជាភាសាខ្មែរដែលថៃបានបង្កើត ដើម្បីផ្សព្វផ្សាយព័ត៌មានសតិអារម្មណ៍ច្រើន។ ដូច្នេះបើបងប្អូនសង្ស័យ ឬដឹងច្បាស់ថា ជាគណនីក្លែងក្លាយ សូម Block គណនីនោះចោលតែម្តង និង Report ទៅ Facebook ឬ TikTok ដើម្បីកុំឱ្យគណនីនោះបន្តបំពុលសង្គម»។ ចំពោះករណីគណនីក្នុងស្រុក ឬក្រៅស្រុក ដែលព្យាយាមបំពុលព័ត៌មាន លោករដ្ឋមន្ត្រី ក៏បានណែនាំឱ្យពលរដ្ឋ Unfollow ឬ Unfriend ដើម្បីបញ្ឈប់ការទទួលព័ត៌មាន។

ការណែនាំរបស់រដ្ឋមន្ត្រីក្រសួងព័ត៌មានពេលនេះ បន្ទាប់ពីលោកសង្កេតឃើញថា ភាគីថៃបានប្រើយុទ្ធសាស្ត្រក្នុងសង្គ្រាមព័ត៌មាន និងសតិអារម្មណ៍ របស់គេ គឺយុទ្ធសាស្ត្របំភ្លៃបំផ្លើស មួលបង្កាច់បង្កហេតុ ដើម្បីបង្កើតលេសឈ្លានពានកម្ពុជា ដោយថៃបានបង្កហេតុ ដើម្បីបង្វែរស្ថានការណ៍ពីការបែកបាក់ជាតិរបស់គេមកព្រំដែន ហើយពួកគេប្រឌិតរឿង និងចោទប្រកាន់មួលបង្កាច់គ្រប់រឿង ដើម្បីបង្កហេតុជាមួយកម្ពុជា។

បើតាមរដ្ឋមន្ត្រីរូបនេះ ព័ត៌មានដែលថៃបានផ្សព្វផ្សាយ គឺមានចរិតញុះញង់ បញ្ឆេះកំហឹង ឌឺដង និងមួលបង្កាច់រករឿងសព្វគ្រប់មកលើកម្ពុជា។ លោក ថា ពួកគេបង្ករឿងគ្រប់ទម្រង់ដើម្បីបង្កើតលេស និងញុះញង់ឱ្យកម្ពុជាតតាំង។

នៅចំពោះមុខនៃយុទ្ធសាស្ត្របង្កហេតុមួលបង្កាច់នេះ លោក នេត្រ ភក្ត្រា អំពាវនាវឱ្យសាធារណជនទាំងអស់រួមសាមគ្គីគ្នាទប់ស្កាត់ និងបន្សាបការបំភ្លៃ បំផ្លើស និងការមួលបង្កាច់របស់ភាគីថៃ ដោយស្នើសុំអ្នកសារព័ត៌មាន អ្នកបង្កើតមាតិកា និងអ្នកប្រើប្រាស់បណ្តាញសង្គម បន្តតាមដាន និងទទួលព័ត៌មានពីប្រភពផ្លូវការរបស់កម្ពុជា ហើយមុននឹងជឿលើការផ្សព្វផ្សាយរបស់ថៃ គឺត្រូវផ្ទៀងផ្ទាត់ជាមុន ឬសាកសួរប្រភពដែលមានការពាក់ព័ន្ធនឹងរឿងនេះ។

កុំចែករំលែកព័ត៌មានដែលមិនមានប្រភពច្បាស់លាស់ព័ត៌មានក្លែងក្លាយ និងកុំយកប្រភពព័ត៌មានពីសារព័ត៌មានថៃមកផ្សព្វផ្សាយបន្តដោយមិនបានផ្ទៀងផ្ទាត់ ព្រោះព័ត៌មានដែលភាគីថៃផ្សព្វផ្សាយជាព័ត៌មានឃោសនា និងជាព័ត៌មានសតិអារម្មណ៍។ ការពិតគឺនៅលើប្រភពព័ត៌មានផ្លូវការរបស់កម្ពុជា និងការពិតនៅកម្ពុជា។

ដំណាលគ្នានេះ រដ្ឋមន្ត្រីក្រសួងព័ត៌មាន លើកទឹកចិត្តដល់សាធារណជនបន្តចូលរួមនិយាយការពិតនៃការរងគ្រោះរបស់កម្ពុជាពីការឈ្លានពានប្រដាប់អាវុធរបស់យោធាថៃមកលើអធិបតេយ្យនិងបូរណភាពទឹកដីកម្ពុជា តាមរយៈការចែករំលែកផ្សព្វផ្សាយព័ត៌មានពីប្រភពផ្លូវការ និងផលិតព័ត៌មាន និងមាតាដែលបង្ហាញដល់ពិភពលោកពីការពិត ក៏ដូចជាការចូលរួមអំពាវនាវដល់សហគមន៍អន្តរជាតិជួយអន្តរាគមន៍បញ្ឈប់ការឈ្លានពានរបស់ថៃមកលើកម្ពុជា។

សាធារណជន សិល្បករ សិល្បការិនី អ្នកបង្កើតមាតិកា ចូលរួមបង្កើតមាតិកា បន្តចូលរួមកាន់តែខ្លាំងបង្កើតមាតិកាលើកទឹកចិត្តកងទ័ព សាមគ្គីភាពជាតិខ្មែរ និងប្រឆាំងដាច់ខាតលើការឈ្លានពានរបស់ថៃ និងអំពាវនាវឱ្យមានការបញ្ឈប់ជាបន្ទាន់នូវការឈ្លានពានយោធាថៃនេះ។

លោករដ្ឋមន្ត្រី ជឿជាក់ថា សាធារណជន អ្នកសារព័ត៌មាន អ្នកផលិតមាតិកាទាំងអស់នឹងចូលរួមទាំងអស់គ្នាដើម្បីកម្ពុជាឈ្នះក្នុងការប្រឆាំងនឹងសង្គ្រាមឈ្លានពានរបស់យោធាថៃ ដោយលោក ថា យើងម្នាក់ៗ គឺជាទាហានការពារជាតិម្នាក់៕

The post ដើម្បីទប់ទល់សង្គ្រាមសតិអារម្មណ៍ពីថៃ រដ្ឋមន្ត្រីព័ត៌មានកម្ពុជា ទទូចពលរដ្ឋ Block គណនីទាំងនោះចោលតែម្តង appeared first on Kampuchea Thmey Daily.

ជាមួយគ្នានេះ​ លោករដ្ឋមន្រ្តី អរគុណទីភ្នាក់ងារសារព័ត៌មានបារាំង AFP, AP, Reuters, EPA, Xinhua, CNA, Aljazeera, Phonex និងបណ្តាញសារព័ត៌មានអន្តរជាតិផ្សេងទៀតដែលបានផ្សព្វផ្សាយអត្ថបទពីទីភ្នាក់ងារ សារព័ត៌មានធំៗ ដូចជា CNN, France 24, Le Monde, BBC, Bloomberg, Wall Street Journal, The Guardian, The Times, The Independent, The Straits Times ជាដើម ជាពិសេសអ្នកសារព័ត៌មានជាតិកម្ពុជានានា ដែលបានចុះយកព័ត៌មានយ៉ាងសស្រាក់សស្រាំនៅតាមបណ្តាខេត្តដែលជាសមរភូមិប្រយុទ្ធ។

ក្នុងអំឡុងសង្គ្រាមឈ្លានពានពីសំណាក់យោធាថៃមកលើកម្ពុជា វិទ្យុនិងទូរទស្សន៍ជាតិកម្ពុជា ទីភ្នាក់ងារសារព័ត៌មានកម្ពុជា AKP ដើរតួនាទីមជ្ឈមណ្ឌលកណ្តាលផ្តល់ព័ត៌មានពីសមរភូមិមុខ។ ស្ថានីយវិទ្យុទូរទស្សន៍ឯកជន ប្រព័ន្ធផ្សព្វផ្សាយបែបថ្មីផ្សេងទៀត បានចូលរួមយ៉ាងសកម្មក្នុងការផ្តល់ព័ត៌មាន រួមទាំងអ្នកសារព័ត៌មានគ្មានអង្គភាព អ្នកមានឥទ្ធិពលក្នុងសង្គម និងអ្នកលេងបណ្តាញសង្គម។ លោក នេត្រ ភក្រ្តា គូសបញ្ជាក់ថា៖«អ្នកទាំងអស់គ្នាជាសំឡេងពិត និងបាននាំយកការពិតប្រឆាំងនឹងការភូតកុហក។ កម្ពុជាបានត្រៀមទទួលស្វាគមន៍អ្នកសារព័ត៌មានអន្តរជាតិផ្សេងៗទៀតមកយកព័ត៌មាននៅកម្ពុជា»។

ដោយឡែកប្រធានក្លិបកាសែតកម្ពុជា លោក ពុយ គា កាលពីថ្ងៃទី ១២ ខែធ្នូ បានដឹកនាំក្រុមអ្នកសារព័ត៌មានចម្រុះប្រមាណ២០ ស្ថាប័ន ផ្សាយជាភាសាខ្មែរ អង់គ្លេស បារាំង និងភាសាចិន ចុះដល់ជំរុំភៀសសឹក នៅខេត្តឧត្តរមានជ័យ ដើម្បីផ្តិតយកព័ត៌មានពិតផ្សព្វផ្សាយជូនសាធារណជាតិ និងអន្តរជាតិ។ លោកបានថ្លែងថា បេសកកម្មនេះ ដើម្បីឱ្យអ្នកសារព័ត៌មានបានឃើញពីតថភាពជាក់ស្តែងប្រជាពលរដ្ឋរងគ្រោះពិតប្រាកដដោយសារសង្គ្រាមថៃឈ្លានពានដែនអធិបតេយ្យភាពកម្ពុជា។

ក្រសួងព័ត៌មាន បានគិតគូរនិងយកចិត្តទុកដាក់បំផុតចំពោះសុវត្ថិភាពនៃអ្នកសារព័ត៌មានអំឡុងពេលមានសង្គ្រាម។ មន្ត្រីនៃក្រសួងព័ត៌មាន បានចូលរួមយ៉ាងសកម្មក្នុងការសម្របសម្រួលដំណើរចុះយកព័ត៌មាន និងធ្វើបទសម្ភាសជាមួយអាជ្ញាធរពាក់ព័ន្ធ ករណីចាំបាច់។ ជាមួយគ្នានេះ លោករដ្ឋមន្រ្តី ក៏សូមចូលរួមសោកស្តាយចំពោះអ្នកសារព័ត៌មានកម្ពុជាម្នាក់ដែលទទួលរងរបួសអំឡុងពេលចុះរាយការណ៍ព័ត៌មាននៅព្រឹកថ្ងៃទី៨ ខែធ្នូ បណ្តាលឱ្យអំបែងគ្រាប់ខ្ទាត់ត្រូវបណ្តាលឱ្យរបួសបែកមាត់៕

The post រដ្ឋមន្រ្តីព័ត៌មាន៖ ទីភ្នាក់ងារសារព័ត៌មានអន្តរជាតិល្បីៗបង្ហាញវត្តនៅកម្ពុជានាំយកការពិតថៃឈ្លានពានប្រាប់ពិភពលោក appeared first on Kampuchea Thmey Daily.