លោកបានលើកឡើងថា “ទីបំផុត អ្វីដែលខ្ញុំចង់បង្ហាញ គឺបានសម្រេចហើយ…” ដែលជាពាក្យសម្ដីពោរពេញដោយអារម្មណ៍ បន្ទាប់ពីការខិតខំប្រឹងប្រែងយ៉ាងយូរ ដើម្បីនាំយកអត្តសញ្ញាណខ្មែរ ទៅឈរលើឆាកអន្តរជាតិដ៏ធំបំផុតមួយរបស់ពិភពលោក។

ឈុត «ជ័យជម្នះនៃព្រះវិស្ណុផ្លែងសរ» មិនមែនគ្រាន់តែជាសម្លៀកបំពាក់សម្រាប់បង្ហាញម៉ូដប៉ុណ្ណោះទេ ប៉ុន្តែជាស្នាដៃសិល្បៈដែលបង្កប់ន័យជ្រាលជ្រៅពីជ័យជម្នះ កម្លាំងនៃជំនឿ និងពន្លឺនៃអរិយធម៌ខ្មែរ។ រាល់ក្បាច់រចនា ពណ៌ និងលម្អលើឈុត សុទ្ធតែឆ្លុះបញ្ចាំងពីភាពរុងរឿង និងភាពថ្លៃថ្នូរនៃវប្បធម៌ជាតិ ដែលត្រូវបានយកទៅបង្ហាញឱ្យពិភពលោកបានស្គាល់កាន់តែច្បាស់។

ក្រោយការបង្ហាញខ្លួនលើកម្រាលព្រំក្រហម ឈុតនេះក៏ទទួលបានការចាប់អារម្មណ៍ពីមហាជន និងអ្នកគាំទ្រជាច្រើន ដែលសរសើរពីភាពច្នៃប្រឌិត និងការលះបង់ចិត្តកាយរបស់ក្រុមការងារខ្មែរ ក្នុងការលើកស្ទួយវប្បធម៌ជាតិឱ្យមានតម្លៃលើឆាកអន្តរជាតិ។

ទោះបីដំណើរនេះពោរពេញដោយឧបសគ្គ និងការលំបាកជាច្រើនក៏ដោយ ប៉ុន្តែលទ្ធផលដែលបានឃើញនៅថ្ងៃនេះ បានក្លាយជាមោទនភាពដ៏មានតម្លៃសម្រាប់អ្នកបង្កើត ក៏ដូចជាប្រជាជនខ្មែរទាំងមូល ដែលបានឃើញស្នាដៃខ្មែរ បញ្ចេញពន្លឺយ៉ាងស្រស់ស្អាតនៅលើឆាកពិភពលោក៕

The post លោក អូលីវ៉ា គង់ បង្ហាញមោទនភាពខ្មែរលើកម្រាលព្រំក្រហម Cannes Festival 2026 ជាមួយឈុត «ជ័យជម្នះនៃព្រះវិស្ណុផ្លែងសរ» appeared first on Kampuchea Thmey Daily.

លោក ម៉ែន សីហា ហៅ អូលីវ៉ា គង់ បាន​ទទួល​ការអញ្ជើញដោយផ្ទាល់ពីមហោស្រពភាពយន្តទីក្រុងកានប្រទេសបារាំងជាលើកទី២ កាលពីប៉ុន្មានខែមុន ដែលបានក្លាយជាមោទកភាព​ថ្មីមួយទៀតរបស់លោកផ្ទាល់ និងក្នុងនាមជាជនជាតិខ្មែរ។

អូលីវ៉ា ប្រាប់​ថា ពេល​ទទួលបាន​អញ្ជើញភ្លាមៗ លោកពិតជាសប្បាយ​ចិត្ត ព្រោះជាទីកន្លែងដែល​សិល្បករ និងឥស្សរជនជាច្រើនជុំវិញពិភពលោក​ប្រាថ្នាចង់ទៅ។ សម្រាប់លោកផ្ទាល់ នេះគឺជាឱកាសថ្មីទៀតដែល​លោក​ចង់បង្កើតមោទកភាពថ្មីទៀតសម្រាប់ខ្លួនផង និងប្រទេសកំណើតរបស់លោកផង។ សំខាន់ជាងនេះ​ទៅទៀត លោក​ចង់នាំយកភាពឈឺចាប់​ខ្លះៗក្រោម​ការ​ឈ្លានពាន​របស់ប្រទេសថៃ ទៅកាន់វេទិកាអឺរ៉ុប។

លោកបានលើកឡើងថា អ្នកឈ្លានពានមួយនេះ បាន​ព្យាយាមតាមមធ្យោបាយជាច្រើន ដើម្បី​ប្រែក្លាយ​កម្ពុជា​ដែលអ្នករងគ្រោះទៅជាអ្នកបង្កហេតុក្នុងខ្សែភ្នែករបស់ពិភពលោក។ ដូច្នេះហើយ នេះជាឱកាស​ដែល​លោក​នឹងប្រើប្រាស់សំឡេង​ដ៏តូចរបស់ខ្លួន​តាមរយៈ​ស្នាដៃសិល្បៈទៅប្រាប់ពិភពលោក​ពីអ្វីដែលបានកើតឡើងមក​លើ​ប្រទេសកំណើតរបស់លោក។ លោក​បង្ហាញក្តីស្រណោះ ចំពោះ​ជាតិ ក៏ដូចជា​ទឹកដីកំណើតរបស់លោកនៅចំពោះមុខ​ការ​ឈ្លានពានរបស់​អ្នកជិតខាងមួយនេះណាស់។

បើតាមអូលីវ៉ា នេះគឺជាដំណើរប្រកបដោយមោទកភាពជាលើកទី២ លើកម្រាលព្រំដ៏មានកិត្យានុភាព​របស់​អឺរ៉ុប បន្ទាប់ពីឆ្នាំមុន​លោក អូលីវ៉ា ខ្លួនឯង មាន សូនីតា និងសិល្បករខ្មែរមួយចំនួនទៀត​សម្រេចបានម្ដងរួចមកហើយ។ កាលពីលើកទី១ នៅប្រទេសបារាំង អូលីវ៉ា ត្រូវបានចាប់អារម្មណ៍ខ្លាំងជាមួយឈុត​ច្នៃប្រឌិតឆ្លុះបញ្ចាំងពីភាពអស្ចារ្យនៃប្រាសាទអង្គរវត្ត ដោយ​លោកដាក់ឈ្មោះឱ្យឈុតនោះថា “ព្រះបរមវិស្ណុលោក”។

នៅឆ្នាំនេះ ក៏មិនខុសគ្នាដែរ ក្នុងបទសម្ភាសន៍ជាមួយអ្នកសារព័ត៌មានមុនហោះហើរ អ្នកច្នៃម៉ូដកម្ពុជា បាន​អះអាង​ពីភាពរួចរាល់​ក្នុងការ​នាំយកភាពអស្ចារ្យ​នៃសិល្បៈវប្បធម៌ខ្មែរទៅវេទិការបស់អឺរ៉ុបជាលើកទី២ ដោយ​ស្នើ​ឱ្យជនរួមឈាមកម្ពុជារង់ចាំតាមដាន និងចូលរួមសាទរនៅថ្ងៃទី១៨ ១៩ ឧសភា ខាងមុខនេះ។

បេសកកម្មនៅលើទឹកដីអ៊ឺរ៉ុបលោក ម៉ែន សីហា ហៅ អូលីវ៉ា គង់ មិនចប់ត្រឹម​មហោស្រពភាពយន្តទីក្រុងកានោះទេ។ ប៉ុន្តែ​តាមការអះអាង លោក​នឹង​នាំយកភាពយន្តអស្ចារ្យនៃសិល្បៈ​វប្បធម៌ខ្មែរ ទៅកាន់ទីកន្លែងផ្សេងទៀតនៅទឹកដីអឺរ៉ុប ព្រោះ​លោកថា លើកនេះ គោលបំណងរបស់​លោក​លើសពីខ្លួនឯង តែ​ដើម្បីពាក្យមួយម៉ាត់ថា ខ្មែរ។

អូលីវ៉ា បញ្ជាក់ថា ដំណើរទៅទីក្រុងកានលើកទី២នេះ លោកបាន​ត្រៀមរួចរាល់ទាំងឈុត​តំណាងឱ្យវប្បធម៌ខ្មែរ ទាំងទឹកចិត្ត និង​រួបរាងកាយរបស់លោក ដោយ​លោក​បានសម្រកទម្ងន់ដល់កម្រិត​ដែលអំណោយផលសម្រាប់ការងារនេះ។ អ្វីដែលលោករំពឹងតបមកវិញ គឺ​ការគាំទ្រ និងលើកទឹកចិត្តរបស់បងប្អូនជនរួមជាតិទាំងអស់៕

The post អូលីវ៉ា បង្ហើបពីភាពអស្ចារ្យនៃវប្បធម៌ខ្មែរ​ ដែលនឹងលាតត្រដាងនៅទីក្រុងកាន នាថ្ងៃទី១៨-១៩ ឧសភា appeared first on Kampuchea Thmey Daily.

ការលើកឡើងពីសំណាក់អ្នកច្នៃម៉ូដល្បីឈ្មោះលោក អូលីវ៉ា គង់ ពេលនេះដោយសង្កេតឃើញមួយរយ:ចុ ងក្រោយនេះគឺមានបុគ្គលមួយចំនួនតូចហាក់បង្ហាញនូវសកម្មភាពខាងលើនាំឱ្យ ប៉ះពាល់យ៉ាងខ្លាំងដល់ប្រពៃណីនិងវប្បធម៌ខ្មែរដ៏ល្អផូរផង់របស់ខ្មែរ។

ជាក់ស្តែងកាលពីថ្ងៃទី២១ខែមករាឆ្នាំ២០២៦ លោក អូលីវ៉ា គង់ ដែលជាអ្នកច្នៃម៉ូដល្បីឈ្មោះបានចេញម កសំណូមពរថា”សូមមេត្តាកូនខ្មែរគ្រប់រូបកុំត្រាប់តាមចោរសៀមឱ្យសោះ! វាចង់ល្បីតែវាទៅហាមយកស្បៃរបាំព្រះរាជទ្រព្យ ឬស្បៃព្រះម៉ែនាគក្នុងទម្រង់អាពាហ៍ពិពាហ៍ ទៅច្នៃជាបែបហ្វេសហ្សិនជាមួយឈុតខោនានា ឬស្បែកជើងកវែង ដែលប្រាស់ចាកពីប្រពៃណីនិងវ ប្បធម៌”។

អ្នកច្នៃម៉ូដល្បីឈ្មោះរូបនេះ លើកឡើងដែរថា លោកក៏ដឹង ថាពលរដ្ឋខ្មែរគ្រប់គ្នាស្រឡាញ់ចង់ផ្សព្វផ្សាយ ប៉ុន្តែលោកហាមថា កុំឱ្យសោះ។

តាមការកត់សម្គាល់លោក អូលីវ៉ា កន្លងមកបានបញ្ចេញស្នាដៃបែបសហម័យដោយមានការរួមបញ្ជូនទម្រង់សម័យលាយបុរាណ ដោយស្នាដៃរបស់លោកធ្លាប់បានបង្ហាញលើកម្រាលព្រំក្រហមក្នុងកម្មវិធីធំៗនៅក្រៅប្រទេសទៀតផង៕ ដោយ : ចាន់រ៉ា

The post អូលីវ៉ា គង់ ស្នើកូនខ្មែរកុំយកស្បៃរបាំព្រះរាជទ្រព្យ ឬស្បៃព្រះម៉ែនាគ ក្នុងទម្រង់អាពាហ៍ពិពាហ៍ ទៅច្នែបែប fashion appeared first on Kampuchea Thmey Daily.

កែវ អមរៈ ជាសិស្សដើរម៉ូដដ៏ឆ្នើមម្នាក់ក្នុងចំណោមសិស្សរាប់រយនាក់ ដែលទទួលបានការបណ្តុះបណ្តាលពី លោក អូលីវ៉ា កន្លងមក។  វ័យត្រឹម ១៦ឆ្នាំ កែវ អមរៈ ត្រូវបានមើលឃើញថា មានភាពលេចធ្លោខ្លាំង ដ្បិតថានៅក្មេងខ្ចីយ៉ាងណាក្ដី។ 

តាមរយៈសកម្មភាពដ៏លេចធ្លោក្នុងនាមជាអ្នកដើរម៉ូដនេះដែរ ពុំមែនកើតឡើងដោយការចៃដន្យនោះឡើយ ប៉ុន្តែក៏ផ្ដើមចេញពីការខិតខំប្រឹងប្រែងរបស់សាម៉ីខ្លួនក្នុងការហ្វឹកហាត់ជារឿយៗ ក្រោមការបណ្ដុះបណ្ដាលយ៉ាងត្រឹមត្រូវ និងយកចិត្តទុកដាក់របស់អ្នកជំនាញផ្នែកដំណើរបង្ហាញម៉ូដ ឬ Catwalk ដែលគេស្គាល់ថាលោក អូលីវា គង់។

លោក អូលីវ៉ា គង់ ក្នុងនាមជាអ្នកបណ្ដុះបណ្ដាលផ្ទាល់បានលើកឡើងថា  កែវ អមរៈ ពិតជាមានសមត្ថភាពទេពកោសល្យគួរឱ្យសរសើរឆាប់ចាប់បាននូវអ្វីដែលលោកបានបង្ហាត់បង្ហាញ និងមានការវិវត្តផ្នែកសមត្ថភាពយ៉ាងលឿនរហ័ស។ ពិសេសគឺភាពក្លាហាន ជឿជាក់ ដែលជាផ្នែកមួយសំខាន់នៃភាពជោគជ័យក្នុងការបង្ហាញម៉ូដ។ 

ក្នុងដំណើរនៃក្តីស្រមៃនេះ កែវ អមរៈ ក៏ទទួលបានការគាំទ្រពេញទំហឹងពីសំណាក់ក្រុមគ្រួសារអាណាព្យាបាល ដែលតែងបានបង្ហាញវត្តមានចូលរួមលើកទឹកចិត្តយុវជនរូបនេះនៅក្នុងកម្មវិធីបង្ហាញម៉ូដនានាជាបន្តបន្ទាប់។

ទន្ទឹមនឹងការគាំទ្រនិងស្របពេលដែលវិស័យមួយនេះកំពុងមានការរីកចម្រើនផងនោះ សិស្សដើរម៉ូងរូបនេះ ក៏បានបង្ហាញការប្ដេជ្ញាចិត្ត បន្តដុះខាត់សមត្ថភាពរបស់ខ្លួន ឆ្ពោះទៅសម្រេចក្ដីស្រមៃក្លាយជាតារាម៉ូដែលមួយរូបដែលមានការទទួលស្គាល់ពីសំណាក់មហាជនទូទៅ។  

ក្នុងនាមជាអ្នកបណ្ដុះបណ្ដាលផ្ទាល់ដៃ លោក អូលីវ៉ា គង់ បានបង្ហាញមោទនភាពចំពោះកូនសិស្សរបស់ខ្លួន ក្រោយទទួលបានលទ្ធផលល្អប្រសើរជាបន្តបន្ទាប់សម្រាប់ការបង្ហាញសមត្ថភាពនាពេលកន្លងមក។  ជាក់ស្ដែងការបង្ហាញសមត្ថភាពនៅក្នុងកម្មវិធីនានានាពេលកន្លងមក ដែលរូបលោកបានបង្កើតឡើងក្រោមកិច្ចសហការជាមួយម្ចាស់ឧបត្ថម្ភនានា យុវជនរូបនេះបានសាងភាពលេចធ្លោទទួលបានការចាប់អារម្មណ៍យ៉ាងខ្លាំងក្នុងក្រសែភ្នែកទស្សនិកជនអ្នកចូលរួម។

គួរជម្រាបថា លោកអូលីវ៉ា គង់ ត្រូវបានគេដឹងថា ជាបុគ្គលដែលនៅពីក្រោយសមត្ថភាពរបស់ កែវ អមរៈ ត្រូវបានគេដឹងថា ជាគ្រូបង្ហាត់ដើរម៉ូដ និងជាអ្នកជំនាញច្នៃម៉ូដអូលីវ៉ាគង់ ហើយកន្លងមករូបលោកបានដឹកនាំតារាម៉ូដែលតូចធំទៅចូលរួមកម្មវិធីធំនៅលើឆាកអន្តរជាតិ នាំយកប្រ៊ែន Kalkin ពីកម្ពុជាទៅបង្ហាញយ៉ាងមោទនភាព រួមទាំងការបង្កើតកម្មវិធីដោយខ្លួនឯងនៅលើទឹកដីកម្ពុជាផងដែរ ដោយផ្ដល់ឱកាសដល់អ្នកជំនាន់ក្រោយដែលចង់ប្រឡូកលើវិថីបង្ហាញម៉ូដបានបញ្ចេញនូវសមត្ថភាពរបស់ពួកគេ៕

The post កែវ អមរៈ ធ្វើឱ្យលោក អូលីវ៉ា គង់ មានមោទនភាពជាមួយនឹងសមត្ថភាព ដ្បិតទើបប្រឡូកវិស័យដើរម៉ូដ appeared first on Kampuchea Thmey Daily.

នេះបើតាមការលើកឡើង ក្នុងឱកាសសន្និសីទកម្មវិធីបង្ហាញម៉ូដរបស់លោក អូលីវ៉ាគង់ កាលពីព្រឹកថ្ងៃទី២៥ មីនានេះ។

តាមរយៈបទសម្ភាស អ្នកច្នៃម៉ូដល្បីឈ្មោះរូបនេះ បញ្ជាក់ទៀតថា Fashion Show លើកនេះ ពិតជាពិសេស ខណៈលោកបានរៀបចំការសម្តែងរបាំ និងការដើរបង្ហាញម៉ូដចំនួន ២ គឺការដើរបង្ហាញសម្លៀកបំពាក់ដែលលោកច្នៃ និងការដើរបង្ហាញម៉ូដព្រមនឹង Brand នាឡិកាល្បី ម៉ាក WatchPeople ដែលជាដៃគូសហការឧបត្ថម្ភខ្លួន។

ជាមួយនឹងគំនិតច្នៃប្រឌិតផ្សារភ្ជាប់នឹងធម្មជាតិ បុគ្គលល្បីក្នុងពិភពច្នៃម៉ូដសម្លៀកបំពាក់រូបនេះ បានឱ្យដឹងថា លោកបានច្នៃម៉ូដដើម្បីឱ្យមានការខុសប្លែកពីស្នាដៃមុនៗ (Royal) ទោះសហសម័យតែមិនចោលអត្តសញ្ញាណខ្មែរ ដោយប្រើផ្ការបស់ខ្មែរជាគោលគំនិត ដកស្រង់ចេញពីប្រាង្គប្រាសាទ ឬបរមវិស្ណុលោក។

តួយ៉ាង ជាមួយនឹងសម្លៀកបំពាក់ច្នៃរំលេចនូវធម្មជាតិ លោកបានសម្រេចជ្រើសកន្លែងដើរបង្ហាញម៉ូដខុសពីរាល់ដង ដោយជ្រើសយកទីតាំងសួនធម្មជាតិដលើអគារនៃសណ្ឋាគារ Oakwood Premier Phnom Penh ជាវេទិកាដ៏ស័ក្តិសម សម្រាប់ការដើរបង្ហាញសម្លៀកបំពាក់ដែលលោកច្នៃផងដែរ។

ទន្ទឹមនេះ លោកបានលើកឡើងផងដែរថា Fashion Show ដែលត្រៀមរៀបចំនាចុងសប្តាហ៍ក្រោយនេះ អាចប្រព្រឹត្តធ្វើទៅបាន ក៏ដោយមានការឧបត្ថម្ភពី Watchpeople (Swiss made by Ice-Watch); សណ្ឋាគារ Oakwood Premier Phnom Penh ព្រមនិង ធនាគារ ADB ។ លោករំពឹងថា កម្មវិធីនេះ នឹងទទួលបានការចូលរួមគាំទ្រពីសាធារណជន ក៏ព្រោះតែជាឱកាសមួយបើកបង្ហាញពីសម្លៀកបំពាក់ បំផុសពីកម្ពុជាទៅកាន់ឆាកអន្តរជាតិផងដែរ។

បើតាមលោក អូលីវ៉ាគង់ Fashion Show របស់លោក ដែលគ្រោងរៀបចំឆាប់ៗខាងមុខនេះ គឺមានវត្តមានអ្នកដើរម៉ូដសរុប ៣៥រូប ខណៈក្នុងចំណោមនោះ មានទាំងព្រះនាងនរោត្តម ជេនណា; កញ្ញា នីគីនីគី ក៏ដូចជា កញ្ញា ពេជ្រ សារ៉ាវឌ្ឍី ផងដែរ។

ទៀតសោត អ្វីដែលគួរឱ្យចាប់អារម្មណ៍ខ្លាំងបំផុត លោកបានយាងព្រះនាងតូចជាតួធំ គ្រងឈុតដែលលោកច្នៃបង្កើតចេញពីផ្កាព្កុល​ ដើរបង្ហាញម៉ូដជាលើកដំបូង ខណៈលោកជាអ្នកហ្វឹតហាត់ការដើរម៉ូដដល់ព្រះនាងផ្ទាល់តែម្តង។

សូមស្តាប់ការរៀបចំរបស់លោក អូលីវ៉ាគង់ ៖

គួរជម្រាបថា លោក អូលីវ៉ាគង់ ជាច្នៃម៉ូដមួយរូបដែលមានភាពល្បីល្បាញទាំងថ្នាក់ជាតិ និងអន្តរជាតិ ដែលបានច្នៃបង្កើតសម្លៀកបំពាក់ច្រើនប្រភេទ ដែលសុទ្ធសឹងជាការច្នៃចេញពីជីវិតសត្វ ធម្មជាតិ ពិសេសឆ្លុះបញ្ចាំងពីអត្តសញ្ញាណខ្មែរ បង្ហាញទៅកាន់ពិភពលោកច្រើនកម្មវិធីណាស់មកហើយ។ លោកអះអាងថា ចំពោះកម្មវិធី Fashion Show ដែលលោកទទួលរៀបចំ គឺមិនក្រោម ៥០នោះទេ មកទល់ពេលនេះ៕

The post ព្រះនាងតូច ជេនណា នឹងដើរបង្ហាញម៉ូដជាលើកដំបូង ក្នុង Fashion Show រៀបចំដោយលោក អូលីវ៉ាគង់ appeared first on Kampuchea Thmey Daily.

ការវិលត្រឡប់មកវិញជាមួយការបើកShowម៉ាក B rand Kalkin ឆ្នាំ2025នេះលោក អូលីវ៉ា​ គង់ បានបង្ហាញពីថាមពលនិងភាពជឿជាក់របស់ខ្លួនកាន់តែរឹងមាំ។សម្រាប់ការវិលត្រឡប់មកកាន់កំរាលព្រមក្រ ហមសាជាថ្មីនាដើមឆ្នាំ២០២៥របស់កំពូលអ្នកច្នៃម៉ូដលោក អូលីវ៉ា គង់ នាពេលនេះគឺបានបញ្ចេញShow ដ៏អស្ចារ្យដោយមានការចូលរួមពីតារាម៉ូលឌែលល្បីៗ ដើរលើកំរាលព្រមក្រហមប្រមាណជាង៤០នាក់អមដោយការដើរបង្ហាញម៉ូដក្នុងឈុតសម្លៀកបំពាក់ប្លែកៗយ៉ាងស្រស់ស្អាតនិងប្រណិត។

កម្មវិធីបង្ហាញShowដ៏អស្ចារ្យ Kalkin ឆ្នាំ២០២៥ នេះ បានធ្វើឡើងកាលពីល្ងាចថ្ងៃទី២៥ ខែមករា ឆ្នាំ២០២៥ ជាមួយការចូលរួមយ៉ាងច្រើនកុះករ ពីសំណាក់បុគ្គលល្បីៗរួមអ្នកគាំទ្រផងដែរ។ ក្នុងនោះដែរគឺមានការសម្តែងនូវរបាំបុរាណ​ព្រមនឹងការដើរបង្ហាញម៉ូដយ៉ាងពិសេសម៉ាក់ប្រ៊េន KALKIN ។ លោក អូលីវ៉ា គង់ បានថ្លែងឲ្យដឹងថាក្នុងការបញ្ចេញនេះShowគឺលោកបានច្នៃម៉ូដសម្លៀកបំពាក់ដក់ស្រងទៅដល់៥ សម័យកាល ដើម្បីយកមកបង្ហាញដល់មហាជន។

លោកបញ្ជាក់ថាការត្រឡប់មកលើនេះវាជាជំនានថ្មីមួ យទៀតដែលធ្វើឲ្យលោកកាន់តែជឿជាក់និងរឹងមាំគ្រ ប់គ្រាន់ដោយលោកសន្យានឹងបន្តបង្កើតស្នាដៃថ្មីៗជា ច្រើនទៀតក្នុងគោលបំណងលើកកម្ពស់កិត្យានុភាពជាតិនៅលើឆាកអន្តរជាតិដែលជាគោកដៅរបស់លោកធ្លាប់បានធ្វើជាច្រើនរួចមកហើយ។

អ្នកដៃម៉ូដល្បីឈ្មោះលោក អូលីវ៉ា គង់ បានបន្តថាក្នុ ងឆ្នាំថ្មី២០២៥នេះលោកចង់ធ្វើជាមនុស្សម្នាក់ដែលរឹងមាំព្រោះកំឡុងមួយរយ:ចុងឆ្នាំ២០២៤ កន្លងទៅលោកទទួលរងនូវការបាក់ទឹកចិត្តខ្លាំងដោយសារតែការបាត់បង់អ្នកម្តាយជាទីស្រលាញ់ដែលធ្វើឲ្យលោកបាក់ទឹកចិត្តជាង២ខែ។

លោកនិយាយទៀតថាគ្រានោះខ្លួនលោកបានសម្រេ ចដើរព្រៃឡើងភ្នំព្រោះអត់កម្លាំងចិត្តនៅក្នុងកាបន្តធ្វើ ការងារទៀត។ប៉ុន្តែក្រោយលោកក៏បានរក្សាជំហរដោ យក្រោកឈរឡើងវិញធ្វើជាមនុស្សរឹងមាំបន្តភាពជោ គជ័យទៅមុខព្រោះគិតថានៅមានឪពុកដែលត្រូវមើលថែផងដែរ៕ អត្ថបទ៖ ចាន់រ៉ា

The post បើកទំព័រឆ្នាំថ្មី! អូលីវ៉ា​ គង់​ បញ្ចេញ Show អស្ចារ្យនៃវិស័យច្នៃម៉ូដ និងដើរម៉ូដកម្ពុជា appeared first on Kampuchea Thmey Daily.