ថ្លែង​ក្នុង​ពិធី​បើក​វេទិកា​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ​នៅ​ព្រឹក​ថ្ងៃ​ច័ន្ទ ទី​១៥ ខែ​មិថុនា ឆ្នាំ​២០២៦​នេះ ពី​សាល​ពិព័ណ៌​កោះ​ពេជ្រ​សម្ដេច​ធិបតី ហ៊ុន ម៉ាណែត មាន​ប្រសាសន៍​ថា គំរូ​នេះ​បាន​ធ្វើ​រួច​ហើយ​នៅ​តាម​បណ្ដា​ប្រទេស​អភិវឌ្ឍន៍​មួយ​ចំនួន​ដែល​ជា​ការ​ជួយ​តម្រង់​ទិស​ដល់​សិស្ស​ដែល​ចាប់​អារម្មណ៍​ផ្នែក​ការ​ងារ​បច្ចេកទេស​រាប់​ចាប់​ពី​កសិកម្ម សេវាកម្ម រហូត​ដល់​ឧស្សាហកម្ម​។

សម្ដេច​ថា​៖ «​នេះ​គឺ​ជា​កិច្ច​ការ​សំខាន់​! យើង​មិន​ចង់​ឱ្យ​យុវជន​របស់​យើង​ត្រូវ​បោះបង់​ចោល​ការ​សិក្សា​ហើយ​គ្មាន​ជម្រើស​នោះ​ទេ​​»។

សម្ដេច​ធិបតី​បាន​បញ្ជាក់​ថា​ មិន​ត្រូវ​មើល​ស្រាល​លើ​ជំនាញ​ TVET ព្រោះ​​គ្មាន​កន្លែង​ណា​​ដែល​មិន​ត្រូវ​ការ​អ្នក​បច្ចេកទេស​ទាំង​នេះ​ឡើយ​ រាប់​ចាប់​តាំង​ពី​ការ​សាងសង់ គ្រឿង​ម៉ាស៊ីន អេឡិចត្រូនិក អគ្គិសនី និង​បរិក្ខាត្រជាក់​​​។ វា​ជា​ជំនាញ​ដែល​ស្មើ​មុខ​មាត់​នឹង​ជំនាញ​ផ្សេង​ទៀត​។

សម្ដេច​ក៏​ជំរុញ​ដល់​ក្រសួង​ការងារ​និង​បណ្ដុះបណ្ដាល​វិជ្ជាជីវៈ​ធ្វើ​យ៉ាងណា​បង្កើន​គុណភាព​នៃ​ការ​អប់រំ​លើ​បច្ចេកទេស​នេះ​ឱ្យ​មាន​គុណភាព​ដែល​ចេញ​ពី​រៀន​ត្រូវ​ប្រាកដ​ថា​ធ្វើ​ការងារ​បាន​។

អគ្គនាយក​អប់រំ​បណ្ដុះបណ្ដាល​បច្ចេកទេស​វិជ្ជាជីវៈ​លោក ហ៊ឹង ស៊ីដេត ធ្លាប់​បាន​លើក​ឡើង​កាល​ពី​សប្ដាហ៍​មុន​ថា ការ​សិក្សា​លើ​គន្លង​វិជ្ជាជីវៈ​គឺ​បាន​ផ្ដល់​ប្រយោជន៍​ដល់​សិស្ស​ទាំង​ការ​សិក្សា និង​ជំនាញ​បច្ចេកទេស​ដែល​ធ្វើ​ឱ្យ​សិស្ស​មាន​ជំនាញ​សម្រាប់​ខ្លួន​ក្នុង​ការ​ស្វែង​រក​ការងារ​ធ្វើ​។ លោក​ថា​ការ​សិក្សា​ TVET គឺ​ឆាប់​បាន​ការងារ​ធ្វើ​ដោយ​ប្រៀប​ធៀប​ថា​គឺ​ជា​សញ្ញា​ឃើញ​ដែល​ឃើញ​ភ្លាម​ៗ​តាម​រយៈ​ការ​សិក្សា​របស់​សិស្ស​។

គួរ​ឱ្យ​ដឹង​ថា​ បច្ចុប្បន្ន​រដ្ឋាភិបាល​បាន​ដាក់​អនុវត្ត​សាក​ល្បង​​គន្លង​វិជ្ជាជីវៈ​​ថ្មី​នេះ​នៅ​តាម​វិទ្យាល័យ​ចំនួន​៤៩​សាលា​រួច​ហើយ​លើ​ជំនាញ​គណនេយ្យ និង​ព័ត៌មាន​វិទ្យា​ ហើយ​ឆ្នាំ​២០២៧ ក្រសួង​អប់រំ​ និង​ក្រសួង​ការងារ​កំពុង​សិក្សា​ដាក់​អនុវត្ត​ការ​សិក្សា​ជំនាញ​បច្ចេកទេស​នៅ​វិទ្យាល័យ​ចំនួន​៥​បន្ថែម​ទៀត​ដែល​មាន​ទី​តាំង​ជិត​តំបន់​សេដ្ឋកិច្ច​ពិសេស​ក្នុង​ខេត្ត​កណ្ដាល ស្វាយរៀង ពោធិសាត់ និង​កំពង់​ស្ពឺ​៕

អត្ថបទដោយ ហ៊ុន សិរីវឌ្ឍន៍ ​​​​

The post គោល​នយោបាយ​ថ្មី​ជំរុញ​សិស្ស​ដែល​ធ្លាក់​ទី​៩​ចូលរៀន​ថ្នាក់​បច្ចេកទេស​ជាជាង​បោះបង់​ចោល​ការ​សិក្សា appeared first on Kampuchea Thmey Daily.

នាឱកាសពិភាក្សាដ៏មានសារៈសំខាន់នោះ លោករដ្ឋមន្ត្រី បានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ចំពោះសមិទ្ធផលនៃកិច្ចសហប្រតិបត្តិការរវាងកម្ពុជា និងប្រទេសស្វ៊ីស តាមរយៈទីភ្នាក់ងារស្វ៊ីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) ដែលជាដៃគូដ៏សំខាន់ក្នុងកិច្ចសហប្រតិបត្តិការអភិវឌ្ឍន៍ជាមួយកម្ពុជា ជាពិសេសក្នុងការអភិវឌ្ឍប្រកបដោយបរិយាបន្ន ការអភិវឌ្ឍជំនាញ និងការធ្វើសមាហរណកម្មកម្លាំងពលកម្មទៅក្នុងទីផ្សារការងារ ព្រមទាំងការគាំទ្ររយៈពេលវែងដល់ការពង្រឹងស្ថាប័ន។ ទន្ទឹមនឹងនេះ លោករដ្ឋមន្ត្រី បានលើកឡើងពី “កម្មវិធីមុខរបរ និងការងារសមរម្យសម្រាប់យុវជននៅកម្ពុជា (DEY)” ដែលជាគំនិតផ្តួចផ្តើមដ៏ចាំបាច់មួយ កំពុងជួយបង្កើនលទ្ធភាពទទួលបានការងារដល់យុវជន ពង្រឹងការផ្សារភ្ជាប់រវាងការបណ្តុះបណ្តាល TVET និងវិស័យឧស្សាហកម្ម ព្រមទាំងលើកកម្ពស់ឱកាសការងារប្រកបដោយបរិយាបន្ន។

លើសពីនេះ លោកក៏បានទទួលស្គាល់នូវឧត្តមានុវត្តន៍របស់ប្រទេសស្វ៊ីសលើឆាកអន្តរជាតិក្នុងវិស័យ TVET ជាពិសេសប្រព័ន្ធគំរូនៃការបណ្តុះបណ្តាលវិជ្ជាជីវៈ ដែលរួមបញ្ចូលការសិក្សាក្នុងថ្នាក់រៀនជាមួយបទពិសោធការងារជាក់ស្តែងនៅកន្លែងការងារ។ លោក ហេង សួរ បានសម្តែងនូវការចាប់អារម្មណ៍យ៉ាងខ្លាំងផងដែរ ចំពោះការសិក្សារៀនសូត្រ និងបទពិសោធល្អៗរបស់ប្រទេសស្វ៊ីស លើប្រព័ន្ធកម្មសិក្សា ការចូលរួមពីវិស័យឧស្សាហកម្ម ការបញ្ជាក់វិញ្ញាបនបត្រជំនាញ និងការធានាគុណភាពជំនាញ ដែលឯកឧត្តមបានចាត់ទុកថា ពិតជាមានសារៈសំខាន់ខ្លាំងណាស់សម្រាប់របៀបវារៈកំណែទម្រង់នៅកម្ពុជា។

ជាមួយគ្នានេះ លោកក៏បានគូសបញ្ជាក់ពីដំណើរការកំណែទម្រង់កម្មវិធី TVET និងការផ្លាស់ប្តូរកម្លាំងពលកម្មរបស់កម្ពុជា ដែលផ្តោតលើការលើកកម្ពស់ជំនាញ ការអភិវឌ្ឍជំនាញឌីជីថល ការពង្រឹងការចូលរួមរបស់វិស័យឧស្សាហកម្ម និងការពង្រីកឱកាសទទួលបានការបណ្តុះបណ្តាលតាមរយៈកម្មវិធី TVET ១,៥ លាន សម្រាប់យុវជនមកពីគ្រួសារក្រីក្រ និងងាយរងហានិភ័យ។ កិច្ចខិតខំប្រឹងប្រែងទាំងនេះមានគោលបំណងធ្វើឱ្យការបណ្តុះបណ្តាលស្របតាមតម្រូវការទីផ្សារការងារ ពង្រឹងភាពជាដៃគូជាមួយវិស័យឧស្សាហកម្ម និងបង្កើនឱកាសការងារសម្រាប់អ្នកបញ្ចប់ការសិក្សា។

ជាការឆ្លើយតប លោក ហ្សេរ៉ូម កូសង់ដេ បានវាយតម្លៃខ្ពស់ចំពោះការយកចិត្តទុកដាក់របស់ឯកឧត្តមរដ្ឋមន្ត្រីលើការអភិវឌ្ឍជំនាញ និងការផ្សារភ្ជាប់ TVET ជាមួយទីផ្សារការងារ។ ភាគីស្វ៊ីសបានបង្ហាញឆន្ទៈបន្តពិភាក្សាពីកិច្ចសហប្រតិបត្តិការលើប្រព័ន្ធកម្មសិក្សា ការចូលរួមរបស់វិស័យឯកជន ការធានាគុណភាព និងការផ្លាស់ប្តូរបទពិសោធរវាងប្រទេសទាំងពីរ។ ភាគីទាំងពីរបានឯកភាពគ្នា ក្នុងការស្វែងរកកិច្ចសហប្រតិបត្តិការបន្ថែមទៀតលើការអភិវឌ្ឍកម្មវិធី TVET និងការអភិវឌ្ឍជំនាញ ព្រមទាំងការកសាងសមត្ថភាព តាមរយៈការបណ្តុះបណ្តាលគ្រូបង្គោល ការធ្វើទស្សនកិច្ចសិក្សា និងការផ្លាស់ប្តូរចំណេះដឹងផងដែរ៕

The post កម្ពុជា-ស្វ៊ីស ពង្រឹងកិច្ចសហប្រតិបត្តិការលើវិស័យ TVET និងការអភិវឌ្ឍជំនាញកម្លាំងពលកម្មស្របតាមទីផ្សារការងារ appeared first on Kampuchea Thmey Daily.

លោក បានលើកឡើងថា ជំនាញ TVET បានដើរតួនាទីយ៉ាងសំខាន់ ហើយគឺជាជម្រើសដ៏ចម្បងសម្រាប់យុវជនដែលចង់ជោគជ័យក្នុងជីវិត។ លោក បានលើកឡើងកាលពីថ្ងៃទី១០ ខែមិថុនា ឆ្នាំ២០២៦ ដោយវាយតម្លៃពីភាពរីកចម្រើយ៉ាងរហ័សរបស់ជំនាញ TVET ក្រោមការយកចិត្តទុកដាក់ខ្ពស់ពីរាជរដ្ឋាភិបាលកម្ពុជា ជាមួយនឹងការចាប់អារម្មណ៍របស់ស្រទាប់យុវជនលើការសិក្សាជំនាញនេះ។

លោក ស៊ុន មេសា បាននិយាយថា «ក្រៅពីយុវជនរបស់យើងដែលជាសិក្សា ក្រៅពីរាជរដ្ឋាភិបាល ដែលជាអ្នកផ្ដល់គោលនយោបាយ ផ្ដល់កន្លែងសិក្សាជូនហើយ ចំណែកដ៏សំខាន់មួយទៀតគឺវិស័យឯកជន វិស័យឯកជន គឺជាអ្នកប្រើប្រាស់ចុងក្រោយ»។ មានន័យថា រដ្ឋ គឺជាអ្នកផលិត ឯវិស័យឯកជន គឺជាអ្នកប្រើប្រាស់។

លោក ក៏បានគូសរំលេចពីការរៀ​បចំទិវាជាតិអប់រំប​ណ្តុះបណ្តាលប​ច្ចេកទេស និងវិជ្ជាជីវៈ​ (TVET Day) ដែលក្រសួងការងារ និងប​ណ្តុះបណ្តាលវិជ្ជាជីវៈ នឹងរៀ​បចំឡើងជាលើ​កទី៩ នៅថ្ងៃទី​១៥ ដល់ថ្ងៃទី១៦ ខែមិថុនា ឆ្នាំ​២០២៦ នាមជ្ឈមណ្ឌល​សន្និ​បា​ត និង​ពិព័រ​ណ៍កោះ​ពេជ្រ។ លោក ថា ទិវាជាតិ TVET មិនត្រឹម​តែជាវេទិកាផ្ស​ព្វផ្សាយអំពីការអ​ប់រំបណ្តុះបណ្តា​លបច្ចេកទេស និង​វិជ្ជាជីវៈ​ប៉ុណ្ណោះ​ទេ ប៉ុន្តែថែម​ទាំង​ជា​ឱកាស​បង្ហាញសមិទ្ធផល ស្នាដៃ និងសក្តានុពលរបស់សិស្ស-និស្សិត TVET ក៏ដូចជាភ្ជាប់ទំនាក់ទំនងរវាងគ្រឹះស្ថានបណ្តុះបណ្តាល និងវិ​ស័យ​ឯក​ជន ដើម្បីធានាថា​ការបណ្តុះ​បណ្តាល​ឆ្លើយតប​ទៅនឹងត​ម្រូវការ​ជាក់ស្តែង​នៃទីផ្សា​រការងារ។

តាមរយៈការរៀបចំទិ​វាជាតិ នាពេលខាងមុខនេះ លោក ស៊ុន មេសា បានលើកទឹកចិត្តវិស័យឯកជនទាំងអស់ ទាំងក្រុមហ៊ុនធំៗ ក៏ដូចជាសហគ្រាសធន់តូច និងមធ្យម ចូលរួមទស្សនាស្នាដៃសិស្ស ដើម្បីមើលឱ្យឃើញពីសមត្ថភាពកូនខ្មែរនាពេលបច្ចុប្បន្ន មានសមត្ថភាពគ្រប់គ្រាន់ មិនចាញ់អ្នកជំនាញមកពីបរទេសទេ។ ម្យ៉ាង ជាឱកាសដែលវិស័យឯកជន សម្លឹងមើលធនធានមនុស្សដែលអាចបម្រើឱ្យក្រុមហ៊ុន រោងចក្រ សហគ្រាស របស់ខ្លួនឯងបានផងដែរ៕

ដោយ៖ ធឿន វ៉ាន់សុង

The post អ្នកនាំពាក្យបញ្ជាក់ពីតម្លៃនៃការសិក្សាជំនាញបច្ចេកទេស ដោយរដ្ឋជាអ្នកផ្ដល់ជំនាញ ឯវិស័យឯកជនជាអ្នកប្រើប្រាស់ appeared first on Kampuchea Thmey Daily.

ការចាប់អារម្មណ៍នេះ ក្នុងឱកាស លោក ហេង សួរ រដ្ឋមន្ត្រីក្រសួងការងារ និង បណ្តុះបណ្តាលវិជ្ជាជីវៈ បានអញ្ជើញធ្វើទស្សនកិច្ចនៅមជ្ឈមណ្ឌលនវានុវត្តន៍ និង បណ្តុះបណ្តាល SPARK Campus , សាលាជំនាញនាឡិកា FORPRO (FORPRO Watchmaking School) និង មជ្ឈមណ្ឌលថែទាំយានយន្ត (Automotive Maintenance Center) កាលពីថ្ងៃទី ១០ ខែមិថុនា ឆ្នាំ ២០២៦ ក្នុងអំឡុងពេលចូលរួមសន្និសីទអន្តរជាតិខាងការងារលើកទី ១១៤ នៃអង្គការអន្តរជាតិខាងការងារ (ILO) នៅទីក្រុងហ្សឺណែវ ប្រទេសស្វ៊ីស។

នៅក្នុងដំណើរទស្សនកិច្ចដ៏មានសារៈសំខាន់នេះ លោករដ្ឋមន្ត្រី បានចូលរួមពិនិត្យដោយផ្ទាល់អំពីវិធីសាស្ត្រប្រកបដោយនវានុវត្តន៍របស់ប្រទេសស្វ៊ីស លើការអប់រំបណ្តុះបណ្តាលបច្ចេកទេស និង វិជ្ជាជីវៈ (TVET) រួមទាំងឧបករណ៍បរិក្ខារទំនើបៗ ចុងក្រោយបង្អស់ សម្រាប់ការអភិវឌ្ឍជំនាញផ្នែកបច្ចេកវិទ្យា ដែលរួមមាន ជំនាញផលិតនាឡិកា និង ជំនាញថែទាំយានយន្ត។

លោកក៏បានអញ្ជើញជួបពិភាក្សាជាមួយលោកគ្រូបង្គោល និង សិក្ខាកាមជាច្រើនរូប ដើម្បីធ្វើការឈ្វេងយល់ពីការរៀបចំ និង ការបណ្តុះបណ្តាលកម្មវិធីសិក្សាផ្អែកលើសមត្ថភាព ដែលឆ្លើយតបទៅនឹងតម្រូវការទីផ្សារការងារ។

លោក ហេង សួរ បានបង្ហាញការចាប់អារម្មណ៍យ៉ាងខ្លាំងទៅលើការដកស្រង់បទពិសោធពីគំរូប្រព័ន្ធ TVET របស់ស្វ៊ីស ដែលត្រូវបានទទួលស្គាល់ជាអន្តរជាតិ ដោយរួមបញ្ចូលគ្នារវាងការសិក្សានៅគ្រឹះស្ថានបណ្ដុះបណ្ដាល និង ការអនុវត្តការងារជាក់ស្ដែង។ បទពិសោធនេះ ជាមូលដ្ឋានបន្ថែមក្នុងការធ្វើទំនើបកម្មប្រព័ន្ធបណ្តុះបណ្តាលវិជ្ជាជីវៈនៅកម្ពុជា លើកកម្ពស់គុណភាព និង ការឆ្លើយតប នៃកម្មវិធីអភិវឌ្ឍន៍ជំនាញ ព្រមទាំងការពង្រឹងទំនាក់ទំនងរវាងគ្រឹះស្ថានបណ្តុះបណ្តាល និង វិស័យឯកជន។

ទន្ទឹមនឹងនេះ ភាគីម្ចាស់ផ្ទះ បានស្វាគមន៍ចំពោះចំណាប់អារម្មណ៍របស់គណៈប្រតិភូកម្ពុជា ក្នុងការសិក្សាបទពិសោធជាក់ស្តែងពីប្រព័ន្ធ TVET របស់ស្វ៊ីស និង ចែករំលែកអំពីវិធីសាស្ត្រអនុវត្ត ការគ្រប់គ្រង និង មេរៀនដែលអាចយកមកពិចារណាអនុវត្តបាន។ បន្ថែមពីនេះ ភាគីម្ចាស់ផ្ទះ ក៏បានបង្ហាញឆន្ទៈក្នុងការបន្តចែករំលែកគ្នាទៅវិញទៅមកនូវចំណេះដឹង និង បទពិសោធជាមួយកម្ពុជាលើវិស័យពាក់ព័ន្ធសំខាន់ៗ ផងដែរ នាពេលអនាគត៕

The post កម្ពុជា ពង្រឹង TVET តាមបទពិសោធពីប្រព័ន្ធបណ្តុះបណ្តាលរបស់ ប្រទេស​ស្វ៊ីស appeared first on Kampuchea Thmey Daily.

យុវជន ភាត វិជ្ជា និស្សិតជំនាញវិស្វកម្មអគ្គិសនី លើ​ក​ឡើងថា កម្ពុជាមានសក្តានុពលផ្នែកកសិកម្មខ្ពស់ ដូច្នេះ​ការរួម​បញ្ចូលប​ច្ចេក​វិទ្យា​សូឡា និង​ប្រព័ន្ធ​ស្វ័យ​ប្រវត្តិ​កម្មក្នុងការដាំដុះ គឺអាចជួយ​កាត់​បន្ថយ​ការ​ចំណាយ​លើ​កម្លាំងពល​កម្ម និងប​ង្កើន​ទិន្ន​ផ​លក​សិ​កម្ម។

យុវជនរូបនេះ បន្ត​ថា ក្នុងផ្ទះ​កញ្ចក់ Solar Greenhouse ដែល​បានបង្កើតឡើងគឺមានប្រព័ន្ធកង្ហារវិលស្វ័យប្រវត្តិ ដែល​បញ្ចេ​ញ​ខ្យល់​ក្តៅ​ចេញ និងទាញ​យកខ្យល់​ត្រជាក់​ពី​ខាង​ក្រៅ​ចូល​មកវិញ ដើម្បីរក្សា​នូវសីតុណ្ហ​ភាព​សម​ស្រប​សម្រាប់​ការ​លូតលាស់របស់ដំណាំ និង​ការ​​ពារ​ការ​​ខូច​​ខាត​​ដោយ​សារ​​កម្តៅ​ខ្ពស់។

លោក សួស សុជាតិ គ្រូបង្រៀន​ជំនាញការដំ​ឡើងប្រព័ន្ធ​បញ្ជា​ម៉ូទ័រអគ្គិសនី នៅ​សាលា NTTI បាន​ឱ្យ​ដឹង​ថា ស្នា​ដៃ Solar Greenhouse នេះ គឺជា​ឧទា​ហរ​ណ៍​ជាក់​ស្តែង​មួយ​ដែល​បង្ហាញ​ថា TVET មិនត្រឹម​តែ​ផ្តល់​ជំនា​ញ​ប៉ុ​ណ្ណោះ​ទេ ប៉ុន្តែ​ថែម​ទាំង​បង្កើត​នវា​នុវត្តន៍ និង​ដំណោះ​ស្រា​យថ្មីៗសម្រា​ប់ការ​អភិ​វឌ្ឍ​សេដ្ឋកិច្ច និង​ជីវភាព​រស់​នៅរ​ប​ស់​ប្រ​ជាពលរដ្ឋផ​​ងដែរ។

លោក បញ្ជាក់ថា Solar Greenhouse អាចបញ្ជា​ពីច​ម្ងា​យ​តាម​ទូ​រ​សព្ទ​ដៃ ឬដំណើរ​ការ​ដោយ​ស្វ័យ​ប្រ​វត្តិ ដោយ​មាន​ស​មត្ថភា​ពគ្រប់​គ្រង​បន្ទុក​អគ្គិសនី កំណត់​អាទិ​ភាព​នៃ​ការ​​ប្រើ​ប្រាស់​ថាម​ពល និងផ្លាស់ប្តូរ​ប្រភព​ថាមព​លរ​វា​ង​​​សូឡា អាគុ​យ និងបណ្តាញ​អគ្គិសនី​រដ្ឋដោ​យ​ស្វ័យ​ប្រវ​ត្តិ​​។

លើសពីនេះ ប្រព័ន្ធ​បាន​បំពាក់​បច្ចេក​វិទ្យា Internet of Things (IoT) ដែល​អាច​ប្រមូល​ទិន្ន​ន័យ​អាកាស​ធាតុ​មក​វិភាគ និង​ព្យា​ករណ៍​ស្ថាន​ភាព​ជាមុន ដើម្បី​ត្រៀម​បម្រុ​ង​ថាម​ពល​ក្នុង​អាគុយ​នៅ​ពេល​អាកាស​ធាតុ​ប្រែ​ប្រួល ឬ​មា​ន​ភ្លៀ​ងធ្លាក់។ ប្រព័ន្ធក៏មានមុខងារសុវត្ថិភាព ដែល​អាច​កាត់​ផ្តាច់​ចរន្ត​ភ្លាមៗ នៅ​ពេលមា​នកា​រឆ្លងច​រន្ត ឬ​សី​តុណ្ហ​ភា​ពកើន​ឡើង​ខុ​សប្រ​ក្រ​តី។

បើ​តាមលោក សួស សុ​ជាតិ គោល​បំណង​សំខាន់​នៃ​គម្រោង​នេះ គឺ​ជំរុញ​សិស្ស​ឱ្យអភិវឌ្ឍ​សមត្ថ​ភាព​ស្រាវ​ជ្រាវ និង​នវានុវត្តន៍ ដើម្បីអាច​បង្កើត​អាជីវកម្ម​​ដោយ​ខ្លួនឯង​នាពេល​អនាគត។ ទោះបីជា​គម្រោង​នេះ​ស្ថិតក្នុង​ដំណាក់​កាល​អ​ភិវឌ្ឍន៍ដំបូងក៏ដោយ ក៏វាបានបង្ហាញ​ឱ្យឃើញពី​ស​មត្ថ​ភាពរបស់សិស្ស TVET ក្នុងការបំ​ប្លែងចំណេះ​ដឹង​ទ្រឹស្តី​ទៅ​ជាផលិត​ផល​ជា​ក់ស្តែង ដែលអាច​ឆ្លើយតប​នឹង​តម្រូវ​ការ​សង្គម និង​ទីផ្សារ​៕

The post ពីថ្នាក់រៀនទៅជា​ស្នាដៃ​ជាក់​ស្តែង និស្សិត NTTI បង្កើត​បាន​ប្រព័ន្ធ Solar Greenhouse គ្រប់គ្រ​ងដំ​ណាំ​ដោយ​ស្វ័យប្រវត្តិ appeared first on Kampuchea Thmey Daily.

យុវជន ឈីវ មេងហាក់ និស្សិតជំនាញវិស្វកម្មអគ្គិសនី នៃវិទ្យាស្ថានជាតិបណ្ដុះបណ្ដាលបច្ចេកទេស បានប្រាប់ឱ្យដឹងថា គម្រោងស្រាវជ្រាវលើម៉ាស៊ីនព្រីន 3D ដោយប្រើរ៉ូបូត គឺមានស​មត្ថភា​ព​អា​ចបោះពុម្ពវត្ថុផ្សេងៗ​ ជាពិសេសការបោះពុម្ពសម្ភារៈខុសៗគ្នា ចាប់ពីប្លាស្ទិកកម្រិតខ្ពស់ លោហៈធាតុ រហូតដល់បេតុងសម្រាប់សំណង់ ហើយព្រីនចេញជារូបរាងស្រទាប់ៗទៅតាមកម្មវិធីដែលបានកំណត់។​

បើតាមការរៀបរាប់របស់យុវជន ឈីវ មេងហាក់ ម៉ាស៊ីនព្រីន 3D ប្រភេទនេះមានលក្ខណៈពិសេស ដែលធ្វើឱ្យវាអាចបោះពុម្ពវត្ថុដែលមានទំហំធំៗ រហូតដល់ប៉ុនផ្ទះមួយទាំងមូលបាន។

ជាការកត់សម្គាល់ ម៉ាស៊ីនព្រីន 3D ដោយប្រើរ៉ូបូត ដែលជាស្នាដៃបង្កើតថ្មីដោយយុវជនកម្ពុជនេះ នឹងត្រូវត្រៀមដាក់បង្ហាញផងដែរនៅក្នុងទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ (TVET Day) លើកទី៩ ដែលនឹងប្រព្រឹត្តទៅនាថ្ងៃទី១៥ ដល់ថ្ងៃទី១៦ ខែមិថុនា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ។

ការតាំងបង្ហាញនៅក្នុងទិវាជាតិ TVET នាពេលខាងមុខនេះ យុវជន ឈីវ មេងហាក់ ថា ជាឱកាសមួយដែលអ្នកចូលរួមទស្សនា ជាពិសេសសិស្សនិស្សិត សាធារណជន និងផ្នែកឯកជន អាចស្វែងយល់កាន់តែច្បាស់អំពីបច្ចេកវិទ្យាទំនើប ដែលជាស្នាដៃបង្កើតថ្មីរបស់និស្សិតកម្ពុជា ដែលកំពុងមានការអភិវឌ្ឍន៍សមត្ថភាពគួរឱ្យកត់សម្គាល់ក្នុងពេលបច្ចុប្បន្ន៕

ដោយ៖ធឿន វ៉ាន់សុង

The post និស្សិតកម្ពុជាបង្កើតម៉ាស៊ីនព្រីន 3D ដោយប្រើរ៉ូបូត appeared first on Kampuchea Thmey Daily.

មជ្ឈមណ្ឌលបណ្ដុះបណ្ដាលវិជ្ជាជីវៈ​ខេត្តប៉ៃលិន​ (PLPTC) នៃ​ក្រសួងការងារ និង បណ្តុះ​បណ្តាល​វិជ្ជាជីវៈ បាន​ផ្តល់​អាហា​រូបករ​ណ៍​លើ ១១ មុខ​ជំនាញ ​តាម​រយៈ​កម្មវិធី​បណ្តុះ​បណ្តាល​ជំនាញ​វិជ្ជាជីវៈ និង​បច្ចេកទេស (TVET 1.5M) របស់​ សម្ដេច​ធិបតី ព្រម​ទាំង​ផ្ដល់​ប្រាក់​ឧបត្ថម្ភ​ប្រចាំខែសម្រាប់​យុវ​ជន​មក​ពីគ្រួសារ​ក្រីក្រ និង គ្រួសារងាយរងហានិភ័យ។

ក្នុងនោះ មានមុខជំនាញ ៣ ដែលទទួលបានការចាប់អារម្មណ៍ពីយុវជន អតីតពលករ និង ពលរដ្ឋ នៅខេត្តប៉ៃលិន ​រួម​មាន ការកែច្នៃបន្លែ និង ផ្លែឈើ សេវាកម្មរដ្ឋបាល និង សេវាកម្មសម្អាងកាយ ដែលសុទ្ធសឹងតែជាជំនាញស្របតាម​តម្រូវការទីផ្សារការងារបច្ចុប្បន្ន និង អាច​បង្កើត​ឱកាស​រ​ក​ចំណូល​បន្ថែ​ម រួម​ទាំង​អា​ចបង្កើត​អាជីវក​ម្មផ្ទាល់​ខ្លួន​។

ជាមួយគ្នានេះ មជ្ឈមណ្ឌល​ PLPTC បានឲ្យដឹងថា គិតចាប់ពីឆ្នាំ ២០២៤ ម​ក ត្រី​មាស​ទី ១ នៃ​ដើម​ឆ្នាំនេះ បាន​ផ្ដល់អាហា​រូបករណ៍​ជូន​សិស្ស​សរុប ២,៦៤០​​ នាក់​។ ក្នុង​នោះ​ មាន​យុវជ​នដែល​មកពីគ្រួសា​រក្រីក្រ និង ​ងាយរង​ហានិភ័​យ សរុប​ចំនួន ១,៨៦៩ នាក់។

គួររំលឹកផងដែរថា ចាប់​តាំងពីការប្រកាសអនុវត្ត​នូវកម្មវិធីបណ្ដុះបណ្ដា​លជំនាញ​វិជ្ជាជីវៈ និង ​បច្ចេកទេស (TVET 1.5M) កាលពី​ថ្ងៃទី ១៥ ខែមករា ឆ្នាំ ២០២៤ មកត្រឹមត្រីមាសទី ១ នៃឆ្នាំ ២​០២៦ នេះ​សរុប ១៦៤,៦៧៧ នា​ក់ ក្នុង​នោះ មានយុ​វជនគោលដៅ​មកពីគ្រួ​សា​រក្រីក្រ និង​ គ្រួសារ​ងាយ​​រង​ហា​និ​ភ័យ ៧០,៧៨០ នា​ក់ ដែល​ទទួល​បាន​ប្រាក់​ឧបត្ថម្ភ​ប្រ​ចាំ​ខែ និង កា​របណ្ដុះបណ្ដា​លជំនាញ​នៅទូទាំង​ប្រទេសកម្ពុជា៕

The post កម្មវិធី TVET 1.5M ៖ ជំនាញ ៣ បានចុះឈ្មោះចូលរៀន​ច្រើន​ជាង​គេពី​ យុវជន អតីត​ពលករ និង​ ពលរដ្ឋ នៅខេត្ត​ប៉ៃលិន appeared first on Kampuchea Thmey Daily.

ជាការកត់សម្គាល់នោះ មានមុខជំនាញចំនួន ៣ ដែលត្រូវបានយុវជន អតីតពលករ និងពលរដ្ឋខេត្តប៉ៃលិន បាននាំគ្នាមក​ចុះឈ្មោះ​ចូល​រៀន​ជំនាញ​ច្រើន​ជាង​គេ។ មុខជំនាញទាំង ៣ នោះរួមមាន ការកែច្នៃបន្លែ និង​ផ្លែ​ឈើ សេវាកម្ម​រដ្ឋ​បាល សេវា​កម្មសម្អាង​កាយ ដែលសុទ្ធ​សឹងតែ​ជា​ជំនាញ​ស្រប​តាម​តម្រូវការទីផ្សារ​ការងារ និងអាចបង្កើនចំណូលបន្ថែម និងអាចបង្កើតអាជីវកម្មផ្ទាល់ខ្លួនផងដែរ។

ជាមួយគ្នានេះ មជ្ឈមណ្ឌល​ PLPTC បានឱ្យដឹងថា គិតចាប់ពីឆ្នាំ២០២៤ មកដល់​ត្រីមាសទី១ នៃដើមឆ្នាំនេះ បានផ្ដល់​អាហារូបករណ៍​ជូន​សិស្ស​សរុប ២ ៦៤០នាក់។ ក្នុងនោះមានយុវជនដែលមកពីគ្រួសារក្រីក្រ និងគ្រួសារងាយរងហានិភ័យសរុបចំនួន ១ ៨៦៩នាក់។

គួរំលឹកផងដែរថា ចាប់តាំងពីការប្រកា​សអនុវត្ត​នូវ​កម្មវិធី​បណ្ដុះ​បណ្ដាល​ជំនាញ​វិជ្ជាជីវៈ និង​បច្ចេកទេស (TVET 1.5M) កាលពីថ្ងៃទី១៥ ខែមករា ឆ្នាំ២០២៤ មកត្រឹមត្រីមាសទី១ នៃឆ្នាំ២០២៦ នេះសរុប ១៦៤,៦៧៧នាក់ ក្នុងនោះមានយុវជនគោលដៅមក​ពីគ្រួសារក្រីក្រ និងគ្រួសារ​ងាយរ​ង​ហា​និភ័យ ៧០ ៧៨០នាក់ ដែល​ទទួល​បានប្រាក់ឧបត្ថម្ភប្រចាំខែ និងការបណ្ដុះបណ្ដាលជំនាញនៅទូទាំងប្រទេសកម្ពុជា៕

The post កម្មវិធី TVET 1.5M៖ មុខជំនាញ ៣ដែលមាន​យុវជន អតីតពលករ និងពលរដ្ឋនៅខេត្តប៉ៃលិន មក​ចុះឈ្មោះ​ចូលរៀន​ច្រើន​ជាង​គេ appeared first on Kampuchea Thmey Daily.