លោក លី ណាវុឌ្ឍ សាកលវិទ្យាធិការ សាកលវិទ្យាល័យ ប៊ែលធី អន្តរជាតិ បាន មានប្រ សាសន៍ ថា ពិព័រណ៍អប់រំ និងវេទិកាស្រាវជ្រាវ ត្រូវបានបង្កើតឡើងក្នុងគោល បំ ណងពង្រឹងកិច្ចសហប្រតិបត្តិការ និងកិច្ចការស្រាវជ្រាវ ជាមួយសាកលវិទ្យាល័យដៃគូនៅ ក្រៅប្រទេសដែលបានចុះអនុស្សារណៈយោគយល់គ្នា (MoU) ដើម្បី រួមចំណែកលើកកម្ពស់គុណភាពវិស័យអប់រំនៅកម្ពុជា ដែលផ្តោតលើចំណុចសំខាន់ៗរួមមាន៖

-ផ្សព្វផ្សាយអំពីវប្បធម៌ ការរីកចម្រើនលើវិស័យអប់រំ និងសេដ្ឋកិច្ច ក៏ដូចជាវិស័យផ្សេងៗរបស់កម្ពុជាទៅកាន់ពិភពលោក

-បង្កើន និងពង្រឹងកិច្ចសហប្រតិបត្តិការភាពជាដៃគូជាមួយគ្រឹះស្ថានអប់រំឯកជន និងសាធារណៈទាំងក្នុងប្រទេស និងក្រៅប្រទេស

-ផ្សព្វផ្សាយពីគ្រឹះស្ថានដៃគូល្បីៗនៅតាមប្រទេសនានាជូនដល់សិស្ស-និស្សិតកម្ពុជា ជាពិសេសសិស្ស-និស្សិតប៊ែលធី

-បង្កើតវេទិកាទំនាក់ទំនងសម្រាប់គ្រឹះស្ថានទាំងអស់ដែលបានចូលរួម ដើម្បីជំរុញ និងបង្កើនចំនួនសិស្ស-និស្សិតកម្ពុជាទៅសិក្សានៅក្រៅប្រទេសឱ្យបានកាន់តែច្រើន

– ផ្សព្វផ្សាយពីឱកាសទទួលបានអាហារូបករណ៍ជូនដល់សិស្ស-និស្សិតប៊ែលធី ក៏ដូចជាសិស្ស-និស្សិតទូទាំងប្រទេសទៅបន្តការសិក្សានៅបរទេស

– ផ្លាស់ប្តូរគំនិត របកគំហើញ ការយល់ដឹងក្នុងចំណោមអ្នកស្រាវជ្រាវ និងជាវេទិកាសម្រាប់អ្នកសិក្សាស្រាវជ្រាវ ធ្វើបទបង្ហាញ ចែករំលែកបទពិសោធន៍ និងស្នាដៃស្រាវជ្រាវពីវាគ្មិនជាតិ-អន្តរជាតិ ដើម្បីការកម្ពស់កិច្ចការស្រាវជ្រាវ។

-ចូលរួមចំណែកអភិវឌ្ឍមូលធនមនុស្សនៅកម្ពុជាជាមួយរាជរដ្ឋាភិបាល ដែលមានក្រសួងអប់រំ យុវជន និងកីឡាជាសេនាធិការ។

លោកសាកលវិទ្យាធិការ បានជម្រាបផងដែរថា ដោយមានកិច្ចព្រមព្រៀងជាមួយសាកលវិទ្យាល័យ MONASH ប្រទេសអូស្ត្រាលី នាដើមខែតុលា ឆ្នាំ២០២៦នេះ សាកលវិទ្យាល័យ នឹង ចាប់ផ្តើមបើកថ្នាក់ឆ្នាំសិក្សាមូលដ្ឋាន (Foundation Year) នៅស្នាក់ការកណ្តាល ប៊ែលធី គ្រុប (ជាន់ទី៥) ដោយនិស្សិតសិក្សា១ឆ្នាំនៅ MONASH–BELTEI IU Cambodia និងអាចបន្តសិក្សា៣ឆ្នាំទៀត នៅសាកលវិទ្យាល័យ MONASH ប្រទេសអូស្ត្រាលី។

លោកសាស្ត្រាចារ្យបណ្ឌិត យាន ស៊ូហុង ប្រធានការិយាល័យសិក្សា នៃសាកលវិទ្យាល័យ Information Technology and Management មកពីប្រទេសប៉ូឡូញ តំណាងប្រតិភូមកពីក្រៅប្រទេស បានបង្ហាញក្តីរីករាយ និងសម្តែងនូវការកោតសរសើរ ចំពោះការរៀបចំសន្និសីទអន្តរជាតិមួយនេះ ដោយបានលើកឡើងថា BICC គឺជាវេទិកាមួយដែលផ្តល់ឱកាសឱ្យសាកលវិទ្យាល័យរបស់លោក ក៏ដូចជា សាកលវិទ្យាល័យនានាមកពីជុំវិញពិភពលោក បានជួបផ្ទាល់ជាមួយសិស្ស-និស្សិតកម្ពុជា ដើម្បីចែករំលែកព័ត៌មានសិក្សា និងឱកាសទទួលបានអាហារូបករណ៍ផ្សេងៗ ជាពិសេសបានស្គាល់អំពីវប្បធម៌ អរិយធម៌ខ្មែរ និងការរីកចម្រើនយ៉ាងឆាប់រហ័សរបស់កម្ពុជា។

យោងតាមចំណាប់អារម្មណ៍របស់និស្សិត កង ស៊ុនហួរ អតីតសិស្ស នៃសាលា ប៊ែលធី អន្តរជាតិ បានឱ្យដឹងថា តាមរយៈការចូលរួមពិព័រណ៍អប់រំ BICC នេះ គាត់ទទួលបានអាហារូបករណ៍ឧកញ៉ាលី ឆេង ទៅសិក្សានៅវិទ្យាស្ថាន East Asia Institute of Management នៃប្រទេសសិង្ហបុរី ផងដែរ។

ក្នុងឱកាសនោះ លោក លី ឆេង បានជម្រាបជូនអង្គសន្និសីទអំពី សន្តិភាព ស្ថិរភាពនយោបាយ និងការរីកចម្រើនលើគ្រប់វិស័យរបស់កម្ពុជា រួមទាំងវិស័យអប់រំ និងសេដ្ឋកិច្ច ជាពិសេសភាពលេចធ្លោនៃកិត្តិនាមនៅលើឆាកអន្តរជាតិរបស់កម្ពុជា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាល នីតិកាលទី៧ ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី និងថ្នាក់ដឹកនាំជាច្រើនរូបទៀត ដែលកំពុងបន្តដឹកនាំប្រទេសជាតិឆ្ពោះទៅសម្រេចទស្សនវិស័យអភិវឌ្ឍន៍កម្ពុជា ជាប្រទេសមានចំណូលមធ្យមកម្រិតខ្ពស់ត្រឹមឆ្នាំ២០៣០ និងមានចំណូលខ្ពស់នៅឆ្នាំ២០៥០។ ឯក ឧ ត្តម បណ្ឌិតបានសង្កត់ធ្ងន់អំពីតម្លៃសន្តិភាព ជាពិសេសការប្តេជ្ញារបស់រាជរដ្ឋាភិបាលកម្ពុជាក្នុងការដោះស្រាយជម្លោះព្រំដែនជាមួយប្រទេសជិតខាង គឺដោយសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទ្វេភាគីដែលមានស្រាប់ ព្រមទាំងប្រកាន់ខ្ជាប់នូវជំហរជាគោលការណ៍របស់ខ្លួនថា បន្ទាត់ព្រំដែនមិនត្រូវផ្លាស់ប្តូរដោយការប្រើកម្លាំងនោះឡើយ។

លោកបណ្ឌិត ក៏បានថ្លែងអំណរគុណគ្រឹះស្ថានសិក្សាទាំង៤០ ដែលបានចំណាយពេលវេលាដ៏មានតម្លៃអញ្ជើញចូលរួមសន្និសីទ ដ៏មានសារៈសំខាន់នេះ និងបានធ្វើបទបង្ហាញចែករំលែកព័ត៌មានសិក្សារបស់សាកលវិទ្យាល័យខ្លួន ជូនដល់សិស្ស-និស្សិតកម្ពុជា។ លោកបណ្ឌិត បានបន្ថែមថា សន្និសីទ BICC នឹងរួមចំណែកយ៉ាងធំធេងក្នុងការបង្កើនមូលធនមនុស្សប្រកបដោយសមត្ថភាពនៅកម្ពុជា ក្នុងសម័យឌីជីថល ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល ដែលបានកំណត់វិស័យអាទិភាពគន្លឹះ៥ គឺ មនុស្សផ្លូវ ទឹក ភ្លើង និងបច្ចេកវិទ្យ។ជាទីបញ្ចប់ ឯក ឧ ត្តម បណ្ឌិត ក៏ បាន លើកទឹកចិត្តដល់សាកលវិទ្យាល័យដៃគូទាំងអស់ឱ្យបន្តចូលរួមសន្និសីទ BICC លើកទី១០ និងវេទិកាស្រាវជ្រាវ លើកទី៤ ឆ្នាំ២០២៧ ដើម្បីរួមគ្នាពង្រឹងគុណភាពអប់រំទាំងថ្នាក់ជាតិ-អន្តរជាតិ ជាពិសេសបន្តពង្រឹងកិច្ចសហប្រតិបត្តិការល្អជាមួយគ្នាឱ្យបានកាន់តែប្រសើរបន្ថែមទៀត៕

ដោយ ៖សុខា

The post BICC លើកទី៩ ប្រមូលផ្តុំសាកលវិទ្យាល័យល្បីៗពី ១៧ប្រទេស ពង្រីកឱកាសសិក្សានៅក្រៅប្រទេសដល់យុវជនកម្ពុជា appeared first on Kampuchea Thmey Daily.

កម្មវិធីនេះធ្វើឡើងនៅព្រឹកថ្ងៃទី២៦ ខែមិថុនា ឆ្នាំ២០២៦ នៅសាកលវិទ្យាល័យ ប៊ែលធី អន្តរជាតិ ទីតាំងទី២ (ស្ពានអាកាសចោមចៅ) ដោយមានអ្នកចូលរួមផ្ទាល់ជាង ១,៤០០នាក់ និងចូលរួមតាមប្រព័ន្ធនិម្មិតពីទីតាំងទី១ (ទួលស្លែង) ប្រមាណ ១,៥០០នាក់។

លោក លី ណាវុឌ្ឍ សាកលវិទ្យាធិការសាកលវិទ្យាល័យ ប៊ែលធី អន្តរជាតិ បានឱ្យដឹងថា សាកលវិទ្យាល័យបច្ចុប្បន្នមាន៣ទីតាំង និងផ្តល់ការបណ្តុះបណ្តាលលើកម្មវិធីសិក្សាចាប់ពីថ្នាក់បំប៉ន រហូតដល់ថ្នាក់បណ្ឌិត ជាមួយជំនាញជាច្រើនតាមកម្មវិធីសិក្សាជាតិ និងអន្តរជាតិ។

លោកបន្តថា សាកលវិទ្យាល័យបានដាក់បញ្ចូលកម្មវិធីចែករំលែកបទពិសោធន៍ជាប្រចាំក្នុងកម្មវិធីសិក្សា ដើម្បីផ្តល់ឱកាសដល់និស្សិតក្នុងការបង្កើនចំណេះដឹង ជំនាញ សមត្ថភាព វិន័យ និងវិជ្ជាជីវៈ តាមបាវចនា «គុណភាព ប្រសិទ្ធភាព ឧត្តមភាព សីលធម៌ គុណធម៌»។

លោកបណ្ឌិត លី ឆេង ស្ថាបនិក និងអគ្គនាយក ប៊ែលធី គ្រុប បានថ្លែងអំណរគុណចំពោះសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដែលបានអនុញ្ញាតឱ្យលោកជំទាវ ឡោក ខេង អញ្ជើញចែករំលែកចំណេះដឹង និងបទពិសោធន៍ការងារជូនដល់និស្សិត និងសហគមន៍ប៊ែលធី។

ក្នុងឱកាសនោះ លោកជំទាវ ឡោក ខេង បានលើកឡើងពីតួនាទី និងភារកិច្ចរបស់គណៈកម្មការទី៨ នៃរដ្ឋសភា ដែលទទួលបន្ទុកលើវិស័យសុខាភិបាល សង្គមកិច្ច ការងារ បណ្តុះបណ្តាលវិជ្ជាជីវៈ និងកិច្ចការនារី ព្រមទាំងបង្ហាញពីតួនាទីរបស់ក្រុមសភាជាតិកម្ពុជានៃអ្នកនយោបាយសភាស្ត្រីក្នុងការលើកកម្ពស់ភាពជាអ្នកដឹកនាំរបស់ស្ត្រី។

លោកជំទាវបានផ្តល់សារលើកទឹកចិត្តដល់យុវជនឱ្យខិតខំសិក្សា បង្កើនចំណេះដឹង ពង្រឹងជំនាញ ធ្វើបច្ចុប្បន្នភាពជាមួយបច្ចេកវិទ្យាឌីជីថល និង AI ព្រមទាំងរក្សាសីលធម៌ វិន័យ និងការទទួលខុសត្រូវក្នុងសង្គម។

លោកជំទាវក៏បានសង្កត់ធ្ងន់លើសារៈសំខាន់នៃសុខភាពសាធារណៈ ដោយលើកឡើងថា សុខភាពជាមូលដ្ឋានសំខាន់សម្រាប់ការកាត់បន្ថយភាពក្រីក្រ និងជំរុញឱ្យប្រជាពលរដ្ឋយកចិត្តទុកដាក់លើការរស់នៅប្រកបដោយសុខភាពល្អ។

ជាចុងក្រោយ លោកជំទាវបានប្រគល់សៀវភៅឯកសារពាក់ព័ន្ធនឹងការងាររបស់គណៈកម្មការទី៨ និងក្រុមសភាជាតិកម្ពុជានៃអ្នកនយោបាយសភាស្ត្រី ជូនសាកលវិទ្យាល័យ ប៊ែលធី អន្តរជាតិ ដើម្បីទុកជាឯកសារសិក្សាស្រាវជ្រាវ៕

ដោយ ៖សុខា

The post លោកជំទាវ ឡោក ខេង ជំរុញយុវជនបង្កើនចំណេះដឹង និងសមត្ថភាពក្នុងយុគសម័យឌីជីថល appeared first on Kampuchea Thmey Daily.

លោក លី ប៊ុនឆៃ អគ្គនាយករង ប៊ែលធី គ្រុប បានឱ្យដឹងថា បច្ចុប្បន្ន ប៊ែលធី គ្រុប មានបុគ្គលិក សាស្ត្រាចារ្យ និងលោកគ្រូ-អ្នកគ្រូសរុប ៤,២៣៨នាក់ នៅតាមទីតាំងចំនួន ៣៧ កន្លែង រួមមាន ស្នាក់ការកណ្ដាល ១កន្លែង សាកលវិទ្យាល័យ ៣កន្លែង និងសាលា ៣៣កន្លែង។

ក្នុងឆ្នាំ២០២៥ កន្លងមក ប៊ែលធី គ្រុប ទទួលបានសមិទ្ធផលសំខាន់ៗជាច្រើន ក្នុងវិស័យសំណង់ ទេសចរណ៍ អប់រំ ទំនាក់ទំនងអន្តរជាតិ មជ្ឈមណ្ឌលតេស្តអន្តរជាតិ ការស្រាវជ្រាវ និងបោះពុម្ពផ្សាយ ព្រមទាំងសកម្មភាពសប្បុរសធម៌។

ជាពិសេស ការបង្កើតការិយាល័យ MONASH – BELTEI IU Cambodia តាមរយៈកិច្ចសហប្រតិបត្តិការជាមួយ Monash University នៃប្រទេសអូស្ត្រាលី ដើម្បីបើកកម្មវិធីសិក្សាឆ្នាំមូលដ្ឋាន (Foundation Year) ដែលនិស្សិតអាចសិក្សា១ឆ្នាំនៅកម្ពុជា ហើយបន្ត៣ឆ្នាំនៅអូស្ត្រាលី។ កម្មវិធីនេះគ្រោងបើកដំណើរការនៅខែតុលា ឆ្នាំ២០២៦។

សម្រាប់ឆ្នាំ២០២៦ ប៊ែលធី គ្រុប បានកំណត់ទិសដៅអនុវត្តសំខាន់ៗចំនួន ១២ ចំណុច ដូចជា ការពង្រឹងប្រព័ន្ធគ្រប់គ្រង និងបទបញ្ជាផ្ទៃក្នុង ការអភិវឌ្ឍប្រព័ន្ធឌីជីថល (E-School, E-University និង Mobile Apps) ការដាក់ឱ្យប្រើប្រាស់កម្មវិធីសិក្សាអនឡាញ “BELTEI E-Learning Cambodia” ការកែលម្អកម្មវិធីសិក្សា ឱ្យស្របតាមទីផ្សារការងារ ការពង្រឹងវិន័យសិស្ស-និស្សិត និងគុណភាពបណ្តុះបណ្តាលភាសាបរទេស។

បន្ថែមពីនេះ ក្រុមហ៊ុនក៏ផ្តោតលើការពង្រឹងសហប្រតិបត្តិការជាតិ-អន្តរជាតិ ការបណ្តុះបណ្តាលជំនាញបុគ្គលិក ការអភិវឌ្ឍហេដ្ឋារចនាសម្ព័ន្ធថ្មីៗ និងការផ្តល់ឱកាសការងារដល់និស្សិត។

ក្នុងឱកាសនោះ លោកបណ្ឌិត លី ឆេង បានថ្លែងកោតសរសើរដល់គណៈគ្រប់គ្រង និងបុគ្គលិកគ្រប់ផ្នែក ដែលបានខិតខំប្រឹងប្រែងអនុវត្តភារកិច្ចបានល្អ រក្សាវិន័យ និងគុណតម្លៃវិជ្ជាជីវៈ។

ជាទីបញ្ចប់ ថ្នាក់ដឹកនាំបានប្រគល់លិខិតតែងតាំងជូនថ្នាក់ដឹកនាំចំនួន ២៦រូប និងផ្តល់ពានរង្វាន់ ប័ណ្ណអាហារូបករណ៍ ១០០% ព្រមទាំងរង្វាន់លើកទឹកចិត្ត ជូនបុគ្គលិកបម្រើការងាររយៈពេល ១០ឆ្នាំ ចំនួន ១៤៩រូបផងដែរ៕

ដោយ៖ សុខា

The post ប៊ែលធី គ្រុប រៀបចំយុទ្ធសាស្ត្រថ្មី និងទិសដៅអប់រំឆ្នាំ២០២៦ appeared first on Kampuchea Thmey Daily.

លោក ប៊ុត ឌីម៉ង់ ប្រធានការិយាល័យចំណេះទូទៅ បានឱ្យដឹងថា បច្ចុប្បន្នសាលា ប៊ែលធី អន្តរជាតិ មាន ៣២សាខា កំពុងដំណើរការ និង ១សាខា កំពុងសាងសង់។ ក្នុងឆ្នាំសិក្សា ២០២៤-២០២៥ សិស្សថ្នាក់ទី១២ របស់សាលាប៊ែលធី ចូលរួមប្រឡងបាក់ឌុបចំនួន ២,៧៥៤នាក់ ក្នុងនោះ ជាប់ ២,៦៨០នាក់ ស្មើនឹង ៩៧.៣១% ហើយមានសិស្សទទួលបាន និទ្ទេស A ចំនួន ២៣៩នាក់។ សញ្ញាបត្រទាំងអស់ក៏ត្រូវបានដាក់បញ្ចូលក្នុងគេហទំព័ររបស់សាលា ដើម្បីរក្សាទុកជាកំណត់ត្រា និងអាចទាញយកប្រើប្រាស់ជាផ្លូវការ។

ក្នុងកម្មវិធីនេះ សិស្សនិទ្ទេស A ចំនួន ៥នាក់ បានចែករំលែកបទពិសោធន៍ជោគជ័យ ដោយបញ្ជាក់ពីកត្តាសំខាន់ៗ ៤ រួមមាន៖ 

-កត្តាខ្លួនឯង កត្តាគ្រួសារ កត្តាសាលា និងកត្តាសង្គម។

-កត្តាខ្លួនឯង ត្រូវមានគោលដៅ ការតាំងចិត្ត ខិតខំរៀនសូត្រ ស្រាវជ្រាវ និងថែរក្សាសុខភាពល្អ។

-កត្តាគ្រួសារ មាតាបិតាផ្តល់ឱកាស ឧបត្ថម្ភអាហារូបត្ថម្ភ និងលើកទឹកចិត្តកូនៗក្នុងការសិក្សា។

-កត្តាសាលា មានកម្មវិធីសិក្សាល្អ គ្រូមានសមត្ថភាព និងបរិក្ខារសិក្សាទំនើបៗ រួមទាំងកម្មវិធី BELTEI IS App ជាជំនួយក្នុងការសិក្សា។

កត្តាសង្គម ស្ថិរភាព សន្តិភាព និងការអភិវឌ្ឍរបស់ប្រទេស ជាឱកាសសម្រាប់យុវជនក្នុងការសិក្សា និងអភិវឌ្ឍខ្លួន។

ក្នុងឱកាសនោះ លោកបណ្ឌិត លី ឆេង បានកោតសរសើរដល់សិស្សនិទ្ទេស A និងសិស្សជ័យលាភីទាំងអស់ ដែលបានខិតខំសិក្សា គោរពវិន័យ និងមានសីលធម៌ល្អ រហូតទទួលបានលទ្ធផលជោគជ័យ។ លោកក៏បានថ្លែងអំណរគុណដល់មាតាបិតា និងអ្នកអាណាព្យាបាល ដែលបានគាំទ្រ និងសហការជាមួយសាលាក្នុងការអប់រំកូនៗ។

ជាមួយគ្នានេះ លោកបណ្ឌិតក៏បានផ្តាំផ្ញើដល់សិស្សានុសិស្សឱ្យបន្តខិតខំសិក្សានៅថ្នាក់ឧត្តមសិក្សា ជ្រើសរើសមុខជំនាញដែលខ្លួនពេញចិត្ត ដើម្បីបង្កើតអាជីពនាពេលអនាគត និងប្រកួតប្រជែងក្នុងទីផ្សារការងារទាំងក្នុងតំបន់អាស៊ាន និងពិភពលោក។ លោកក៏បានលើកទឹកចិត្តឱ្យយុវជនពង្រឹងសមត្ថភាពភាសា ជំនាញបច្ចេកវិទ្យា និងការប្រើប្រាស់បញ្ញាសិប្បនិម្មិត (AI) ព្រមទាំងមានមនសិការ ស្នេហាជាតិ និងសាមគ្គីភាពជាតិ។

ជាទីបញ្ចប់ លោកបណ្ឌិត និងលោកស្រី បានប្រគល់ លិខិតសរសើរ និងប្រាក់រង្វាន់ ជូនសិស្សនិទ្ទេស A ទាំង ២៣៩នាក់ ព្រមទាំងនាយកសាខា និងលោកគ្រូអ្នកគ្រូថ្នាក់ទី១២ ដែលបានបង្រៀនសិស្សទទួលបានលទ្ធផលល្អផងដែរ៕

ដោយ ៖ សុខា

The post សិស្សនិទ្ទេស A របស់សាលាប៊ែលធី ចែករំលែកគន្លឹះជោគជ័យជូនសិស្សថ្នាក់ទី១២ appeared first on Kampuchea Thmey Daily.

ការលើកឡើងនេះ ធ្វើឡើងក្នុងឱកាសពិធីចុះកិច្ចព្រមព្រៀងសហប្រតិបត្តិការភាពជាដៃគូជាផ្លូវការ រវាង សាកលវិទ្យាល័យ ប៊ែលធី អន្តរជាតិ និង MONASH College (MONASH – BELTEI IU Cambodia) ដើម្បីសហការបើកកម្មវិធីសិក្សាថ្នាក់ឆ្នាំមូលដ្ឋាន (Foundation Year) នៅកម្ពុជា នាថ្ងៃទី២៩ ខែមករា ឆ្នាំ២០២៦។

លោក Derek Yip បានបញ្ជាក់ថា តាមរយៈទំនាក់ទំនងដ៏ល្អរវាងកម្ពុជា និងអូស្ត្រាលី ជារៀងរាល់ឆ្នាំមាននិស្សិតកម្ពុជាជាច្រើនបានទៅបន្តការសិក្សានៅប្រទេសអូស្ត្រាលី ហើយអតីតនិស្សិតជាច្រើនបានត្រឡប់មកបម្រើការងារនៅក្នុងជួររាជរដ្ឋាភិបាល ក្រសួង–ស្ថាប័ន និងវិស័យឯកជននៅកម្ពុជា ដោយរួមចំណែកយ៉ាងសំខាន់ដល់ការអភិវឌ្ឍប្រទេសជាតិ។ លោកក៏បានកោតសរសើរចក្ខុវិស័យរបស់សាកលវិទ្យាល័យ ប៊ែលធី អន្តរជាតិ ក្នុងការពង្រីកភាពជាដៃគូអន្តរជាតិ ជាពិសេសជាមួយ MONASH University។

ពិធីចុះកិច្ចព្រមព្រៀងនេះ បានប្រព្រឹត្តទៅក្រោមអធិបតីភាព លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការ តំណាងដ៏ខ្ពង់ខ្ពស់ លោកបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង លោក Derek Yip ឯកអគ្គរដ្ឋទូតអូស្ត្រាលី ប្រចាំនៅកម្ពុជា ព្រមទាំងវត្តមាន លោកបណ្ឌិត លី ឆេង តំណាងរាស្ត្រមណ្ឌលរាជធានីភ្នំពេញ ស្ថាបនិក–អគ្គនាយក ប៊ែលធី គ្រុប និងជាប្រធានក្រុមប្រឹក្សាភិបាលនៃសាកលវិទ្យាល័យ ប៊ែលធី អន្តរជាតិ និង អ្នកស្រីសាស្ត្រាចារ្យ Allie Clemans អនុអធិការបតីផ្នែកអប់រំ និងសាកលវិទ្យាធិការរងជាន់ខ្ពស់នៃ MONASH University និងជាប្រធានក្រុមប្រឹក្សាភិបាលនៃ MONASH College រួមជាមួយភ្ញៀវកិត្តិយសជាតិ–អន្តរជាតិ សរុបប្រមាណ ១,៥០០ នាក់។

ក្នុងឱកាសនេះ លោក លី ណាវុឌ្ឍ សាកលវិទ្យាធិការនៃសាកលវិទ្យាល័យ ប៊ែលធី អន្តរជាតិ បានមានប្រសាសន៍ថា ការចុះកិច្ចព្រមព្រៀងនេះ គឺជាកិត្តិយស និងមោទនភាពដ៏ធំធេងសម្រាប់សាកលវិទ្យាល័យ ប៊ែលធី អន្តរជាតិ ដែលបានក្លាយជាស្ថាប័នដំបូងគេនៅកម្ពុជា ក្នុងការសហការបើកកម្មវិធីសិក្សាថ្នាក់ឆ្នាំមូលដ្ឋានរបស់ MONASH University លើវិស័យពាណិជ្ជកម្ម បច្ចេកវិទ្យាព័ត៌មាន និងសុខភាព។ លោកបានបញ្ជាក់ថា MONASH College ជាផ្នែកមួយនៃ MONASH University ដែលជាសាកលវិទ្យាល័យលំដាប់កំពូលនៅប្រទេសអូស្ត្រាលី និងទទួលបានការទទួលស្គាល់ខ្ពស់លើគុណភាពបណ្តុះបណ្តាលកម្រិតឧត្តមសិក្សា។

បន្ទាប់មក លោក Fabian Marrone សាកលវិទ្យាធិការរងនៃ MONASH University និងជានាយកប្រតិបត្តិនៃ MONASH College បានបង្ហាញអំពីកម្មវិធីសិក្សា និងលក្ខណៈពិសេសនៃ MONASH University ខណៈដែល អ្នកស្រីសាស្ត្រាចារ្យ Allie Clemans បានបន្ថែមថា MONASH University មានមោទនភាពក្នុងការបង្កើតភាពជាដៃគូជាមួយសាកលវិទ្យាល័យ ប៊ែលធី អន្តរជាតិ ហើយតាមរយៈកិច្ចសហប្រតិបត្តិការនេះ អាចចូលរួមគាំទ្រដល់វិស័យអាទិភាពរបស់រាជរដ្ឋាភិបាលកម្ពុជា ជាពិសេសវិស័យអប់រំ បច្ចេកវិទ្យា និងសុខភាព។ អ្នកស្រីសង្ឃឹមថា នឹងមានសិស្ស–និស្សិតកម្ពុជាកាន់តែច្រើន ទៅបន្តការសិក្សានៅ MONASH University បន្ទាប់ពីបញ្ចប់ថ្នាក់ (Foundation Year) នៅ MONASH – BELTEI IU Cambodia ដោយជោគជ័យ។

ជាមួយគ្នានេះ លោកបណ្ឌិត លី ឆេង បានថ្លែងអំណរគុណយ៉ាងជ្រាលជ្រៅចំពោះ លោកជំទាវបណ្ឌិត គឹម សេដ្ឋានី និង លោកឯកអគ្គរដ្ឋទូតអូស្ត្រាលី ដែលបានផ្តល់កិត្តិយសជាអធិបតីក្នុងពិធីដ៏មានសារៈសំខាន់នេះ និងបានសម្តែងជំនឿថា កិច្ចសហប្រតិបត្តិការនេះ នឹងបង្កើនទំនុកចិត្តដល់អាណាព្យាបាល និងសិស្ស–និស្សិតជាតិ–អន្តរជាតិ លើការបណ្តុះបណ្តាលស្តង់ដារអន្តរជាតិ ដោយនិស្សិតអាចសិក្សាថ្នាក់ (Foundation Year) នៅកម្ពុជា និងបន្តការសិក្សាថ្នាក់បរិញ្ញាបត្រឆ្នាំទី២ ទី៣ និងទី៤ នៅ MONASH University ប្រទេសអូស្ត្រាលី៕

ដោយ ៖ សុខា

The post លោករដ្ឋទូតអូស្ត្រាលី ៖ ការអប់រំជាវិនិយោគដ៏មានឥទ្ធិពលបំផុតសម្រាប់យុវជន និងអនាគតកម្ពុជា appeared first on Kampuchea Thmey Daily.

តាម​ការ​ណែនាំ​ដ៏​ខ្ពង់ខ្ពស់​ពី លោក​ជំទាវបណ្ឌិត ពេជ ចន្ទមុន្នី ហ៊ុនម៉ាណែត, លោកបណ្ឌិត លី ឆេង តំណាងរាស្ដ្រមណ្ឌលរាជធានីភ្នំពេញ ស្ថាបនិក-អគ្គនាយក នៃប៊ែលធី គ្រុប បាន​ជួប​សំណេះសំណាល និងប្រគល់ប័ណ្ណអាហារូបករណ៍ពិសេស ១០០% សិក្សារយៈពេល ១២ឆ្នាំ របស់​សម្តេចមហាបវរធិបតី និង លោកជំទាវបណ្ឌិត ជូនដល់ក្មួយស្រី វៃ ណារី ដែលត្រូវជាកូនស្រីបង្កើតរបស់វីរយុទ្ធជន លោកអនុសេនីយ៍ឯក ពោ វៃ ឱ្យមានឱកាសបានមកបន្តការសិក្សានៅសាលា ប៊ែលធី អន្តរជាតិ មួយចប់កម្មវិធីសិក្សា ទាំងថ្នាក់ចំណេះទូទៅ (ថ្នាក់ទី១ ដល់ ថ្នាក់ទី១២) និងភាសាអង់គ្លេសទូទៅ (Starter ដល់ Level 12)។

ចំពោះ អាហារូបករណ៍ពិសេស នេះ រួមមាន៖
១-អាហារូបករណ៍ ១០០% សិក្សាមួយចប់កម្មវិធីទាំងថ្នាក់ចំណេះទូទៅ និងភាសាអង់គ្លេសទូទៅ
២-ឯកសណ្ឋានថ្នាក់ចំណេះទូទៅ ចំនួន ២កំប្លេ និងអាវយឺត ចំនួន ១ ជារៀងរាល់ឆ្នាំ
៣-អាវយឺតថ្នាក់ភាសាអង់គ្លេស ចំនួន ២ ជារៀងរាល់វគ្គ
៤-សៀវភៅពុម្ពសិក្សាថ្នាក់ចំណេះទូទៅ និងភាសាអង់គ្លេសទូទៅ ១ឈុត ជារៀងរាល់វគ្គ/ឆ្នាំ
៥-កញ្ចប់កម្មវិធីសិក្សាបន្ថែមថ្នាក់ចំណេះទូទៅ និងភាសាអង់គ្លេសទូទៅ ជារៀងរាល់វគ្គ/ឆ្នាំ។

ក្នុង​ឱកាស​ដ៏​ក្រៀមក្រំ​នេះ លោក​បណ្ឌិតអគ្គនាយក ក៏​បាន​ចូលរួម​រំលែក​ទុក្ខ​យ៉ាង​សោកសៅ​បំផុត​ជា​មួយ​ក្រុម​គ្រួសារ​ចំពោះ​ការ​ពលី​របស់ លោកអនុសេនីយ៍ឯក ពោ វៃ ។ ការ​ពលី​របស់ លោក​អនុសេនីយ៍ឯក គឺ​ជា​ការ​បាត់បង់​នូវ​វីរកង​ទ័ព​ដ៏​ក្លាហាន​ដែល​ហ៊ាន​លះបង់​គ្រប់​បែប​យ៉ាង សូម្បី​អាយុ​ជីវិត ដើម្បី​បុព្វហេតុ​ការពារ​ជាតិ​មាតុភូមិ និង​ទឹក​ដី​របស់​យើង​ឱ្យ​បាន​គង់វង្ស​សម្រាប់​កូន​ខ្មែរ​ជំនាន់​ក្រោយ​គ្រប់ៗ​ជំនាន់​តរៀងទៅ។ ជាពិសេស គឺ​ជា​ការ​បាត់បង់​នូវ​ឧត្តមស្វាមី និង​លោក​ឪពុក​ប្រកប​ដោយ​ព្រហ្មវិហារធម៌ ដែល​តែង​តែ​ចិញ្ចឹម​បី​បាច់ ថែរក្សា និង​ទំនុក​បម្រុង​ក្រុម​គ្រួសារ​គ្រប់ពេលវេលាដោយមិនគិតពីការនឿយហត់។

សូម​លើក​ទឹក​ចិត្ត​ក្មួយស្រី ត្រូវ​ខិត​ខំ​សិក្សា​រៀនសូត្រ ដើម្បីអនាគតរបស់ក្មួយស្រីផ្ទាល់ ជាពិសេស​បំពេញ​បំណង​ប្រាថ្នា​របស់​លោកឪពុក និង​តប​ស្នងសង​គុណ​អ្នកម្តាយ ដែល​កំពុង​បី​បាច់​ថែរក្សា​ក្មួយ​សព្វ​ថ្ងៃនេះ។ សូមក្មួយ កុំបារម្ភ បើទោះបី លោកឪពុកក្មួយបានពលីក៏ពិតមែន តែក្មួយនៅមាន ម្តាយ ជាពិសេស សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេច​កិត្តិព្រឹទ្ធបណ្ឌិត ព្រមទាំង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោក​ជំទាវ​បណ្ឌិត រួមជាមួយ ថ្នាក់ដឹកនាំ បុគ្គលិក លោកគ្រូ អ្នកគ្រូ នៃសាលា ប៊ែលធី អន្តរជាតិទាំងអស់ ចាំជួយ​ទំនុក​បម្រុង​រហូត​ដល់​រៀន​ចប់​ចុង​ចប់​ដើម ចាប់​ពី​ថ្នាក់​ចំណេះ​ទូទៅ (K12) នេះ រហូត​ដល់​ថ្នាក់​ឧត្តមសិក្សា។

សូម​បួងសួង​ដល់​ដួង​វិញ្ញាណក្ខន្ធ​សព​វីរយុទ្ធជន លោក​អនុសេនីយ៍ឯក ពោ វៃ សូម​បាន​ទៅ​កាន់​សុគតិភព​កុំ​បី​ឃ្លៀងឃ្លាតឡើយ៕

The post សាលាប៊ែលធី ប្រគល់​អាហារូបករណ៍​ពិសេស១០០% រយៈពេល១២ឆ្នាំ ដល់​កូនស្រី បង្កើត​លោកអនុសេនីយ៍ឯក ពោ វៃ ដែល​ពលី​ក្នុង​បុព្វហេតុ​ការពារ​បូរណភាព​ទឹកដី appeared first on Kampuchea Thmey Daily.

ថ្លែងក្នុងឱកាសប្រគល់សញ្ញាបត្រភាសាអង់គ្លេស ប៊ែលធីជូនដល់សិស្សថ្នាក់ភាសាអង់គ្លេសទូទៅ កម្រិត១២ (Level 12) ជំនាន់ទី៦៩ ដល់ទី៧៤ ដែលបានប្រឡងជាប់ សញ្ញាបត្រភាសាអង់គ្លេសប៊ែលធី (BELTEI ESL DIPLOMA) ចំនួន ៩៧២នាក់ លោកបណ្ឌិតបានថ្លែងកោតសរសើរចំពោះក្មួយៗ ដែលបានខិតខំ យកចិត្តទុកដាក់ប្រឹងប្រែងសិក្សារៀនសូត្រ និងស្តាប់គ្រូពន្យល់ ក៏ដូចជាគោរពបទបញ្ជាផ្ទៃក្នុង មានវិន័យ សីលធម៌ និង គុណធម៌ល្អ មិនបង្កផលលំបាកដល់គ្រួសារ និងសង្គមជាតិ រហូតទទួលបានជោគជ័យក្នុងការប្រឡងបញ្ចប់វគ្គ និង ទទួលបានសញ្ញាបត្រភាសាអង់គ្លេសប៊ែលធី (BELTEI ESL DIPLOMA) នាពេលនេះ។

ក្នុងឱកាសនោះដែរលោក ចាន់ ទីតា ប្រធានការិយាល័យភាសាអង់គ្លេសទូទៅបានឱ្យដឹងថា៖ បច្ចុប្បន្ននេះ សាលា ប៊ែលធី អន្តរជាតិ មាន ៣២សាខា (៣០សាខា កំពុងដំណើរការ និង២សាខាកំពុងសាងសង់ គឺប៊ែលធីទី៣១-សាខាវត្តទួលឫស្សីកែវ និង ប៊ែលធីទី៣២-សាខាក្រាំងធ្នង់) ដែលមានបុគ្គលិកបម្រើការសរុបចំនួន ២,៨៩៦នាក់ (នារី១,០០៨នាក់) និងមាន សិស្សានុសិស្សកំពុងសិក្សាសរុបចំនួន ៦០,៥៥៩នាក់ (នារី ២៩,២៩២នាក់) ព្រមទាំងមានកម្មវិធីសិក្សាធំៗចំនួន៥ និង បានបញ្ជូលកម្មវិធីសិក្សាបន្ថែមចំនួន១២ លើកម្មវិធីដែលមានស្រាប់ សម្រាប់ថ្នាក់ចំណេះទូទៅ និងភាសាអង់គ្លេសទូទៅ។

គិតត្រឹមឆ្នាំសិក្សា២០២៤-២០២៥ សាលា ប៊ែលធី អន្តរជាតិ មានសិស្សថ្នាក់ភាសាអង់គ្លេសទូទៅ កម្រិត១២ (Level 12) ដែលបានប្រឡងបញ្ចប់សញ្ញាបត្រភាសាអង់គ្លេសប៊ែលធី (BELTEI ESL DIPLOMA) ចំនួន ១៥,២៣៦នាក់ ។ ក្នុងនោះសិស្សដែលប្រឡងបានពិន្ទុអាយអែល (IELTS) 5.0 ឡើងទៅ ចំនួន ១១,៨៨៤នាក់ ស្មើនឹង ៧៨% ដែលនឹងទទួលបានសញ្ញាបត្រចំនួនពីរគឺ៖ ១-ចេញដោយសាលា ប៊ែលធី អន្តរជាតិ និង ២-ចេញដោយក្រុមប្រឹក្សា ភាសាអង់គ្លេស នៃចក្រភពអង់គ្លេស (BRITISH COUNCIL) ហើយសញ្ញាបត្រទាំងពីរនេះ ត្រូវបានដាក់បញ្ចូល (Upload) ទៅក្នុងវេបសាយរបស់ប៊ែលធី ដើម្បីទុកជាកាលប្បវត្តិសម្រាប់សិស្សគ្រប់រូបទាញយក (Download) ប្រើប្រាស់ ជាផ្លូវការផងដែរ។

ជាទីបញ្ចប់ ឯកឧត្តមបណ្ឌិត ប្រធានគណៈអធិបតី និង លោកជំទាវ បានចូលរួមអបអរសាទរ និង ប្រគល់សញ្ញាបត្រដល់សិស្សជ័យលាភីទាំង ៩៧២នាក់ នាពេលនោះផងដែរ៕

អត្ថបទ៖ សុខា

The post បណ្ឌិត លី ឆេង បន្តជំរុញ​ឱ្យ​យុវជន​ខិតខំ​យកសិក្សារៀនសូត្របន្ថែមទៀត ដើម្បី​ក្លាយ​ជាមូលធនមនុស្ស​ដ៏សំខាន់របស់សង្គមជាតិ appeared first on Kampuchea Thmey Daily.

ការថ្លែងបែបនេះ​ ត្រូវ​បាន​ធ្វើ​ឡើង​ក្នុង​ឱកាស​បាន​អញ្ជើញ​ចែក​រំលែក បទពិសោធន៍ លើប្រធានបទ “កិច្ចការបរទេស និង​សហប្រតិបត្តិកា​រអន្តរជាតិ នៃរដ្ឋសភា” ជូន​ដល់​ថ្នាក់ដឹកនាំ បុគ្គលិក​ សាស្ត្រាចារ្យ និងនិស្សិត សរុបចំនួន២,២៦៥នាក់ នៅសាកលវិទ្យាល័យ ប៊ែលធី អន្តរជាតិ ទីតាំងទី២ (ស្ពានអាកាស ចោមចៅ) ដែលមានអ្នកចូលរួមផ្ទាល់ចំនួន ១,១៣១នាក់ និងចូលរួមតាមប្រព័ន្ធនិម្មិត (Zoom) នៅទីតាំងទី១ (ទួលស្លែង) ចំនួន ១,១៣៤នាក់ នាព្រឹកថ្ងៃទី២៣ ខែមេសា ឆ្នាំ២០២៥នេះ។

លោកបានបន្ថែមថា គោលការណ៍ទាំង៥នោះរួមមាន ១-សាមគ្គីភាពគ្នាក្នុងភាព ចម្រុះ, ២-ការគោរពគ្នាទៅវិញទៅមក ការយោគយល់គ្នាទៅវិញទៅមក ការទុកចិត្តគ្នាទៅវិញទៅមក និងការផ្តល់ផលប្រយោជន៍ ទៅវិញទៅមក ដើម្បីសន្តិភាពនិងវិបុលភាព (M4P2), ៣-ភាពអត់ឱន យុត្តិធម៌ និងសមភាព, ៤-ការរួមរស់ជាមួយគ្នាដោយ សន្តិភាព និងការទប់ស្កាត់ជម្លោះ, និង ៥-វប្បធម៌នៃសន្តិភាព។

លោក ក៏​បាន​លើក​ឡើង​អំពី​ជោគជ័យ​ដែល​រដ្ឋសភា​កម្ពុជា​បាន​ធ្វើ​ជា​ម្ចាស់​ផ្ទះ​សភា​អន្តរជាតិសំខាន់ៗ ជាអាទិ៍ ១-កិច្ច ប្រជុំភាពជាដៃគូសភាអាស៊ី-អឺរ៉ុបលើកទី១១ (ASEP11-2021), ២-មហាសន្និបាតអន្តរសភាអាស៊ានលើកទី៤៣ (AIPA43-2022), និង ៣-សម័យ​ប្រជុំ​ពេញ​អង្គ​សភា​អន្តរជាតិ​ដើម្បីភាពអត់ឱននិងសន្តិភាព (IPTP11)-ដើម្បីឈានទៅសម្រេចនូវ «ធម្មនុញ្ញសន្តិភាពសកល៖ ដើម្បីមនុស្សជាតិ និងភពផែនដី» ដែលកើតចេញពីស្នាដៃនិងគំនិតផ្តួចផ្តើមរបស់ សម្តេចអគ្គមហា សេនាបតីតេជោ ហ៊ុន សែន។

លោកបានបន្តថា ដើម្បីធ្វើការទូតសភាឱ្យបានសង្គតភាពគឺត្រូវឈរលើគោលការណ៍ឯកភាព មិនដើម្បីប្រណាំង ប្រជែងឬប្រឈមមុខ ប៉ុន្តែឯកភាពដើម្បីសហប្រតិបត្តិការ។ បង្កើនភាពធន់ ក្នុងការជម្នះនូវឧបសគ្គព្យុះភូមិសាស្ត្រនយោបាយ ដើម្បីការពារផលប្រយោជន៍ជាតិស្នូលរបស់កម្ពុជា រក្សាសន្តិភាព ស្ថិរភាព ការរស់រាន និងការរីកចម្រើន ដោយប្រកាន់ខ្ជាប់ យ៉ាងម៉ឺងម៉ាត់នូវអព្យាក្រឹតភាព ការគោរពច្បាប់អន្តរជាតិ និងគោលនយោបាយការ​បរទេស​ឯករាជ្យ​បញ្ចៀស​ការ​ធ្វើ​សកម្មភាព ជា​មួយ​ភាគី​ម្ខាង​ហើយ​ធ្វើ​ឱ្យ​ខូចប្រយោជន៍ដល់ភាគីម្ខាងទៀត។

លោកគូសបញ្ជាក់​ថា​ កន្លង​មក​គោលនយោបាយការទូតសភា ជា​ទូទៅ​កិច្ចការងារ​ការ​ទូត​ត្រូវ​គេ​យល់​ឃើញ​ថា ជា​ការងារ​របស់​ស្ថាប័ន​នីតិប្រតិបត្តិ​ដែល​អនុវត្ត​ដោយ​ក្រសួងការ​បរទេស ប៉ុន្តែ​នៅ​ក្នុង​ទសវត្សន៍​ចុងក្រោយ​នេះ ស្ថាប័ន​នីតិប្បញ្ញត្តិ មាន​តួនាទី​យ៉ាង​សំខាន់​តំណាង​ប្រជាជន ដើម្បី​ពង្រីក​ចំណងមិត្តភាព​ជា​មួយ​សភា​នៃ​បណ្តាប្រទេសជាមិត្តទាំងក្នុងក្របខ័ណ្ឌ ទ្វេភាគី និងពហុភាគី។

ហើយ វិស័យការទូតសភា (រដ្ឋសភា និងព្រឹទ្ធសភា) គឺជាការងារការទូតច្រកទី២ (Track ២)ដែល ត្រូវបានអនុវត្តយ៉ាងទៀតទាត់តាមនីតិកាលនីមួយៗ ស្របតាមគោលនយោបាយរបស់គណបក្សដឹកនាំ និងកម្មវិធីនយោបាយ ការទូតរបស់រាជរដ្ឋាភិបាល ក្នុងគោលបំណងការពារផលប្រយោជន៍ជាតិ ឯករាជ្យ អធិបតេយ្យភាព បូរណភាពទឹកដី និងការអភិវឌ្ឍ សេដ្ឋកិច្ច។

ក្នុង​ឱកាស​នោះ លោកបណ្ឌិត លី ឆេង តំណាងរាស្ត្រមណ្ឌលរាជធានីភ្នំពេញ ស្ថាបនិក និងជាអគ្គនាយក ប៊ែលធី គ្រុប បានគោរពថ្លែងអំណរគុណយ៉ាងជ្រាលជ្រៅចំពោះ សម្តេចមហារដ្ឋសភាធិការធិបតី ប្រធានរដ្ឋសភា ដែលបានអនុញ្ញាតជូន ឯកឧត្តម សួស យ៉ារ៉ា ផ្តល់កិត្តិយសដ៏ឧត្តុង្គឧត្តមអញ្ជើញមកចែករំលែកបទពិសោធន៍ការងារ ការដឹកនាំ និងចំណេះដឹងពាក់ព័ន្ធនឹងកិច្ចការបរទេស និងសហប្រតិបត្តិការអន្តរជាតិរបស់រដ្ឋសភា ជូនដល់ ថ្នាក់ដឹកនាំ បុគ្គលិក សាស្ត្រាចារ្យ និងនិស្សិតប៊ែលធី។

លោកបណ្ឌិត ក៏បានគោរពថ្លែងអំណរគុណចំពោះ ឯកឧត្តម លោកជំទាវ ភ្ញៀវកិត្តិយស ទាំងអស់ ដែលបានចំណាយពេលវេលាដ៏មានតម្លៃ និងមមាញឹកផ្តល់កិត្តិយសអញ្ជើញចូលរួមជាគណៈអធិបតី ព្រមទាំងផ្តាំផ្ញើអង្គ សិក្ខាសាលាទាំងអស់ ត្រូវត្រងត្រាប់ស្តាប់ដោយយកចិត្តទុកដាក់ និងកត់ត្រានូវបទពិសោធន៍ និងចំណេះដឹងល្អៗ សម្រាប់ទុក ប្រើប្រាស់ជាទុន ដើម្បីអភិវឌ្ឍសមត្ថភាពតទៅអនាគត៕

The post លោក សួស យ៉ារ៉ា ៖ ការ​ទូត​សន្តិភាព​សភា​កម្ពុជា​មាន​បទ​ពិសោធន៍​កសាង​សន្តិភាព​ជាក់ស្តែង និង​ផ្អែក​លើ​គោលការណ៍​ទាំង​៥ appeared first on Kampuchea Thmey Daily.