កាលពីឆ្នាំមុន តារាទាំងពីរនេះក៏ធ្លាប់បង្កើតភាពកក្រើកម្តងរួចមកហើយ តាមរយៈបទ «ចាក់ក្រឡេកទយ» ដែលទទួលបានអ្នកទស្សនារហូតដល់ ១០លានដង បង្កើតជាកំណត់ត្រាដ៏គួរឱ្យចាប់អារម្មណ៍មួយផងដែរ។

យ៉ាងណា មិនចាញ់បទឆ្នាំមុនឡើយ ស្នាដៃថ្មី ដែលជាការចាប់ដៃគូជាថ្មីរវាងតារាចម្រៀងល្បី សុគន្ធ នីសា និងតារាពហុជំនាញ រ៉ូលីន បានបង្ហាញស្ទីលប្លែក ស្រស់ស្រាយ និងពោរពេញដោយអារម្មណ៍កំប្លុកកំប្លែង ធ្វើឱ្យទស្សនិកជនពេញចិត្ត និងបង្ហាញក្តីរីយរាយតាមចម្រៀងដែរ។ លើសពីនេះ អ្វីដែលគួរឱ្យចាប់អារម្មណ៍ ត្រឹមតែបង្ហើប Trailer បទ «កាឌិនហយ» ក៏ទទួលបានការទស្សនាជាង ២.៣លានដង ក្នុងរយៈពេលត្រឹម ២០ម៉ោងប៉ុណ្ណោះ បង្ហាញពីកម្លាំងគាំទ្រខ្លាំងពីទស្សនិកជន។

ក្នុងឱកាសនេះផងដែរ សោម ដូរ៉េ អ្នកនិពន្ធទំនុកច្រៀង និង លាង ស៊ាងលីន បានផ្ញើសារទៅកាន់ទស្សនិកជន ដោយសុំអភ័យទោសជាមុន ប្រសិនបើមានចំណុចណាមួយមិនគាប់ចិត្ត។ លោក សោម ដូរ៉េ បានបញ្ជាក់ថា នេះជាសហការលើកទី២របស់លោកជាមួយតារាទាំងពីរ ហើយលោកក៏សង្ឃឹមថា បទនេះនឹងនាំមកនូវសំណើច ស្នាមញញឹម និងអារម្មណ៍រីករាយដល់អ្នកស្តាប់ទាំងអស់។

ជាមួយគ្នានេះ លោកក៏បានបង្ហាញចិត្តទូលាយក្នុងការទទួលយកមតិយោបល់ និងការរិះគន់គ្រប់ទិស ដើម្បីអភិវឌ្ឍស្នាដៃឱ្យកាន់តែល្អប្រសើរឡើងបន្តទៀត។

ជារួម បទ «កាឌិនហយ» មិនត្រឹមតែជាបទចម្រៀងសម្រាប់កម្សាន្តទេ ប៉ុន្តែថែមទាំងជាការបញ្ចូលពណ៌សប្បាយរីករាយ និងស្មារតីបុណ្យចូលឆ្នាំ ដែលធ្វើឱ្យទស្សនិកជនមានអារម្មណ៍រីករាយ និងស្រលាញ់កាន់តែខ្លាំងឡើង៕

The post ចម្រៀងរួមគ្នា នីសា-រ៉ូលីន បទ«កាឌិនហយ» កាន់តែអង្រួនបេះដូងអ្នកគាំទ្រ ក្រោយចេញ Full MV appeared first on Kampuchea Thmey Daily.

តាមរយៈទំព័រហ្វេសប៊ុក Wishing ជូនពរ តារាចម្រៀង សុគន្ធ នីសា បានបង្ហាញវង់ភក្រស្រស់ទន់ភ្លន់ គ្រងឈុតទេវតាឆ្នាំថ្មី ដែលរៀបចំយ៉ាងពិសេសដោយក្រុមការងារ Wishing ជូនពរ ច្នៃបញ្ចូលស្បៃខ្មែរ ដែលជាសម្បត្តិបេតិកភណ្ឌវប្បធម៌ដ៏មានតម្លៃរបស់ជាតិ។ ខណៈមិនត្រឹមតែបង្ហាញពីភាពប្រណិតនៃសិល្បៈនោះទេ ប៉ុន្តែថែមទាំងជាការបញ្ជាក់ពីការច្នៃប្រឌិតបន្តបន្ទាប់ ក្នុងការបង្កើនតម្លៃសម្លៀកបំពាក់ប្រពៃណីឱ្យសមស្របនឹងសម័យទំនើបផងដែរ។

អ្វីដែលគួរឱ្យកត់សម្គាល់ “ស្បៃខ្មែរ” ដែលត្រូវបានប្រើក្នុងការរចនាឈុត «រាក្យសាទេវី» មានលក្ខណៈលាយបញ្ចូលយ៉ាងសមស្របរវាងសិល្បៈបុរាណ និងការរចនាសម័យថ្មី បង្កើតភាពទាក់ទាញពិសេស និងធ្វើឱ្យសាធារណជនមានអារម្មណ៍ថា វប្បធម៌ខ្មែរនៅតែមានជីវិត និងអាចអភិវឌ្ឍបន្តបានយ៉ាងរស់រវើក។

ភាពលេចធ្លោរបស់ សុគន្ធ នីសា លើកនេះ មិនត្រឹមតែជាការបង្ហាញសម្រស់ និងសមត្ថភាពផ្ទាល់ខ្លួនប៉ុណ្ណោះទេ ប៉ុន្តែថែមទាំងជាការលើកស្ទួយតម្លៃ ស្បៃខ្មែរ ឱ្យកាន់តែមានកេរ្តិ៍ឈ្មោះទាំងក្នុង និងក្រៅប្រទេស។ អ្នកគាំទ្រជាច្រើនបានបង្ហាញមតិថា នេះជាការបង្ហាញសិល្បៈដែលសមនឹងទទួលបានការគាំទ្រយ៉ាងទូលំទូលាយ។

ជាមួយគ្នានេះ ការបង្ហាញខ្លួនក្នុងឈុតទេវតាឆ្នាំថ្មីនេះ ក៏បានក្លាយជាសារដ៏មានន័យមួយ ដើម្បីជំរុញឲ្យយុវជនខ្មែរ បន្តថែរក្សា និងអភិរក្សបេតិកភណ្ឌវប្បធម៌ជាតិ ដូចជា “ស្បៃខ្មែរ” ឲ្យបានគង់វង្ស និងបន្តលេចធ្លោក្នុងឆាកអន្តរជាតិ៕

The post ផ្ទុះការសរសើរ! សុគន្ធ នីសា លេចធ្លោក្នុងឈុតទេវតាឆ្នាំថ្មីដ៏ប្រណិត លើកតម្លៃស្បៃខ្មែរ appeared first on Kampuchea Thmey Daily.

បើតាមមតិក្នុងវីដេអូចម្រៀងមួយបទនេះ សាធារណជនភាគច្រើនដែលមិនជាប់ពាក់ព័ន្ធនឹងវីរកងទ័ពផង បានបញ្ចេញមតិក្នុងន័យតែមួយថា “ត្រឹមអ្នកដទៃ ស្ដាប់ហើយបេះដូងចុកអួល ចុះទំរាំគ្រួសារវីរកងទ័ព តើពួកគាត់ឈឺយ៉ាងណាទៅ” ។

ទន្ទឹមនឹងអត្ថន័យធ្វើឱ្យកើតក្តីរំជួលចិត្ត កវីនិពន្ធចម្រៀងមួយបទនេះ ក៏លើកឡើងផងដែរថា “ស្តាប់បទនេះហើយ សូមបងប្អូនមួយចំនួនមានស្មារតីជាតិនិយមឡើងវិញ សូមយល់ពីការឈឺចាប់ក្នុងនាមជាកូនខ្មែរតែមួយ និងគ្រួសារវីរកងទ័ពខ្មែរ ជាពិសេសការលះបង់របស់វីរកងទ័ព ភ្ជុំនេះ ទៅវត្តកុំភ្លេចឧទ្ទិសជូនដល់ដួងវិញ្ញាណក្ខន្ធវីរកងទ័ពទាំងអស់ ដែលបានពលីជីវិតក្នុងការការពារជាតិមាតុភូមិយើងបានទៅកាន់សុគតិភព”។

គួរជម្រាបថា « ចង្ហាន់បាត់គូ » ជាបទថ្មី និពន្ធទំនុកច្រៀងដោយកវីនិពន្ធឆ្នើម ស៊ិន ធារី និងនិពន្ធបទភ្លេងដោយកវីនិពន្ធ មាស សុគន្ធ ខណៈទើបតែបញ្ចេញបទនេះជាផ្លូវការកាលពីរសៀលម្សិលមិញនេះ៕

The post បទថ្មី សុគន្ធ នីសា « ចង្ហាន់បាត់គូ » ចាក់ដោតអារម្មណ៍អ្នកស្តាប់ សូម្បីតែមិនជាប់សាច់ឈាមនឹងវីរកងទ័ពពលី appeared first on Kampuchea Thmey Daily.

សុគន្ធ នីសា គិត​មក​ទល់​ពេលនេះ​នាង​មាន​អាយុ​ខ្ទង់ ៤០ ឆ្នាំ ហើយ។ ក្នុង​នោះ​ដែរ អ្នកនាង សុគន្ធ នីសា ក៏​ត្រូវ​បាន​គេ​ចាត់ទុកជា​តារា​ចម្រៀង​ម្នាក់​ដ៏​មាន​ប្រជាប្រិយភាព និង​មាន​សម្រស់​ស្រស់​ស្អាត​ពី​ធម្មជាតិ។ លើស​ពី​នេះ នាង​ក៏​ទទួល​បាន​ការ​សរសើរ​ថា​ជា​តារា​ស្រី​ដែល​មាន​អត្តចរិត​ស្លូតបូត និង​សុភាពរាបសារ​ទៀត​ផង។

រឿង​ដែល​ធ្វើ​ឲ្យ​អ្នកគាំទ្រ​នាង​កាន់តែ​ចាប់អារម្មណ៍​ថែម​ទៀត ថ្មីៗ នេះ តារា​ស្រី​សំឡេង​មនោ​សញ្ចេតនា សុគន្ធ នីសា បាន​រំលេច​ខ្លួន​យ៉ាង​ស្រស់​ស្អាត​ក្នុង​ឈុត​បុរាណ​បង្ហា​ញ​ពី​អត្តសញ្ញាណ​របស់​ជាតិខ្មែរ​គួរ​ឲ្យ​ទាក់ទាញ។ ចំណុច​នេះ​បាន​ធ្វើ​ឲ្យ​អ្នកគាំទ្រ​មួយ​ចំនួន​សរសើរ​ពី​ការ​តុបតែង​ខ្លួន​ក្នុង​ឈុត​ដ៏​ប្រណិត ពិសេស​ការ​ថែរក្សា​សម្រស់ និង​រាង​ស្រស់​ស្អាត​របស់ នីសា មើល​ទៅ​លេចធ្លោ​ខ្លាំង។

អ្នកនាង សុគន្ធ នីសា និយាយ​ឲ្យ​ដឹង​ថា សម្លៀក​បំពាក់​ដ៏​ស្រស់​ស្អាត​ប្រពៃ​មួយ​នេះ​គឺ​នាង​សែន​ស្រឡាញ់​ខ្លាំង ជា​អត្តសញ្ញាណ​របស់​ខ្មែរ​ពិតៗ។ នាង​ក៏​អរគុណ​ណាស់​ដែល​តែងតែ​មានគំនិត​ច្នៃ​ប្រឌិត​ថែរក្សា ការពារ ស្រឡាញ់​ដោយ​បេះដូង​ស្មោះ។ ជា​ការ​ពិត នីសា ទោះបី​ពេលនេះ​នាង​មាន​វ័យ​ច្រើន តែ​នាង​នៅតែ​រក្សា​បាន​ភាព​ស្រស់​ស្អាត​មិន​ចាញ់​ក្រមុំ​ឡើយ។

សុគន្ធ នីសា ជា​តារា​ចម្រៀង​ខ្មែរ​មួយ​រូប​ដែល​មាន​សមត្ថភាព​ច្រៀង​ដាក់​សំឡេង​មនោសញ្ចេតនា​បាន​ល្អ បូករួម​នឹង​ទេពកោសល្យ​សិល្បៈ​ខ្ពស់​ផង​ដែរ។ ម្យ៉ាងទៀត​គេ​កត់​សម្គាល់​ថា សម្រាប់​ទីផ្សារ​ចម្រៀង​បច្ចុប្បន្ន នាង​ហាក់​នៅ​ឈរ​លំដាប់​ជួរ​មុខ​ក្នុងចំណោម​តារា​ស្រី​ល្បីៗ ជាច្រើន​នាក់​ទៀត៕

អត្ថបទ ៖ ចាន់រ៉ា

The post មើលជ្រុងណាក៏ស្អាត ! សុគន្ធ នីសា ក្នុងឈុតបុរាណរំលេចអត្តសញ្ញាណរបស់ជាតិខ្មែរ appeared first on Kampuchea Thmey Daily.

លោក សឿន វីតា លើក​ឡើង​ថា នេះ​គឺជា​ការ​ជួយ​ចែករំលែក​ទឹកចិត្ត​ដ៏​ល្អ​ពី​សំណាក់​តារា​ចម្រៀង​អ្នកនាង សុគន្ធ នីសា ដើម្បី​លើកទឹកចិត្ត និង​ជួយ​ដល់​ការ​ខ្វះខាត នា​ពេលនេះ។

លោក វីតា លើក​ឡើង​បន្ត​ថា «ប្អូន​សែន​អរគុណ IdOl បងស្រី ដែល​ជួយ​ទិញ​ម្ហូប​ប្អូន ហើយ​ប្រាប់​ពី​របៀប​ព្យាបាល​របៀប​ខ្មែរ និង​ផ្ញើ​ស្រា.ស សុទ្ធ​មក​ឲ្យ​ត្រាំ​ថ្នាំ​ញាំ បារម្ភ​ក្រែង​ស្រា​ទិញ​ខ្លួនឯង​មិន​សុទ្ធ»។

លោក​លើក​ឡើង​បន្ត​ទៀត​ថា «មិន​ដែល​ជួប​មុខ​បងស្រី មិន​ដែល​ស្គាល់​គ្នា តែ​បងស្រី​សួរនាំ​សុខភាព រហូត ជូនពរ​បងស្រី​មាន​សុខភាព​ល្អ សម្រស់​កាន់តែ​ស្អាត ជោគជ័យ​គ្រប់​ការងារ»។ ជាមួយ​គ្នា​នេះ​ដែរ គេ​ក៏​ឃើញ​អ្នក​គាំទ្រ​មួយ​ចំនួន បាន​លើកទឹកចិត្ត​ដល់​តារា​សម្ដែង​លោក សឿន វីតា ឲ្យ​មាន​ភាព​តស៊ូ និង​រឹងមាំ​ផង​ដែរ។

សូម​ជម្រាប​ថា តារា​សម្ដែង​លោក សឿន វីតា កន្លងមក​ធ្លាប់​បាន​ចេញ​មក​ទម្លាយ​ការ​ពិត​ជុំវិញ​រឿងរ៉ាវ​ធ្លាក់​ខ្លួន​ស្ទើរ​ដល់​ចំណុចសូន្យ បន្ទាប់ពី​លោក​លង់ខ្លួន​ក្នុង​បំណុល​ដោយសារ​ការ​ចាញ់​បោក និង​ជួយ​អាសា​ដល់​បុគ្គល​មួយ​ចំនួន​ដែល​ជា​មនុស្ស​ស្គាល់​រាប់អាន​គ្នា។ យ៉ាងណាមិញ បច្ចុប្បន្ន លោក វីតា បាន​និង​កំពុង​តស៊ូ​ព្យាយាម​រកស៊ី​លក់​ម្ហូប​ត្រី​សាច់​គ្រប់មុខ​នៅ​តាម​អន​ឡាញ ដើម្បី​រក​លុយ​ដោះ​បំណុល​គេ និង​សម្រាប់​ផ្គត់ផ្គង់​គ្រួសារ៕

អត្ថបទ ៖ ចាន់រ៉ា

The post តារាសម្ដែង សឿន វីតា សរសើរចរិត សុគន្ធ នីសា ដែលជួយខ្លួនពេលជួបទុក្ខលំបាក appeared first on Kampuchea Thmey Daily.

ជាការ​ពិត​បន្ទាប់​ពី​ហេតុការណ៍​ដ៏​​រន្ធត់​ខាង​លើ​​នេះ​​គឺ​មាន​មហាជន​ជា​​ច្រើន​​បាន​សម្តែង​ការ​តក់ស្លុត និង​អាណិត​យ៉ាង​ខ្លាំង​ចំពោះ​ជន​រង​គ្រោះ​ដែល​ត្រូវ​បានឃាតករដាច់ចិត្តលើកដៃបាញ់ប្រហា​ដោយ​មិន​​ញញើត​ដៃបណ្តាល​ឲ្យស្លាប់គូដណ្តឹងពីរ​នាក់​​ដែល​ត្រៀមចូលរោងការនាខែតុលា ឆ្នាំ២០២៤ ខាងមុខនេះ។

ទង្វើរ​ដ៏ព្រៃផ្សៃ​នេះ​ត្រូវ​បាន​មហាជន​គ្រប់​មជ្ឈដ្ឋាន​ថ្កោលទោស​យ៉ាង​ខ្លាំងទៅលើ​ជន​ដៃដល់​ដែល​មាន​ងារ​ជា​ឧកញ៉ា​ឈ្មោះ ស្រី ស៊ីណា។ អ្នកនាង សុគន្ធ នីសា បាន​និយាយទាំង​ហួសចិត្តថា«នាងស្ទើរតែមិនអាច​ទទួលយកការពិត​បានទេ»។

សុគន្ធ នីសា បានរៀបរាប់ថា “ហេតុការណ៍​ដដែលមិនអាចទទួល​យកការពិត​សឹងតែ​មិនបាន​គឺ​តក់ស្លុតណាស់​សូមចូលរួមរំលែក​ក្រុម​គ្រួសារ​ប្អូន​ទាំងពីរ​ សូមចូលរួម​សោកស្តាយ​ក្នុង​ការ​បាត់បង់​ប្អូនប្រុស ប្អូនស្រី ដែលជិតចូលដល់ថ្ងៃមង្គល​តក់​ស្លុតខ្លាំងណាស់“។

ចំណែកតារាចម្រៀងស្រី សុខ សីឡាលីន បាននិយាយដែរថា «ឃោរឃៅម្លេស? ដាក់កាំភ្លើងសៀត​ចង្កេះ​តាមខ្លួន​ ទៅនិយាយបែប​នេះ​​ចេតនា​ ទៅ​គម្រាម​គេ​ហើយ ​បាញ់​ផុយផុយ​យ៉ាងនេះ ចិត្តអ្នកសាង​ពីអី្វជីវិត​មនុស្សមួយ​គូ​ត្រូវបាត់បង់ដោយសារ​ការមិនចេះគ្រប់គ្រង​កំហឹង​ដ៏​ល្ងង់ខ្លៅ​​របស់អ្នក»៕

អត្ថបទ៖ ចាន់រ៉ា

The post តារាស្រី ២ ដួង តក់ស្លុត ស្ទើរទទួលយកការពិតពុំបាន ក្រោយករណីឃាតកម្មគូដណ្តឹងជិតរៀបការ appeared first on Kampuchea Thmey Daily.

អ្នកនាង សុគន្ធ នីសា បាន​រៀបរាប់​ទាំង​ក្តី​រន្ធត់​ចិត្ត​ថា «ពុទ្ធោ​អើយ បង​ទើប​បាន​ជួប​ច្រៀង​ជាមួយ​ប្អូន​លើក​ទីមួយ​ម្សិលម្ង៉ៃ​នេះ​ទេ គឺ​ឃើញ​ប្អូនប្រុស​ស្លូតបូត​ណាស់ ខ្លោចចិត្ត​ណាស់​ប្អូន​អើយ ជីវិត​មនុស្ស​គ្មាន​អ្វី​ទៀង​ជាង​ការ​ស្លាប់​នោះ​ឡើយ មួយថ្ងៃ​ជួប មួយថ្ងៃ​បែក មួយថ្ងៃ​សើច មួយ​ថ្ងៃ​ទៀត​ក៏​យំ»។

តារា​ចម្រៀង​មនោសញ្ចេតនា សុគន្ធ នីសា បាន​បន្ត​ថា «សូម​ចូលរួម​រំលែក​ទុក្ខ​ក្រុម​គ្រួសារ​ប្អូនប្រុស ពេជ្រ រដ្ឋា តារា​ចម្រៀង​ប្រចាំ​ផលិតកម្ម Town Production ដែល​បាន​ទទួល​មរណភាព​កាលពី​ពាក់​កណ្តាល​យប់មិញ​នេះ​ដោយ​គ្រោះថ្នាក់​ចរាចរណ៍ សូម​ប្អូន​បាន​ទៅកាន់​ទី​ស្ងប់​សុខ​(​អស់​វេលា​ថ្ងៃ​ស្អែក​)»។

សូម​បញ្ជាក់​ថា តារា​ចម្រៀង​របស់​ផលិតកម្ម Town Production លោក ពេជ្រ រដ្ឋា បាន​ទទួល​មរណភាព​ដោយ​គ្រោះថ្នាក់​ចរាចរណ៍ នៅ​ស្រុក​ភ្នំក្រវាញ ខេត្ត​ពោធិ៍សាត់ កាលពី​វេលា​ទៀបភ្លឺ​ថ្ងៃ​ទី ២៩ ខែ​វិច្ឆិកា ឆ្នាំ ២០២៣ ពោល នៅ​ថ្ងៃ​ទី ៣ នៃ​ចុង​បញ្ចប់​ព្រះរាជ​ពិធីបុណ្យ​អុំទូក។

ជាមួយ​ដំណឹង​មរណភាព​របស់​តារា​ចម្រៀង​វ័យក្មេង​លោក ពេជ្រ រដ្ឋា បាន​ធ្វើ​ឲ្យ​មហាជន និង​អ្នកគាំទ្រ ព្រម​ទាំង​សិល្បករ​-​សិល្ប​ការិនី​ជាច្រើន បាន​សម្តែង​ការ​សោកស្ដាយ និង​មាន​ក្តី​រន្ធត់​ចិត្ត​ជា​ពន់ពេក ខណៈ​ខ្លះ​ទៀត​ចូលរួម​រំលែក​ទុក្ខ​ក្រុម​គ្រួសារ នៃ​សព​ផង​ដែរ៕

អត្ថបទ ៖ ចាន់រ៉ា

The post សុគន្ធ នីសា ខ្លោចចិត្តអាណិត ពេជ្រ រដ្ឋា ខ្លាំង ទើបជួបគ្នាបាន ១ ថ្ងៃ ទទួលដំណឹងមរណភាព appeared first on Kampuchea Thmey Daily.

រឿង​អ្នកគាំទ្រ​ចាប់​អារម្មណ៍ និង​រឹតតែ​ចង់​ដឹង​ថែម​ទៀត​នោះ គឺ​ការ​ថែរក្សា​រាង​របស់​តារា​ចម្រៀង សុគន្ធ នីសា ដែល​រាល់​ការ​ស្លៀកពាក់​នាង​តែងតែ​មាន​ភាព​លេចធ្លោ និង​ស្រស់​ស្អាត មិន​ថា​ស្លៀក​ពាក់​ឈុត ឬ​ទម្រង់​បែប​ណា​ទេ មាន​លក្ខណៈ​សមសួន​ជានិច្ច។

ស្រាយ​ចម្ងល់​នេះ ត្រូវ​បាន​អ្នកនាង សុគន្ធ នីសា បញ្ជាក់​ថា ចំណុច​ចាប់ផ្ដើម​ស្ថិត​លើ​ខ្លួន​យើង​ដោយ​ផ្ទាល់​តែម្ដង។ សុគន្ធ នីសា បាន​លើក​ឡើង​ថា «មាន​គេ​សួរ​ខ្ញុំ​ច្រើន​ណាស់​ថា បង Nisa ស្លៀក​អ្វី​ក៏​សម គឺ​ចង់​ចែករំលែក​ទៅដល់​បងប្អូន​ថា គឺ​មិន​ថា​យើង​ជា​ស្រី ឬ​ក៏​ជា​មនុស្ស​ប្រុស​ទេ ការ​ថែទាំ​សុខភាព និង​រូប​សម្រស់​ជា​រឿង​សំខាន់ បងប្អូន​ត្រូវ​ចេះ​ស្រឡាញ់​ខ្លួនឯង ញាំ​អាហារ​ត្រូវ​គិត ត្រូវ​រើស ហាត់ប្រាណ​ឲ្យ​បាន​ច្រើន កុំ​បណ្តោយ​ឲ្យ​ខ្លួន​ឡើង​គីឡូ​ខ្លាំង វា​ពិបាក​សម្រក​ណាស់»។

តារា​ចម្រៀង​មុខ​ស្រទន់ អ្នកនាង សុគន្ធ នីសា បាន​បញ្ជាក់​បន្ថែម​ថា «បើ​យើង​ថែ​គីឡូ និង​រាង​យើង​បាន​ស្អាត បងប្អូន​ចង់​ស្លៀក​អ្វី​ក៏​ស្អាត​ដែរ មិន​ថា​តែ​ខ្ញុំ​ជា​តារា​ទេ ស្រឡាញ់​ខ្លួន ថែខ្លួន និង​ថែ​សុខ​ភាព មើល​ថែ​អារម្មណ៍​ឲ្យ​បាន​ល្អ​ណា​បងប្អូន​ជាទី​ស្រឡាញ់»។

សុគន្ធ នីសា ថ្វីត្បិត​បច្ចុប្បន្ន​នាង​មាន​វ័យ​ច្រើន​បន្តិច​ក៏​ពិត​មែន ប៉ុន្តែ​បើ​កត់សម្គាល់​ប្រជាប្រិយភាព និង​ការ​គាំទ្រ នៅតែ​រក្សា​បាន​ដូចដើម។ ការ​រក្សា​បាន​ប្រជាប្រិយភាព និង​ការ​គាំទ្រ​នេះ ក៏​ព្រោះ​តែ​ស្រី​ស្រស់ សុគន្ធ នីសា គឺជា​អ្នក​ចម្រៀង​ខ្មែរ​មួយ​រូប​ដែល​មាន​សមត្ថភាព​ច្រៀង​បាន​ល្អ បូករួម​នឹង​ទេពកោសល្យ​សិល្បៈ​ខ្ពស់​ផង​ដែរ។

គេ​កត់សម្គាល់​ថា បើ​ទោះបី​ជា​មាន​វ័យ​ជ្រេ​បន្តិច​ទៅ​ហើយ​ក្តី តែ​សម្រស់ នីសា នៅតែ​រក្សា​បាន​ភាព​ស្រស់​ស្អាត និង​ទាក់ទាញ​ខ្លាំង​សម្រាប់​ក្រសែភ្នែក​អ្នកគាំទ្រ។ ជា​ការ​ពិត សុគន្ធ នីសា មក​ទល់​ពេល​នេះ នាង​មាន​អាយុ ៣៩ ឆ្នាំ​ហើយ។ អ្នកនាង សុគន្ធ នីសា ក៏​ត្រូវ​បាន​គេ​ចាត់ទុកជា​តារា​ចម្រៀង​ម្នាក់​ដ៏​មាន​ប្រជាប្រិយភាព និង​មាន​សម្រស់​ស្រស់​ស្អាត​ពី​ធម្មជាតិ​ផង​ដែរ។ លើស​ពី​នេះ នាង​ក៏​ទទួល​បាន​ការ​សរសើរ​ថា ជា​តារា​ស្រី​ដែល​មាន​អត្តចរិត​ស្លូតបូត និង​សុភាពរាបសារ​ទៀត​ផង៕

អត្ថបទ ៖ ចាន់រ៉ា

The post សុគន្ធ នីសា ទម្លាយអាថ៌កំបាំងរក្សារាង ក្រោយអ្នកគាំទ្រសួរនាំច្រើនរឿងស្លៀកអ្វីក៏សម appeared first on Kampuchea Thmey Daily.