ជីវិតកម្សាន្ដ

តារាស្រី ២ ដួង តក់ស្លុត ស្ទើរទទួលយកការពិតពុំបាន ក្រោយករណីឃាតកម្មគូដណ្តឹងជិតរៀបការ

បានផុស

២ years មុន

នៅ

ថ្ងៃពុធ ១៩ មិថុនា ២០២៤

ដោយ

តារាចម្រៀងសំនៀងស្រទន់អ្នកនាង សុគន្ធ នីសា បានបង្ហាញក្តីរន្ធត់ខ្លាំងចំពោះករណីបាញ់ប្រហាយ៉ាងព្រៃផ្សៃទៅលើបុរសនារីជាគូដណ្តឹងបណ្តាលឲ្យស្លាប់ និងបុគ្គលិកម្នាក់ទៀតរងរបួសកាលពីល្ងាចថ្ងៃទី ១៧ ខែមិថុនា ឆ្នាំ២០២៤ ស្ថិតនៅបុរីប៉េងហួតបឹងស្នោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតបន្ទាប់ពីហេតុការណ៍ដ៏រន្ធត់ខាងលើនេះគឺមានមហាជនជាច្រើនបានសម្តែងការតក់ស្លុត និងអាណិតយ៉ាងខ្លាំងចំពោះជនរងគ្រោះដែលត្រូវបានឃាតករដាច់ចិត្តលើកដៃបាញ់ប្រហាដោយមិនញញើតដៃបណ្តាលឲ្យស្លាប់គូដណ្តឹងពីរនាក់ដែលត្រៀមចូលរោងការនាខែតុលា ឆ្នាំ២០២៤ ខាងមុខនេះ។

ទង្វើរដ៏ព្រៃផ្សៃនេះត្រូវបានមហាជនគ្រប់មជ្ឈដ្ឋានថ្កោលទោសយ៉ាងខ្លាំងទៅលើជនដៃដល់ដែលមានងារជាឧកញ៉ាឈ្មោះ ស្រី ស៊ីណា។ អ្នកនាង សុគន្ធ នីសា បាននិយាយទាំងហួសចិត្តថា«នាងស្ទើរតែមិនអាចទទួលយកការពិតបានទេ»។

សុគន្ធ នីសា បានរៀបរាប់ថា “ហេតុការណ៍ដដែលមិនអាចទទួលយកការពិតសឹងតែមិនបានគឺតក់ស្លុតណាស់សូមចូលរួមរំលែកក្រុមគ្រួសារប្អូនទាំងពីរ សូមចូលរួមសោកស្តាយក្នុងការបាត់បង់ប្អូនប្រុស ប្អូនស្រី ដែលជិតចូលដល់ថ្ងៃមង្គលតក់ស្លុតខ្លាំងណាស់“។

ចំណែកតារាចម្រៀងស្រី សុខ សីឡាលីន បាននិយាយដែរថា «ឃោរឃៅម្លេស? ដាក់កាំភ្លើងសៀតចង្កេះតាមខ្លួន ទៅនិយាយបែបនេះចេតនា ទៅគម្រាមគេហើយ បាញ់ផុយផុយយ៉ាងនេះ ចិត្តអ្នកសាងពីអី្វជីវិតមនុស្សមួយគូត្រូវបាត់បង់ដោយសារការមិនចេះគ្រប់គ្រងកំហឹងដ៏ល្ងង់ខ្លៅរបស់អ្នក»៕

អត្ថបទ៖ ចាន់រ៉ា