ជីវិតកម្សាន្ដ

តារាសម្ដែង សឿន វីតា សរសើរចរិត សុគន្ធ នីសា ដែលជួយខ្លួនពេលជួបទុក្ខលំបាក

បានផុស

២ years មុន

នៅ

ថ្ងៃព្រហស្បតិ៍ ១១ កក្កដា ២០២៤

ដោយ

តារាសម្ដែងប្រុសលោក សឿន វីតា ដែលបច្ចុប្បន្នកំពុងជួបការលំបាកដោយផុងខ្លួនរឿងរ៉ាវជំពាក់ បំណុលរាប់ម៉ឺនដុល្លារ បានចេញមកសរសើរ និងអរគុណចំពោះតារាចម្រៀងសំឡេងស្រទន់អ្នកនាង សុគន្ធ នីសា ខណៈកន្លងមក តារាស្រីរូបនេះ តែងជួយលោកតាមរយៈការលើកទឹកចិត្ត និងជួយទិញម្ហូបជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សឿន វីតា លើកឡើងថា នេះគឺជាការជួយចែករំលែកទឹកចិត្តដ៏ល្អពីសំណាក់តារាចម្រៀងអ្នកនាង សុគន្ធ នីសា ដើម្បីលើកទឹកចិត្ត និងជួយដល់ការខ្វះខាត នាពេលនេះ។

លោក វីតា លើកឡើងបន្តថា «ប្អូនសែនអរគុណ IdOl បងស្រី ដែលជួយទិញម្ហូបប្អូន ហើយប្រាប់ពីរបៀបព្យាបាលរបៀបខ្មែរ និងផ្ញើស្រា.ស សុទ្ធមកឲ្យត្រាំថ្នាំញាំ បារម្ភក្រែងស្រាទិញខ្លួនឯងមិនសុទ្ធ»។

លោកលើកឡើងបន្តទៀតថា «មិនដែលជួបមុខបងស្រី មិនដែលស្គាល់គ្នា តែបងស្រីសួរនាំសុខភាព រហូត ជូនពរបងស្រីមានសុខភាពល្អ សម្រស់កាន់តែស្អាត ជោគជ័យគ្រប់ការងារ»។ ជាមួយគ្នានេះដែរ គេក៏ឃើញអ្នកគាំទ្រមួយចំនួន បានលើកទឹកចិត្តដល់តារាសម្ដែងលោក សឿន វីតា ឲ្យមានភាពតស៊ូ និងរឹងមាំផងដែរ។

សូមជម្រាបថា តារាសម្ដែងលោក សឿន វីតា កន្លងមកធ្លាប់បានចេញមកទម្លាយការពិតជុំវិញរឿងរ៉ាវធ្លាក់ខ្លួនស្ទើរដល់ចំណុចសូន្យ បន្ទាប់ពីលោកលង់ខ្លួនក្នុងបំណុលដោយសារការចាញ់បោក និងជួយអាសាដល់បុគ្គលមួយចំនួនដែលជាមនុស្សស្គាល់រាប់អានគ្នា។ យ៉ាងណាមិញ បច្ចុប្បន្ន លោក វីតា បាននិងកំពុងតស៊ូព្យាយាមរកស៊ីលក់ម្ហូបត្រីសាច់គ្រប់មុខនៅតាមអនឡាញ ដើម្បីរកលុយដោះបំណុលគេ និងសម្រាប់ផ្គត់ផ្គង់គ្រួសារ៕

អត្ថបទ ៖ ចាន់រ៉ា