ហេតុការណ៍នេះ បង្កការភ្ញាក់ផ្អើលកាលពីវេលាម៉ោងប្រហែល១០ព្រឹក ថ្ងៃទី២៩ ខែមីនា ឆ្នាំ២០២៥ ក្នុងភូមិសាស្ត្រស្រុក អង្គស្នួល ខេត្តកណ្តាល ដែលបង្កឡើងដោយជនសង្ស័យ២នាក់ ជិះម៉ូតូ២គ្រឿង ដោយ ១គ្រឿងម៉ាក ADV ពណ៍ខ្មៅ និង១គ្រឿងទៀត ម៉ាក Click ពណ៍ស ប្រដាប់ដោយអាវុធខ្លី២ដើម (១ដើមក្លែងក្លាយ)។

បើតាមការឱ្យដឹងរបស់សមត្ថកិច្ចស្រុកអង្គស្នួល ជនសង្ស័យជាមុខសញ្ញាចាស់ ដែលសមត្ថកិច្ចតាមប្រមាញ់ លុះនៅព្រឹកថ្ងៃទី២៩ ខែមីនា ឆ្នាំ២០២៥នេះ អធិការនគរបាលស្រុលអង្គស្នួល ក៏បានប្រកាសឱ្យគ្រប់បណ្តាគោលដៅ និងប៉ុស្តិ៍ ចេញកម្លាំងល្បាតមើលភិនភាគជនសង្ស័យ២នាក់ខាងលើនេះ។

ប្រភព បានបន្តថា នៅម៉ោងប្រមាណជាង១០ព្រឹក ថ្ងៃទី២៩ ខែមីនានេះ ជនសង្ស័យបានធ្វើសកម្មភាពឆក់ ទៅលើជនរងគ្រោះកំពុងជិះម៉ូតូ នៅចំណុចផ្លូវជាតិលេខ៤ ម្តុំផ្សារថ្នល់ទទឹង រួចបានគេចខ្លួន តាមផ្លូវតូចៗក្នុងភូមិ ភ្លាមៗនោះ កម្លាំងសមត្ថកិច្ច បានតាមឃើញ ធ្វើការឃាត់ខ្លួនជនសង្ស័យបាន១នាក់ និងជនសង្ស័យ១នាក់ទៀតរត់គេចខ្លួន ឡើងលើផ្លូវល្បឿនលឿន និងបានភ្ជង់យករថយន្តម៉ាក GX470 ពណ៌ស ពីជនរងគ្រោះជិះលក្ខណៈគ្រួសារ ឱ្យជនរងគ្រោះចុះពីរថយន្តទាំងអស់ ដោយជិះគេចចេញតាមច្រកកំពង់ស្ពឺកើត ត្រឡប់ក្រោយមកផ្លូវជាតិលេខ៤វិញ។

ក្នុងពេលកិច្ចប្រតិបត្តិការដែលសមត្ថកិច្ចដេញតាមជនសង្ស័យរត់គេចខ្លួននេះ ជនសង្ស័យបានផ្ទុះអាវុធមកលើកម្លាំងសមត្ថកិច្ចយើង ហើយកម្លាំងសមត្ថកិច្ចបានស្ទាក់ និងបានដេញមុខសញ្ញានេះត្រឡប់មកខាងផ្លូវជាតិលេខ៥១វិញ និងបានផ្លុងរថយន្ត GX470 ពណ៌ស នោះចោល រួចគេចរត់ទៅ ភ្ជង់គំរាមបុរសម្នាក់ទៀត ដែលកំពុងឈប់រថយន្ត ដែលរថយន្តនោះម៉ាក LX 470ពណ៍ខ្មៅ ឱ្យឌុបជនសង្ស័យដើម្បីគេចពីការតាមប្រម៉ាញ់ពីសមត្ថកិច្ច។

ដោយគេចរហូតដល់ភូមិសាស្ត្រវត្តអង្គថ្ម ព្រំប្រទល់សង្កាត់ឪឡោក ខណ្ឌកំបូល រាជធានីភ្នំពេញ ទើបជនសង្ស័យចុះគេចចូលព្រៃតាមវាលស្រែបាត់ស្រមោលតែម្តង ដោយមានអាវុធខ្លី១ដើមជាប់នឹងខ្លួន។

បើតាមការបំភ្លឺរបស់ស្នងការនគរបាលខេត្តកណ្តាលថា ករណីនេះ មិនមែនជាករណីប្លន់ នៅផ្លូវល្បឿនលឿននោះទេ ជាករណី ឆក់ ជនរងគ្រោះជិះម៉ូតូ នៅចំណុចផ្លូវជាតិលេខ៤។ បច្ចុប្បន្ន កម្លាំងជំនាញពាក់ព័ន្ធកំពុងតាមស្វែងរកជនសង្ស័យដែលរត់គេចខ្លួន៕

ដោយ៖ សំណាង

The post ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន appeared first on Kampuchea Thmey Daily.

បើសេចក្តីបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល គឺករណីជនសង្ស័យធ្វើសកម្មភាពយកអាវុធភ្ជង់ប្លន់រថយន្តអ្នកធ្វើដំណើរជិះគេចខ្លួន នៅចំណុចផ្លូវល្បឿនលឿន គឺធ្វើឡើងនៅក្រោយសកម្មភាពឆក់ ដោយមានមុខសញ្ញាចំនួន២នាក់ ជិះម៉ូតូ២គ្រឿង ធ្វើសកម្មភាពឆក់ទៅលើជនរងគ្រោះកំពុងជិះម៉ូតូ នៅចំណុចផ្លូវជាតិលេខ៤។ តែភ្លាមៗនោះ កម្លាំងសមត្ថកិច្ចខេត្តកណ្ដាលបានធ្វើការឃាត់ខ្លួនជនសង្ស័យបានម្នាក់ និងជនសង្ស័យម្នាក់ទៀតរត់គេចខ្លួន។

ស្នងការដ្ឋាននគរបាលខេត្តកណ្តាល បញ្ជាក់ថា ក្នុងពេលកិច្ចប្រតិបត្តិការដែលសមត្ថកិច្ចដេញតាមជនសង្ស័យរត់គេចខ្លួននេះ ជនសង្ស័យបានផ្ទុះអាវុធមកលើកម្លាំងសមត្ថកិច្ច ហើយកម្លាំងសមត្ថកិច្ច ក៏បានស្ទាក់ និងដេញមុខសញ្ញានេះត្រឡប់ មកខាងផ្លូវជាតិលេខ៥១ វិញ។ ពេលនោះ សមត្ថកិច្ចបានឃាត់ខ្លួនជនសង្ស័យបានម្នាក់ ចំណែកម្នាក់ទៀត​ គឺរត់គេចខ្លួនទៅផ្លូវល្បឿនលឿន និងបានភ្ជង់រថយន្តជនរងគ្រោះក្នុងរូបភាពនោះជិះគេចខ្លួន។ បច្ចុប្បន្ន កម្លាំងជំនាញពាក់ព័ន្ធកំពុងតាមស្វែងរកជនសង្ស័យដែលរត់គេចខ្លួន៕

ដោយ៖ ធឿន វ៉ាន់សុង

The post ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ appeared first on Kampuchea Thmey Daily.

តាមរបាយការណ៍របស់សមត្ថកិច្ចបានសរសេរថា នៅថ្ងៃទី ១០ ខែធ្នូ ឆ្នាំ ២០២៤ ទូកដឹកខ្សាច់ ១ គ្រឿង មានមនុស្សចំនួន ៤ នាក់ នៅលើទូក ទី១.ឈ្មោះ ឈួន ឈុន ភេទប្រុស អាយុ ៤៥ ឆ្នាំ នៅភូមិឬស្សី ឃុំថ្មគ្រែ ស្រុកចិត្របុរី ខេត្តក្រចេះ (ម្ចាស់ទូក) ទី២.ឈ្មោះ ឃិន ភេទប្រុស អាយុ ៣៣ ឆ្នាំ នៅភូមិបារាយ ឃុំកពង់ចាម ស្រុកសំបូរ ខេត្តក្រចេះ (កម្មករ) ទី៣.ឈ្មោះ ឃុន ភេទប្រុស អាយុ ៣៣ ឆ្នាំ នៅភូមិបារាយ ឃុំកំពង់ចាម ស្រុកសំបូរ ខេត្តក្រចេះ (កម្មករ) និង ទី៤.ឈ្មោះ សឿ សឹង ភេទប្រុស អាយុ ២៥ ឆ្នាំ ជនជាតិខ្មែរ មុខរបរកម្មករទូក មានស្រុកកំណើតនៅភូមិបារាយ ឃុំកំពង់ចាម ស្រុកសំបូរ ខេត្តក្រចេះ (បានបាត់ខ្លួន)។

សមត្ថកិច្ចបានបន្តថា ទាំង ៤ នាក់ បានដឹកខ្សាច់មកឲ្យម្ចាស់សិប្បកម្មលក់ខ្សាច់ ឈ្មោះ ហេង វុទ្ធា ភេទប្រុស អាយុ ៣៩ ឆ្នាំ នៅភូមិព្រែកតាបែន ឃុំស្វាយរមៀត ស្រុកខ្សាច់កណ្តាល ខេត្តកណ្តាល។ លុះដល់ថ្ងៃទី ១១ ខែធ្នូ ឆ្នាំ ២០២៤ វេលាម៉ោងប្រហែល ៤ ទៀបភ្លឺ ច្រាំងទន្លេបានបាក់សង្កតទូក បណ្តាលឱ្យបាត់ឈ្មោះ សឿ សឹង , ប៉ុន្តែ (ទូកអត់លិច)។

 
ក្រោយកើតហេតុ អាជ្ញាធរមូលដ្ឋាន បានរាយការណ៍ទៅផ្នែកជំនាញឱ្យចុះស្រាវជ្រាវករណីនេះហើយ៕

អត្ថបទ ៖ សំណាង

The post បាក់ច្រាំងទន្លេសង្កត់ទូកដឹកខ្សាច់ បណ្តាលឱ្យបាត់មនុស្សម្នាក់ appeared first on Kampuchea Thmey Daily.

ជនល្មើសទាំង៤នាក់នេះ រួមមាន ១.ឈ្មោះ ហ៊ុន សុភ័ក្រ្តត្រា ហៅឃ្នូ ភេទប្រុស អាយុ២៧ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតសង្កាត់អូរឫស្សីទី២ ខណ្ឌ៧មករា ក្រុងភ្នំពេញ ។ ២.ឈ្មោះ ស៊ឹម សុខហេង ភេទប្រុស អាយុ៣៤ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតភូមិអូរអំបិល ឃុំអូរអំបិល ស្រុកសិរីសោភ័ណ្ឌ ខេត្តបន្ទាយមានជ័យ។ ៣.ឈ្មោះ កាន់ ពេជ្រ ភេទប្រុស អាយុ២៨ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតភូមិលេខ១ ឃុំគងជ័យ ស្រុកអូររាំងឪ ខេត្តកំពង់ចាម។ ៤.ឈ្មោះ សំ វាស្នា ភេទប្រុស អាយុ៣២ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតភូមិកោះរកា ឃុំកោះរកា ស្រុកពាមជរ ខេត្តព្រៃវែង។ ចំណែក ជនរងគ្រោះវិញ គឺឈ្មោះ ជា សុខចាន់ ភេទប្រុស ជាសមាជិកគណៈមេធាវី នៃព្រះរាជាណាចក្រកម្ពុជា (ជាមេធាវីតំណាង)។

ស្នងការដ្ឋាននគរបាលខេត្ដកណ្ដាល បានបង្ហាញឱ្យដឹងថា សកម្មភាពឆបោកនេះ បានប្រព្រឹត្តនៅថ្ងៃទី០៤ ខែតុលា ឆ្នាំ២០២៤ វេលាម៉ោង០៦៖ ៥៩នាទី ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល។ ដើមហេតុ គឺកាលពីថ្ងៃទី០៤ ខែតុលា ឆ្នាំ២០២៤ មានជនសង្ស័យជាម្ចាស់គណនីតេឡេក្រាមឈ្មោះ KaKa មានទូរសព្ទលេខ០១៧ ២៤៧ ៧៣៥ និងមួយខ្សែទៀតមានលេខ ០៩៦ ៤០៥ ៩៦ ១១ ផ្ញើសារមកកាន់កូនក្តីរបស់មេធាវីឈ្មោះ ជា សុខចាន់ ដែលមានខ្លឹមសារថា៖ «ហាយបងខ្ញុំក្រមុំបងត្រូវការអត់បង ហើយបងចង់មើលប្រដាប់អូនបាន តែមុនខលបងផ្ញើលុយឱ្យអូនចាយខ្លះមកណា» ថែមទាំងបានផ្ញើរូបអាសអាភាសគ្មានសីលធម៌ និងបានផ្ញើ QR Code របស់ធនាគារវីងមានឈ្មោះ Heng Heng និងឈ្មោះ Lita Nou ថែមទៀតផង។ ក្រោយមក ជនសង្ស័យបានយកគណនីតេឡេក្រាម ឈ្មោះ Srey Sor ផ្ញើសារគំរាមទារប្រាក់ពីកូនក្តីរបស់មេធាវីថា៖«មកពីពូទេដែលចង់ឲ្យចាំមើលក្នុងអនឡាញទៅហើយ ខ្ញុំស្គាល់ទាំងហ្វេសប៊ុកប្រពន្ធលោកពូទៀតខ្ញុំផ្ញើអោយគាត់មើលម៉ង បើបងមិនចង់ខ្ញុំបង្ហោះទេបងផ្ញើលុយអោយខ្ញុំមកគ្រប់យ៉ាងចប់ខ្ញុំលុបវាចោលទាំងអស់»។  មិនតែប៉ុណ្ណោះ ថែមទាំងបានផ្ញើរូបថតគណនីហ្វេសប៊ុករបស់ប្រពន្ធកូនក្តីរបស់មេធាវី ឈ្មោះគណនី Ou Thidapoeuv ផងដែរ។

បើតាមស្នងការដ្ឋាននគរបាលខេត្ដកណ្ដាល ជនសង្ស័យបានសារភាពអស់ហើយពីការធ្វើសកម្មភាពទាំងនេះ។ ស្នងការដ្ឋាននគរបាលខេត្ដកណ្ដាល បានបញ្ជាក់ឱ្យដឹងថា ជនសង្ស័យទាំង០៤នាក់ខាងលើ សុទ្ធតែមានសារធាតុញៀននូវក្នុងទឹកនោម។ បច្ចុប្បន្ននេះ កងកម្លាំងជំនាញ កំពុងប្រមូលផ្តុំឯកសារ កសាងសំណុំរឿងតាមនីតិវិធីច្បាប់៕

The post ប៉ូលិសខេត្តកណ្តាល ចាប់ខ្លួនក្រុមឆបោកតាមអនឡាញ៤នាក់ ក្រោយប្រើប្រាស់រូបភាពអាសអាភាសគំរាមទារប្រាក់ appeared first on Kampuchea Thmey Daily.

តាមរយ:ទំព័រហ្វេសបុកផ្លូវការនៅថ្ងៃទី២៨ ខែសីហានេះ ស្នងការដ្ឋាននគរបាលខេត្តកណ្តាល បានបញ្ជាក់ថា ទំព័រហ្វេសបុកផ្លូវការរបស់ស្នងការដ្ឋាននគរបាលខេត្តកណ្តាល គឺមានតែមួយគត់ ដែលមានឡូគោល សញ្ញារូបសឹង មានអក្សរអគ្គស្នងការដ្ឋាននគរបាលជាតិនៅពីលើ និងមានអក្សរស្នងការដ្ឋាននគរបាលខេត្តកណ្តាល នៅពីខាងក្រោម។​​ ទន្ទឹមនោះ ស្នងការដ្ឋាននគរបាលខេត្ត នឹងធ្វើការស្រាវជ្រាវស្វែងរកអត្តសញ្ញាណជនខិលខូចដែលក្លែងបន្លំខាងលើ ដើម្បីអនុវត្តច្បាប់។

ជាមួយគ្នានោះ ស្នងការដ្ឋាននគរបាលខេត្តកណ្តាល បានអំពាវនាវដល់អ្នកដែលមានការពាក់ព័ន្ធត្រូវបញ្ឈប់ និងលុបរាល់គណនីដែលខ្លួនបានបង្កើតជាបន្ទាន់៕

The post ស្នងការដ្ឋាននគរបាលខេត្តកណ្តាល ព្រមានចាត់វិធានការជនក្លែងបន្លំទំព័រហ្វេសបុកផ្លូវការរបស់ខ្លួន appeared first on Kampuchea Thmey Daily.

លោកឧត្តមសេនីយ៍ទោ ឈឿន សុចិត្ត បានឱ្យដឹងបន្តថា មកដល់ពេលនេះ គ្រួសារសព ទទួលបានជំនួយឧបត្ថម្ភ ដោយមួយសព រដ្ឋបាលខេត្តជូន ២០លានរៀល លោកជំទាវ ឃួន សុដារី ជួយ ៤លានរៀល និងឯកឧត្ដម ហេង រតនា ជួយចំនួន ៤លានរៀល។

ចំពោះម្ចាស់ទូកដ ឬអ្នកបើកទូកដ ដែលដាក់លើសចំណុះនោះ ស្នងការនគរបាលខេត្តកណ្តាល រូបនេះ បានឱ្យដឹងបន្ថែមថា ជំនាញកំពុងសាកសួរនាំតាមនីតិវិធី ដោយមិនទាន់កំណត់ថា ពួកគាត់នឹងត្រូវបង់សំណង និងទទួលទោសដូចម្ដេចនៅឡើយទេ។

គួររំលឹកថា នៅម៉ោង ៧ :១០ យប់មិញ ថ្ងៃទី១៣ ខែតុលា ឆ្នាំ២០២២ មានករណីមនុស្ស ១៨នាក់ ជិះទូកដទទឹង ឆ្លងទន្លេ ហើយជួបឧបទ្ទវហេតុលិចទឹក។ ទីតាំងលិចស្ថិតនៅក្នុង ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល ដោយមនុស្សធំ ៣នាក់ និងសិស្ស ១៥នាក់ ពួកគេសុទ្ធជាក្មេងក្រីក្រ។ គ្រាន់តែទទួលដំណឹងភ្លាម អ្នកភូមិបាននាំគ្នារត់មកចាំយកកូននៅមាត់កំពង់ ស្របពេលកណ្តាលទន្លេដ៏ធំកំពុងតែខ្មួរខ្មាញ់ដោយទឹកហូរ និងអូប័រក្រុមសមត្ថកិច្ច បំពាក់ដោយបរិក្ខាសង្គ្រោះ មានពិលមុជងើបៗស្វែងរកជនរងគ្រោះ។

ម៉ោង ១០ យប់ កម្លាំងសមត្ថកិច្ចបានរាវរកឃើញ សិស្សសាលាចំនួន ៤នាក់។ រំលងអាធា្រត្រ រកឃើញ ២នាក់ទៀត ក្នុងចំណោមសិស្សសាលារងគ្រោះទាំង ៦នាក់នេះ គឺ នៅរស់រានមានជីវិត ២នាក់ និង ស្លាប់ ៤នាក់។ ទៀបភ្លឺរកឃើញសព ២នាក់ទៀត។ ម៉ោង ៨ : 0០ នាទី ព្រឹករកឃើញសព ២នាក់ទៀត សរុបរកឃើញ ៨សព។

ក្មេងស្រីម្នាក់ដែលនៅរស់រាន នាងឃើញហេតុការណ៍ផ្ទាល់ភ្នែក គឺទូកដាក់លើសចំណុះ ហើយលើទូកមានរឺម៉ឺក១ គឺសឹងតែទឹកហៀរចូលទូកទៅហើយ ហើយទូកខំជិះលឿនឱ្យឆាប់ដល់​គោលដៅ អកុសលមានទូកជិះបញ្ច្រាសមក រលកវាយចូលទូកដែលនាងកំពុងជិះ លិចតែម្តង។ នាងអាចរស់បាន គឺគ្មាននរណាជួយនាងឡើយ ដំបូងនាងសម្រេចចិត្តដោះកាតាបបោះចោល ហើយស្ទុះទៅឈរលើរឺម៉ឺកដែលនៅលើទូក ហើយហែលផ្ងារឡើងលើ ទាំងអត់ចេះហែលទឹក ហើយរលកដ៏ខ្មាញ់រុញនាងរហូតដល់គោកតែម្តង៕

អត្ថបទ៖ ច័ន្ទ វីរៈ

The post គ្រួសារសពសិស្សលិចទូកដ ទទួលជំនួយបឋម ២៨ លានរៀល ខណៈម្ចាស់ទូកដ កំពុងសួរនាំបន្ថែម appeared first on Kampuchea Thmey Daily.

ការអះអាងនេះ បន្ទាប់ពីសេចក្ដីរាយការណ៍ថា នៅវេលាថ្ងៃត្រង់ ថ្ងៃទី ១៨ ខែសីហា ឆ្នាំ ២០២២នេះ មានករណីអំពើហិង្សាមួយបានកើត ដោយគេឃើញមានមនុស្សរត់ចេញពីអគារមួយកន្លែងជាច្រើននាក់ ដោយអ្នកខ្លះមានកាន់ដំបងផងដែរ។ ហេតុការណ៍នេះ បានកើតឡើងនៅក្នុងកាស៊ីណូដំរី ២ ស្ថិតនៅតំបន់ជ្រៃធំ ស្រុកកោះធំ ខេត្តកណ្តាល។

សេចក្ដីរាយការណ៍ដដែល បានឲ្យដឹងថា ករណីនេះ កើតឡើងដោយសារតែមានការរក្សាទុកមនុស្សមួយក្រុម ក្នុងកាស៊ីណូមួយកន្លែង ដោយពីដំបូងមានការភូតកុហកថា ជ្រើសរើសបុគ្គលិកទៅធ្វើការនៅកាស៊ីណូខេត្តព្រះសីហនុ តែបែរជាយកពួកគេទៅទុកនៅតំបន់ជ្រៃធំទៅវិញ។ រហូតដល់វេលាថ្ងៃត្រង់ ថ្ងៃព្រហស្បត្តិ៍នេះ មានការប្រទាញប្រទុងគ្នា រហូតកើតមានអំពើហិង្សា និងមានមនុស្សសំរុករត់ចេញមកក្រៅជាច្រើននាក់ ហើយខ្លះទៀតក៏រត់ចូលទឹកថែមទៀត។

យ៉ាងណាក៏ដោយលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាក់ប្រាប់ក្រុមអ្នកសារព័ត៌មានថា «ករណីនេះ មិនមែនហិង្សាទេ គឺបុគ្គលិកវៀតណាម រៀបចំផែនការប្រមូលគ្នាទំលុសទ្វាររបង រត់ចេញ ប៉ះគ្នាជាមួយសន្តិសុខ របួសសន្តិសុខ ៣នាក់ មូលហេតុនៃដើមរឿង ជំនាញខេត្តកំពុងធ្វើការជាមួយក្រុមហ៊ុន»៕

The post ស្នងការខេត្តកណ្ដាល ៖ ហេតុការណ៍កើតឡើងនៅកាស៊ីណូមួយកន្លែង ក្នុងស្រុកកោះធំនោះ មិនមែនជាករណីហិង្សាទេ appeared first on Kampuchea Thmey Daily.

ឧត្ដមសេនីយ៍ត្រី ឈឿន សុចិត្រ បានឱ្យដឹងបន្ថែមថា សូមសាធារណជនមេត្តាជ្រាប និងកុំមានការភ័ន្តច្រឡំ។ សកម្មភាពវីដេអូនោះ គឺបានបង្ហោះកាលពីថ្ងៃទី២៩ ខែឧសភា ឆ្នាំ២០២២ នៅពេលដែលពួកគេចូលទៅហូបបាយពេលថ្ងៃត្រង់ ក្រោយពីដង្ហែឃោសនា ហើយបានថតសម្តែង និងបង្ហោះដោយគណនី​​ Tik Tok ឈ្មោះ មនុស្សបេះដូងដែក ID55420293។

ស្នងការនគរបាលខេត្តកណ្ដាល បានបញ្ជាក់ថា បច្ចុប្បន្ន កម្លាំងជំនាញរបស់ស្នងការដ្ឋាន សហការជាមួយកម្លាំងជំនាញស្រុកខ្សាច់កណ្តាល ស្រាវជ្រាវរកមុខសញ្ញាម្ចាស់គណនី Tik Tok ខាងលើ ដើម្បីចាត់ការតាមនីតិវិធី។

គួរបញ្ជាក់ថា នៅថ្ងៃទី៥ ខែមិថុនា ឆ្នាំ២០២២នេះ ជាថ្ងៃបោះឆ្នោតក្រុមប្រឹក្សាឃុំ-សង្កាត់ អាណត្តិទី ៥ មានការបង្ហោះវីដេអូមួយនៅលើបណ្តាញសង្គម ដែលវីដេអូនេះបង្ហាញពីសកម្មភាពក្រុមសកម្មជនគណបក្សភ្លើងទៀននាំគ្នាតវ៉ាអុកឡុក ទីតាំងការិយាល័យគណៈកម្មការឃុំ-សង្កាត់ រៀបចំការបោះឆ្នោត (គឃ.សប) ស្ថិតនៅក្នុងឃុំបាក់ដាវ ស្រុកខ្សាច់កណ្តាល ខេត្តកណ្តាល។

ជាមួយគ្នានេះ លោក ឌឹម សុវណ្ណរុំ បានថ្លែងឱ្យដឹងថា វីដេអូដែលបានបង្ហោះ នោះគឺវិដេអូចាស់ ដែលបានកើតឡើងកាលពីថ្ងៃទី២៩ ខែឧសភា ឆ្នាំ២០២២កន្លងទៅ អ្វីដែលជនអនាមិកយកមកបង្ហោះនៅថ្ងៃនេះ គោលបំណងធ្វើឱ្យមានការភាន់ច្រឡំថា កើតមាននៅថ្ងៃនេះ តែតាមពិតជាវីដេអូចាស់ទេ និងលោកបញ្ជាក់ជូនថា ស្ថានភាពការបោះឆ្នោតនៅគ្រប់ការិយាល័យទាំងអស់ចំនួន ២៣ ៦០២ ការិយាល័យបាន និងកំពុងដំណើរការយ៉ាងលូន មិនមានអ្វីគួរឲ្យកត់សម្គាល់នោះទេ៕

អត្ថបទ៖ ច័ន្ទ ​វីរៈ

The post ស្នងការដ្ឋានខេត្តកណ្តាល កំណត់បានមុខសញ្ញា ស្រាវជ្រាវរកអ្នកបង្ហោះវីដេអូចាស់ រំខានការបោះឆ្នោត appeared first on Kampuchea Thmey Daily.