តាមសេចក្តីរាយការណ៍របស់ Daily Mail, ហេតុការណ៍នេះកើតឡើងកាលពីដើមសប្តាហ៍ ដោយអ្នកខេត្ត Krabi បានថតជាប់ទេសចរអង់គ្លេសឈ្មោះ Joseph William Kershaw អាយុ២៣ឆ្នាំ ដើរស្រាតគ្រវីអាវលើឆ្នេរ Ao Nang មុនពេលគាត់ទៅថតរូបនៅមុខរូបសំណាកត្រីក្តោង (Sailfish)។

ក្នុងវីដេអូនោះ គេបានឃើញយុវជនបរទេសមួយក្រុមមានគ្នាប្រហែលពី២០ទៅ៣០នាក់ កំពុងសប្បាយរីករាយនៅលើឆ្នេរ ពេលដែល Kershaw គ្រវីល្វែងក្រោមរបស់ខ្លួន ដោយមិនខ្វល់ពីនរណាទាំងអស់ សូម្បីតែអ្នកស្រុកនៅទីនោះនិងអ្នកធ្វើដំណើរឆ្លងកាត់។

ទោះបីជាយ៉ាងណាក៏ដោយ ​អាកប្បកិរិយា​របស់​គាត់ ត្រូវបានគេចាត់ទុកថា ជាការ​មិន​គោរព​ដល់​រូប​សំណាកជានិមិត្តរូបនិង​សហគមន៍ Krabi ទាំងមូល។

បុគ្គល​ដែល​ថតជាប់​ឧប្បត្តិហេតុ​នេះ ​បាន​ប្រាប់​បណ្តាញ​ទូរទស្សន៍​ប៉ុស្តិ៍​លេខ ៣ ថៃថា ពេលរឿងនេះកើតឡើង មានទាំង​ជនជាតិ​ថៃនិង​ភ្ញៀវ​ទេសចរស្ថិតនៅទីតាំងនោះ ប៉ុន្តែជនជាតិ​អង់គ្លេស​រូបនេះ ហាក់គ្មានខ្លាចរអែងចិត្តអ្វីឡើយ។

ក្រោយមានការត្អូញត្អែរពីអ្នកស្រុកនិងបានឃើញវីដេអូ, ប៉ូលិសអន្តោប្រវេសន៍ខេត្ត Krabi និងប៉ុស្តិ៍ Ao Nang បានកំណត់អត្តសញ្ញាណគាត់ថាមានឈ្មោះ Kershaw ហើយថែមរកឃើញថា គាត់ស្ថិតនៅប្រទេសថៃ ក្នុងទិដ្ឋាការទេសចរណ៍ ទៀតផង។

នៅពេលចាប់ខ្លួន លោក Kershaw សារភាពថា គាត់ស្រវឹងនិងរំភើបខ្លាំងពេក ហើយចេញការសុំទោស និងសន្យាមិនឲ្យរឿងបែបនេះកើតឡើងម្តងទៀតឡើយ។ ជាចុងក្រោយ Kershaw ត្រូវពិន័យជាប្រាក់ចំនួន ៥ ០០០បាត (១៣៧ដុល្លារ) សម្រាប់អាកប្បកិរិយាមិនគប្បីរបស់គាត់។

សូមបញ្ជាក់ថា នៅឆ្នាំ២០១៩ ភ្ញៀវទេសចរចំនួន៦នាក់ ក្នុងនោះមានជនជាតិអង់គ្លេស៣នាក់ អូទ្រីសម្នាក់ ជប៉ុនម្នាក់ និងជនជាតិថៃម្នាក់ ក៏ត្រូវបានចាប់ខ្លួនពីបទ ងូតទឹកស្រាតនៅឆ្នេរ Ao Nang ផងដែរ ដោយពួកគេម្នាក់ៗត្រូវបង់ប្រាក់ពិន័យ ៥០០ បាត៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ ៣ខែ ដើមឆ្នាំ២០២៤ ថៃ ទាញទេសចរបរទេសបាន៩.៤លាននាក់ កើបលុយ ១២.៤ពាន់លានដុល្លារ

The post ទេសចរអង់គ្លេសម្នាក់ដើរស្រាតនៅឆ្នេរសមុទ្រថៃ ត្រូវប៉ូលិសចាប់ខ្លួន  appeared first on Kampuchea Thmey Daily.

បើយើងក្រឡេកមើលមួយភ្លែត យើងឃើញថានាងស្លៀកឈុតក្នុងដើម្បីថត ប៉ុន្តែឈុតនោះមិនមែនជាសំលៀកបំពាក់ទេ ជាក់ស្ដែង Lourdes ថតស្រាតដោយបិទបាំងដើមទ្រូង និងផ្នែកខាងក្រោមជាមួយកាបូបដែលត្រូវផ្សព្វផ្សាយប៉ុណ្ណោះ ។

កាបូបខាងលើជាម៉ាករបស់ Dion Lee មកពីប្រទេសអូស្ត្រាលី មានតម្លៃខ្ទង់ ១០០០ ដុល្លារ ។ Dion Lee ជាបុរសវ័យ ៣៧ ឆ្នាំម្នាក់ដែលត្រូវបានគេទទួលស្គាល់ពីគំនិតច្នៃប្រឌិតទៅលើសំលៀកបំពាក់ និងការតុបតែងខ្លួន ហើយគាត់បង្កើតម៉ាកផ្ទាល់ខ្លួនតាំងពីឆ្នាំ ២០០៩ មកម្ល៉េះ ។

ត្រឡប់ទៅដឹងបន្ថែមពី Lourdes Leon វិញ នាងមានឈ្មោះពេញថា Lourdes Maria ‘Lola’ Ciccone Leon ជាកូនស្រីច្បងរបស់ Madonna ។ កាលពីក្មេង ខណៈ Madonna រវល់នឹងការងារមិនបានចំណាយពេលជាមួយ Lourdes នាងបានបត់ជើងតូចដាក់ឯកសារសំខាន់ៗរបស់ម្ដាយទៀតផង ។

មួយវិញទៀតមានពាក្យចចាមអារ៉ាមជាច្រើនចោទនាងថាជាស្រីស្រលាញ់ស្រី ប៉ុន្តែតារាម៉ូដែលរូបនេះបានអះអាងថា ខ្លួនជាស្ត្រីពេញលក្ខណៈស្រលាញ់បុរស មិនដូចអ្វីដែលគេនិយាយឡើយ ។

គួរជម្រាបថា Madonna មានសុខភាពប្រសើរជាងមុន ក្រោយចូលបន្ទប់សង្គ្រោះបន្ទាន់កាលពីថ្ងៃសៅរ៍ ទី២៤ ខែមិថុនា ដោយសារការឆ្លងបាក់តេរីធ្ងន់ធ្ងរ ថែមទាំងមានរូបថតចូលរួមការប្រគំតន្ត្រី Beyonce កាលពីថ្ងៃច័ន្ទទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ Madonna សារភាពត្រង់ៗថា នាងងប់ងុលនឹងសិច

The post កូនស្រី Madonna ថតស្រាតផ្សាយពាណិជ្ជកម្មកាបូប appeared first on Kampuchea Thmey Daily.

ប្រសិនយល់សប្តិឃើញខ្លួនឯងដើរស្រាតននលគោក ចំពោះមនុស្សជាច្រើន ជាប្រផ្នូល ព្រមានដល់ជីវិតពិត ត្រូវបង្កើនការប្រុងប្រយ័ត្នខ្ពស់ ព្រោះតែការខិតខំប្រឹងប្រែងកន្លងមក កំពុងឈានទៅរកភាពបរាជ័យ ដោយសារមានមនុស្សចាំជាន់ពន្លិច។

បើយល់សប្តិឃើញខ្លួនអត់ពាក់អាវ តែស្លៀកខោឬសំពត់​ ឬអត់ស្លៀកខោនិងសំពត់ តែពាក់អាវ មានន័យថា ​​សេដ្ឋកិច្ចគ្រួសារកំពុងធ្លាក់ចុះ គួរឱ្យបារម្ភ។ មិនតែប៉ុណ្ណោះ សមាជិកក្នុងផ្ទះ អាចមានជំងឺឈឺថ្កាត់ ឬជួបបញ្ហាបាក់ទឹកចិត្ត៕

អត្ថបទ៖ សន្យា

ចុចអាន៖ នេះជាអត្ថន័យឃើញ “មនុស្សកំបុតក្បាល” ក្នុងយល់សប្តិ

The post បកស្រាយអត្ថន័យ យល់សប្តិឃើញខ្លួនឯងដើរស្រាត appeared first on Kampuchea Thmey Daily.

ប៉ូលិសនៅទីក្រុង Bien Hoa ក្នុងខេត្ត Dong Nai បានបញ្ជាក់កាលពីថ្ងៃអាទិត្យថា ពួកគេបាន ពិន័យម្ចាស់ហាងខារ៉ាអូខេ Thu Hang ចំពោះការមិនបានគោរពតាម បទបញ្ជាទប់ស្កាត់និងគ្រប់គ្រងជំងឺកូវីដ-១៩។

ការរំលោភបំពាននេះ ត្រូវផ្តន្ទាទោសដោយពិន័យជាប្រាក់ចាប់ពី ១០ លានទៅ ២០ លានដុង (៤៣២ ទៅ ៨៦៥ ដុល្លារអាមេរិក) ចំពោះបុគ្គលម្នាក់ៗនិង ២០ លានទៅ ៤០ លានដុង (៨៦៥ ទៅ ១,៧៣១ ដុល្លារ) ចំពោះហាង។

ការពិន័យនេះ បានធ្វើឡើងបន្ទាប់ពីក្រុមមន្រ្តីបានចុះត្រួតពិនិត្យទីតាំង កាលពីយប់ថ្ងៃសៅរ៍។

នៅពេលចុះធ្វើអន្តរាគមន៍ មន្ត្រីបានរកឃើញមនុស្សប្រមាណ២០នាក់ រួមទាំងអតិថិជននិងបុគ្គលិកផងដែរ នៅហាងខារ៉ាអូខេ។ ក្នុងនោះ គេឃើញមានបុគ្គលិកស្រីពីរនាក់ អាក្រាតកាយ រាំឲ្យភ្ញៀវមើល។

បុគ្គលិកនិយាយថា ពួកគេបានយល់ព្រមផ្តល់ជូននូវសេវាកម្មរាំស្រាត ដើម្បីទាក់ទាញអតិថិជនបន្ថែម និងទទួលបានលុយធីប កាន់តែច្រើន។

Dong Nai ស្ថិតនៅជិតទីក្រុងហូជីមិញ ដែលជាកន្លែងវីរុសកូវីដ-១៩ កំពុងផ្ទុះខ្លាំង។

ទោះបីជា Dong Nai ទើបតែបានកត់ត្រាការឆ្លងក្នុងសហគមន៍ចំនួន៣ករណី ចាប់តាំងពីរលកថ្មី វាយប្រហារប្រទេសកាលពីថ្ងៃទី២៧ខែមេសាក៏ដោយ ក៏អាជ្ញាធរបានបញ្ជាឲ្យបិទសេវាកម្មមិនចាំបាច់នានាដូចជាខារ៉ាអូខេនិងឌីស្កូ ចាប់តាំងពីថ្ងៃទី៣០ខែមេសាមកម្ល៉េះ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ វ៉ាក់​សាំង​កូវីដ​ផលិតនៅ​វៀតណាម​ស្វែង​រក​ការអនុម័ត​ប្រើបន្ទាន់ហើយ

The post ផ្គើនបម្រាមកូវីដ! ហាងខារ៉ាអូខេនៅវៀតណាម លួចបើក ហើយមានសេវារាំស្រាតឲ្យភ្ញៀវមើលទៀត appeared first on Kampuchea Thmey Daily.

ស្របពេលដែលការប្រកួតបាល់ទាត់ពានរង្វាន់ទ្វីបអឺរ៉ុបឆ្នាំ២០២០ ឬ យូរ៉ូ កំពុងធ្វើឡើង អ្នកគាំទ្ររាប់លាននាក់កំពុងផ្តល់កម្លាំងចិត្តដល់ក្រុមជម្រើសជាតិរបស់ពួកគេ។

ទោះបីជាយ៉ាងណាក៏ដោយ ក្រៅពីជម្រើសជាតិ អ្នកគាំទ្រក៏ហ៊ានធ្វើរឿងផ្សេងៗដើម្បីក្លិបអាជីពនានាផងដែរ។

ខាងក្រោមនេះ យើងសូមលើកយកអ្នកគាំទ្រផ្កាប់មុខចំនួន៥នាក់ ដែលសន្យាស្រាតសម្លៀកបំពាក់ ប្រសិនបើក្រុមរបស់ពួកគេទទួលបានជោគជ័យ៖

១. Sabrina Ferilli

ជ័យជម្នះជាម្ចាស់ជើងឯកក្របខណ្ឌអ៊ីតាលី Serie A លើកចុងក្រោយបំផុតរបស់ក្រុមចចកខ្មៅ Roma បានកើតឡើងកាលពី២០ឆ្នាំមុន ដោយពួកគេយកឈ្នះក្រុមសេះបង្កង់ Juventus ត្រឹម២ពិន្ទុប៉ុណ្ណោះនៅថ្ងៃបិទរដូវកាល។

មុនជ័យជម្នះនេះ តារាសម្តែងអ៊ីតាលី Sabrina Ferilli បានសន្យាដោះសម្លៀកបំពាក់ចេញ បើសិនជាពួកគេឈ្នះពាន។

នៅពេល Roma ឈ្នះពាន Scudetto, នាងបានបង្ហាញខ្លួនអំឡុងក្បួនព្យុហយាត្រាមួយនៅទីលាន Circus Maximus ប៉ុន្តែបានស្លៀកឈុតប៊ីគីនីពណ៌សាច់ ដែលមើលទៅដូចជាស្រាត។

២. Arcelia Bravo

នៅពេលក្រុមជម្រើសជាតិម៉ិកស៊ិក ប៉ះសហរដ្ឋអាមេរិកក្នុងវគ្គផ្តាច់ព្រ័ត្រពានរង្វាន់ CONCACAF, ពួកគេត្រូវការជ័យជម្នះដើម្បីចូលរួមប្រកួតក្នុងពានរង្វាន់ Confederations Cup នៅពីរឆ្នាំក្រោយ។

ហើយតារាបង្ហាញម៉ូដដើមកំណើតវេណេស៊ុយអេឡា Arcelia Bravo បានសន្យាថា នាងនឹងស្រាតដាក់អ្នកគាំទ្រ ដូចជាព្រះបាននាំនាងចូលមកក្នុងពិភពលោក។

បន្ទាប់ពី ម៉ិកស៊ិក ឈ្នះអាមេរិកនៅម៉ោងបន្ថែមក្នុងលទ្ធផល ៣-២, តារា Playboy រូបនេះក៏ធ្វើតាមសន្យា ដោយពន្លែងល្វែងលើ ពាក់ត្រឹមស្រោមបារនិងស្បែកជើងកែងប៉ុណ្ណោះ។ 

ជាមួយនឹងរូបថតបែបនេះនៅលើគ្រែ នាងបានបង្ហោះដោយសរសេរថា “សន្យាគឺជាបំណុល។ នេះគឺសម្រាប់អ្នកសរសើរខ្ញុំទាំងអស់”។ 

៣. Katrina Maria

ជាធម្មតា ដាណឺម៉ាកបានទទួលការគាំទ្រ ពីហ្វេនពិសេសម្នាក់។

នោះគឺ Katrina Maria ដែលទទួលបានការចាប់អារម្មណ៍យ៉ាងខ្លាំង ពីសំណាក់អ្នកលេងបណ្តាញសង្គម ដោយសារតែការបង្ហោះរបស់នាង ក្នុងនាមជា អ្នកគាំទ្រសិចស៊ីបំផុតរបស់ក្រុមបិសាចក្រហម Manchester United។

ក្នុងអំឡុងយុទ្ធនាការប្រកួតបាល់ទាត់ពិភពលោកឆ្នាំ២០១៨ នាងក៏បានសម្រេចចិត្តងាកទៅគាំទ្រប្រទេសអ៊ីស្លង់វិញ ហើយបានធ្វើការសន្យាដ៏ធំមួយដល់អ្នកគាំទ្រ។

នាងបានប្រាប់ Daily Star កាលពី៣ឆ្នាំមុនថា “នៅពេលណាមួយ ខ្ញុំនឹងពាក់អាវរបស់ពួកគេប្រសិនបើពួកគេនៅតែលេងបានល្អ ខ្ញុំនឹងបង្ហោះរូបស្រាត”។

៤. Larissa Riquelme

អតីតកីឡាករជម្រើសជាតិប៉ារ៉ាហ្គាយ Jonathan Fabbro បានសម្លឹងទៅរកការលើកពានរង្វាន់ជាមួយក្លិប Chiapas នៅពេលពួកគេឈានដល់វគ្គ play-offs នៃលីគកំពូល ម៉ិកស៊ិក។

ហើយមិត្តស្រីរបស់គាត់ដែលជាតារាបង្ហាញម៉ូដឈ្មោះ Riquelme បានផ្តល់កម្លាំងចិត្តបន្ថែមដល់ក្រុម ដោយនិយាយផ្ទាល់តាមទូរទស្សន៍ថា នាងនឹងដោះសម្លៀកបំពាក់ចេញ។

ប៉ុន្តែនេះមិនមែនជាលើកទី១ទេដែល Riquelme បានបង្ហាញដងខ្លួនរបស់នាង។ នាងបានដោះសម្លៀកបំពាក់ចេញទាំងអស់ក្នុងឆ្នាំ២០១០ អំឡុងការប្រកួតរវាងក្រុមជម្រើសជាតិរបស់នាង​ជាមួយអេស្ប៉ាញ។

៥. Anna Falchi 

ងាកទៅទីក្រុងរ៉ូមវិញ ក្នុងជំនួបជាមួយ Lazio គឺជាការប្រកួតមួយក្នុងចំណោមការប្រកួតដ៏ក្តៅគគុកបំផុតនៅក្នុងពិភពបាល់ទាត់។

នៅពេលដែលក្រុមក្នុងក្របខណ្ឌ Serie A ទាំងពី២ជួបគ្នាក្នុងខែមករា តារាសម្តែងនិងម៉ូដែលអ៊ីតាលី Falchi បានសន្យាជាមួយក្រុមរបស់ Simone Inzaghi។

នាងបាននិយាយទៅកាន់ប្រព័ន្ធផ្សព្វផ្សាយរបស់ប្រទេសនេះថា “ខ្ញុំបានត្រៀមខ្លួនរួចជាស្រេចក្នុងការពាក់តែម៉ា”។

នៅពេលដែល Lazio យកឈ្នះលើគូប្រជែងរបស់ខ្លួន៣-០, Falchi បានធ្វើតាមសន្យា ដោយថតរូបលើគ្រែ អាក្រាតកាយ៕

ប្រែសម្រួល៖ Vann Vann

ប្រភព៖ Daily Star

The post អ្នកគាំទ្របាល់ទាត់ ៥នាក់ សន្យាដោះសម្លៀកបំពាក់ បើក្រុមឈ្នះការប្រកួត appeared first on Kampuchea Thmey Daily.

តារាចម្រៀងស្រី Jennifer Lopez បានឈានចូលវ័យ៥១ឆ្នាំកាលពីប៉ុន្មានខែមុនប៉ុន្តែនាងនៅតែបង្ហាញភាពសិចស៊ី ក្មេងល្មមៗសុំខ្មាស់។

តារាចម្រៀងប៉ុបរូបនេះបានបង្ហាញរូបភាពដ៏គួរឲ្យភ្ញាក់ផ្អើលធ្វើជាគម្របអាល់ប៊ុមថ្មីរបស់ខ្លួនហើយធ្វើឲ្យអ្នកគាំទ្រស្រឡាំងកាំងយ៉ាងខ្លាំងកាលពីថ្ងៃពុធ។

ក្នុងបណ្តាញសង្គម Instagram, Jennifer Lopez ឬ JLo បានបង្ហាញទៅអ្នក Follow ចំនួន១៣៣លាននាក់ជាមួយនឹងគម្របផ្លូវការដែលនាងបានស្រាតននលគោក។

តារាចម្រៀងកូនពីររូបនេះមិនបានលាក់បាំងនូវអ្វីដែលនាងធ្វើរាល់ថ្ងៃនោះទេហើយនាងពិតជាចង់បង្ហាញពីលទ្ធផលនៃការហាត់ប្រាណរបស់នាង។

រូបថតនេះបានបង្ហាញនាងបោះជើងម្ខាងទៅមុខ យកដៃមួយច្រត់ចង្កានិងដៃមួយទៀតសំយុងចុះក្រោមដើម្បីបិតបាំងកន្លែងពិសេសរបស់នាង។

នាងក៏បង្ហាញសាច់ដុំពោះកង់ៗនិងចិញ្ចៀនពេជ្រភ្ជាប់ពាក្យពីគូដណ្តឹងឈ្មោះ Alex Rodriguez ផងដែរ។

កាលពីប៉ុន្មានសប្តាហ៍មុន​ JLo បានថ្លែងទៅកាន់អ្នកគាំទ្ររបស់នាងពីកន្លែងហាត់ប្រាណដោយនាងបានជំរុញឲ្យពួកគេទៅបោះឆ្នោតនៅក្នុងសហរដ្ឋអាមេរិក៕

ប្រែសម្រួលដោយ៖ Vann Vann

ប្រភព៖ Daily Star

The post Jennifer Lopez ស្រាតមួយទំហឹងស្វាគមន៍បទចម្រៀងថ្មី appeared first on Kampuchea Thmey Daily.

យុវជនដែលមានគំនិតភ្លឺស្វាងរាប់សិបនាក់នៅចក្រភពអង់គ្លេសបានបង្ហាញរាងកាយននលគកសម្រាប់ការប្រកួតប្រជែងដ៏ស្វិតស្វាញនេះដែលគ្រប់គ្រងដោយកាសែតនិស្សិត The Tab។

ហើយអ្នកប្រកួតប្រជែងត្រូវបង្កើតគំនិតច្នៃប្រឌិតមួយចំនួនដើម្បីបង្ហាញគូទរបស់ពួកគេនៅតាមទីតាំងដែលគួរឲ្យចាប់អារម្មណ៍បំផុតរបស់ទីក្រុងនេះ។

ទីតាំងទាំងនេះរាប់បញ្ចូលទាំងស្ពាន Bridge of Sighs ដ៏ល្បីឈ្មោះនៅមហាវិទ្យាល័យ St John’s, ប្រាសាទ King’s Chapel និងសូម្បីតែផ្លូវបុរាណរបស់ទីក្រុង Cambridge នៅពេលយប់ផងដែរ។

ឥឡូវនេះ ការបោះឆ្នោតជុំទី១នៃការប្រកួតគូទស្អាតបំផុតរបស់សាកលវិទ្យាល័យ Cambridge បានបើកហើយខណៈការបោះឆ្នោតជុំទី២នឹងចាប់ផ្តើមនៅល្ងាចនេះ។

កាសែត The Tab បានចុះថា ឥឡូវនេះជាពេលដែលអ្នកទាំងអស់គ្នាកំពុងរងចាំ នេះគឺជាឱកាសរបស់អ្នកក្នុងការបោះឆ្នោតដើម្បីរកអ្នកដែលមានគូទស្អាតបំផុតក្នុងសាកលវិទ្យាល័យ Cambridge ប្រចាំឆ្នាំ២០២០នេះ។

តើអ្នកគិតថា រូបមួយណាដែលជារូបគូទស្អាតបំផុត?

សូមទស្សនារូបភាពនៅខាងក្រោម៖

ប្រែសម្រួលដោយ៖ Vann Vann

ប្រភព៖ Daily Mail

The post និស្សិតសាកលវិទ្យាល័យ Cambridge នាំគ្នាថតស្រាតប្រកួតរកអ្នកមានគូទស្អាតបំផុតប្រចាំឆ្នាំ (រូបភាពនៅខាងក្នុង) appeared first on Kampuchea Thmey Daily.

តារាបង្ហាញម៉ូដនិងជាតារាចម្រៀងដែលជាកូនស្រីរបស់វីរៈបុរសអ្នកវាយកូនបាល់លើទឹកកកកាណាដារូបនេះបានបង្ហាញការគាំទ្រដល់ដៃគូរបស់នាងឈ្មោះ Dustin Johnson នៅពេលគាត់ឈ្នះពានរង្វាន់ទី២របស់គាត់នៅក្នុងកម្មវិធីវាយកូនហ្គោល Masters។

បុរសវ័យ៣៦ឆ្នាំរូបនេះបានភ្ជាប់ពាក្យជាមួយ Paulina អាយុ៣១ឆ្នាំនៅក្នុងខែសីហាឆ្នាំ២០១៣បន្ទាប់ពីស្គាល់គ្នាបានតែ៧ខែប៉ុណ្ណោះប៉ុន្តែពួកគេមិនទាន់រៀបការនៅឡើយទេ។

ក្នុយរយៈពេលខ្លី គណនី Instagram របស់នាងទទួលបានការ Follow ជិត១លាននាក់ដោយសារតែការបង្ហោះរូបភាពដ៏គួរឲ្យទាក់ទាញរបស់នាងដោយបង្ហាញនាងអាក្រាតកាយ គ្មានស្លៀកពាក់អ្វីទាំងអស់ពាក់តែមួកប៉ុណ្ណោះ។

លោក Dustin បាននិយាយអំពីទំនាក់ទំនងរបស់ពួកគេកាលពីខែកញ្ញាថា “នាងគឺជាផ្នែកដ៏ធំមួយសម្រាប់ខ្ញុំ គ្រួសារនិងភាពជោគជ័យរបស់ខ្ញុំ។ នាងនៅផ្ទះជាមួយកូនៗ ហើយពិតជាអស្ចារ្យណាស់ជាមួយរឿងនេះហើយនាងជាអ្នកគាំទ្រដ៏ធំធេងសម្រាប់ខ្ញុំ”៕

ប្រែសម្រួលដោយ៖ Vann Vann

ប្រភព៖ Daily Star

The post តារាបង្ហាញម៉ូដបង្ហោះរូបស្រាតននលគកក្នុង Instagram ដើម្បីអបអរមិត្តប្រុសឈ្នះពាន appeared first on Kampuchea Thmey Daily.