Madonna សារភាពត្រង់ៗថា នាងងប់ងុលនឹងសិច

ម្ចាស់ក្សត្រីយប៉ុប ម៉ាដូណា (Madonna) សារភាពត្រង់ៗដោយមិនលាក់លៀម ខ្លួនគឺជាមនុស្សឈ្លក់វង្វេងនឹងការរួមភេទ ហើយនាងថែមទាំងសារភាពនៅក្នុងវីដេអូថ្មីមួយរបស់កម្មវិធី “Last Enough Talk: 50 Questions With Madonna” ថា នាងមានវិប្បដិសារីចំពោះអាពាហ៍ពិពាហ៍ទាំងពីរលើករបស់នាង។

នៅក្នុងវីដេអូសម្ភាសន៍ ពេលគេសួរអំពីអ្វីដែលនាងពេញចិត្តបំផុត ឬអ្វីដែលធ្វើឱ្យនាងងប់ងល់ខ្លាំងបំផុត តារាចម្រៀងអាមេរិកាំងរូបនេះ បានឆ្លើយត្រង់ៗដោយមិនស្ទាក់ស្ទើរ​ថា​ ការ​រួម​ភេទ គឺជាចំណូលចិត្តរបស់នាង ហើយវាជាអ្វីដែលធ្វើឲ្យនាងដើរទៅមុខ។​ មិនតែមិនប៉ុណ្ណោះនាងសារភាពទៀតថា នាងពិតជាសោកស្ដាយដែល​បាន​រៀប​ការ​ កាលពីពេលកន្លងទៅ ព្រោះវាប្រៀបបានទៅនឹងគុកអ៊ីចឹង។

គួរបញ្ជាក់ថា តារាចម្រៀងស្រីវ័យ ៦៤រូបនេះ ធ្លាប់រៀបការពីរលើក ដែលលើកទី១ រៀបការជាមួយលោក Sean Penn កំលុងឆ្នាំ១៩៨៥-១៩៨៩ និងលើកទី២ជាមួយលោក Guy Ritchie ពីឆ្នាំ២០០០-២០០៨។ តាំងពីលែងលះស្វាមីទី២ ​នាងបន្តជីវិតជាមនុស្សនៅលីវ ដោយមិនមានទំនាក់អាពាហ៍ពិពាហ៍ទៀតនោះទេ៕

ប្រែសម្រួល៖ សន្យា

ចុចអាន៖ ខុសជំនាន់ ២២ឆ្នាំ ពេលនេះអតីតតួឯកប្រុស “កប៉ាល់ទីតានិច” ចែកផ្លូវគ្នាជាមួយមិត្តស្រី