ព័ត៌មានអន្ដរជាតិ
វ៉ាក់សាំងកូវីដផលិតនៅវៀតណាមស្វែងរកការអនុម័តប្រើបន្ទាន់ហើយ
ក្រុមហ៊ុន Nanogen ដែលផលិតវ៉ាក់សាំងបង្ការកូវីដ-១៩ Nanocovax នៅក្នុងប្រទេសវៀតណាមកំពុងស្វែងរកការអនុម័តសម្រាប់ការប្រើប្រាស់បន្ទាន់ហើយ។
លោក Ho Nhan ប្រធានក្រុមប្រឹក្សាភិបាល និងជាអគ្គនាយកក្រុមហ៊ុន Nanogen បានឲ្យដឹងកាលពីថ្ងៃអង្គារ៍ថា ក្រុមហ៊ុនបានដាក់ពាក្យស្នើសុំការអនុម័តប្រើប្រាស់បន្ទាន់ទៅលោកនាយករដ្ឋមន្ត្រីវៀតណាម Pham Minh Chinh កាលពីសប្តាហ៍មុន ប៉ុន្តែនៅមិនទាន់ទទួលបានការឆ្លើយតបអ្វីឡើយ។
ប្រទេសវៀតណាមបច្ចុប្បន្ននេះមានក្រុមហ៊ុនផលិតវ៉ាក់សាំងបង្ការកូវីដ-១៩ក្នុងស្រុក៤គឺវ៉ាក់សាំង Nanocovax ផលិតដោយក្រុមហ៊ុន Nanogen, វ៉ាក់សាំង Covivac របស់វិទ្យាសាស្ត្រវ៉ាក់សាំង និងជីវសាស្ត្រវេជ្ជសាស្ត្រ (IVAC) និង២ប្រភេទទៀតដោយក្រុមហ៊ុន Vabiotech និងមជ្ឈមណ្ឌលស្រាវជ្រាវ និងការផលិតវ៉ាក់សាំង និងជីវសាស្ត្រ (CRPVB)។
ក្នុងចំណោមក្រុមហ៊ុនផលិតទាំង៤នេះ ក្រុមហ៊ុន Nanocovax ត្រូវបានគេចាត់ទុកជាបេក្ខភាពសង្ឃឹមជោគជ័យបំផុត ដោយបានធ្វើការសាកល្បងគ្លីនិកដំណាក់កាលទី៣ ឬចុងក្រោយលើមនុស្សប្រមាណ១៣០០០នាក់រួចមកហើយ។ ក្នុងចំណោមអ្នកស្ម័គ្រចិត្តជាង១១០០នាក់ត្រូវបានចាក់រួចរាល់។
លោក Nanogen និយាយថា វ៉ាក់សាំងបង្ការកូវីដរបស់ក្រុមហ៊ុនលោកមានអត្រា៩៩.៤%នៃការផលិតប្រតិកម្មភាពស៊ាំ។ វ៉ាក់សាំងនេះត្រូវគេរំពឹងថានឹងមានតម្លៃប្រមាណ ៥.២១ដុល្លារអាមេរិកក្នុង១ដូស។
លោក Nhan បន្តថា ក្រុមហ៊ុនរបស់លោកអាចនឹងផលិតពី៨ទៅ១២លានដូសក្នុងមួយខែ ហើយបរិមាណផលិតនឹងបង្កើន បន្ទាប់ពីខែតុលាដែលអាចឈានដល់៥០លានដូសក្នុង១ខែ។ ត្រឹមឆ្នាំ២០២២ សមត្ថភាពផលិតអាចឈានដល់១០០លានដូស។
វៀតណាមដាក់គោលដៅទទួលបានវ៉ាក់សាំងបង្ការកូវីដ-១៩ចំនួន១៥០លានដូសដើម្បីចាក់ដល់ប្រជាជនរបស់ខ្លួនឲ្យបាន៧០%នៅឆ្នាំនេះមកពីប្រភពផ្សេងៗ។ យុទ្ធនាការណ៍ចាក់វ៉ាក់សាំងរហូតដល់ពេលនេះចាក់ដល់មនុស្ស១.៥លាននាក់ដោយប្រើវ៉ាក់សាំង AstraZeneca។
ប្រទេសមួយនេះបានអនុម័តវ៉ាក់សាំងបង្ការកូវីដ-១៩ជាច្រើនដែលយកមកពីក្រៅប្រទេសដើម្បីប្រាស់ប្រាស់បន្ទាន់មានដូចជាវ៉ាក់សាំងរុស្ស៊ី Sputnik V, វ៉ាក់សាំងអាមេរិក Pfizer/BioNTech និងវ៉ាក់សាំងចិន Sinopharm ៕
ប្រែសម្រួល៖ វីរបុត្រ
ប្រភព៖ e.vnexpress
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore