បកស្រាយអត្ថន័យ យល់សប្តិឃើញខ្លួនឯងដើរស្រាត

តាមជំនឿតាំងពីបុរាណមក អាក្រាតកាយ ត្រូវបានចាត់ទុកជាយល់សប្តិអាក្រក់ណាស់ ត្បិតអត្ថន័យរបស់វា គឺចង់ព្រមានអំពីការបាត់បង់យសសក្តិ និងកេរ្តិ៍ឈ្មោះនៅក្នុងសង្គម។ វាជាសញ្ញានៃការបាត់បង់ភាពគោរព និងការវាយប្រហារលើកិត្តិយស នាំឱ្យអាស្រូវកេរ្តិ៍។

ប្រសិនយល់សប្តិឃើញខ្លួនឯងដើរស្រាតននលគោក ចំពោះមនុស្សជាច្រើន ជាប្រផ្នូល ព្រមានដល់ជីវិតពិត ត្រូវបង្កើនការប្រុងប្រយ័ត្នខ្ពស់ ព្រោះតែការខិតខំប្រឹងប្រែងកន្លងមក កំពុងឈានទៅរកភាពបរាជ័យ ដោយសារមានមនុស្សចាំជាន់ពន្លិច។

បើយល់សប្តិឃើញខ្លួនអត់ពាក់អាវ តែស្លៀកខោឬសំពត់​ ឬអត់ស្លៀកខោនិងសំពត់ តែពាក់អាវ មានន័យថា ​​សេដ្ឋកិច្ចគ្រួសារកំពុងធ្លាក់ចុះ គួរឱ្យបារម្ភ។ មិនតែប៉ុណ្ណោះ សមាជិកក្នុងផ្ទះ អាចមានជំងឺឈឺថ្កាត់ ឬជួបបញ្ហាបាក់ទឹកចិត្ត៕

អត្ថបទ៖ សន្យា

ចុចអាន៖ នេះជាអត្ថន័យឃើញ “មនុស្សកំបុតក្បាល” ក្នុងយល់សប្តិ