ព័ត៌មានអន្ដរជាតិ
ទេសចរអង់គ្លេសម្នាក់ដើរស្រាតនៅឆ្នេរសមុទ្រថៃ ត្រូវប៉ូលិសចាប់ខ្លួន
ទេសចរជនជាតិអង់គ្លេសម្នាក់ ត្រូវបានប៉ូលិសថៃ ចាប់ខ្លួនដោយសារតែរូបគេស្រាតបង្កភាពអនាធិបតេយ្យនៅចំពោះមុខអ្នកទេសចរដ៏ទៃទៀត ខណៈកំពុងប្រមូលផ្តុំគ្នាថតរូបជាក្រុម។
![](https://www.kampucheathmey.com/wp-content/uploads/2024/04/image-729.png)
តាមសេចក្តីរាយការណ៍របស់ Daily Mail, ហេតុការណ៍នេះកើតឡើងកាលពីដើមសប្តាហ៍ ដោយអ្នកខេត្ត Krabi បានថតជាប់ទេសចរអង់គ្លេសឈ្មោះ Joseph William Kershaw អាយុ២៣ឆ្នាំ ដើរស្រាតគ្រវីអាវលើឆ្នេរ Ao Nang មុនពេលគាត់ទៅថតរូបនៅមុខរូបសំណាកត្រីក្តោង (Sailfish)។
ក្នុងវីដេអូនោះ គេបានឃើញយុវជនបរទេសមួយក្រុមមានគ្នាប្រហែលពី២០ទៅ៣០នាក់ កំពុងសប្បាយរីករាយនៅលើឆ្នេរ ពេលដែល Kershaw គ្រវីល្វែងក្រោមរបស់ខ្លួន ដោយមិនខ្វល់ពីនរណាទាំងអស់ សូម្បីតែអ្នកស្រុកនៅទីនោះនិងអ្នកធ្វើដំណើរឆ្លងកាត់។
![](https://www.kampucheathmey.com/wp-content/uploads/2024/04/image-721-1024x546.png)
ទោះបីជាយ៉ាងណាក៏ដោយ អាកប្បកិរិយារបស់គាត់ ត្រូវបានគេចាត់ទុកថា ជាការមិនគោរពដល់រូបសំណាកជានិមិត្តរូបនិងសហគមន៍ Krabi ទាំងមូល។
បុគ្គលដែលថតជាប់ឧប្បត្តិហេតុនេះ បានប្រាប់បណ្តាញទូរទស្សន៍ប៉ុស្តិ៍លេខ ៣ ថៃថា ពេលរឿងនេះកើតឡើង មានទាំងជនជាតិថៃនិងភ្ញៀវទេសចរស្ថិតនៅទីតាំងនោះ ប៉ុន្តែជនជាតិអង់គ្លេសរូបនេះ ហាក់គ្មានខ្លាចរអែងចិត្តអ្វីឡើយ។
![](https://www.kampucheathmey.com/wp-content/uploads/2024/04/image-723.png)
ក្រោយមានការត្អូញត្អែរពីអ្នកស្រុកនិងបានឃើញវីដេអូ, ប៉ូលិសអន្តោប្រវេសន៍ខេត្ត Krabi និងប៉ុស្តិ៍ Ao Nang បានកំណត់អត្តសញ្ញាណគាត់ថាមានឈ្មោះ Kershaw ហើយថែមរកឃើញថា គាត់ស្ថិតនៅប្រទេសថៃ ក្នុងទិដ្ឋាការទេសចរណ៍ ទៀតផង។
នៅពេលចាប់ខ្លួន លោក Kershaw សារភាពថា គាត់ស្រវឹងនិងរំភើបខ្លាំងពេក ហើយចេញការសុំទោស និងសន្យាមិនឲ្យរឿងបែបនេះកើតឡើងម្តងទៀតឡើយ។ ជាចុងក្រោយ Kershaw ត្រូវពិន័យជាប្រាក់ចំនួន ៥ ០០០បាត (១៣៧ដុល្លារ) សម្រាប់អាកប្បកិរិយាមិនគប្បីរបស់គាត់។
![](https://www.kampucheathmey.com/wp-content/uploads/2024/04/image-725.png)
សូមបញ្ជាក់ថា នៅឆ្នាំ២០១៩ ភ្ញៀវទេសចរចំនួន៦នាក់ ក្នុងនោះមានជនជាតិអង់គ្លេស៣នាក់ អូទ្រីសម្នាក់ ជប៉ុនម្នាក់ និងជនជាតិថៃម្នាក់ ក៏ត្រូវបានចាប់ខ្លួនពីបទ ងូតទឹកស្រាតនៅឆ្នេរ Ao Nang ផងដែរ ដោយពួកគេម្នាក់ៗត្រូវបង់ប្រាក់ពិន័យ ៥០០ បាត៕
សូមទស្សនាវីដេអូ៖
អត្ថបទ៖ សុខ សុវណ្ណ
ចុចអាន៖ ៣ខែ ដើមឆ្នាំ២០២៤ ថៃ ទាញទេសចរបរទេសបាន៩.៤លាននាក់ កើបលុយ ១២.៤ពាន់លានដុល្លារ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ