គួរឱ្យដឹងថា ម្សៅម៉ាឆា (Matcha) មានប្រភពដើមមកពីប្រទេសចិន ដែលត្រូវបានបង្កើតឡើងតាំងពីសម័យរាជវង្សស៊ុយ (Sui Dynasty) និងថាង (Tang Dynasty)។

ទោះជាយ៉ាងណាក៏ដោយ វប្បធម៌នៃការផលិត និងប្រើប្រាស់តែម៉ាឆាបានរីកចម្រើនយ៉ាងខ្លាំងនៅក្នុងប្រទេសជប៉ុនទៅវិញ ដែលធ្វើឱ្យជប៉ុនក្លាយជាប្រភពដ៏ល្បីល្បាញបំផុត នៃម្សៅម៉ាឆាដែលមានគុណភាពខ្ពស់នាពេលបច្ចុប្បន្ន។

អ្នកស្រី អុន តាំងអេង ម្ចាស់ហាង «តោះកាហ្វេ» ស្ថិតនៅម្ដុំទួលទំពូង រាជធានីភ្នំពេញ ប្រាប់ កម្ពុជាថ្មី ថា ប្រភេទម្សៅម៉ាឆានេះ គឺមានប្រភពមកពីប្រទេសជប៉ុន ប៉ុន្តែដើមកំណើតពិតប្រាកដគឺមកពីប្រទេសចិនដែលនៅទីនោះគេតែងតែនិយមយកម្សៅ Matcha ទៅឆុងជាមួយទឹកក្ដៅ ឬឆុងលាយជាមួយទឹកដោះគោស្រស់សម្រាប់ទទួលទានវាជាប្រចាំថ្ងៃ។

ដោយឡែក សម្រាប់ភេសជ្ជៈ ម៉ាឆាឡាតេ នៅក្នុងប្រទសកម្ពុជាវិញ អ្នកស្រី អុន តាំងអេង បានបញ្ជាក់ថា អតិថិជនរបស់អ្នកស្រី​​ ច្រើននិយមទទួលទានភេសជ្ជៈនេះលាយជាមួយទឹកដោះគោស្រស់ ពួកគេច្រើនជាសិស្ស និស្សិត ពិសេសគឺយុវជន ដែលដឹងច្បាស់ថា​ ម៉ាឆាឡាតេ វាជួយដល់សុខភាពបានច្រើន ដូចជា៖ ជួយរក្សាទម្ងន់មិនឱ្យឡើងគីឡូ ជួយឱ្យស្បែកភ្លឺថ្លាបានមួយកម្រិតទៀតផងដែរ។

ម្ចាស់ហាងកាហ្វេរូបនេះ បានឱ្យដឹងទៀតដែរថា ប្រភេទភេសជ្ជៈ ឬម្សៅម៉ាឆា វាអាចមានប្រសិទ្ធិភាពខ្ពស់ទៅបាន ក៏អាស្រ័យទៅលើការជ្រើសរើសម្សៅដែលមានគុណភាពល្អចេញពីប្រទេសជប៉ុន និងចិនដែលប្រទេសទាំងពីរនេះជាស្ថាបនិកនៃការបង្កើតម្សៅនេះឡើងមក ខណៈអ្នកស្រី អុន តាំងអេង ថា ម្សៅម៉ាឆានៅតាមបណ្ដាហាងកាហ្វេខ្លះ ច្រើនតែទិញពីប្រទេសជិតខាង ដោយសារតែតម្លៃក៏រៀងធូរថ្លៃជាងផលិតផលដែលនាំពីប្រទេសជប៉ុន និងចិនផងដែរ។

សម្រាប់ពេលបច្ចុប្បន្ន ហាងកាហ្វេរបស់អ្នកស្រី អុន តាំងអេង ចាប់ពេលម៉ោង៦ព្រឹក​ ដល់ម៉ោង ៩យប់អាចលក់ភេសជ្ជៈចម្រុះ ដែលមានកាហ្វេ និងម៉ាឆាឡាតេ ជូនអតិថិជនបានជាង១០០កែវ ក្នុងមួយថ្ងៃផងដែរ៕

អត្ថបទ ៖ សួស សិត

The post ស្វែងយល់ពីភេសជ្ជៈម៉ាឆាឡាតេ ដែលកំពុងពេញនិយមសម្រាប់យុវជនកម្ពុជា appeared first on Kampuchea Thmey Daily.

ជាមួយគ្នានេះ ហាង “ឡាម៉ូន កាហ្វេ (Lamon Coffee & Tea)” ដែលជាយីហោក្នុងស្រុកថ្មីមួយ បានបើកដំណើរការ ស្ថិតតាមផ្លូវខេត្តលេខ៣៧ ខាងជើងតាកែវយាយកែវ ប្រមាណ ២៥០ម៉ែត្រ។ ហាងនេះផ្តល់ជូនកាហ្វេ ភេសជ្ជៈ និងអាហារសម្រន់ជាច្រើនប្រភេទ ក្នុងបរិយាកាសធំទូលាយ ស្អាត និងទាន់សម័យ ព្រមទាំងមានបន្ទប់ប្រជុំសម្រាប់ក្រុមតូច និងមធ្យម។

ការកើនឡើងនៃហាងកាហ្វេនៅក្រុងដូនកែវ មិនត្រឹមជាការលើកកម្ពស់វិស័យអាជីវកម្មប៉ុណ្ណោះទេ ប៉ុន្តែថែមទាំងជួយជំរុញសកម្មភាពសេដ្ឋកិច្ច និងទាក់ទាញភ្ញៀវទេសចរមកកាន់ខេត្តតាកែវកាន់តែច្រើនផងដែរ៕

អត្ថបទ៖ វីរៈ

The post អាជីវកម្មលើវិស័យហាងកាហ្វេ កំពុងរីកចម្រើនក្នុងក្រុងដូនកែវ appeared first on Kampuchea Thmey Daily.

ជារួម សម្រាប់ហាងកាហ្វេដែលមានកន្លែងអង្គុយ ចំណាយពេលមុខកុំព្យូទ័រយួរដៃក្រោមម៉ាស៊ីនត្រជាក់ មិនខ្វះទេ ប៉ុន្តែ​ចុះ​បើ​ប្តូរជាមកផឹកកាហ្វេមើលទេសភាព ឬកម្សាន្តសប្បាយវិញ តើចាប់អារម្មណ៍ដែរទេ? នៅពេលនេះ កម្ពុជាថ្មី សូមណែនាំហាងកាហ្វេមួយចំនួន ដែលមានទីធ្លាធំទូលាយ ថែមទាំងអាចកម្សាន្តជាមួយនឹងសកម្មភាពផ្សេងៗបានទៀត។

១. Lé Toul Café
ទីកន្លែងសម្រាកលំហែកាយ និងជាអាហារដ្ឋានបែបធម្មជាតិក្នុងបរិវេណដីធំមួយ ក្នុងខណ្ឌព្រែកព្នៅ ជាយរាជធានីភ្នំពេញ។

២. The Farm Coffee
បរិយាកាសទីនេះ រៀងអ៊ូអរ អាចមិនស័ក្តសមនឹងអ្នកដែលចង់ស្វែងរកកន្លែងក្រេបកាហ្វេធ្វើការដោយស្ងប់ស្ងាត់ ប៉ុន្តែ គឺពេញនិយមបំផុត សម្រាប់អ្នកដែលទៅលក្ខណៈគ្រួសារ និងចូលចិត្តថតរូបជាមួយទេសភាពស្អាតៗ ក៏ព្រោះទីនេះ មានកន្លែងក្មេងលេង រួមនឹងការរៀបចំសួនច្បារដ៏ស្រស់ស្អាត។ សម្រាប់កាស្វែងរកហាងកាហ្វេនេះ មិនពិបាកទេ គឺមានទីតាំងក្បែរផ្សារ Macro ទី២តែម្តង ។

៣. May Coffee 7NG
ហាងកាហ្វេ May Coffee 7NG មានទីតាំងស្ថិតនៅទឹកដីនៃ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។
ថ្មីៗនេះ កន្លែងផឹកកាហ្វេដ៏ពេញនិយមមួយនេះ បានបន្ថែមចំណុចទាក់ទាញខ្លះៗ ដើម្បីផ្តល់ការសម្រាកលំហែកាយ ដល់អតិថិជនរបស់ខ្លួន អាចអង្គុយគយគន់ទិដ្ឋភាពពណ៌បៃតងនៃធម្មជាតិ ជាច្រើនជម្រើស។

៤. Tropic Park
ហាងកាហ្វេមួយនេះ ទើបតែមានវត្តមាននៅក្នុងក្រុងភ្នំពេញថ្មីៗនេះទេ ប៉ុន្តែមានអ្នកទៅហាងកាហ្វេមួយនេះច្រើនគួរសម ព្រោះតែមានទីតាំងក្នុងក្រុង ស្ថិតនៅបណ្តោយផ្លូវ៦០ម៉ែត្រ និងសួនច្បាររៀបចំយ៉ាងស្អាត អាចអង្គុយទទួលទានកាហ្វេ និងថតរូបលេងបានវាស់ល្ងាច។

៥. Maloop
មិនមែនជាយក្រុងទេ គឺទឹកដីបឹងទំពន់តែម្តង តែហាងកាហ្វេមួយនេះ បែរជាមិនសូវជាមានអ្នកបានស្គាល់។ ជាមួយនឹង ទិដ្ឋភាពដ៏ស្អាតនៃសួនច្បារដែលរៀបចំឡើង ក្រៅពីអាចទទួលទានភេសជ្ជៈប្រចាំហាងហើយ និងមានអាហារបែបថ្មី ជាច្រើនទៀត។ តាមរយៈផេករបស់ហាង បញ្ជាក់ថា ហាងបស់ខ្លួន បើកនៅម៉ោង៩ព្រឹក។

៦. កាហ្វេនិស្សិត
បើនិយាយពីការរៀបចំ គឺគ្មានទេ តែដោយសារកន្លែងផឹកកាហ្វេមួយនេះ ស្ថិតនៅក្នុងបរិវេណដ៏ធំទូលាយរបស់ សាកលវិទ្យាល័យភូមិន្ទភ្នំពេញ ជាទីពេញនិយមណាស់សម្រាប់សិស្សនិស្សិត អាចមកទទួលភេសជ្ជទីនេះបានហើយ អាច អានសៀវភៅ និងធ្វើសកម្មភាពផ្សេងទៀត។

៧. Zoom Garden Café & Wine
មិនឆ្ងាយទេ ជិតអ៉ីអន២តែម្តង តែទីនេះខុសប្លែកពីទីតាំងទាំង៤ខាងលើ ព្រោះជាលក្ខណៈកូនកាត់ ជាហាងកាហ្វេ​ផង ជាកន្លែងកម្សាន្តផង មានទាំងសួនកុមារ សួនទន្សាយ និងកន្លែងថតរូបស្អាតៗ។ ក្រៅពីនេះ នៅមានបន្ទប់សម្រាប់ប្រជុំ និងសូម្បីតែKTV អាចឱ្យលោកអ្នកកម្សាន្តពេញមួយថ្ងៃបាន លើសពីនេះ នៅអាចរៀបចំកម្មវិធីជប់លៀងល្ងាចនៅទីនេះបានទៀតផង (ទីតាំងស្ថិតនៅ ផ្ទះលេខ៨៥, ផ្លូវ៩២ និងផ្លូវឧកញ៉ាទ្រីហេង)។ https://g.co/kgs/JzoEn5

The post ៧ទីតាំង ជាយរាជធានីភ្នំពេញ ស័ក្តសមបំផុតសម្រាប់អ្នកនិយមភ្លក់កាហ្វេ ហើយលំហែកាយនឹងធម្មជាតិ appeared first on Kampuchea Thmey Daily.

ជារួម សម្រាប់ហាងកាហ្វេដែលមានកន្លែងអង្គុយ ចំណាយពេលមុខកុំព្យូទ័រយួរដៃក្រោមម៉ាស៊ីនត្រជាក់ មិនខ្វះទេ ប៉ុន្តែ​ចុះ​បើ​ប្តូរជាមកផឹកកាហ្វេមើលទេសភាព ឬកម្សាន្តសប្បាយវិញ តើចាប់អារម្មណ៍ដែរទេ? នៅពេលនេះ កម្ពុជាថ្មី សូមណែនាំហាងកាហ្វេមួយចំនួន ដែលមានទីធ្លាធំទូលាយ ថែមទាំងអាចកម្សាន្តជាមួយនឹងសកម្មភាពផ្សេងៗបានទៀត។

១. May Coffee 7NG
ហាងកាហ្វេ May Coffee 7NG មានទីតាំងស្ថិតនៅទឹកដីនៃ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។
ថ្មីៗនេះ កន្លែងផឹកកាហ្វេដ៏ពេញនិយមមួយនេះ បានបន្ថែមចំណុចទាក់ទាញខ្លះៗ ដើម្បីផ្តល់ការសម្រាកលំហែកាយ ដល់អតិថិជនរបស់ខ្លួន អាចអង្គុយគយគន់ទិដ្ឋភាពពណ៌បៃតងនៃធម្មជាតិ ជាច្រើនជម្រើស។

២. Tropic Park
ហាងកាហ្វេមួយនេះ ទើបតែមានវត្តមាននៅក្នុងក្រុងភ្នំពេញថ្មីៗនេះទេ ប៉ុន្តែមានអ្នកទៅហាងកាហ្វេមួយនេះច្រើនគួរសម ព្រោះតែមានទីតាំងក្នុងក្រុង ស្ថិតនៅបណ្តោយផ្លូវ៦០ម៉ែត្រ និងសួនច្បាររៀបចំយ៉ាងស្អាត អាចអង្គុយទទួលទានកាហ្វេ និងថតរូបលេងបានវាស់ល្ងាច។

៣. Maloop
មិនមែនជាយក្រុងទេ គឺទឹកដីបឹងទំពន់តែម្តង តែហាងកាហ្វេមួយនេះ បែរជាមិនសូវជាមានអ្នកបានស្គាល់។ ជាមួយនឹង ទិដ្ឋភាពដ៏ស្អាតនៃសួនច្បារដែលរៀបចំឡើង ក្រៅពីអាចទទួលទានភេសជ្ជៈប្រចាំហាងហើយ និងមានអាហារបែបថ្មី ជាច្រើនទៀត។ តាមរយៈផេករបស់ហាង បញ្ជាក់ថា ហាងបស់ខ្លួន បើកនៅម៉ោង៩ព្រឹក។

៤. កាហ្វេនិស្សិត
បើនិយាយពីការរៀបចំ គឺគ្មានទេ តែដោយសារកន្លែងផឹកកាហ្វេមួយនេះ ស្ថិតនៅក្នុងបរិវេណដ៏ធំទូលាយរបស់ សាកលវិទ្យាល័យភូមិន្ទភ្នំពេញ ជាទីពេញនិយមណាស់សម្រាប់សិស្សនិស្សិត អាចមកទទួលភេសជ្ជទីនេះបានហើយ អាច អានសៀវភៅ និងធ្វើសកម្មភាពផ្សេងទៀត។

៥. Zoom Garden Café & Wine
មិនឆ្ងាយទេ ជិតអ៉ីអន២តែម្តង តែទីនេះខុសប្លែកពីទីតាំងទាំង៤ខាងលើ ព្រោះជាលក្ខណៈកូនកាត់ ជាហាងកាហ្វេ​ផង ជាកន្លែងកម្សាន្តផង មានទាំងសួនកុមារ សួនទន្សាយ និងកន្លែងថតរូបស្អាតៗ។ ក្រៅពីនេះ នៅមានបន្ទប់សម្រាប់ប្រជុំ និងសូម្បីតែKTV អាចឱ្យលោកអ្នកកម្សាន្តពេញមួយថ្ងៃបាន លើសពីនេះ នៅអាចរៀបចំកម្មវិធីជប់លៀងល្ងាចនៅទីនេះបានទៀតផង (ទីតាំងស្ថិតនៅ ផ្ទះលេខ៨៥, ផ្លូវ៩២ និងផ្លូវឧកញ៉ាទ្រីហេង)។ https://g.co/kgs/JzoEn5

The post ចង់ប្តូរបរិយាកាសផឹកកាហ្វេ គយគន់ទេសភាពក្នុងក្រុង ឬកៀកក្រុង គួរទៅណា? appeared first on Kampuchea Thmey Daily.

ប្រតិបត្តិការនេះបានធ្វើឡេីងកាលវេលាម៉ោង៨និង៤០នាទីយប់ ថ្ងៃទី១៤ ខែសីហា ឆ្នាំ២០២៣ នៅចំណុចត្រឡោកបែក តាមបណ្ដោយផ្លូវ៥៩៨ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។

ក្នុងរង្វង់ប្រតិបត្តិការនេះ កម្លាំងសមត្ថកិច្ចបានធ្វេីឃាត់ខ្លួនមនុស្សប្រុសស្រីសរុប១៦នាក់ ក្នុងនោះមានម្ចាស់ទីតាំងចំនួន ៤នាក់ (ស្រី៣នាក់) និង១២នាក់ទៀតជានារីរងគ្រោះ រួមទាំងវត្ថុតាងមានស្រោមអនាម័យប្រេីប្រាស់រួចមួយចំនួន និងមិន ទាន់ប្រេីប្រាស់មួយចំនួន។

សមត្ថកិច្ចបានឱ្យដឹងថា មុនកម្លាំងសមត្ថកិច្ចធ្វើការចុះបង្ក្រាបទីតាំងខាងលើ គឺដោយមានការរាយការណ៍ពីបងប្អូនប្រជាពលរដ្ឋថា ហាងកាហ្វេទាំង៥ទីតាំងខាងលើគឺបេីកលក់ទាំងយប់ទាំងថ្ងៃ និងមានបង្កប់សេវាផ្លូវភេទ។ ហេីយកម្លាំងជំនាញ ក៏បានធ្វើការស៊ើបអង្កេតរហូតនៅយប់កេីតហេតុ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជននៃអគ្គស្នងការនគរបាលជាតិ និងបានសហការជាមួយអជ្ញាធរមូលដ្ឋានបានធ្វេីការចុះបង្ក្រាប ដោយរំដោះបាននារីរងគ្រោះចំនួន ១២នាក់ ព្រមទាំងឃាត់ខ្លួនម្ចាស់ទីតាំងចំនួន៤នាក់ ក្នុងនោះមានស្ត្រីចំនួន៣នាក់។

ក្រោយពេលឃាត់ខ្លួននារីរងគ្រោះទាំង១២នាក់ ត្រូវបានបញ្ជូនទៅមន្ទីរសង្គមកិច្ចចំណែកម្ចាស់ទីតាំងរួមទាំងវត្ថុតាងត្រូវ បានបញ្ជូនទៅនាយកដ្ឋានប្រឆាំងការជួញដូរមនុស្ស និងការពារអនីតិជននៃអគ្គស្នងការនគរបាលជាតិ ដេីម្បីចាត់ការបន្ត តាមនិតិវិធី រីឯទីតាំងហាងកាហ្វេទាំងប្រាំទីតាំងត្រូវបានបិទជាបណ្ដោះអាសន្ន៕

អត្ថបទ៖ សុខា

The post បង្រ្កាបហាងកាហ្វេបង្កប់សេវាកម្មផ្លូវភេទនៅត្រឡោកបែក ឃាត់ខ្លួនម្ចាស់ទីតាំង៤នាក់ និងរំដោះនារីរងគ្រោះ១២នាក់ appeared first on Kampuchea Thmey Daily.

យ៉ាងណាមិញ ថ្វីបើជម្រើសហាងកាហ្វេមានច្រើន តែបរិយាកាសនិងភាពទាក់ទាញ រឹតតែសំខាន់ទន្ទឹមនឹងរសជាតិដែរ ព្រោះអ្នកខ្លះ​ បានចំណាយពេលច្រើនម៉ោងនៅទីនោះ។ បើក្រឡេកមកមើលហាងកាហ្វេមួយចំនួន ក្រៅពីផ្តោតលើអាជីវកម្ម ថែមទាំងបានរួមចំណែកក្នុងការលើកស្ទួយនូវការអាននៅកម្ពុជាផងដែរ ដោយការរៀបចំឱ្យមានសៀវភៅក្នុង ហាងរបស់ខ្លួន អាចអានដោយសេរី។ តើហាងកាហ្វេណាខ្លះ ដែលយើងអាចស្វែងរកការអានបាន?

១. វិទ្យាល័យ​កាហ្វេ
គ្រាន់តែបានឃើញខ្លោងទ្វារដើរចូលហាង ក្រាលដោយឥដ្ឋថ្នាក់រៀនសម័យមុន ឈ្មោះ រួមនឹងបរិយាកាសនៅទីនេះ ក៏ធ្វើឱ្យយើងនឹកដល់ពេលវេលាមួយដែលកន្លងផុតទៅបាត់ទៅហើយ គឺអំឡុងពេលដែលយើងប្រើពេលវេលាជាសិស្ស។
ឯ​ការ​រៀប​ចំ​នៅ​ខាង​ក្នុង គឺគេប្រើបែបផែនស្រដៀងនឹងថ្នាក់រៀនយ៉ាងដូច្នេះដែរ សូម្បីតែតុអង្គុយជាដើម​។ នៅទី​នេះ​​មានសៀវភៅជាច្រើនប្រភេទ ទាំងចំណេះដឹងជាភាសាបរទេស ភាសាខ្មែរ រួមនឹងប្រលោមលោទៀតផង។ គួរបញ្ជាក់ថា ទីតាំងហាងកាហ្វេមួយនេះ ស្ថិតនៅសង្កាត់បឹងកក់១ ខណ្ឌទួលគោក។

២. កាហ្វេស្វាង និងហាងសៀវភៅ​ – Swarng Café and Bookstore
មិនត្រឹមតែអាចទួលទានភេសជ្ជៈ អាហារឆ្ងាញ់ៗ ជាមួយនឹងការតុបតែងគួរឱ្យទាក់ទាញ ដែលរួមបញ្ចូលដោយសៀវភៅ សម្រាប់អានសម្បូរបែប និងថែមទាំងអាចទិញសៀវភៅជាច្រើនប្រភេទ រួមមានប្រលោមលោក និងការអប់រំផ្សេងៗ​ ដែលមានដាក់លក់ទៀតផង។ កាហ្វេស្វាង និងហាងសៀវភៅ​ (Swarng Café and Bookstore) នេះ​ ស្ថិតនៅ​សង្កាត់​ជ័យជំនះ​ ​ខណ្ឌ​ដូនពេញ​ ​ចម្ងាយប្រមាណ ២គីឡូម៉ែត្រ​ពីវត្តភ្នំ។

៣. ខូ កាហ្វេ – CO- Creative Corners
មិនសូវជាខុសគ្នានឹងទីតាំងខាងលើប៉ុន្មានដែរ ហាងកាហ្វេមួយនេះ មានលក់ជូនទាំងភេសជ្ជៈនិងអាហារ និងមានរៀបចំ សៀវភៅជាច្រើន អាចអានដោយសេរី ដែលក្នុងនោះមានទាំងសៀវភៅជាភាសាបរទេសទៀតផង។ ជាមួយ​ទីតាំងធំទូលាយ ដែលរចនាឡើងប្រកបដោយភាពច្នៃប្រឌិត រួមនឹងបរិយាកាសនៅក្នុងហាងកាហ្វេផ្ទាល់ ទីនេះអាចទុកថាជាកន្លែង​ល្អ​មួយ សម្រាប់​ជួប​ជុំ​ពិភាក្សា មិនថាការងារ ឬការសិក្សានោះទេ។ ខូ កាហ្វេ មានទីតាំងនៅខណ្ឌទួលគោក និងអាគារ FunMall ។

៤. Lightbrary Coffee
បរិយាកាសដ៏ល្អដែលផ្តល់ជូនដោយហាងកាហ្វេមួយនេះ យើងអាចចំណាយពេលសោយសុខនឹងការអាន និងទទួល​ទាន​ភេសជ្ជៈតាម​ចំណង់​ចំណូលចិត្ត ដោយមិនធុញទ្រាន់ឡើយ។ ហាងកាហ្វេនេះ​ មានទីតាំងនៅសង្កាត់បឹងត្របែក ខណ្ឌចំការមន រាជធានីភ្នំពេញ​។

៥. ក្លេអូកាហ្វេ និងហាងសៀវភៅ – CLÉO Café and BookstoreBook
នៅខាងក្រោយផ្សារទំនើប Aeon2 សែនសុខ ហាងកាហ្វេដែលមាន​ការ​តុបតែង​បែប​ស៊ីវិល័យ ជាមួយ​បរិយាកាសអង្គុយ ទូលាយនៃជាន់ខាងលើ លម្អដោយទូដាក់សៀវភៅរាប់សិប យើងអាចអានដោយសេរី។ ឯផ្នែកខាងក្រោម ក៏មានសៀវភៅ​ជាច្រើន​ប្រភេទ សម្រាប់​អ្នក​ដែល​មាន​បំណង​ចង់​ទិញ​ផង​ដែរ៕

The post មកស្គាល់ហាងកាហ្វេ ៥ នៅភ្នំពេញ អាចឱ្យយើងចំណាយពេលសោយសុខនឹងការអាន appeared first on Kampuchea Thmey Daily.

ខាងក្រោមនេះគឺជាហាងកាហ្វេ ៥កន្លែងនៅក្នុងរាជធានីភ្នំពេញដែលមានការតុបតែងគួរឲ្យចាប់អារម្មណ៍ និងមានភាពទាក់ទាញជាខ្លាំង ពីសំណាក់យុវវ័យ និងអ្នកនិយមចូលចិត្តទទួលទានកាហ្វេ។

១.ហាងកាហ្វេ ភ្លេងច័ន្ទ

ហាងកាហ្វេ ភ្លេងច័ន្ទ មានច្រើនសាខានៅក្នុងទីក្រុងភ្នំពេញ ដែលមានការតុបតែងយ៉ាងគួរឲ្យចាប់អារម្មណ៍។ ហាងកាហ្វេនេះ មានការតុបតែងជាមួយវល្លិ៍ ​និងរុក្ខជាតិពណ៌ប៉ៃតងស្រងាត់ អមជាមួយនឹងការតាំងសៀវភៅជាជួរៗ មានទីធ្លាធំទូលាយ និងផាសុខភាព ដែលអាចឲ្យអ្នកនិយមអានសៀវភៅជ្រើសរើសអានតាមចិត្តស្រលាញ់។

២.ហាងកាហ្វេ La. Chronique

La. Chronique ស្ថិតនៅទួលទំពូង ជាហាងកាហ្វេ និងជាសណ្ឋាគារផង ដែលមានការតុបតែងស្រដៀងទៅនឹងអគារនៅប្រទេស​បារាំង។ ហាងកាហ្វេនេះ ក៏ធ្វើការតុបតែងស្រដៀងទៅនឹងសម័យសង្គមរាស្ត្រនិយម ហ៊ុមព័ទ្ធដោយរុក្ខជាតិតូចៗ និងវល្លិ៍នៅតាមជញ្ជាំងអគារ មើលទៅស្អាតប្លែកភ្នែក។

ការតុបតែងបែបនេះទីកន្លែងស្ងប់ស្ងាត់ ជាមួយនឹងទេសភាពស្រស់ស្អាត អាចធ្វើឲ្យអ្នកមានអារម្មណ៍ស្រស់ស្រាយ រលាយអស់នូវទុក្ខកង្វល់មួយចំនួន។

៣.ហាងកាហ្វេ លំអង

ហាងកាហ្វេមួយនេះ គឺសក្ដិសមបំផុតជាមួយនឹងអ្នកស្រលាញ់ធម្មជាតិព្រោះនៅលំអងបានតុបតែងហាងយ៉ាងស្រស់ស្អាតជាមួយនឹងធម្មជាតិដ៏ស្រស់ត្រកាល។ កៅអី និងតុបានរៀប ក្នុងទីធ្លាធំទូលំទូលាយ ជាមួយនឹងរុក្ខជាតិនានា ហាក់បីដូចជាអ្នកកំពុងតែអង្គុយនៅទទួលទានកាហ្វេ អានសៀវភៅ ឬ ថតរូប ក្នុងសួនធម្មជាតិអញ្ចឹង។ ហាងកាហ្វេ លំអង មានទីតាំងនៅ ចាក់អង្រែក្រោម រាជធានីភ្នំពេញ។

៤.ហាងកាហ្វេ Wild Rose Eatery

Wild Rose Eatery ជាហាងកាហ្វេបែបអ៉ឺរ៉ុបក្នុងរាជធានីភ្នំពេញ ដែលមានការតុបតែងជាលក្ខណៈគួរឲ្យស្រលាញ់ប្លែកភ្នែក លំអដោយផ្កាពណ៌ផ្កាឈូក និងផ្ទៃជញ្ជាំង កៅអីពណ៌ផ្កាឈូកទាំងអស់ គឺសាកសមជាមួយនឹងមនុស្សដែលស្រលាញ់ពណ៌ផ្កាឈូកតែម្តង។ នៅ Wild Rose Eatery មានជាអាហារបែបអ៊ឺរ៉ុប កាហ្វេ និងភេសជ្ជៈច្រើនប្រភេទទៀត។

៥.កាហ្វេ ជាតិ

អ្វីដែលកាន់តែប្លែកនោះគឺ កាហ្វេ ជាតិ ដែលមានការតុបតែងបែបបុរាណៗ ទាំងការរៀបចំម្ហូប និងកែវដាក់ភេសជ្ជៈ គឺមានភាពទាក់ទាញខ្លាំងមែនទែន។ ហាងកាហ្វេ ជាតិ មានទីតាំងចំកណ្តាលទីក្រុងភ្នំពេញតែម្តង គឺនៅជិតវត្តឧណ្ណាលោម។

មិនតែប៉ុណ្ណោះ ការរៀបចំហាងគឺស្រដៀងទៅនឹងផ្ទះឈើ ធ្វើឲ្យអារម្មណ៍នៅពេលដែលអ្នកឈានជើងចូលទីនោះ ប្រៀបដូចនឹងចូលផ្ទះឈើបុរាណខ្មែរសម័យមុនអញ្ចឹង៕

ដោយ៖ អុន ស្រីមាន

The post មកស្គាល់ហាងកាហ្វេតុបតែងទីតាំងស្អាតៗ ៥កន្លែង នៅរាជធានីភ្នំពេញ appeared first on Kampuchea Thmey Daily.

ចំណុចខ្លះនៅតាមបណ្តោយផ្លូវរថភ្លើង Ha Noi-Dong Dang បានទទួលការពេញនិយមពីសំណាក់ភ្ញៀវទេសចរបរទេស អស់រយៈពេលជាច្រើនឆ្នាំមកហើយ។

យ៉ាងណាក្តី ប្រជាប្រិយភាពរបស់កន្លែងនេះ ក៏បង្កគ្រោះថ្នាក់ដល់សុវត្ថិភាពផងដែរ។ សញ្ញាព្រមានមានជាភាសាវៀតណាម និងអង់គ្លេស ត្រូវបានដំឡើងនៅទីនោះ។

នាង Nguyen Thi Huong ដែលជាអ្នកស្រុក Dien Bien Phu គិតថា នេះជាគំនិតល្អ ហើយស្វាគមន៍ចំពោះវិធានការនេះ ដើម្បីបង្កើនសុវត្ថិភាព។

ទីតាំងដែល​ធ្លាប់តែ​មាន​មនុស្ស​ច្រើនកុះករ ​បានប្រែ​ក្លាយទៅ​ជា​ទី​ស្ងាត់​ជ្រងំ ​បន្ទាប់​ពី​ការ​បញ្ជា​ឲ្យបិទ។

គួរបញ្ជាក់ថា កន្លែងនេះ ត្រូវបានបញ្ជាឲ្យបិទម្តងហើយកាលពីចុងឆ្នាំ២០១៩ ប៉ុន្តែបន្ទាប់ពីវៀតណាម បើកប្រទេសឡើងវិញក្នុងខែមីនាឆ្នាំនេះ ក្រោយបិទព្រំដែនរយៈពេលពីរឆ្នាំ, ហាងកាហ្វេទាំងនោះក៏បើកឡើងវិញផងដែរ ហើយអ្នកទេសចរបរទេសបានសម្រុកទៅផ្លូវរថភ្លើង ជាថ្មីម្តងទៀត៕

ប្រែសម្រួល៖ Vann Vann

ប្រភព៖ Nation 

ចុចអាន៖ កាហ្វេអាចជួយសម្រកទម្ងន់ដោយមិនដឹងខ្លួន តែក៏គួរដឹងរឿង ទាំងនេះ

The post ហាងកាហ្វេជាប់ផ្លូវរថភ្លើងដ៏ល្បី នៅវៀតណាម ត្រូវបញ្ជាឲ្យបិទ ថ្ងៃស្អែកនេះ appeared first on Kampuchea Thmey Daily.