លិខិតជូនដំណឹងនេះ ធ្វើឡើងក្រោយគណនីបណ្តាញសង្គមខាងលើ បានបង្ហោះសារ និងវីដេអូជាបន្តបន្ទាប់ ដែលមានខ្លឹមសារប៉ះពាល់ដល់កេរ្តិ៍ឈ្មោះ និងប្រជាប្រិយភាពរបស់អ្នកនាង ថៃ នារីសុជាតា ក្នុងនាមជាម្ចាស់មកុដជាតិនៃវិស័យបវរកញ្ញា។

យោងតាមលិខិតជូនដំណឹង បានប្រាប់ម្ចាស់គណនី និងទំព័រហ្វេសប៊ុកចំនួន ៣ រួមមាន SANGHA-KH, Beauty Queen និង BongSangha បញ្ឈប់ជាបន្ទាន់នូវសកម្មភាពបរិហាកេរ្តិ៍ជាសាធារណៈ ជេរប្រមាថជាសាធារណៈ និងញុះញង់ឱ្យមានការរើសអើង និងអះអាងថា បានបង្កផលប៉ះពាល់ដល់កេរ្តិ៍ឈ្មោះ កិត្តិយស សេចក្តីថ្លៃថ្នូរ និងការងាររបស់បវរកញ្ញារូបនេះយ៉ាងធ្ងន់ធ្ងរ។

ជាមួយគ្នានេះ តំណាងមេធាវី ក៏បានអញ្ជើញអ្នកម្ចាស់គណនី និងទំព័រហ្វេសប៊ុកខាងលើ មកការិយាល័យក្រុមមេធាវី សេនាជ័យ នាថ្ងៃទី៣០មីនាខាងមុខនេះ វេលាម៉ោង៩:០០នាទីព្រឹក ដើម្បីចូលរួមពិភាក្សាលើបញ្ហាខាងលើ ចំពោះអ្នកនាង ហ្វីយ៉ាតា ម្ចាស់មកុដកញ្ញាឯកចក្រវាឡកម្ពុជា (Miss Universe Cambodia 2025)។

លិខិតដដែល បញ្ជាក់ដែរថា ក្នុងករណីដែលភាគីពាក់ព័ន្ធមិនអនុវត្តតាមការជូនដំណឹង ឬមិនចូលរួមពិភាក្សាតាមការអញ្ជើញ នោះតំណាងច្បាប់ នឹងបន្តតាមវិធានការតាមនីតិវិធី ដើម្បីការពារសិទ្ធិ និងអត្ថប្រយោជន៍ស្របច្បាប់របស់កូនក្តី។

គួរជម្រាបដែរថា សេចក្តីជូនដំណឹងនេះ ត្រូវបានចេញផ្សាយក្នុងគោលបំណងជម្រាបជូនដល់សាធារណៈ និងជំរុញឱ្យមានការគោរពច្បាប់ និងសិទ្ធិរបស់បុគ្គលនៅលើបណ្តាញសង្គម៕

The post មេធាវីតំណាង ហ្វីយ៉ាតា ចេញលិខិតឱ្យអ្នកពាក់​ព័ន្ធ បញ្ឈប់សកម្មភាពបរិហាកេរ្តិ៍បវរកញ្ញារូបនេះ លើបណ្តាញសង្គម appeared first on Kampuchea Thmey Daily.

ម្ចាស់មកុដ Miss Universe Cambodia 2025 អ្នកនាង ហ្វីយ៉ាតា កាលពីថ្មីៗកន្លងទៅគឺ ទើបតែត្រឡប់មមពីការប្រកួត Miss Universe លើកទី៧៤ នៅទឹកដីប្រទេសថៃ ។ ទោះបីយ៉ាងណាពេលទំនងបវររូបនេះបាននិងកំពុងត្រៀមខ្លួនដើម្បីចូលរួមប្រកួតកម្មវិធីបវរកញ្ញាណាមួយទៀតហើយទើបបង្ហើបចេតនាបែបនេះ។

តាមរយ:សំណេរដែល ហ្វីយ៉ាតា បង្ហោះរៀបរាប់នៅលើបណ្តាញសង្គមផ្លូវការរបស់ខ្លួនបានបញ្ជាក់ថា “ខ្ញុំ
នឹងមានដំណឹងប្រកាសជូនអ្នកទាំងអស់គ្នាក្នុងខែ២ ខាងមុននេះ ត្រូវចាំថា អ្នកទាំងអស់គ្នាជាកំលាំងនៃជីវិតទាំងមូលនៃខ្ញុំ ខ្ញុំស្រលាញ់អ្នកបំផុតនាងខ្ញុំ ថៃ នារីសុជាតា (FIYATA) MISS UNIVERSE CAMBODIA អរគុណដល់ការស្រលាញ់គាទ្រំរបស់បងប្អូន”។

ដោយឡែក មុនការប្រកាសនេះមួយថ្ងៃគេក៏ឃើញអ្នក នាង ហ្វីយ៉ាតា លើកឡើងខ្លឹមសារថា មិនទាន់ official announcement ថា comeback ផងស្រាប់តែអ្នកជិតខាងគាត់ឆ្លេឆ្លា កើតអី្វ? បើ back អត់មានទៅលួចព្រមព្រៀងជាមួយគេទៀតទេណា។ តាមរយ:អត្ថន័យ ទំនង ហ្វីយ៉ាតា ចង់បង្ហាញថាផ្ទះលេខ២កំពុងតែឆ្លេឆ្លានៅមិនសុខហើយចូលទៅបញ្ចេញមតិច្រណែនអ្នកនាងផងដែរ៕ ដោយ : ចាន់រ៉ា

The post ហ្វីយ៉ាតា បង្ហើបតម្រុយថា ខ្លួននឹងមានដំណឹងល្អជូនអ្នកគាំទ្រក្នុងខែកុម្ភៈ appeared first on Kampuchea Thmey Daily.

ជាការពិតមហាជនអ្នកគាំទ្រពិសេសអ្នកតាមដានវិស័យបវរកញ្ញាបានបង្ហាញការសោកស្ដាយ ខណ:បវរកញ្ញ្ញាតំណាងឱ្យកម្ពុជា ហ្វីយ៉ាតាមិនអាចចូលទទួលបានជោគជ័យឈានជើងចូលដល់Top30 នៃការប្រកួត MU លើកទី៧៤ នៅលើឆាកអន្តរជាតិនាទឹកដីប្រទេសថៃ។

តាមការកត់សម្គាល់ដ្បិតថ្វិតបវរកញ្ញាកម្ពុជា ហ្វីយ៉ារា ពុំអាចឈានចូលទៅកាន់Top នៅក្នុងការប្រកួត Miss Universe លើកទី៧៤ នៅក្នុងការប្រកួតផ្តាច់ព្រ័ត្រ នាថ្ងៃទី២១ ខែវិច្ឆិកា ឆ្នាំ២០២៥ ក៏ពិតមែន ប៉ុន្តែម្ចាស់មកុដ Miss Universe Cambodia 2025 អ្នកនាង ថៃ នារីសុជាតា ហៅ ហ្វីយ៉ាតា នៅតែឆកបានបេះដូងគាំទ្រនឹងការស្ញើចសរសើរពីសំណាក់ប្រជាជនកម្ពុជា។

ភរិយាអតីតតួអង្គ «នេនទុំ» អ្នកនាងសារីណា បានលើកឡើងជាទស្សន:ថា “ឈុត១នេះនាងកាន់តែស្អាតជាងឈុតមុនៗទៀតទាំងសក់ទាំងការផាត់មុខ។ ខ្ញុំនិយាយមែនបើនាងមិនអាចទទួលយក top បានហើយ ខ្ញុំគិតថា នឹងមិនងាយមានកូនខ្មែរណាទៅយកបានទៀតទេ ព្រោះតាំងពីដើមដល់ចប់ ការស្លៀកពាក់និងការក្លាហានរបស់នាងគឺឡើងឆ្វាចតែម្ដង”។

អ្នកនាងបន្តថា “ទោះបីជាយ៉ាងណា អាហ្វី បានសម្រេចនៅកាលើកទង់ជាតិខ្មែរអោយពិភពលោកបានឃើញ ដូចក្ដីស្រមៃរបស់នាងមែន ហើយអ្វីដែលសំខាន់នោះ គឺនាងបានបញ្ជាក់អោយសត្រូវឃើញថានាងមិនខ្លាចទៅជាន់ឡើយព្រោះនាងបែកចែកការងារដាច់មិនបានយកមកឡូកឡំអី្វទេ” ៕ អត្ថបទ ៖ ចាន់រ៉ា

The post ភរិយាអតីតតារាសម្តែង ស៊ុក សុភា លើកឡើងចំណុចរសើប ដែល ហ្វីយ៉ាតា មិនអាចចូលTop30 នៃMiss Universe appeared first on Kampuchea Thmey Daily.

តែទោះបីជាបែបនេះ បវរកកញ្ញាកម្ពុជា និងអ្នកគាំទ្រវិស័យបវរកញ្ញា នៅព្រឹកថ្ងៃទី២១ វិច្ឆិកានេះ នៅតែបង្ហាញមោទនភាពចំពោះ ហ្វីយ៉ាតា និងបានចេញសារលើកទឹកចិត្តព្រោងព្រាត ព្រោះគ្រប់គ្នា សុទ្ធតែមើលឃើញពីភាពលេចធ្លោពុំអាចប្រកែកបានរបស់បវរកញ្ញាកម្ពុជារូបនេះ លើឆាកអន្តរជាតិ ខណៈតែងធ្វើឱ្យម្ចាស់ផ្ទះនៃការរៀបចំកម្មវិធីប្រកួតសម្រស់និងសមត្ថភាព Miss Universe លើកទី៧៤ មានការចាប់អារម្មណ៍ និងសូម្បីតែបវរកញ្ញាបណ្តាប្រទេសផ្សេងៗ។

តួយ៉ាង ចាប់តាំងពីឈានជើងលើឆាកអន្តរជាតិ នៃកម្មវិធី Miss Universe លើទឹកដីថៃភ្លាម ហ្វីយ៉ាតា បានធ្វើឱ្យទាំងក្រសែភ្នែកអន្តរជាតិ ព្រមនឹងម្ចាស់ផ្ទះនៃការរៀបចំកម្មវិធីផ្ទាល់ចាប់អារម្មណ៍ខ្លាំងលើខ្លួន ក៏ព្រោះតែតែងពាំនាំនូវភាពជឿជាក់ និងសមត្ថភាពដ៏លេចធ្លោក្នុងការបង្ហាញខ្លួនពីមួយវគ្គទៅមួយវគ្គ។ ខណៈស្របពេលដែលកម្ពុជា និងថៃ កំពុងមានជម្លោះនឹងគ្នា និងឈានដល់មានការរើសអើងពីសំណាក់ក្រុមជ្រុលនិយមថៃថែមទៀត តែហ្វីយ៉ាតា នៅតែអាចរឹងមាំ បញ្ចប់តួនាទីជាអ្នកតំណាងជាតិដ៏ល្អប្រពៃ និងស័ក្តិសមឥតខ្ចោះ។

ក្នុងចំណោមបវរកញ្ញាកម្ពុជាទាំងអស់ កញ្ញា អុិន លក្ខិណា ក៏បានទៅចូលរួមលើកទឹកចិត្ត ហ្វីយ៉ាតា ដោយផ្ទាល់ នៅឯប្រទេសថៃផងដែរ។

ចំណែកឯ ពេជ្រ វត្តីសារាវឌ្ឍី លំដាប់រងទី២ ក្នុងកម្មវិធី Miss Universe 2025 ក៏បានបង្ហាញការលើកទឹកចិត្ត ចំពោះ Queen កម្ពុជា ហ្វីយ៉ាតា តាមរយៈសំណេរថា “អ្នកបានឈ្នះក្នុងចិត្តប្រជាជនកម្ពុជារួចរាល់ហើយ អរគុណការលះបង់ដ៏អស្ចារ្យសម្រាប់ « កម្ពុជា » To the strong and empowered Queen”។ ខណៈនៅមានសារគាំទ្រ និងលើកទឹកចិត្តជាច្រើនទៀត ពីអ្នកសិល្បៈ ពិសេសសាធារណជន។

ជាមួយគ្នានេះ ផេកផ្លូវការ Universe Queen ក៏បានចូលរួមសម្តែងការលើកទឹកចិត្តថា “យើងមានមោទនភាពចំពោះអ្នករួចទៅហើយ ហ្វីយ៉ាតា អ្នកតំណាងឱ្យយើង (កម្ពុជា) ពិតជាអស្ចារ្យណាស់ ហើយធ្វើឱ្យលទ្ធផលល្អបំផុតចេញមក។ សូមអរគុណចំពោះការលះបង់ ការប្តេជ្ញាចិត្ត និងទំនុកចិត្តរបស់អ្នក ផ្ញើការឱបក្រសោបដល់អ្នក ហើយយើងទាំងអស់គ្នានឹងនៅជាមួយអ្នក”។

The post ទោះមិនជាប់ Top30! តែលទ្ធផលនេះ មិនអាចបាំងភាពលេចធ្លោនៃសមត្ថភាព ហ្វីយ៉ាតា ក្នុងវិស័យបវរកញ្ញាកម្ពុជាឡើយ appeared first on Kampuchea Thmey Daily.

តាមរយៈសារពីបណ្តាញទំនាក់ទំនងសង្គម អុិន លក្ខិណា បានបង្ហាញការកោតសរសើរនូវសេចក្តីក្លាហាន និងតស៊ូ ទាំងកម្លាំងកាយកម្លាំងចិត្តរបស់ម្ចាស់មកុដ Miss Universe Cambodia 2025 ដែលនៅតែអាចបង្ហាញសក្តានុពលដែលខ្លួនមាន និងពេញដោយសមត្ថភាព ក្នុងនាមជាអ្នកតំណាងកម្ពុជា ពិសេសស្របពេលដែលកម្ពុជា និងថៃ កំពុងមានជម្លោះព្រំដែននឹងគ្នាក៏ដោយ។

តួយ៉ាងកន្លងមក ពោលគឺចាប់តាំងពីគ្រងតំណែងម្ចាស់មកុដ Miss Universe Cambodia 2025 បវរកញ្ញារូបនេះ ប្រឈមនឹងព្យុះភ្លៀងជាច្រើន មិនថាពាក្យរិះគន់ ការចោទប្រកាន់ថាទិញមកុដ ខណៈមុនឡើងយន្តហោះទៅប្រកួតលើឆាកអន្តរជាតិនៅថៃ ក៏មានការរារាំងពីក្រុមការងារស្ថាប័ន MUC ផងដែរ។

ក្រៅពីរឿងរ៉ាវខាងលើ ហ្វីយ៉ាតា ក៏រងសម្ពាធពីអ្នកនៅក្នុងវិស័យបវរកញ្ញាថៃផ្ទាល់ផងដែរ មិនថាការប្រមាថដោយសម្តី ឬសកម្មភាព។ ជាក់ស្តែង សប្តាហ៍កន្លងទៅ បវរកញ្ញាកម្ពុជារូបនេះ ត្រូវបានក្រុម Media Team មកពី MGI របស់ថៃ ចំនួនពីរក្រុម តាមថតនិយាយឡកឡឺយដាក់ បណ្តាលប៉ះពាល់ដល់ផ្លូវចិត្តជាខ្លាំង។

តែយ៉ាងណា ហ្វវីយ៉ាតា នៅតែបង្ហាញភាពរឹងមាំ និងបានផ្តាំផ្ញើរទៅកាន់អ្នកគាំទ្ររបស់ខ្លួន មិនឱ្យបារម្ភរឿងប៉ះផ្លូវចិត្ត ដោយសន្យាត្រូវបំពេញតួនាទីឱ្យចប់ចុងចប់ដើម៕

The post អ៉ិន លក្ខិណា នឹងទៅគាំទ្រហ្វីយ៉ាតាដោយផ្ទាល់ នៅថ្ងៃប្រកួតបឋម និងវគ្គផ្ដាច់ព្រ័ត្រ Miss Universe appeared first on Kampuchea Thmey Daily.

ជាការពិត អ្នកនិយមតាមដានវិស័យបវរកញ្ញានិងអ្នកគាំទ្រនៅកម្ពុជា បាននិងកំពុងផ្ទុះប្រតិកម្មដោយបង្ហាញការហួសចិត្តជាខ្លាំង ចំពោះទង្វើរដ៏ថោកទាបរបស់ក្រុម Media Team មកពី MGI របស់ថៃ ចំនួនពីរក្រុមតាមថតនិយាយឡកឡឺយដាក់ Queen Fiyata – ហ្វីយ៉ាតា (បវរកញ្ញាកម្ពុជា) បណ្តាលប៉ះពាល់ដល់ផ្លូវចិត្តជាខ្លាំង។

ទោះបីជាមានរឿងរ៉ាវកើតឡើងបែបនេះក្តី បវរកញ្ញា ហ្វីយ៉ាតា បានចេញមកបញ្ជាក់ថា “ខ្ញុំទទួលបានសារអ្នកទាំងអស់គ្នា បានឃើញ បានអានហើយណាខ្ញុំអរគុណហើយសុំទោសដែលធ្វើឱ្យបារម្ភ តាមពិតខ្ញុំពិតមិនចង់បង្ហាញតែពិភពលោកនេះពេលខ្លះតម្រូវឱ្យយើងបែបនេះ”។

ហ្វីយ៉ាតា បានបន្តទៀតថា “កុំបារម្ភសល់ពេលមិនយូរទេ យើងបានជួបគ្នាវិញហើយ ទោះមានរឿងប៉ះផ្លូវចិត្តខ្ញុំ តែជឿខ្ញុំទៅកាន់តែធ្វើពិភពលោកកាន់តែឃើញខ្ញុំកូនខ្មែរណារឿងអី្វខ្ញុំងើបឈវិញមិនកើត។ ខ្ញុំសុំដើរនិងបំពេញតួនាទីនេះឱ្យចប់ចុងចប់ដើមសិនណា ហើយនឹងធ្វើឱ្យល្អបំផុត យើងជួបគ្នាវិញឆាប់ៗណា”។

គួរបញ្ជាក់ថា ទង្វើដ៏ថោកទាបរបស់ក្រុម Media team មកពី MGIរបស់ថៃ ត្រូវបានមហាជនជាច្រើនផ្ទុះការរិះគន់យ៉ាងខ្លាំងដែលសកម្មភាពនេះ ត្រូវបានចាត់ទុកថាជាការរើសអើងពូជសាសន៍ពីសំណាក់ក្រុមផ្សព្វផ្សាយជ្រុលនិយមរបស់ថៃមកលើបវរកញ្ញាកម្ពុជាកញ្ញា ហ្វីយ៉ាតា ខណៈដែលត្រូវបំពេញបេសកម្មក្នុងការប្រកួតលើឆាកអន្តរជាតិកម្មវិធី Miss Universe លើកទី៧៤នៅប្រទេសថៃ៕ ចាន់រ៉ា

The post ហ្វីយ៉ាតា ប្រាប់អ្នកគាំទ្រកុំបារម្ភរឿងប៉ះផ្លូវចិត្ត ខ្លួនអាចបន្តបំពេញតួនាទីឱ្យចប់ចុងចប់ដើមបាន appeared first on Kampuchea Thmey Daily.

បន្ទាប់ពីភាពចម្រូងចម្រាសថ្មីៗនេះជុំវិញកម្មវិធី  Miss Universe (MU) ហ្វីយ៉ាតា បានបង្ហោះវីដេអូរបស់នាងយំក្នុងអំឡុងពេលព្រឹត្តិការណ៍មួយនៅឯភូកេត។ នាងបានអះអាងថា ប្រព័ន្ធផ្សព្វផ្សាយថៃបានសរសេរចោទនាង និងនិយាយបែបចំអកជាភាសាថៃ ។ នាងក៏បានសុំឲ្យពួកគេឈប់បង្កើតរឿងរ៉ាវអំពីការបដិសេធមិនដោះស្បែកជើង នៅពេលចូលទៅក្នុងផ្ទះ ព្រោះនាងគោរពមនុស្សគ្រប់គ្នា។

យ៉ាងណាមិញ បន្ទាប់ពីហេតុការណ៍នេះកើតឡើងភ្លាម បវរកញ្ញាចក្រវាឡម៉ិកស៊ិក នាង Fatima Bosch ថ្មីៗនេះបានបង្ហោះរូបថតជាមួយហ្វីយ៉ាតា នៅលើ Instagram ផ្ទាល់ខ្លួន ពេលកំពុងចូលរួមក្នុងព្រឹត្តិការណ៍មួយនៅ Carnival Magic ដោយបានសរសេរជាភាសាអង់គ្លេសថា ស្រឡាញ់អ្នកខ្លាំងណាស់! អ្នកជារាជិនីសម្រស់ដែលស្អាតបំផុត! សូមបន្តបញ្ចេញពន្លឺឲ្យភ្លឺចែងចាំងជានិច្ច។ ក្នុងនោះផងដែរ ភាគីខាងកម្ពុជាបានឆ្លើយតបដោយអរគុណដល់បវរកញ្ញាមិកស៊ិក ដែលបានក្រោកឈរឡើងដើម្បីរូបនាង។

មិនទាន់អស់ត្រឹមប៉ុណ្ណឹងទេ សូម្បីតែ បវរកញ្ញាចក្រវាលសិង្ហបុរី នាង Annika Sevy Saker ក៏បានបង្ហោះវីដេអូរបស់ហ្វីយ៉ាតានៅលើ Instagram អមជាមួយនឹងសារវែងអន្លាយ ដោយបង្ហាញអំពីអារម្មណ៍ចំពោះកម្ពុជាថា «អ្នកចូលរួមប្រកួត missuniverse ទាំងអស់ មិនមែនគ្រាន់តែជាតំណាងប្រទេសរបស់ពួកគេនោះទេ។ ប៉ុន្តែវាក៏តំណាងឲ្យតម្លៃដែលយើងទាំងអស់គ្នាចែករំលែកផងដែរ! សេចក្តីថ្លៃថ្នូរ ការអាណិតអាសូរ និងភាពជាបងប្អូនស្រីរបស់ស្ត្រីនៅជុំវិញពិភពលោក»។

នៅក្នុងសារដដែលនោះ បវរកញ្ញាសិង្ហបុរីបានឆ្លេចសរសេរបន្ថែមទៀតថា «ខ្ញុំទទួលស្គាល់ស្ថានភាពដែលកម្ពុជាបានដោះស្រាយ។ គ្មាននរណាម្នាក់គួរមានអារម្មណ៍ថា ត្រូវបានគេមិនគោរព មិនឲ្យតម្លៃ ឬត្រូវបានគេកំណត់គោលដៅនៅក្នុងវិស័យណាមួយឡើយ ជាពិសេសនៅក្នុងការប្រកួតដែលអបអរសាទរភាពចម្រុះ និងភាពរឹងមាំ។ ខ្ញុំឈរជាមួយនាង និងស្ត្រីទាំងអស់ដែលជ្រើសរើសនិយាយប្រឆាំងនឹងអាកប្បកិរិយាមិនសមរម្យ។ នាងតែងតែមានចិត្តល្អ គោរព និងមានចិត្តអាណិតអាសូរចំពោះមនុស្សគ្រប់គ្នា ហើយសមនឹងទទួលបានការប្រព្រឹត្តដោយការគោរពដូចគ្នា ដែលនាងបានបង្ហាញដល់អ្នកដទៃដូចគ្នា។

នៅក្នុងពិភពលោកសព្វថ្ងៃនេះ ប្រព័ន្ធផ្សព្វផ្សាយសង្គមមានឥទ្ធិពលខ្លាំងមិនគួរឲ្យជឿ។ វាអាចជាឧបករណ៍ដ៏ស្រស់ស្អាតសម្រាប់ផ្សព្វផ្សាយការបំផុសគំនិត ការយល់ដឹង និងភាពវិជ្ជមាន ប៉ុន្តែវាក៏អាចពង្រីកភាពអវិជ្ជមាន និងការយល់ច្រឡំផងដែរ។ ប្រសិនបើប្រើប្រាស់ដោយមិនទទួលខុសត្រូវ ពាក្យពេចន៍ វីដេអូ និងមតិយោបល់ដែលបានចែករំលែកតាមអ៊ីនធឺណិត អាចទៅដល់មនុស្សរាប់ពាន់នាក់ក្នុងរយៈពេលប៉ុន្មានវិនាទី ដែលបង្កើតការយល់ឃើញរបស់មនុស្ស និងជួនកាលបង្កឲ្យមានគ្រោះថ្នាក់ដោយអចេតនា។

ខ្ញុំក៏បានឃើញវីដេអូផ្សេងទៀតកំពុងចរាចរអំពី Miss Universe ទាំំងអស់ រួមទាំងខ្ញុំផ្ទាល់ផងដែរ ដែលមិនពិតទាំងស្រុង ឬ ការបង្ខូចទ្រង់ទ្រាយ។ វាពិតជាគួរឲ្យខកចិត្តណាស់ ដែលឃើញព័ត៌មានមិនពិតត្រូវបានផ្សព្វផ្សាយតាមអ៊ីនធឺណិត ព្រោះវាអាចបង្ខូចកេរ្តិ៍ឈ្មោះ និងបិទបាំងស្មារតីពិតនៃមិត្តភាព និងសាមគ្គីភាពដែលយើងចែករំលែក។

ក្នុងនាមជាឥស្សរជនសាធារណៈ យើងទាំងអស់គ្នាមានកាតព្វកិច្ចប្រើប្រាស់វេទិការបស់យើងដោយឈ្លាសវៃ។ អ្វីដែលយើងបង្ហោះ ឬនិយាយអាចលើកទឹកចិត្ត ឬបែងចែក។ ខ្ញុំសង្ឃឹមថាអ្នកចូលរួមប្រកួត ប្រព័ន្ធផ្សព្វផ្សាយ និងអ្នកគាំទ្រទាំងអស់នឹងប្រើប្រាស់ប្រព័ន្ធផ្សព្វផ្សាយសង្គមដើម្បីសាងសង់ស្ពាន មិនមែនជញ្ជាំងទេ ដើម្បីផ្សព្វផ្សាយការគោរព មិនមែនការអាក់អន់ចិត្តនោះទេ»៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទើបចាប់ដៃគ្នាសោះ ឥលូវ Nawat ផ្ដាច់ទំនាក់ទំនងជាមួយ MU ដោយសារផ្លវចិត្តធ្ងន់ធ្ងរ

The post បវរកញ្ញា ម៉ិកស៊ិក និង សិង្ហបុរី ប្រកាសក្ដែងៗថា ឈរខាង កម្ពុជា ជុំវិញរឿងថៃ បង្ខំ ហ្វីយ៉ាតា appeared first on Kampuchea Thmey Daily.

តាមការកត់សម្គាល់ បញ្ហានៃរឿងរ៉ាវចម្រូងចម្រាសក្នុងស្ថាប័នខាងលើនេះ បានកើតឡើងតាំងពីមុនបវរកញ្ញា ហ្វីយ៉ាតា ចេញទៅប្រកួតលើឆាកអន្តរជាតិនៅថៃ ពាក់ព័ន្ធនឹងក្រុមហ៊ុនដែលគ្រប់គ្រងស្ថាប័ន MUC ធ្លាប់ប្រកាសមិនទទួលខុសត្រូវលើការចេញទៅប្រកួតលើឆាកអន្តរជាតិរបស់ហ្វីយ៉ាតាដែលជាម្ចាស់មកុដ Miss Universe Cambodia 2025។

តារាចម្រៀងស្រី អេដា បានលើកឡើងថា “ស្ថាប័ន Miss Universe Cambodia និងអ្នកពាក់ព័ន្ធនឹងកម្មវិធីទាំងអស់ គួរទុករឿងចម្រូងចម្រាស់ផ្ទាល់ខ្លួនមួយឡែកសិន ​ហេីយចូលមកបង្ហេីយការងារដែលបានចាប់ផ្តេីមឱ្យចប់ចុងចប់ដេីម​ បូករួមទាំងការបង្ហោះពីសម្មភាពប្រឡងរបស់បេក្ខភាពតំណាងកម្ពុជា​នៅលេីទឹកដីប្រទេសថៃ​។

អ្នកនាង អេដា និយាបន្តថា ពិសេសគឺបំផុសបំផុលការបោះឆ្នោតគាំទ្រ​ និង ធ្វេីបច្ចុប្បន្នភាព (Update) អំពីភាពលេចធ្លោ​របស់បវរកញ្ញាកម្ពុជា Fiyata នៅក្នុងវគ្គនីមួយៗ​ឱ្យប្រជាជនកម្ពុជា និងពិភពលោកបានដឹងព្រោះនេះជាផេកផ្លូវការ​តំណាងឱ្យកម្ពុជា​ ក្នុងខណ:ពេលនេះត្រូវសាមគ្គីគ្នាកុំឱ្យប្រទេសជាប់របងគេមេីលងាយ​ព្រោះ Fiyata បានជាទៅដល់ប្រទេសគេហេីយជាន់ឆាកគេហេីយចាំចប់កម្មវិធីចាំឈ្លោះគ្នាឯងតទៀតទៅ”​។

តារាចម្រៀងរូបនេះ បន្ថែមដែរថា “ឯណាសំឡេងវិជ្ជមានគាំទ្រស្រ្តី និងមាតា ដែលអ្នកាន់កម្មវិធីតែងតែស្រែកកោកៗនោះ?This is the platform to support our Woman to raise her voice, not holding her back. Gather your senses and finish what you have started”។

គួរបញ្ជាក់ដែថា ថ្មីៗនេះលោកស្រី ងិន ម៉ានីយ៉ា ដែលជាម្តាយ ហ្វីយ៉ាតា ក៏បានបញ្ជាក់ច្បាស់ៗផងដែរជុំវិញផេក Miss Universe Cambodia មិនបង្ហោះរាល់សកម្មភាពប្រកួតរបស់កូនស្រីនៅចេញទៅប្រកួតនៅប្រទេសថៃផងដែរ៕ អត្ថបទ៖ ចាន់រ៉ា

The post អេដា ស្នើស្ថាប័ន MUC ទុករឿងចម្រូងចម្រាស់មួយឡែកសិន ហើយងាកមកបំពេញតួនាទីឱ្យចប់ចុងចប់ដេីម​ appeared first on Kampuchea Thmey Daily.