ភរិយាអតីតតារាសម្តែង ស៊ុក សុភា លើកឡើងចំណុចរសើប ដែល ហ្វីយ៉ាតា មិនអាចចូលTop30 នៃMiss Universe

ភរិយាអតីតារាសម្តែង ស៊ុក សុភា បានយល់ឃើញថា ហ្វីយ៉ាតាដែលសមត្ថភាពខ្លាំងដ៏កម្រិតប៉ុណ្ណឹងហើយ នៅតែមិនអាចចូល Top30 នៃការប្រកួត MU លើកទី៧៤ ហើយទៅថ្ងៃមុខគឺមិនងាយមានកូនខ្មែរណាទៅយកបានទៀតទេ។

ជាការពិតមហាជនអ្នកគាំទ្រពិសេសអ្នកតាមដានវិស័យបវរកញ្ញាបានបង្ហាញការសោកស្ដាយ ខណ:បវរកញ្ញ្ញាតំណាងឱ្យកម្ពុជា ហ្វីយ៉ាតាមិនអាចចូលទទួលបានជោគជ័យឈានជើងចូលដល់Top30 នៃការប្រកួត MU លើកទី៧៤ នៅលើឆាកអន្តរជាតិនាទឹកដីប្រទេសថៃ។

តាមការកត់សម្គាល់ដ្បិតថ្វិតបវរកញ្ញាកម្ពុជា ហ្វីយ៉ារា ពុំអាចឈានចូលទៅកាន់Top នៅក្នុងការប្រកួត Miss Universe លើកទី៧៤ នៅក្នុងការប្រកួតផ្តាច់ព្រ័ត្រ នាថ្ងៃទី២១ ខែវិច្ឆិកា ឆ្នាំ២០២៥ ក៏ពិតមែន ប៉ុន្តែម្ចាស់មកុដ Miss Universe Cambodia 2025 អ្នកនាង ថៃ នារីសុជាតា ហៅ ហ្វីយ៉ាតា នៅតែឆកបានបេះដូងគាំទ្រនឹងការស្ញើចសរសើរពីសំណាក់ប្រជាជនកម្ពុជា។

ភរិយាអតីតតួអង្គ «នេនទុំ» អ្នកនាងសារីណា បានលើកឡើងជាទស្សន:ថា “ឈុត១នេះនាងកាន់តែស្អាតជាងឈុតមុនៗទៀតទាំងសក់ទាំងការផាត់មុខ។ ខ្ញុំនិយាយមែនបើនាងមិនអាចទទួលយក top បានហើយ ខ្ញុំគិតថា នឹងមិនងាយមានកូនខ្មែរណាទៅយកបានទៀតទេ ព្រោះតាំងពីដើមដល់ចប់ ការស្លៀកពាក់និងការក្លាហានរបស់នាងគឺឡើងឆ្វាចតែម្ដង”។

អ្នកនាងបន្តថា “ទោះបីជាយ៉ាងណា អាហ្វី បានសម្រេចនៅកាលើកទង់ជាតិខ្មែរអោយពិភពលោកបានឃើញ ដូចក្ដីស្រមៃរបស់នាងមែន ហើយអ្វីដែលសំខាន់នោះ គឺនាងបានបញ្ជាក់អោយសត្រូវឃើញថានាងមិនខ្លាចទៅជាន់ឡើយព្រោះនាងបែកចែកការងារដាច់មិនបានយកមកឡូកឡំអី្វទេ” ៕ អត្ថបទ ៖ ចាន់រ៉ា