លោកបានណែនាំថា គ្រប់ពន្ធនាគារទាំងអស់ត្រូវបន្តយកចិត្តទុកដាក់ និងពង្រឹងលើការងារសន្តិសុខនៅក្នុងពន្ធនាគារ ជាពិសេសការទប់ស្កាត់រាល់ការនាំចូលវត្ថុហាមឃាត់ ជាអាទិ៍ ទូរស័ព្ទដៃ និងគ្រឿងញៀន ក៏ដូចជាការប្រព្រឹត្តបទល្មើសក្នុងពន្ធនាគារ។ ទាក់ទិននឹងការបែងចែកចំណាត់ថ្នាក់ជនជាប់ឃុំ លោករដ្ឋលេខាធិការ បានជំរុញលើកិច្ចការងារនេះ ដោយការរៀបចំបែងចែកការឃុំឃាំងស្របតាមចំណាត់ថ្នាក់សន្តិសុខ ស្របតាមបែបបទ និងនីតិវិធី។

លោក ឆែម សាវុធ បានណែនាំឱ្យបន្តយកចិត្តទុកដាក់ដោះស្រាយលើបញ្ហាប្រឈមសំខាន់ៗដូចជា ភាពចង្អៀតណែន ក្របខ័ណ្ឌ និងការបណ្តុះបណ្តាលជំនាញមន្ត្រី ព្រមទាំងហេដ្ឋារចនាសម្ព័ន្ធពន្ធនាគារ ជាមួយនឹងការបន្តពិនិត្យមើលនិងពន្លឿនការងាររៀបចំលិខិតបទដ្ឋានពាក់ព័ន្ធ ពិសេសការធ្វើបច្ចុប្បន្នភាពនីតិវិធីពន្ធនាគារ ដែលបម្រើឱ្យការងារគ្រប់គ្រងពន្ធនាគារ។

លោករដ្ឋលេខាធិការ ក៏បានថ្លែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំ និងមន្ត្រីពន្ធនាគារគ្រប់លំដាប់ថ្នាក់ ដែលបានខិតខំបំពេញភារកិច្ចការងារ ហើយសម្រេចបាននូវលទ្ធផលគួរឱ្យកត់សម្គាល់នាពេលកន្លងមក៕

The post មន្ត្រីជាន់ខ្ពស់ក្រសួងមហាផ្ទៃ ណែនាំឱ្យមានការបន្តពង្រឹងសន្តិសុខក្នុងពន្ធនាគារ appeared first on Kampuchea Thmey Daily.

តាមការបញ្ជាក់របស់លោកឧត្តមអគ្គានុរក្សថ្នាក់លេខ១ ឈន សាណាត ការចុះអនុស្សរណៈនៃការយោគយល់គ្នាពេលនេះ គឺធ្វើឡើងក្នុងគោលបំណងក្នុងការរៀបចំនីតិវិធីសម្រាប់កិច្ចសហប្រតិបត្តិការក្នុងការផ្តល់សេវាប្រៃសណីយ៍ ដោយផ្ដោតលើសេវាចែកបញ្ញើដល់គោលដៅចុងក្រោយនូវលិខិតរដ្ឋបាល ឯកសារគតិយុត្តផ្សេងៗពីអគ្គនាយកដ្ឋានពន្ធនាគារ ឱ្យដល់គោលដៅ។

អនុស្សរណៈនេះ ក៏ធ្វើឡើងជាការឆ្លើយតបទៅនឹងគោលនយោបាយរបស់រាជរដ្ឋាភិបាលកម្ពុជា ដែលជំរុញការផ្តល់សេវាសាធារណៈឱ្យកាន់តែល្អប្រសើរ ទាន់ពេលវាលា និងជួយសម្រាលបន្ទុកចំណាយរបស់អគ្គនាយកដ្ឋានពន្ធនាគារផងដែរ។ភាគីទាំងពីរ បានយល់ព្រមបង្កើតអនុស្សរណៈនៃការយោគយល់គ្នា គឺសម្រាប់ធ្វើការសហការក្នុងការបញ្ជូនលិខិតផ្សេងៗដែលមានតម្រូវការក្នុងការប្រើប្រាស់សេវាបញ្ញើរបស់ប្រៃសណីយ៍កម្ពុជា (សេវាចែកបញ្ញើដល់គោលដៅចុងក្រោយ) ជូនដល់អគ្គនាយកដ្ឋានពន្ធនាគារ៕

The post អគ្គនាយកដ្ឋានពន្ធនាគារទទួលបានកិច្ចសហការពីប្រៃសណីយ៍កម្ពុជាក្នុងការផ្ដល់សេវាកាន់តែប្រសើរ appeared first on Kampuchea Thmey Daily.

លោកបានសង្កត់ធ្ងន់ដល់ការយកចិត្តទុកដាក់ទៅលើការពិនិត្យ និងព្យាបាលជំងឺរបស់ជនជាប់ឃុំ ដោយធ្វើយ៉ាងណាត្រូវត្រៀមវិធានការបន្ទាន់ក្នុងការដោះស្រាយបញ្ហាចំពោះមុខនេះដែលនាំឱ្យមានការរាំងស្ងួត កង្វះទឹកប្រើប្រាស់ និងកើតមានជំងឺផ្សេងៗ។

ការណែនាំដូច្នេះពីអគ្គនាយកពន្ធនាគារ បានធ្វើឡើងបន្ទាប់ពីមានការព្យាករណ៍ថា នៅប្រទេសកម្ពុជា ខេត្តមួយចំនួន ជាអាទិ៍ខេត្តបន្ទាយមានជ័យ បាត់ដំបង ស្ទឹងត្រែង ត្បូងឃ្មុំ កំពង់ធំ តាកែវ និងព្រះវិហារ នឹងអាចជួបរលកកម្តៅខ្លាំង ដោយសីតុណ្ហភាពក្នុងខេត្តទាំងនេះនឹងឈានដល់ចន្លោះពី៣៧អង្សារសេ ដល់៤២អង្សារសេ ដែលខ្ពស់ជាងមធ្យមភាគប្រចាំឆ្នាំ ក្នុងរយៈពេលដើមខែមេសានេះ។

ប្រឈមនឹងរលកកម្តៅខ្ពស់ខ្លាំងបែបនេះ ក្រសួងធនធានទឹក និងឧតុនិយម បានអំពាវនាវឱ្យពលរដ្ឋយកចិត្តទុកដាក់ និងប្រុងប្រយ័ត្នខ្ពស់ ដើម្បីជៀសវាងពីជំងឺដង្កាត់ផ្សេងៗដែលអាចកើតមានជាយថាហេតុទៅលើមនុស្ស សត្វ រុក្ខជាតិ និងជាពិសេសយកចិត្តទុកដាក់ថែទាំសុខភាពលើមនុស្សចាស់ ស្ត្រី និងកុមារ។

លើកឡើងក្នុងពេលដឹកនាំកិច្ចប្រជុំពិនិត្យលទ្ធផលការងារប្រចាំខែមីនា របស់អគ្គនាយកដ្ឋានពន្ធនាគារ កាលពីថ្ងៃទី៣០ ខែមីនា ឆ្នាំ២០២៦ ដោយមានការចូលរួមពីអគ្គនាយករង ប្រធាននាយកដ្ឋានជំនាញទាំង៥ ប្រធានមណ្ឌលអប់រំកែប្រែ និងប្រធានពន្ធនាគាររាជធានី-ខេត្ត លោក ឈន សាណាត ក៏ណែនាំឱ្យមានការបន្តយកចិត្តទុកដាក់លើការផ្គត់ផ្គង់របបអាហារជនជាប់ឃុំ ត្រូវបង្កើនការបញ្ចេញជនជាប់ឃុំធ្វើលំហាត់ប្រាណ ក៏ដូចជាបន្តកិច្ចសហការជាមួយស្ថាប័នពាក់ព័ន្ធ និងអង្គការដៃគូ ព្រមជាមួយភាពម្ចាស់ការបង្កើតកម្មវិធីថ្មីឲ្យស្របនឹងស្ថានភាពជាក់ស្ដែង។  

លោក ក៏បានលើកឡើងពីវិធានការជាក់ស្តែងលើការសន្សំសំចៃលើការប្រើប្រាស់ប្រេងឥន្ធនៈ និងអគ្គីសនីផងដែរ ដើម្បីកាត់បន្ថយឲ្យបានជាអតិបរមានៅកន្លែងការងារមិនចាំបាច់ ឬឧបករណ៍ប្រើថាមពលខ្ពស់ ដោយត្រូវត្រៀមបម្រុងប្រេងឥន្ធនៈសម្រាប់ម៉ាស៊ីនភ្លើង ម៉ាស៊ីនបូមទឹក មធ្យោបាយដឹកជញ្ជូន ជាពិសេសរថយន្តពេទ្យ រថយន្តពន្លត់អគ្គីភ័យ និងតម្រូវការចាំបាច់ផ្សេងៗទៀត៕

ដោយ៖ ធឿន វ៉ាន់សុង

The post មេពន្ធនាគារណែនាំគ្រប់ពន្ធនាគារត្រូវមានវិធានការទប់ស្កាត់ជំងឺដែលបង្កឡើងក្នុងរដូវក្ដៅនេះ ខណៈមានការព្រមានពីការឡើងកម្ដៅ appeared first on Kampuchea Thmey Daily.

លោក ឈន សាណាត បានថ្លែងកោតសរសើរ និងវាយតម្លៃខ្ពស់ចំពោះតួនាទីស្ត្រីនៃអគ្គនាយកដ្ឋានពន្ធនាគារទាំងមូល ទាំងថ្នាក់ដឹកនាំ រួមទាំងមន្ត្រីពន្ធនាគារជានារីទាំងអស់ ដែលបានខិតខំប្រឹងប្រែងប្រកបដោយស្មារតីឆន្ទៈ មនសិការ និងការទទួលខុសត្រូវ ដែលនេះ លោក ថា បានរួមចំណែកយ៉ាងសំខាន់ដើម្បីឱ្យបេសកកម្មរបស់អគ្គនាយកដ្ឋានពន្ធនាគារ សម្រេចបានសមិទ្ធផលធំៗក្នុងការលើកកម្ពស់ការគ្រប់គ្រងពន្ធនាគារ។

ថ្លែងក្នុងទិវានោះ លោក​ ឈន សាណាត លើកទឹកចិត្តដល់មន្ត្រីជានារីគ្រប់រូប ត្រូវបន្តតួនាទីជាកម្លាំងស្នូលប្រកបដោយភាពស្វាហាប់ អង់អាច តស៊ូ ពុះពារ និងអំណត់ព្យាយាម បំពេញភារកិច្ចឱ្យបានសកម្មនៅគ្រប់មុខសញ្ញានៅក្នុងអង្គភាពប្រតិបត្តិ ដើម្បីបង្ហាញពីភាពលេចធ្លោ និងគុណវឌ្ឍិការងារ។ ក្នុងន័យនេះ លោក ក៏បានស្នើដល់ថ្នាក់ដឹកនាំគ្រប់អង្គភាព ចំណុះអគ្គនាយកដ្ឋានពន្ធនាគារត្រូវបន្តយកចិត្តទុកដាក់គិតគូរខ្ពស់ចំពោះសុខទុក្ខស្ត្រីជាមន្ត្រីក្រោមឱវាទ ជាពិសេសត្រូវពិនិត្យក្នុងការផ្តល់ឱកាសចំពោះមន្ត្រីជាស្ត្រី សម្រាប់មុខតំណែងដឹកនាំនៅក្នុងរចនាសម្ព័ន្ធរបស់អង្គភាព ដោយធានាឱ្យបាននូវបរិមាណ ស័ក្តិសមនឹងការលើកកម្ពស់សមភាពយេនឌ័រ និងប្រកបដោយសុភវិនិច្ឆ័យ។

ទន្ទឹមនឹងការគិតគូចំពោះមន្ត្រីជាស្ត្រី លោកអគ្គនាយកពន្ធនាគារ ក៏ណែនាំឱ្យបន្តយកចិត្តទុកដាក់ចំពោះជនជាប់ឃុំជាស្ត្រី ដែលការងារនេះ លោក ថា ស្តែងឱ្យឃើញតាមរយៈគោលនយោបាយរបស់រាជរដ្ឋាភិបាលកម្ពុជាក្នុងការអនុវត្តលើកម្មវិធីឧបត្ថម្ភសាច់ប្រាក់ដល់ជនជាប់ឃុំជាស្ត្រីមានផ្ទៃពោះ និងកូនអាយុក្រោម២ឆ្នាំ ដែលរស់នៅតាមម្តាយក្នុងពន្ធនាគារ ជាពិសេសលើសេវាថែទាំសុខភាព ត្រូវបានទទួលអត្ថប្រយោជន៍ដូចស្ត្រីទូទៅដែរ៕

The post មេពន្ធនាគារជំរុញមន្ត្រីជានារីបន្តតួនាទីជាកម្លាំងសម្រាប់អង្គភាព ខណៈអ្នកជាប់ឃុំជាស្ត្រីក៏ត្រូវយកចិត្តទុកដាក់ appeared first on Kampuchea Thmey Daily.

ក្នុងកិច្ចពិភាក្សា ដែលធ្វើឡើងកាលពីរសៀលថ្ងៃទី១៦ ខែកុម្ភៈ ឆ្នាំ២០២៦ លោក នុត សវនា ប្រាប់ទៅកាន់លោក ណាំ សុក យ៉ុន ពីស្ថានភាពទូទៅរបស់មណ្ឌល ក្របខ័ណ្ឌច្បាប់ក្នុងការគ្រប់គ្រង និងការងារស្តារនីតិសម្បទាជនជាប់ឃុំ ទាំងជនជាតិខ្មែរ និងជនបរទេស។ បើតាមលោកប្រធានមណ្ឌល បច្ចុប្បន្ននៅមណ្ឌលអប់រំកែប្រែទី១ គឺមានអ្នកជាប់ឃុំចំនួន ៣៩ជាតិសាសន៍ ដែលកំពុងអនុវត្តទោសក្នុងមណ្ឌល ក្នុងនោះក៏មានជនជាប់ឃុំជាជនជាតិកូរ៉េចំនួន១៩នាក់។

ក្រៅពីបានពិភាក្សាពីក្របខ័ណ្ឌច្បាប់ ភាគីទាំងពីរ ក៏បានពិភាក្សាពីក្របខ័ណ្ឌបច្ចេកទេស និងការដោះស្រាយលើបញ្ហាប្រឈមរួមគ្នា។ លោក ណាំ សុក យ៉ុន បានលើកឡើងពីកិច្ចសហការដ៏ល្អរវាងស្ថានទូតកូរ៉េ និងមណ្ឌលអប់រំកែប្រែទី១ កាន់តែមានទំនាក់ទំនងល្អបន្ថែមទៀតទៅថ្ងៃអនាគត។

លោក ក៏បានលើកឡើងពីការត្រៀមខ្លួនរួមចណែកជួយដល់មណ្ឌលបើមណ្ឌលអប់រំកែប្រែទី១ ទៅតាមលទ្ធភាពដែលលោកអាចជួយបានផងដែរ៕

The post ប្រធានមណ្ឌលអប់រំកែប្រែទី១ ជួបជាមួយមន្ត្រីស្ថានទូតកូរ៉េខាងត្បូង ដើម្បីស្វែងរកកិច្ចសហការរវាងភាគីទាំងពីរ appeared first on Kampuchea Thmey Daily.

លោក ឈន សាណាត បានចុះត្រួតពិនិត្យលម្អិតលើហេដ្ឋារចនាសម្ព័ន្ធ និងអគារឃុំឃាំង រួមមានប្រព័ន្ធសន្តិសុខ អគារ កំផែង កាមេរ៉ាសុវត្ថិភាព និងសម្ភារពាក់ព័ន្ធ ដើម្បីធានាបានសុវត្ថិភាព និងស្តង់ដារគ្រប់គ្រងត្រឹមត្រូវ ព្រមទាំងបានពិនិត្យការត្រួតពិនិត្យម៉ាស៊ីនស្គែន និងសត្វសុនខសម្រាប់ប្រើប្រាស់ស្វែងរកវត្ថុហាមឃាត់ និងគ្រឿងញៀន នៅក្នុងមណ្ឌល។

យកពេលចុះពិនិត្យនោះ លោក ឈន សាណាត បានណែនាំដល់ថ្នាក់ដឹកនាំ និងមន្ត្រីទាំងអស់នៃមណ្ឌលអប់រំកែប្រែទី៤ ត្រូវពង្រឹងការពិនិត្យឆែកឆេរនូវវត្ថុហាមឃាត់ ដូចជាទូរសព្ទដៃ និងគ្រឿងញៀន ដោយហាមនាំចូលទៅក្នុងអគារឃុំឃាំងជាមួយនឹងការពង្រឹងប្រព័ន្ធសុវត្ថិភាពសន្តិសុខតាមអគារ និងការពង្រឹងការងារគ្រប់គ្រងជនជាប់ឃុំ។ ខណៈការប្រព្រឹត្តល្បែងអនឡានក្នុងពន្ធនាគារ ក៏ត្រូវហាមឃាត់ជាដាច់ខាត។

លោក ក៏បានលើកឡើងពីការពង្រឹងវត្តមានមន្ត្រី និងមិនត្រូវអនុញ្ញាតឱ្យទៅបម្រើការងារនៅអង្គភាពខាងក្រៅ ហើយមន្ត្រីត្រូវតែមានការហ្វឹកហាត់ប្រើប្រាស់អាវុធ និងសមយុទ្ធឱ្យបានជាប់ជាប្រចាំ។ បន្ថែមពីនេះ គឺត្រូវយកចិត្តទុកដាក់ថែរក្សាសុខភាព និងអនាម័យទាំងមន្ត្រី និងជនជាប់ឃុំ ដោយត្រៀមបង្ការការពារជំងឺឆ្លងថ្មីៗ។  

លោកអគ្គនាយកពន្ធនាគារ ក៏បានលើកទឹកចិត្តឱ្យមណ្ឌលបន្តអភិវឌ្ឍកម្មវិធីអប់រំកែប្រែ ការបណ្តុះបណ្តាលវិជ្ជាជីវៈ និងការងារផលិតកម្ម កសិកម្ម ដើម្បីលើកកម្ពស់ប្រសិទ្ធភាពការគ្រប់គ្រង និងការកែប្រែអាកប្បកិរិយាជនជាប់ឃុំ ឱ្យស្របតាមគោលនយោបាយរាជរដ្ឋាភិបាល៕

The post អគ្គនាយកពន្ធនាគារចុះត្រួតពិនិត្យស្ថានភាពមណ្ឌលអប់រំកែប្រែទី៤ ដើម្បីពង្រឹងប្រសិទ្ធភាពការគ្រប់គ្រង appeared first on Kampuchea Thmey Daily.

ការដឹកជញ្ជូនអ្នកជាប់ឃុំចេញក្រៅ ឧត្តមអគ្គានុរក្សថ្នាក់លេខ១ ឈន សាណាត អគ្គនាយកនៃអគ្គនាយកដ្ឋានពន្ធនាគារ ថា ត្រូវមានការប្រុងប្រយ័ត្នខ្ពស់​ ធ្វើយ៉ាងណាធានាឱ្យបានសន្តិសុខ និងសុវត្ថិភាព ខណៈកន្លងមកមានហេតុការណ៍ចូលរំដោះអ្នកទោស នៅពេលដែលដឹកបញ្ជូនទៅកាន់តុលាការ ឬទៅមន្ទីរពេទ្យ ជាដើមនោះ។

ការណែនាំដូច្នេះ បានធ្វើឡើងក្នុងកិច្ចប្រជុំប្រចាំខែមករា របស់អគ្គនាយកដ្ឋានពន្ធនាគារ កាលពីរសៀលថ្ងៃទី៣ ខែកុម្ភៈ ឆ្នាំ២០២៦ ដោយមានការចូលរួមពីសំណាក់អគ្គនាយករង ប្រធាននាយកដ្ឋានជំនាញទាំង៥ ប្រធានមណ្ឌលអប់រំកែប្រែ និងប្រធានពន្ធនាគាររាជធានី-ខេត្ត។

ជុំវិញការពង្រឹងសន្តិសុខនេះដែរ លោក ឈន សាណាត បានណែនាំដល់ពន្ធនាគារហាមដាច់ខាតការចេញចូលសម្រាប់អ្នកគ្មានភារកិច្ច ជាពិសេសក្រៅពេលម៉ោងធ្វើការ ឬនៅពេលយប់ ជាមួយនឹងការពង្រឹងការងារស៊ើបការណ៍ អប់រំ និងរឹតបន្តឹងការត្រួតពិនិត្យឆែកឆេរលើជនជាប់ឃុំ។ បន្ថែមពីនេះ គឺបន្តពង្រឹងការគោរពអនុវត្តច្បាប់ និងលិខិតបទដ្ឋានគតិយុត្ត និងការគ្រប់គ្រងជនជាប់ឃុំ ត្រូវតែផ្អែកលើនីតិវិធី និងបទបញ្ជាផ្ទៃក្នុងពន្ធនាគារ។

លោក ឈន សាណាត បានជំរុញឱ្យបន្តស្វែងរកដៃគូគាំទ្រកម្មវិធីអប់រំកែប្រែ ស្តារនីតិសម្បទា ការបណ្តុះបណ្តាលវិជ្ជាជីវៈ បន្តយកចិត្តទុកដាក់លើកកម្ពស់គុណភាពម្ហូបអាហារ និងអនាម័យបរិស្ថាន ព្រមទាំងការជំរុញការងារសិប្បកម្ម និងកសិកម្មពន្ធនាគារ។

លោកអគ្គនាយកពន្ធនាគារ ក៏បានលើកឡើងអំពីការពង្រឹងការងាររបស់មន្ត្រីពន្ធនាគារ ទាំងការកសាង អភិវឌ្ឍធនធានមនុស្ស និងការងារយេនឌ័រ លើកកម្ពស់ស្មារតីទទួលខុសត្រូវចំពោះតួនាទីភារកិច្ច ពង្រឹងការអនុវត្តក្រមសីលធម៌វិជ្ជាជីវៈ និងបទវិន័យមន្ត្រីពន្ធនាគារ ក៏ដូចជាការរឹតបន្តឹង និងពង្រឹងការងារគ្រប់គ្រងវត្តមានមន្ត្រី ជាដើម៕

The post មេពន្ធនាគារប្រាប់ឱ្យពន្ធនាគារទាំងអស់បង្កើនសន្តិសុខចំពោះជនជាប់ឃុំ ពេលបញ្ជូនចេញក្រៅ appeared first on Kampuchea Thmey Daily.

ការចុះពិនិត្យនេះ គឺធ្វើឡើងបន្ទាប់ពីពិធីប្រកាសចូលកាន់មុខតំណែងប្រធានពន្ធនាគារខេត្តពោធិ៍សាត់ កាលពីរសៀលថ្ងៃទី២៨ ខែមករា ឆ្នាំ២០២៦ ដោយលោកវរអគ្គានុរក្សថ្នាក់លេខ២ ស៊ិន សុផាន់ណូ ត្រូវបានចូលកាន់មុខតំណែងជាប្រធានពន្ធនាគារថ្មីខេត្តពោធិ៍សាត់ ជំនួសលោកឧត្តមអគ្គានុរក្សថ្នាក់លេខ២ អ៊ី សំអុល ដែលត្រូវដាក់ឱ្យចូលនិវត្តន៍។

ថ្លែងក្នុងពិធីខាងលើ លោក ឈន សាណាត បានផ្តាំផ្ញើដល់មន្ត្រីពន្ធនាគារខេត្តពោធិ៍សាត់ទាំងអស់ ត្រូវប្រមូលផ្តុំការយកចិត្តទុកដាក់ការគ្រប់គ្រងមន្ត្រី បន្តដឹកនាំ រក្សាឱ្យបានស្ថានភាពជាវិជ្ជមាន និងរក្សាឱ្យបាននូវប្រព័ន្ធគ្រប់គ្រងប្រកបដោយភាពសុខដុមបនីយកម្ម ជាពិសេសពង្រឹងសាមគ្គីភាពផ្ទៃក្នុង ដោយតម្កល់ប្រយោជន៍របស់អង្គភាពជាធំ លើកកម្ពស់ក្រមសីលធម៌វិជ្ជាជីវៈ ជមួយនឹងភាពម្ចាស់ការលើភារកិច្ចដែលខ្លួនទទួលខុសត្រូវ។

លោកអគ្គនាយកពន្ធនាគារ បានចង្អុលបង្ហាញដល់ពន្ធនាគារខេត្តពោធិ៍សាត់ឱ្យបន្តពង្រឹងការអនុវត្តច្បាប់ ភ្ជាប់ជាមួយនឹងការពង្រឹងកិច្ចការពារធានាសន្តិសុខ សុវត្ថិភាព បង្កើនការយកចិត្តទុកដាក់ត្រួតពិនិត្យ ឆែកឆេររកវត្ថុសម្ភារហាមឃាត់ ជាពិសេសសម្ភារៈបង្កហានិភ័យ គ្រឿងញៀន និងទូរស័ព្ទដៃ ដែលជាមធ្យោបាយទំនាក់ទំនងសកម្មភាពល្មើស ទាំងនៅក្នុង និងទៅខាងក្រៅពន្ធនាគារ។

បន្ថែមពីនេះ បន្តយកចិត្តទុកដាក់ថែរក្សាសុខភាព អនាម័យ ទាំងក្នុងអគារបន្ទប់ឃុំឃាំង និងនៅក្នុងបរិវេណពន្ធនាគារ ធ្វើយ៉ាងណាត្រូវធានាឱ្យមាននូវរបៀបរៀបរយ សណ្តាប់ធ្នាប់ និងបរិស្ថានល្អ៕

The post អគ្គនាយកពន្ធនាគារចុះពិនិត្យពន្ធនាគារខេត្តពោធិ៍សាត់ ខណៈប្រធានពន្ធនាគារត្រូវផ្លាស់ប្ដូរ appeared first on Kampuchea Thmey Daily.