ហេតុការណ៍នេះបានកើតឡើងកាលពីវេលាម៉ោង ១០ និង ១៥ នាទីព្រឹក ថ្ងៃទី ២៦ ខែមិថុនា ឆ្នាំ ២០២៦ នៅតាមមហាវិថីឈ្នះឈ្ន មុខវិមានឈ្នះឈ្នះ ក្នុងក្រុមទី ១ ភូមិព្រែករាំង សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

តាមប្រភពព័ត៍មានពីពលរដ្ឋ បានឲ្យដឹងថា មុនពេលកើតហេតុ គេឃើញរថយន្ត ១ គ្រឿង ម៉ាក Toyota Alphard ផលិតឆ្នាំ ២០១២ ពណ៌ខ្មៅ ពាក់ស្លាកលេខ ភ្នំពេញ 2CK-3832 ខាងលើ បានធ្វើដំណើរតាមមហាវិថីឈ្នះឈ្នះ ក្នុងទិសដៅពីលិចទៅកើត។ លុះពេលធ្វើដំណើរដល់មុខវិមានឈ្នះឈ្នះ ស្រាប់តែផ្សែងហុយចេញពីម៉ាស៊ីនរថយន្ត បង្កជាអណ្តាតភ្លើងតែម្តង។ ចំណែកម្ចាស់ បានរត់ចុះពីរថយន្តទាក់ទងទៅសមត្ថកិច្ចជំនាញអគ្គិភ័យ ដើម្បីអន្តរាគមន៍ពន្លត់។

អគ្គិភ័យនេះបង្កការខូចខាតរថយន្ត ១ គ្រឿង ទាំងស្រុង ប៉ុន្តែមិនបង្កឲ្យនរណារបួសនោះឡើយ និង ប្រើប្រាស់រថយន្តពន្លត់អគ្គិភ័យចំនួន ២ គ្រឿង បាញ់ឲ្យរលត់ជាស្ថាពរ។ ចំពោះមូលហេតុដែលបណ្តាលឲ្យឆាបឆេះដោយសារឆ្លងចរន្តភ្លើងក្នុងកាប៊ីនបង្កជាអគ្គិភ័យតែម្តង៕
អត្ថបទ ៖ រដ្ឋា

The post ឆេះរថយន្ត ១ គ្រឿង ខូចខាតទាំងស្រុង នៅមុខវិមានឈ្នះឈ្នះ appeared first on Kampuchea Thmey Daily.

ហេតុការណ៍នេះបានកើតឡើងកាលពីវេលាម៉ោង ២ និង ១៥ នាទីរំលងអធ្រាត្រ ឈានចូលថ្ងៃទី ២៥ ខែមិថុនា ឆ្នាំ ២០២៦ ស្ថិតនៅតាមបណ្ដោយផ្លូវជាតិលេខ ២ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។

តាមប្រភពព័ត៌មាន បានឲ្យដឹងថា នៅមុនពេលកើតហេតុ មានឆ្លងចរន្តអគ្គិសនីចេញពីខ្សែភ្លើងនៅខាងក្នុងផ្ទុះ រួចបង្កជាអគ្គិភ័យឆាបឆេះយ៉ាងសន្ធោសន្ធៅតែម្តង។ ភ្លាមៗ នោះដែរ ក៏មានប្រជាពលរដ្ឋក្បែរខាង ទាញបំពង់ពន្លត់អគ្គិភ័យ និង ទុយោទឹក ដើម្បីមកជួយបាញ់ពន្លត់ទប់ស្កាត់ជាបណ្តោះអាសន្ន រួចរាយការណ៍ទៅសមត្ថកិច្ចជំនាញ សុំរថយន្តពន្លត់អគ្គិភ័យមកជួយអន្តរាគមន៍បន្ទាន់។ ក្រោយមក កម្លាំងសមត្ថកិច្ចជំនាញ បង្ការពន្លត់អគ្គិភ័យ និង សង្គ្រោះ នៃស្នងការដ្ឋាននគរបាលរាជធានីភ្នំពេញ ទទួលបានដំណឹងខាងលើ រួចក៏ចេញរថយន្តគ្រប់គោលដៅទៅជួយបាញ់ពន្លត់ភ្លាមៗ ផងដែរ។ បន្ទាប់ពីកម្លាំងជំនាញប្រតិបត្តិការបាញ់ពន្លត់ចប់ ឃើញថា ប្រើប្រាស់រថយន្តទឹកអស់ជាច្រើនគ្រឿង ទើបរលត់ទៅវិញជាស្ថាពរ។ ចំពោះករណីអគ្គិភ័យខាងលើ ខាងមន្រ្តីជំនាញ បានសន្និដ្ឋានថា បណ្តាលមកពីឆ្លងចរន្តអគ្គិសនីបង្កជាអគ្គិភ័យ៕
អត្ថបទ ៖ សុខា

The post ឆ្លងចរន្តអគ្គិសនីឆេះផ្ទះលក់សាំង ១ កន្លែង យ៉ាងសន្ធោសន្ធៅ ទាំងកណ្តាលអធ្រាត្រ នៅខណ្ឌដង្កោ appeared first on Kampuchea Thmey Daily.

សៀមរាប ៖សមត្ថកិច្ចបានឱ្យដឹងថា នៅវេលាម៉ោង១៨ និង ៤០នាទី ថ្ងៃទី១៥ ខែមិថុនា ឆ្នាំ ២០២៦ មានករណី អគ្គិភ័យឆាបឆេះថយន្ត នៅទីតាំងផ្ទះជួលរបស់អង្គការជួយក្មេងពិការ (SAFE HEVEN) ស្ថិត ភូមិទ្រាំង សង្កាត់ស្លក្រាម  ក្រុងសៀមរាប ខេត្តសៀមរាប បណ្តាលអោយ ខូចខាតមានរថយន្តចំនួន ២ គ្រឿងទី១ ម៉ាក FORD MINI VAN  ពាក់ផ្លាកលេខ ONG1 2 1046 និង១ គ្រឿងទៀតម៉ាក FORD RANGER ពាក់ផ្លាកលេខ ភ្នំពេញ ២AP-6898 (មិនទាន់ស្គាល់អត្តសញ្ញាណម្ជាស់រថយន្ត) ។

សមត្ថកិច្ចបានចេញរថយន្តអគ្គិភ័យ ជួយពន្លត់អស់ទឹកចំនួន៣ គ្រឿង របស់ស្នងការដ្ឋាននគរបាលខេត្តសៀមរាប ២គ្រឿង និង រថយន្ត របស់អប្សារាចំនួន ១គ្រឿង ហើយបានពន្លត់រលត់នៅវេលាម៉ោង ១៩និង២០នាទី។

សមត្ថកិច្ចបញ្ជាក់ថា ករណីអគ្គិភ័យនេះបណ្តាលមកពី មានអ្នកដុតសំរាមនៅជិតនោះដោយខ្វះការប្រុងប្រយ័ត្ន ប៉ុន្តែមិនទាន់ស្គាល់អត្តសញ្ញាណអ្នកដុតសំរាម៕

ដោយ៖ជុន កុសល

The post ឆេះរថយន្ត២គ្រឿង នៅកន្លែងអង្គការជួយក្មេងពិការ ក្រុងសៀមរាប ដោយសារដុតសំរាមខ្វះការប្រុងប្រយ័ត្ន  appeared first on Kampuchea Thmey Daily.

ម្ចាស់ទីតាំងឈ្មោះ: WEN CONGMU ភេទប្រុស អាយុ ៤៧ឆ្នាំ ជនជាតិចិន មុខរបរអ្នកគ្រប់គ្រង ។

ទីតាំងខាងលេីជា ប្រភេទសំណង់ ដែកប្រក់ស័ង្កសី ទំហំ ៥០០០ម៉ែត្រការ៉េ ដោយរងការខូចខាតប្រម៉ាណ៨០ភាគរយសម្ភារៈ រួមមានម៉ាស៊ីនទាញស្នោចំនួន ០១គ្រឿង, ចានស្នោផលិតរួចចំនួន ៤០,០០០បេ (១បេមាន៧០០ចាន) និងស្នោមិនទាន់ផលិតចំនួន ៤០០ដុំ ។

តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញផ្សែងហុយចេញពីទីតាំងរោងចក្រខាងលេីយ៉ាងខ្មួរខ្មាញ់បង្កការភ្ញាក់ផ្អេីលដល់បងប្អូនប្រជាពលរដ្ឋនិងកម្មករនាំគ្នាយកបំពង់ពន្លត់អគ្គិភ័យមកបាញ់ជាច្រេីន តែដោយសារស្ថានភាពភ្លេីងឆេះកាន់តែខ្លាំងឡេីង ទេីបរាយការណ៍ទៅអាជ្ញាធរ មានសមត្ថកិច្ចទាក់ទងទៅក្រុមរថយន្តពន្លត់អគ្គិភ័យគ្រប់អង្គភាពមកជួយអន្តរាគមន៍ភ្លាមៗ។

ក្រោយពីទទួលព័ត៌មានភ្លាមក្រុមរថយន្តពន្លត់អគ្គិភ័យគ្រប់អង្គភាពបានចេញទៅអន្តរាគមន៍ភ្លាមៗ ។
ក្នុងរង្វង់ប្រតិបត្តិការខាងលេី សមត្ថកិច្ចប្រេីប្រាស់រថយន្តការិយាល័យពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ ចំនួន ១៨គ្រឿង ប្រេីប្រាស់ទឹកអស់ចំនួន ៣៦ឡាន ស្មើនឹង ២១៦ម៉ែត្រគូប ។

រថយន្តអគ្គិភ័យក្រសួងមហផ្ទៃចំនួន ០៤គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង ១៨ម៉ែត្រគូប ។
រថយន្តអគ្គិភ័យបុរីប៉េងហួតចំនួន ០២គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ២០ម៉ែត្រគូប ។
រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប ។

អគ្គិភ័យត្រូវបានពន្លត់ចប់ នៅម៉ោង ៥នឹង៣០នាទីល្ងាច ថ្ងៃខែ ឆ្នាំដដែល ។ ដោយមិនមានមនុស្សរងរបួសនិងរាលដាលដល់ទីតាំងផ្សេងទៀតឡេីយ៕
ដោយ៖ សុខា

The post Update ៖ អគ្គិភ័យឆាបឆេះរោងចក្រផលិតចានស្នោយ៉ាងន្ធោសន្ធៅរងការខូចខាតស្ទេីរទាំងស្រុង appeared first on Kampuchea Thmey Daily.

ម្ចាស់ទីតាំងឈ្មោះ ហុង ប៉ាវម៉េង ភេទប្រុស អាយុ ៥៤ ឆ្នាំ ជនជាតិខ្មែរ មុខរបរម្ចាស់រោងចក្រ។ ទីតាំងខាងលើប្រភេទសំណង់ ថ្មដែកប្រក់ស័ង្កសី ទំហំ ៣០០០ ម៉ែត្រការ៉េ ដោយឃ្លាំងទំហំ (១៥ ម៉ែត្រ x ២៥ ម៉ែត្រ) សម្ភារ រួមមាន ៖ អ៊ីស៊ីឡុងចំនួន ១០ តោន និង ម៉ាស៊ីនផលិតគ្រាប់ជ័រចំនួន ៤ គ្រឿង។

ក្នុងវង្វង់ប្រតិបត្តិការនេះ ប្រើប្រាស់រថយន្តការិយាល័យពន្លត់អគ្គិភ័យស្នងការដ្ឋាននគរបាលរាជធានីចំនួន ២៣ គ្រឿង ប្រើប្រាស់ទឹកអស់ចំនួន ១៥ គ្រឿង ស្មើនឹង ៩០ ម៉ែត្រគូប។ រថយន្តអគ្គិភ័យកងពលតូចង ៧០ ចំនួន ៨ គ្រឿង ប្រើប្រាស់ទឹកអស់ចំនួន ៤គ្រឿង ស្មើនឹង ២៤ ម៉ែត្រគូប។ រថយន្តអគ្គិភ័យតម្រួតបទបញ្ជា ១ គ្រឿង ប្រើប្រាស់ទឹកអស់ចំនួន ១គ្រឿង ស្មើនឹង ៦ ម៉ែត្រគូប។ រថយន្តអគ្គិភ័យក្រុមហ៊ុនស្រាបៀរកម្ពុជា ១ គ្រឿង ប្រើប្រាស់ទឹកអស់ចំនួន ១ គ្រឿង ស្មើនឹង ៦ ម៉ែត្រគូប។ រថយន្តអគ្គិភ័យ បុរី ប៉េង ហួត ចំនួន ២ គ្រឿង ពុំបានប្រើប្រាស់ទឹក។

គ្រោះអគ្គិភ័យខាងលើមិនមានមនុស្សរងរបួស និង រាលដាលដល់ផ្ទះអ្នកជិតខាងនោះឡើយ ដោយពន្លត់ចប់កាលពីវេលាម៉ោង ១៥ និង ២០ នាទីរសៀល នាថ្ងៃខែឆាំ្នដដែល៕
អត្ថបទ ៖ សុខា

The post ឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង appeared first on Kampuchea Thmey Daily.

ហេតុការណ៍នេះកើតឡើងកាលពីវេលាម៉ោង ១១ថ្ងៃត្រង់ ថ្ងៃទី២៩ ខែឧសភា ឆ្នាំ២០២៦ នៅតំបន់សេដ្ឋកិច្ច តាយ សេង បាវិត ស្ថិតតាមបណ្តោយផ្លូវជាតិលេខ១ ក្នុងភូមិតាបឹប សង្កាត់បាវិត ក្រុងបាវិត ខេត្តស្វាយរៀង។

បើតាមការបញ្ចាក់ ក្រុមការងារ កម្ពុជាថ្មី ប្រចាំខេត្តស្វាយរៀង បានប្រាប់ឲ្យដឹងថា គិតត្រឹមម៉ោង ១និង ៣០នាទី ថ្ងៃខែដ៏ដែល កម្លាំងជំនាញផ្នែកពន្លត់បង្ការអគ្គិភ័យនៃស្នងការដ្ឋានខេត្តស្វាយរៀង រួមជាមួយរថយន្តពន្លត់អគិ្គភ័យកងរាជអាវុធហត្ថខេត្តស្វាយរៀង បានចេញមកអន្តរាគមន៍បាញ់ពន្លត់នៅនិងទីតាំងកន្លែងកើតហេតុជាច្រើនគ្រឿង នៅមិនទាន់គ្រប់គ្រងបាននៅឡើយ។

ក្នុងទីតាំងកន្លែងកើត កម្លាំងជំនាញកំពុងប្រើប្រាស់សាប៊ូ ដើម្បីបាញ់ចូលទៅខាងក្នុងរោងចក្រដែលកំពុងឆាបឆេះនោះ ដោយ សារតែនៅមានជាប្រភេទ ជ័រ សាំងក្រអូប និង សម្ភារងាយឆេះជាច្រើនមុខទៀត នៅក្នុងហេតុការណ៍អគ្គិភ័យខាងលើនេះមិនមាននរណាម្នាក់រងរបួស រឺ បាត់បង់អាយុជីវិតនោះទេ។

ចំពោះមូលហេតុនៃការឆាបឆេះទីតាំងរោចក្រផលិតគ្រឿងសម្ភារ បរិក្ខារសម្រាប់ផ្គត់ផ្គង់ទោចចក្រ ខាងលើនេះនៅមិនទាន់ដឹងពីមូលហេតុនៅឡើយទេ ដោយកម្លាំងសមត្ថកិច្ចជំនាញកំពុងគ្រប់គ្រងស្ថានការណ៍នៅកន្លែងកើតហេតុ៕ដោយ ៖ភក្ដី

The post ឆាបឆេះរោងចក្រ ផលិតសម្ភារគ្រឿងបរិក្ខារម៉ូតូនៅតំបន់សេដ្ឋកិច្ចតាយ សេង បាវិត ខូចខាតសម្ភារទាំងស្រុង appeared first on Kampuchea Thmey Daily.

លោកនាយការិយាល័យបញ្ជាក់ថា គិតមកដល់ពេលនេះ អណ្ដាតភ្លើងត្រូវបានគ្រប់គ្រងទាំងស្រុងហើយ នៅឡើយតែផ្សែងហុយនៅផ្នែកខាងក្នុងខ្លះៗ ខណៈកម្លាំងជំនាញក៏កំពុងបន្តបាញ់ទឹកបន្ថែម ដើម្បីប្រាកដថា ភ្លើងត្រូវបានគ្រប់គ្រងទាំងស្រុង។

សូមជម្រាបថា ករណីអគ្គិភ័យឆេះរោងចក្រនេះ បានកើតឡើងនាវេលាម៉ោង១១ព្រឹកថ្ងៃសុក្រ ទី២៩ឧសភានេះ នៅតំបន់តាយសេង២ ក្នុងក្រុងបាវិត​ ខេត្តស្វាយរៀង។

បើតាមលោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងនៅរសៀលថ្ងៃដដែលនេះថា អគាររោងចក្រដែលត្រូវអគ្គិភ័យឆាបឆេះនេះមានឈ្មោះ យីង ហាយ ខូតធីង (ខេមបូឌា) ឯ.ក សកម្មភាពអាជីវកម្មចម្បង ផលិត​សម្ភារ​សម្រាប់​ផ្គត់ផ្គង់ឱ្យរោងចក្រដំឡើងទោចក្រយាន (ទឹកថ្នាំបាញ់កង់) ស្ថិតនៅតំបន់សេដ្ឋកិច្ចពិសេស តាយ សេង បាវិត ក្រុងបាវិត ខេត្តស្វាយរៀង។ បើតាមអ្នកនាំពាក្យរូបនេះ មូលហេតុនៃការឆេះ នៅមិនទាន់កំណត់បាននៅឡើយ៕

អត្ថបទ៖ សុខុម

The post Update៖ គិតត្រឹមម៉ោង០១និង៥៥នាទីរសៀល អគ្គិភ័យឆេះរោងចក្រនៅក្រុងបាវិតគ្រប់គ្រងបាន៩០ភាគរយ appeared first on Kampuchea Thmey Daily.

ហេតុការណ៍​ការណ៍​នេះ​បាន​កេីត​ឡេីង​កាល​ពី​វេលា​ម៉ោង​៨និង២០នាទី​យប់​ ថ្ងៃ​ទី​១៩​ ខែ​ឧសភា​ ឆ្នាំ​២០២៦​ ស្ថិត​តាម​បណ្ដោយ​ផ្លូវ​៣១៦​(ម្ដុំ​ផ្សារ​នាគ​មាស)​ សង្កាត់​ផ្សារ​ដេីមគ​ ខណ្ឌ​ទួលគោក​ រាជធានី​ភ្នំពេញ​។

តាមប្រភពពីប្រជាពលរដ្ឋបានឲ្យដឹងថា មុនពេលមានអគ្គិភ័យកើតឡើង ពួកគាត់បានឮសំឡេងផ្ទុះ០២ទៅ០៣ដង។ ហើយប្រមាណជា ១០នាទីក្រោយក៏មានក្លិនផ្សែង។ ភ្លាមៗ គាត់រត់ចេញពីក្នុងផ្ទះដើម្បីមកមើលក៏ប្រទះឃើញផ្ទះល្វែងមួយកន្លែងដែលនៅកៀកផ្ទះរបស់គាត់កំពុងមានការឆាបឆេះចេញពីខាងក្នុងមកក្រៅ លាយលំអណ្តាតភ្លើងកំពុងលេបត្របាក់បាត់ទៅហើយ។ ស្របពេលនោះ ពលរដ្ឋបាននាំជួយយកបំពង់ពន្លត់ មកដើម្បីបាញ់សង្រ្គោះបឋមលើការទប់ស្កាត់កុំឲ្យយមានការរាលដាលកាន់តែខ្លាំងឡើង។

អគ្គិភ័យនេះដែរបានបង្កការខូចទូក្លាសេបន្លែផ្លែឈើចំនួន០១គ្រឿង រួមសម្ភារៈមួយចំនួន តែមិនបង្កឲ្យយមនុស្សរងរបួសនោះឡើយ។ ក្នុងនោះបានប្រើប្រាស់បំពង់ពន្លត់អគ្គិភ័យអស់ជាច្រើន រួមទាំងរថយន្តពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ចំនួន ០៤គ្រឿងបាញ់រហូតរលត់ជាស្ថាពរ។ ចំណែកឯកមូលហេតុ សមត្ថកិច្ចជំនាញ បានសន្និដ្ឋានជំហានដំបូងថា សង្ស័យឆ្លងចរន្តអគ្គិសនី៕

អត្ថបទ៖ រដ្ឋា

The post សង្ស័យឆ្លងចរន្ដ អគ្គិភ័យឆេះចេញពីទូក្លាសេបន្លែផ្លែឈើក្នុងផ្ទះពលរដ្ឋក្បែរផ្សារនាគមាស appeared first on Kampuchea Thmey Daily.