ឯកឧត្ដម ហ៊ុន ម៉ានី សរសេរនៅលើទំព័រហ្វេសប៊ុកដូច្នេះ៖«អង្គរសង្រ្កាន្តគឺជារបស់លោកយាយ លោកតា ពុកម៉ែ អ៊ំពូមីងបងប្អូន កូនក្មួយៗទាំងអស់ ក្មេងចាស់ប្រុសស្រី គ្រប់រាជធានី-ខេត្ត។ ក្តីស្រលាញ់ ការទទួលស្គាល់ និងការគាំទ្ររបស់អ្នកទាំងអស់គ្នាគឺជាប្រភពថាមពលមិនចេះរីងស្ងួតដែលជំរុញទឹកចិត្តក្រុមគ្រួសារ ស.ស.យ.ក. ឱ្យខិតខំទ្វេមួយជាពីរដើម្បីធ្វើការងារសង្គម ក្នុងបុព្វហេតុជាតិមាតុភូមិ។»។

ព្រឹត្តិការណ៍អង្គរសង្រ្កាន្ត ត្រូវបានផ្ដួចផ្ដើមរៀបចំឡើងជាផ្ទាំងទស្សនីយភាពវប្បធម៌ទ្រង់ទ្រាយធំជាលើកដំបូងនៅក្នុងឆ្នាំ២០១៣ លើទឹកដីអង្គរនៃខេត្តសៀមរាប ដោយសហភាពសហព័ន្ធយុវជនកម្ពុជា  ក្នុងគោលបំណងប្រមូលផ្តុំយុវជន និងសាធារណជន ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ជាមហាគ្រួសារខ្មែរតែមួយ រម្លឹក និងធ្វើឱ្យរស់រវើកឡើងនៃមរតកបេតិកភណ្ឌអរូបីខ្មែរ ចូលរួមថែរក្សា និងអភិវឌ្ឍន៍វប្បធម៌ជាតិ និងលើកស្ទួយកិត្យានុភាពជាតិលើឆាកអន្តរជាតិផ្តល់ឱកាសដល់យុវជន ប្រជាពលរដ្ឋ ភ្ញៀវទេសចរជាតិ និងអន្តរជាតិបានសិក្សាអំពីកិត្តិនាម ភាពចម្រុះនៃវប្បធម៌ អរិយធម៌ ប្រពៃណី និងសាសនា។ អង្គរសង្ក្រាន្ត បានរៀបចំខួបលើកទី១០ របស់ខ្លួននៅក្នុងឆ្នាំ២០២៣។ ចំណែកឆ្នាំ២០២៤ ព្រឹត្តិការណ៍អង្គរសង្ក្រាន្តមិនបានរៀបចំឡើយ ដោយទុកឱ្យតាមបណ្ដារាជធានីខេត្តរៀបចំព្រឹត្តិការណ៍សង្ក្រាន្តវិញម្ដង។ សម្រាប់ការរៀបចំព្រឹត្តិការណ៍អង្គរសង្ក្រាន្តក្នុងឆ្នាំ២០២៥នេះ ឡើងវិញ គឺអនុវត្តតាមបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

ព្រឹត្តិការណ៍អង្គរសង្រ្កាន្តក្នុងឆ្នាំ២០២៥ បានចាប់ផ្តើមពីថ្ងៃទី១៤ រហូតដល់ ថ្ងៃទី១៦ ខែមេសា ឆ្នាំ២០២៥ នេះ ដោយមានទស្សនីយភាព និងការតាំងបង្ហាញមរតកវប្បធម៌ដូនតាខ្មែរ ព្រមទាំងកម្មវិធីកម្សាន្តជាច្រើនទៀត នៅតាម៦ទីតាំងធំៗ ក្នុងនោះរួមមាន បរិវេណមុខប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, បណ្ដោយផ្លូវ King’s Road, តំបន់ផាប់ស្រ្ទីត និងអង្គរឃ្យូងយូ។

ឯកឧត្ដម ហ៊ុន ម៉ានី អះអាងថា ព្រឹត្តិការណ៍អង្គរសង្រ្កាន្តនៅលើទឹកដីអង្គរដ៏ពិសិដ្ឋរបស់បុព្វបុរសខ្មែរ បានរំឭកឡើងវិញនូវមរតកវប្បធម៌ដូនតា ដែលជាបេតិកភណ្ឌអរូបី នៅលើទឹកដីនៃបេតកភណ្ឌរូបី ដោយ រយៈពេល ៣ថ្ងៃនេះ អង្គរសង្រ្កាន្តបានផ្តល់នូវភាពសប្បាយរីករាយ អធិកអធម ព្រមទាំងស្នាមញញឹមរាប់មិនអស់របស់បងប្អូនជនរួមជាតិ មិត្តភក្តិបរទស ទាំងអ្នកដែលបានចូលរួមផ្ទាល់ ឬអ្នកគាំទ្រពីចម្ងាយ។ ផ្ទាំងទស្សនីយភាពចម្រុះដ៏វិចិត្រ កម្មវិធីសប្បាយៗគ្រប់ទម្រង់ ការរចនាទីតាំង និងការសម្របសម្រួលនានាបានបន្សល់នូវអនុស្សាវរីយ៍ចងចាំមិនភ្លេចសម្រាប់ ទាំងអ្នកចូលរួម ក្រុមការងារ និងយុវជនស្ម័គ្រចិត្តចំនួន៥.៣៤៩។

«ពិតណាស់ ជោគជ័យរបស់អង្គរសង្រ្កាន្តគឺមិនអាចកាត់ផ្តាច់បានឡើយពីការចូលរួមយ៉ាងសកម្ម ការលះបង់ និងការប្តេជ្ញាចិត្តរបស់ក្រុមការងារ និងយុវជនស្ម័គ្រចិត្តទាំង ៥.៣៤៩ នាក់ បានឡើយ។ កិច្ចខិតខំប្រឹងប្រែងរបស់អ្នកទាំងអស់គ្នាបានធ្វើឱ្យ អង្គរសង្រ្កាន្តលេចជារូបរាងឡើង ហើយកាន់តែលេចធ្លោក្នុងនាមជាព្រឹត្តិការណ៍ប្រចាំឆ្នាំដ៏ធំមួយរបស់ព្រះរាជាណាចក្រកម្ពុជា។ »។ ឯកឧត្ដម ហ៊ុន ម៉ានី ប្រធានគណៈកម្មការរៀបចំព្រឹត្តិការណ៍អង្គរសង្ក្រា បន្ថែមបែបនេះ។

ឯកឧត្ដម ហ៊ុន ម៉ានី អំណរគុណ លោក លោកស្រី អនុប្រធានសហភាពសហព័ន្ធយុវជនកម្ពុជា និងជាប្រធានចង្កោមនីមួយៗ ប្រធានក្រុមការងារ សមាជិក សមាជិកាសហភាពសហព័ន្ធយុវជនកម្ពុជាទាំងអស់ ដែលបានលះបង់សព្វបែបយ៉ាងដើម្បីឱ្យព្រឹត្តិការណ៍អង្គរសង្រ្កាន្តបានប្រព្រឹត្តទៅប្រកបដោយជោគជ័យគួរជាទីមោទនៈ។

គួរឱ្យដឹងដែរ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា លើកឡើងថា ប្រជាពលរដ្ឋបានចូលរួមដោយភាពសប្បាយរីករាយគ្រប់ទីកន្លែង ក្រោមម្លប់នៃសុខសន្តិភាព។ ជាមួយនឹងភាពសប្បាយរីករាយនេះ​ សម្ដេចនាយករដ្ឋមន្ត្រី បានអរគុណដល់អាជ្ញាធរ កងកម្លាំង និងភាគីពាក់ព័ន្ធ ដែលបានរួមគ្នារក្សាការពារសន្តិសុខ សណ្តាប់ធ្នាប់បានយ៉ាងល្អប្រសើរ៕

ដោយ៖ ង៉ិល ណារ៉ាត់

The post ឯកឧត្ដម ហ៊ុន ម៉ានី៖ អង្គរសង្ក្រាន្ត គឺជារបស់ខ្មែរគ្រប់ស្រទាប់វណ្ណៈ appeared first on Kampuchea Thmey Daily.

ឯកឧត្ដម ហ៊ុន ម៉ានី ថ្លែងក្នុងពេលជូនដំណើរយុវជនស្ម័គ្រទៅចូលរួមរៀបចំព្រឹត្តិការណ៍អង្គរសង្ក្រាន្តដូច្នេះ៖« (យុវជនស្ម័គ្រចិត្ត)ប្រហែលជាដឹងហើយលើកដំបូងគេបង្អស់ គឺចាប់ផ្ដើម(រៀបចំអង្គរសង្ក្រាន្ត)នៅឆ្នាំ២០១៣។ ហើយគំនិតដើមរៀបចំអង្គរសង្ក្រាន្តមិនមែនស.ស.យ.ក ទេ សូមចែករំលែកបន្តិចចុះ! ចាប់ផ្ដើមពីគំនិតមួយអាចនិយាយបានថា ចង់ឱ្យពេលចូលឆ្នាំខ្មែរយើងពាក់ខោអាវប្រពៃណីរបស់យើង ដើរលេងនៅមុខអង្គរវត្ត នឹកឃើញដល់ដូនតា លេងល្បែងប្រជាប្រិយ លេងកម្សាន្ត  ហើយបង្ហាញនូវមោទនភាពក្នុងនាមជាខ្មែរ ឱ្យយល់ដឹងច្បាស់ពីទំនៀមទម្លាប់ប្រពៃណីរបស់យើង ហើយចេញគំនិតមួយនេះ គឺចេញមកពីបងស្រីបង្កើត(លោកជំទាវ ហ៊ុន ម៉ាណា)បងខ្ញុំ។ »។

នៅក្នុងឱកាសជូនដំណើរនោះ ឯកឧត្តម ហ៊ុន ម៉ានី  ក៏បានថ្លែងអំណរគុណដល់យុវជនដែលចូលរួមស្ម័គ្រចិត្តរៀបចំព្រឹត្តិការណ៍អង្គរសង្ក្រាន្ដឆ្នាំ២០២៥។ ឯកឧត្តម ក៏ផ្ដាំផ្ញើឱ្យចេះថែទាំសុខភាពឱ្យបានល្អ នៅក្នុងកំឡុងពេលបំពេញភារកិច្ច។

តាមរយៈយុវជនស្ម័គ្រចិត្ត ឯកឧត្តមប្រធានស.ស.យ.ក ក៏បានថ្លែងអំណរគុណចំពោះអាណាព្យាបាលដែលបានអនុញ្ញាតឱ្យបានចូលរួមបំពេញភារកិច្ចក្នុងការរៀបចំពិធីបុណ្យចូលឆ្នាំថ្មីប្រពៃណីខ្មែរ ដែលនឹងឈានមកដល់នាពេលដ៏ខ្លីខាងមុខនេះ។

គួរឱ្យដឹងថា ព្រឹត្តិការណ៍អង្គរសង្រ្កាន្តនឹងចាប់ផ្តើមពីថ្ងៃទី១៤ រហូតដល់ ថ្ងៃទី១៦ ខែមេសា ឆ្នាំ២០២៥ នេះ ដែលមានទស្សនីយភាព និងការតាំងបង្ហាញមរតកវប្បធម៌ដូនតាខ្មែរ ព្រមទាំងកម្មវិធីកម្សាន្តជាច្រើនទៀត នៅតាម៦ទីតាំងធំៗ ក្នុងនោះរួមមាន បរិវេណមុខប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, បណ្ដោយផ្លូវ King’s Road, តំបន់ផាប់ស្រ្ទីត និងអង្គរឃ្យូងយូ។

ប្រធានក្រុមការងារប្រតិបត្តិនៃព្រឹត្តិការណ៍អង្គរសង្ក្រាន្ត  លោក សុខ សប្បាយណា អះអាងថា ព្រឹត្តិការណ៍អង្គរសង្ក្រាន្តមានយុវជនស្ម័គ្រចូលរួមរៀបចំជាង៥២០០នាក់ ក្នុងនោះស.ស.យ.ក កំណត់រើសយកយុវជនចំនួន២/៣ មកពីរាជធានីខេត្តផ្សេងៗក្រៅពីខេត្តសៀមរាប ក្រៅពីចំនួននេះ គឺ ស.ស.យ.ក ជ្រើស រើសយក យុវជនស្ម័គ្រចិត្តចំនួន១/៣ ដែលរស់នៅខេត្តសៀមរាប។ លោក សុខ សប្បាយណា ឱ្យដឹងថា សម្រាប់យុវជនស្ម័គ្រចិត្តនៃព្រឹត្តិការណ៍ “អង្គរសង្រ្កាន្ត” ឆ្នាំ២០២៥ នឹងទទួលបានការស្នាក់នៅសណ្ឋាគារទំនើប អាហារហូបចុកចំនួន៣ពេល ទឹកបរិសុទ្ធ និងភេសជ្ជៈ  វត្ថុអនុស្សាវរីយ៍ ​ឯកសណ្ឋានព្រឹត្តិការណ៍  សម្ភារបំពេញការងារ និងការធ្វើដំណើរពីភ្នំពេញទៅខេត្តសៀមរាប និងពីសណ្ឋាគារស្នាក់នៅទៅទីតាំងព្រឹត្តិការណ៍អង្គរសង្ក្រាន្តដោយគិតថ្លៃ។

គួរឱ្យដឹង ព្រឹត្តិការណ៍អង្គរសង្រ្កាន្ត ត្រូវបានផ្ដួចផ្ដើមរៀបចំឡើងជាផ្ទាំងទស្សនីយភាពវប្បធម៌ទ្រង់ទ្រាយធំជាលើកដំបូងនៅក្នុងឆ្នាំ២០១៣ លើទឹកដីអង្គរនៃខេត្តសៀមរាប ដោយសហភាពសហព័ន្ធយុវជនកម្ពុជា (ស.ស.យ.ក.) ក្នុងគោលបំណងប្រមូលផ្តុំយុវជន និងសាធារណជន ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ជាមហាគ្រួសារខ្មែរតែមួយ រម្លឹក និងធ្វើឱ្យរស់រវើកឡើងនៃមរតកបេតិកភណ្ឌអរូបីខ្មែរ ចូលរួមថែរក្សា និងអភិវឌ្ឍន៍វប្បធម៌ជាតិ និងលើកស្ទួយកិត្យានុភាពជាតិលើឆាកអន្តរជាតិផ្តល់ឱកាសដល់យុវជន ប្រជាពលរដ្ឋ ភ្ញៀវទេសចរជាតិ និងអន្តរជាតិបានសិក្សាអំពីកិត្តិនាម ភាពចម្រុះនៃវប្បធម៌ អរិយធម៌ ប្រពៃណី និងសាសនា។

ព្រឹត្តិការណ៍អង្គរសង្ក្រាន្ត បានរៀបចំខួបលើកទី១០ របស់ខ្លួននៅក្នុងឆ្នាំ២០២៣។ ចំណែកឆ្នាំ២០២៤ ព្រឹត្តិការណ៍អង្គរសង្ក្រាន្តមិនបានរៀបចំឡើយ ដោយទុកឱ្យតាមបណ្ដារាជធានីខេត្តរៀបចំព្រឹត្តិការណ៍សង្ក្រាន្តវិញម្ដង។ សម្រាប់ការរៀបចំព្រឹត្តិការណ៍អង្គរសង្ក្រាន្តក្នុងឆ្នាំ២០២៥នេះ ឡើងវិញ គឺអនុវត្តតាមបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕

ដោយ៖ ង៉ិល ណារ៉ាត់

The post ឯកឧត្ដម ហ៊ុន ម៉ានី៖ គំនិតផ្ដួចផ្ដើមបង្កើត«អង្គរសង្ក្រាន្ត»ឡើង គឺកើតចេញពីលោកជំទាវ ហ៊ុន ម៉ាណា appeared first on Kampuchea Thmey Daily.

ថ្លែងនៅក្នុងពិធីផ្សព្វផ្សាយក្រុមការងារគ្រូពេទ្យសង្គ្រោះបឋម និងបន្ទាន់ នៃព្រឹត្តិការណ៍អង្គរសង្ក្រាន្តឆ្នាំ២០២៥ នៅខេត្តសៀមរាប នាព្រឹកថ្ងៃទី០៦ ខែមេសា ឆ្នាំ២០២៥នេះ លោកវេជ្ជបណ្ឌិត ក្រុស សារ៉ាត់ មានប្រសាសន៍ថា អង្គរសង្ក្រាន្តឆ្នាំនេះ បានរៀបចំឡើងទ្រង់ទ្រាយធំដែលគេរំពឹងថា នឹងមានភ្ញៀវទេសចរជាតិ និងអន្តរជាតិ និងប្រជាពលរដ្ឋខ្មែររាប់ម៉ឺននាក់នឹងមកចូលរួមកម្សាន្តដូចនេះបញ្ហាសុខភាពគឺជាកត្តាដ៏សំខាន់ផងដែរដែលត្រូវយកចិត្តទុកដាក់។

លោកវេជ្ជបណ្ឌិតបានបន្តថា នៅក្នុងព្រឹត្តិការណ៍អង្គរសង្ក្រាន្តឆ្នាំនេះ មន្ទីរបានដាក់ក្រុមគ្រូពេទ្យ និងក្រុមសង្គ្រោះបឋមចំនួន៣ទីតាំងធំៗ ទី១ ទីតាំងនៅបរិវេណមុខប្រាសាទអង្គរវត្ត មានក្រុមគ្រូពេទ្យ និងរថយន្តគិលានសង្គ្រោះប្រចាំការចំនួន៣កន្លែង ទី២ តំបន់មាត់ស្ទឹងសៀមរាប មានក្រុមគ្រូពេទ្យ និងរថយន្តគិលានសង្គ្រោះប្រចាំការចំនួន៥កន្លែង និងទីតាំងទី៣ នៅបរិវេណអតីតអង្គរឃ្យុងយូ មានក្រុមគ្រូពេទ្យ និងរថយន្តគិលានសង្គ្រោះប្រចាំការចំនួន១កន្លែង។ ដោយមន្ទីរសុខាភិបាល បានត្រៀមគ្រូពេទ្យសរុប២៨៨នាក់ និងក្រុមការងារសម្របសម្រួលចំនួន៣៦នាក់។

មន្ទីរសុខាភិបាលបានសហការជាមួយសហភាពសហព័ន្ធយុវជនកម្ពុជាខេត្តសៀមរាបអញ្ជើញក្រុមការងារទាំងអស់ មកជួបជុំគ្នា ដោយក្រុមគ្រូពេទ្យជំនាញ ក៏បានធ្វើបទបង្ហាញបន្ថែម អំពីការងារបច្ចេកទេសមួយចំនួន ក្នុងការងារសង្គ្រោះបឋមដល់អ្នកជំងឺដោយសារតែមានបញ្ហាបេះដូង ឬជួបបញ្ហាសុខភាពផ្សេងៗ ដែលកើតមាន នៅក្នុងព្រឹត្តិការអង្គរសង្ក្រាន្ត។

ជាមួយគ្នានេះដែរ នៅគ្រប់មន្ទីរពេទ្យ មណ្ឌលសុខភាព ទាំងអស់ក្នុងខេត្តសៀមរាប គឺក៏មានគ្រូពេទ្យផ្តល់សេវាសុខភាពធម្មតា ដោយពុំមានការអនុញ្ញាតឱ្យឈប់សម្រាកនោះទេ។

លោកវេជ្ជបណ្ឌិត ក្រុស សារ៉ាត់ ក៏បានអំពាវនាវឱ្យបងប្អូនប្រជាពលរដ្ឋទាំងអស់ ជាពិសេសភ្ញៀវទេសចរជាតិ អន្តរជាតិ និងប្រជាពលរដ្ឋដែលមកកម្សាន្ត នៅក្នុងព្រឹត្តការណ៍អង្គរសង្ក្រាន្តសូមថែរក្សាសុខភាពឱ្យបានល្អ ត្រូវទទួលទានទឹកឱ្យបានច្រើន ទទួលទានអាហារឱ្យមានអនាម័យ ដើម្បីសុខភាពល្អទាំងអស់គ្នា ពោលគឺមក្សាន្តសប្បាយហើយ ត្រឡប់ទៅផ្ទះវិញដោយសុខភាពល្អ៕

ដោយ៖ជុន កុសល

The post ខេត្តសៀមរាបត្រៀមគ្រូពេទ្យប្រចាំការជិត៣០០នាក់សម្រាប់ព្រឹត្តិការណ៍អង្គរសង្ក្រាន្ត appeared first on Kampuchea Thmey Daily.

ប្រធានក្រុមការងារប្រតិបត្តិនៃព្រឹត្តិការណ៍អង្គរសង្ក្រាន្ត  លោក សុខ សប្បាយណា អះអាងថា ព្រឹត្តិការណ៍អង្គរសង្ក្រាន្តមានយុវជនស្ម័គ្រចូលរួមរៀបចំជាង៥២០០នាក់ ក្នុងនោះស.ស.យ.ក កំណត់រើសយកយុវជនចំនួន២/៣ មកពីរាជធានីខេត្តផ្សេងៗក្រៅពីខេត្តសៀមរាប ក្រៅពីចំនួននេះ គឺ ស.ស.យ.ក ជ្រើស រើសយក យុវជនស្ម័គ្រចិត្តចំនួន១/៣ ដែលរស់នៅខេត្តសៀមរាប។ លោក សុខ សប្បាយណា ឱ្យដឹងថា សម្រាប់យុវជនស្ម័គ្រចិត្តនៃព្រឹត្តិការណ៍ “អង្គរសង្រ្កាន្ត” ឆ្នាំ២០២៥ នឹងទទួលបានការស្នាក់នៅសណ្ឋាគារទំនើប អាហារហូបចុកចំនួន៣ពេល ទឹកបរិសុទ្ធ និងភេសជ្ជៈ  វត្ថុអនុស្សាវរីយ៍ ​ឯកសណ្ឋានព្រឹត្តិការណ៍  សម្ភារបំពេញការងារ និងការធ្វើដំណើរពីភ្នំពេញទៅខេត្តសៀមរាប និងពីសណ្ឋាគារស្នាក់នៅទៅទីតាំងព្រឹត្តិការណ៍អង្គរសង្ក្រាន្តដោយគិតថ្លៃ។

លោក សុខ សប្បាយណា លើកឡើងថា បើ ស.ស.យ.ក រើសយកសមាជិក ស.ស.យ.ក សកម្មជាង២០ម៉ឺននាក់នៅទូទាំងប្រទេសកម្ពុជា ឬជ្រើសរើសយក យុវជន នៅខេត្តសៀមរាបទាំងអស់ ឱ្យបំពេញការងាររៀបចំព្រឹត្តិការណ៍អង្គរសង្ក្រាន្ត គឺស.ស.យ.ក  នឹងចំណេញថវិកាលើថ្លៃសណ្ឋាគារមួយ ហើយអាចរៀបចំព្រឹត្តិការណ៍អង្គរសង្ក្រាន្តក៏បានដូចគ្នា។ ប៉ុន្តែ ស.ស.យ.ក សុខចិត្តរើសយកយុវជនមកពីគ្រប់ទិសទីក្រៅខេត្តសៀមរាបចំនួនជាង៣ពាន់នាក់ឱ្យចូលរួមរៀបចំព្រឹត្តិការណ៍អង្គរសង្ក្រាន្តដោយសុខចិត្តបន្ថែមការចំណាយលើថ្លៃស្នាក់នៅ គឺដើម្បីឱ្យយុវជនមកពីគ្រប់ទិសទី បានចូលរួមក្នុងស្មារតីខ្មែរ តែរៀបចំព្រឹត្តិការណ៍ លើកស្ទួយវប្បធម៌ និងអរិយធម៌ខ្មែរ។

លោក សុខ សប្បាយណា ពន្យល់ពីមូលហេតុ ដែលរើសយកយុវជនស្ម័គ្រចិត្ត ដែលជាមិនមែនសមាជិក ស.ស.យ.ក ឬអ្នករស់នៅខេត្តផ្សេងៗក្រៅពីខេត្តសៀមរាបដូច្នេះ  ៖«ជាចក្ខុវិស័យរបស់ឯកឧត្ដមប្រធាន(ឯកឧត្ដម ហ៊ុន ម៉ានី ប្រធានស.ស.យ.ក) ក្នុងការផ្ដល់ឱកាសឱ្យយុវជនគ្រប់រូប ក្នុងនាមជាខ្មែរតែមួយ ដើម្បីជាវេទិកចូលរួមទាំងអស់គ្នា​ ជាកោសិកាសំខាន់ទាំងអស់គ្នា​ ដើម្បីលើកស្ទួយអ្វីជាវប្បធម៌ អរិយធម៌របស់យើង»។

សម្រាប់លោក សុខ សប្បាយណា យុវជនមានកាតព្វកិច្ចស្វែងយល់ ការពារ ផ្សព្វផ្សាយរាល់នូវអ្វីដែលជាវប្បធម៌ និងមរតកដូនតាខ្មែរ និងផ្ដល់ឱកាសឱ្យយុវជនជំនាន់ក្រោយបានស្វែងយល់ ថែរក្សាបន្តទៀតឱ្យបានគង់វង្ស។

គួរឱ្យដឹង ព្រឹត្តិការណ៍អង្គរសង្រ្កាន្ត ត្រូវបានផ្ដួចផ្ដើមរៀបចំឡើងជាផ្ទាំងទស្សនីយភាពវប្បធម៌ទ្រង់ទ្រាយធំជាលើកដំបូងនៅក្នុងឆ្នាំ២០១៣ លើទឹកដីអង្គរនៃខេត្តសៀមរាប ដោយសហភាពសហព័ន្ធយុវជនកម្ពុជា (ស.ស.យ.ក.) ក្នុងគោលបំណងប្រមូលផ្តុំយុវជន និងសាធារណជន ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ជាមហាគ្រួសារខ្មែរតែមួយ រម្លឹក និងធ្វើឱ្យរស់រវើកឡើងនៃមរតកបេតិកភណ្ឌអរូបីខ្មែរ ចូលរួមថែរក្សា និងអភិវឌ្ឍន៍វប្បធម៌ជាតិ និងលើកស្ទួយកិត្យានុភាពជាតិលើឆាកអន្តរជាតិផ្តល់ឱកាសដល់យុវជន ប្រជាពលរដ្ឋ ភ្ញៀវទេសចរជាតិ និងអន្តរជាតិបានសិក្សាអំពីកិត្តិនាម ភាពចម្រុះនៃវប្បធម៌ អរិយធម៌ ប្រពៃណី និងសាសនា។

ព្រឹត្តិការណ៍អង្គរសង្ក្រាន្ត បានរៀបចំខួបលើកទី១០ របស់ខ្លួននៅក្នុងឆ្នាំ២០២៣។ ចំណែកឆ្នាំ២០២៤ ព្រឹត្តិការណ៍អង្គរសង្ក្រាន្តមិនបានរៀបចំឡើយ ដោយទុកឱ្យតាមបណ្ដារាជធានីខេត្តរៀបចំព្រឹត្តិការណ៍សង្ក្រាន្តវិញម្ដង។ សម្រាប់ការរៀបចំព្រឹត្តិការណ៍អង្គរសង្ក្រាន្តក្នុងឆ្នាំ២០២៥នេះ ឡើងវិញ គឺអនុវត្តតាមបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕

ដោយ៖ ង៉ិល ណារ៉ាត់

The post លោក សុខ សប្បាយណា៖ អង្គសង្ក្រាន្ត ផ្ដល់ឱកាសឱ្យយុវជនខ្មែរមកពីគ្រប់ទិសទី បានលើកស្ទួយវប្បធម៌ អរិយធម៌រួមគ្នា appeared first on Kampuchea Thmey Daily.

ក្នុងសិក្ខាសាលាផ្សព្វផ្សាយ និងជំរុញការផ្សព្វផ្សាយពីព្រឹត្តិការណ៍អង្គរសង្ក្រាន្ត នាថ្ងៃទី០២ ខែមេសា ឆ្នាំ២០២៥នេះ លោក សុខ សប្បាយណា ប្រធានក្រុមប្រតិបត្តិអង្គរសង្ក្រាន្ត បានលើកឡើងថា អង្គរសង្ក្រាន្ត បានបង្កើតឡើង គឺដើម្បីជាតិ ដើម្បីបំផុសស្មារតីថា ខ្មែរធ្វើបាន។ ចាប់តាំងពី ឆ្នាំ២០១៣មក ព្រឹតិ្តការណ៍អង្គរសង្ក្រាន្ត បានរួមចំណែកយ៉ាងធំធេង នៅក្នុងការជួយដល់វិស័យទេសចរណ៍របស់ខេត្តសៀមរាប តាមរយៈការបង្ហាញនូវគោលដៅទេសចរណ៍សំខាន់ៗ និងបានគាស់កកាយនូវទម្រង់សិល្បៈ វប្បធម៌ ល្បែងរបាំប្រជាប្រិយរបស់ខ្មែរជាច្រើនទម្រង់ បង្ហាញទៅកាន់ទេសចរណ៍ជាតិ និងអន្តរជាតិ។

លោកបន្តថា សម្រាប់អង្គរសង្ក្រាន្តឆ្នាំនេះ ក៏មិនខុសគ្នាពីឆ្នាំមុនៗដែរ ពោល គឺអង្គរសង្ក្រាន្ត នៅតែរក្សាបានគោលបំណងរបស់ខ្លួន គឺការផ្សព្វផ្សព្វអំពីទេសចរណ៍ និងសិល្បៈវប្បធម៌ ក្នុងនោះអង្គរសង្ក្រាន្តបានលើកយកនូវកម្មវិធីកម្សាន្តធំៗចំនួន ៣៨កម្មវិធី ដោយក្នុងកម្មវិធីនីមួយៗ មានការសម្តែងសិល្បៈ ល្បែងប្រជាប្រិយរបស់ខ្មែរជាច្រើនទម្រង់ផ្សេងៗគ្នា។ ដូច្នេះការចូលរួមផ្សព្វផ្សាយអំពីអង្គរសង្ក្រាន្ត ជាការចូលរួមយ៉ាងសំខាន់ក្នុងការជួយដល់សេដ្ឋកិច្ចរបស់អ្នកខេត្តសៀមរាប តាមរយៈការបង្ហាញនូវគោលដៅទេសចរណ៍សំខាន់ៗដល់អ្នកទេសចរជាតិ និងអន្តរជាតិ។

ជាមួយគ្នានេះ លោក សោម រតនា ប្រធានក្រុមការងារផ្សព្វផ្សាយ និងទំនាក់ទំនងសាធារណៈរបស់អង្គរសង្ក្រាន្ត បានបង្ហាញថា អង្គរសង្ក្រាន្តបានជួយរួមចំណែកធំនៅក្នុងការជួយដល់វិស័យទេសចរណ៍ សិល្បៈប្រពៃណីវប្បធម៌របស់ខ្មែរ ប៉ុន្តែ អង្គរសង្ក្រាន្តក៏នៅតែទទួលការវាយប្រហារ លាបពណ៌ ពីសំណាក់មជ្ឈដ្ឋានមួយចំនួន ដែលការណ៍នេះ ក៏ជាផ្នែកមួយធ្វើឲ្យប៉ះពាល់ដល់កិច្ចខិតខំប្រឹងប្រែងរបស់ក្រុមយុវជនស្ម័គ្រចិត្ត ជាពិសេស សហភាពសហព័ន្ធយុវជនកម្ពុជា ដែលជាអ្នករៀបចំព្រឹត្តិការណ៍នេះ។ ដូច្នេះការផ្សព្វផ្សាយដែលចំគោលដៅ ក៏ជាចំណែកមួយក្នុងការលុបបំបាត់ព័ត៌មានបែបលាបពណ៌នេះផង និងបានជួយដល់វិស័យទេសចរណ៍ សសិល្បៈវប្បធម៌ខ្មែរផងដែរ។

រីឯ លោក ង៉ូវ សេងកាក់ អភិបាលរងខេត្តសៀមរាប បានថ្លែងថា អង្គរសង្ក្រាន្តពិតជាមានសារៈសំខាន់ក្នុងការជួយដល់សេដ្ឋកិច្ចខេត្តសៀមរាប។ ក្នុងនាមអាជ្ញាធរខេត្ត និងប្រជាពលរដ្ឋ សូមថ្លែងនូវការអរគុណចំពោះរាជរដ្ឋាភិបាលកម្ពុជា និងសហភាពសហព័ន្ធយុវជនកម្ពុជា និងអ្នកពាក់ព័ន្ធទាំងអស់ដែលបានជួយឱ្យមានព្រឹត្តិការណ៍ដ៏សំខាន់នេះនៅក្នុងខេត្តសៀមរាប។

សូមជម្រាបថា កាលពីឆ្នាំ២០១៣ ព្រឹត្តិការណ៍អង្គរសង្ក្រាន្ត ខេត្តសៀមរាបទទួលបានអ្នកទេសចរប្រមាណ ១៧ម៉ឺននាក់ ហើយចំនួននេះ មានការកើនឡើងជាលំដាប់ ដោយនៅក្នុងឆ្នាំ២០២៣ ដែលជាខួប១០ឆ្នាំរបស់អង្គរសង្ក្រាន្ត ខេត្តសៀមរាប ទទួលបានអ្នកទេសចរចូលមកកម្សាន្តក្នុងព្រឹត្តិការណ៍នេះ ប្រមាណជាង ២លាននាក់ និងមានលំហូរសាច់ប្រាក់ចូលមកក្នុងខេត្តនេះប្រមានជាង ១២៦លានដុល្លាអាមេរិក៕

ដោយ៖ គឿនវេត

The post លោក សុខ សប្បាយណា៖ អង្គរសង្ក្រាន្តបង្កើតឡើងដើម្បីជាតិ និងបំផុសស្មារតីថា “ខ្មែរធ្វើបាន” appeared first on Kampuchea Thmey Daily.

ក្នុងកិច្ចប្រជុំនោះ លោកសហប្រធានអង្គប្រជុំបានសំណូមពរឲ្យគ្រប់មន្ទីរ អង្គភាព ជាសមាជិកនៃអនុគណៈកម្មការ លើកនូវរាល់ផែនការដែលបានគ្រោង ជាមួយក្រុមគណៈកម្មការរៀបចំអង្គរសង្ក្រាន្ត ព្រមទាំងសំណូមពរមួយចំនួន ដើមី្បធ្វើកិច្ចពិភាក្សានៃកិច្ចប្រជុំនាពេលនេះ ដោយផ្តោតទៅលើការងាររៀបចំប្រព័ន្ធអគ្គិសនីសម្រាប់ផ្គត់ផ្គង់, ទីតាំងសម្រាប់ប្រចាំការរបស់សុខាភិបាល, ការរៀបចំទីតាំងដាក់បង្គន់អនាម័យ, ការរៀបចំប្រព័ន្ធទឹក និងការសម្អាតបរិស្ថាន ព្រមទាំងបង្កើនប្រព័ន្ធផ្សព្វផ្សាយព័ត៌មានឲ្យបានទូលំទូលាយផងដែរ។ ក្នុងកិច្ចពិភាក្សាបានល្អិតល្អន់ស៊ីជម្រៅទៅលើការងាររៀបចំអង្គរសង្ក្រាន្ត ដែលបានកំណត់ទីតាំងកម្សាន្តទាំង៤កន្លែង មាននៅមុខប្រាសាទអង្គរវត្ត, សួនច្បារព្រះរាជដំណាក់ , តាមដងស្ទឹងសៀមរាប និងតំបន់អង្គរឃ្យុងយូ កន្លែងប្រណាំងរទេះគោ ក្របី ។

លោក នាក់ ណេរ៉ុន និងលោក សុខ ថុល ជាសហប្រធានទាំងពីរ បានជំរុញដល់គ្រប់មន្ទីរ អង្គភាពដែលទទួលភារកិច្ចទាំងនេះ ត្រូវខិតខំយកចិត្តទុកដាក់លើការងារមួយចំនួន ក្នុងនោះ អង្គភាពអគ្គិសនី ត្រូវត្រួតពិនិត្យឲ្យបានត្រឹមត្រូវ នូវខ្សែបណ្តាញភ្លើង ដើម្បីធានាឲ្យបាននូវសុខសុវត្ថិភាពនៅក្នុងព្រឹត្តិការណ៍អង្គរសង្រ្កាន្ត និងមន្ទីរបរិស្ថាន ត្រូវរៀបចំឲ្យមានបង្គន់អនាម័យចល័តនៅតាមគោលដៅដែលបានកំណត់ ដែលបានលើកឡើង ទាំងការសម្អាតអនាម័យ បរិស្ថាន ព្រមទាំងការដឹកជញ្ជូនសំរាម ជាដើម ។ មន្ទីរសុខាភិបាល ធ្វើការត្រួតពិនិត្យនៅតាមគោលដៅ កន្លែងប្រចាំការ និងក្រុមការងារសម្រាប់សង្រ្គោះបន្ទាន់ក្នុងព្រឹត្តិការណ៍អង្គរសង្រ្កាន្ត ព្រមទាំងសូមឲ្យអង្គភាព រដ្ឋាករទឹក ធ្វើការរៀបចំខ្សែបណ្តាញផ្គត់ផ្គង់ទឹកស្អាត នៅគ្រប់គោលដៅមានបន្ទប់ទឹក និងទឹកស្រោចស្រព ព្រមទាំងបង្កើនប្រព័ន្ធផ្សព្វផ្សាយព័ត៌មានឲ្យបានទូលំទូលាយដល់មហាជនផងដែរ ។ ម៉្យាងទៀតសូមឲ្យអាជ្ញាធរក្រុងសៀមរាប ធ្វើការផ្សព្វផ្សាយដល់ប្រជាពលរដ្ឋ ម្ចាស់សណ្ឋាគារ ផ្ទះសំណាក់ និង ភោជនីយដ្ឋាន ដែលស្ថិតនៅតាមបណ្តាដងវិថី ដែលត្រូវបានហាមឃាត់ធ្វើចរាចរណ៍ឆ្លងកាត់ នៅក្នុងព្រឹត្តិការណ៍អង្គរសង្ក្រាន្ត ដើមី្បដាក់ពាក្យស្មើសុំប័ណ្ណសម្គាល់ ក្នុងការចេញចូល ។

លោកសហប្រធានទាំងពីរក៏បានសង្កត់ធ្ងន់ទៅលើ សុវត្ថិភាពតាមដងផ្លូវ ដែលសម្បូរដើមឈើធំ នៅពេលមានខ្យល់ ភ្លៀង តែងជួបប្រទះបញ្ហាការបាក់មែកឈើងាប់ៗ បណ្តាលឲ្យប៉ះពាល់ដល់យានយន្ត និង អ្នកដំណើរ ព្រមទាំងសុំឲ្យមន្ទីរដែលពាក់ព័ន្ធ ធ្វើការកាត់នូវរាល់មែកឈើទាំងនោះ ដើមី្ប ធានាសុវត្ថិភាពដល់ភ្ញៀវជាតិ អន្តរជាតិ ដែលបានអញ្ជើញមកចូលរូម សាទរព្រឹត្តិការណ៍អង្គរសង្រ្គាន្តនេះ ។ ម៉្យាងទៀត ដោយខេត្តសៀមរាបជាម្ចាស់ផ្ទះ ក្នុងកិច្ចសហការរៀបចំព្រឹត្តិការណ៍នេះឡើង ជាមួយសហភាពសហព័ន្ធយុវជនកម្ពុជា  ឆ្ពោះទៅភាពជោគជ័យរបស់យើង ។ ព្រឹត្តិការណ៍អង្គរសង្ក្រាន្តឆ្នាំ២០២៥ ត្រូវបានចងក្រងជាប្រវត្តិសាស្ត្រ ដើមី្បឆ្ពោះទៅការចុះបញ្ជីជាសម្បត្តិបេតិកភណ្ឌពិភពលោកទៀតផង ។  លោកសហប្រធានទាំងពីរក៏បាន ធ្វើការផ្តាំផ្ញើដល់មន្ទីរ អង្គភាព និង សមាជិកអនុ  គណៈកម្មការទាំងអស់ ត្រូវមានការទទួលខុសត្រូវខ្ពស់ ដើមី្បលើកកិត្តិសយព្រះរាជាណាចក្រកម្ពុជា ក៏ដូចខេត្តសៀមរាប ដោយត្រូវអនុវត្តទៅតាមតួនាទី ជំនាញរបស់ខ្លួន ឲ្យសម្រេចបានជោគជ័យ ៕

ដោយ៖ គឿនវេត

The post អាជ្ញាធរខេត្តសៀមរាប ជំរុញឱ្យយកចិត្តទុកដាក់ខ្ពស់លើការផ្គត់ផ្គង់ទឹក ភ្លើង អនាម័យ ក្នុងព្រឹត្តិការណ៍អង្គរសង្រ្កាន្ត appeared first on Kampuchea Thmey Daily.

ការលើកឡើងនេះ ធ្វើនៅថ្ងៃទី០៩ ខែមីនា ឆ្នាំ២០២៥ ក្នុងឱកាស  លោក សុខ សប្បាយណា ដឹកនាំក្រុមការងារជួបពិភាក្សា និងស្វែងយល់ពីការងារជាមួយក្រុមអ្នកផលិតមាតិកាក្នុងខេត្តសៀមរាប។ លោក បានបញ្ជាក់ថា សម្រាប់ព្រឹត្តិការណ៍អង្គរសង្ក្រាន្ត ឆ្នាំ២០២៥ គឺរិតតែមានលក្ខណៈពិសេស និងអស្ចារ្យជាងឆ្នាំមុនៗ ដែលធ្វើយ៉ាងណាផ្តល់ស្នាមញញឹម និងផ្តល់ភាពសប្បាយរីករាយដល់មហាក្រុមគ្រួសារខ្មែរ ក្នុងឱកាសនៃការអបអរសាទរបុណ្យចូលឆ្នាំថ្មីប្រពៃណីជាតិ ជាមួយនឹងកម្មវិធីកម្សាន្តជាច្រើន អមជាមួយការលេងល្បែងប្រជាប្រិយ រួមនឹងផ្ទាំងទស្សនីយភាពដ៏អស្ចារ្យជាច្រើនទៀត។

លោក សុខ សប្បាយណា បន្តថា ប្រធានបទនៃព្រឹត្តិការណ៍អង្គរសង្ក្រាន្តឆ្នាំ២០២៥នេះ នឹងលើកយកនូវកេរដំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គរ ហើយជាការរម្លឹកពីមរតកបេតិកភណ្ឌអរូបីខ្មែរ នៅលើទីតាំងនៃមរតកបេតិកភណ្ឌរូបី។ ម្យ៉ាងក៏ជាការចូលរួមអភិរក្ស អភិវឌ្ឍវប្បធម៌ជាតិ លើកស្ទួយកិត្យានុភាពជាតិលើឆាកអន្តរជាតិ និងផ្ដល់ឱកាសឱ្យយុវជន ភ្ញៀវទេសចរ បានស្វែងយល់អំពីភាពរុងរឿងនៃវប្បធម៌ អរិយធម៌ ទំនៀមទម្លាប់ ប្រពៃណី និងសាសនាផងដែរ។ ទន្ទឹមនឹងនេះ ព្រឹត្តិការណ៍អង្គរសង្រ្កាន្ត ក៏ជាផ្នែកមួយជួយជំរុញទេសចរណ៍ផ្ទៃក្នុង និងទាក់ទាញភ្ញៀវបរទេស ហើយក៏ផ្ដល់ឱកាស និងចំណូលដល់អាជីវករ និងប្រជាពលរដ្ឋក្នុងខេត្តសៀមរាបផងដែរ។

សូមជម្រាបថា សម្រាប់ឆ្នាំ២០២៥នេះ ព្រឹត្តិការណ៍អង្គរសង្ក្រាន្ត នឹងបង្ហាញខ្លួនជាថ្មី ជាមួយនឹងការរំលេចពីផ្ទាំងទស្សនីយភាពជាច្រើនទៀត លើទឹកដីអង្គរដ៏បវរនៃយើង ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ ក្រោមប្រធានបទ «ញញឹមសាទរសង្ក្រាន្តឆ្នាំថ្មី» ក្នុងន័យបង្កើតនូវស្នាមញញឹមរបស់ប្រជាជាតិខ្មែរមកពីគ្រប់ទិញទី ក្នុងឱកាសនៃការប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរយើង។

ជាមួយគ្នានេះ លោក ស៊ុន ចំណាន នាយករងរដ្ឋបាលសាលាខេត្តសៀមរាប បង្ហាញថា រយៈពេល៣ថ្ងៃ នៃព្រឹត្តិការណ៍អង្គរសង្ក្រាន្ត ក្រៅពីព្រឹត្តិការណ៍នេះ ពិតណាស់ភ្ញៀវទេសចរនឹងមានដំណើរកម្សាន្តនានាផ្សេងទៀតនៅក្នុងខេត្ត ពីសំណាក់ភ្ញៀវទេសចរគ្រប់ជាតិសាសន៍ចូលមកទស្សនា។ ជាមួយនេះ លោកបានផ្តាំផ្ញើទៅដល់ក្រុមអ្នកផលិតមាតិកាវីដេអូក្នុងខេត្តទាំងអស់ បន្តជួយរៀបចំផលិតវីដេអូថ្មីៗ ដើម្បីពីព្រឹត្តិការណ៍អង្គរសង្ក្រាន្ត ជាពិសេសតំបន់ទេសចរនានានៅក្នុងខេត្តឱ្យបានទូលំទូលាយ ព្រមទាំងលើកស្ទួយដល់ខេត្តសៀមរាប ក៏ដូចជាវិស័យទេសចរណ៍ក្នុងខេត្ត ឱ្យមានភ្ញៀវមកចូលរួម និងទស្សនាខេត្តសៀមរាប ឱ្យច្រើនកុះករ នាថ្ងៃរៀបចំព្រឹត្តិការណ៍អង្គរសង្ក្រាន្តនាពេលខាងមុខ៕

ដោយ៖ គឿនវេត

The post លោក សុខ សប្បាយណា៖ អង្គរសង្ក្រាន្តឆ្នាំនេះនឹងរៀបចំអាស្ចារ្យជាងឆ្នាំមុនៗដើម្បីស្នាមញញឹមពលរដ្ឋខ្មែរ appeared first on Kampuchea Thmey Daily.

នៅក្នុងសន្និសីទសារព័ត៌មាន នាព្រឹកថ្ងៃទី៩ ខែមីនា ឆ្នាំ២០២៥ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានគណៈកម្មការរៀបចំព្រឹត្តិការណ៍អង្គរសង្ក្រាន្ត បានប្រកាសជាផ្លូវការនៃការត្រៀមរៀបចំព្រឹត្តិការណ៍អង្គរសង្ក្រាន្ត ឆ្នាំ២០២៥ ក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលគឺជាបំណងប្រាថ្នារបស់ប្រជាពលរដ្ឋជាច្រើនរូប។

អញ្ជើញចូលរួមក្នុងសន្និសីទសារព័ត៌មានស្ដីពីការត្រៀមរៀបចំព្រឹត្តិការណ៍អង្គរសង្ក្រាន្ត ឆ្នាំ២០២៥ នៅទីតាំងតំបន់ភូមិខ្ញុំ ក្នុងខេត្តសៀមរាប ក៏មានវត្តមានលោក សុខ សប្បាយណា ប្រធានក្រុមប្រតិបត្តិព្រឹត្តិការណ៍អង្គរសង្ក្រាន្ត លោក ប្រាក់ សោភ័ណ អភិបាលខេត្តសៀមរាប និងជាប្រធានសហភាពសហព័ន្ធយុវជនកម្ពុជាខេត្តសៀមរាប និងលោក ហង់ ពៅ អគ្គនាយកអាជ្ញាធរជាតិអប្សរា។

គណៈកម្មការរៀបចំព្រឹត្តិការណ៍អង្គរសង្ក្រាន្ត បានជម្រាបជូនពីគោលបំណង កម្មវិធី និងទិដ្ឋភាពនៃការគិតគូរពីការរៀបចំនានាក្នុងព្រឹត្តិការណ៍អង្គរសង្ក្រាន្តឆ្នាំ២០២៥នេះ ដែលមានលក្ខណៈពិសេស និងអស្ចារ្យ ធ្វើយ៉ាងណាផ្តល់ស្នាមញញឹម និងផ្តល់ភាពសប្បាយរីករាយដល់មហាក្រុមគ្រួសារខ្មែរ ក្នុងឱកាសនៃការអបអរសាទរបុណ្យចូលឆ្នាំថ្មីប្រពៃណីជាតិ។

តាមការបញ្ជាក់បន្ថែមរបស់គណៈកម្មការរៀបចំ គឺព្រឹត្តិការណ៍នេះ ដែលរៀបចំឡើងក្រោមប្រធានបទ «ញញឹមសាទរសង្ក្រាន្តឆ្នាំថ្មី» នឹងលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គររយៈពេល ៣ថ្ងៃ គឺថ្ងៃទី១៤ ១៥ និងថ្ងៃទី១៦ ខែមេសា ឆ្នាំ២០២៥ ក្នុងឱកាសនៃពិធីបុណ្យចូលឆ្នាំប្រពៃណីជាតិខ្មែរ៕

The post ព្រឹត្តិការណ៍អង្គរសង្ក្រាន្ត ឆ្នាំនេះ នឹងរៀបចំឡើងវិញក្រោមប្រធានបទ«ញញឹមសាទរសង្ក្រាន្តឆ្នាំថ្មី» appeared first on Kampuchea Thmey Daily.