ថ្លែងក្នុងពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន (២៦ មិថុនា) ដែលរៀបចំឡើងនៅសាលមហោស្រពកោះពេជ្រ នាថ្ងៃទី២៥ ខែមិថុនា ឆ្នាំ២០២៦ លោក នេត សាវឿន មានប្រសាសន៍ថា សញ្ញាវិជ្ជមានមួយដែលកត់សម្គាល់បាន គឺនៅឆ្នាំ២០២៥ បរិមាណគ្រឿងញៀនដែលប៉ុនប៉ងនាំចូលមកកម្ពុជាបានថយចុះ ហើយនៅសល់ត្រឹមតែប្រមាណពី ១៥ ទៅ ២០ ភាគរយ ប៉ុណ្ណោះដែលបានប៉ុនប៉ងចរាចរចូលក្នុងប្រទេស។

លោកបន្តថា ការចែកចាយ និងការប្រើប្រាស់គ្រឿងញៀននៅតាមក្លឹបកម្សាន្ត ព្រមទាំងសកម្មភាពលួចលាក់ផលិត និងកែច្នៃគ្រឿងញៀន ក៏ត្រូវបានបង្ក្រាប និងលុបបំបាត់ស្ទើរតែទាំងស្រុងផងដែរ។ លទ្ធផលទាំងនេះបានឆ្លុះបញ្ចាំងពីនិន្នាការវិជ្ជមាន និងបង្ហាញថា កម្ពុជាកំពុងដើរលើមាគ៌ាត្រឹមត្រូវក្នុងយុទ្ធនាការប្រយុទ្ធប្រឆាំងគ្រឿងញៀន។

ដើម្បីបន្តពង្រឹងប្រសិទ្ធភាព និងស័ក្តិសិទ្ធភាពនៃបេសកកម្មឆ្លើយតបទៅនឹងបញ្ហាគ្រឿងញៀន ក្នុងនាមជាតំណាងដ៏ខ្ពង់ខ្ពស់របស់នាយករដ្ឋមន្ត្រីកម្ពុជា លោក នេត សាវឿន បានអំពាវនាវដល់ប្រជាពលរដ្ឋ និងសង្គមជាតិទាំងមូល បន្តលើកកម្ពស់វប្បធម៌នៃការចូលរួម ដោយបំផុសស្មារតីរួម ចាត់ទុកបញ្ហាគ្រឿងញៀនជាបញ្ហារួមរបស់សង្គម ដែលទាមទារឱ្យគ្រប់ភាគីចូលរួមទប់ស្កាត់ និងដោះស្រាយប្រកបដោយការទទួលខុសត្រូវ។

គួរជម្រាបថា ក្នុងរយៈពេលឆមាសទី១ ឆ្នាំ២០២៦ សមត្ថកិច្ចអនុវត្តច្បាប់ទូទាំងប្រទេសបានសហការគ្នាយ៉ាងសកម្មក្នុងការបង្ក្រាបបទល្មើសគ្រឿងញៀនគ្រប់ទម្រង់ ដោយសម្រេចបានលទ្ធផលបង្ក្រាបចំនួន ៤,៧៥៩ ករណី និងឃាត់ខ្លួនជនពាក់ព័ន្ធសរុប ១២,១៩៤ នាក់ ក្នុងនោះមានស្ត្រី ៧៦៣ នាក់។ បើប្រៀបធៀបនឹងឆមាសទី១ ឆ្នាំ២០២៥ ចំនួនករណីបង្ក្រាបក្នុងឆ្នាំ២០២៦ បានថយចុះប្រមាណជិត ១០ភាគរយ ខណៈចំនួនជនល្មើសពាក់ព័ន្ធក៏មានការថយចុះដូចគ្នាផងដែរ។
នេះបើតាម លោក មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន។

រាជរដ្ឋាភិបាលកម្ពុជា ក្នុងនាមជាសមាជិកនៃអនុសញ្ញា និងពិធីសារនានា ស្តីពីគ្រឿងញៀន របស់អង្គការសហប្រជាជាតិ, បានរៀបចំប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ក្រោមស្មារតីធ្វើយ៉ាងណាបំផុសឱ្យមានចលនាជាតិទូទាំងប្រទេស ឱ្យចូលរួមយ៉ាងសកម្មក្លៀវក្លា ក្នុងយុទ្ធនាការប្រឆាំងនឹងគ្រឿងញៀន ដោយមានការប្រារព្ធទិវានេះ ទាំងនៅថ្នាក់ជាតិ និងតាមបណ្តា ខេត្តទាំង២៤៕

The post លោក នេត សាវឿន៖ បរិមាណគ្រឿងញៀនប៉ុនប៉ងនាំចូលកម្ពុជាថយចុះ ខណៈទីតាំងកែច្នៃត្រូវបានលុបបំបាត់ស្ទើរទាំងស្រុង appeared first on Kampuchea Thmey Daily.

លោក ធូ ភា អភិបាលរងតំណាងអភិបាលខេត្តបាត់ដំបង បានមានប្រសាសន៍ដោយបានលើកឡើងនូវសភាពការណ៍ទូទៅពាក់ព័ន្ធនឹងការងារសន្តិសុខ សណ្ដាប់ធ្នាប់ ការងារប្រយុទ្ធប្រឆាំងគ្រឿងញៀន ការងារបង្ក្រាបករណីបារីអេឡិចត្រូនិច Vape ។ល។

ថ្លែងក្នុងនាមនាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយអប់រំ និងទំនាក់ទំនងសាធារណៈ បានពាំនាំនូវប្រសាសន៍ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ថ្លែងអំណរគុណកោតសរសើរ ចំពោះកិច្ចសហការប្រកបដោយស្មារតីទទួលខុសត្រូវរបស់ក្រសួងអប់រំ យុវជន និងកីឡា និងបានលើកឡើងថា បញ្ហាគ្រឿងញៀនគឺជាបញ្ហារួមរបស់យើងទាំងអស់គ្នាដែលតម្រូវឲ្យមានការចូលរួមពីគ្រប់សមាសភាព បង្ការទប់ស្កាត់កុំឲ្យរីករាលដាលក្នុងសហគមន៍ដែលក្នុងនោះយុវជនគឺជាកម្លាំងស្នូលជួយទៅដល់ការងារផ្សព្វផ្សាយ អប់រំ ផ្តល់ព័ត៌មានពិតដល់ក្រុមគ្រួសារក៏ដូចជាប្រជាពលរដ្ឋទូទៅក្នុងសហគមន៍ មិនទៅពាក់ព័ន្ធនឹងគ្រឿងញៀនដែលនាំទុក្ខដល់ខ្លួនឯង នាំចម្បែងដល់ក្រុមគ្រួសារ និងនាំបញ្ហាដល់សហគមន៍ ព្រមទាំងបានលើកទឹកចិត្តដល់អ្នកចូលរួមទាំងអស់ត្រូវជួយផ្សព្វផ្សាយ និងប្រើប្រាស់ App NoDrug: https://nodrugsnacd.com/download_kh ដើម្បីចំណេះដឹង ព័ត៌មាន កំសាន្ត អប់រំ ព្យាបាល រាយការណ៍យកគ្រឿងញៀនចេញពីសហគមន៍។

លោកសាស្ត្រាចារ្យ វេជ្ជបណ្ឌិត មហាបរិញ្ញា ហោ ប៊ុនឡេង អនុប្រធានអាជ្ញាធរជាតិប្រយុទ្ធ និងជំងឺអេដស៍ បានថ្លែងថា សុខភាពគឺជីវិតហើយការអប់រំគឺការអភិវឌ្ឍ ស្របតាមផែនការយុទ្ធសាស្រ្តជាតិស្តីពីសុខភាពសិក្សា រួមគ្នាបង្ការទប់ស្កាត់និងដោះស្រាយរាល់បញ្ហាផ្សេងៗ គាំពាសុខភាព និងអនាគតរបស់កុមារ/យុវជនដែលជាទំពាំងស្នងឬស្សី និងសូមអំពាវនាវដល់អ្នកចូលរួមទាំងអស់ឲ្យខិតខំបង្កើនការងារផ្សព្វផ្សាយអប់រំ ផ្ដល់ចំណេះដឹង និងបំផុសការចូលរួមពីប្រជាពលរដ្ឋបន្ថែម ឆ្ពោះទៅជោគជ័យរួមគ្នា គឺកសាងបានសង្គមមួយដែលមានការរីកចម្រើន អភិវឌ្ឍលើគ្រប់វិស័យ ដោយគ្មានការញាំញីពីបញ្ហាគ្រឿងញៀន បារីអេឡិចត្រូនិក គ្រោះថ្នាក់ចរាចរណ៍ និងបញ្ហាសង្គមនានា និងជំរុញការទាញយកប្រើប្រាស់ App NoDrug បង្កើនចំណេះដឹងបច្ចេកវិទ្យាដើម្បីធ្វើការសិក្សាស្រាវជ្រាវគឺ ” រៀនឲ្យពូកែ រៀនឱ្យឆ្លាត “៕

The post អាជ្ញាធរជាតិប្រយុទ្ធប្រឆាំងគ្រឿងញៀន និងក្រសួង​អប់រំ រួមគ្នាបង្ការទប់ស្កាត់បញ្ហាគ្រឿង​ញៀនក្នុងសាលារៀន និងសហគមន៍ appeared first on Kampuchea Thmey Daily.

លោកបានលើកឡើងបែបនេះ នៅក្នុងកម្មវិធីប្រកួតវោហាកោសល្យរបស់និស្សិតនៃ វិទ្យាស្ថានជាតិកសិកម្មព្រែកលៀប កាលពីថ្ងៃទី​០៣ ខែមេសា ឆ្នាំ ២០២៦ ដែលមានអ្នកចូលរួមជាង២០០នាក់។

ក្នុងឱកាសនោះ លោក លឹម តុងហួត បានថ្លែងកោតសសើរដល់ថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ព្រមទាំងអ្នកពាក់ព័ន្ធដែលបានផ្តល់កិច្ចសហការរៀបចំការប្រកួតឱ្យទទួលបានជោគជ័យហើយនិស្សិតទាំងអស់ទទួលបានចំណេះដឹងពីបញ្ហាគ្រឿងញៀន និងអត្ថប្រយោជន៍ពីការប្រើប្រាស់App NoDrug និងបារីអេឡិចត្រូនិក។ លោកមានប្រសាសន៍ថា៖«ពួកគាត់អាចជាសកម្មជនថ្មីចូលរួមជួយដល់ការងារផ្សព្វផ្សាយ អប់រំ ” ខ្ញុំនិងអ្នក មិត្តខ្ញុំនិងមិត្តអ្នក មិនប្រើគ្រឿងញៀន សហគមន៍យើងនឹងមានសុវត្ថិភាព»។

ចំណែកលោក ឡោ រស្មី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ក៏បានថ្លែងកោតសរសើរដល់គ្រប់ភាគីពាក់ព័ន្ធ ពិសេសនិស្សិតវិទ្យាស្ថានជាតិកសិកម្មព្រែកលៀប ដែលបានខិតខំប្រកបដោយមនសិកាស្នេហាជាតិ ស្រឡាញ់សង្គម ជួយសង្គម តាមរយ:ការចូលរួមយ៉ាងស្រួចស្រាល សហការគ្នា សាមគ្គីគ្នា ធ្វើការជាក្រុមនិងចូលរួមឆ្លើយតបនៅប្រធានបទចំនួន៣។

ប្រធានបទទាំងនោះរួមមាន  ១.តួនាទីយុវជនក្នុងការងារយុទ្ធប្រឆាំងគ្រឿងញៀន ២.អត្ថប្រយោជន៍ App NoDrug និង ៣.ផលវិបាកនៃបារីអេឡិចត្រូនិច។ ការប្រកួតវោហាកោសល្យនេះ ក្រុមនីមួយៗបានធ្វើបទបង្ហាញយ៉ាងផុសផុល ពាក់ព័ន្ធគ្រោះថ្នាក់នៃគ្រឿងញៀន និងបារីអេឡិចត្រូនិក​ នៅក្នុងសង្គម។

ក្នុងឱកាសនោះដែរ លោក ឡោ រស្មី លើកទឹកចិត្តដល់អ្នកចូលរួមឱ្យយកចំណេះដឹងដែលទទួលបាននេះទៅផ្សព្វផ្សាយបន្តបន្ថែមទៀតដើម្បីរួមគ្នាកសាងបាននូវសហគមន៍មួយមានសុវត្ថិភាពពីគ្រឿងញៀន មានការអភិវឌ្ឍរីកចម្រើនបន្ថែមទៀត៕

The post ឧត្តមសេនីយ៍ឯក លឹម តុងហួត ៖ ព្រឹត្តិការណ៍ប្រកួតវោហាកោសល្យបានផ្ដល់ចំណេះដឹងពីបញ្ហាគ្រឿងញៀន និងបារីអេឡិចត្រូនិក appeared first on Kampuchea Thmey Daily.

ថ្លែងរាយការណ៍ជូនសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ របស់អាជ្ញាធរជាតិប្រយុទ្ធប្រឆាំងគ្រឿងញៀននារសៀលថ្ងៃទី៦ ខែមីនា ឆ្នាំ២០២៦នេះ ឧបនាយករដ្ឋមន្រ្តី នេត សាវឿន បានលើកឡើងពីការចូលរួមយ៉ាងម៉ឺងម៉ាត់ពីគ្រប់ក្រសួង-ស្ថាប័ន អង្គភាពថ្នាក់ជាតិ និងថ្នាក់ក្រោមជាតិ ក្នុងការអនុវត្តនូវបទបញ្ជាលេខ០១បបស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង-ស្ថាប័ន និងរដ្ឋបាលថ្នាក់ក្រោមជាតិ ដោយបានធ្វើតេស្តរកសារធាតុញៀនលើមន្ត្រីរាជការ និងកងកម្លាំងប្រដាប់អាវុធ។

លោកឧបនាយករដ្ឋមន្ត្រី នេត សាវឿន បានថ្លែងឱ្យដឹងថា គិតចាប់ពីខែកុម្ភៈ ឆ្នាំ២០២៤ រហូតមកទល់បច្ចុប្បន្ននេះ មានមន្ត្រីរាជការ និងកងកម្លាំងប្រដាប់អាវុធសរុបចំនួន១៣១ ៤៧៣នាក់ បានធ្វើតេស្តរកសារធាតុញៀន ដោយក្នុងនោះ រកឃើញវិជ្ជមានចំនួន១០៤នាក់។ តាមការបញ្ជាក់របស់លោកឧបនាយករដ្ឋមន្ត្រី អ្នកដែលរកឃើញមានផ្ទុកសារធាតុញៀនទាំងនេះ គឺ១០៣នាក់ត្រូវបានបញ្ចប់មុខតំណែង និងបណ្តេញចេញពីក្របខ័ណ្ឌ ខណៈកំពុងបន្តនីតិវិធីចំនួន១នាក់។

លោកឧបនាយករដ្ឋមន្ត្រី ថា នេះគឺជាការឆ្លើយតបទៅនឹងគោលការណ៍«សម្អាតផ្ទះយើង»និង«សម្អាតចកចេញពីផ្ទៃបឹង របស់ប្រមុខរាជរដ្ឋាភិបាល សំដៅជំរុញអភិបាលកិច្ច ភាពស្អាតស្អំ និងភាពជាគំរូនៃការអនុវត្តច្បាប់។

រាជរដ្ឋាភិបាលកម្ពុជាបានដាក់ចេញនូវផែនការស្តីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់ជាបន្តបន្ទាប់ដែលគិតត្រឹមឆ្នាំ២០២៥កន្លងទៅមានចំនួន១០លើករួចមកហើយ ក្នុងគោលបំណងជំរុញ កៀរគរឱ្យមានការចូលរួមពីគ្រប់ក្រសួង ស្ថាប័ន រដ្ឋបាលគ្រប់ថ្នាក់ វិស័យឯកជន និងពលរដ្ឋទូទាំងប្រទេស ដើម្បីប្រមូលផ្តុំកម្លាំងសរុប វិធានការសរុប បង្កើតឱ្យបាននូវចលនាជាតិរួមគ្នាប្រយុទ្ធប្រឆាំងគ្រឿងញៀននៅកម្ពុជា។

ឆ្នាំ២០២៥កន្លងទៅ និន្នាការនៃឧក្រិដ្ឋកម្មគ្រឿងញៀនជាសកល នៅតែបន្តប្រែប្រួលស្មុគស្មាញ និងមានកំណើនគួរឱ្យបារម្ភ ជាពិសេសការប្រែប្រួលទាំងរូបភាពនិងសកម្មភាពនៃការផលិត ការកែច្នៃ ការជួញដូរ ច្រកដឹកជញ្ជូនឆ្លងកាត់ និងការពង្រីកភូមិសាស្ត្រនៃការប្រើប្រាស់។

ដោយពិនិត្យឃើញថា មហន្តរាយដែលបណ្តាលមកពីឧក្រិដ្ឋកម្មគ្រឿងញៀននៅតែបន្តរីករាលដាល ទាំងក្នុងតំបន់និងលើពិភពលោក រួមទាំងកម្ពុជាផងនោះ លោក នេត សាវឿន បានលើកឡើងថា រាជរដ្ឋាភិបាលកម្ពុជា សម្រេចបន្តដាក់ចេញនូវផែនការស្តីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី១១ ឆ្នាំ២០២៦ ក្នុងគោលដៅ ដើម្បីបន្តកិច្ចខិតខំប្រឹងប្រែងរួមគ្នាក្នុងការកាត់បន្ថយផលប៉ះពាល់អវិជ្ជមាននៃគ្រឿងញៀន ព្រមទាំងកសាងសង្គមដែលមានសុខុមាលភាពនិងសុវត្ថិភាពសម្រាប់ប្រជាពលរដ្ឋគ្រប់រូប ព្រមទាំងការពារកិត្តិយស៕

ដោយ៖ ធឿន វ៉ាន់សុង

The post មនុស្សយ៉ាងហោច១០៣នាក់ត្រូវបានដកតំណែង និងបណ្ដេញចេញពីក្របខណ្ឌរដ្ឋ ក្រោយរកឃើញពាក់ព័ន្ធគ្រឿងញៀន appeared first on Kampuchea Thmey Daily.

ក្នុង​នាម​អភិបាលស្រុកសៀមបូក លោក សួង ហ៊ី ក្នុងឱកាសនោះ  លោក ហម ថ្លា បានជម្រាបជូនប្រជាសហគមន៍អេកូទេសចរណ៍ អូរឬស្សីកណ្ដាល បានជម្រាបជូន​ពីការងារមួយចំនួនដើម្បីលើកកម្ពស់បាននូវជីវភាពរស់នៅ សុខភាព អនាម័យ បរិស្ថាន សន្តិសុខ សណ្តាប់ធ្នាប់ និងទាក់ទាញទេសចរណ៍ ក្នុងមូលដ្ឋានអូរឬស្សីកណ្ដាល ស្រុកសៀមបូក ខេត្តស្ទឹងត្រែង។

ក្នុងនាម នាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត បានថ្លែងនូវការកោតសសើរ និងបានលើកយកបញ្ហាគ្រឿងញៀន និងអត្ថប្រយោជន៍App NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន និងបានសំណូមពរ​ហើយ​ក៏ទទួលបានការឆ្លើយតបពីអ្នកចូលរួមទាំងអស់ថាប្ដេជ្ញាជួយផ្សព្វផ្សាយពីបញ្ហាគ្រឿងញៀនក៏ដូចជា App NoDrug ដល់ប្រជាសហគមន៍ ក្រុមគ្រួសារ ក៏ដូច​ជារួមគ្នាដើម្បីបានឆ្ពោះទៅកសាងបាននូវសុវត្ថិភាពសហគមន៍ពីបញ្ហាផ្សេងៗក្នុងនោះគឺមានបញ្ហាគ្រឿងញៀន​ជាចម្បង៕

The post អាជ្ញាធរ និងប្រជាសហគមន៍ទេសចរណ៍អូរឬស្សី​កណ្ដាល​រីករាយ ទទួល​បាន​ចំណេះដឹង​ពីបញ្ហា​គ្រឿងញៀន និងApp NoDrug appeared first on Kampuchea Thmey Daily.

ទាំងលោក សុទ្ធ សោភ័ណ អភិបាលស្រុក និងលោកជំទាវ សេង ទៀង អភិបាលរងខេត្តព្រៃវែង សុទ្ធតែបានថ្លែងដោយបានលើកឡើងពីការរីកចម្រើន សន្តិសុខ សណ្តាប់ធ្នាប់ និងការអនុវត្តគោលនយោបាយភូមិ ឃុំ សង្កាត់ មានសុវត្ថិភាពពិសេសបញ្ហាគ្រឿងញៀន។ 

ក្នុងនាមលោក នាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន ក្នុងឱកាសនោះ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈបានថ្លែងអំណរគុណដល់ក្រសួងក៏ដូចជាអាជ្ញាធរគ្រប់លំដាប់ថ្នាក់ដែលបានចូលរួមប្រយុទ្ធប្រឆាំងគ្រឿងញៀននាំមកនូវសុខសុវត្ថិភាពជូនប្រជាពលរដ្ឋហើយលោកបានចែករំលែកនូវចំណេះដឹងពាក់ព័ន្ធនឹងច្បាប់ស្ដីពីការត្រួតពិនិត្យគ្រឿងញៀនក៏ដូចជាការងារប្រយុទ្ធប្រឆាំងគ្រឿងញៀនតាមប្រព័ន្ធបច្ចេកវិទ្យា App NoDrug ។ 

ក្នុងនាមលោក សុខ សូកេន រដ្ឋមន្ត្រីក្រសួងអធិការកិច្ច ក្នុងឱកាសនោះដែរ លោកជំទាវ វី ស្រីពៅ រដ្ឋលេខាធិការក្រសួងអធិការកិច្ចបានថ្លែង ឱ្យបានលើកឡើងពីសារៈសំខាន់នៃការផ្សព្វផ្សាយច្បាប់ស្ដីពីការត្រួតពិនិត្យគ្រឿងញៀននិងបានសំណូមពរឱ្យបន្តអនុវត្តច្បាប់និងផ្សព្វផ្សាយបន្តដល់ប្រជាពលរដ្ឋទាំងអស់ឱ្យចូលរួមគោរពច្បាប់គ្រប់គ្នាដើម្បីសុខសុវត្ថិភាព គ្មានហិង្សា និងការរីកចម្រើនរបស់ប្រទេសជាតិ៕

The post អាជ្ញាធរគ្រឿងញៀននិងក្រសួងអធិការកិច្ច ផ្សព្វផ្សាយច្បាប់ និងជំរុញការប្រើប្រាស់ App NoDrug  appeared first on Kampuchea Thmey Daily.

ពិធីនេះ បានធ្វើឡើងក្រោមវត្តមានលោក ឡុង សេង អនុរដ្ឋលេខាធិការក្រសួងព័ត៌មាន និង ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយអប់រំនិងទំនាក់ទំនងសាធារណៈ នៃអគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន, និងឯកឧត្តម ម៉ែន អេង អភិបាលរង ខេត្តស្វាយរៀង ព្រមទាំងប្រតិភូ ក្រសួង ស្ថាប័ន និងមន្ទីរ អង្គភាពជុំវិញរដ្ឋបាលខេត្ត, មន្រ្តីរាជការ, កងកម្លាំងប្រដាប់អាវុធ, លោកគ្រូ អ្នកគ្រូ, សិស្សានុសិស្ស និងយុវជន យុវនារី ចំនួនប្រហែល៥០០នាក់។ 

នាឱកាសនោះដែរ​ លោក ឡុង សេង បានថ្លែងថា សភាពការណ៍គ្រឿងញៀន និងបំផុសឱ្យរួមគ្នាជាចលនាជាតិមួយក្នុងការប្រយុទ្ធប្រឆាំងគ្រឿងញៀន ដើម្បីកសាងសហគមន៍គ្មានគ្រឿងញៀន និងបានស្នើសុំឱ្យគ្រប់សមាសភាពមាន៖ទូរទស្សន៍ វិទ្យុ សិល្បករ-សិល្បការិនី ពិធីករ-ពិធីការិនី អ្នកផលិតមាតិកា បន្តចូលរួមចំណែកក្នុងការបញ្ជ្រាបនូវការយល់ដឹងអំពីបញ្ហាគ្រឿងញៀន ទៅកាន់គ្រប់មជ្ឈដ្ឋាន។  

ក្នុងឱកាសនោះដែរ លោក មែន អេង អភិបាលរង បានលើកឡើងដោយបានជំរុញឱ្យយុវជនស្រឡាញ់ការសិក្សា ខិតខំរៀនសូត្រ ចៀសឆ្ងាយពីគ្រឿងញៀន ដើម្បីអនាគតល្អ។ 

លោកឧត្តមសេនីយ៍ឯកលឹម តុងហួត លើកឡើងពីវិនាសកម្ម នៃគ្រឿងញៀន និងអត្ថប្រយោជន៍App NoDrug និងបានសំណូមពរដល់អ្នកចូលរួមទាំងអស់ឱ្យធ្វើការផ្សព្វផ្សាយបន្តដល់ក្រុមគ្រួសារ មិត្តភក្កិ និងមនុស្សជាទីស្រឡាញ់ទាំងអស់ ដើម្បីជៀសឆ្ងាយពីគ្រឿងញៀន រាយការណ៍យកគ្រឿងញៀនចេញពីសហគមន៍ ព្រមទាំងបានថ្លែងនូវអំណរគុណដល់ គ្រឹះស្ថានមីក្រូហិរញ្ញវត្ថុអិលអូអិលស៊ី LOLC ដែលតែងតែចូលរួមសកម្មភាពផ្សព្វផ្សាយ អប់រំ ពីបញ្ហាគ្រឿងញៀនជាមួយអាជ្ញាធរជាតិប្រយុទ្ធប្រឆាំងគ្រឿងញៀន៕

The post ក្រសួងព័ត៌មាន និងអាជ្ញាធរជាតិប្រយុទ្ធប្រឆាំងគ្រឿងញៀន បើកយុទ្ធនាការផ្សព្វផ្សាយអប់រំ ស្តីពីបញ្ហាគ្រឿងញៀន  appeared first on Kampuchea Thmey Daily.

លោក យង់ សវឌ្ឍនា អភិបាលរងខេត្ត និង​ជាប្រធាន​លេខាធិការដ្ឋាន​គណៈកម្មាធិការត្រួតពិនិត្យគ្រឿងញៀនខេត្តតាកែវបានថ្លែងថា សិក្ខាសាលានេះ​រៀបចំឡើង​ដើម្បីបង្កើនការយល់ដឹងអំពីផលប៉ះពាល់ និងគ្រោះថ្នាក់បណ្តាលមកពីបញ្ហាគ្រឿងញៀន បង្កើនការយល់ដឹងអំពីច្បាប់ស្តីពីការត្រួតពិនិត្យគ្រឿងញៀន និងជម្រុញការទាញយកកម្មវិធី App NoDrug ក៏ដូចជាបង្កើនការចូលរួមឱ្យកាន់តែសកម្មក្នុងការងារប្រយុទ្ធប្រឆាំងនឹងគ្រឿងញៀន រួមចំណែកអនុវត្តនូវផែនការយុទ្ធនាការប្រយុទ្ធប្រឆាំងគ្រឿងញៀនលើកទី១០ ធ្វើឱ្យសម្រេចបាននៅឆន្ទៈដ៏មុតស្រួចរបស់សម្ដេចធិបតី ហ៊ុន ម៉ាណែត ចំពោះបញ្ហាគ្រឿងញៀន និងបានណែនាំ​ឱ្យ​បន្ត​សកម្មភាពប្រយុទ្ធប្រឆាំងគ្រឿងញៀនពិសេសមេឃុំ មេភូមិ ជួយបំផុសឲ្យប្រជាពលរដ្ឋប្រើប្រាស់ App NoDrug ដែល​ជា​មធ្យោបាយ​មួយ​ដ៏​ប្រជាប្រិយភាព​ក្នុង​ការ​ប្រើប្រាស់​ដើម្បីរាយការណ៍ពី​បទល្មើស​គ្រឿងញៀន​ក្នុង​មូលដ្ឋាន​ទៅ​កាន់​សមត្ថកិច្ចជំនាញ ឈាន​ទៅ​ធ្វើ​ការ​បោសសម្អាត​គ្រឿងញៀន​ចេញ​ពី​ភូមិ​ឋាន​របស់​ប្រជាពលរដ្ឋ តាម​អ្វី​ដែលជា​គោលនយោបាយរបស់រាជរដ្ឋាភិបាល ហើយ​ជា​យន្ដការដ៏មានប្រសិទ្ធភាព និង​រក្សាការសម្ងាត់ដល់អ្នក​ដែលរាយការណ៍​និងជួយ​ផ្សព្វផ្សាយ​ឱ្យ​បាន​ទូលំទូលាយ​ដល់​ប្រជាពលរដ្ឋ​គ្រប់មជ្ឈដ្ឋាន សិស្សានុសិស្ស ពិសេសយុវជន ឱ្យ​បាន​យល់ដឹង និង​ប្រើប្រាស់​គឺ​ស្មើ​នឹង​ជួយ​ខ្លួនឯង។

ក្នុងនាម នាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយអប់រំ និង​ទំនាក់ទំនង​សាធារណៈ​នៃអគ្គលេខាធិការដ្ឋាន​អាជ្ញាធរជាតិ​ប្រយុទ្ធប្រឆាំង​គ្រឿងញៀន​បាន​ពាំនាំ​នូវ​ការ​ថ្លែងការណ៍​កោតសរសើរ​ពី​លោក​សន្តិបណ្ឌិត នេត សាវឿន ឧបនាយករដ្ឋមន្ត្រី ប្រធាន​អាជ្ញាធរជាតិ​ប្រយុទ្ធ​ប្រឆាំងគ្រឿងញៀនជូន​ចំពោះ​គ្រប់​សមាសភាព​ទាំងអស់​របស់​ខេត្តតាកែវ​ដែល​បាន​ប្រយុទ្ធប្រឆាំង​គ្រឿងញៀន។

ឧត្តមសេនីយ៍ឯក លឹម តុងហួត បាន​បន្ត​ថា កាល​ណា​ប្រជាពលរដ្ឋ​បាន​យល់​ដឹង​កាន់​តែ​ច្បាស់​ពាក់ព័ន្ធ​នឹង​បញ្ហាគ្រឿងញៀន​ពួក​គាត់​នឹង​មិន​ទៅ​ប៉ះពាល់គ្រឿងញៀននោះទេ ក៏​ដូច​ជា​បាន​ដឹង​ពី​អត្ថប្រយោជន៍App NoDrug ពួក​គាត់​នឹង​មាន​ចំណេះដឹងហើយ​នឹង​អាច​រាយការណ៍​យក​គ្រឿងញៀន​ចេញ​ពី​សហគមន៍​នាំ​មក​នូវ​សុវត្ថិភាពនិងការអភិវឌ្ឍន៍៕

The post អាជ្ញាធរជាតិ​ប្រយុទ្ធ​ប្រឆាំង​គ្រឿងញៀន និង​ខេត្តតាកែវ​រួមគ្នា​លើក​កម្ពស់​ប្រសិទ្ធភាព​App NoDrug appeared first on Kampuchea Thmey Daily.