ថ្លែងក្នុងវេទិកា Shangri-La នៅប្រទេសសិង្ហបុរី នាថ្ងៃសៅរ៍ ទី៣០ ខែឧសភា ឆ្នាំ២០២៦ រដ្ឋមន្ត្រីក្រសួងសង្គ្រាមអាមេរិក Pete Hegseth បានបញ្ជាក់ច្បាស់ថា ទីក្រុងវ៉ាស៊ីនតោន មិនបោះបង់ចោលតំបន់អាស៊ីប៉ាស៊ីហ្វិកដាច់ខាត ទោះខ្លួន កំពុងលង់ជ្រៅ ក្នុងជម្លោះជាមួយប្រទេសអ៊ីរ៉ង់យ៉ាងណា ក៏ដោយ។ អាមេរិក អាចធ្វើកិច្ចការពីរ ក្នុងពេលតែមួយបាន។

តាមការផ្សាយរបស់ BBC, លោកអះអាងថា អាមេរិកកំពុងធ្វើការងារ ដោយស្ងប់ស្ងាត់ ប៉ុន្តែរឹងមាំបំផុត ជាមួយបណ្តាសម្ព័ន្ធមិត្ត តាមរយៈ វិធីសាស្ត្រដ៏មានសារៈសំខាន់ និងម៉ត់ចត់ ចំពោះតំបន់ប៉ាស៊ីហ្វិក។

ទំនាក់ទំនងរវាង សហរដ្ឋអាមេរិកនិងតំបន់អាស៊ីប៉ាស៊ីហ្វិក គឺជាអ័ក្សនយោបាយ សេដ្ឋកិច្ច និងសន្តិសុខដ៏មានឥទ្ធិពលបំផុតមួយ។

នៅក្រោមរដ្ឋបាលជាបន្តបន្ទាប់ អាមេរិក បានពង្រីកវិសាលភាព ជាមួយយុទ្ធសាស្ត្រ រក្សាតំបន់មួយដែលមានសេរីភាព និងបើកចំហ, ធានាការគោរពច្បាប់អន្តរជាតិ និងសេរីភាពនៃការរុករកតាមដែនសមុទ្រ ជាពិសេសនៅសមុទ្រចិនខាងត្បូង។

អាមេរិក ក៏ពង្រឹងសម្ព័ន្ធភាពប្រពៃណី និងបង្កើតយន្តការថ្មីៗ ផងដែរ ដូចជា៖ អាមេរិកមានកិច្ចព្រមព្រៀងការពារជាតិរឹងមាំជាមួយ ជប៉ុន កូរ៉េខាងត្បូង អូស្ត្រាលី និងហ្វីលីពីន។ មានក្រុម Quad ជាមួយ ជប៉ុន អូស្ត្រាលី និងឥណ្ឌា និងមានកិច្ចព្រមព្រៀងសន្តិសុខត្រីភាគី AUKUS ជាមួយ អូស្ត្រាលី និងអង់គ្លេស ដើម្បីផ្តល់បច្ចេកវិទ្យានាវាមុជទឹក ដើរដោយថាមពលនុយក្លេអ៊ែរដល់អូស្ត្រាលី។

លើសពីនេះ អាស៊ីប៉ាស៊ីហ្វិក គឺជាទីផ្សារដ៏ធំ និងជាខ្សែសង្វាក់ផ្គត់ផ្គង់ ដ៏សំខាន់សម្រាប់អាមេរិក ដោយមាន IPEF (Indo-Pacific Economic Framework) ដែលជាក្របខណ្ឌសេដ្ឋកិច្ច បង្កើតឡើងក្នុងឆ្នាំ២០២២ ដើម្បីពង្រឹងពាណិជ្ជកម្ម ខ្សែសង្វាក់ផ្គត់ផ្គង់ ថាមពលស្អាត និងការប្រឆាំងអំពើពុករលួយជាមួយបណ្តាប្រទេសក្នុងតំបន់៕

អត្ថបទ៖ សុខ សុវណ្ណ

The post Hegseth៖ អាមេរិក មិនចោលអាស៊ីប៉ាស៊ីហ្វិក ដាច់ខាត ទោះកំពុងជាប់ផុង ក្នុងសង្គ្រាមអ៊ីរ៉ង់ ក៏ដោយ appeared first on Kampuchea Thmey Daily.

លោកបានសង្កត់ធ្ងន់ថា ​ឥណ្ឌូណេស៊ីនឹងក្លាយជាគោលដៅវិនិយោគដែលមិនអាចខ្វះបាន សម្រាប់អាជីវកម្មក្នុងតំបន់ ​ហើយ​វិនិយោគិន​ណាក៏ដោយដែលបើករោងចក្រនៅក្នុងតំបន់សេដ្ឋកិច្ចពិសេសឥណ្ឌូណេស៊ី​ នឹងទទួលបានការលើក​ទឹក​ចិត្ត​​ពិសេសៗ​ រាប់​តាំង​ពីការកាត់បន្ថយពន្ធលើប្រាក់ចំណូលសាជីវកម្ម រហូតដល់ការ​សម្រួល​នីតិវិធីផ្តល់អាជ្ញាប័ណ្ណ​។

បច្ចុប្បន្ន​ ឥណ្ឌូណេស៊ី​មាន SEZ ចំនួន​ ២៤ កន្លែង​ ដែលភាគច្រើនមានប្រតិបត្តិការប្រកបដោយប្រសិទ្ធភាព និងបង្កើតតម្លៃសេដ្ឋកិច្ចប្រកបដោយនិរន្តរភាព។ លោក ប្រាបូវូ ​មានប្រសាសន៍ថា វិនិយោគិនបរទេសនឹងស្វែងរកឱកាសសក្តានុពលនៅពេលវិនិយោគ​ក្នុង​ប្រទេសឥណ្ឌូណេស៊ី ដើម្បីបង្កើនខ្សែសង្វាក់តម្លៃផលិតកម្មនៅទូទាំងវិស័យផ្សេងៗ។

​ប្រធានាធិបតី​ថ្មី​ថ្មោង​ដដែល​ បានគូសបញ្ជាក់ពីការតាំងចិត្តរបស់ឥណ្ឌូណេស៊ីក្នុងការបន្តឧស្សាហូបនីយកម្មតាម​រយៈ​គោល​នយោបាយអភិវឌ្ឍន៍ផ្សេង​ៗ​ ដែលមិនត្រឹមតែ​ទាញ​យក​​​ធនធានធម្មជាតិ​តែ​​ប៉ុណ្ណោះទេ​ ប៉ុន្តែ​ក៏​សម្រាប់ការកែច្នៃ និងផលិតក្នុងស្រុក៕

The post ឥណ្ឌូណេស៊ី​ប្ដេជ្ញា​បង្កើន​​គោលនយោបាយ​លើក​ទឹក​ចិត្ត​​ ដើម្បី​ទាក់ទាញ​វិនិយោគិនអាស៊ី-ប៉ាស៊ីហ្វិក​ appeared first on Kampuchea Thmey Daily.

ការ​រក​ឃើញ​នេះ​ មាន​នៅ​ក្នុង​របាយការណ៍​ស្តីពីអាកាសធាតុអាស៊ីប៉ាស៊ីហ្វិក​របស់ ADB ដែលរៀបរាប់លម្អិតអំពីផលប៉ះពាល់ដែលគំរាមកំហែងដល់តំបន់។ សម្រាប់​ហ្វីលីពីន​ ​សេដ្ឋវិទូជាន់ខ្ពស់របស់ ADB លោក David Raitzer បាននិយាយថា៖ «ការខាតបង់ប្រហែលពាក់កណ្តាល បានមកពីការកើនឡើងនៃ​នីវ៉ូទឹក​សមុទ្រ»។ ​

របាយ​ការណ៍​ក៏​បាន​បង្ហាញ​ផង​ដែរ​ថា ការ​ខាត​បង់​សេដ្ឋកិច្ច​​របស់​ហ្វីលីពីន​ដោយ​សារ​ការ​ប្រែ​ប្រួល​អាកាស​ធាតុ​ អាច​នឹង​កើន​ឡើង ​និង​ឈាន​ដល់ ៤០ ភាគរយ ​ក្នុង​ឆ្នាំ ២១០០។

ចំណែក​ឯ​តំបន់អាស៊ីប៉ាស៊ីហ្វិកវិញ ADB បាននិយាយថា ការប្រែប្រួលអាកាសធាតុក្រោមសេណារីយ៉ូនៃការបំភាយឧស្ម័នកម្រិតខ្ពស់ អាចនាំឱ្យមានការថយចុះ ១៧ ភាគរយ នៃ GDP នៅឆ្នាំ ២០៧០។ សេដ្ឋវិទូ​​របស់​ ADB ម្នាក់​ទៀត​ គឺ​លោក Yi Jiang បាននិយាយថា ការបាត់បង់​ GDP នៅអាស៊ីប៉ាស៊ីហ្វិក ​អាច​ឈានដល់ ៤១​ ភាគរយ នៅ​ឆ្នាំ ២១០០។

លោក​​គូស​បញ្ជាក់ថា​​៖ «​ការ​ខាត​បង់​ចម្បង ​គឺ​ការ​កើន​ឡើង​នៃ​​នីវ៉ូ​ទឹក​សមុទ្រ បន្ទាប់​មក​គឺ​ការ​បាត់​បង់​ផលិតភាព​ការងារ និង​ទឹក​ជំនន់»។​ វិស័យ​កសិកម្ម​ ​រំពឹង​ថា​នឹង​ទទួល​រង​ផល​ប៉ះពាល់​ផ្ទាល់​ខ្លាំង​ជាង​គេ ក្នុង​ចំណោម​វិស័យ​រង​គ្រោះ​ទាំង​អស់​ ខណៈ​ប្រទេស​ដែល​មាន​ចំណូល​ទាប​បំផុត ​និង​​ប្រជាជន ​ងាយ​រងគ្រោះខ្លាំង​ជាង​គេ​​បំផុត​​៕

The post ADB៖ ហ្វីលីពីនអាច​ខាងបង់ ១៨ ភាគរយ នៃ GDP ដោយ​ការប្រែប្រួលអាកាសធាតុ នៅ​ជិត​ពាក់កណ្ដាលសតវត្សខាងមុខ appeared first on Kampuchea Thmey Daily.

លោកថ្លែងបែបនេះ អំឡុងវេទិកា Xiangshan ក្នុងទីក្រុងប៉េកាំង ដែលជាព្រឹត្តិការណ៍ការទូតយោធាប្រចាំឆ្នាំដ៏ធំបំផុតរបស់ប្រទេសចិន នៅថ្ងៃចន្ទទី៣០ខែតុលា។

លោក Shoigu និយាយថា “ជាមួយនឹងការរៀបចំវិបត្តិយ៉ាងស្រួចស្រាវនៅអឺរ៉ុប ឥឡូវលោកខាងលិចកំពុងសម្លឹងមើល ការរីករាលដាលរបស់វិបត្តិនេះ ទៅកាន់តំបន់អាស៊ីប៉ាស៊ីហ្វិក និងអាចលើសពីនេះទៀត នៅក្នុងទិសដៅជាច្រើន”។

លោកសង្កត់ធ្ងន់ថា ការចូលរួមដោយផ្ទាល់ពីរដ្ឋប្រដាប់អាវុធនុយក្លេអ៊ែរនៅក្នុងការប្រឈមមុខនឹងបង្កជាហានិភ័យជាយុទ្ធសាស្ត្រកាន់តែធំ។

មិនត្រឹមប៉ុណ្ណឹង រដ្ឋមន្ត្រីរុស្ស៊ីបានកត់សម្គាល់ថា ថ្មីៗនេះលោកខាងលិច បាននិងកំពុងព្យាយា​មយ៉ាងសកម្ម នូវលទ្ធភាពដាក់ពង្រាយយោធារបស់ខ្លួនទៅកាន់តំបន់ ក្រោមហេតុផលនៃការបង្កើតសម្ព័ន្ធភាពសន្តិសុខ អឺរ៉ូអាត្លង់ទិក និងឥណ្ឌូប៉ាស៊ីហ្វិក ដើម្បីបង្ហាញអំពីភាពត្រឹមត្រូវនៃវត្តមានមូលដ្ឋានទ័ពរបស់អង្គការណាតូ នៅក្នុងតំបន់អាស៊ី។ វិធីសាស្រ្តបែបនេះ ធ្វើឲ្យប៉ះពាល់យ៉ាងខ្លាំង ដល់គោលការណ៍សន្តិសុខបង្រួបបង្រួម ដែលលើកកម្ពស់ដោយរុស្ស៊ីនិងចិន។

ភាពតានតឹងនៅក្នុងតំបន់អាស៊ីប៉ាស៊ីហ្វិក បាននិងកំពុងកើនឡើងខ្ពស់នាពេលថ្មីៗនេះ ដែលបណ្តាលមកពីការប្រឈមមុខដាក់គ្នាលើបញ្ហាកោះតៃវ៉ាន់ រវាងសហរដ្ឋអាមេរិកនិងចិន។

កាលពីពេលថ្មីៗនេះ រដ្ឋាភិបាលក្រុងវ៉ាស៊ីនតោន បានយល់ព្រមលក់ឧបករណ៍យោធាតម្លៃ ៤៤០លានដុល្លារទៅឲ្យតៃវ៉ាន់ ដែលជាទង្វើមួយដែលត្រូវបានទីក្រុងប៉េកាំងថ្កោលទោសយ៉ាងខ្លាំង៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ទាត់ចោលការចុះផ្សាយរបស់សារព័ត៌មានលោកខាងលិចថា លោក ពូទីន បាត់បង់ជីវិត ដោយសារគាំងបេះដូង

The post រុស្ស៊ី ថា លោកខាងលិច មានបំណងពង្រីកជម្លោះយោធាបច្ចុប្បន្ន មកកាន់តំបន់អាស៊ីប៉ាស៊ីហ្វិក appeared first on Kampuchea Thmey Daily.

ថ្លែងក្នុង​ជំនួប​ថ្នាក់ CEO នៅ​ឯវេទិការបស់កិច្ច​សហប្រតិបត្តិការសេដ្ឋកិច្ចតំបន់អាស៊ីប៉ាស៊ីហ្វិក ហៅ​កាត់ Apec លោកស៊ី បាននិយាយថា រដ្ឋាភិបាល​ចិន នឹងពិភាក្សា ក៏ដូចជាចុះហត្ថលេខាលើ​កិច្ច​ព្រម​ព្រៀង​ពាណិជ្ជកម្មសេរី ជាមួយប្រទេស​មួយចំនួន ប៉ុន្តែ​មិនមែន​ក្នុងចេតនា​ធ្វើ​ការ​បង្រួប​បង្រួម​សម្ព័ន្ធមិត្តរបស់​ខ្លួន ដើម្បី​ប្រឆាំង​សហរដ្ឋអាមេរិកនោះ​ឡើយ។

ក្នុង​កិច្ច​ប្រជុំ​តាម​រយៈ​អន​ឡាញ ដែល​ប្រទេស​ម៉ាឡេស៊ី ធ្វើ​ជាម្ចាស់​ផ្ទះ លោក ស៊ី បញ្ជាក់​ទៀត​ថា “ប្រទេសចិន បានធ្វើសមាហរណកម្មជាមួយសេដ្ឋកិច្ចពិភពលោក និងប្រព័ន្ធអន្តរជាតិ អស់រយៈពេលជាយូរមកហើយ។ យើងមិនត្រលប់ទៅរកប្រវត្តិសាស្ត្រកាល​ពីអតីតកាលនោះ​ទេ ហើយក៏​មិនស្វែងរកការបង្រួបបង្រួមនិងបង្កើតជាសម្ព័ន្ធតូចៗ ដើម្បី​កាត់​ផ្តាច់​ប្រទេស​ផ្សេង​នោះ​ដែរ។”

លោកថា ប្រទេស​ចិន នៅ​តែ​បើក​ចំហរ​សម្រាប់​វិនិយោគិន​បរទេស ចូលរួម​ធ្វើ​ពាណិជ្ជកម្មពហុភាគី៕

ប្រែសម្រួល៖ សុភា
ប្រភព៖ SCMP

The post ចិន ត្រៀម​បង្កើតកិច្ចព្រមព្រៀង​ពាណិជ្ជកម្មសេរី​ជាមួយ​ប្រទេស​ជាច្រើនទៀតនៅ​អាស៊ី-ប៉ាស៊ីហ្វិក appeared first on Kampuchea Thmey Daily.