ព័ត៌មានអន្ដរជាតិ

ឥណ្ឌូណេស៊ីប្ដេជ្ញាបង្កើនគោលនយោបាយលើកទឹកចិត្ត ដើម្បីទាក់ទាញវិនិយោគិនអាស៊ី-ប៉ាស៊ីហ្វិក

បានផុស

២ years មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

ប្រធានាធិបតីឥណ្ឌូណេស៊ី លោក ប្រាបូវូ ស៊ូប៊ីយ៉ានតូ បានប្រាប់សារព័ត៌មានថ្មីៗនេះថា លោកនឹងដាក់ចេញនូវគោលនយោបាយលើកទឹកចិត្តផ្សេងៗបន្ថែមទៀត និងពង្រីកតំបន់សេដ្ឋកិច្ចពិសេស (SEZs) របស់ប្រទេស ដើម្បីទាក់ទាញអ្នកវិនិយោគមកពីតំបន់អាស៊ីប៉ាស៊ីហ្វិក។ នេះបើតាមការចុះផ្សាយរបស់កាសែត The Investor។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានសង្កត់ធ្ងន់ថា ឥណ្ឌូណេស៊ីនឹងក្លាយជាគោលដៅវិនិយោគដែលមិនអាចខ្វះបាន សម្រាប់អាជីវកម្មក្នុងតំបន់ ហើយវិនិយោគិនណាក៏ដោយដែលបើករោងចក្រនៅក្នុងតំបន់សេដ្ឋកិច្ចពិសេសឥណ្ឌូណេស៊ី នឹងទទួលបានការលើកទឹកចិត្តពិសេសៗ រាប់តាំងពីការកាត់បន្ថយពន្ធលើប្រាក់ចំណូលសាជីវកម្ម រហូតដល់ការសម្រួលនីតិវិធីផ្តល់អាជ្ញាប័ណ្ណ។

បច្ចុប្បន្ន ឥណ្ឌូណេស៊ីមាន SEZ ចំនួន ២៤ កន្លែង ដែលភាគច្រើនមានប្រតិបត្តិការប្រកបដោយប្រសិទ្ធភាព និងបង្កើតតម្លៃសេដ្ឋកិច្ចប្រកបដោយនិរន្តរភាព។ លោក ប្រាបូវូ មានប្រសាសន៍ថា វិនិយោគិនបរទេសនឹងស្វែងរកឱកាសសក្តានុពលនៅពេលវិនិយោគក្នុងប្រទេសឥណ្ឌូណេស៊ី ដើម្បីបង្កើនខ្សែសង្វាក់តម្លៃផលិតកម្មនៅទូទាំងវិស័យផ្សេងៗ។

ប្រធានាធិបតីថ្មីថ្មោងដដែល បានគូសបញ្ជាក់ពីការតាំងចិត្តរបស់ឥណ្ឌូណេស៊ីក្នុងការបន្តឧស្សាហូបនីយកម្មតាមរយៈគោលនយោបាយអភិវឌ្ឍន៍ផ្សេងៗ ដែលមិនត្រឹមតែទាញយកធនធានធម្មជាតិតែប៉ុណ្ណោះទេ ប៉ុន្តែក៏សម្រាប់ការកែច្នៃ និងផលិតក្នុងស្រុក៕

Related Topics:អាស៊ីប៉ាស៊ីហ្វិក ឥណ្ឌូណេស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា