រដ្ឋលេខាធិការប្រចាំក្រសួងការប​រទេស ឱ្យដឹងថា បេក្ខជនមន្ត្រីការទូតដែលប្រឡងជាប់កាលពីឆ្នាំ២០២៥នោះ បានឆ្លងកាត់ការធ្វើកម្មសិក្សារយៈពេល១ ឆ្នាំពេញដោយជោគជ័យ ទៅតាមបែបបទដែលបានកំណត់។

ថ្លែងប្រាប់អ្នកសារព័ត៌មាន លោកស្រី អ៊ាត សោភា បញ្ជាក់ដូច្នេះថា៖«អ្នកដែលបានប្រឡងជាប់ [ជាមន្ត្រីការទូត] កាលពីឆ្នាំទៅ[២០២៥] ហើយឆ្លងកាត់កម្មសិក្សារយៈពេលមួយឆ្នាំ ពិតជាមានសមត្ថភាព ហើយមានឆន្ទៈ ខិតខំក្នុងការបំពេញការងារ។ ដូច្នេះហើយខ្ញុំគិតថា យើងអាចវាយតម្លៃបានថា និយាម និងរបៀបរបបនៃការជ្រើសរើសមន្ត្រីក្របខ័ណ្ឌថ្មីនេះ គឺពិតជាមានប្រសិទ្ធភាព ពិតជាមានតម្លាភាព ហើយពិតជាអាចផ្ដល់មកនូវមន្ត្រីដែលមានសមត្ថភាពពិតប្រាកដមែន។»។

កាលពីខែសីហា ឆ្នាំ២០២៥ ក្រសួងការបរទេស បានសហការជាមួយក្រសួងមុខងារសាធារណៈ បានរៀបចំការប្រឡងជ្រើសមន្ត្រីការទូត ដោយមានបេក្ខជនចូលរួមប្រឡងចំនួន៨០៣នាក់ប្រឡងប្រជែង ដែលនេះគឺជាការប្រឡងជ្រើសរើសមន្ត្រីការទូតកាលពីលើកទី១ ក្នុងរាជរដ្ឋាភិបាលនីតិកាលទី៧។ ឆ្លងកាត់ការប្រឡងដ៏តឹងរ៉ឹង និងការបូកពិន្ទុយ៉ាងល្អិតល្អន់ គណៈកម្មការប្រឡងជ្រើសរើសបានបេក្ខជនដែលមានពិន្ទុខ្ពស់បំផុតចំនួនត្រឹមតែ៤៨រូប ខណៈតម្រូវការមានដល់៥០រូប។

ក្នុងនីតិកាលទី៧ នេះ សម្ដេចធិ​បតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា ផ្ដល់គោលការណ៍ឱ្យក្រសួងការបរទេស និងសហប្រតិបត្តិការអន្តរជាតិ ជ្រើសរើសមន្ត្រីការទូតជាន់ខ្ពស់ជំហានដំបូងចំនួន៥០រូបសិននៅត្រឹមឆ្នាំ២០២៥, បន្ទាប់មកនៅឆ្នាំ២០២៦ អនុញ្ញាតឱ្យជ្រើសរើសចំនួន៥០រូបបន្ថែម ហើយនៅឆ្នាំ២០២៧ អនុញ្ញាតឱ្យជ្រើសរើសមន្ត្រីចំនួន៥០រូបបន្ថែមទៀត៕

ដោយ៖ ង៉ិល ណារ៉ាត់

The post អ្នកការទូតជាន់ខ្ពស់៖ មន្ត្រីការទូតឆ្លងកាត់ការប្រឡងរៀបចំដោយក្រសួងមុខងារកាលពីឆ្នាំមុន ពិតជាមានសមត្ថភាពខ្ពស់ និងឆន្ទៈបម្រើជាតិ appeared first on Kampuchea Thmey Daily.

ថ្លែងមកកាន់ក្រុមអ្នកយកព័ត៌មាន រដ្ឋលេខាធិការប្រចាំការ នៃក្រសួងការបរទេស លោកស្រី អ៊ាត សោភា បង្ហាញក្ដីរំពឹងបែបនេះ៖«ខ្ញុំយល់ថានៅពេលដែលបញ្ច​ប់ការប្រឡង យើងអាចទទួលបាននូវមន្ត្រីដែលមានសមត្ថភាពល្អពិតប្រាកដ ហើយមានឆន្ទៈខ្ពស់ក្នុងការជួយកសាងប្រទេសជាតិ។ »។

គួរកត់សម្គាល់ថា ក្នុងរាជរដ្ឋាភិបាលនីតិកាល៧នេះ នេះគឺជាលើកទី២ហើយ ដែលក្រសួងការបរទេស និងសហប្រតិបត្តិការអន្តរជាតិ បានសហការរៀបចំការប្រឡងជ្រើសរើសមន្ត្រីការទូត ជាមួយក្រសួងមុខងារសាធារណៈស្របតាមយន្តការកែទម្រង់រដ្ឋបាលសាធារណៈ។

គួររម្លឹកថា ការប្រឡងជ្រើសរើសមន្ត្រីការទូតកាលពីលើកទី១ ក្នុងរាជរដ្ឋាភិបាលនីតិកាលទី៧ បានរៀបចំឡើងនៅក្នុងខែសីហា ឆ្នាំ២០២៥ ដោយមានបេក្ខជនចូលរួមប្រឡងចំនួន៨០៣នាក់។ ឆ្លងកាត់ការប្រឡងដ៏តឹងរ៉ឹង និងការបូកពិន្ទុយ៉ាងល្អិតល្អន់ គណៈកម្មការប្រឡងជ្រើសរើសបានបេក្ខជនដែលមានពិន្ទុខ្ពស់បំផុតចំនួនត្រឹមតែ៤៨រូប ខណៈតម្រូវការមានដល់៥០រូប។

រដ្ឋលេខាធិការប្រចាំការ នៃក្រសួងការបរទេស លោក​ស្រី អ៊ាត សោភា ប្រាប់ក្រុមអ្នកយកព័ត៌មានថា មន្ត្រីការទូត ដែលកើតចេញពីការប្រឡងដែលហ្មត់ចត់ តឹងរ៉ឹង កាលពីឆ្នាំ២០២៥ កន្លងទៅ គឺជាមន្ត្រីការទូតដែលមានសមត្ថភាពពិតប្រាកដ មានឆន្ទៈក្នុងការជួយអភិវឌ្ឍជាតិ។

អ្នកការទូតជើងចាស់រូបនេះ ប្រាប់អ្នកសារព័ត៌មានដូច្នេះ៖«អ្នកដែលបានប្រឡងជាប់ [ជាមន្ត្រីការទូត] កាលពីឆ្នាំទៅ ហើយឆ្លងកាត់កម្មសិក្សារយៈពេលមួយឆ្នាំ ពិតជាមានសមត្ថភាព ហើយមានឆន្ទៈ ខិតខំក្នុងការបំពេញការងារ។ ដូច្នេះហើយខ្ញុំគិតថា យើងអាចវាយតម្លៃបានថា និយាម និងរបៀបរបបនៃការជ្រើសរើសមន្ត្រីក្របខ័ណ្ឌថ្មីនេះ គឺពិតជាមានប្រសិទ្ធភាព ពិតជាមានតម្លាភាព ហើយពិតជាអាចផ្ដល់មកនូវមន្ត្រីដែលមានសមត្ថភាពពិតប្រាកដមែន។»។

គួរគូសបញ្ជាក់ថា ក្នុងនីតិកាលទី៧ នេះ សម្ដេចធិ​បតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា ផ្ដល់គោលការណ៍ឱ្យក្រសួងការបរទេស និងសហប្រតិបត្តិការអន្តរជាតិជ្រើសរើសមន្ត្រីការទូតជាន់ខ្ពស់ចំនួន៥០រូបសិននៅឆ្នាំ២០២៥, បន្ទាប់មកនៅឆ្នាំ២០២៦ អនុញ្ញាតឱ្យជ្រើសរើសចំនួន៥០រូបបន្ថែម និងនៅឆ្នាំ២០២៧ អនុញ្ញាតឱ្យជ្រើសរើសមន្ត្រីចំនួន៥០រូបបន្ថែមទៀត៕

ដោយ៖ ង៉ិល ណារ៉ាត់

The post ក្រសួងការបរទេសរំពឹងថានឹងបន្តទទួលបានអ្នកការទូតខ្លាំងពូកែ ពីការប្រឡងមានបេក្ខជន ១២៤៨នាក់ចូលរួម appeared first on Kampuchea Thmey Daily.

ឧបនាយករដ្ឋមន្ត្រី ហ៊ុន ម៉ានី  រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង អញ្ជើញបើកវិញ្ញាសាជានិមិត្តរូប ដោយមានការចូលរួមពីរដ្ឋលេខាធិការប្រចាំការក្រសួងការបរទេស លោកស្រី​ អ៊ាត សោភា  ភាគីពាក់ព័ន្ធ និងអង្គភាពប្រឆាំងអំពើពុករលួយ។

ក្នុងពេលបើកវិញ្ញាសា ឧបនាយករដ្ឋមន្ត្រី ហ៊ុន ម៉ានី ថ្លែងប្រាប់បេក្ខជនថា ប្រព័ន្ធជ្រើសរើសមន្រ្តី នៃនិយាមនីតិវិធីប្រតិបត្តិថ្មី ត្រូវធានាថាបេក្ខជនទាំងអស់គ្នាមានភាពស្មើគ្នា ទៅលើការប្រកួតប្រជែង ដោយគ្មានបេក្ខជនណាម្នាក់ បានដឹងវិញ្ញាសាមុននោះទេ។

ឧបនាយករដ្ឋមន្ត្រី ហ៊ុន ម៉ានី សង្កត់ធ្ងន់ថា ៖«វិញ្ញាសាតាក់តែងចប់ភ្លាម ប្រឡងភ្លាមតែម្តង។ ប្រសិនជាមានគ្រូតាក់តែងវិញ្ញាសាណាម្នាក់ ធ្វើឱ្យបាត់បង់នូវអនាមិកភាពរបស់គាត់ ក្នុងនាមជាគណៈកម្មការរៀបចំការប្រឡងប្រជែង សម្រេចកែសម្រួលសមាសភាពតែម្តង។ ទាំងអស់នេះ គឺធានាតែមួយគត់ ដើម្បីឱ្យប្អូនៗបេក្ខជន ប្រឹងប្រែងដោយស្មើគ្នា និងអាចបញ្ចេញសមត្ថភាពរៀងៗខ្លួន។»។

ថ្លែងមកកាន់អ្នកសារព័ត៌មាន រដ្ឋលេខាធិការប្រចាំការក្រសួងការបរទេស លោកស្រី អ៊ាត សោភា  កត់សម្គាល់ឃើញថា ការរៀបចំការប្រឡងប្រជែងជ្រើសរើសមន្ត្រីរៀបចំដោយក្រសួងមុខងារសាធារណៈសហការជាមួយក្រសួងការបរទេសផ្អែកតាមយន្តការកែទម្រង់រដ្ឋបាលសាធារណៈ​ គឺអាចធានាបាននូវគុណាធិបតេយ្យ តម្លាភាព ភាពយុត្តិធម៌  និងប្រសិទ្ធភាព។ តាមរយៈការប្រឡងដ៏តឹងរ៉ឹង លោកស្រីរំពឹងថា ក្រសួងការបរទេស នឹងទទួួលបានមន្ត្រីការទូតខ្លាំងពូកែ ជួយអភិវឌ្ឍជាតិ។

លោកស្រី អ៊ាត សោភា សង្កត់ធ្ងន់បែបនេះ៖«នៅពេលបញ្ច​ប់ការប្រឡង យើងអាចទទួលបាននូវមន្ត្រីដែលមានសមត្ថភាពល្អពិតប្រាកដ ហើយមានឆន្ទៈខ្ពស់ក្នុងការជួយកសាងប្រទេសជាតិ។ »។

បើតាមគណៈកម្មាការប្រឡង បេក្ខជនដែលប្រឡងជាប់លើកទី១ លើមុខដំណែងវិជ្ជាជីវៈក្នុងវិស័យការបរទេស នឹងត្រូវឆ្លងកាត់ដំណើរការប្រឡងវិញ្ញាសាសួរផ្ទាល់មាត់(សម្ភាសន៍) នៅថ្ងៃទី១៤ ខែមិថុនា ខាងមុខ៕

ដោយ៖ ង៉ិល ណារ៉ាត់

The post បេក្ខជន១២៤៨នាក់ចូលប្រឡងបម្រើការជាអ្នកការទូត ខណៈតម្រូវការមានត្រឹម៥២នាក់ appeared first on Kampuchea Thmey Daily.

ក្រោយបិទបញ្ចប់ជាស្ថាពរដំណើរការជ្រើសរើសបេក្ខជនអ្នកការទូតជាន់ខ្ពស់ នៅល្ងាចថ្ងៃទី១០​​ ខែសីហា លោកស្រី ពេជ្រ ពុទ្ធិសាធបូព៌ានាគី  ថ្លែងប្រាប់ក្រុមអ្នកសារព័ត៌មាន ដូច្នេះ៖« ជាលទ្ធផល ក្រសួងការបរទេសយើង ជ្រើសរើសបានមន្ត្រីការទូតជាន់ខ្ពស់ចំនួន៤៦នាក់។ តាមអ្វីដែលយើងគ្រោងទុក យើងរើសមន្ត្រីការទូតជាន់ខ្ពស់៥០នាក់នៅក្នុងឆ្នាំ២០២៥នេះ ប៉ុន្តែយើងរើសបានតែ៤៦នាក់ទេ។»។

ស្របពេលតម្រូវការមានដល់៥០រូប ប៉ុន្តែគណៈកម្មការប្រឡងជ្រើសរើសបេក្ខជនបានត្រឹមតែ៤៦រូប ខ្វះ៤រូបទៀត  រដ្ឋលេខាធិការក្រសួងការបរទេស ពន្យល់ថា ដោយសារតែនៅត្រង់តម្រូវការមន្ត្រីការទូតជាន់ខ្ពស់ផ្នែកភាសាវៀតណាមចំនួន២រូប គ្មានបេក្ខជនដាក់ពាក្យចូលរួមប្រឡង និងតម្រូវការមន្ត្រីការទូតជាន់ខ្ពស់បម្រើការនៅនាយកដ្ឋានកិច្ចការអឺរ៉ុប និងនាយកដ្ឋានវិភាគ និងព្យាករណ៍សេដ្ឋកិច្ចសកល២រូប បេក្ខជនទទួលបានមធ្យមភាគតិច មិនគ្រប់ទៅនឹងមធ្យមភាគដែលកំណត់។

បើតាមលោកស្រី ពេជ្រ ពុទ្ធិសាធបូព៌ានាគី គណៈកម្មការ នឹងពិភាក្សាជាមួយបេក្ខជនជាប់បម្រុង ដែលមានមធ្យមភាគខ្ពស់បំផុតចំនួន២រូប ដើម្បីយកទៅបំពេញបន្ថែមនៅក្នុងតម្រូវការមន្ត្រីការទូតជាន់ខ្ពស់បម្រើការនៅក្នុងនាយកដ្ឋានកិច្ចការអឺរ៉ុប និងនាយកដ្ឋានវិភាគ និងព្យាករណ៍សេដ្ឋកិច្ចសកលឱ្យគ្រប់  ហើយក្រសួង នឹងយកចំនួនដែលនៅសល់២កន្លែងទៅជ្រើសរើសនៅក្នុងការប្រឡងនាឆ្នាំ២០២៦ (ក្នុងករណីនេះ នៅឆ្នាំ២០២៦ ក្រសួងការបរទេសអាចនឹងជ្រើសរើសបេក្ខជនមន្ត្រីការទូតចំនួន៥២រូប)។

អ្នកការទូតជានារីរូបនេះ ឱ្យដឹងដែរថា បេក្ខជនមន្ត្រីការទូតជាន់ខ្ពស់ដែលជាប់ជាស្ថាពរ នឹងទទួលបានការបណ្ដុះបណ្ដាលបន្ថែមពីសំណាក់សាលាភូមិន្ទរដ្ឋបាល ដែលស្ថិតនៅក្រោមក្រសួងមុខងារសាធារណៈមួយជំហាន ហើយជំហានបន្ទាប់ក្រសួងការបរទេស នឹងបញ្ជូនបេក្ខជនមន្ត្រីការទូតជាន់ខ្ពស់ទៅសិក្សាបន្ថែមនៅក្នុងវិទ្យាស្ថានការទូត និងទំនាក់ទំនងអន្តរជាតិស្ថិតក្រោមការគ្រប់គ្រង់របស់ក្រសួងចន្លោះពី៣ខែទៅ៦ខែ ទើបអនុញ្ញាតឱ្យចូលបំពេញការងារ។

លោកស្រី ពេជ្រ ពុទ្ធិសាធបូព៌ានាគី ធ្លាប់បានប្រាប់ក្រុមអ្នកសារព័ត៌មានថា បេក្ខជនមន្ត្រីការទូតជាន់ខ្ពស់ ដែលជ្រើសរើសបាននាឆ្នាំ២០២៥ នេះ  បន្ទាប់ពីបានឱកាសបម្រើការនៅក្រសួង ក៏នឹងមានឱកាសបន្ថែមទៅបំពេញការងារនៅតាមស្ថានទូតរបស់កម្ពុជាប្រចាំនៅក្រៅប្រទេសផងដែរ ប៉ុន្តែត្រូវឆ្លងកាត់ការបំពេញការងារនៅក្រោមដំបូលរបស់ក្រសួងការបរទេសចាប់ពី៣ទៅ៥ឆ្នាំជាមុនសិន ទើបក្រសួងវាយតម្លៃពីសមត្ថភាពជាក់ស្ដែង រួចនឹងបញ្ជូនទៅស្ថានទូតណាមួយនៅក្រៅប្រទេសដែលសមនឹងតម្រូវការសមត្ថភាព។ នេះបើតាមការពន្យល់របស់លោកស្រី  រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។

គួរឱ្យដឹងដែរថា នៅក្នុងថ្ងៃទី១១ ខែសីហា ដដែល គណៈកម្មការរៀបចំការប្រឡងប្រជែងជ្រើសរើសមន្រ្តីរាជការដឹកនាំដោយក្រសួងមុខងារសាធារណៈ ក៏ជ្រើសរើសបានបេក្ខជនមន្ត្រីច្បាប់ចំនួន៧រូប ឱ្យចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ក្នុងក្របខ័ណ្ឌទីស្តីការគណៈរដ្ឋមន្ត្រីផងដែរ៕

The post ក្នុងឆ្នាំ២០២៥ តម្រូវការមន្ត្រីការទូតជាន់ខ្ពស់មាន៥០រូប ប៉ុន្តែមានតែបេក្ខជន៤៦រូបប៉ុណ្ណោះដែលប្រឡងជាប់ស្ថាពរ appeared first on Kampuchea Thmey Daily.

ថ្លែងមកកាន់ក្រុមអ្នកសារព័ត៌មាន ក្នុងពេលរៀបចំការប្រឡងជ្រើសរើសមន្ត្រីការទូតជាន់ខ្ពស់ លោកស្រី ពេជ្រ ពុទ្ធិសាធបូព៌ានាគី ដែលជាអ្នកការទូតជានារី បង្ហាញក្ដីមោទន នឹងរំពឹងដូច្នេះ៖«ក្រសួងការបរទេស មានមោទនភាពដែរ គឺជាទូទៅគឺស្ត្រីដាក់ពាក្យប្រឡងធ្វើជាអ្នកការទូតច្រើនជាងបុរស រយៈពេលដូចជា១០ឆ្នាំចុងក្រោយនេះ  ហើយអត្រាដែលស្ត្រីប្រឡងជាប់ក្នុងរង្វង់៣០ទៅ៤០ភាគរយ។ អ៊ីចឹងបានន័យនារីឥឡូវចូលចិត្តធ្វើការងារបែបការទូត ហើយបន្តិចទៀតនេះយើងនឹងទទួលបានមន្ត្រីការទូតផ្នែកនារីដែលមានសក្ដានុពលល្អ មានចំណេះដឹង ប្រឹងប្រែងធ្វើការងារ ហើយមានទេពកុសល្យ ជាពិសេសនោះមានឆន្ទៈស្នេហាជាតិ។»។

នៅក្នុងការប្រឡងមន្ត្រីការទូតជាន់ខ្ពស់ ក្របខណ្ឌក្រសួងការបរទេស រៀបចំឡើងនៅថ្ងៃទី០៣ ខែសីហា ឆ្នាំ២០២៥ មានបេក្ខជនចូលរួមប្រកួតប្រជែងសរុប៨០៣នាក់ ក្នុងនោះនារីមានចំនួន៤០៤នាក់ ។ ក្នុងការប្រឡងនាពេលនេះ  បេក្ខជនត្រូវឆ្លងកាត់ការប្រឡងលើវិញ្ញាសាសរសេរលើកទី១ ដើម្បីជាប់បន្តទៅវគ្គសម្ភាសន៍ ជាវគ្គចុងក្រោយទើបក្លាយជាមន្ត្រីការទូតជាន់ខ្ពស់។

នៅក្នុងឆ្នាំ២០២៥នេះ បើតាមលោកស្រី ពេជ្រ ពុទ្ធិសាធបូព៌ានាគី ក្រសួងការបរទេសជ្រើសរើសមន្ត្រីការទូតជាន់ខ្ពស់លើជំនាញដូចជា មន្ត្រីការទូតជាន់ខ្ពស់ផ្នែកច្បាប់  មន្ត្រីការទូតជាន់ខ្ពស់ផ្នែកទំនាក់ទំនងអន្តរជាតិ មន្ត្រីការទូតជាន់ខ្ពស់ផ្នែកសេដ្ឋកិច្ច និងមន្ត្រីជាន់ខ្ពស់ផ្នែកភាសាបរទេស។   លោកស្រីបន្ថែមថា ការជ្រើសមន្ត្រីនាពេលនេះ គឺក្រសួងការបរទេសរើសស្របតាមជំនាញ នឹងអ្វីដែលជាតម្រូវរបស់ក្រសួងកំពុងខ្វះជំនាញពិតប្រាកដ។ ក្រោយពីជ្រើសរើសបានមន្ត្រីការទូតទាំង៤ជំនាញខាងលើ ក្រសួងនឹងបញ្ជូលទៅតាមអគ្គនាយកដ្ឋានដែលកំពុងខ្វះមន្ត្រីជំនាញទាំងនោះ​។   

ក្រសួងការបរទេសទទួលបានក្របខណ្ឌពិសេសពីសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ឱ្យជ្រើសរើសមន្ត្រីការទូតចំនួន៥០រូប សម្រាប់បំពេញាការងារនៅក្នុងក្របខណ្ឌរបស់ក្រសួង ចំណែកឆ្នាំ២០២៦ សម្ដេចធិបតី ផ្ដល់ឱ្យ៥០រូបបន្ថែមទៀត ហើយនៅឆ្នាំ២០២៧ សម្ដេចអនុញ្ញាតឱ្យជ្រើសរើសមន្ត្រីការទូតចំនួន៥០រូបបន្ថែមទៀត ដើម្បីបំពេញបន្ថែមលើសេចក្ដីត្រូវការ។ នេះបើតាមការបញ្ជាក់រដ្ឋលេខាធិការក្រសួងការបរទេសដដែល។​

អ្នកការទូតជានារីរូបនេះ ឱ្យដឹងដែរថា ក្រោយពីប្រឡងជាប់ជាស្ថាពរ បេក្ខជនទាំងអស់នឹងទទួលបានការបណ្ដុះបណ្ដាលបន្ថែមពីសំណាក់សាលាភូមិន្ទរដ្ឋបាល ដែលស្ថិតនៅក្រោមក្រសួងមុខងារសាធារណៈមួយជំហាន ហើយជំហានបន្ទាប់ក្រសួងការបរទេស នឹងបញ្ជូនបេក្ខជនមន្ត្រីការទូតជាន់ខ្ពស់ទៅសិក្សាបន្ថែមនៅក្នុងវិទ្យាស្ថានការទូត និងទំនាក់ទំនងអន្តរជាតិស្ថិតក្រោមការគ្រប់គ្រង់របស់ក្រសួងចន្លោះពី៣ខែទៅ៦ខែ ទើបអនុញ្ញាតឱ្យចូលបំពេញការងារ។

បន្ថែមពីនេះ បេក្ខជនដែលប្រឡងនៅថ្ងៃនេះ បន្ទាប់ពីបានឱកាសបម្រើការនៅក្រសួង ក៏នឹងមានឱកាសបន្ថែមទៅបំពេញការងារនៅតាមស្ថានទូតរបស់កម្ពុជាប្រចាំនៅក្រៅប្រទេសផងដែរ ប៉ុន្តែត្រូវឆ្លងកាត់ការបំពេញការងារនៅក្រោមដំបូលរបស់ក្រសួងការបរទេសចាប់ពី៣ទៅ៥ឆ្នាំជាមុនសិន ទើបក្រសួងវាយតម្លៃពីសមត្ថភាពជាក់ស្ដែង រួចនឹងបញ្ជូនទៅស្ថានទូតណាមួយនៅក្រៅប្រទេសដែលសមនឹងតម្រូវការសមត្ថភាព។ នេះបើតាមការពន្យល់របស់លោកស្រី  រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ៕

ដោយ៖ង៉ិល ណារ៉ាត់

The post ១០ឆ្នាំមកនេះ ស្ត្រីច្រើនជាងបុរស ចូលប្រឡងធ្វើអ្នកការទូត៖មន្ត្រីការទូតជាន់ខ្ពស់ជាស្ត្រីរឹពឹងថា ឆ្នាំនឹងទទួលបានអ្នកការទូតស្ត្រីមានសក្ដានុពល និងឆន្ទៈស្នេហាជាតិកាន់តែច្រើន appeared first on Kampuchea Thmey Daily.

សម្រាប់ការប្រឡងជ្រើសរើសមន្ត្រីផ្អែកលើកិច្ចព្រមព្រៀងការងារឱ្យចូលបម្រើការងារនៅមណ្ឌលសុខភាព ដែលប្រព្រឹត្តិទៅនៅថ្ងៃនេះ មានបេក្ខជនចូលរួមប្រកួតប្រជែងសរុបជាង២៥ ០០នាក់។ ការប្រឡងនេះ ប្រព្រឹត្តិទៅតែមួយដងប៉ុណ្ណោះ ដោយកំណត់ជ្រើសរើសអ្នកជាប់ ៦៩៩នាក់ ដើម្បីទៅបំពេញការងារនៅក្នុងមណ្ឌលសុខភាពចំនួន៣៧៦ នៅតាមខេត្តចំនួន២២។ បេក្ខជន ត្រូវប្រឡងលើ ៣វិញ្ញាសា រួមមានវិញ្ញាសរសេរជំនាញឯកទេស, ការប្រឡងវិញ្ញាពហុចម្លើយភាសាបរទេស   និងការប្រឡងលើចំណេះដឹងទូទៅ។

ចំណែកការប្រឡងមន្ត្រីការទូតជាន់ខ្ពស់ ក្របខណ្ឌក្រសួងការបរទេសវិញ មានបេក្ខជនចូលរួមប្រកួតប្រជែងសរុប៨០៣នាក់ ក្នុងនោះនារីតមានចំនួន៤០៤នាក់ ។ ការប្រឡងនៅថ្ងៃនេះ ជាការប្រឡងលើវិញ្ញាសាសរសេរលើកទី ១ ដែលនឹងជ្រើសរើសបេក្ខជនបន្តទៅវគ្គសម្ភាសន៍ ដែលនឹងជ្រើសរើសចំនួនអ្នកជាប់ចុងក្រោយជាមន្ត្រីការទូតជាន់ខ្ពស់ចំនួន៥០នាក់ប៉ុណ្ណោះ ក្នុងឆ្នាំ២០២៥នេះ។

ការប្រឡងនៅថ្ងៃទី០៣ ខែសីហា ឆ្នាំ ២០២៥នេះ ដំណើរការទៅក្រោមការចូលរួមយ៉ាងសកម្មពីអ្នកសង្កេតការណ៍ មកពីអង្គភាពប្រឆាំងអំពើពុករលួយ សាធារណជន ក៏ដូចជាតំណាងមកពីសាកលវិទ្យាល័យ   ក៏ដូចជាយុវជនស្ម័គ្រចិត្តនៃសហភាពសហព័ន្ធយុវជនកម្ពុជាផងដែរ។ ការប្រឡងនេះ ក៏មានការចូលរួមដោយផ្ទាល់ ពីឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ ក្នុងការត្រួតពិនិត្យដំណើរការប្រឡង ជ្រើសរើសវិញ្ញាសាប្រឡង និងចូលរួមកាត់វិញ្ញាសាផងដែរ៕

The post ក្នុងថ្ងៃតែមួយ! បេក្ខជន៨០៣នាក់ប្រជែងគ្នាដើម្បីធ្វើជាអ្នកការទូតជាន់ខ្ពស់ ឯបេក្ខជន ២៥១៤នាក់ទៀត ប្រជែងគ្នាធ្វើជាមន្ត្រីសុខាភិបាល appeared first on Kampuchea Thmey Daily.

អ្នកការទូតស្រ្តី ដែលទទួលបានអាណត្តិបំពេញបេសកកម្មតំណាងឱ្យប្រជាជាតិកម្ពុជានៅតាមបណ្តាប្រទេសគោលដៅទាំង៧រូបនេះ រួមមាន៖

១) លោកស្រី សឿង រដ្ឋចាវី ឯកអគ្គរាជទូតកម្ពុជាប្រចាំប្រទេសចិន

ជាអ្នកការទូតឆ្នើមរបស់កម្ពុជា ដែលបានបំពេញកិច្ចការប្រកបដោយឆន្ទៈ សមត្ថភាព និងពោរពេញដោយបទពិសោធតាមរយៈមុខតំណែង និងតួនាទីជាបន្តបន្ទាប់នៅក្នុងវិស័យការទូត និងទំនាក់ទំនងអន្តរជាតិ លោកស្រី សឿង រដ្ឋចាវី ទទួលបានការតែងតាំងមុខតំណែងជាឯកអគ្គរាជទូតវិសាមញ្ញ និងពេញសមត្ថភាពរបស់កម្ពុជានៅសាធារណរដ្ឋប្រជាមានិតចិន និងប្រទេសម៉ុងហ្គោលី ដោយព្រះរាជក្រឹត្យចុះថ្ងៃទី២៩ ខែធ្នូ ឆ្នាំ២០២៣។ ការប្រគល់ភារកិច្ចឱ្យលោកស្រី សឿង រដ្ឋចាវី ដែលមានឋានៈជារដ្ឋលេខាធិការក្រសួងការបរទេស ទៅបំពេញបេសកកម្មនៅប្រទេសចិន គឺដំណាលគ្នានឹងអ្នកការទូតចម្បាំងចចករបស់ចិន លោក វ៉ាង វិនពីន ក៏ត្រូវបានរដ្ឋាភិបាលចិនបញ្ជូនឱ្យមកធ្វើជារដ្ឋទូតនៅកម្ពុជា។

ទាក់ទងនឹងប្រវត្តិការងារ ដំបូងឡើយ លោកស្រីឯកអគ្គរាជទូត សឿង រដ្ឋចាវី ជាមន្ត្រីនៅក្រសួងយុត្តិធម៌ ក្រោយមក នៅឆ្នាំ១៩៩៨ លោកស្រី បានចាប់ផ្ដើមចូលបម្រើការនៅក្រសួងការបរទេស ដែលមានតួនាទីជាប្រធានការិយាល័យ។ ជាបន្តបន្ទាប់ លោកស្រី ឡើងជាអគ្គនាយករង និងបន្តឡើងជាអគ្គនាយកនៃអគ្គនាយកដ្ឋានអាស៊ាន។ មិនតែប៉ុណ្ណោះ លោកស្រី សឿង រដ្ឋចាវី ក៏ធ្លាប់បំពេញតួនាទីជាអគ្គលេខាធិការរងអាស៊ានអាណត្តិកាងារ អនុរដ្ឋលេខាធិការក្រសួងការបរទេស និងជាទីប្រឹក្សាអតីតប្រមុខការទូត លោក ហោ ណាំហុង រហូតដល់ឆ្នាំ២០១០ គឺដំឡើងជារដ្ឋលេខាធិការ។

កាន់ជាឯកអគ្គរាជទូតនេះ មិនមែនជាតួនាទីថ្មីសម្រាប់លោកស្រី សឿង រដ្ឋចាវី ឡើយ ព្រោះថា លោកស្រីធ្លាប់ធ្វើជាឯកអគ្គរាជទូតកម្ពុជាប្រចាំចក្រភពអង់គ្លេស អៀរឡង់, ដាណឺម៉ាក, ស៊ុយអែត, ន័រវែស និងហ្វាំងឡង់ ដែលមាននិវេសដ្ឋាននៅទីក្រុងឡុងដ៍។ អ្នកការទូតស្ត្រីរូបនេះអាចប្រើប្រាស់ភាសាបរទេសរដល់៤ភាសា អង់គ្លេស បារាំង រុស្ស៊ី និងអេស្បាញ ហើយជាអតីតនិស្សិតកម្ពុជាដែលទទួលបានអាហារូបករណ៍ទៅបន្តការសិក្សានៅទីក្រុងមូស្គូ ប្រទេសរុស្ស៊ី ដែលបានចំណាយពេលសិក្សាប្រមាណ១៤ឆ្នាំ បញ្ចប់ទាំងថ្នាក់អនុបណ្ឌិតផ្នែកទំនាក់ទំនងអន្តរជាតិ និងថ្នាក់បណ្ឌិតវិទ្យាសាស្ត្រនយោបាយ។

២) លោកស្រី ជា គឹមថា ឯកអគ្គរាជទូតកម្ពុជាប្រចាំប្រទេសវៀតណាម

លោកស្រី ជា គឹមថា ជាឯកអគ្គរាជទូតស្ត្រីដំបូងគេរបស់កម្ពុជាប្រចាំនៅប្រទេសវៀតណាម បន្ទាប់ពីកម្ពុជា-វៀតណាម បានបង្កើតទំនាក់ទំនងការទូត​​ នៅឆ្នាំ១៩៦៧។ ជាបទពិសោធបំពេញបេសកកម្មនៅបរទេស លោកស្រី ជា គឹមថា ធ្លាប់បំពេញជាឯកអគ្គរាជទូតកម្ពុជាប្រចាំប្រទេសជប៉ុ​ន នៅចន្លោះឆ្នាំ២០១៥ ដល់ឆ្នាំ២០១៨ ខណៈចន្លោះឆ្នាំ២០០៥ ដល់ឆ្នាំ២០១០ លោកស្រី ធ្វើជាទីប្រឹក្សាអគ្គកុងស៊ុលកម្ពុជាប្រចាំនៅទីក្រុងតូក្យូ។

មុនកាន់ជាឯកអគ្គរាជទូតនៅប្រទេសវៀតណាម លោកស្រី ជា គឹមថា មានមុខតំណែងជាអនុរដ្ឋលេខាធិការក្រសួងការបរទេស ហើយអតីតភាពជាអគ្គនាយកអគ្គនាយកដ្ឋានអាស៊ីប៉ាស៊ីហ្វិក និងធ្លាប់កាន់ជាប្រធាននាយកដ្ឋានសហប្រតិបត្តិការអន្តរជាតិ ប្រធាននាយកដ្ឋានអាមេរិក ប្រធាននាយកដ្ឋានសហប្រតិបត្តិការមេគង្គ។ ទាក់ទិននឹងប្រវត្តិសិក្សា លោកស្រីឯកអគ្គរាជទូត បានបញ្ចប់ការសិក្សាសញ្ញាបត្រថ្នាក់បរិញ្ញាបត្រជាន់ខ្ពស់ផ្នែកសង្គមវិទ្យា ពីសាកលវិទ្យាល័យ Karl Marx នៃប្រទេសអាល្លឺម៉ង់​ ហើយចេះភាសាទាំងអាល្លឺម៉ង់ និងអង់គ្លេស។​

៣) លោកស្រី ទួត បញ្ញា ឯកអគ្គរាជទូតកម្ពុជាប្រចាំចក្រអង់គ្លេស

ជារដ្ឋលេខាធិការក្រសួងការបរទេស លោកស្រី ទួត បញ្ញា ត្រូវបានទទួលការតែងតាំងជាឯកអគ្គរាជទូតកម្ពុជាប្រចាំនៅចក្រភពអង់គ្លេស, អៀរឡង់, ដាណឺម៉ាក, ស៊ុយអែត, ន័រវែស និងហ្វាំងឡ និងជាឯកអគ្គរាជទូត លោកស្រីបានចូលបម្រើការងារជាមន្ត្រីនៃនាយកដ្ឋានសារព័ត៌មាន ក្រសួងការបរទេស តាំងពីឆ្នាំ១៩៨៣ ហើយបានឆ្លងកាត់តួនាទីជាច្រើន ចាប់តាំងពីអនុប្រធានការិយាល័យ ប្រធានការិយាល័យ នាយករងខុទ្ទកាល័យ ទីប្រឹក្សា អនុរដ្ឋលេខាធិការក្រសួង ជាដើម។ ជាអតីតនិស្សិតថ្នាក់បរិញ្ញាបត្រជាន់ខ្ពស់នៃបណ្ឌិតសភាការទូត ពីប្រទេសរុស្ស លោកស្រី ទួត បញ្ញា ក៏មានបទពិសោធបំពេញការងារជាឯកអគ្គរាជទូត​កម្ពុជាប្រចាំប្រទេសហ្វីលីពីន និងលេខាធិការស្ថានទូតកម្ពុជាប្រចាំទីក្រុងបាងកក។

៤) លោកស្រី ជ្រឹង បុទុមរង្សី ឯកអគ្គរាជទូតកម្ពុជាប្រចាំកូរ៉េខាងត្បូង  

លោកស្រី ជ្រឹង បុទុមរង្សី ជាអ្នកការទូតស្ត្រីវ័យក្មេង ត្រូវបានតែងតាំងជាឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េ (កូរ៉េខាងត្បូង) កាលពីខែមិថុនា ឆ្នាំ២០២១ ជំនួសលោក ឡុង​ ឌីម៉ង់។ ប្រវត្តិការងាររបស់លោកស្រី ជ្រឹង បុទុមរង្សី គឺកាន់តំណែងជាអនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ ហើយបានផ្ទេរក្របខណ្ឌមកបម្រើការងារនៅក្រសួងការបរទេស ដែលកាន់ជាអនុរដ្ឋលេខាធិការដដែល ខណៈនៅចុងឆ្នាំ២០២០ លោកស្រី ជ្រឹង បុទុមរង្សី ត្រូវបានតែងតាំង និងដំឡើងឋានៈជារដ្ឋលេខាធិការក្រសួងការបរទេស។

ជាកូនអ្នកខេត្តកំពង់ធំ លោកស្រី ជ្រឹង បុទុមរង្សី បានសិក្សាទាំងកម្រិតវិទ្យាល័យ និងឧត្តមសិក្សានៅទីក្រុងស៊ីដនី ប្រទេសអូស្រ្តាលី។ លោកស្រី បញ្ចាប់ថ្នាក់បរិញ្ញាបត្រផ្នែកសេដ្ឋកិច្ច និងហិរញ្ញវត្ថុ នៅសាកលវិទ្យាល័យ Western Sydney ខណៈថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងធុរកិច្ច នៅសាកលវិទ្យាល័យ Westminster ទីក្រុងឡុងដ៍ ចក្រភពអង់គ្លេស។

៥) លោកស្រី រត្ន ម៉ានី ឯកអគ្គរាជទូតកម្ពុជាប្រចាំប្រទេសឥណ្ឌា

ជាឯកអគ្គរាជទូតប្រចាំនៅប្រទេសឥណ្ឌា បង់ក្លាដែស ស្រីលង្កា អ៊ីរ៉ង់ នេប៉ាល់ និងម៉ាល់ឌីវ ដែលមាននិវេសនដ្ឋាននៅទីក្រុងញូវដេលី ជាបេសកកម្មការទូតជាលើកទី២ របស់លោកស្រី រត្ន ម៉ានី ដែលក្នុងចន្លោះ២០១៦ ដល់២០១៩ លោកធ្វើជាឯកអគ្គរាជទូតកម្ពុជាប្រចាំប្រទេសម៉ាឡេស៊ី ហើយមុនទទួលតួនាទីជាឯកអគ្គរាជទូត លោកស្រី រត្ន ម៉ានី ធ្លាប់ធ្វើជាលេខាធិការទី១ ស្ថានទូតកម្ពុជាប្រចាំប្រទេស​ជប៉ុន និងជាអនុប្រធានបេសកកម្មស្ថានទូតកម្ពុជាប្រចាំប្រទេសម៉ាឡេស៊ី។

ជាអ្នកការទូតចាស់វស្សាមួយរូបរបស់កម្ពុជា លោកស្រី រត្ន ម៉ានី កាន់តំណែងជាអនុរដ្ឋលេខាធិការក្រសួងការបរទេស មុននឹងទៅធ្វើទូតនៅឥណ្ឌាពេលនេះ ខណៈលោកស្រី បានប្រឡូកនៅក្នុងវិស័យការបរទេសប្រមាណ៤០ឆ្នាំមកហើយ ពោលគឺចូលបម្រើការនៅក្រសួងការបរទេស ជាមន្ត្រីនាយកដ្ឋាន​ទំនាក់ទំនងអន្ដរជាតិនៃគណបក្សនយោបាយ​ តាំងពីឆ្នាំ១៩៨៤ឯណោះ។

បញ្ចប់ការសិក្សាមកពីប្រទេសអូស្ត្រាលី និងប្រទេសវៀតណាម លោកស្រី រត្ន ម៉ានី មានសញ្ញាបត្រអនុបណ្ឌិតការទូត និងពាណិជ្ជកម្ម ពីសាកលវិទ្យាល័យម៉ូណាស ទីក្រុងមែលប៊ន និងបរិញ្ញាបត្រផែ្នកការទូត ពីបណ្ឌិតសភាការទូត ទីក្រុងហាណូយ ប្រទេសវៀតណាម ហើយអាចប្រើប្រាស់ភាសាអន្តរជាតិចំនួនពីរ គឺភាសាអង់គ្លេស និងវៀតណាម។

៦) លោកស្រី គឹមសួគ៌ សុវណ្ណារី ឯកអគ្គរាជទូតកម្ពុជាប្រចាំប្រទេសប៊ែលហ្សិក

លោកស្រី គឹមសួគ៌ សុវណ្ណារី ត្រូវបានព្រះមហាក្សត្រនៃកម្ពុជា ត្រាស់បង្គាប់តែងតាំងជាឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំប្រទេសបែលហ្ស៉ិក អូទ្រីស ហូឡង់ លុចសំបួ និងអមសហភាពអឺរ៉ុប ដែលមាននិវេសនដ្ឋាននៅទីក្រុងព្រុចសែល ប្រទេសបែលហ្ស៊ិក បន្ទាប់ពីលោក នង សាកល ដែលចប់អាណត្តិការងារ​ ដោយព្រះរាជក្រឹត្យកាលពីខែសីហា ឆ្នាំ២០២៤។

មុននឹងកាន់ជាឯកអគ្គរាជទូត លោកស្រី គឹមសួគ៌ សុវណ្ណារី ជាអគ្គនាយករងនៃអគ្គនាយកដ្ឋានអឺរ៉ុប អាមេរិក និងអាហ្វ្រិក-មជ្ឈិមបូព៌ា ក្រសួងការបរទេស។

៧) លោកស្រី អ៊ុន បូផាណា តំណាងអចិន្ត្រៃយ៍កម្ពុជាប្រចាំអង្គការ យូណេស្កូ

លោកស្រី អ៊ុន បូផាន់ណា គឺជាឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំអង្គការយូនីស្កូ នៅទីក្រុងប៉ារីស៕

The post អ្នកការទូតស្រ្តី៧រូប ទទួលបានអាណត្តិជាឯកអគ្គរាជទូតកម្ពុជាប្រចាំនៅបរទេស appeared first on Kampuchea Thmey Daily.

នេះគឺជាការបណ្តេញចេញដ៏ធំបំផុតមិនធ្លាប់មានសោះ។ កាលពីឆ្នាំ២០១៨ មានអ្នកការទូតរុស្ស៊ីត្រឹមតែ១២៣នាក់ប៉ុណ្ណោះ ដែលត្រូវបានបណ្តេញចេញ ដោយសារតែឧប្បត្តិហេតុបំពុល Skripal។ ការបណ្ដេញអ្នកការទូតរុស្ស៊ីទ្រង់ទ្រាយធំបំផុតត្រឹមមួយលើក គឺកើតឡើងក្នុងខែមិថុនាឆ្នាំ២០២២ នៅពេលអ្នកការទូតចំនួន៧០នាក់ ត្រូវបានបណ្តេញចេញពីប្រទេសប៊ុលហ្គារី។

កាលពីឆ្នាំ២០២២ ប៊ុលហ្គារី បានបណ្តេញអ្នកការទូតរុស្ស៊ីច្រើនជាងគេពោលគឺ៨៣នាក់។ បន្ថែមពីលើនេះ ប៉ូឡូញបានបណ្តេញអ្នកការទូតរុស្ស៊ីចំនួន៤៥នាក់ អាល្លឺម៉ង់៤០នាក់ ស្លូវ៉ាគី៣៥នាក់ បារាំង៣៥នាក់ ស្លូវេនី៣៣នាក់ អ៊ីតាលី៣០នាក់ សហរដ្ឋអាមេរិក២៨នាក់ និងអ្នកកាទូតដែលនៅសេសល់ ត្រូវបានបណ្តេញចេញពីបេសកកម្មនានា។

លើសពីនេះ ស្ថានកុងស៊ុលរុស្ស៊ី ត្រូវបានបិទនៅប្រទេសប៊ុលហ្គារី ឡាតវី លីទុយអានី និងអេស្តូនី។

គួរបញ្ជាក់ថា ទំនាក់ទំនងការទូតរវាងរុស្ស៊ីជាមួយអ៊ុយក្រែនត្រូវបានកាត់ផ្តាច់ ដោយប្រធានាធិបតីអ៊ុយក្រែនលោក Vladimir Zelensky កាលពីថ្ងៃទី២៤ ខែកុម្ភៈ ឆ្នាំ២០២២៕

ប្រែសម្រួល៖ Vann Vann

ប្រភព៖ TASS

ចុចអាន៖ រុស្ស៊ី បន្ទោសអាល្លឺម៉ង់ ថា ក្បត់ប្រវត្តិសាស្រ្ត និងធ្វើឲ្យជម្លោះនៅអ៊ុយក្រែន កាន់តែរីកធំ

The post អ្នកការទូតរុស្ស៊ីជិត ៦០០នាក់ ត្រូវបណ្តេញចេញពីប្រទេសលោកខាងលិច ចាប់តាំងពីខែកុម្ភៈឆ្នាំ២០២២ appeared first on Kampuchea Thmey Daily.