អ្នកជំងឺរ៉ាំរ៉ៃ Archives - Kampuchea Thmey Daily

ក្រោយក្រសួងប្រកាស តើអ្នកមានជំងឺប្រចាំកាយអ្វីខ្លះ អាចចាក់វ៉ាក់សាំងបាន?

Sonya — Wed, 20 Oct 2021 03:20:40 +0000

កាលពីថ្ងៃទី ១៩ ខែតុលា ឆ្នាំ២០២១ ក្រសួងសុខាភិបាល បានចេញសេចក្តីជូនព័ត៌មាន ស្តីពីការចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋដែលមានវ័យចាស់ ស្រ្តីមានផ្ទៃពោះ ស្រ្តីបំបៅកូនដោយទឹកដោះ អ្នកដែលបានព្យាបាលជាសះស្បើយពីជំងឺផ្សេងៗ រួមទាំងជំងឺកូវីដ-១៩ និងអ្នកមានជំងឺប្រចាំកាយ។

លោកជំទាវ ឱ វណ្ណឌីន រដ្ឋលេខានិងជាអ្នកពាក្យក្រសួងសិខាភិបាល បានក្រើនរំឮកក្នុងសេចក្ដីជូនដំណឹងថា ចំពោះអ្នកជំងឺកូវីដ-១៩ ដែលបានស្លាប់កន្លងមក ភាគច្រើនជាអ្នកដែលមិនបានចាក់វ៉ាក់សាំងការពារជំងឺកូវីដ-១៩ ដូចនេះដើម្បីកាត់បបន្ថយសភាពធ្ងន់ធ្ងរនៃជំងឺកូវីដ-១៩ និងកាត់បន្ថយអតិបរមា អត្រាស្លាប់ដែលបណ្តាលមកពីជំងឺកូវីដ-១៩ ក្រុមដែលប្រឈមទៅនឹងហានិភ័យនៃភាពធ្ងន់ធ្ងរនៃជំងឺកូវីដ-១៩ អាចស្ម័គ្រចិត្តទៅចាក់វ៉ាក់សាំងចាប់ពេលនេះតទៅ។

ប៉ុន្តែចម្ងល់ត្រង់ថា តើអ្នកដែលមានជំងឺប្រចាំកាយប្រភេទអ្វីខ្លះ ទើបអាចចាក់វ៉ក់សាំងបាន?

បើយោងតាមប្រភពពី អង្គការសុខភាពពិភពលោក (WHO) បានឱ្យដឹងថា វ៉ាក់សាំងដែលទទួលស្គាល់ជាផ្លូវការដោយស្ថាប័នរបស់ខ្លួន សុទ្ធតែមានសុវត្ថិភាព និងប្រសិទ្ធភាពចំពោះអ្នកដែលមានលក្ខខណ្ឌសុខភាពមិនប្រក្រតីដូចជា ជំងឺលើសឈាម ជំងឺសួតរ៉ាំរ៉ៃ ជំងឺបេះដូង ជំងឺធាត់ និងជំងឺទឹកនោមផ្អែម។ ដូចនេះហើយ អ្នកដែលមានជំងឺប៉ុន្មានមុខនេះ ពុំចាំព្រួយបារម្ភទៀតនោះទេ មិនថាវ៉ាក់សាំង ស៊ីណូវា៉ក់, ស៊ីណូហ្វាម, អាស្ត្រាហ្សេនីកា ឬ J&J ដែលកម្ពុជាកំពុងប្រើប្រាស់ សុទ្ធតែមានសុវត្ថិភាពចំពោះអ្នកជំងឺប្រចាំកាយទាំងអស់។

យ៉ាងណាមិញ លោកជំទាវ ឱ វណ្ណឌីន បញ្ជាក់ជាថ្មីថា អ្នកដែលមានជំងឺប្រចាំកាយ ឬជំងឺរ៉ាំរៃ ដែលអាចចាក់វ៉ាក់សាំងជូន លុះត្រាតែជាមនុស្សដែលមានស្ថានភាពនឹងនរ អាចគ្រប់គ្រងបាន៕

អត្ថបទ៖ សន្យា

ចុចអាន៖ ទើបចាក់វ៉ាក់សាំង Sinovac ដូសជំរុញរួច បានធ្វើរឿងទាំង ៤នេះឬនៅ?

ចុចអាន៖ មនុស្សចាស់ ចាក់វ៉ាក់សាំង Sinovac ដូសជំរុញ មានប្រសិទ្ធភាពដូចបុគ្គលវ័យក្មេងទេ?

The post ក្រោយក្រសួងប្រកាស តើអ្នកមានជំងឺប្រចាំកាយអ្វីខ្លះ អាចចាក់វ៉ាក់សាំងបាន? appeared first on Kampuchea Thmey Daily.

មនុស្ស ៥ក្រុមនេះ ត្រូវប្រញាប់ចាក់វ៉ាក់សាំងកូវីដដូសជំរុញឱ្យបានមុនគេ

Sonya — Tue, 12 Oct 2021 03:34:41 +0000

យោងតាមការស្រាវជ្រាវរបស់មជ្ឈមណ្ឌលគ្រប់គ្រងនិងបង្ការជំងឺឆ្លង (CDC) អាមេរិក មនុស្សដែលមានសុខភាពមួយចំនួន ត្រូវប្រញាប់ចាក់វ៉ាក់សាំងដូសជំរុញឱ្យបានឆាប់ជាទីបំផុត ព្រោះតែពួកគេងាយរងគ្រោះពីវីរុសកូវីដ-១៩ និងវីរុសបំប្លែងខ្លួនដទៃទៀតខ្លាំងជាងអ្នកផ្សេង។

CDC អាមេរិក ទូន្មានឱ្យបុគ្គលដែលមានបញ្ហាសុខភាព ពិសេសមនុស្សដែលមានជំងឺប្រចាំកាយ ត្រូវប្រញាប់ទៅចាក់វ៉ាក់សាំងដូសជំរុញឱ្យបានមុនគេ ដោយសារសុខភាពអ្នកទាំងនោះខ្សោយស្រាប់ ដូច្នេះពួកគេងាយប្រឈមហានិភ័យជាងបុគ្គលមានសុខភាពល្អ។ បុគ្គលទាំងនោះរួមមាន៖

១. មនុស្សវ័យចំណាស់៖ កម្រិតគ្រោះថ្នាក់នៃជំងឺកូវីដ-១៩ កើនឡើងទៅតាមវ័យ បើវ័យកាន់តែចាស់ ហានិភ័យសុខភាពក្នុងការធ្លាក់ខ្លួនឈឺធ្ងន់ក៏កាន់តែខ្ពស់ ជាពិសេសមនុស្សចាស់មានអាយុ ៨៥ឆ្នាំឡើងទៅ។ ហេតុនេះមនុស្សវ័យចំណាស់ គួរតែទៅទទួលវ៉ាក់សាំងដូសទី៣ ឱ្យបានមុនក្មេងៗ។

២. ជំងឺសួត៖ ជំងឺកូវីដ-១៩ វាយប្រហារទៅលើសួតរបស់អ្នកជំងឺ ហេតុនេះហើយ អ្នកដែលមានបញ្ហាសួតដូចជា ហឺត រលាកសួតរ៉ាំរ៉ៃ ឬជំងឺមហារីកសួត អាចប្រឈមនឹងបញ្ហាធ្ងន់ពេលកើតជំងឺកូវីដ-១៩។

៣. ជំងឺបេះដូង៖ បញ្ហាបេះដូងមួយចំនួនអាចបណ្ដាលឲ្យអ្នកជំងឺធ្លាក់ខ្លួនឈឺធ្ងន់ បើឆ្លងជំងឺកូវីដ-១៩ ពិសេសអ្នកមានជំងឺខ្សោយបេះដូង ត្រូវប្រញាប់ទៅចាក់វ៉ាក់សាំងដូសបន្ថែមឱ្យបានលឿន។

៤. ជំងឺទឹកនោមផ្អែម និងធាត់៖ ជំងឺទឹកនោមផ្អែមប្រភេទ១ និងប្រភេទ២ អាចធ្វើឲ្យអ្នកជំងឺមានរោគសញ្ញាធ្ងន់ធ្ងរពេលឆ្លងកូវីដ-១៩ ហើយជំងឺធាត់ ឬអ្នកធាត់លើសទម្ងន់ក៏ប្រឈមបញ្ហាធ្ងន់ធ្ងរពេលឆ្លងកូវីដ-១៩ដូចគ្នា។ ផ្អែកតាមការសិក្សាកន្លងមក អ្នកលើសទម្ងន់ក៏ងាយនឹងបាត់បង់ប្រសិទ្ធភាពវ៉ាក់សាំងក្នុងខ្លួនជាងបុគ្គលទូទៅផងដែរ។

៥. ប្រព័ន្ធភាពស៊ាំខ្សោយ៖ ប្រសិនបើមានប្រព័ន្ធភាពស៊ាំខ្សោយ ច្បាស់ណាស់ថា សុខភាពប្រឈមនឹងបញ្ហាធ្ងន់ធ្ងរ។ ដូច្នេះ បើមិនប្រញាប់ទៅចាក់វ៉ាក់សាំងដូសជំរុញឱ្យបានលឿនទេ មុខតែពិបាកជាងអ្នកដែលមានសុខភាពល្អ។

ក្រៅពីជំងឺប៉ុន្មានខាងលើនេះ ជំងឺកូវីដ-១៩ក៏វាយលុកលើសុខភាពចំពោះអ្នកជំងឺតម្រងនោម ជំងឺលើសសម្ពាធ ជំងឺថ្លើម ជំងឺក្រិនសរសៃឈាម ស្រ្តីពពោះ និងស្ត្រីកំពុងបំបៅកូនដោយទឹកដោះ៕

ប្រែសម្រួល៖ សន្យា

ចុចអាន៖ មានចំណុច ៣ ខ្លឹមនេះក្នុងខ្លួន ធានាថាដូសជំរុញ នឹងមានប្រសិទ្ធភាពកាន់តែខ្លាំងក្លាលើសមុន

ចុចអាន៖ អ្នកមានជំងឺ៧មុខនេះត្រូវចាក់វ៉ាក់សាំងកូវីដដាច់ខាត ព្រោះបើឆ្លងហើយ គ្រោះថ្នាក់ដល់ជីវិត

The post មនុស្ស ៥ក្រុមនេះ ត្រូវប្រញាប់ចាក់វ៉ាក់សាំងកូវីដដូសជំរុញឱ្យបានមុនគេ appeared first on Kampuchea Thmey Daily.

អ្នកមានជំងឺរ៉ាំរ៉ៃប៉ុន្មានមុខនេះ អាចចាក់វ៉ាក់សាំង Johnson & Johnson បានដោយសុវត្ថិភាព

Sonya — Mon, 02 Aug 2021 04:41:11 +0000

តាមប្រភពពី អង្គការសុខភាពពិភពលោក (WHO) បានឱ្យដឹងថា វ៉ាក់សាំង Jonhson & Jonhson មានសុវត្ថិភាពនិងប្រសិទ្ធភាពចំពោះអ្នកដែលមានលក្ខខណ្ឌសុខភាពមិនប្រក្រតីដូចជា ជំងឺលើសឈាម ជំងឺសួតរ៉ាំរ៉ៃ ជំងឺបេះដូង ជំងឺធាត់ និងជំងឺទឹកនោមផ្អែម។

វ៉ាក់សាំងចាក់តែ១ដូស Jonhson & Jonhson មិនត្រឹមតែផ្ដល់ប្រសិទ្ធភាពចំពោះបុគ្គលមានសុខភាពធម្មតាប៉ុណ្ណោះទេ តែវាក៏មានសមត្ថភាពឆ្លើយតបជាមួយប្រព័ន្ធភាពស៊ាំរបស់អ្នកជំងឺរ៉ាំរ៉ៃផងដែរ។

នៅក្នុងការស្រាវជ្រាវ គេបានសាកល្បងចាក់វ៉ាក់សាំងនេះទៅលើក្រុមមនុស្សដែលមានភាពស៊ាំចុះខ្សោយ (អ្នកជំងឺអេដស៍) និងជាក្រុមមានហានិភ័យខ្ពស់ប្រឈមនឹងការឆ្លងជំងឺកូវីដ ១៩ ធ្ងន់ធ្ងរ។ លទ្ធផលបង្ហាញថា អ្នកជំងឺទាំងនោះមិនមានប្រតិកម្មអាក្រក់លើសុខភាពក្រោយពីចាក់វ៉ាក់សាំងឡើយ ទោះបីជារាងកាយពួកគេឆ្លើយតបទៅនឹងប្រព័ន្ធភាពស៊ាំតិចជាងបុគ្គលធម្មតាក៏ដោយ។ នេះមានន័យថា វ៉ាក់សាំង Jonhson & Jonhson មានប្រសិទ្ធចំពោះអ្នកជំងឺរ៉ាំរ៉ៃ ហើយវាក៏ត្រូវបាន WHO ណែនាំឱ្យចាក់ជូនពួកគេផងដែរ។

គួរបញ្ជាក់ថា វ៉ាក់សាំង Jonhson & Jonhson ត្រូវបានរកឃើញប្រសិទ្ធភាព ៦៦.៩% ក្នុងការប្រឆាំងនឹងការឆ្លងជំងឺកូវីដ-១៩។ ២៨ ថ្ងៃបន្ទាប់ពីចាក់ថ្នាំវ៉ាក់សាំង Johnson&Johnson គេក៏រកឃើញថា វាផ្ដល់ប្រសិទ្ធភាព ៨៥.៤% ប្រឆាំងនឹងជំងឺធ្ងន់ធ្ងរ និង ៩៣.១% ប្រឆាំងនឹងការព្យាបាលនៅក្នុងមន្ទីរពេទ្យ។ វាត្រូវចំណាយពេល ១៤ ថ្ងៃ ដើម្បីឲ្យវ៉ាក់សាំងបញ្ចេញប្រសិទ្ធភាព។

ចំណែកស្រ្តីកំពុងបំបៅដោះកូន ក៏ជាក្រុមមនុស្សដែល WHO បានណែនាំឱ្យចាក់វ៉ាក់សាំង Jonhson & Jonhson និងពុំចាំបាច់បញ្ឈប់ការបំបៅកូនដោយទឹកដោះនោះទេ បន្ទាប់ពីទទួលថ្នាំបង្ការកូវីដមួយប្រភេទនេះ៕

ប្រែសម្រួល៖ សន្យា

ចុចអាន៖ ព័ត៌មានសំខាន់ៗជុំវិញវ៉ាក់សាំងអាមេរិក Johnson&Johnson យើងគួរដឹង

ចុចអាន វ៉ាក់សាំង Johnson & Johnson មានសុវត្ថិភាពខ្ពស់ចំពោះម្តាយកំពុងបំបៅដោះកូន

The post អ្នកមានជំងឺរ៉ាំរ៉ៃប៉ុន្មានមុខនេះ អាចចាក់វ៉ាក់សាំង Johnson & Johnson បានដោយសុវត្ថិភាព appeared first on Kampuchea Thmey Daily.