ការប្រកួតវគ្គផ្តាច់ព្រ័ត្រនេះ បានប្រារព្ធឡើងកាលពីថ្ងៃទី១៦ ខែមិថុនា ឆ្នាំ២០២៦ នៅវិមានពហុកីឡដ្ឋានជាតិអូឡាំពិក ដោយមានការចូលរួមពីថ្នាក់ដឹកនាំកាយរឹទ្ធិជាតិកម្ពុជា ក្រុមបេក្ខភាព និងភ្ញៀវកិត្តិយសជាច្រើនរូប។

អ្នកនាង ឱក សុគន្ធកញ្ញា បានលើកឡើងថា ក្នុងមនោសញ្ចេតនាដ៏រំភើប និងសប្បាយរីករាយយ៉ាងក្រៃលែង ក្នុងនាមជាទូតសុឆន្ទៈនៃកាយរឹទ្ធិជាតិកម្ពុជា អ្នកនាងមានកិត្តិយសបានចូលរួមជាមួយមហាគ្រួសារកាយរិទ្ធិជាតិកម្ពុជា ក្នុងព្រឹត្តិការណ៍វគ្គផ្តាច់ព្រ័ត្រនៃការប្រកួតក្រុមភ្លេងកាយរិទ្ធិថ្នាក់ជាតិ លើកទី៣ ដែលជាមោទនភាពដ៏ធំធេងមួយសម្រាប់រូបនាង។

ជាមួយគ្នានេះ អ្នកនាងក៏បានសម្តែងការអបអរសាទរចំពោះក្រុមដែលទទួលបានជ័យលាភីទាំង៣ រួមមាន ក្រុមភ្លេងកាយរឹទ្ធិរាជធានីភ្នំពេញ ក្រុមភ្លេងកាយរឹទ្ធិខេត្តឧត្តរមានជ័យ និងក្រុមភ្លេងកាយរឹទ្ធិខេត្តបាត់ដំបង ព្រមទាំងបានកោតសរសើរដល់បេក្ខភាពគ្រប់ក្រុមដែលបានជំនះភាពភ័យខ្លាច និងខិតខំបង្ហាញសមត្ថភាពរបស់ខ្លួនយ៉ាងពេញទំហឹង។

តារាចម្រៀងរូបនេះ បានបញ្ជាក់ថា ខ្លួនមានមោទនភាពចំពោះការខិតខំប្រឹងប្រែង និងការលះបង់កម្លាំងកាយចិត្តយ៉ាងសកម្មរបស់សមាជិកកាយរិទ្ធិវ័យក្មេងទាំងអស់ ដែលបានរួមចំណែកធ្វើឱ្យព្រឹត្តិការណ៍នេះប្រព្រឹត្តទៅដោយជោគជ័យ។

បន្ថែមពីនេះ អ្នកនាង ឱក សុគន្ធកញ្ញា ក៏បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំរាជរដ្ឋាភិបាល និងថ្នាក់ដឹកនាំកាយរឹទ្ធិជាតិកម្ពុជាគ្រប់ជាន់ថ្នាក់ ដែលបានផ្តល់ឱកាស និងកិត្តិយសដល់អ្នកនាងឱ្យក្លាយជាផ្នែកមួយនៃមហាគ្រួសារកាយរឹទ្ធិជាតិកម្ពុជា និងបានចូលរួមចំណែកក្នុងការជំរុញសកម្មភាពអប់រំ និងអភិវឌ្ឍយុវជនកម្ពុជាប្រកបដោយគុណតម្លៃ និងស្មារតីសន្តិភាព៕ ដោយ៖ ចាន់រ៉ា

The post ឱក សុគន្ធកញ្ញា បង្ហាញមោទនភាព ព្រោះបានរួមគ្នាជាមួយកាយរិទ្ធិជាតិកម្ពុជា ក្នុងការប្រកួតក្រុមភ្លេងថ្នាក់ជាតិលើកទី៣ appeared first on Kampuchea Thmey Daily.

ការតុបតែងខ្លួនលើកនេះ ត្រូវបានគេមើលឃើញថា មានការរួមបញ្ចូលគ្នារវាងមកុដអប្សរា និងរចនាប័ទ្មសិល្បៈខ្មែរពីគ្រប់សម័យកាល ដែលបានបន្សល់ទុកជាមរតកវប្បធម៌ដ៏សម្បូរបែប។ សោភ័ណភាពនៃការរៀបចំ បានរំលេចភាពស្រស់ស្អាត និងអត្តសញ្ញាណជាតិយ៉ាងច្បាស់លាស់ លើឆាកសិល្បៈសម័យទំនើប។

យោងតាមការបង្ហោះពីផេក “ភួងមាល័យ បាយសីខ្មែរ” ដែលជាក្រុមអ្នកជំនាញខាងគ្រឿងអលង្ការ និងសម្លៀកបំពាក់ បុរាណខ្មែរ បានបញ្ជាក់ថា ការរចនានេះ គឺយកគំនិតពីរតនវត្ថុ និងសិល្បៈបុរាណខ្មែរ មកបន្សំជាមួយគ្នា ដើម្បីបង្កើតសោភ័ណភាពថ្មី ខណៈនៅតែរក្សាក្បួនខ្នាតសិល្បៈខ្មែរ ដោយមិនបាត់បង់អត្តសញ្ញាណដើម។

ប្រភពដដែលក៏បានបន្ថែមថា ស្នាដៃនេះគឺជាលទ្ធផលនៃការសិក្សាស្រាវជ្រាវ និងការចូលរួមជួយជ្រោមជ្រែងពីគ្រូបង្រៀន និងអ្នកជំនាញជាច្រើន ដែលបានផ្តល់ដំបូន្មាន និងបទពិសោធ ដើម្បីឱ្យការបង្ហាញវប្បធម៌ខ្មែរ មានភាពរស់រវើក និងឈានទៅកាន់ឆាកជាតិ និងអន្តរជាតិ។

ភាពលេចធ្លោក្នុងឈុតទេវតាឆ្នាំថ្មីរបស់ ឱក សុគន្ធកញ្ញា លើកនេះ មិនត្រឹមតែបង្ហាញពីសមត្ថភាពសិល្បៈប៉ុណ្ណោះទេ ប៉ុន្តែថែមទាំងជាការចូលរួមលើកស្ទួយ និងផ្សព្វផ្សាយវប្បធម៌ខ្មែរ ឱ្យកាន់តែទូលំទូលាយផងដែរ៕ ដោយ៖ ចាន់រ៉ា

The post ឱក សុគន្ធកញ្ញា លេចធ្លោក្នុងឈុតទេវតាឆ្នាំថ្មី បង្ហាញសោភ័ណភាពវប្បធម៌ខ្មែរ ទទួលការសរសើរខ្លាំង appeared first on Kampuchea Thmey Daily.

ក្នុងឱកាសដ៏មានន័យនេះ ឱក សុគន្ធកញ្ញា បានជ្រើសរើសសម្លៀកបំពាក់បែបប្រពៃណីដែលមានរចនាបថសាមញ្ញ ប៉ុន្តែស្រស់ស្អាតសមសួន ស្របនឹងបរិយាកាសពិធីមង្គលការបែបខ្មែរ។ ជាមួយកាយវិការទន់ភ្លន់ និងការតុបតែងខ្លួនយ៉ាងសមរម្យ បានធ្វើឱ្យនាងទាក់ទាញការចាប់អារម្មណ៍ពីមហាជនលើបណ្តាញសង្គមផងដែរ។

ទោះបីក្លាយជាម្តាយកូនពីររួចហើយក្តី តារាចម្រៀងលំដាប់ប្រទេសរូបនេះ នៅតែរក្សាបាននូវសម្រស់ស្រស់ស្អាត។ ពិសេសជាមួយការតុបតែងខ្លួនយ៉ាងសាមញ្ញ រំលេចសម្រស់ស្ត្រីខ្មែរ សមសួន ទន់ភ្លន់ កាន់តែបានធ្វើឱ្យតារាចម្រៀងល្បីរូបនេះ គួរឱ្យចាប់អារម្មណ៍ និងទទួលបានការសរសើរពីអ្នកគាំទ្រ៕

The post ស្អាតសមសួន! ឱក សុគន្ធកញ្ញា លេចធ្លោជាមួយឈុតប្រពៃណីខ្មែរ ធ្វើជាអ្នកដឹកដៃកូនក្រមុំក្នុងពិធីមង្គលប្អូន ទេព បូព្រឹក្ស appeared first on Kampuchea Thmey Daily.

តាមទំនៀមទម្លាប់ រាប់ចាប់ពីថ្ងៃកាន់បិណ្ឌរហូតដល់ភ្ជុំបិណ្ឌ ពុទ្ធសាសនិកខ្មែរតែងធ្វើចង្ហាន់យកទៅវត្ត ដើម្បីប្រគេនព្រះសង្ឃនៅតាមភូមិ/ស្រុករៀងៗខ្លួន។ តួយ៉ាង មិនខុសគ្នាពីប្រជាពលរដ្ឋខ្មែរនោះឡើយ នៅឱកាសថ្ងៃកាន់បិណ្ឌទី១ តារាចម្រៀងជួរមុខ ឱក សុគន្ធកញ្ញា ក៏បានទៅធ្វើបុណ្យនៅទីអារាមជាមួយនឹងគ្រួសារផងដែរ ខណៈមិនចោលនូវការបង្ហាញឈុតប្រពៃណីដ៏ផូរផង់របស់ខ្មែរ។

តាមរយៈសារពីគណនីហ្វេសប៊ុក អ្នកនាង ឱក សុគន្ធកញ្ញា បានរៀបរាប់ថា “រីករាយពិធីកាន់បិណ្ឌ និងជាតិខ្មែរចាប់ពីថ្ងៃទី០៨ខែ កញ្ញា តទៅនេះបិណ្ឌ១ ដល់ បិណ្ឌ១៥ ជាថ្ងៃបងប្អូនប្រជាជនខ្មែរ ប្រកាន់ខ្ជាប់នូវប្រពៃណីធ្វើបុណ្យដាក់ទានឧទ្ទិសកុសលផលបុណ្យជូនដល់បុព្វការីជន សាច់ញាតិទាំងប្រាំពីរសណ្តាន”។

កំពូលតារាចម្រៀង ឱក សុគន្ធកញ្ញា បានបន្ថែមថា “សូមឱ្យគ្រប់ការធ្វើដំណើរទាំងអស់ប្រកបដោយសុខសុវត្ថិភាព និង ចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន”។ ខណៈកាលពីថ្មីៗនេះ តារាចម្រៀង ឱក សុគន្ធកញ្ញា ក៏បានរំលេចខ្លឹមសារដ៏មានអត្ថន័យដែរថា “រដូវកាលភ្ជុំ បិណ្ឌប្រពៃណីខ្មែរយើងបានចូលមកដល់ហើយបងប្អូនប្រជាជាតិយើងទាំងស្រីប្រុសត្រៀមខ្លួនសម្រាប់ពិធីបុណ្យតែកុំភ្លេច ព្រះរស់ នៅផ្ទះ”៕ ចាន់រ៉ា

The post បិណ្ឌ១! ឱក សុគន្ធកញ្ញា និងគ្រួសារ ដឹកដៃគ្នាទៅវត្ត បង្ហាញការប្រកាន់ខ្ជាប់នូវតម្លៃប្រពៃណីទំនៀមទម្លាប់ខ្មែរ appeared first on Kampuchea Thmey Daily.

ជាក់ស្តែង នៅលើបណ្ដាញសង្គមនានារហូតមកដល់ពេលនេះ គឺមានការចែករំលែកនិងបង្ហោះសារថ្កោលទោសអំពើអាកក្រក់ឈ្លានពានរបស់សៀមមកលើប្រទេសកម្ពុជា។ ជាពិសេស គឺរឿងដែលពួកចោរសៀមខំបំភ្លៃនូវការពិតនិងលាបពណ៌មកលើកម្ពុជា ដើម្បីប្រាប់ទៅកាន់ពិភពលោកឱ្យបានដឹងកាន់តែច្បាស់នូវទង្វើដ៏ស្មោគគ្រោគរបស់ពួកចោរសៀម។

តួយ៉ាង បើក្រឡេកទៅមើលសកម្មភាពតវ៉ាផ្សេងៗពីសំណាក់បងប្អូនខ្មែរកំពុងរស់នៅក្រៅប្រទេស ដែលក្នុងនោះ ក៏មានការចូលរួមរបស់កំពូលតារាចម្រៀង ឱក សុគន្ធកញ្ញា និងសិល្បករអាយ៉ៃជើងចាស់ដ៏ល្បីឈ្មោះគឺលោកយាយ យ៉យ ផងនោះ បាននិងកំពុងប្រើសំឡេងប្រឆាំងការឈ្លានពានរបស់ចោរសៀម។

សម្រាប់បងប្អូនកូនខ្មែរនៅក្រៅប្រទេសដែលបាននិងកំពុងប្រើសំឡេងប្រឆាំងកាឈ្លានពានរបស់ចោរសៀមនោះ រួមមាន ពលរដ្ឋខ្មែរដែលរស់នៅអូស្ដ្រាលី, ជប៉ុន, កូរ៉េ, នូវែលសេឡង់, អាមេរិក និងប្រទេសផ្សេងៗទៀតផងដែរ។ តាមរយៈការប្រឆាំងតវ៉ារបស់បងប្អូនខ្មែរដែលរស់នៅក្រៅប្រទេសនេះដែរ គឺជាការបង្ហាញសកម្មភាពប្រឆាំងតវ៉ានិងការឈ្លានពានរបស់ចោរសៀម ដើម្បីរកយុត្តិធម៌ សន្តិភាព និងភាពស្អាតស្អំរបស់កម្ពុជាដែលបាននឹងកំពុងរស់គ្រោះពីសំណាក់ចោរថៃ៕ ចាន់រ៉ា

The post ខ្មែររស់នៅក្រៅប្រទេស ព្រមនិងសិល្បករខ្មែរល្បីឈ្មោះ ក៏រួបរួមគ្នាប្រើសំឡេងប្រឆាំងការឈ្លានពានសៀមដែរ appeared first on Kampuchea Thmey Daily.

អ្នកនាង ឱក សុគន្ធកញ្ញា បានរៀបរាប់ថា ក្នុងនាមខ្លួនជាទូតសុច្ឆន្ទៈនៃកាយរឹទិ្ធជាតិកម្ពុជា ពិតជាមានសេចក្តីសោមនស្សរីករាយដែលបានចូលរួមនៅក្នុងកម្មវិធីការប្រកួតក្រុមភ្លេងកាយរឹទ្ធិថ្នាក់ជាតិលើកទី២​ ក្រោមប្រធានបទ​ “ភ្លេងកាយរឹទ្ធិ​ ដើម្បីមហាបវរវិបុលភាព។

តារាចម្រៀងល្បីឈ្មោះរូបនេះបន្តថា “នេះលើកទីមួយ សម្រាប់នាងខ្ញុំជាមួយកម្មវិធីថ្នាក់ជាតិកាយរឹទ្ធិហើយក៏ទទួលបាននូវមហាកិត្តិយស និង ការស្រឡាញ់រាប់អានស្វាគមន៍យ៉ាងកក់ក្តៅពីសំណាក់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំយុវជន និងកីឡា កាយរឹទ្ធរៀមច្បង កាយរឹទ្ធប្អូន ព្រមទាំងក្រុមការងារគ្រប់ជាន់ថ្នាក់ មកលើរូបនាងខ្ញុំ ដែលជាទូតសុឆន្ទៈកាយរឹទ្ធិជាតិកម្ពុជា”។

តារាចម្រៀងរូបនេះ បន្ថែមថា ទាំងនេះគឺជាសក្ខីភាពនៃក្តីស្រឡាញ់ប្រកបដោយគុណតម្លៃយ៉ាងជ្រាលជ្រៅ រួមទាំងស្នាមញញឹម កម្លាំងចិត្តដ៏មហិមា មិនថាក្រុមការងារនិងក្រុមភ្លេងកាយរឹទ្ធិមកពីគ្រប់រាជធានីខេត្ត និងជាពិសេសសំឡេងហ៊ោកញ្ជ្រៀវយ៉ាង​កងរំពង​របស់អ្នកដែលមានវត្តមាននៅទីនោះ បានផ្តល់នូវអនុស្សាវរីយ៍ដ៏គួរឱ្យចងចាំ។ អ្នកនាង ឱក សុគន្ធកញ្ញា ថា ខ្លួនចងចាំដិតជាប់​ក្នុងចិត្តមិនអាចបំភ្លេចបាន​នូវ​ភាព​អស្ចារ្យ​ប្រកបដោយគុណតម្លៃដ៏មហាសាលមួយនេះ។

គួរជម្រាបដែរថា តារាចម្រៀង ឱក សុគន្ធកញ្ញា ទើបតែត្រូវបានក្រសួងអប់រំ ប្រកាសជាទូតសុច្ឆន្ទៈកាយរឹទ្ធិជាតិកម្ពុជា កាលពីថ្មីៗកន្លងទៅនេះ។ ក្នុងនាមជាទូតសុឆន្ទៈ អ្នកនាងបានបេ្តជ្ញាចិត្តបំពេញតួនាទីឱ្យបានល្អបំផុត ដើម្បីលើកកម្ពស់ការអប់រំយុវជននៅក្នុងប្រទេសកម្ពុជា និងបានចូលរួមក្នុងកម្មវិធីប្រកួតក្រុមភ្លេងកាយរឹទ្ធិថ្នាក់ជាតិ លើកទី២ កាលពីថ្ងៃទី៤ ខែមិថុនានេះផងដែរ។ 

ក្នុងកម្មវិធីប្រកួតក្រុមភ្លេងកាយរឹទ្ធិថ្នាក់ជាតិ លើកទី២ នេះ ម្ចាស់ជ័យលាភីលេខ ១ បានទៅលើក្រុមភ្លេងព្យុហយាត្រាកាយរឹទ្ធិ ខេត្តឧត្តរមានជ័យ; ជ័យលាភីលេខ ២ បានទៅលើខេត្តកោះកុង និងជ័យលាភីលេខ ៣ បានទៅលើក្រុមភ្លេងកាយរឹទ្ធិ ខេត្តកណ្តាល៕ ចាន់រ៉ា

The post ឱក សុគន្ធកញ្ញា មោទនភាពបានចូលរួមក្នុងកម្មវិធីប្រកួតក្រុមភ្លេងកាយរឹទ្ធិថ្នាក់ជាតិ លើកទី២​ appeared first on Kampuchea Thmey Daily.

លោកបណ្ឌិតសភាចារ្យ ឧបនាយករដ្ឋមន្រ្តី បានស្វាគមន៍យ៉ាងកក់ក្តៅដល់លោកស្រី ឱក សុគន្ធកញ្ញា និងសហការី ចំពោះការចូលរួមក្នុងមហាគ្រួសារកាយរឹទ្ធិជាតិកម្ពុជា និងបានលើកឡើងពីសាវតានៃចលនាកាយរឹទ្ធិពិភពលោក ក៏ដូចជាសកម្មភាពជាច្រើនរបស់កាយរឹទ្ធិជាតិកម្ពុជាកន្លងមក និងនាពេលខាងមុខ។

បណ្ឌិតសភាចារ្យ ហង់ ជួនណារ៉ុន វាយតម្លៃខ្ពស់ចំពោះ លោកស្រី ឱក សុគន្ធកញ្ញា​បានស្ម័គ្រចិត្ត​ទទួលយកភារកិច្ចជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីផ្សព្វផ្សាយពីសកម្មភាពកាយរឹទិ្ធជាតិកម្ពុជា សំដៅលើកកម្ពស់ការអប់រំដល់យុវជនជំនាន់ក្រោយ តបតាមអនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលយកចិត្តទុកដាក់ជំរុញឱ្យយុវជនចូលរួមការងារសង្គម ដើម្បីបង្កើនភាពធន់ និងចំណេះដឹង​ប្រែក្លាយជាកម្លាំងចលករចូលរួមអភិវឌ្ឍសេដ្ឋកិច្ចសង្គមជាតិ។

ជាការឆ្លើយតប លោកស្រី ឱក សុគន្ធកញ្ញា បានថ្លែងអំណរគុណយ៉ាងជ្រាលជ្រៅដល់ ឯកឧត្ដមបណ្ឌិតសភាចារ្យ ឧបនាយករដ្ឋមន្រ្តី ព្រមទាំងក្រុមការងារកាយរឹទ្ធិទាំងអស់ ដែលបានផ្តល់កិត្តិយស និងឱកាសឱ្យលោកស្រី និងសហការី បានចូលរួមបំពេញភារកិច្ចដ៏មានអត្ថន័យនេះ ដើម្បីបម្រើដល់សង្គមជាតិ ដោយគូសបញ្ជាក់ពីការប្តេជ្ញាចិត្តខ្ពស់ក្នុងការរួមចំណែកឱ្យកាន់តែសកម្មដល់សកម្មភាពមនុស្សធម៌ សប្បុរសធម៌ ធ្វើជាគំរូបង្ហាញនូវទង្វើល្អក្នុងការរស់នៅ សច្ចធម៌ គុណធម៌ សន្តិភាពផ្លូវចិត្ត ជំរុញលើកទឹកចិត្តយុវជនជំនាន់ក្រោយឱ្យក្លាយជាកូនល្អ មិត្តល្អ សិស្សល្អ និងពលរដ្ឋល្អ។

តាងនាមក្រសួងអប់រំ យុវជន និងកីឡា ឧបនាយករដ្ឋមន្រ្តី ហង់ ជួនណារ៉ុន កោតសរសើរ និងថ្លែងអំណរគុណចំពោះទឹកចិត្ត និងការប្តេជ្ញាចិត្តរបស់ លោកស្រី ឱក សុគន្ធកញ្ញា និងសហការីទាំងអស់ ដែលបានស្ម័គ្រចិត្តចូលជាសមាជិកកាយរឹទិ្ធជាតិកម្ពុជា ដើម្បីចូលរួមចំណែកផ្សព្វផ្សាយការងារអប់រំ កិច្ចការមនុស្សធម៌ និងអភិវឌ្ឍសហគមន៍នានា នៅក្នុងព្រះរាជាណាចក្រកម្ពុជា។ ក្នុងនាមជាទូតសុច្ឆន្ទៈ លោកស្រី នឹងបន្តជួយផ្សព្វផ្សាយរូបភាពកាយរឹទិ្ធជាតិកម្ពុជា និងការអប់រំនៅក្នុងព្រះរាជាណាចក្រកម្ពុជា៕

The post តារាចម្រៀង ឱក សុគន្ធកញ្ញា ក្លាយជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីលើកកម្ពស់ការអប់រំយុវជន appeared first on Kampuchea Thmey Daily.

ការប្រកាសរបស់តារាចម្រៀងល្បីឈ្មោះឱក សុគន្ធកញ្ញា ខាងលើនេះ គឺបន្ទាប់ពីសង្កេតឃើញមានជនអនាមិកបានយករូបភាពនឹងឈ្មោះរបស់ខ្លួនទៅបង្កើតគណនីហ្វេសប៊ុករួមទាំងតេឡេក្រាមជាដើម។ ទង្វើនេះត្រូវបាននេះត្រូវបានអ្នកនាង ឱក សុគន្ធកញ្ញា ចាត់ទុកថាជារឿងដែលហួសចិត្តខ្លាំងចំពោះក្រុមជនបោកប្រាស់ទាំងនោះ។

តារាចម្រៀងអ្នកនាង ឱក សុគន្ធកញ្ញា បានបញ្ជាក់ថាសួស្តីពុកម៉ែបងប្អូនទាំងអស់គ្នាដោយក្តីគោរពស្រឡាញ់ពីនាងខ្ញុំ ឱក សុគន្ធកញ្ញា សូមចេញមកបក ស្រាយជាមួយបញ្ហាដែលកំពុងកើតឡើងជាមួយគណនីឆបោកដែលបន្លំជារូបនាងខ្ញុំ ។សូមបងប្អូនកុំមានការយល់ច្រឡំគណនីដែលមានក្នុងរូបនេះនិងផ្សេងៗជាគណនីក្លែងបន្លំ។

គួរជម្រាបថា ចំពោះរឿងរ៉ាវនៃសកម្មភាពខាងលើនេះ ពុំមែនជារឿងថ្មីឡើយ តែតែងកើតឡើងជារឿយៗក្នុងសង្គមកម្ពុជា។ ដូច្នេះហើយ តារាចម្រៀងរូបនេះ ដាស់តឿនឱ្យប្រុងប្រយ័ត្ន ក្រែងកើតមានករណីចាញ់កល់ជនអានាមិកដែលបង្កើតឡើងក្នុងចេតនាមិនល្អណាមួយ៕ ចាន់រ៉ា

The post ឱក សុគន្ធកញ្ញា ប្រាប់អ្នកស្គាល់ខ្លួនប្រុងប្រយ័ត្ន ក្រោយមានអ្នកបន្លំអត្តសញ្ញាណ និងគណនីហ្វេសប៊ុក appeared first on Kampuchea Thmey Daily.