ស្អាតសមសួន! ឱក សុគន្ធកញ្ញា លេចធ្លោជាមួយឈុតប្រពៃណីខ្មែរ ធ្វើជាអ្នកដឹកដៃកូនក្រមុំក្នុងពិធីមង្គលប្អូន ទេព បូព្រឹក្ស

ក្នុងឱកាសចូលរួមពិធីមង្គលការប្អូនប្រុសបង្កើតអ្នកនាង ទេព បូព្រឹក្ស និងអ្នករាំដ៏មានប្រជាប្រិយ គិន សិលាទេព្ពី តារាចម្រៀងលំដាប់ប្រទេស អ្នកនាង ឱក សុគន្ធកញ្ញា បានធ្វើឱ្យសាធារណជនចាប់អារម្មណ៍យ៉ាងខ្លាំង តាមរយៈរូបសម្រស់ដ៏លេចធ្លោក្នុងឈុតប្រពៃណីខ្មែរ ខណៈការចូលរួមមង្គលការនេះ គឺក្នុងនាមជាអ្នកដឹកដៃកូនក្រមុំ។

ក្នុងឱកាសដ៏មានន័យនេះ ឱក សុគន្ធកញ្ញា បានជ្រើសរើសសម្លៀកបំពាក់បែបប្រពៃណីដែលមានរចនាបថសាមញ្ញ ប៉ុន្តែស្រស់ស្អាតសមសួន ស្របនឹងបរិយាកាសពិធីមង្គលការបែបខ្មែរ។ ជាមួយកាយវិការទន់ភ្លន់ និងការតុបតែងខ្លួនយ៉ាងសមរម្យ បានធ្វើឱ្យនាងទាក់ទាញការចាប់អារម្មណ៍ពីមហាជនលើបណ្តាញសង្គមផងដែរ។

ទោះបីក្លាយជាម្តាយកូនពីររួចហើយក្តី តារាចម្រៀងលំដាប់ប្រទេសរូបនេះ នៅតែរក្សាបាននូវសម្រស់ស្រស់ស្អាត។ ពិសេសជាមួយការតុបតែងខ្លួនយ៉ាងសាមញ្ញ រំលេចសម្រស់ស្ត្រីខ្មែរ សមសួន ទន់ភ្លន់ កាន់តែបានធ្វើឱ្យតារាចម្រៀងល្បីរូបនេះ គួរឱ្យចាប់អារម្មណ៍ និងទទួលបានការសរសើរពីអ្នកគាំទ្រ៕