ខ្មែររស់នៅក្រៅប្រទេស ព្រមនិងសិល្បករខ្មែរល្បីឈ្មោះ ក៏រួបរួមគ្នាប្រើសំឡេងប្រឆាំងការឈ្លានពានសៀមដែរ

ក្នុងចលនាឆន្ទ:ប្រជាពលជនខ្មែរតែមួយ កំពូលតារាចម្រៀងល្បីឈ្មោះអ្នកនាង ឱក សុគន្ធកញ្ញា និងអ្នកសិល្បៈជើងចាស់ចម្រៀងអាយ៉ៃ និងជាអ្នកកំប្លែងជើងចាស់អ្នកស្រី​ នួន សារី ហៅយាយ យ៉យ បានចូលរួមជាមួយបងប្អូនពលរដ្ឋខ្មែររស់នៅក្រៅប្រទេសដើម្បីប្រើសំឡេងដ៏មានឥទ្ធិពលប្រកាសប្រាប់ទៅកាន់ពិភពលោក ពាក់ព័ន្ធជម្លោះឈ្លានពានរបស់ចោរសៀម មកលេីប្រទេសកម្ពុជា។

ជាក់ស្តែង នៅលើបណ្ដាញសង្គមនានារហូតមកដល់ពេលនេះ គឺមានការចែករំលែកនិងបង្ហោះសារថ្កោលទោសអំពើអាកក្រក់ឈ្លានពានរបស់សៀមមកលើប្រទេសកម្ពុជា។ ជាពិសេស គឺរឿងដែលពួកចោរសៀមខំបំភ្លៃនូវការពិតនិងលាបពណ៌មកលើកម្ពុជា ដើម្បីប្រាប់ទៅកាន់ពិភពលោកឱ្យបានដឹងកាន់តែច្បាស់នូវទង្វើដ៏ស្មោគគ្រោគរបស់ពួកចោរសៀម។

តួយ៉ាង បើក្រឡេកទៅមើលសកម្មភាពតវ៉ាផ្សេងៗពីសំណាក់បងប្អូនខ្មែរកំពុងរស់នៅក្រៅប្រទេស ដែលក្នុងនោះ ក៏មានការចូលរួមរបស់កំពូលតារាចម្រៀង ឱក សុគន្ធកញ្ញា និងសិល្បករអាយ៉ៃជើងចាស់ដ៏ល្បីឈ្មោះគឺលោកយាយ យ៉យ ផងនោះ បាននិងកំពុងប្រើសំឡេងប្រឆាំងការឈ្លានពានរបស់ចោរសៀម។

សម្រាប់បងប្អូនកូនខ្មែរនៅក្រៅប្រទេសដែលបាននិងកំពុងប្រើសំឡេងប្រឆាំងកាឈ្លានពានរបស់ចោរសៀមនោះ រួមមាន ពលរដ្ឋខ្មែរដែលរស់នៅអូស្ដ្រាលី, ជប៉ុន, កូរ៉េ, នូវែលសេឡង់, អាមេរិក និងប្រទេសផ្សេងៗទៀតផងដែរ។ តាមរយៈការប្រឆាំងតវ៉ារបស់បងប្អូនខ្មែរដែលរស់នៅក្រៅប្រទេសនេះដែរ គឺជាការបង្ហាញសកម្មភាពប្រឆាំងតវ៉ានិងការឈ្លានពានរបស់ចោរសៀម ដើម្បីរកយុត្តិធម៌ សន្តិភាព និងភាពស្អាតស្អំរបស់កម្ពុជាដែលបាននឹងកំពុងរស់គ្រោះពីសំណាក់ចោរថៃ៕ ចាន់រ៉ា