អ្នកនាំពាក្យលោក Stephane Dujarric បាននិយាយនៅក្នុងសេចក្តីថ្លែងការណ៍មួយថា ជម្លោះព្រំដែនរវាងកម្ពុជា និងថៃ បានបណ្តាលឱ្យមានជនស៊ីវិលស្លាប់ និងរបួសយ៉ាងច្រើន ការខូចខាតហេដ្ឋារចនាសម្ព័ន្ធស៊ីវិល និងការផ្លាស់ទីលំនៅនៅតាមព្រំដែនទាំងពីរ។

អ្នកនាំពាក្យរូបនេះបាននិយាយថា ប្រធានអង្គការសហប្រជាជាតិបានសង្កត់ធ្ងន់ថាភាគីទាំងពីរត្រូវតែការពារជនស៊ីវិល និងជួយសម្រួលដល់ការផ្តល់ជំនួយមនុស្សធម៌ ហើយជំរុញឱ្យភាគីទាំងពីរអនុវត្តការអត់ធ្មត់ និងជៀសវាងការកើនឡើងបន្ថែមទៀត។

លោក Dujarric បាននិយាយថា អគ្គលេខាធិការរំលឹកឡើងវិញនូវការអំពាវនាវរបស់លោកលើភាគីនានាឱ្យត្រឡប់ទៅក្របខ័ណ្ឌនៃសេចក្តីប្រកាសរួមដែលបានចុះហត្ថលេខាកាលពីថ្ងៃទី ២៦ខែតុលា ប្តេជ្ញាចិត្តឡើងវិញចំពោះបទឈប់បាញ់ និងអនុវត្តវិធានការកាត់បន្ថយការកើនឡើង និងការកសាងទំនុកចិត្ត។

អ្នកនាំពាក្យរូបនេះបាននិយាយថា លោក Guterres អំពាវនាវឱ្យភាគីទាំងពីរប្រើប្រាស់ឱ្យបានពេញលេញនូវយន្តការទាំងអស់សម្រាប់ការសន្ទនា ដើម្បីស្វែងរកដំណោះស្រាយយូរអង្វែងចំពោះជម្លោះតាមរយៈមធ្យោបាយសន្តិវិធី។

លោក Dujarric បាននិយាយថា៖«អង្គការសហប្រជាជាតិបានត្រៀមខ្លួនរួចជាស្រេចដើម្បីគាំទ្រកិច្ចខិតខំប្រឹងប្រែងទាំងអស់ដែលមានគោលបំណងលើកកម្ពស់សន្តិភាព ស្ថិរភាព និងការអភិវឌ្ឍន៍នៅក្នុងតំបន់” ។

ការប៉ះទង្គិចគ្នានៅតាមព្រំដែនបានផ្ទុះឡើងម្តងទៀតរវាងប្រទេសថៃ និងកម្ពុជា ចាប់ពីថ្ងៃអាទិត្យដល់ថ្ងៃចន្ទ ដោយមានការបាញ់កាំភ្លើងធំបានរាយការណ៍នៅក្នុងតំបន់ជាច្រើន ហើយប្រជាពលរដ្ឋបានប្រញាប់ប្រញាល់ជម្លៀសខ្លួននៅក្នុងខេត្តជាច្រើន ​រយៈ​ពេល​តែ​ជាង​១ខែ​​ប៉ុណ្ណោះបន្ទាប់ពីប្រទេសទាំងពីរបានចុះហត្ថលេខាលើសេចក្តីប្រកាសសន្តិភាពរួម​​គ្នា​នៅ​ទីក្រុង​កូឡាឡាំពួ​៕​​

The post ​អគ្គលេខាធិការ​​ UN​ ​ជំរុញ​ឲ្យ​ភាគី​​ជម្លោះ​ថៃ​និង​កម្ពុជា​​​ ​អត់ធ្មត់និង​វិល​ទៅរក​កិច្ចព្រមព្រៀងសន្តិភាព​​វិញ​ appeared first on Kampuchea Thmey Daily.

ក្នុងសន្និសីទសារព័ត៌មានប្រចាំថ្ងៃ​នៅ​ឯ​​អង្គការសហប្រជាជាតិ លោក Farhan Haq អ្នកនាំពាក្យរងរបស់ប្រធានអង្គការសហប្រជាជាតិ បាននិយាយនៅ​ថា «អគ្គលេខាធិការកំពុងតាមដានរបាយការណ៍​​ពាក់​ព័ន្ធ​អំពីការប៉ះទង្គិចគ្នាដោយអាវុធនៅព្រំដែន​រវាង​​កម្ពុជា-ថៃ។ ​អគ្គលេខាធិការ​​ជំរុញ​​ឲ្យ​ភាគី​​​​ទាំងពីរ​អនុវត្ត​ការ​​​អត់ធ្មត់់​​ឲ្យ​​ដល់​​កម្រិត​អតិបរិមា និង​ដោះស្រាយ​​​បញ្ហា​និមួយៗ​តាមរយៈ​​​ការ​សន្ទនា​ និង​ស្មារតី​​​អ្នកជិត​ខាងល្អ ជាមួយទស្សន​ស្វែង​រក​ដំណោះស្រាយ​​ឲ្យ​ដល់​ទីបញ្ចប់​​ចំពោះ​ជម្លោះនោះ»។

​ប្រទេសកម្ពុជា​បាន​ប្រកាន់​ជំហរ​​គោរព​ច្បាប់​អន្តរជាតិ​ក្នុងជម្លោះ​ដែល​កើត​មាន ដោយ​​​​បាន​ស្នើ​ភាគី​ថៃ​​នាំ​យក​ករណី​ជម្លោះនេះ​ទៅ​កាន់តុលាការ​យុត្តិធម៌​អន្តរជាតិ (ICJ) ​ប៉ុន្តែ​ភាគីថៃ​ ដែលមានរដ្ឋាភិបាល​មិនរឹងមាំ បាន​ច្រាន​ចោល​សំណើរ​កម្ពុជា ហើយ យោធាថៃ​បាន​បង្កហេតុជាប់ជាប្រចាំ រហូត​ដល់​មាន​ការ​ផ្ទុះ​អាវុធ​​នៅព្រឹកថ្ងៃទី​២៤ខែកក្កដា​២០២៥។

​យោង​តាម​ការ​បញ្ជាក់​របស់​អ្នក​នាំពាក្យ​ក្រសួង​ការពារជាតិ ក្នុងជម្លោះ​ប្រដាប់អាវុធ​នេះ ភាគី​ថៃ​បាន​​​បើក​ការ​វាយប្រហារ​​​តាមបណ្តោយ​ព្រំដែន ចាប់​ពីតំបន់​ប្រាសាទ​តាមាន់​ធំ​រហូត​ដល់​តំបន់មុំបី។​

ក្រោយ​ផ្ទុះ​អាវុធ​ភ្លាមៗ សម្តេច​ធិបតី ​លោកនាយក​រដ្ឋមន្ត្រី ហ៊ុន ម៉ា​ណែ​ត បាន​បញ្ជា​​ដាក់​ពាក្យ​បណ្តឹង​ទៅកាន់​​ក្រុមប្រឹក្សា​សន្តិសុខ​អង្គការសហប្រជាជាតិ​ ដែល​តាមការ​គ្រោង​ទុក​នឹង​ត្រូវ​កោះប្រជុំ​បន្ទាន់​មួយ​ដើម្បី​ពិភាក្សា​ពី​បញ្ហា​នេះ​ នៅថ្ងៃសុក្រនេះ​​៕​

The post ​អគ្គលេខាធិការ​ UN​​ ​ជំរុញ​​​កម្ពុជា​និង​ថៃ​​​​អត់​ធ្មត់ជា អតិបរិមា​ និង​ដោះស្រាយ​តាមការសន្ទនា​ appeared first on Kampuchea Thmey Daily.

“ធ្លាប់ជាប្រទេសដែលត្រូវបានបំផ្លាញដោយសារសង្រ្គាមស៊ីវិល ប្រទេសកម្ពុជាកំពុងចូលរួមឈានមុខក្នុងបេសកកម្មរក្សាសន្តិភាពនៅទូទាំងពិភពលោក ដោយមានកងរក្សាសន្តិភាពជាង ៨,០០០ នាក់ចូលរួម។ អង្គការសហប្រជាជាតិបានសរសើរដល់កងរក្សាសន្តិភាពកម្ពុជាចំពោះជំនាញ ការយកចិត្តទុកដាក់ និងការប្តេជ្ញាចិត្តដើម្បីរក្សាសន្តិភាព។” នេះជាសំណេរដែលសរសេរនៅលើទំព័រហ្វេសប៊ុកផ្លូវការរបស់អង្គការសហប្រជាជាតិប្រចាំកម្ពជា ផ្សព្វផ្សាយកាលពីថ្ងៃទី២៣ ខែឧសភា។

កម្ពុជាធ្លាប់ជាប្រទេសដែលជួបប្រទះសង្គ្រាមស៊ីវិលរ៉ាំរ៉ៃអស់រយៈពេលរាប់សិបឆ្នាំ។ ក្នុងទសវត្សរ៍ឆ្នាំ ១៩៩០ អង្គការសហប្រជាជាតិ ក៏បានបញ្ជូនកងទ័ពមួកខៀវមកកម្ពុជា ដើម្បីស្ដារសន្តិភាព និងស្ថិរភាពនៅកម្ពុជា។ យ៉ាងណា ទោះបីជាមានវត្តមានកងទ័ពមួកខៀវនៅកម្ពុជាក៏ដោយ ក៏មិនអាចជួយឱ្យកម្ពុជាទទួលបានសន្តិភាពពេញលេញដែរ។

កម្ពុជា ទទួលបានសុខសន្តិភាពពេញលេញក្រោមគោលនយោបាយឈ្នះ-ឈ្នះរបស់សម្ដេចតេជោ ហ៊ុន សែន នៅឆ្នាំ១៩៩៨។

ក្រោយកម្ពុជាមានសុខសន្តិភាពពេញលេញ, នៅឆ្នាំ២០០៦ កម្ពុជា ដែលធ្លាប់ជាប្រទេសទទួលកងកម្លាំងរក្សាសន្តិភាពរបស់អង្គការសហប្រជាជាតិ បានប្រែក្លាយខ្លួនពីប្រទេសដែលធ្លាប់ទទួលកងទ័ពមួកខៀវ ទៅជាប្រទេសដែលបញ្ជូនកងទ័ពមួយខៀវ ឬកងកម្លាំងរក្សាសន្តិភាពក្រោមឆត្រ UN ដ៏សកម្មទៅកាន់បណ្តាប្រទេសផ្សេងៗក្នុងពិភពលោក ដែលនេះជាការសម្រេចចិត្តរបស់សម្ដេចតេជោ ហ៊ុន សែន។

សម្តេចតេជោ ហ៊ុន សែន ធ្លាប់បានបញ្ជាក់ថា ការសម្រេចចិត្តបញ្ជូនកងទ័ពមួកខៀវរបស់កម្ពុជាទៅកាន់ពិភពលោក គឺជាការលំបាក និងជាការទទួលខុសត្រូវដ៏ធំផងដែរ ចំពោះមុខ នៃសុខសុវត្ថិភាពរបស់កងកម្លាំងកម្ពុជា។

ចាប់ពីឆ្នាំ២០០៦-បច្ចុប្បន្ន កម្ពុជាបានបន្តបញ្ជូនកងទ័ពមួកខៀវចំនួនជិត១ម៉ឺននាក់ ទៅបំពេញបេសកកម្មចំនួន១២ ក្នុងប្រទេសចំនួន១០ មានជាអាទិ៍៖ ស៊ូដង់ ស៊ូដង់ខាងត្បូង លីបង់ ឆាដ សាយប្រឺស ស៊ីរីម៉ាលី អាហ្រិ្វកកណ្តាល យេមែន និងកុងហ្គោ លើជំនាញបោសសំអាតមីន អាវុធហត្ថ ពេទ្យកម្រិត២ កម្ទេចគ្រាប់មិនទាន់ផ្ទុះ វិស្វកម្មព្រលានយន្តហោះ វិស្វកម្មសំណង់ផ្តេក-បញ្ឈរ នាយទាហានសេនាធិការ និងសង្កេតការណ៍។

គួរជ្រាបថានេះមិនមែនទើបតែជាលើកទីមួយឡើយដែលអង្គការសហប្រជាជាតិកោតសរសើរកងទ័ពមួកខៀវរបស់កម្ពុជា ពីព្រោះថាកន្លងមក អគ្គលេខាធិការរងអង្គការសហប្រជាជាតិ លោក អាទល់ ខារ៉េ ធ្លាប់បានសរសើរកងកម្លាំងមួកខៀវរបស់កម្ពុជាថា ជានាយទាហានប្រកបដោយភាពក្លាហាន មានវិន័យ វិជ្ជាជីវៈ និងការទទួលខុសត្រូវខ្ពស់៕

ដោយ÷ង៉ិល ណារ៉ាត់

The post មេ UN សរសើរថាកម្ពុជាជាគំរូដ៏ល្អក្នុងការរក្សា”សន្តិភាព” និងថាទ័ពមួកខៀវកម្ពុជាមានជំនាញ យកចិត្តទុកដាក់ និងប្ដេជ្ញារក្សាសន្តិភាព appeared first on Kampuchea Thmey Daily.

យោង​តាមការ​​ការ​ផ្សាយ​របស់​ ស្ថានីយ​វិទ្យុ Kan មាន​មូលដ្ឋាន​នៅ​ប្រទេស​​អ៊ីស្រាអែល  ការ​ហាម​ឃាត់​នេះ​នឹង​ផ្តោត​​​លើ​​ការ​ទំនាក់​ទំនង​របស់​មន្ត្រី​អ៊ីស្រាអែល​​​ជាមួយ​បុគ្គលិក​របស់ ​ភ្នាក់ងារ​​ UNRWA ​ការ​ចេញ​​ទិដ្ឋាការ ដល់​ពួកគេ  ឬ​​ក៏​ការ​ផ្តល់​ការ​អនុគ្រោះ​​ផែ្នកសេដ្ឋកិច្ច​ណាមួយ។​ ក្រៅ​ពី​នោះ​ អាជ្ញាធរ​​អ៊ីស្រាអែល​ក៏​មាន​ផែន​ការ​​ដាក់​ពាក្យ​បណ្តឹង​​បទឧក្រិដ្ឋ​​ប្រឆាំង​នឹងបុគ្គលិក​ភ្នាក់ងារ​​ UNRWA ​ដែលត្រូវ​បានសង្ស័យ​​អំពី​​ការ​ជាប់​ទាក់​ទង​​សកម្មភាព​​​​ភេរវករ​។​

ច្បាប់​នេះ​​បាន​ចេញ​បន្ទាប់​ពី​មាន​​សេចក្តីរាយការណ៍​អំពី​​បុគ្គលិក​​​របស់​ភ្នាក់​ងារ​អង្គការ​សហប្រជាជាតិខាងលើដែល​អាច​មានទំនាក់​ទំនង​​ជាមួយក្រុមហាម៉ាស​ នង ការ​ចោទ​ប្រកាន់​ដែលថា ពួកគេ​បាន​ជាប់​ទាក់​ទង​ការ​វាយប្រហារកាល​ថ្ងៃទី​៧ខែ​តុលា​ឆ្នាំ​មុន។

អគ្គលេខាធិការ​អង្គការ​សហប្រជជាតិ លោក ​អង់តូនីញ៉ូ ហ្គុយតឺរ៉េស​ នៅថ្ងៃទី​​២៩​តុលានេះ ក៏បាន​ចេញសេចក្តី​ប្រកាស​បង្ហាញ​ពីក្តី​បារម្ភ​​​ចំពោះ​រឿង​នេះ​។

សារ​របស់​លោកបានបង្ហោះ​នៅ​លើ​​គេហទំព័រ​​អង្គការ​សហប្រជាជាតិថា៖«​ខ្ញុំមានការព្រួយបារម្ភយ៉ាងខ្លាំងចំពោះការអនុម័តនៅថ្ងៃនេះដោយសភាអ៊ីស្រាអែល (Knesset of Israel) នៃច្បាប់ចំនួនពីរទាក់ទងនឹងទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) ដែលប្រសិនបើត្រូវបានអនុវត្ត ទំនងជានឹងរារាំង UNRWA ពីការបន្តការងារសំខាន់ៗរបស់​ខ្លួននៅក្នុង ទឹកដីប៉ាឡេស្ទីនដែលកាន់កាប់ រួមទាំងក្រុងហ្សេរុយសាឡឹមខាងកើត តាមអាណត្តិរបស់មហា​សន្និបាតអង្គការសហប្រជាជាតិ»​។

UNRWA គឺជាមធ្យោបាយចម្បងដែលជំនួយសំខាន់ៗត្រូវបានផ្គត់ផ្គង់ដល់ជនភៀសខ្លួនប៉ាឡេស្ទីននៅក្នុងទឹកដីប៉ាឡេស្ទីនដែលកាន់កាប់ដោយ​ភាគី​ជម្លោះ​អ៊ីស្រាអែល។ ​​

អគ្គលេខាធិការ​អង្គការ​សហប្រជាជាតិ បាន​លើក​ឡើង​ថា ការអនុវត្តច្បាប់អាចមានផលវិបាកយ៉ាងធ្ងន់ធ្ងរដល់ជនភៀសខ្លួនប៉ាឡេស្ទីននៅក្នុងទឹកដីប៉ាឡេស្ទីនកាន់កាប់ ដែលមិនអាចទទួលយកបាន។

«ខ្ញុំសូមអំពាវនាវឱ្យអ៊ីស្រាអែលធ្វើសកម្មភាពដោយខ្ជាប់ខ្ជួនជាមួយនឹងកាតព្វកិច្ចរបស់ខ្លួនក្រោមធម្មនុញ្ញអង្គការសហប្រជាជាតិ និងកាតព្វកិច្ចផ្សេងទៀតរបស់ខ្លួននៅក្រោមច្បាប់អន្តរជាតិ រួមទាំងនៅក្រោមច្បាប់មនុស្សធម៌អន្តរជាតិ និងកាតព្វកិច្ចដែលទាក់ទងនឹងអភ័យឯកសិទ្ធិ និងអភ័យឯកសិទ្ធិរបស់អង្គការសហប្រជាជាតិ។ ច្បាប់ជាតិមិនអាចកែប្រែកាតព្វកិច្ចទាំងនោះបានទេ»។

អង្គការ​សហប្រជាជាតិ បាន​លើក​ឡើង​​ក្នុងសេចក្តីថ្លែងការ​នោះថា ការ​អនុវត្ត​ច្បាប់​ទាំង​នេះ​នឹង​មាន​ផល​ប៉ះពាល់​ដល់​ការ​ដោះស្រាយ​ជម្លោះ​អ៊ីស្រាអែល និង​ប៉ាឡេស្ទីន និង​សន្តិភាព និង​សន្តិសុខ​ក្នុង​តំបន់​ទាំងមូល ហើយ​ភា្នក់ងារ​UNRWA គឺមិនអាចខ្វះបាន។

​បញ្ហា​​នៃ​ការ​ចេញច្បាប់​ហាមឃាត់​នេះ អង្គការ​សហប្រជាជាតិ​គ្រោង​នឹង​ដាក់​បញ្ហានេះ​​ទៅ​កាន់​មហាសន្និបាត​​អង្គការ​សហ​ប្រជាជាតិ៕

ដោយ រ៉ាន់ រើយ​

The post ​សភាអ៊ីស្រាអែល​អនុម័ត​ច្បាប់​ហាមឃាត់​ភ្នាក់ងារ​​ UN ​ខណៈប្រ​មុខ UN ​បង្ហាញកង្វល់និង​​ត្រៀម​ប្តឹង​អង្គសនិ្នបាត​​ appeared first on Kampuchea Thmey Daily.

ទីភ្នាក់ងារ​ព័ត៌មាន​រ៉យទ័ររបស់​ចក្រភព​អង់គ្លេស បាន​រាយការណ៍​ថា អគ្គលេខាធិការរបស់​អង្គការ​សហប្រជាជាតិ លោក Antonio Guterres បានយល់​ព្រម​ទៅ​ចូលរួម​កិច្ច​ប្រជុំ​កំពូល​ BRICS នៅ​ទីក្រុង Kazan នៃ​ប្រទេស​រុស្ស៊ី ខណៈដែល​​អ៊ុយក្រែន​បាន​រិះគន់​ចំពោះ​ការសម្រេច​ចិត្ត​នេះ​។​

តាមព័ត៌មាន​រ៉យទ័រ ក្រសួងការបរទេសអ៊ុយក្រែន បាន​និយាយថា ប្រមុខ​អង្គការ​សហប្រជាជាតិ​បាន​ព្រមទទួលការអញ្ជើញ​របស់លោក ពូទីន ទៅចូលរួមកិច្ចប្រជុំកំពូល BRICS ដែលនឹង​រៀបចំ​ឡើង​​នៅ​​​​ទឹកដីរុស្ស៊ី​ចាប់​ពីថ្ងៃទី​២២​ដល់​ថ្ងៃទី​២៤​ខែ​តុលា​នេះ​ ប៉ុន្តែ​​លោក​មិនបាន​ចូលរួម​ប្រជុំ​ផ្ទាល់​ ពេលដែលអ៊ុយក្រែន រៀបចំកិច្ចប្រជុំកំពូលស្តីពីសន្តិភាព។

តាមការ​ដកស្រង់​របស់​រ៉យទ័រ ក្រសួងការបរទេសអ៊ុយក្រែន លើកឡើង​នៅ​លើ​បណ្តាញ​សង្គម X ថា៖​​«ប្រមុខ UN បានបដិសេធ ហើយចាត់តែអ្នកតំណាង ឱ្យចូលកិច្ចប្រជុំស្តីពីសន្តិភាពអ៊ុយក្រែន ដែលរៀបចំកាលពីលើកដំបូង នៅក្នុងប្រទេសស្វីស។ ប៉ុន្តែ លោកបែរជាទទួលយកការអញ្ជើញ ទៅកាន់ទីក្រុង Kazan ពីសំណាក់លោក ពូទីន។ នេះគឺជាជម្រើសខុសឆ្គង ដែលមិនជំរុញបុព្វហេតុសន្តិភាព។ វាអាចត្រឹមតែធ្វើឱ្យខូចកេរ្តិ៍ឈ្មោះ UN ប៉ុណ្ណោះ»។

រុស្ស៉ី បាននិងកំពុងរៀបចំកិច្ចប្រជុំកំពូល នៃក្រុមប្រទេស BRICS នៅក្នុងទីក្រុង Kazan ហើយ ​លោកពូទីន ក៏​នឹង​​ទើប​ជួប​ប្រជុំ​ផ្ទាល់​ជាមួយ​ប្រមុខ​ដឹកនាំ​បណ្តា​ប្រទេសជាសមាជិក​លើក​ដំបូង​ ចាប់​តាំងពីឆ្នាំ​២០២០ ដោយសារ​តែវិបត្តិកូវីដផង និង​សង្គ្រាម​រុស្ស៊ី​និង​អ៊ុយក្រែន​ផង​៕​

ដោយ រ៉ាន់ រើយ​

The post ប្រមុខ​UNនឹងជួបពូទីន​​នៅ​កិច្ចប្រជុំកំពូល​ BRICS ខណៈអ៊ុយក្រែន​អន់ចិត្តខ្លាំង​ appeared first on Kampuchea Thmey Daily.

យោង​ទីភ្នាក់ងារ​ព័ត៌មាន​រ៉យទ័រ អ៊ីរ៉ង់​​បាន​​បាញ់​​មីស៊ីល​ផ្លោង​ច្រើន​​ជាង​១៨០​គ្រាប់​ទៅ​លើ​អ៊ីស្រាអែល​កាលពី​ថ្ងៃ​ទី១ខែ​តុលា​នេះ​​ ចំពេល​មាន​ការ​កើនឡើង​ក្នុង​ការ​ប្រយុទ្ធ​គ្នា​រវាង​​ក្រុម​សកម្ម​ប្រយុទ្ធ​​​ហេសបូឡា​ដែលខ្លួន​គាំទ្រ​នៅ​លីបង់និង​អ៊ីស្រាអែល។

ក្នុង​ចំណោម​មីស៊ីល​ផ្លោង​ទាំងនោះ​ ​តាម​សេចក្តីរាយការណ៍​នោះ មីស៊ីលភាគ​ច្រើនត្រូវបានស្ទាក់ចាប់បាននៅកណ្តាលអាកាស ប៉ុន្តែខ្លះបានទម្លាយសំណាញ់​ការពារមីស៊ីល​ក្នុងដែន​អាកាស​។ ទោះ​មីស៊ីល​​ខ្លះ​បាន​ធ្លាក់​ចូល​ក្នុងទីក្រុង​តែល​ អាវីវ រដ្ឋធានី​របស់​​​អ៊ីស្រាអែល​ ក៏​ មិន​​មាន​អ្នក​រង​របួស​ត្រូវ​បាន​គេ​រាយការណ៍​ដែរ​។

លោក ហ្គុយតឺរេស នៅ​ថ្ងៃទី​២ ខែតុលា​នេះ​ បានចេញសេចក្តីថ្លែងការណ៍ខ្លីមួយដោយសំដៅ​លើ​ការវាយប្រហារចុងក្រោយបំផុតនៅមជ្ឈិមបូព៌ា និងថ្កោលទោសជម្លោះ «ជាមួយនឹង​ការ​កើនឡើងបន្ទាប់ពីការកើនឡើង»។

នៅ​​ព្រឹក​ថ្ងៃ​ដដែល​​នៃ​​ការ​បាញ់​មីស៊ីល​​របស់​​​អ៊ីរ៉ង់​ អ៊ីស្រាអែល​បាន​បញ្ជូន​ទ័ព​​ផ្លូវគោក​ចូល​ទៅ​ភាគ​ខាង​ត្បូង​ប្រទេស​លីបង់។

រដ្ឋមន្ត្រី​ការបរទេស​អ៊ុយក្រែន លោក Katz បាននិយាយថា ការបរាជ័យរបស់​អគ្គលេខា​ធិការ​​​​​អង្គការ​សហប្រជាជាតិក្នុងការថ្កោល​ទោស​អ៊ីរ៉ង់ ធ្វើឱ្យគាត់ជាមនុស្សមិនពេញចិត្តនៅអ៊ីស្រាអែល។

លោក Katz បាននិយាយ​ថា៖«អ្នកណាម្នាក់ដែលមិនអាចថ្កោលទោសយ៉ាងដាច់អហង្ការចំពោះការវាយប្រហារដ៏សាហាវរបស់អ៊ីរ៉ង់មកលើអ៊ីស្រាអែល ដូចដែលប្រទេសស្ទើរតែទាំងអស់នៃពិភពលោកបានធ្វើ នោះមិនសមនឹងឈាន​ជើងចូល​ទឹកដីអ៊ីស្រាអែល​នោះទេ»។

លោក​​បាន​និយាយ​ថា​៖«​អ៊ីស្រាអែល​នឹង​បន្ត​ការពារ​ពលរដ្ឋ​របស់​ខ្លួន និង​លើក​កម្ពស់​សេចក្តី​ថ្លៃ​ថ្នូរ​​ជាតិ​របស់​ខ្លួន​ដោយ​មាន​ឬ​គ្មាន​លោក​ អង់តូនីញ៉ូ ហ្គុយតឺរេស»៕​

ដោយ រ៉ាន់ រើយ

The post អ៊ីស្រាអែល​ហាម​​អគ្គលេខាធិការ​ UN ​ចូល​ទឹកដីខ្លួន ក្រោយមិនថ្កោលទោស​អ៊ីរ៉ង់​ appeared first on Kampuchea Thmey Daily.

ការិយាល័យអ្នកសម្របសម្រួលអង្គការសហប្រជាជាតិប្រចាំនៅកម្ពុជាបានសូមអញ្ជើញអ្នកសារព័ត៌មានជាតិ និងអន្តរជាតិ ចូលរួមពិធីថ្លែងសុន្ទរកថារបស់អគ្គលេខាធិការអង្គការសហប្រជាជាតិជាមួយអ្នកសារព័ត៌មាន បន្ទាប់ពីលោកបញ្ចប់ទស្សនកិច្ចនៅសារមន្ទីរនេះ។ លោកអគ្គលេខាធិការអង្គការសហប្រជាជាតិ Antonio Guterres នឹងធ្វើឡើងនៅបរិវេណសារមន្ទីរផ្ទាល់។

តាមគម្រោងលោក នឹងមកដល់កម្ពុជា នៅវេលាម៉ោង ១៤៖៤៥ ថ្ងៃទី ១១ ខែវិច្ឆិកានេះ ដើម្បីចូលរួមកិច្ចប្រជុំអាស៊ាន-អង្គការសហប្រជាជាតិលើកទី១២ និងព្រឹត្តិការពាក់ព័ន្ធនានានៅរាជធានីភ្នំពេញ៕

The post អគ្គលេខាធិការUN លោក ​Antonio Guterres មកចូលរួមប្រជុំអាស៊ាន-អង្គកាសហប្រជាជាតិគ្រោងចូលសារមន្ទីរទួលស្លែង appeared first on Kampuchea Thmey Daily.

ដោយកត់សម្គាល់ការធ្វើឲ្យចុះខ្សោយនៃលទ្ធិប្រជាធិបតេយ្យជាមួយនឹងការបង្ក្រាប និងការប្រើកម្លាំងដ៏ឃោរឃៅនៅក្នុងប្រទេសមីយ៉ាន់ម៉ា លោក Guterres បាននិយាយថា “មានការរំលោភបំពានយ៉ាងធ្ងន់ធ្ងរទៅលើជនជាតិភាគតិចដោយគ្មានការទទួលខុសត្រូវ រួមទាំងអ្វីដែលត្រូវបានគេហៅថាជាការបោសសម្អាតជនជាតិភាគតិចរ៉ូហ៊ីងយ៉ា” ។

លោក Guterres បាននិយាយថា “ខ្ញុំសូមអំពាវនាវដល់យោធាមីយ៉ាន់ម៉ាឲ្យបញ្ឈប់ការបង្ក្រាបជាបន្ទាន់ ដោះលែងអ្នកទោស បញ្ចប់អំពើហិង្សា គោរពសិទ្ធិមនុស្ស និងឆន្ទៈរបស់ប្រជាជនដែលបានបង្ហាញនៅក្នុងការបោះឆ្នោតកាលពីពេលកន្លងទៅ” ។

ទន្ទឹមនោះប្រមុខ UN បាននិយាយថា លោកស្វាគមន៍ចំពោះសេចក្តីសម្រេចរបស់ក្រុមប្រឹក្សាសិទ្ធិមនុស្សកាលពីថ្ងៃទី ១២ ខែកុម្ភៈ ដោយបង្ហាញការគាំទ្រយ៉ាងខ្លាំងដល់ប្រជាជនមីយ៉ាន់ម៉ាក្នុងការស្វែងរកលទ្ធិប្រជាធិបតេយ្យ សន្តិភាព សិទ្ធិមនុស្ស និងនីតិរដ្ឋ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

The post ប្រមុខ UN ជំរុញរបបយោធាមីយ៉ាន់ម៉ា គោរពឆន្ទៈប្រជាជន appeared first on Kampuchea Thmey Daily.