យុទ្ធនាការទទូចឱ្យ Mbappe ចាកចេញ ឬ “Mbappe out” បានផ្ទុះឡើងនៅលើបណ្ដាញសង្គមក្នុងប៉ុន្មានថ្ងៃចុងក្រោយនេះ ក្រោយខ្សែប្រយុទ្ធវ័យ ២៧ ឆ្នាំ ត្រូវបានគេឃើញទៅសម្រាកលំហែកាយនៅកោះ Sardinia ក្នុងប្រទេស អ៉ីតាលី ជាមួយមិត្តស្រីរបស់គេ គឺតារាសម្ដែង Ester Exposito។

ប្រការនេះ បានធ្វើឱ្យអ្នកគាំទ្រ Real Madrid ខឹងសម្បារយ៉ាងខ្លាំង ដោយសារក្រុម Real Madrid កំពុងស្ថិតក្នុងដំណាក់កាលពិបាកបំផុត ដែលសឹងតែមិនអាចឈ្នះពានសូម្បីតែ ១ នៅរដូវកាលនេះ ប៉ុន្តែ Mbappe វិញ បែរ​ជាកំពុងមានរបួស ស្រាប់តែទៅដើរលេងជាមួយមិត្តស្រីរបស់ខ្លួននៅប្រទេស អ៉ីតាលី ហាក់មិនមានរឿងអ្វីកើតឡើង។

ញត្តិ “Mbappe out” នេះបានចាប់ផ្តើមកាលពីថ្ងៃអង្គារ៍ ដោយដំបូងឡើយ អ្នកគាំទ្រទាំងនោះមានគោលដៅប្រមូលចំនួនអ្នកបោះឆ្នោតត្រឹមតែ ២០ ម៉ឺននាក់ប៉ុណ្ណោះ ប៉ុន្តែក្រោយមកបានកើនឡើងយ៉ាងលឿនដល់ ២០ ម៉ឺននាក់ ហើយបន្តមកទៀត ក៏បានឡើងលើស ១ លាននាក់ក្នុងរយៈពេលតែប៉ុន្មានម៉ោង បន្ទាប់ពីបើកដំណើរការ។ មកដល់ថ្ងៃ ពុធ នេះ ចំនួនអ្នកដាក់ញត្តិបានកើនលើស ៤ លាននាក់ហើយ។ នេះបើតាមការរាយការណ៍របស់ The Sun៕

ប្រែសម្រួល៖ សេម កុសល
ប្រភព៖ VN Express

The post អ្នកគាំទ្រកើនដល់ ៤ លាននាក់ ដាក់ញត្តិបណ្តេញ Mbappe ចេញពីក្លិប ក្រោយគេសាងកំហុសធំ ១ appeared first on Kampuchea Thmey Daily.

ក្នុងកំណត់ត្រាកីឡាករស៊ុតបញ្ចូលទីច្រើនបំផុតគ្រប់ពេលវេលានៅ World Cup គឺអ្នកឈរចំណាត់ថ្នាក់លេខ ១ កំពុងកាន់កាប់ដោយវីរបុរស អាល្លឺម៉ង់ លោក Miroslav Klose ដែលរកបាន ១៦ គ្រាប់។ ចំណែកវិរបុរស ប្រេស៊ីល លោក Ronaldo Nazario ឈរលេខ ២ រកបាន ១៥ គ្រាប់, លោក Gerd Muller ឈរលេខ ៣ រកបាន ១៤ គ្រាប់។

អតីតកីឡាករ បារាំង លោក Just Fontaine ឈរលំដាប់លេខ ៤ រកបាន ១៣ គ្រាប់ ស្មើគ្នាជាមួយប្រធានក្រុម អាហ្សង់ទីន កីឡាករ Lionel Messi។ ដោយឡែក Kylian Mbappe ឈរនៅលំដាប់លេខ ៦ រកបាន ១២ គ្រាប់ស្មើគ្នាជាមួយវីរបុរស ប្រេស៊ីល លោក Pele។

ក្នុងចំណោមកីឡាករលំដាប់កំពូលទាំង ១០ គឺមានតែ Messi និង Mbappe ប៉ុណ្ណោះ ដែលជាកីឡាករនៅបន្តលេងក្នុងពេលបច្ចុប្បន្ន។ ដូច្នេះពួកគេទាំង ២ នាក់ នឹងក្លាយជាមុខព្រួញធំមួយ ដើម្បីវ៉ាលោក Klose ឡើងទៅឈរនៅចំណាត់ថ្នាក់លេខ ១ វិញ ដោយ Messi ត្រូវការ ៤ គ្រាប់ ខណៈ Mbappe ត្រូវការ ៥ គ្រាប់៕

អត្ថបទ៖ សេម កុសល

The post Messi និង Mbappe ត្រៀមប្រជែងគ្នា បំបែកកំណត់ត្រាធំមួយនៅ World Cup 2026 appeared first on Kampuchea Thmey Daily.

ថ្មីៗនេះក្លិបអធិរាជស Real Madrid បញ្ជាក់ជាផ្លូវការ ថា Mbappe បានរងរបួសជង្គង់ខាងឆ្វេង។ ស្ថានភាពនេះបានធ្វើឱ្យ Mbappe អវត្តមាន ២ ប្រកួតហើយ គឺការប្រកួតជម្រុះ playoff ពាន UCL ជើងទី ២ ទល់ Benfica និងការប្រកួតក្របខណ្ឌ La Liga ទល់នឹង Getafe នាយប់រំលងអាធ្រាត្រឈានចូលថ្ងៃ អង្គារិ៍ ទី ៣ ខែ មីនា នេះ។

ទោះបីជាយ៉ាងណា Real Madrid មិនទាន់បានបញ្ជាក់នៅឡើយទេ ថា Mbappe នឹងត្រូវអវត្តមានរយៈពេលប៉ុន្មានសប្តាហ៍ ប៉ុន្តែបើតាមគ្រូបង្វឹកលោក Álvaro Arbeloa បានបញ្ជាក់ គឺ Mbappe កំពុងស្ថិតក្នុងភាពសង្ស័យសម្រាប់ការប្រកួតទល់នឹង Man City ដោយស្ថានភាពរបួសរបស់គេមិនមែនស្ថិតក្នុងរយៈពេលខ្លីទេ ប៉ុន្តែស្ថិតក្នុងរយៈពេលវែង។

ដោយឡែក Jude Bellingham វិញ បានអវត្តមានប៉ុន្មានប្រកួតមកហើយ ដោយសារមានបញ្ហារបួសសាច់ដុំភ្លៅ។ យោងតាមសារព័ត៌មាន El Laguero បានឱ្យដឹង ថា ខ្សែបម្រើសញ្ជាតិ អង់គ្លេស នឹងអវត្តមានការប្រកួតវគ្គ ១៦ ក្រុមចុងក្រោយទាំង ២ ជើងតែម្តងទល់ Man City។ Bellingham អាចនឹងត្រឡប់មកកាន់ទីលានវិញបាន នាចុងខែ មីនា ឬ ដើមខែ មេសា ខាងមុខ។

គួរបញ្ជាក់ ថា ការប្រកួតជើងទី ១ វគ្គ ១៦ ក្រុមចុងក្រោយពាន UCL រវាង Real Madrid និង Man City នឹងធ្វើឡើងជើងទី ១ នៅកីឡដ្ឋាន Santiago Bernabeu នៅថ្ងៃទី ១២ ខែ មីនា ឆ្នាំ ២០២៦។ ចំណែកការប្រកួតជើងទី ២ នឹងធ្វើឡើងនៅកីឡដ្ឋាន Eitihad ក្នុងប្រទេស អង់គ្លេស នាថ្ងៃទី ១៨ ខែ មីនា ឆ្នាំ ២០២៦៕

អត្ថបទ៖ សេម កុសល

The post Real Madrid អាចបាត់កម្លាំងសំខាន់ដល់ទៅ ២ នាក់ ពេលជួប Man City ក្នុងពាន UCL appeared first on Kampuchea Thmey Daily.

កីឡាករ Kylian Mbappe ដណ្តើមបានចំណាត់ថ្នាក់កំពូលតារាង ជាកីឡាករស៊ុតបញ្ចូលទីច្រើនបំផុតក្នុងឆ្នាំ ២០២៥។ ចំណែកកំពូលកីឡាករ Lionel Messi និង Cristiano Ronaldo នៅតែស្ថិតក្នុងចំណាត់ថ្នាក់កំពូលទាំង ១០ ទោះពួកគាត់មានវ័យ​កាន់​តែ​ច្រើន។

ក្នុងឆ្នាំ ២០២៥ ខ្សែប្រយុទ្ធរបស់ Real Madrid កីឡាករ Kylian Mbappe ឈរនៅលើគេ តាម​រយៈ​ការ​រកបានគ្រាប់បាល់ច្រើនបំផុត ទាំងនៅក្លិប និងជម្រើសជាតិ បារាំង ចំនួន ៦៦ គ្រាប់។ ចំណែក​កីឡាករ Harry Kane ខ្សែប្រយុទ្ធរបស់ Bayern Munich ឈរនៅលេខ ២ រកបានគ្រាប់បាល់សរុបចំនួន ៦០ គ្រាប់។ ខ្សែប្រយុទ្ធរបស់ Manchester City កីឡាករ Erling Haaland ឈរនៅលេខ ៣ រកបាន ៥៧ គ្រាប់។

ចំណាត់ថ្នាក់លេខ ៤ គឺកីឡាករ Kevin Hernandez របស់ក្រុម Puerto Rico SSC រកបាន ៤៨ គ្រាប់។ Victor Osimhen ខ្សែប្រយុទ្ធរបស់ Galatasaray ឈរនៅលេខ ៥ រកបាន ៤៦ គ្រាប់។ ខ្សែប្រយុទ្ធរបស់ Inter Miami កីឡាករ Lionel Messi ឈរនៅលេខ ៦ រកបាន ៥៤ គ្រាប់។ ចំណាត់ថ្នាក់លេខ ៧ កីឡាករ Vangelis Pavlidis របស់ក្រុម Benfica រកបាន ៤៥ គ្រាប់។

ដោយឡែកចំណាត់ថ្នាក់លេខ ៨ បានទៅលើកីឡាករ Guilherme Bissoli របស់ក្រុម Buriram United រកបាន ៤៤ គ្រាប់។ ខ្សែប្រយុទ្ធរបស់ក្រុម Al-Nassr កីឡាករ Cristiano Ronaldo ឈរនៅលេខរៀងទី ៩ រកបាន ៤១ គ្រាប់ និងចុងក្រោយកីឡាករ Jorge Rivera របស់ក្រុម Metropolitan FA ឈរនៅលេខ ១០ រកបាន ៤០ គ្រាប់។

ខាងក្រោមនេះ ជាចំណាត់ថ្នាក់កីឡាករទាំង ១០ រកបានគ្រាប់បាល់ច្រើនបំផុតប្រចាំឆ្នាំ ២០២៥៖

១. Kylian Mbappé (Real Madrid/បារាំង) ៦៦ គ្រាប់ ក្នុង ៦៧ ប្រកួត

២. Harry Kane (Bayern Munich/អង់គ្លេស) ៦០ គ្រាប់ ក្នុង ៦៥ ប្រកួត

៣. Erling Haaland (Manchester City/ន័រវែស) ៥៧ គ្រាប់ ក្នុង ៥៥ ប្រកួត

៤. Kevin Hernandez (Puerto Rico SSC/ព័រតូរីកូ) ៤៨ គ្រាប់ ក្នុង ៣៧ ប្រកួត

៥. Victor Osimhen (Galatasaray/នីហ្ស៊េរីយ៉ា):៤៦ គ្រាប់ ក្នុង ៥២ ប្រកួត

៦. Lionel Messi (Inter Miami/អាហ្សង់ទីន) ៤៦ គ្រាប់ ក្នុង ៥៤ ប្រកួត

៧. Vangelis Pavlidis (Benfica/ក្រិច): ៤៥ គ្រាប់ ក្នុង ៧៣ ប្រកួត

៨. Guilherme Bissoli (Buriram United/ប្រេស៊ីល): ៤៤ គ្រាប់ ក្នុង ៦០ ប្រកួត

៩. Cristiano Ronaldo (Al Nassr/ព័រទុយហ្គាល់): ៤១ គ្រាប់ ក្នុង ៤៦ ប្រកួត

១០. Jorge Rivera (Metropolitan FA/ព័រតូរីកូ): ៤០ គ្រាប់ ក្នុង ៣៥ ប្រកួត៕

ប្រែសម្រួល៖ សេម កុសល
ប្រភព៖ ESPN

The post Messi និង Ronaldo បន្តស្ថិតក្នុងលំដាប់កំពូលទាំង ១០ ជាកីឡាកររកគ្រាប់បាល់ច្រើនបំផុតឆ្នាំ ២០២៥ appeared first on Kampuchea Thmey Daily.

កីឡាករ Mbappe បានឈានចូលវ័យ ២៧ ឆ្នាំ កាលពីថ្ងៃទី ២០ ខែ ធ្នូ ឆ្នាំ ២០២៥ ខណៈអាជីពរបស់គេកំពុងស្ថិតនៅក្នុងដំណើរដ៏ជោគជ័យជាមួយក្រុមអធិរាជស Real Madrid។ កីឡាករ បារាំង ម្ចាស់ពាន World Cup 2018 ត្រូវបានគេចាត់ទុកជាអ្នកស្នងតំណែងវីរបុរស Ronaldo នៅទឹកដី Bernabeu ដ៏ពិតប្រាកដ បន្ទាប់ពីរូបគេបានតាមស្មើកំណត់ត្រាជាច្រើន ហើយមិនត្រឹមតែប៉ុណ្ណោះ ថែមទាំងមានស្ថិតិផ្ទាល់ខ្លួនល្អជាងនិមិត្តរូបរបស់គេទៀតផង ដោយគិតត្រឹមវ័យ ២៧ ឆ្នាំ។

គិតត្រឹមវ័យ ២៧ ឆ្នាំ Mbappe រកគ្រាប់បាល់បានចំនួន ៤១០ គ្រាប់ ការបញ្ជូន (assists) បានចំនួន ១៧៦ លើក ពីការបង្ហាញខ្លួនសរុបនៅលើទីលានចំនួន ៥៤៤ ប្រកួត។ ចំណែក Ronaldo វិញ រកគ្រាប់បាល់បានចំនួន ២៧២ គ្រាប់ និងការបញ្ជូន (assists) ១០៦ លើក ពីការបង្ហាញខ្លួនសរុបចំនួន ៥៣១ ប្រកួត។

គួរឱ្យដឹងថា Ronaldo ដែល​បច្ចុប្បន្នបានឈានចូលវ័យ ៤០ ឆ្នាំ កំពុងប្រកបអាជីពនៅលីគ Saudi Pro League របស់ អារ៉ាប៉ីសាអ៊ូឌីត។ ប្រធានក្រុមរបស់ក្រុមជម្រើសជាតិ ព័រទុយហ្គាល់ រូបនេះ កំពុងឈរជាកីឡាកររកបានគ្រាប់បាល់ច្រើនជាងគេបំផុតក្នុងពិភពលោក ដោយរកបានគ្រាប់បាល់សរុបបានលើស ៩៥០ គ្រាប់ហើយ៕

ប្រែសម្រួល៖ សេម កុសល
ប្រភព៖ Planet Football

The post មិនធម្មតា! គិតត្រឹមវ័យ ២៧ ឆ្នាំ Mbappe បានសាងស្ថិតិល្អជាងនិមិត្តរូប Ronaldo ដាច់ appeared first on Kampuchea Thmey Daily.

យោងតាមប្រភពពី Transfer Market បានបង្ហាញ ថា កីឡាករវ័យ ១៨ ឆ្នាំ Lamine Yamal បច្ចុប្បន្នមានតម្លៃ្លខខ្លួនខ្ពស់កប់ពពករហូតដល់ទៅ ២៣៥ លានដុល្លារអាមេរិក។ ដោយឡែកកីឡាករកំពូល ២ នាក់ទៀត រួមមាន Erling Haaland របស់ Manchester City និង Kylian Mbappe របស់ Real Madrid ក៏មានតម្លៃខ្លួន ២៣៥ លានដុល្លារអាមេរិកដូចគ្នាផងដែរ។

ខ្សែបម្រើរបស់ Real Madrid កីឡាករ Jude Bellingham ស្ថិតនៅលំដាប់លេខ ២ មានតម្លៃខ្លួន ១៨៨ លានដុល្លារអាមេរិក។ ខ្សែប្រយុទ្ធរ​បស់ Real Madrid កីឡាករ Vinicius Jr. ឈរនៅលំដាប់លេខ ៣ មានតម្លៃខ្លួន ១៧៦ លានដុល្លារអាមេរិក។

ចំណែក Pedri ខ្សែបម្រើរបស់ Barcelona និង Jamal Musiala របស់ Bayern Munich ស្ថិតនៅលំដាប់លេខ ៤ មានតម្លៃខ្លួន ១៦៤.៥ លានដុល្លារអាមេរិកដូចគ្នា។ រីឯ Bukayo Saka របស់ Arsenal និង Michael Olise របស់ Bayern Munich វិញ ស្ថិតនៅលំដាប់លេខ ៥ មានតម្លៃខ្លួន ១៥២.៧៥ លានដុល្លារអាមេរិកដូចគ្នា។

ក្នុងចំណោមកីឡាករបច្ចុប្បន្ន មានតម្លៃខ្លួនលើទីផ្សារលើស ១០០ លានដុល្លារអាមេរិក គឺមានតែ Lamine Yamal ម្នាក់ប៉ុណ្ណោះ ដែលមានវ័យក្មេងជាងគេ ពោលគឺមានអាយុត្រឹម ១៨ ឆ្នាំ។ ដោយឡែកកីឡាករផ្សេងៗទៀត គឺសុទ្ធតែមានអាយុចាប់ពី ២០ ឆ្នាំឡើងទៅ៕

អត្ថបទ៖ សេម កុសល

The post កំពូល​កីឡាករ ៣ នាក់ មាន​តម្លៃ​ផ្ទេរ​ ២៣៥​ លាន​ដុល្លារ​អាមេរិក​​ដូច​គ្នា​នា​ពេល​បច្ចុប្បន្ន​ appeared first on Kampuchea Thmey Daily.

ការប្រកួតសប្តាហ៍ទី ៥ នៃពានរង្វាន់ UCL នាយប់រំលងអាធ្រាត្រឈានចូលថ្ងៃ ព្រហស្បតិ៍ ទី ២៧ ខែ វិច្ឆិកា ឆ្នាំ ២០២៥ ក្រុមអធិរាជស Real Madrid បានយកឈ្នះលើក្រុម Olympiacos ក្នុងលទ្ធផលទាំងប្រផិតប្រផើយ ៤-៣។

គ្រាប់បាល់ ៣ គ្រាប់របស់ក្រុមម្ចាស់ផ្ទះ Olympiacos គឺរកបានដោយកីឡាករ Chiquinho នៅនាទីទី ៨, Mehdi Taremi នៅនាទីទី ៥២ និង Ayoub El Kaabi នៅនាទីទី ៨១។ ចំណែក ៤ គ្រាប់របស់ Real Madrid វិញ គឺរកបានដោយកីឡាករ Kylian Mbappe ទាំង ៤ គ្រាប់នៅនាទីទី ២២ ២៤ ២៩ និង ៦០។

តាមរយៈគ្រាប់បាល់ ៤ គ្រាប់យប់មិញនេះ បានធ្វើឱ្យ Mbappe ក្លាយជាកីឡាករទី ២ ក្នុងប្រវត្តិសាស្ត្រ Real Madrid ដែលរកបានគ្រាប់បាល់ ៤ គ្រាប់ក្នុងមួយប្រកួតនៅ UCL បន្ទាប់វីបុរស Ronaldo។ Ronaldo គឺជាកីឡាករដំបូងគេ ដែលបានបំបែកកំណត់ត្រា រកបានគ្រាប់បាល់ ៤ គ្រាប់ក្នុងមួយប្រកួតនៅ UCL ឱ្យ Real Madrid។

កំណត់ត្រានេះ ខ្សែប្រយុទ្ធសញ្ជាតិ ព័រទុយហ្គាល់ វ័យ ៤០ ឆ្នាំ ធ្វើបានកាលពីថ្ងៃ ទី ៨ ខែ ធ្នូ ឆ្នាំ ២០១៥ អំឡុងការប្រកួត Real Madrid យកឈ្នះលើក្រុម Malmo នៅទឹកដី Santiago Bernabeu ក្នុងលទ្ធផល ៨-០៕

ប្រែសម្រួល៖ សេម កុសល
ប្រភព៖ Bola VIP

The post Mbappe តាមស្មើកំណត់ត្រាវីរបុរស Ronaldo មួយទៀតហើយ ក្រោយស៊ុត៤គ្រាប់នៅ UCL យប់មិញ appeared first on Kampuchea Thmey Daily.

ជម្រើស ១១ នាក់ល្អបំផុតក្នុងពិភពលោករបស់ FIFPRO ២០២៥ ត្រូវបានប្រកាសជាផ្លូវការហើយ កាលពីថ្ងៃទី ចន្ទ ទី ៣ ខែ វិច្ឆិកា ឆ្នាំ ២០២៥។ Lamine Yamal គឺជាកីឡាករម្នាក់ បានជាប់នៅក្នុងជម្រើសនោះ។ រឿងដ៏ភ្ញាក់ផ្អើល គឺរូបគេបានក្លាយជាកីឡាករវ័យក្មេងបំផុត ដែលស្ថិតនៅក្នុងក្រុមនោះ ពោលគឺមានវ័យ ១៨ ឆ្នាំ ខណៈស្ថិតិនេះដែរ បានធ្វើឱ្យរូបគេបំបែកកំណត់ត្រា Mbappe កាលពីឆ្នាំ ២០១៨ ដែលពេលនោះមានវ័យ ១៩ ឆ្នាំ។

ខាងក្រោមនេះ ជាកីឡាករ ដែលឈ្នះពានជម្រើស ១១ នាក់ល្អបំផុតរបស់ FIFPRO ២០២៥៖

អ្នកចាំទី៖ Gianluigi Donnarumma (Paris Saint-Germain / Manchester City, អ៊ីតាលី)។

ខ្សែការពារ៖ Achraf Hakimi (Paris Saint-Germain, ម៉ារ៉ុក), Virgil van Dijk (Liverpool, ហូល្លង់) និង Nuno Mendes (Paris Saint-Germain, ព័រទុយហ្គាល់) ។

ខ្សែបម្រើ៖ Cole Palmer (Chelsea, អង់គ្លេស), Jude Bellingham (Real Madrid, អង់គ្លេស), Pedri (Barcelona, អេស្ប៉ាញ) និង Vitinha (Paris Saint-Germain, ព័រទុយហ្គាល់)។

ខ្សែប្រយុទ្ធ៖ Lamine Yamal (Barcelona, អេស្ប៉ាញ),  Kylian Mbappe (Real Madrid, បារាំង) និង Ousmane Dembele (Paris Saint-Germain, បារាំង)៕

ប្រែសម្រួល៖ សេម កុសល
ប្រភព៖ FIFPRO

The post Yamal បំបែកកំណត់ត្រា Mbappe ក្លាយជាកីឡា​ករក្មេងបំផុតជាប់ក្នុង FIFPRO ១១ នាក់ល្អបំផុត appeared first on Kampuchea Thmey Daily.