មិនធម្មតា! គិតត្រឹមវ័យ ២៧ ឆ្នាំ Mbappe បានសាងស្ថិតិល្អជាងនិមិត្តរូប Ronaldo ដាច់

ខ្សែប្រយុទ្ធរបស់ Real Madrid កីឡាករ Kylian Mbappe បានសាងស្ថិតិផ្ទាល់ខ្លួនល្អជាងនិមិត្តរូបរបស់គេកីឡាករ Cristiano Ronaldo ដាច់តែម្តង ដោយធៀបក្នុងវ័យ ២៧ ឆ្នាំដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Mbappe បានឈានចូលវ័យ ២៧ ឆ្នាំ កាលពីថ្ងៃទី ២០ ខែ ធ្នូ ឆ្នាំ ២០២៥ ខណៈអាជីពរបស់គេកំពុងស្ថិតនៅក្នុងដំណើរដ៏ជោគជ័យជាមួយក្រុមអធិរាជស Real Madrid។ កីឡាករ បារាំង ម្ចាស់ពាន World Cup 2018 ត្រូវបានគេចាត់ទុកជាអ្នកស្នងតំណែងវីរបុរស Ronaldo នៅទឹកដី Bernabeu ដ៏ពិតប្រាកដ បន្ទាប់ពីរូបគេបានតាមស្មើកំណត់ត្រាជាច្រើន ហើយមិនត្រឹមតែប៉ុណ្ណោះ ថែមទាំងមានស្ថិតិផ្ទាល់ខ្លួនល្អជាងនិមិត្តរូបរបស់គេទៀតផង ដោយគិតត្រឹមវ័យ ២៧ ឆ្នាំ។

គិតត្រឹមវ័យ ២៧ ឆ្នាំ Mbappe រកគ្រាប់បាល់បានចំនួន ៤១០ គ្រាប់ ការបញ្ជូន (assists) បានចំនួន ១៧៦ លើក ពីការបង្ហាញខ្លួនសរុបនៅលើទីលានចំនួន ៥៤៤ ប្រកួត។ ចំណែក Ronaldo វិញ រកគ្រាប់បាល់បានចំនួន ២៧២ គ្រាប់ និងការបញ្ជូន (assists) ១០៦ លើក ពីការបង្ហាញខ្លួនសរុបចំនួន ៥៣១ ប្រកួត។

គួរឱ្យដឹងថា Ronaldo ដែល​បច្ចុប្បន្នបានឈានចូលវ័យ ៤០ ឆ្នាំ កំពុងប្រកបអាជីពនៅលីគ Saudi Pro League របស់ អារ៉ាប៉ីសាអ៊ូឌីត។ ប្រធានក្រុមរបស់ក្រុមជម្រើសជាតិ ព័រទុយហ្គាល់ រូបនេះ កំពុងឈរជាកីឡាកររកបានគ្រាប់បាល់ច្រើនជាងគេបំផុតក្នុងពិភពលោក ដោយរកបានគ្រាប់បាល់សរុបបានលើស ៩៥០ គ្រាប់ហើយ៕

ប្រែសម្រួល៖ សេម កុសល
ប្រភព៖ Planet Football