តារាប្រុសស្រី ដែលជាគូស្នេហ៍ដ៏ល្បីល្បាញនេះ ក៏បានបង្ហោះរូបភាពយ៉ាងផ្អែមល្ហែម ទៅក្នុងបណ្ដាញសង្គមឲ្យអ្នកគាំទ្របានចូលរួមអបអរខួបអាពាហ៍ពិពាហ៍របស់ខ្លួនផងដែរ។ ទន្ទឹមនឹងនេះដែរ អ្នកគាំទ្រនាំគ្នាចូលខមិនអបអរសាទរគូស្វាមីភរិយានេះ ហើយព្រមទាំងបានសួរនាំថាកាលណាយកកូន ខណៈរៀបការបានមួយឆ្នាំហើយ។

ដោយឡែក Kimberley ធ្លាប់និយាយថា នាងពិតជាមានអារម្មណ៍រំភើប ដែលនឹងក្លាយជាម្ដាយគេ នាពេលអនាគត់នេះ ក៏ប៉ុន្ដែបច្ចុប្បន្ន ពួកគេទាំងពីរនាក់ មិនទាន់មានគម្រោងយកកូននៅឡើយនោះទេ ក៏ព្រោះតែមានការងារសិល្បៈមមាញឹកនៅឡើយ។

បើក្រឡេកមកមើលជីវិតគូស្នេហ៍ Mark និង Kim នេះ ហាក់ដូចជាមានសុភមង្គល​ គួរឲ្យច្រណែនមែនទែន ដោយពួកគេតែងតែបង្ហាញភាពផ្អែមល្ហែមទៅកាន់មហាជនជានិច្ច៕

ប្រភព៖ kimmy_kimberley

The post គម្រប់ខួបអាពាហ៍ពិពាហ៍១ឆ្នាំ Mark និង Kim សម្ងំអបអរតែ២នាក់យ៉ាងក្ដីសុខ appeared first on Kampuchea Thmey Daily.

កាលពីថ្ងៃទី១៩ ខែកុម្ភៈ តារាសម្ដែង Kimberly បានផ្តល់បទសម្ភាសន៍ដល់ទស្សនាវដ្តី Vogue Thailand រៀបរាប់ពីជីវិតក្រោយរៀបការក្នុងវ័យ ៣២ឆ្នាំ និងនិយាយអំពីស្វាមីជាទីស្រលាញ់ របស់នាងដោយឥតលាក់លៀមក្រោយរៀបមង្គលការយ៉ាងអធិកអធ័មរួចមក ជីវិតរបស់នាងស្រាប់តែប្រែប្រួលខុសមុនទ្វេរដង។ ស្វាមីរបស់នាងនាពេលនេះគឺជាតំបន់សុវត្ថិភាពរបស់នាង ហើយគាត់ប្រៀបដូចជាខ្នើយមួយក្នុងជីវិត ដែលជាប្រព័ន្ធគាំទ្រដល់នាងយ៉ាងខ្លាំងក្លា។

ជាមួយគ្នានេះដែរតួឯកស្រីក្នុងរឿង “វិថីស្នេហ៍កូនភ្លោះ” បានរៀបរាប់ទាំងញញឹមទៀតថា Mark ជួយនាងបង្ហាញអារម្មណ៍ពិតគ្មានលាកកំបាំងហើយពេលនេះនាងមាន​អារម្មណ៍​ថា ខ្លួនឯងមាន​ស្មារតី​រឹងមាំ​ជាងមុនគ្រប់យ៉ាងគឺដោយសារ​ស្វាមីនៅពីក្រោយ។ មិនថាមានបញ្ហាអី្វកើតឡើង ​ ឬចូលមកក្នុងជីវិតនោះទេ ប៉ុន្តែស្វាមីតែងតែឲ្យនាងមានអារម្មណ៍​គ្រប់យ៉ាងគឺ​មិន​អី​ទេ គាត់​បង្រៀន​យើងឲ្យមាន​អារម្មណ៍​ថា​អ្វីៗ​នឹង​មិន​អី​ទេ។ កន្លែងមួយទៀតគឺផ្ទះ! នៅផ្ទះមានអារម្មណ៍ថានេះជាកន្លែងរបស់ពួកយើង។

ទោះយ៉ាងណាក៏ដោយ Kimberly បានបង្ហើបជាចុងក្រោយនូវអាជីពសម្ដែងសព្វថ្ងៃ ដែលកំពុងតែមាមាញឹកខ្លាំងរកពេលសម្រាកគ្មាន។ ក្នុងនោះផងដែរ តារាសម្ដែងកូនកាត់រូបនេះប្រាប់ថា ​គម្រោង​ការងារ​ឆ្នាំ​នេះ នាងនឹង​ប្រឹងប្រែង​បន្ថែម​ទៀតខ្លាំងជាងមុន ខណៈដែលខ្លួនកំពុងតែទួល​យក​រឿង​ចំនួន២ ដែល​កំពុង​ស្ថិត​ក្នុង​ដំណើរការ​អភិវឌ្ឍន៍​ស្គ្រីប ឥឡូវនេះវាស្ថិតនៅក្នុងដំណាក់កាលរៀបចំ។ ស្របពេលដែលនាងនិងស្វាមី នៅតែធ្វើដំណើរទៅ​ក្រេប​ទឹកឃ្មុំ​យ៉ាងសប្បាយរីករាយ៕

អត្ថបទ៖ សាង ស្រីល័ក្ខ

ចុចអាន៖គ្រូបង្រៀនឡាវម្នាក់ ប្រាប់ Ice ឲ្យទៅស្លាប់ ក្រោយនាងបង្ហោះសាររិះគន់គ្រួសារខ្លួនឯង

The post ក្រោយរៀបការជិត៦ខែ Kimberly ថា ស្វាមីជាតំបន់សុវត្ថិភាព និងតែងតែគាំទ្រនាងយ៉ាងខ្លាំងក្លា appeared first on Kampuchea Thmey Daily.

អ្វីដែលកាន់តែចាប់អារម្មណ៍ខ្លាំងនោះគឺ Mark Prin និង Mint Chalida ធ្លាប់មាន​ជម្លោះ​ក្តៅ​គគុក​ជាមួយ​គ្នាមកជា​ច្រើន​ឆ្នាំ​​ហើយ។ ដែលនេះជាអ្វីធ្វើឲ្យទស្សនិកជនចាប់អារម្មណ៍នឹងវត្តមានរបស់នាង សុខៗលេចមុខមករឹតតែជាចម្ងល់យ៉ាងខ្លាំងថា តើវិវាទរបស់នាងបានដោះស្រាយរួចហើយឬយ៉ាងណា?

មិនឲ្យអ្នកគាំទ្រមានមន្ទិលច្រើន Nine Entertainment ដែលជាសារព័ត៌មានដ៏ល្បីប្រចាំប្រទេសថៃ​ បានធ្វើបទសម្ភាសន៍ដោយផ្ទាល់ជាមួយ Mark ដែលជាកូនកំលោះថ្មីថ្មោង ព្រមទាំងសួរសុខទុក្ខលោកពីមង្គលការ២ដងនេះថែមទៀតផង។

ទោះយ៉ាងណាក៏ដោយ មុនឈានដល់រឿងក្ដៅគគុកនោះ តារាសម្ដែង Mark បានប្រាប់ពីពិធីរៀប​ការរបស់លោកថាលោកពិតជាសប្បាយចិត្តខ្លាំង។ ដោយដំបូង​ឡើយមានការបារម្ភ​ខ្លាចបង្កកំហុសអចេតនាដល់ភ្ញៀវ។ ប៉ុន្តែ​ពេល​ចប់​គ្រប់​ប្រែជា​សប្បាយ​ចិត្ត ទោះហត់នឿយខ្លាំងយ៉ាងណា។

សម្រាប់ទីកន្លែងដែលលោកនាំភរិយាទៅក្រេបទឹកឃ្មុំ គឺគូនេះមានបំណងទៅប្រទេសនូវែលសេឡង់ និងបារាំងនៅឆ្នាំក្រោយ។ ដែល​ត្រូវ​រៀប​ចំ​អ្វី​គ្រប់​យ៉ាង​ឲ្យ​មាន​របៀប​រៀបរយ​ទាំង​ព្រឹត្តិការណ៍​រឿង​ភាគ​មុន​នឹង​ទៅ​។​ អាចថា​ទៅ​យូរ​ហើយ​ខ្លាច​ទស្សនិកជនភ្លេចមុខ។ ប៉ុន្តែ​នៅ​មាន​ស្នាដៃ​ដែល​បាន​ថត​ហើយ ​គ្រាន់តែមិន​ទាន់​បាន​បង្ហាញ​ជូនតែប៉ុណ្ណោះ។

ចំណែក​រឿងដែល Mint Chalida ទៅ​ចូល​រួម​មង្គល​ការ​របស់លោក ថា​ជា​រឿង​ធម្មតាប៉ុណ្ណោះ។ ទាំង Mark និង Mint​ ទាំងអស់គ្នាបានឆ្លងកាត់យ៉ាងច្រើននៅរឿងជូរចត់ ហើយពេលនេះពួកគេបានសម្រេចចិត្តជម្រះបញ្ហារៀងៗខ្លួន។

Mark Prin បានបញ្ចាក់ច្បាស់ៗថា “អ្វីគ្រប់យ៉ាងដែលពួកយើងនៅសេសសល់ យើងគួរបោះបង់វាចោល​ យើង​គួរតែដើរ​ទៅ​មុខ​ហើយ​មិនចាំបាច់ត្រូវ​ងាក​ក្រោយ​ទេ។​ វា​គ្រប់គ្រាន់​ហើយ!​ យើង​សប្បាយ​ចិត្ត​ ដែលយើងទាងពីរ​បាន​ដោះ​សោបញ្ហារាប់សិបឆ្នាំនេះរួចរាល់។ យើង​មិន​ចង់​និយាយ​អំពី​រឿង​ដែល​បាន​កើត​ឡើង​ពី​មុន​ទេ។ វាគ្រាន់តែជាអតីតកាល ហើយយើងមិននៅទីនោះទៀតទេ។ ក្នុងពេលបច្ចុប្បន្ននេះទាំងខ្ញុំនិង Mint គឺល្អបំផុតហើយ”៕

ប្រែសម្រួល៖ សាង ស្រីល័ក្ខ

ប្រភពៈkapook

ចុចអាន៖លេចមុខ Mint ចូលរួមមង្គលការ Mark-Kim ក្រោយល្បីថាមានជម្លោះនឹងគ្នាជាយូរ

The post Mark ប្រាប់អារម្មណ៍ពិត ក្រោយ Mint មកពិធីរៀបការ​ យល់ព្រមបញ្ចប់ជម្លោះ​ក្តៅ​គគុករាប់សិបឆ្នាំ appeared first on Kampuchea Thmey Daily.

គូស្នេហ៍ទីមួយ គឺតារាសម្ដែងសិចស៊ី Pu Praya និងមិត្តប្រុសជាអ្នកជំនួញវ័យក្មេងក្រៅវិស័យសិល្បៈ ដែលពួកគេបានស្គាល់គ្នាមក ១២ ឆ្នាំ និងរៀបអាពាធ៍ពិពាធ៍លើទឹកដីនៃសហរដ្ឋអាមេរិក។ ព្រឹត្តិការណ៍នេះ មានកំពូលតារាស្រី Chompoo Araya ធ្វើដំណើរទៅចូលរួមផងដែរ។ ត្បិតថាពិធីនេះគឺសាមញ្ញ តែបានបង្ហាញថាវាមានកក់ក្តៅខ្លាំងបំផុត។

ចំណែកគូស្នេហ៍ទី២ Mark Prin-Kimberly ដែលបានរៀបចំពិធីមង្គលការនៅប្រទេសថៃម្តងទៀត និងបានអញ្ជើញភ្ញៀវរាប់ពាន់នាក់ ហើយក៏ផ្តល់ឱកាសឱ្យអ្នកគាំទ្រសំណាងចំនួន ១០០ នាក់បានចូលរួមក្នុងពិធីមង្គលការលើកនេះផងដែរ។កាន់តែពិសេសទៀតនោះក្នុងពិធីគូស្នេហ៍មួយគូនេះក៏លេចវត្តមាន Mint Chalida មកចូលរួមបង្ហាញការភ្ញាក់ផ្អើលយ៉ាងខ្លាំង។

ចំណែកគូស្នេហ៍ទីបីគឺ Teeratep Winothai​ អតីតកីឡាករបាល់ទាត់ជម្រើសជាតិថៃ បានចាប់ដៃគ្នាជាមួយមិត្តស្រី Fiat ឬ Apisararat Jiradechphong ដែលជាមហាសេដ្ឋីជំនួញសម្រស់។ ពិធីមង្គលការដ៏សប្បាយរីករាយមួយ នេះក៏បាន​បង្ហើប​ថា កូនកំលោះកូនក្រមុំចង់​បាន​អ្នក​ស្នង​ភ្លាមៗផងដែរ៕

ប្រែសម្រួល៖ សាង ស្រីល័ក្ខ

ចុចអាន៖លេចមុខ Mint ចូលរួមមង្គលការ Mark-Kim ក្រោយល្បីថាមានជម្លោះនឹងគ្នាជាយូរ

The post ម្សិលមិញ ​ ​តារា​ថៃ៣គូ​ រៀបពិធី​មង្គលការព្រមគ្នាក្នុងថ្ងៃតែមួយ appeared first on Kampuchea Thmey Daily.

ក្នុងពិធីរៀបការរបស់តារាសម្ដែងប្រចាំប៉ុស៍លេខ៣នេះ​ មានទាំង​មិត្តភ័ក្តិ​ជិតស្និតនិង​អ្នកក្រៅរង្វង់សិល្បៈ​កម្សាន្ត​ព្រមទាំងមហាជន​ចូល​រួម​​យ៉ាង​ច្រើន​កុះករ។ តួយ៉ាង តារាស្រីវ័យក្មេង Mint Chalida និងអ្នកគ្រប់គ្រងកំពូល A Supachai ក៏បានមកចូលរួមអបអរសាទរគូស្នេហ៍ថ្មីថ្មោងផងដែរ។ មុន​ពេល​មាន​ការ​ថត​ជា​មួយ​គ្នា ទាំងកូនកំលោះនិងកូនក្រមុំបានជជែកជាមួយគ្នាដោយបង្ហាញស្នាមញញឹមពព្រាយ។

តាមរយៈរូបភាពប៉ុន្មានសន្លឹកនោះដែរវាបានបង្ហាញពីពេលវេលាមួយដែលកម្រឃើញបំផុតរបស់តារារួមទ្រនំប៉ុស៍លេខ៣ជាមួយគ្នា។លើសពីនេះទៀតសោតរូបភាពរបស់អ្នកទាំង៣ត្រូវបានចាត់ទុកថាជាពេលវេលាដ៏គួរឲ្យចាប់អារម្មណ៍មួយផ្សេងទៀតនៅក្នុងព្រឹត្តិការណ៍នេះផងដែរ។

មិនត្រឹមប៉ុណ្ណឹងនោះទេ តារាសម្ដែង Mint Chalida ក៏បានបង្ហោះរូបភាពតាមរយៈ IG ផ្ទាល់ខ្លួនអមជាមួយនឹងចំណងជើងយ៉ាងកក់ក្ដៅថា​​ “អបអរសាទរអ្នកទាំងពីរ #MarkKimThewedding”

ដោយឡែកងាកទៅ A Supachai អតីតអ្នកគ្រប់គ្រងផ្ទាល់ខ្លួនរបស់ Mark ហើយ​ត្រូវ​បាន​គេ​ចាត់​ទុក​ថា​ជា​អ្នក​ដឹក​នាំ​តារាសម្ដែងរូបនេះឲ្យ​ចូល​ក្នុង​វិស័យ​កម្សាន្ត បានសរសេរសារអបអរសាទរ Mark-Kim តាមរយៈ Instagram ផ្ទាល់ខ្លួនរបស់គាត់ថា “សូមអបអរសាទរចំពោះប្អូន Mak និងប្អូន Kim ថ្ងៃនេះជាថ្ងៃដ៏រីករាយសម្រាប់អ្នកទាំងពីរ។ បង A បានឃើញអ្នកទាំងពីរតាំងពីថ្ងៃដំបូង គ្រប់រឿង រហូតដល់ថ្ងៃពិសេសរបស់ប្អូនៗ ដែលបង A ទន្ទឹងមកជាយូរហើយ។

ទោះយ៉ាងណាក៏ដោយ ក្នុង​ព្រឹត្តិការណ៍​នេះ អ្នកគាំទ្រ​ចាប់អារម្មណ៍ធំបំផុតគឺចំពោះតែ Mint Chalida និង Mark-Prin ប៉ុណ្ណោះ! ព្រោះកន្លងមកមានពត៌មានអំពីរអ្នកទាំងពីរថាមិនត្រូវគ្នា ហើយកាលណោះក៏លេចឮចចាមអារ៉ាមថា Mint តាមស្រលាញ់ Mark ថែមទៀតផង។ រហូតធ្វើឲ្យមានជម្លោះកើតឡើងរវាងអ្នកទាំងបី ចាប់តាំងពីពេលនោះមក៕

ប្រែសម្រួល៖ សាង ស្រីល័ក្ខ

ចុចអាន៖Lisa រៀបរាប់រឿងរ៉ាវមួយចំនួន ក្រោយឪពុកអញ្ជើញមកទឹកដីកម្ពុជា

The post លេចមុខ Mint ចូលរួមមង្គលការ Mark-Kim ក្រោយល្បីថាមានជម្លោះនឹងគ្នាជាយូរ appeared first on Kampuchea Thmey Daily.

តាមរយៈ Instagram ផ្ទាល់ខ្លួនតារាសម្ដែងកូនកាត់រូបនេះ បានសម្រេចតុបតែងខ្លួនជាព្រះនាង Aphrodite ដែលជាព្រះក្រិកនៃសេចក្ដីស្រឡាញ់ និងភាពស្រស់ស្អាត។ ចំណែកឯស្វាមីរបស់នាងតុបតែងជាព្រះ Ares ជាព្រះនៃសង្រ្គាមរួម​ជាមួយ​ការ​សរសេរ​ចំណង​ជើង​ថា “ស្នេហា​ជា​កម្លាំង​ដ៏​មាន​ឥទ្ធិពល​បំផុត​ក្នុង​លោក” Ares & Aphrodit”។

ក្នុងរូបភាពប៉ុន្មានសន្លឹកជាមួយស្វាមីផងដែរ Kimberly បានបញ្ចេញដើមទ្រូងដ៏ស្រស់ស្អាតសាច់សខ្ចីអង្គុយលើភ្លៅរបស់ Mark Prin ដោយចោលកែវភ្នែកដ៏សិចស៊ីមកកាន់កាំម៉េរា។

មិនត្រឹមប៉ុណ្ណឹងនោះទេ ក្នុងនោះក៏មានរូបភាពតែឯងរបស់ Kimberly កាច់រាងបញ្ចេញរាងល្វន់ល្វន់ឲ្យដូចតួអង្គពិតៗ រហូតធ្វើឲ្យទស្សនិកជនចូលមកបញ្ចេញមតិសរសើរ ពីការតុបតែងខ្លួនរបស់គូស្នេហ៍ថ្មីថ្មោងព្រាត៕

ប្រែសម្រួល៖ សាង ស្រីល័ក្ខ

ចុចអាន៖តារាថៃ Pancake បញ្ចេញសម្រស់ក្នុងឈុត​អាពាហ៍ពិពាហ៍ លើទឹកដីកម្ពុជា

The post Halloween ឆ្នាំនេះ ប្ដីប្រពន្ធ Mark -Kim ប្រែក្លាយទៅជាព្រះក្រិកដ៏សិចស៊ី appeared first on Kampuchea Thmey Daily.

មួយរយៈចុងក្រោយនេះ Mark Prin បានបង្ហោះសារដ៏វែងអន្លាយក្នុងថ្ងៃគម្រប់ខួប១០ឆ្នាំ ដែលតារាប្រុសរូបនេះ​ផ្ដើមស្រលាញ់ Kimberly ដំបូង រហូតអ្នកទាំងពីរឈានដល់ថ្ងៃមង្គការ​ជាមួយគ្នា ​នៅ​ឯ​ប្រទេសអ៊ីតាលី។

តាមរយៈបណ្ដាញ​សង្គម​ផ្ទាល់ខ្លួន Mark Prin បានបង្ហោះសារអមនឹងរូបភាព​គូស្នេហ៍​លាយឡំ​គ្នា​ដោយ​សរសេរថា “ថ្ងៃដ៏សំខាន់បំផុតក្នុងជីវិត, ថ្ងៃដែលមនុស្សដែល​យើង​ស្រលាញ់ និងមនុស្សដែលស្រលាញ់យើងមកជាមួយគ្នា។, ថ្ងៃ​រីករាយបំផុត។ យើងបានឆ្លងកាត់មកជាមួយគ្នា ទទួលបានបទពិសោធន៍ផ្អែមល្ហែម ឈឺចាប់ ចត់ និងល្វីងលាយឡំគ្នា។
ហើយទីបំផុត ពួកយើងបានមកដល់ថ្ងៃនេះជាមួយគ្នា។ អរគុណអូនសំឡាញ់ និងមនុស្សជុំវិញ រួមទាំងអ្នកគាំទ្រដែលគាំទ្រស្នេហាពួកយើង។ វាជាការលើកទឹកចិត្ត ពរជ័យ និងរឿងល្អនឹងកើតឡើងក្នុងថ្ងៃនេះនិងទៅខាងមុខ។ នេះ​មិន​មែន​ជា​រឿង​ភាគ​ទេ ហើយ​ក៏​មិន​ចប់​ដែរ។ ជំពូកថ្មីក្នុងជីវិតរបស់ខ្ញុំជាមួយភរិយារបស់ខ្ញុំ វា​នៅ​តែ​បន្ត​និង​បន្ត​កើត​ឡើង”។

យ៉ាងណាមិញ បន្ទាប់ពីអ្នកគាំទ្របានចូលអានសារផ្អែមមុតរបស់តារាសម្ដែង Mark Prin សរសេរអបអរខួបនៃការស្គាល់គ្នាជាង១០ឆ្នាំ រហូតឈានដល់ថ្ងៃមង្គលការ។ ទស្សនិកជនជាច្រើនបានសម្រុកចូលទៅបញ្ចេញ​មតិ​ពោលសរសើរ​លើរូបលោកថា មិនថាប៉ុន្មានឆ្នាំ​កន្លងផុត​ទៅ លោក​នៅតែមាន​ស្នេហាផ្អែមល្ហែមជាប់ជានិច្ចជាមួយគូស្នេហ៍។ នេះហើយ ដែលជាស្នេហ៍ពិត និងជានិរន្តរ៍ដែលខាងស្រីទទួលបាន អស់រយៈណពេលយូរឆ្នាំហើយ៕

ប្រែសម្រួល៖ សាង ស្រីល័ក្ខ

ចុចអាន៖ភាពយន្ត “No More Bets” មិនត្រឹមប៉ះដល់កម្ពុជា, មីយ៉ាន់ម៉ា, និងថៃ ទេ តែធ្វើឲ្យចិនលែងហ៊ានមកអាស៊ាន

The post Mark Prin បង្ហោះសារអបអរគម្រប់ខួប១០ឆ្នាំ នៃថ្ងៃផ្ដើមស្រលាញ់ Kimberly ដំបូង appeared first on Kampuchea Thmey Daily.

ទោះយ៉ាងណាក៏ដោយ ​ពិធីនេះមិនទាន់ចប់ទេ ព្រោះទាំង Mark និង Kim បានឆ្លៀតឱកាសជួបជុំ​មិត្តភ័ក្តិ និងក្រុមគ្រួសារយ៉ាងកក្រើក ហើយរៀបចំដំណើរកម្សាន្តបន្ត។ វា​ជា​កន្លែង​សម្រាក​លំហែកាយ​ បន្ទាប់​ពី​ការ​រៀបចំ​ដ៏​លំបាក​អស់​រយៈពេល​មួយ​ឆ្នាំ។

រាល់រូបភាពនៃសកម្មភាពពិសេសៗទាំងនោះ Mark បានបង្ហោះជាវីដេអូ​ឃ្លិបតាមរយៈ TikTok ដោយបង្ហាញឲ្យឃើញគូស្នេហ៍​ទើប​រៀបការ​ថ្មីថ្មោង​នេះ បានទទួល​ភារកិច្ច​​នាំ​គ្នា​ទៅ​ធ្វើ​សកម្មភាព​ជា​ក្រុម ​ដើម្បី​ពង្រឹង​ទំនាក់ទំនងជាមួយគ្រួសារទាំងសងខាងឲ្យកាន់តែស្អិតរមួតលើសមុន។

យ៉ាងណាមិញ អ្នក​​អ្នក​គាំទ្រ និង​មិត្ត​រួម​អាជីព​ក្នុង​វិស័យ​សិល្បៈ​បាន​សម្ដែង​ការបញ្ចេញ​មតិ​ថា ពិតជា​ច្រណែន​នឹង​ស្នេហា​របស់​គូស្នេហ៍​មួយ​គូ​នេះ។ ពួកគេ​បាន​សម្តែង​ការ​កោតសរសើរ និង​ជូនពរ​ឲ្យពួកគេ​ទាំងពីរ​ក្លាយជា​គ្រួសារ​ដ៏​ល្អឥតខ្ចោះ​ជា​រៀងរហូត​៕

ប្រែសម្រួល៖ សាង ស្រីល័ក្ខ

ចុចអាន៖ពាក្យចចាមអារ៉ាម Aum និង​បុរសដែលនាងថាជាមិត្តស្និទ្ធស្នាលផ្ទុះឡើងម្ដងទៀត

The post ​ក្រោយ​ក្លាយ​ជា​ប្ដី​ប្រពន្ធ​ពេញ​ច្បាប់ ​គូស្នេហ៍​ថ្មីថ្មោង Mark-Kim កាន់តែមានសុភមង្គល appeared first on Kampuchea Thmey Daily.