ជីវិតកម្សាន្ដ

តារាថៃ Pancake បញ្ចេញសម្រស់ក្នុងឈុតអាពាហ៍ពិពាហ៍ លើទឹកដីកម្ពុជា

បានផុស

៩ ខែ មុន

នៅ

ថ្ងៃអង្គារ ៣១ តុលា ២០២៣

ដោយ

តារាសម្ដែងនិងម៉ូដែល Pancake Khemanit ទើបតែមកដល់ប្រទេសកម្ពុជាកាលពីម្សិលមិញនេះ ក្រោមការស្វាគមន៍យ៉ាងកក់ក្ដៅពីសំណាក់អ្នកគាំទ្រខ្មែរ ខណៈដែលមកលើកនេះនាងបានបញ្ចេញសម្រស់ក្នុងឈុតអាពាហ៍ពិពាហ៍យ៉ាងភ្លឺឆ្វាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម IG របស់នាងផ្ទាល់បានបង្ហោះពីសកម្មភាពមួយចំនួនធំក្នុងប្រទេសកម្ពុជា ដើម្បីចូលរួមដើរម៉ូដក្នុងឈុតកូនក្រមុំយ៉ាងស្រស់ស្អាត អមនឹងសំណេរបែបកំប្លែងថា “បានឈុតស្អាត តែត្រូវតែរត់ឲ្យលឿនបំផុត! ការងារដែលយើងស្រឡាញ់មានបញ្ហាប្រឈមរាល់ថ្ងៃ។ អរគុណអ្នករចនាទាំងអស់ ជាទីគោរពផងដែរ”!

ក្នុងនោះផងដែរ តារាសម្ដែងជួរមុខរូបនេះថែមទាំងបញ្ចាក់ទីតាំងដែលនាងត្រូវចូលរួមពីក្រោមទៀតថា ‘Back Stage Fashion Show in Phnom Penh with 10 brands from Thai Designer, រួមទាំងគំរូដ៏អស្ចារ្យជាមួយនឹងទីតាំងដ៏ស្រស់ស្អាតនៅក្នុងទីក្រុងភ្នំពេញ។ វាជាកិត្តិយសមួយដែលបានក្លាយជាផ្នែកមួយនៃកម្មវិធីនេះ។’

ក្រៅពីអាជីពសម្តែង Pancake ក៏តែងតែកើបប្រជាប្រិយភាពនៅក្នុងកម្មវិធីដើរបង្ហាញម៉ូដ និងការថតរូបជាមួយនឹងរូបរាងកាយដ៏ល្អឥតខ្ចោះរបស់នាងគ្រប់ពេលបង្ហាញវត្តមាន ដែលនេះសក្តិសមនឹងតំណែងជាតារាម៉ូដែល Thai Supermodel 2004 ពិតៗ ។

សូមបញ្ចាក់ដែរថា នេះមិនមែនជាលើកទីមួយនោះទេដែល Pancake Khemanit មកដល់ទឹកដីនៃកម្ពុជា។ កន្លងមកនាងតែងតែចេញចូលដោយតបតាមការអញ្ញើញរបស់ថ្នាក់ដឹកនាំធំៗ ជាពិសេសគឺអ្នកជំនួញទ្រព្យនៅស្រុកខ្មែរ ក៏ធ្លាប់បង្ហាញវត្តមាននាងក្នុងពិធីរៀបការរបស់ពួកគេផងដែរ៕